tottenham

Skriniar.png
Vladimir Prenga14:18 | 26/02/2020

Interi i hedh sytë sërish në Angli, aty ku ka një objektiv për qendrën e mbrojtjes. Belgu Jan Vertonghen del lojtar i lirë në verë dhe deri më tani nuk ka një marrëveshje me Tottenham, skuadër që kohët e fundit po e aktivizon pak 32-vjeçarin. Pas tetë vitesh në Londër ai e mendon një eksperiencë të re.

Ajax është dëshira e lojtarit për të mbyllur karrierën, por ndërkohë e josh një aventurë tek Interi. Aty do të gjente Christian Eriksen, që kaloi nga Tottenham te zikaltrit, si dhe sulmuesin Romelu Lukaku, shok në kombëtaren belge.

 

Jan Vertonghen

Mourinho do e donte në skuadër Vertonghen, por bisedimet për rinovimin e kontratës kanë ngecur. Interi është vënë në lëvizje, teksa ka nisur kontaktet e para dhe kërkon të shtojë transferimet nga Anglia drejt Serie A.

Më parë, veç Lukaku e Eriksen, zikaltrit kanë transferuar nga Premier League edhe Victor Moses dhe Ashley Young. Vertonghen do të ishte një alternativë e mirë për Conte, ndërkohë që Interi mund të humbasë Milan Skriniar, pasi për të ka oferta të shumta nga klubet e mëdha europiane. /abcnews.al

Mourinho-1-e1576183898668.jpg
Igli Nikolli19:42 | 25/02/2020

Lojtarë të ndryshëm ndodhen në vitin e fundit të kontratës me Chelsea dhe një prej tyre është Willian. Braziliani e ka shprehur publikisht dëshirën e tij për të vazhduar të jetë pjesë e skuadrës së Lampard.

Braziliani ofensiv mori disa kohë më parë nënshtetësinë britanike dhe familja e tij ndodhet për mrekulli në Londër. Gjithsesi, drejtuesit e “Bluve të Londrës” nuk po kujtohen për t’i ofruar rinovimin 31-vjeçarit.

Nga kjo situatë po tenton të përfitojë Tottenham. Mediat ishullore raportojnë se Jose Mourinho po bën çmos të bindë Willian. Të dy kanë punuar më parë te Chelsea dhe transferimi te Spurs i siguron lojtarin qëndrimin në Londër. /abcnews.al

 

Mourinho dhe Willian
crouch.jpg
Klejdi Kaimi23:24 | 22/02/2020

Ditën e martë ish-sulmuesi i kombëtares angleze, Peter Crouch, ka mbetur i befasuar nga një telefonatë që ka marrë. 39-vjeçari e ka zyrtarizuar largimin nga futbolli i luajtur, por oferta e fundit mund ta tundojë. Ka qenë trajneri i Tottenham, Jose Mourinho, ai që e ka telefonuar sulmuesin pikërisht një ditë përpara sfidës në Champions kundër Leipzig.

“Mendoja se më telefoni gruaja ime, e cila po ndiqte BRIT Awards. Ishte një numër i panjohur dhe kur e hapa ishte Jose. Më kërkoi nëse mund të shkoja për të zgjidhur problemet e sulmit te Tottenham. A je gati më tha”, deklaron Crouch duke zbuluar bisedën me Mourinhon.

Tottenham po kalon një moment jo të mirë në repartin e sulmit, ku Kane dhe Son janë të dëmtuar. Londinezët e humbën takimin e parë 0-1 kundër gjermanëve të Leipzig dhe tashmë të gjitha shpresat janë në takimin e kthimit. Trajneri portugez mesa duket kërkon të bëjë të njëjtën gjë që bëri dhe Barcelona, e cila zëvendësoi Dembelen e dëmtuar me një lojtar nga i njëjti kampionat. /abcnews.al

 

 

Chelsea.jpg
Igli Nikolli15:22 | 22/02/2020

Chelsea reagoi pas humbjes me Manchester United dhe u rikthye te fitorja në kampionat pas katër ndeshjesh. Skuadra e Frank Lampard fitoi derbin e Londrës ndaj Tottenham dhe siguroi tre pikë të arta për objektivin Champions League.

Oliver Giroud dhe Marcos Alonso nuk janë aktivizuar shumë këtë sezon dhe sot shënuan dy gola me peshë. Francezi zhbllokoi shifrat në minutën e 15-të, ndërsa mbrojtësi spanjoll dyfishoi në fillimin e pjesës së dytë.

Pa vlerë autogoli i gjermanit Rudiger një minutë përpara fundit të takimit. Rikthim i hidhur në “Stamford Bridge” për Jose Mourinhon dhe Tottenhami i tij humbi mundësinë për t’iu afruar vendit të katërt. Diferenca me këtë pozicion që mbahet nga Chelsea ka shkuar në 4 pikë, por gara për një vend në Champions vazhdon të jetë e fortë. /abcnews.al

Chelsea-Tottenham 2-1
(Giroud 15′, Alonso 48′ / Rudiger (aut) 89′)

Alonso-e1582378858362.jpg
Igli Nikolli14:36 | 22/02/2020

Teksa pritej reagimi i Tottenham, Chelsea ka shënuar golin e dytë. Djemtë e Lampard kanë dyfishuar rezultatin në minutën e katërt të pjesës së dytë. Autori i golit është Marcos Alonso.

Zbritje e bukur e vendasve dhe spanjolli lëshon një diagonale të saktë me të majtën, Topi në rrjetë dhe festë në “Stamford Bridge”. Përveçse derbi, kjo ndeshje është shumë e rëndësishme edhe për vendin e katërt dhe Chelsea është shumë afër marrjes së tre pikëve. /abcnews.al

Giroud-1-e1582375786663.jpg
Igli Nikolli13:46 | 22/02/2020

Oliver Giroud kishte kohë që nuk niste një ndeshje si titullar me Chelsea. Frank Lampard ka zgjedhur francezin në majë të sulmit për derbin ndaj Tottenham dhe kampionit të botës i kanë mjaftuar 15 minuta për të shënuar.

Goditje të njëpasnjëshme të “Bluve të Londrës” dhe Giroud ia del më në fund të mposhtë patriotin Lloris. Kjo është një sfidë shumë e rëndësishme për objektivin Champions dhe Chelsea ka hedhur një hap drejt tre pikëve. /abcnews.al

Mourinho-1-e1576183898668.jpg
Igli Nikolli23:23 | 21/02/2020

Tottenham ka një shans të artë nesër në drekë. Skuadra e Jose Mourinhos do të përballet me Chelsea në “Stamford Bridge” dhe një fitore i dërgon në vend të katërt. Derbi pritet të jetë i fortë si gjithmonë dhe tepër i luftuar. Portugezi do të rikthehet në një stadium ku ka arritur suksese të mëdha, por tashmë nuk i bën më përshtypje diçka e tillë.

Është vetëm një ndeshje, nuk ka asgjë të veçantë në këtë mes. Unë jam një profesionist, si gjithmonë do të jap 200%. E vetmja gjë ndryshe është që në fund të ndeshjes mund të kthehem në shtëpi në këmbë, por nuk do ta bëj. Do të kthehem me futbollistët e mi.

Vendi i katërt? Do të ishte një rezultat i jashtëzakonshëm për djemtë e mi. Ky sezon ka qenë veçanërisht negativ prej dëmtimeve të Kane dhe Son, të cilët kanë shënuar pjesën dërrmuese të golave tonë“, përfundon Mourinho. /abcnews.al

Lloris.jpg
Igli Nikolli17:33 | 20/02/2020

Tottenham dështoi në ndeshjen e parë të raundit të 1/8 të Champions League përballë Leipzig. Skuadra e Jose Mourinhos u mposht 0-1 në Londër, por çështja e kualifikimit nuk është mbyllur akoma.

Kapiteni i skuadrës, Hugol Lloris tregohet optimist në prononcimin e dhënë për BT Sport. Portieri 33-vjeçar niset nga loja e mirë në 20 minutat e fundit dhe paralajmëron gjermanët se ai dhe shokët e tij do të japin gjithçka në ndeshjen e ardhshme.

Dua të jem pozitiv, sidomos pas asaj që treguam në 20 minutat e fundit të ndeshjes. Rezultati nuk ishte aspak pozitiv, por kemi ende shanse për të përmbysur gjithçka në Gjermani. Leipzig ka cilësi në skuadër, por ne nuk duhet të kapemi te justifikimet. Duhet të jemi gati për të luftuar në ndeshjen e kthimit“, komenton Hugol Lloris. /abcnews.al

mou.jpg
Vladimir Prenga10:56 | 20/02/2020

Jose Mourinho nuk ka duruar dot gjatë konferencës për shtyp pas ndeshjes me RB Leipzig. Trajneri portugez i Tottenham ka reaguar keq pas një pyetjeje që i është bërë nga njëri prej gazetarëve dhe është larguar, pasi e ka konsideruar pyetje si “pa lidhje”.

Gazetari: Sonte, ishte Tottenham në një ditë të keqe apo ishte RB Leipzig një skuadër që u paraqit mirë?
Mourinho: Më fal!

Zëdhënësi për shtyp: Ai tha, ishte Tottenham keq, apo RB Leipzig ishte mirë?
Mourinho: Ju mendoni se ne ishim keq?

Gazetari: Epo rezultati thotë që ju keni humbur në shtëpi…
Mourinho: OK. Atëherë nuk po ju jap një përgjigje, sepse nuk më pëlqen pyetja juaj. Mendoj se pyetja juaj nuk është e rregullt. Mirupafshim djema. Pyetje e bukur shoku. /abcnews.al

Jose Mourinho loses it with reporter

Jose Mourinho lost it with a reporter in his post-match press conference last night. 🤬

Gepostet von The Sun Football am Donnerstag, 20. Februar 2020

reagimi-i-dele-alli-1280x921.jpg
Vladimir Prenga09:13 | 20/02/2020

Tottenham u mposht një ditë më parë nga RB Leipzig dhe londinezët duhet të fitojnë në Gjermani që të kualifikohen në raundin tjetër të Champions League. Në takimin e djeshëm pati edhe një reagim jo të mirë të Dele Alli, i cili nuk e priti mirë zëvendësimin.

Ai e shprehur me gjestet e bëra në stol, teksa përplasi në tokë një shishe uji dhe më pas edhe takat e tij. E gjitha kjo nuk kaloi pa u vënë re, ndërkohë që pas ndeshjes u pyet edhe trajneri Jose Mourinho. Portugezi e kishte gati përgjigjen.

“Mendoj se ai ishte i inatosur me paraqitjen e tij dhe jo me mua. Ai e di pse e hoqa dhe pas zëvendësimit ekipi u përmirësua”, është shprehur trajneri i Tottenham, në konferencën e zakonshme për shtyp pas ndeshjes. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono