Torino

ITALI-ARRATISJA.mpg_snapshot_00.05-1280x720.jpg
G. P.13:37 | 02/08/2018

Duke përfituar nga leja që i ishte dhënë nga burgu, një 45 vjeçar shqiptar në Torino është arratisur pa lënë gjurmë, pasi plagosi me thikë kunatin e tij egjiptian. Tashmë ai akuzohet dhe për vrasje të mbetur në tentativë.

Një i burgosur shqiptar 45 vjeç, ka përfituar nga leja dhe nuk ëshët kthyer më në qeli. Pasi ka plagosur me thikë kunatin e tij egjiptian ai është arratisur pa lënë gjurmë.

Ai ishte punësuar përkohësisht në një firmë në provincën e Monkalierit. Mbrëmjen e të martës ai nuk u rikthye në qeli por shkoi në shtëpinë e kunatit të tij egjiptian në periferinë jugore të Torinos. Si pasojë e një debati i burgosuri qëlloi kunatin e tij me thikë duke e lënë të plagosur. Tashmë ai akuzohet dhe për vrasje të mbetur në tentativë.

Ndërkaq në Itali kanë nisur debatet për shkak të lehtësisë për dhënien e lejeve të të burgosurve që konsiderohen si një rrezik për shoqërinë./abcnews.al

anxhela-mecani-1.jpg
G. P.15:18 | 29/06/2018

Trupi i 21-vjeçares, Anxhela Meçani, e cila dyshohet se është vrare në Itali ka mbërritur në Shqipëri. Familjarët e saj kërkojnë dënimin e autorit dhe zbardhjen e krimit.

Paraditen e së premtes ka mbërritur trupi i pajetë i Anxhela Meçanit pranë familjes në fshatin Baltëz të Fierit. 21-vjeçarja humbi jetën Torino të Italisë në fillim të këtij muaji. Mes lotëve e dhimbjes, familjarët falenderuan të gjithë ata që kontribuan për sjelljen në shtëpi të trupit të vajzës. Të afërmit e viktimës kërkojnë zbardhjen e ngjarjes.

“Deri në organet më të larta do ta ndjek ccështjen, derisa të marrë drejtësi”.

Sipas mediave italiane, nga autopsia rezultoi se e reja përpara se të hidhej nga makina nuk është dhunuar nga ndonjë person. Megjithatë hetimet vazhdojnë për zbardhjen e  rrethanave dhe motivit pse u vra 21-vjeçarja, Anxhela Meçani./abcnews.al

anxhela-mecani.jpg
G. P.09:32 | 16/06/2018

Në Itali një 63-vjeçar italian u ndalua nga policia e vendit fqinj, nën dyshimin se mund të ketë lidhje me vrasjen e 20-vjeçares shqiptare, Anxhela Meçani. Kjo e fundit, sipas ekspertizës mjeko-ligjore, nuk është hedhur nga makina në ecje e sipër pasi është rrahur, por është aksidentuar nga një automjet.

Disa orë marrje në pyetje të një 63-vjeçari italian nuk ishin aq të mbara për policinë e vendit fqinj, që po heton prej gati 1 javë vrasjen e një 20-vjeçarje shqiptare, e dyshuar se shfrytëzohej si punëtore e seksit. Ndalimi dhe marrja në pyetje për disa orë i një 63-vjeçari italian nuk ka dhënë rezultatet e shpresuara nga hetuesit italianë në provincën e Cuneos.

Ai u ndalua pasi dyshohet se është klienti i fundit i Anxhela Meçanit, 20-vjeçarja shqiptare, e cila u gjet në gjendje kritike orët e para të së dielës në Torino dhe ndërroi jetë 13 orë më vonë në spital. Zhvillimet e papritura erdhen pasi agjentët e policisë shoqëruan një burrë në Fossano për ta marrë në pyetje. Sipas Corriere della Sera, makina e tij Mercedes u sekuestrua dhe iu nënshtrua disa inspektimeve, për të kuptuar nëse është ai mjeti me të cilin u përplas për vdekje e reja shqiptare.

Por pas një nate të tërë të kaluar në polici, 63-vjeçari është lënë i lirë, pasi për momentin mësohet se autoritetet italiane nuk kanë mundur të sigurojnë të dhëna të mjaftueshme për arrestimin e tij. Falë tabulateve telefonike dhe pamjeve të kapura nga kamerat e sigurisë në rrugë, hetuesit mbërritën tek 63-vjeçari në Fossano. Megjithatë, të paktën për momentin duket se nuk ka ende prova që ta bëjnë këtë të fundit përgjegjësin kryesor të vrasjes së shqiptares.

Hetimet tashmë vijojnë për të kuptuar rolin që ka pasur 63-vjeçari në këtë krim.Ndryshe nga sa u dyshua në fillim, se 20-vjeçarja shqiptare u dhunua barbarisht dhe më pas u hodh në rrugë nga një makinë në ecje, rezultatet e autopsisë kanë hedhur poshtë të dyja këto versione.

Sipas mjekut ligjor, e reja është përplasur nga një automjet, që më pas është larguar me shpejtësi nga vendi i ngjarjes. Kjo shpjegon edhe frakturat e shumta të gjetura në trupin e së resë, që duket se janë bërë nga përplasja, e jo nga dhuna dhe hedhja në rrugë./abcnews.al

treni-ne-torino.jpg
ent ela10:41 | 24/05/2018

Në Torino të Italisë është regjistruar një incident tragjik, ku një tren është përplasur me një kamion i cili ishte ndaluar në shina. Për pasojë 2 persona kanë humbur jetën dhe 25 të tjerë mbetën të plagosur. Autoritetet kanë filluar hetimet për këtë çështje.

2 të vdekur dhe 25 të plagosur, ky është bilanci i një incidenti të ndodhur në orët e vona të së mërkurës në një linjë hekurudhore të Torinos në Itali. Treni ka përplasur një kamion transporti, i cili ishte i ndaluar tek shinat. Përplasja shumë e dhunshme, ka shkaktuar daljen e disa vagonëve nga binarët.

Viktimat janë Roberto Madau, makinisti 61-vjeçar i trenit dhe Stefan Aureliana, romun 64 vjeçar, i cili drejtonte kamionin. Sa i përket të plagosurve, gjendja e tyre është e qëndrueshme sipas asaj që shkruajnë mediat italiane. Nuk ka raportime nëse në këtë incident tragjik është përfshirë ndonjë shqiptar.

Ndërkohë, autoritetet kanë hapur një hetim për këtë ngjarje në mënyrë që të zbulojë dinamikën dhe përgjegjësit. Për momentin Prokuroria e Ivreas nuk përjashton asnjë hipotezë. Ka raportime se mund të bëhet fjalë për një keqkuptim ose mungesë komunikimi mes drejtuesit të kamionit dhe kompanisë hekurudhore italiane. /abcnews.al

napoli.jpg
G. P.09:20 | 19/04/2018

Gara për titullin në Serinë A mbetet e hapur. Juventusi gaboi, ndërsa Napoli arriti një fitore të vështirë, duke qenë tani vetëm 4 pikë larg
Një tjetër roveshatë ndëshkon kampionët.
Pas asaj që i ndodhi me Cristiano Ronaldon në Champions, ja goditja e radhës, këtë herë në kampionat, në fushën e modestes Crotone.
Ishte një nigerian shtatlartë, me emrin Simi, që realizoi golin vërtet të veçantë që i hoqi Juventusit fitoren nga dora, dhe ia ndërlikoi rrugën drejt titullit.
Barazim 1-1 dhe diferencë e shkurtuar në 4 pikë ndaj Napolit ndjekës, kur duhen edhe 5 ndeshje deri në përfundim të Serisë A.
Ja që edhe kampionët mund të gabojnë, e të mos jenë të përsosur, ndonëse mbeten favoritë për suksesin përfundimtar, duke pasur 85 pikë ndaj 81 të napolitanëve.
Juve kaloi në epërsi me golin e Alex Sandros që në minutën e 16 dhe u mendua se do të fitonte, por nuk ia doli.
Napoli përfitoi, ndonëse e pati tepër pisk ndaj Udinese, brenda në “San Paolo”.
Fitoi 4-2 pasi u ndodh dy herë në dizavantazh, duke treguar se nuk i mungon karakteri edhe kur gjendja duket e pashpresë.
Insigne, Albiol, Milik e Tonelli ishin autorët e golave për ekipin e trajnerit Maurizio Sarri, që kishte sërish si titullar mbrojtësin e kombëtares shqiptare, Elseid Hysaj.
Nëse gara për titull mbetet e çelur, edhe më e hapur është ajo për kualifikim në Champions.
Lazio, Roma e Interi janë në garë, dhe diferenca mes tyre është vetëm 1 pikë.
Lacialët e Tomas Strakoshës kaluan një dramë në Firence, duke ia dalë në fund ndaj Fiorentinës.
Përfundoi 4-3 në stadiumin “Artemio Franki”, ku fillimisht pati dy kartonë të kuq e pastaj 7 gola.
Për kryeqytetasit shënuan Luis Alberto, Martin Casseres, Felipe Anderson dhe sërish Luis Alberto.
Rivalët e tyre, po ashtu nuk gabuan me Romën që kaloi 2-1 Genoan në stadiumin “Olimpico” dhe me Interin që mposhti 4-0 Cagliarin, një ditë më parë.
Nga Championsi abdikon Milani pas barazimit 1-1 në fushën e Torinos.
Ky rezultat e lë ekipin e trajnerit Gatusso10 pikë pas, një diferencë që praktikisht nuk mund të kapërcehet.
Në renditje, Lazio e Roma kanë nga 64 pikë, Interi 63, ndërsa Milani 54./abcnews.al

a1-933x445.jpg
G. P.11:39 | 16/04/2018

Tre të rinj, dy italianë dhe një shqiptar u përfshinë në një aksident automobilistik mbrëmjen e së dielës në Torino të Italisë.

Sipas të përditshmes italiane “La Repubblica”, ata udhëtonin me një makinë Ford Fiesta në autostradën A5, në drejtim të Torinos kur mjeti doli nga rruga, rreth orës 21:00.

Makina e tyre u rrokullis për rreth 100 metra në fushë përpara se të ndalonte, duke u shkatërruar thuajse tërësisht.

Fatmirësisht të tre të rinjtë, të moshës 24, 22 dhe 25 vjeç, të cilët jetonin në Pont-San-Martin, janë jashtë rrezikut për jetën.

Për nxjerrjen e tyre nga makina u desh ndërhyrja e zjarrfikësve, ndërsa dinamika e këtij aksidenti po hetohet nga policia rrugore e Torinos.

/tvklan.al

bonuci.jpg
G. P.09:31 | 01/04/2018

Juventusi fitoi përballjen e madhe ndaj Milanit në Torino, duke iu afruar shumë titullit të 7-të radhazi në Itali. Në një ndeshje me shumë emocione, golin për miqtë e shënoi ish-ylli juventin, Leonardo Bonuçi.

Kur gjyqtari sinjalizoi fundin, pati gëzim, por edhe dëshpërim.

Një nga derbit e Italisë, ai Juventus-Milan, ishte një nga ato ndeshje ku rezultati mund të quhej fare mirë i gënjeshtërt. Kampionët fituan ashtu siç, në Serinë A dinë të bëjnë vetëm ata, pra të triumfojnë edhe kur nuk luajnë mirë. Shënuan tre gola me fare pak gjuajtje në portë, ndërsa përballë tyre, Milani ishte skuadra që bëri shumë më tepër.

Pas golit të mrekullueshëm të Dibalës, erdhi barazimi i merituar, ndërsa tronditja ishte e madhe në stadiumin “Allianz Arena” të Torinos.
Autor i rrjetës për Milanin ishte kapiteni Leonardo Bonuçi, pra një ish-juventin, një nga simbolet e mëdhenj të Juventusit të trajnerëve Conte e Allegri.

Mbrojtësi i qendrës jo vetëm shënoi, por edhe festoi, diçka që tifozët vendas nuk e mendonin aspak se do të ndodhte. Formacioni milanez, i drejtuar nga trajneri Xhenaro Gatuzo, nuk u kënaq me barazimin, por kërkoi fitoren. Karakteri ishte njëlloj si ai i Gatuzos, kur luante vetë në fushë me fanelën kuqezi, veçse përvoja dhe fati nuk ishin me Milanin. Pavarësisht sulmeve dhe rasteve të krijuara, golin e shënoi kundërshtari.

Minutat e fundit ishin një delir për publikun, pasi fillimisht Kuadrado, e pastaj Kedira, fiksuan rezultatin 3-1. Me këtë fitore, Juventusi u shkëput në 4 pikë nga Napoli, që gaboi duke barazuar në fushën e Sasuolos. Titulli i 7-të radhazi duket krejtësisht i mundshëm tani. Milani, ndërkaq, mbeti shumë larg zonës Champions, të cilën ndoshta do të synojë ta arrijë sezonin e ardhshëm.

vlcsnap-error871-1-1280x720.jpg
ent ela14:52 | 13/02/2018

Liga e Kampionëve rifillon sonte me një përballje të madhe. Juventusi pret Totenhemin në Torino, në orën 20:45, në një duel të spikatur mes futbollit italian dhe atij anglez.

Mrekullia e Mario Manxhukiçit nuk mjaftoi herën e kaluar.

Juventusi u detyrua të dorëzohej përballë Realit në finalen e Championsit në maj të 2017-ës, por tashmë kemi vit të ri dhe shpresa të reja.

“Zonja e Vjetër” po përgatitet për të pritur Totenhemin, në ndeshjen e parë të turit të dytë, ndërsa kompeticioni kryesor I klubeve në Europë rifillon pikërisht sot.

Dueli italo-anglez është ndër më të bukurit e këtij raundi, edhe pse jo një klasike.

Në çfarë mënyre do të paraqitet Juventusi, do të jetë I kujdesshëm?

Alegri: “Jo, nuk do të luajmë për 0-0. Duam vetëm të mos pësojmë gol në shtëpi. Kjo çerekfinale do të jetë e ekuilibruar, secila nga skuadrat ka nga 50 për qind shanse për kualifikim. Duhet të jemi të kujdesshëm, pasi nuk duhet të lejojmë që kundërshtari të shfrytëzoi cilësitë e tij të larta fizike dhe teknike. Gjithsesi, jemi Juventusi dhe kemi fituar respet të madh për veten me rezultatet që kemi arritur vitet e fundit”.

Xhorxho Kielinit, mbrojtësit më të fortë të Juventusit, iu bë menjëherë pyetja për sulmuesin kryesor kundërshtar, Harri Kejn.

Kielini: “Është një sulmues i jashtëzakonshëm, siç e tregojnë statistikat e tij vitet e fundit. Është përmirësuar shumë këto kohë, diçka që nuk është e lehtë, por ai ia ka dalë. Është futbollist i kompletuar, pasi shënon gola, luan për skuadrën, ndihmon shokët të realizojnë. Është një nga numrat 9 më të mirë në botë”.

Kejn, nga ana e tij, nuk vonoi t’ia kthente komplimentat italianit.

Kejn: “Po, po. Ai është një mbrojtës i mahnitshëm. E mbaj mend në ndeshjen time të parë për Anglinë, kur isha përballë tij, ndërsa luante për Italinë. Bëri një ndërhyrje të ashpër, sikur të më jepte mirëseardhjen në futbollin ndërkombëtar. Gjithsesi, Juventusi nuk ka vetëm Kielinin, por e gjithë skuadra është e fortë. Është një ndeshje vërtet e madhe, nga ato ndeshje që ne kemi dëshirë t’i luajmë”.

Po trajneri i londinezëve, Maurisio Poçetino, si e mendon përballjen.

A është Totenhemi në nivelin e kundërshtarit?

Poçetino: “Juventusi është një klub masiv. Ne nuk mund të krahasohemi me të, dhe këtë e tregon historia e madhe e Juventusit. Po ashtu, vitet e fundit ka fituar gjithçka në Itali dhe ka luajtur dy nga tri finalet e fundit në Champions. Totenhemi, ndërkaq, është një ekip i ri, dhe po ndërton një projekt të rëndësishëm, por ne duam që të jemi në nivelin e Juventusit dhe do ta provojmë. Për mua është emocionuese, gjithashtu, që të vij për herë të parë në Torino, në vendin e origjinës së familjes sime”.

Historia padyshim është në favor të Juventusit, që ka fituar dy herë Championsin, po ashtu edhe Kupën e Kupave të Europës dhe Kupën UEFA, pa harruar Superkupën europiane dhe Kupën e Botës për klubet.

Totenhemi ia ka dalë të fitojë vetëm nga një herë Kupën e Kupave dhe dy herë Kupën UEFA, duke mos qenë i suksesshëm në Champions.

Anglezët kanë fituar vetëm dy tituj në vendin e tyre, ndaj 33 titujve të italianëve në Serinë A.

Dueli më interesant I sfidës është ai mes dy sulmuesve kryesorë, Gonzalo Higuain e Harri Kejn.

Argjentinasi, 30-vjeçar me shumë përvojë, ka fituar 10 trofe të rëndësishëm tek Reali, Napoli e tani tek Juventusi, dhe do të jetë rreziku kryesor për anglezët.

Kejn, ende vetëm 24 vjeç, është në formë të jashtëzakonshme aq sa cilësohet si sulmuesi më i mirë i botës për momentin.

Ai doli shënuesi më i mirë i vitit 2017 duke mundur Lionel Mesin, ndërsa ka fituar Këpucën e Artë të Premier Ligës në dy sezonet e fundit, duke qenë sërish në golshënuesi më i mirë edhe këtë vit.

Juventusit i mungon njëri nga lojtarët më të rëndësishëm, Paulo Dibala, edhe pse u stërvit me skuadrën, dhe po ashtu nuk është as Barxali.

Totenhemi, në të kundërt, nuk ka asnjë problem me dëmtimet apo pezullimet, me përjashtim të mbrojtësit Alderveired që mungon prej 3 muajsh./abcnews.al

 

shqiptari-torino.jpg
us er11:35 | 22/10/2017

Një shqiptar 39 vjeçar, ndërroi jetë në orët e para të mëngjesit në një spital Torino, pasi u qëllua me armë zjarri para një lokali në zonën e San Paolos në qendër të qytetit. Policia italiane ka nisur hetimet duke konfirmuar se ndaj tij kanë qëlluar dy persona. Sipas të dhënave të para ai është qëlluar tre herë. Pista më e mundshme është larje hesapesh mes bandave shqiptare.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono