Tom Doshi

1523901519_tomdoshi1.jpg
G. P.14:30 | 19/07/2018

Prokuroria e Tiranës këmbëngul në shpalljen fajtor të deputetit Tom Doshi për akuzën e “kallëzimit të rremë”. Pak ditë pasi deputeti fitoi pafajësi në procesin gjyqësor ku ishte i bashkëpandehur me ish-deputetin Mark Frroku dhe Durim Bamin, prokuroria ka ankimuar vendimit.

Sipas burimeve, prokuroria pretendon se gjykata ka gabuar kur ka pushuar akuzën për Doshin dhe kërkon ndryshim të vendimit.  Deputeti Doshi u akuzua se në bashkëpunim me Frrokun e Bamin fabrikuan një skenar për eliminimin fizik të tij.

Në vendimin e datës 4 Korrik, Shkalla e Parë e Tiranës i dha pafajësi deputetit, por dënoi me nga 8 muaj burg Mark Frrokun e Durim Bamin. Ndonëse u fajësuan dhe dënuan, asnjëri prej tyre nuk shkoi në qeli, pasi për Frrokun dënimi u peziullua, ndërsa për Bamin u shua, pasi masa e dënimit ishte me e vogël se koha e qëndrimit të tij në paraburgim./abcnews.al

tom-doshi-1280x892.jpg
G. P.12:08 | 04/07/2018

Gjykata e Tiranës i dha pafajësi deputetit Tom Doshi, të akuzuar për “kallëzim të rremë” duke fabrikuar një skenar për eliminimin fizik të tij. Dy të bashkëpandehurit e tij, ish-deputeti Mark Frroku dhe Durim Bami u dënuan me burg, por asnjëri prej tyre nuk do të shkojë në qeli. 

Më shumë se tre vjet pasi u akuzua për inskenimin dhe krijimin e provae të rreme për një plan të eliminimit fizik të tij, deputeti Tom Doshi u deklarua i pafajshëm nga Gjykata e Tiranës.

Sipas gjyqtarit Bledar Abdullai, nga shqyrtimi gjyqësor rezultoi se nuk ka elementë të veprës penale të  “kallëzimit të rremë” në veprimet e deputetit Doshi.

Këtë fat nuk e patën dy të bashkëpandehurit e tij Mark Frroku dhe Durim Bami. Ata u fajësuan dhe u dënuan me burg për “kallëzim të rremë”, por asnjëri prej tyre nuk do të shkojë në qeli.

Gjykata dha 8 muaj burg për ish-deputetin Mark Frroku, vendim që u pezullua duke e lënë atë të lirë me kusht që të mbajë kontakte me Shërbimin e Provës dhe të mos kryejë asnjë vepër penale.

Tetë muaj burg ishte edhe dënimi për Durim Bamin. Gjyqtari tha se kjo masë dënimi është më e vogël se koha e qëndrimit të tij në paraburgim dhe vendosi ta konsiderojë dënimin të kryer.

Në pretencën e lexuar në seancat e kaluara prokuroria kërkoi deklarim të fajshëm për të tre të pandehurit. Sipas  prokurorisë, plani për vrasjen e Doshit, i kallëzuar në vitin 2015, nuk ka ekzistuar ndonjëherë por është krijuar në mënyrë të rreme nga të pandehurit me qëllim për të ushtruar ndjekje penale ndaj kryetarit të Kuvendit të kohës, Ilir Meta, aktualisht President i Republikës. Vendimi u komentua në mënyrë diametralisht të kundërt nga avokati i Doshit dhe i Frrokut.

Vendimi i së mërkurës i dha fund procesit të kthyer në një telenovelë gjyqsore. Nga dërgimi i çështjes në gjyq në dhjetor

2015, dosja ka bërë ping-pong nëpër të gjitha shkallët e gjyqësorit për të gjetur gjykatën kompetente. /abcnews.al

doshi-frroku-bami.jpg
ent ela12:40 | 20/06/2018

Prokuroria e Tiranës kërkoi dënimin me 1 vit burg të deputetit Tom Doshi për akuzën e “kallëzimit të rremë”. Për të njëjtën akuzë, u kërkua nga 1 vit burg edhe për ish-deputetin Mark Frroku dhe për Durim Bamin. Ata akuzohen për krijimin e një skenari fals për vrasjen e Doshit në vitin 2015.

Prokuroria e Tiranës kërkoi dënimin me nga një vit burg për deputetin Tom Doshi, ish-deputetin Mark Frroku dhe Durim Bamin për akuzën e “kallëzimit të rremë”.

Pas një ping-pongu nëpër të gjitha shkallët e sistemit gjyqësor, në lidhje me gjykatën kompetente për këtë gjykim, prokuroria lexoi konkluzionet përfundimtare në dosjen penale në ngarkim të treshes Doshi-Frroku-Bami.

Ata akuzohen se në vitin 2015 në bashkëpunim me njëri-tjetrin kanë inskenuar dhe krijuar prova të rreme për një plan eleminimi fizik të deputetit Doshi. Sipas prokurorisë, plani për vrasjen e Doshit nuk ka ekzustuar ndonjëherë por është krijuar në mënyrë të rreme nga të pandehurit me qëllim për të ushtruar ndjekje penale ndaj kryetarit të Kuvendit të kohës, Ilir Meta, aktualisht President i Republikës.

Në pretencë, thuhej se iniciator i skenarit fals ishte Mark Frroku, por roli kryesor në krijimin e provave të rreme ishte Tom Doshi. Një nga provat kryesore të pretendurara si e stisur ishte një USB, ku ndodhej rrëfimi 37 minutësh i Durim Bamit, sikur i ishte premtuar një shumë prej 500 mijë euro për të eliminuar Doshin.

Pasi kërkoi nga një vit burg, prokurorja i tha gjykatës të mbajë parasysh uljen e një të tretës së masës së dënimit, për shkak të gjykimit të shkurtuar, duke kërkuar përfundimisht dënim me nga 8 muaj burg për të pandehurit.

Gjykimi i shkurtuar, shmangu pyetjen e 53 dëshmitarëve të dosjes, mes të cilëve Presidenti Ilir Meta, kryeministri, Edi Rama, ish-kryeministri, Sali Berisha dhe ish-ministrit të Brendshëm, Saimir Tahiri./abcnews.al

DOSHI-BAMI-FRROKU-1280x720.jpg
ent ela13:01 | 05/06/2018

Tom Doshi, Durim Bami dhe Mark Frroku kanë kërkuar gjykim të shkurtuar në Gjykatën e Tiranës, lidhur me akuzën e ngritur ndaj tyre për kallëzim të rremë. Sipas prokurorisë, në bashkëpunim me njëri-tjetrin, ata krijuan prova të rreme, me qëllim që ndaj kryeparlamentarit Ilir Meta, tashmë President i Republikës, të niste një hetim penal.

Pas më shumë se tre vitesh proces gjyqësor, ndaj deputetit, Tom Doshi, ish-deputetit, Mark Frroku dhe bashkë të pandehurin tjetër, Durim Bami, të akuzuar për “kallzim të remë”, gjykata e Tiranë pranoi gjykimin e shkurtuar.

Sipas prokurorisë, të pandehurit e kësaj dosjeje, Doshi, Frroku dhe Bami në vitin 2015 krijuan prova të rreme me qëllim për të ushtruar ndjekje penale ndaj kreut të atekohshëm të Kuvendit, Ilir Meta.

Ndërkohë Relatori i Çështjes, Bledar Abdullai, pranoi kërkesën e avokatëve mbrojtjës për gjykim të shkurtuar duke i lënë kohë organit të akuzës të përgatisë pretencën më datë 20 qershor.

Fillimisht dosja në ngakrim të Doshit, Frrokut dhe Bamit kaloi nga Gjykata e Krimeve të Rënda në Gjykatën e Lartë por me ndyrshimet në kodin e procedurës penale, ajo u shqyrtohet nga e para në gjykatën e Tiranës.  Gjykimi i shkurtuar, shmangu pyetjen e 53 dëshmitarëve të dosjes, mes të cilëve  Presidenti Ilir Meta, kryeministri, Edi Rama, ish-kryeministri, Sali Berisha dhe ish-ministri i brendshëm, Saimir Tahiri. /abcnews.al

DOSHI-FRROKU-BAMI-1280x720.jpg
ent ela16:27 | 17/05/2018

Në seancën e parë gjyqësore ndaj deputetit Tom Doshi, ish-deputetit Mark Frroku dhe Durim Bamit, Gjykata e Tiranës refuzoi kërkesën e prokurorisë për shoqërimin e detyrueshëm të Doshit dhe Bamit. Ndërkohë, seanca dështoi për shkak të mosnjoftimit të ish-deputetit Frroku, i liruar nga burgu javën e kaluar.

Gjykata e Tiranës ka nisur shqyrtimin e dosjes gjyqësore në ngarkim të deputetit Tom Doshi, ish-deputetit Mark Frroku dhe Durim Bamit. Ata akuzohen për “kallëzim të rremë” përmes fabrikimit të provave të një skenari për vrasjen e deputetit Doshi në vitin 2015. Pas një ping-pongu mes Krimeve të Rënda dhe Gjykatës së Lartë për kompetencën e gjykimit, dosja do shqyrtohet nga e para nga gjyqtarët e Tiranës.

Seanca e parë e këtij procesi dështoi, për shkak të mosnjoftimit të të pandehurit Mark Frroku. Gjykata i kishte dërguar njoftim ish-deputetit në burgun e Fierit ku ai vuante një dënim, por Frroku nuk gjendet më aty, pasi javën e kaluar fitoi lirinë.

Ndërkohë në sallën e gjyqit, nuk ndodheshin as deputeti Doshi apo i pandehuri Durim Bami, të cilët përfaqësoheshin me avokatë. Prokurorja e ccështjes kërkoi shoqërimin e tyre të detyrueshëm, kërkesë që nuk u miratua nga gjykata.

Ne te njejten kohe pranë ambiemteve të Parlamentit ku gjendej për llogari të seancës plenare Doshi nuk la pa komentuar kërkesën për shoqërimin e tij me forcë.

Në seancë avokati i deputetit i tha gjykatës se po shikojnë mundësinë e një kërkese për gjykim të shkurtuar. Ky lloj gjykimi, i cili shkurton kohën, shmang pyetjen e 53 dëshmitarëve të dosjes, mes të cilëve  Presidenti Ilir Meta, kryeministri, Edi Rama, ish-kryeministri, Sali Berisha dhe ish-ministrit të brendshëm, Saimir Tahiri.

Sipas prokurorisë, të pandehurit e kësaj dosjeje, Doshi, Frroku dhe Bami në vitin 2015 krijuan proiva të rreme qëllim për të ushtruar ndjekje penale ndaj kreut të atekohshëm të Kuvendit, Ilir Meta, si edhe personave të tjerë. /abcnews.al

maxresdefault-1-1280x720.jpg
ent ela23:24 | 19/04/2018

Kryeministri Edi Rama ka hedhur poshtë aludimet se i bëhet presion për arrestimin e peshqve të mëdhenj, përfshirë Saimir Tahirin, që të jepet miratimi final për hapjen e negociatave të antarësimit të Shqipërisë me BE.

Në një intervistë me Sokol Ballën në “Vizion plus”, kryeministri tha se askush nuk mund t’i bëjë atij një presion të tillë, as në shqip e as në gjuhë të huaj, sa kohë që ai është në krye të qeverisë. Por shefi i qeverisë ka pranuar se ka pasur interesim nga të huajt, sipas tij për të kuptuar më shumë mbi këtë cështje, për shkak të baltës së propagandës, që u ka përcjellë opozita e vendit.

Rama tha se ish ministri i tij i brendshëm ëshë kërkuar të arrestohet në shkelje të plotë të kushtetutës dhe imunitetit ligjor, dy ditë pas publikimit të përgjimeve, e pa u pyetur. Nga ana tjetër, Rama tha se prokuroprët e gjyqtarët që po dalin nga sistemi falë vettingut, janë peshq të mëdhenj, pasi hyjnë tek peshat e rënda të drejtësisë.

Lidhur me rekomandimin pozitiv të Komisionit Europian, kryeministri tha së është një dëftesë që tregon rezultatet.  Sipas tij ky do jetë viti i hapjes së negociatave, edhe pse nënvizoi se nuk dëshiron të rritë pritshmëri, pasi vendet skeptike të BE kanë dinamikat e tyre të brendshme, si dhe individë e forca që nuk e duan integrimin e Shqipërisë.

I pyetur për shpalljen non grata nga Departamenti Amerikan i Shtetit, i deputetit Tom Doshi, dikur pjesë e PS, Rama tha se ishte surprizuar dhe ishte ndjerë i keqardhur por nuk kishte më shumë informacion për arsyet. Të njëjtën keqardhje Kryeministri deklaroi edhe për aktin e njëjtë të DASH për ish kryeprokurorin Adriatik Llalla. /abcnews.al

 

tom-doshi1.jpg
G. P.12:42 | 19/04/2018

Deputeti i mazhorancës në Kuvendin e Shqipërisë, Tom Doshi, i kërkon sqarime Departamentit Amerikan të Shtetit që pak ditë më parë i ndaloi atij dhe familjes hyrjen në Shtetet e Bashkuara te Amerikës.

Tom Doshi:Kërkoj të prononcohet edhe DASH për akuzën që më kanë bërë.

Më herët, Doshi pati deklaruar se nuk ka qenë asnjëherë ministër dhe nuk ka firmosur asnjë tender, ndërsa pas seancës parlamentare të së enjtes shkoi më tej, duke shigjetuar kolegët e tij në parlament. Vettingut, sipas deputetit të Shkodrës, veç gjyqtarëve dhe prokurorëve duhet t’i nënshtrohen edhe politikanët.

Tom Doshi:Unë propozova që të bëhet Vetting edhe në politikë siç bëhet në gjyqësor dhe në prokurori për Reformën në Drejtësi. Por unë ju garantoj ju që nëse bëhet Vetting edhe në politikë nuk kalon as gjysma e Parlamentit. Të fillojnë të hetohet qysh tek shkollimi i fëmijëve, që i kanë shkolluar të gjithë jashtë, ku janë të ardhurat e tyre, tek vilat, tek makina, tek jeta e luksit që bëjnë dhe ta shikojmë se si dalin””

Pas ish-kryprokurorit Adriatik Llalla, deputeti i mazhorancës qeverisëse bëhet zyrtari i dytë nga Shqipëria, i cili shpallet person i padëshirueshem në Shtetet e Bashkuara te Amerikës.

Vendimin e Sekretarit Amerikan të Shtetit e bëri publik zëdhënësi i tij përmes një njoftimi për shtyp më 16 Prill, ku thuhej se sipas ligjeve amerikane, kur ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë.

Dy ditë më pas, zëdhënësi i Departamentit Amerikan të Shtetit i tha televizionit Klan se DASH ka informacionet të besueshme për përfshirjen e deputetit shqiptar Tom Doshi në afera korruptive si anëtar i Kuvendit.

Ndërkohë të tjera raste janë marrë në shyrtim dhe do t’u komunikohen personave publikisht ose privatisht./abcnews.al

1523901519_tomdoshi1.jpg
ent ela19:23 | 18/04/2018

Departamenti Amerikan i Shtetit thotë se ka informacione të besueshme për përfshirjen e deputetit shqiptar Tom Doshi në afera korruptive. Në një përgjigje për Tv Klan, zëdhënësi i Departamentit të Shtetit thotë se po shqyrtohen edhe raste të tjera të cilat do tu komunikohen personave në fjalë publikisht ose privatisht sipas rastit.

Departamenti Amerikan i Shtetit thotë se vendimin për të shpallur “non grata” të deputetit shqiptar Tom Doshi e mori në bazë të informacioneve të besueshme se ai ka qenë i përfshirë në afera korruptive gjatë mandatit të tij si anëtar i Kuvendit. Pas interesimit te Tv Klan, zëdhënësi i Departamentit Amerikan të Shtetit nuk përmend çështje konkrete ku Doshi është i përfshirë, por thotë se korrupsioni prek interesat e sigurisë kombëtare amerikane, por edhe të vendeve partnere.

“Departamenti ka informacione të besueshme se z. Doshi ka qenë i përfshirë në korrupsion të rëndësishëm gjatë mandatit të tij si deputet. Në përgjithësi, korrupsioni shkakton kosto të konsiderueshme për ekonominë, shoqërinë dhe sigurinë; mund të lehtësojë krimin e organizuar; dhe degradon besimin në sundimin e ligjit dhe qeverisjes. Kjo ndikon drejtpërsëdrejti interesat e sigurisë kombëtare të SHBA-ve, ekonomike dhe të jashtme, dhe, ne besojmë, dhe të vendeve partnere”.

Vendimi për të ndaluar hyrjen në Shtetet e Bashkuara të deputetit Tom Doshi vjen pas atij të dhënë në fillim të vitit për ish-Prokurorin e Përgjithshëm Adriatik Llalla. Por a ka të tjerë zyrtarë të lartë shqiptarë për të cilët do të merret e njëjta masë? Në Departamentin e Shtetit thonë se rastet janë në shqyrtim.

 “Kur Departamenti i Shtetit merr informacion të besueshëm se një zyrtar ka qenë i përfshirë në korrupsion të rëndësishëm dhe /ose shkelje të rënda të të drejtave të njeriut, Departamentit i kërkohet të caktojë zyrtarët dhe anëtarët e tyre të ngushtë të familjes sipas nenit 7031 (c). Ne po shqyrtojmë në mënyrë aktive rastet dhe e zbatojmë këtë autoritet globalisht. Varësisht nga rrethanat e veçanta, disa përcaktime bëhen publikisht, ndërsa të tjerat bëhen privatisht”.

Vetë deputeti i Shkodrës, nuk ka pranuar të bëjë komente pas vendimit të departamentit të shtetit. Kundër tij ka pasur në të kaluarën një reagim të Ambasadës Amerikane në Tiranë e cila përshëndeste përjashtimin e Doshit nga grupi parlamentar i Partisë Socialiste më 2 mars 2015. /abcnews.al

 

bami-1280x880.jpg
G. P.13:07 | 18/04/2018

Gjykata e Tiranës ka shuar masën e sigurisë ndaj Durim Bamit, i akuzuar që prej 2015 për një atentat të pretenduar ndaj deputetit Tom Doshi. Vendimi u dha nga gjyqtari Bledar Abdullai, teksa Bami prej afro tre vjetësh ndodhet në arrest shtëpiak.

Pas gati tre vitesh izolim, fiton lirinë Durim Bami, një nga tre të akuzuarit për fabrikimin e provave të rreme të një skenari për vrasjen e deputetit Tom Doshi në vitin 2015. Gjykata e Tiranës ka vendosur të shuajë masën e sigurisë “arrest shtëpie”, në të cilën ai qëndronte prej më shumë se dy vitesh. Vendimi është dhënë nga gjyqtari Bledar Abdullai, i cili ka vlerësuar se kjo masë sigurie i kishte humbur të gjitha efektet e saj.

Bami akuzohet për “kallëzim të rremë” në të njëjtën dosje ku janë të pandehur edhe deputeti Tom Doshi dhe ish-deputeti, Mark Frroku.

I pandehuri Bami, u arrestua në 2 Mars 2015 në pikën e kalimit kufitar të Hanit të Hotit, në rrethin e Malësisë së Madhe. Shkak u bënë deklaratat publike të deputetit Tom Doshi, se Bami ishte “rekrutuar” për eliminimin fizik të tij dhe të deputetit tjetër Mhill Fufi. Pas arrestimit ai mohoi të kishte marrë porosi për vrasjen dhe pretendoi se ishte kërcënuar nga deputeti për t’u regjistruar duke folur për “skenarin” e eliminimit të tij.

Durim Bami qëndronte në “arrest shtëpie” që prej 8 Majit 2015, pasi u lirua nga dy muaj qëndrimi në “arrest në burg”. Ndonëse kanë kaluar tre vjet, gjykimi i kësaj çështjeje nuk ka nisur. Pas dorëzimit në Gjykatën e Lartë, dosja shkoi në Kushtetuese për interpretim kompetencë. Mandej tek Krimet e Rënda, sërish në Gjykatën e Lartë dhe së fundmi në Gjykatën e Tiranës. Në vijimësi, Bami ka kërkuar lirim nga “arresti shtëpiak”, kërkesë që i është refuzuar, derisa masa i humbi efektet e saj./abcnews.al

tom-doshi.jpg
G. P.13:40 | 17/04/2018

Deputeti Tom Doshi refuzoi sot t’i përgjigjej interesimit të gazetarëve për një reagim të tij pasi Departamenti i Shtetit vendosi t’i ndalojë hyrjen në Amerikë atij dhe familjes për shkak të përfshirjes në korrupsion. Një ditë më parë, deputeti i Shkodrës ishte shprehur se ai nuk ka pasur detyra në qeveri dhe nuk është marrë me tendera.

Një ditë pas shpalljes person non grata në Shtetet e Bashkuara të Amerikës nga Departamenti Amerikan i Shtetit, deputeti Tom Doshi iu drejtua kryesisë së Kuvendit por refuzoi t’i përgjigjej interesimit të gazetarëve për situatën.

Tom Doshi: “A jeni ne terezi? Unë jam prononcuar dje”.

Në sallë nuk qëndroi më shumë se 5 minuta, për t’u larguar mes batutave duke përsëritur deklaratën e një dite më parë.
Të njëjtën deklaratë deputeti i mazhorancës e njoftoi menjëherë pas shpalljes nga Departamenti Amerikan i Shtetit anullimi i vizës dhe shpallja persona non grata në SHBA.

Përmes mediave, deputeti deklaroi se është opozitar, se s’ka firmosur ndonjëherë dhe 13 vjet kam deputet, por asnjëherë në pushtet. Për të bërë korrupsion duhesh të jesh ministër e kryeministër u shpreh ai, duke deklaruar se është taksapaguesi më i madh në Shqipëri me kompanitë që ka.

Departamenti amerikan i Shtetit publikoi vendimin për ndalimin e hyrjes në Shtetet e Bashkaura të Amerikës të deputetit Tom Doshi dhe familjes së tij, për shkak të përfshirjes në raste madhore korrupsioni.

Vendimi e sekretarit amerikan të Shtetit e ka bërë të ditur zëdhënësi i tij përmes një njoftimi për shtyp me 16 Prill ku deklaronte se sipas ligjeve amerikane, kur ka informacione të besueshme se një zyrtar i huaj është i përfshire në raste madhore korrupsioni apo shkelje të të drejtave të njeriut, atij dhe familjes së tij të ngushte i ndalohet hyrja në Amerikë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono