tone

voda-1280x728.jpg
Sej rie13:30 | 09/08/2019

Akuzat e prokurorëve italiane për kanabizimin e Shqipërisë, të bëra përmes një cikël reportazhesh i televizionit italian “Rai 3”, i titulluar “Narcotica”, iu është përgjigjur zv ministrja e Brendshme Rovena Voda. Nga Vlora ajo tha se po hidhet baltë mbi vendin tonë dhe se që prej 2017 është bërë progres në luftën kundër kanabisit.

lleshaj-1.jpg
Sej rie11:00 | 12/07/2019
FRONTEX dhe EUROPOL ofrojnë më shumë siguri për vendin tonë dhe integrim për Policinë e Shtetit në strukturat evropiane. Deklarata u bë nga ministri i Brendshëm Sander Lleshaj gjatë inaugurimit të pikës së re kufitare në Han të Hotit.

Fjala e ministrit të Brendshëm Sandër Lleshaj, në përurimin e ambienteve të reja të stacionit të Policisë Kufitare në PKK Hani i Hotit:

I nderuar z. Prefekt i Qarkut Shkodër,
Z. Ambasador i Shqipërisë në Malin e Zi,
Z. Drejtor i Përgjithshëm,
Të nderuar zonja dhe zotërinj,

Është kënaqësi e veçantë që jam sot këtu, më shumë për të dhënë një mesazh që ne duhet t’i përmirësojmë portat e hyrjes së Shqipërisë.

Qeveria shqiptare është e angazhuar që portat e hyrjes së Shqipërisë të jenë moderne, dinjitoze dhe funksionale, të lira për kalim të rregullt dhe të jenë të pakalueshëm për kalimin e parregullt.

Gati një vit më parë, këtu në Han të Hotit janë inauguruar ambientet e reja të Doganës dhe të Pikës së Kalimit Kufitar, në kuadër të programit IPA 2012, me një investim të BE në vlerën e 2.5 milionë eurove. Dhe sot ne bëjmë një fazë tjetër, inaugurojmë stacionin e Policisë Kufitare këtu në Hanin e Hotit dhe e kompletojmë këtë pikë dhe këtë nyje shumë të rëndësishme për vendin tonë.

Është e rëndësishme që të themi që kompletim, do të thotë kompletim në infrastrukturë, ndërkohë që ajo që pason dhe ajo që ka vlerën më të madhe, është kompletimi me një shërbim cilësor, dinjitoz, profesional dhe të besueshëm. Dhe këtu është përgjegjësia dhe detyra e të gjitha strukturave të Policisë së Shtetit, që nga qendra deri këtu, me qëllim që qytetarëve t’u ofrohen jo vetëm mjedise moderne, por edhe një shërbim po aq modern, po aq i besueshëm dhe po aq profesional.

Ambientet e reja do t’u japin mundësi agjencive ligjzbatuese që të kryejnë edhe më lehtë dhe me efikasitet të lartë menaxhimin të kufirit. Realizimi i këtij investimi vlen 45 milionë lekë, siç u përmend edhe nga Drejtori i Përgjithshëm, krijon kushte pra për ta përmirësuar nivelin dhe cilësinë e shërbimit tonë. Të gjitha këto investimeve në fakt kanë edhe një impakt të rëndësishëm mbi turizmin në vend. Turizëm, i cili po zhvillohet me një ritëm të kënaqshme dhe duke marrë në konsideratë klimën jo krejt të favorshme që kemi pasur gjatë gjysmës së parë të këtij viti.

Megjithatë duhet thënë që fluksi turistik ka ardhur në rritje të vazhdueshme dhe ne kemi një rritje pothuajse 10% në krahasim me vitin e kaluar të fluksit turistik në pikat tona të kalimit kufitar. Gjë që tregon për një tendencë të shëndetshme, në rritje, edhe një influencim minimal nga problematika e brendshme që ka njohur vendi gjatë kësaj periudhe.

Sigurisht që pika e Hanit të Hotit është vetëm njëra nga pikat kufitare, është vetëm një model, i cili do të duhet të vazhdoje më të njëjtën frymë, me të njëjtin intensitet në të gjitha pikat e kalimit kufitar të Shqipërisë, me qëllim që të arrijmë që pikat e kalimit kufitar t’i përshtatim me kushtet e reja.

Është ende problematike gjendja për arsye se disa të vendit ende kemi infrastrukturën e fundit të viteve ’80, në kuptimin e volumit, të përmasave, të kapaciteteve të përpunimit.

Ndërkohë që flukset e lëvizjes në pikat e kalimit kufitar të Shqipërisë, krahasuar me këto vite kur ato janë ndërtuar, është rritur shumë e shumë herë dhe me qëllim që ne t’i përballojmë dhe menaxhojmë më mirë këto flukse turistike apo flukset e lëvizjes në kufijtë tanë, ne duhet ti përgjigjemi me investime të shtuara dhe Qeveria shqiptare është e angazhuar në kuadër të një programi të qartë për t’i modernizuar të gjitha pikat e kalimit kufitar si këto me Malin e Zi që pothuajse janë kompletuar tashmë, por dhe në pika të tjera që kemi, kryesisht me Maqedoninë e Veriut dhe me Greqinë, të cilat kanë nevojë dhe do të përfshihen së shpejti në një program investimesh dhe modernizimesh.

Përveç investimit në infrastrukturë e rëndësishme është investimi në përmirësimin e procedurave dhe lehtësimin e kalimit në pikat kufitare, me qëllim që flukset të mos bllokohen, koha e pritjes të shkurtohet, por në të njëjtën kohë siguria të mos komprometohet.

Ne kemi filluar një proces shumë të rëndësishëm me Republikën e Kosovës, në pikën e kalimit kufitar të Morinës ku aplikimi i kontrollit të përbashkët i një kontrolli, ka bërë që koha e pritjes të ulet me 50 %.

Sigurisht kjo është një arritje e jashtëzakonshme, në qoftë se kemi parasysh se për çfarë kohësh pritje kemi njohur në të kaluarën tonë të afërt, por qëllimi ynë është që të vijë duke u reduktuar edhe më shumë për të arritur drejt atij destinacioni final që ne kemi për ta bërë zero kohën e pritjes në kufijtë tanë me të gjitha vendet me të cilat kufizohemi dhe që të ndodhi kjo, do të na duhet që të rrisim shumë profesionalizmin oe punonjësve të Policisë kufitare, të cilët duhet të shndërrohen në një model profesionalizmi, integriteti për të gjithë Policinë e Shtetit dihet që në pikat e kufirit ne prezantojmë Shqipërinë.

Pikat tona të kalimit janë portat e Shqipërisë, por ju jeni njerëzit e parë të Shqipërisë me të cilët ballafaqohet çdo vizitor i këtij vendi dhe kryesisht ju e dini që vizitohet nga turistë, apo janë dhe qytetarë të tjerë që lëvizin nëpër pikat tona të kufirit.

E rëndësishme është që në t’i përgjigjemi me një nivel shumë të lartë profesionalizmi dhe integriteti.

Janë dy kritere të cilat janë të pashmangshme, që duhet të karakterizojnë çdo punonjës të Policisë së Shtetit të tërësi, por sidomos punonjësit e Policisë Kufitare, të cilët duhet të jenë në lartësinë e këtij misioni shumë të rëndësishëm.

Duhet nivel i lartë profesional dhe për të cilin masat janë marrë dhe do të merren, duhet integritet i lartë profesional dhe moral dhe për këtë masat janë marrë dhe do të merren, besoj jeni në dijeni që dhe procesi i vettingut do t’i shërbejë këtij procesi dhe duhen kapacitete të mirëfillta të veçanta sa i përket aftësive të komunikimit, sidomos komunikimit në gjuhë të huaj, në gjuhën angleze, për arsye se ju jeni të parët shqiptarë me të cilët ballafaqohet çdo turist dhe çdo vizitor që i drejtohet Shqipërisë.

Është me rëndësi të them edhe faktin që në këtë proces shumë të rëndësishëm modernizimi, ne nuk jemi vetëm, por jemi në një bashkëpunim të ngushtë me partnerët tanë ndërkombëtarë kryesisht me ata europianë, është me rëndësi të ritheksojmë dhe vlerësojmë faktin që fillimi i operacionit të përbashkët për kontrollin dhe menaxhimin e kufijve të Shqipërisë në bashkëpunim me FRONTEX si operacioni i parë që kjo agjenci e Bashkimit Europian kryen jashtë BE-së, është një mundësi e jashtëzakonshme për të rritur nivelin e bashkëpunimit, nivelin e shkëmbimit të informacionit dhe të përvojës për krijimin e besimit të domosdoshëm që ne duhet të kemi me partnerët tanë europianë dhe është po ashtu një hap mjaft i rëndësishëm në drejtim të integrimit real të vendit tonë në strukturat e BE.

Unë jam i ndërgjegjshëm që skeptikët nuk lodhen kurrë së dyshuari edhe së shprehuri negativisht edhe atëherë kur duhet të shprehen pozitivisht.

Kam ndjekur këto ditë, me një farë keqardhje disa njoftime, të cilat e përkthejnë ardhjen e agjencive europiane në Shqipëri, si shenjë dyshimi ndaj Shqipërisë, ndërkohë që është e shpallur botërisht nga vetë BE, edhe nga ne, që ardhja e tyre në Shqipëri është shenjë besimi, shenjë e një hapi të rëndësishëm integrimi të Shqipërisë drejt strukturave të BE, dhe dje patëm mundësinë, që pas FRONTEX të hapim edhe zyrën e EUROPOl, si të thuash të kompletojmë praninë europiane në Shqipëri sa i përket institucioneve të sigurisë publike dhe policisë; dhe ky është një lajm jashtëzakonisht i madh, i cili duhet të na bëjë krenarë që ne tashmë “de facto” jemi të ndërlidhur ngushtësisht me strukturat europiane përgjegjëse për sigurinë.

Jemi në pararojë të institucioneve të tjera shqiptare sa i përket kësaj ndërthurjeje dhe këtij integrimi, i cili do të sjellë rezultate të jashtëzakonshme.

Megjithatë dua të them, duke e mbyllur, sfida jonë në fushën e menaxhimit të kufijve rritet përditë e më shumë për arsye se për fat të mirë, flukset e lëvizjeve drejt Shqipërisë rriten në mënyrë eksponenciale.

Nëqoftëse në vitin 2009 në kufijtë e Shqipërisë lëviznin gjithsej 9 milionë qytetarë, në vitin 2018 lëvizën 23 milionë dhe siç ju thashë, në vitin 2019 deri tani ne kemi një rritje 10% në krahasim me vitin 2018 të këtij fluksi, dhe tendenca është përsëri në rritje.

Do të thotë që volumet e punës do të shtohen, sfida do të shtohet dhe e vetmja mënyrë për t’ju përgjigjur kësaj sfide është angazhim serioz i gjithë strukturave të policisë për ta përballuar me dinjitet dhe me profesionalizëm këtë shërbim të lartë që ju bëjmë qytetarëve tanë dhe që u bëjmë të gjithë atyre që vizitojnë Shqipërinë.

Unë ju falënderoj, ju uroj që ta gëzoni këtë stacion të ri të policisë këtu dhe të vijoni të përmbushni me sukses dhe përgjegjësi detyrën tuaj të lartë.

Faleminderit!

ushqime-1280x729.jpg
Sej rie16:30 | 20/06/2019

Për vetëm një muaj, janë bllokuar 4.8 tonë produkte ushqimore dhe janë kthyer 48 tonë produkte. Autoriteti Kombëtar Ushqimor gjatë periudhës 15 Maj-15 Qershor, ka vendosur 317 paralajmërime, 54 gjoba dhe ka mbyllur 6 aktivitete, për shkak të shkeljes së rregullave.

4.8 tonë produkte ushqimore janë bllokuar dhe 48 ton produkte janë kthyer në vendin e origjinës, vetëm për periudhën 15 Maj-15 Qershor. Autoriteti Kombëtar Ushqimor pas inspektimit në disa qytete në vend, ka marrë në total 34 mostra zyrtare, dhe ka bërë analiza për 183 tregues analitik, nga të cilat 11 kanë rezultuar jokonform.

Në harkun kohor një muaj, AKU ka paralajmëruar 317 biznese, ka gjobitur 54 dhe ka vendosur ndërprerjen e aktivitetit për 6 të tjerë. Vendimi për mbylljen e bizneseve, u mor pasi në bizneset në fjalë janë parë mangësi në kushtet higjieno-sanitare, tregtim produkti mish i pa pajisur me certifikatë veterinare dhe vulë, mungesë në dokumentacion shoqërues të importit, etj.

Inspektimi është bërë në disa qytete të Shqipërisë. Në Tiranë, janë kryer 383 inspektime dhe janë vendosur 32 gjoba. Vijon Fieri me 82 kontrolle dhe 7 gjoba, më pas Durrësi, Korça dhe Gjirokastra.

Fier- 82 inspektime, 7 gjoba.

Durrës- 59 inspektime 6 gjoba.

Korçë 36 inspektime 2 gjoba.

Gjirokastër 31 inspektime 5 gjoba./ABC News Albania 24/7

plahrat-1280x781.jpg
Sej rie14:00 | 30/05/2019

Malajzia do të kthejë në vendet e tyre të origjinës 3 mijë ton mbeturina Brenda këtij viti. Disa nga vendet që do të tërheqin fillimisht mbeturinat përkatëse janë Shtetet e Bashkuara të Amerikës, Mbretëria e Bashkuar dhe Kina.

Brenda këtij viti, tre mijë ton mbeturina të importuara në mënyrë të paligjshme në Malajzi do të transportohen drejt vendeve të tyre të origjinës, mes të cilave Shtetet e Bashkuara të Amerikës, Mbretëria e Bashkuar dhe Kina. Lajmi u konfirmua për mediat nga ministri për energjinë dhe ambientin gjatë një vizite në Port Kland për të inspektuar 10 kontenierë të vulosur me emrat e vendeve nga vijnë. Ministri theksoi se si Malajzia nuk ka ndërmend të kthehet në një vendgrumbullim mbeturinash për vendet e zhvilluara. Ai i cilësoi si tradhtarë përgjegjësit e këtyre aktiviteteve të paligjshëm që kanë kontribuar në shkatërrimin e ekosistemit të vendit. Ministri theksoi se ishte zbuluar një trafik i paligjshëm mbeturinash drejt Malajzisë, me justifikimin se janë të riciklueshme por pjesa më e madhe e tyre nuk janë. Mbeturinat që janë future në vend pa lejen e qeverisë do të kthehen tek ai që i ka dërguar, shtoi ai.

Çështja e mbeturinave të mbledhura në Malajzi është vetëm ajo e fundit e një serie të gjatë iniciativash të ngjashme të marra nga vende të tjera në jug të Azisë, duke u bërë pritësit e parë të mbeturinave perëndimore pasi Kina nuk i pranon për shkak të pasojave që kanë në ambient.

Një javë më parë, Filipinet arritën një marrëveshje për transportimin drejt Kanadasë të 69 kontenierëve që përmbajnë 1500 ton mbeturina që ishin sjellë në mënyrë të paligjshme në vend nga kompani kanadeze. Në 20 maj presidenca filipinase urdhëroi përfaqësuesit e qeverisë që të shmangnin udhëtimet në Kanada si sanksion për mungesën e respektit të një marrëveshjeje të mëparshme me qeverinë e Otauas për hyrjen e mbeturinave në vend. Mbeturinat duhet të largohen nga porti Filipinas, Subik, brenda këtij muaji./ABC News Albania 24/7  

milva-1280x724.jpg
Sej rie20:13 | 15/04/2019

Deputetja e PS-së Milva Ekonomi ka komentuar protestë që zhvilloi opozita dy ditë më parë, duke thënë se sjellja e protestuesve detyroi policinë që të hidhte gaz lotsjellës dhe ujë. Më tej ajo u është përgjigjur deklaratave të Edi Palokës dhe Enkelejd Alibeajt, të cilët janë shprehur se nuk shkojnë në zgjedhje me Edi Ramën Kryeministër. Por deputetja është shprehur se PS do shkojë në zgjedhje me udhëheqësin e saj politik dhe shpirtëror, Edi Ramën.

Mirela Milori: Do të ketë mazhoranca një opsion për të ulur opozitën në tryezë?

Milva Ekonomi: Së pari këto protesta kombëtare që kanë këtë numër dhe që bëhen sa herë që ne kemi Parlament. Ne jemi të mbështetur ose mbikëqyrur nga tre kordone policie dhe kemi një shoqërues që na çon deri në hyrje të sallës së Parlamentit. Imazhet që pamë të shtunën janë imazhe që lëvizin në gjithë mediat ndërkombëtare. Bëjnë një imazh negativ për Shqipërinë dhe për turizmin. Kur Alibeja ka thanë është shpirti i protestë, por nuk besoj se është shpirti i popullatës në protestë. Në fakt ajo që ne shikojmë është se protesta ka një skenar të pakonfirmuar dhe përfundon me një himn të stonuar. Nuk është se ka një mesazh tjetër, është një mesazh i përsëritshëm. PS ka një qëndrim konkret për këtë gjë. Palët politike kanë të drejtë të marrin pjesë në zgjedhje.

Mirela Milori: A ja vlen të hyni në zgjedhje pa opozitën?

Milva Ekonomi: Kjo opozitën la në baltë elektoratin e vet. Liderët politikë duhet të jenë të matur për ta çuar Shqipërinë drejt BE. Të shkuarit në zgjedhje është një nga elementët e funksionimit të demokracisë. Zëvendësimi i tyre në Parlament po bëhet. Opozita që nuk është një opozitë e re, por është një opozitë me elementë të rinj po merr vrull në Parlament. Ka debate në Parlament. Po vihet re që po gulon edhe njohuria parlamentare. Do shkohet në 30 Qershor dhe zgjedhjet janë detyrim. Kjo është një nga rrugët që ka zgjedhur PS për të shkuar në zgjedhjet e 30 Qershorit. Dhe ne udhëheqës edhe politik edhe shpirtëro kemi zotin Edi Rama. Me Edi Ramën ne në 30 Qershor hapim qendrat e votimit./abcnews.al

blerina-1280x712.jpg
ent ela18:47 | 25/03/2019

Deputetja e PS-së Blerina Gjylameti e ftuar në “Mbremje Ide” ka hedhur poshtë zërat se ka pasur një konflikt mes saj dhe Kryeministrit Edi Rama, pas mbajtjes së Kongresit.

Mirela Milori: Ishit lajm ditën e djeshme dhe ditën e sotme, sepse sipas disa mediave për ju nuk ka qenë një ditë e qetë e shtuna. Pse? Burime nga PS dhe po citoj  një nga portalet që kanë botuar dhe ka folur për znj. Gylameti; “Burime nga PS pas përfundimit të Kongresit thanë se Kryeministrit Edi Rama dhe kryetarja e PS në Tiranën kanë debatuar ashpra”. Keni debatuar me Edi Rama?

Blerina Gjylameti: Po thua që kam debatuar ndonjëherë ashpër?! Unë diskutoj kur kam çështje që nuk kanë lidhje me atë që është puna e përditshme dhe i them, është pjesë e natyrës time të drejtpërdrejtë. Nuk kam pasur asnjë konflikt dhe nuk besoj se kam ndonjë konflikt.

Unë jam në detyrë sikundër e shikoni dhe sot vij si kryetare e PS për Tiranën. Ajo çfarë për mua ka më tepër rëndësi që të flasim nuk është çështja se si unë individualisht ndërlidhem me njerëzit e tjerë në PS, por besoj shumë më tepër ka rëndësi se si funksionon ekipi i PS qoftë i Tiranës qoftë i Shqipërisë për atë çfarë qytetarët presin.

Mirela Milori: Keni pasur apo jo edhe një komunikim verbal pak me tone të ngritura me Edi Ramën?

Blerina Gjylameti: Asnjëherë! Thash që nuk është çështje debati me tone. Kritika konstruktive dhe diskutime nuk thash që nuk ka. Nëse nuk do të kishim do të ishim në një sistem tjetër, jo në këtë që kemi./abcnews.al

Policia-Gjirokaster-933x445.jpg
ent ela12:55 | 30/01/2019

Një prej 5 personave të arrestuar për sekuestrimin e një sasie rekord kokaine në Livorno të Italisë, u kap në Shqipëri. Rreth këtij operacioni ka reaguar dhe Policia e Shtetit. Sipas një njoftimi të bërë publik paraditen e së martës mësohet se operacioni ndërkombëtar i koduar “Brasile Loë Cost”, është kryer mes Policisë së Shtetit dhe Policisë italiane dhe gjatë tij është ndaluar një i kërkuar i drejtësisë italiane. Sipas policisë, 31 vjeçari shqiptar i përfshirë në trafikimin e 650 kilogrameve kokaine nëpërmjet portit te Livornos, u lokalizua dhe arrestua në Tiranë. Dorian Petoku u vu në pranga per llogari të drejtesise italiane, pasi Gjykata e Romës ka vendosur ndaj tij masën e sigurisë “Arrest në burg”, për veprat penale “Organizatë kriminale me qëllim trafikimin e lëndëve narkotike”./abcnews.al

vlcsnap-error972-1280x720.jpg
G. P.18:22 | 02/03/2018

Britania do të pezullojë lëvizjen e lirë për qytetarët europianë sapo Brexit të konkretizohet. Në fjalimin për marrëdhëniet e ardhshme me BE-në, kryeministrja Theresa May ka konfirmuar edhe daljen e Mbretërisë nga unioni doganor.

Kryeministrja britanike, Theresa May, ka paralajmëruar Bashkimin Europian me masa drastike pas daljes së Mbretërisë së Bashkuar nga Unioni, duke ashpërsuar gjuhën me Brukselin.

Së pari, “lëvizja e lirë e njerëzve do të marrë fund, me rekuperimin e kontrollit të kufijve nga ana e qeverisë së Londrës”, ka deklaruar May. Më pas, ka vijuar kryeministrja, edhe juridiksioni i Gjykatës Ndërkombëtare të Drejtësisë duhet të marrë fund kur Brexit të jetë konkretizuar.

Në fjalimin për të ardhmen e marrëdhënieve me BE-në, May ka folur për nevojën e një mekanizmi të pavarur arbitrazhi, pasi nuk mund të jetë vetëm njëra palë që të japë verdiktin për çështjet e ardhshme tregtare. Shefja e qeverisë i ka qëndruar pozicionit të mëparshëm të saj se Britania do të braktisë unionin doganor të BE-së dhe tregun e përbashkët, në mënyrë që të nënshkruajë marrëveshje të reja tregtare me vende të tjera të botës.

“Vazhdimi i partneritetit doganor mund të mbajë të njëjtat tarifa për mallrat që kanë si destinacion BE-në, por tarifa të ndryshme për ato mallra që hyjnë në Britani”, ka vijuar May. Kryeministrja ka patur një mesazh edhe sa i takon “flirtit” të Unionit me Irlandën e Veriut, duke paralajmëruar se çdo kufi doganor që cënon tregun e përbashkët të Mbretërisë së Bashkuar do të jetë i papranueshëm./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono