tokio
POLICE QUESTION TRAVELERS AT VICTORIA COACH STATION TODAY PICTURE JEREMY SELWYN 15/09/2010

placido-domingo-1280x700.jpg
nev ila13:02 | 08/11/2019

Nuk do të jetë pjesë e ceremonisë së hapjes së Lojërave olimpike 2020 në Tokio. Këngëtari lirik Placido Domingo ka vendosur të anulojë shfaqjen si pasojë e akuzave për ngacmime seksuale.

Placido Domingo vendosi të anulojë shfaqjen e tin në lojërat Olimpie të Tokios në program për vitin e ardhshëm. Lajmi është konfirmuar nga orgamizatorët e lojërave olimpike, pa dhënë arsye për këtë vendim. Muajt e fundit Domingo, 78 vjec, është akuzuar për ngacmime seksuale nga më shumë se 20 gra.

Domingo i ka mohuar gjithnjë akuzat duke pretenduar se bëhej fjalë për marrëdhënie ku të dyja palët ishin dakord. Për shkak të skandalit që shpërtheu, në fillim të muajit tetor, këngëtari lirik dha dorëheqjen nga posti I drejtorit të përgjithshëm të Operës së Los Anxheles./abcnews.al

 

tajfuni.jpg
nev ila11:56 | 12/10/2019

Është regjistruar viktima e parë në Japoni si pasojë e super tajfunit Hagibis i cili i është afruar Tokios. Rreth 24 mijë banesa në qendër të kryeqytetit janë pa energji elektrike ndërsa era ka arritur një shpejtësi prej 215 kilometrash në orë.

Tajfuni më i fuqishëm i vitit, Hagibis, ka nisur rrugën e tij drejt lindjes së Japonisë në drejtim të Tokios. Policia konfirmoi viktimën e parë. Sipas autoriteteve erërat e forta që arrijnë deri në 215 kilometra në orë, kanë shkaktuar dëme të mëdha në shumë banesa në një territor që më parë ishte goditur nga tajfuni Faksai në fillim të muajit shtator.

Agjencia meterologjike kombëtare në Japoni ka shpallur nivelin e pestë të alarmit në vend, duke paralajmëruar për rrezikun e reshjeve të dendura në disa zona të arqipelagut. Këto rajone do të goditen nga reshje që nuk janë parë prej dekadash në vend.

Sipas mediave japoneze të paktën 24 mijë banesa janë pa energji elektrike në metropolin e Tokios. Urdhëri për evakuim të menjëhershëm prek 262 mijë banorë, ndërsa paralajmërimet për kujdes përfshijnë 5.15 milion persona në 13 prefektura në lindje të Japonisë.

Autoritetet që monitorojnë tajfunin, i 19 për këtë vit, kanë ditë që paralajmërojnë se do të jetë shumë i dhunshëm./abcnews.al

tajfuni-tokio.png
nev ila16:06 | 11/10/2019

Banorët e Tokios në Japoni janë në pritje të super tajfunit Hagibis, i cili konsiderohet si më i fuqishmi për këtë vit. Turistët janë lajmëruar të shkarkojnë aplikacionin që jep informacione në kohë reale si dhe planet e emergjencës.

Janë orë ankthi në Japoni për mbërritjen e tajfunit Hagibis, më i fuqishmi i vitit sipas të dhënave të agjencisë kombëtare oër motin. Parashikimet më alarmuese flasin për uraganin më të fuqishëm të viteve të fundit.

I klasifikuar në nivelin 5, që është i larti, ai do të vijë duke u dobësuar para se të prekë tokën. Priten erëra me një shpejtësi më të lartë se 180 kilometra katrorë dhe reshje të dendura, ndërkohë që autoritetet anuluan dy ndeshje të kupës së botës për Regbin. Më shumë se qindra fluturime janë anuluar

Sipas ekspertëve vendas Hagibis është zhvilluar me një shpejtësi anormale dhe është i fortë pasi lëviz në ujëra oqeanike me tmepratura mbi mesataren. Dhe provat e Formula 1 në Suzuka janë pezulluar.

Në muajin shtator tajfuni Faksai gjunjëzoi Tokion duke shkaktuar tre viktima dhe dhjetëra mijë të pastrehë. Ndërsa një vit më parë stuhia Jebi shkaktoi viktima dhe dëme materiale me një vlerë prej 30 miliard dollarësh./ABC News Albania 24/7

tokyo-759.jpg
ent ela11:45 | 02/09/2019

Tokio shpallet për herë të tretë radhazi si qyteti më i sigurtë në botë sipas klasifikimit të përvitshëm të së përjavshmes britanike Ekonomist. Në vend të dytë renditen Singapori dhe Osaka, një tjetër qytet japonez.

Për herë të tretë radhazi Tokio është në vendin e parë të klasifikimit për qytetet më të sigurta në botë. Sipas hetimeve të përvitshme të së përjavshmes britanike “Economist”, kryeqyteti japonez është në krye të qyteteve për sa i përket parandalimit të tragjedive natyrore, në nivelin më  të ulët për sulmet informatike, dhe ka një nivel kriminaliteti shumë të ulët. Në vend të tretë renditet Singapori dhe në të tretin një tjetër qytet japonez Osaka.

Qyteti i parë në Europë është Amsterdami, i cili renditet në vendin e katërt, ndërsa Milano dhe Roma renditen në vendin e 29 dhe të 30. Në fund të klasifikimit janë qytete si Karakas, në vend të 59, dhe kryeqyteti i Nigerisë Lagos në vend të 60.

Klasifikimi i “Economist” i cili për herë të parë u publikua në vitin 2015, këtë vit ka monitoruar 60 qytete duke përdorur disa parametra në fushat si ajo dxhitale, e shëndetit, niveli i infrastrukturës dhe siguria personale. /ABC News Albania 24/7

neymar.jpg
ad min19:50 | 26/06/2019

Kylian Mbappe e ka shqetësuar shumë klubin e tij, Paris Sanit Germain, me planet që ka verën e ardhshme. Sulmuesi dëshiron të luajë për Francën edhe në Euro 2020, edhe në Lojërat Olimpike.

Kombëtaren e ka në zemër, ashtu si Michel Platini. Nëse ylli i dikurshëm i “gjelave” nuk pranoi nga Juventusi asnjë kufizim për aktivizimin me Francën, edhe Kylian Mbappe nuk dëshiron të jetë ndryshe.

Mediat franceze shkruajnë se sulmuesi i Paris SG ka në plan që të luajë jo vetëm me ekipin përfaqësues në finalet e Euro 2020-ës, gjithnjë nëse arrihet kualifikimi, por edhe në turneun olimpik që do të zhvillohet në Tokio.

Kjo do të thotë se 20-vjeçari do të ketë një verë tepër të ngarkuar vitin e ardhshëm, me fare pak pushim, diçka që e ka shqetësuar pa masë klubin parizien.

Presidenti Al Khelaifi dhe trajneri Tuchel janë të alarmuar, pasi lodhja dhe mungesa e pushimit mund të bëjë që Mbappe të mos jetë në formën e duhur në sezonin pasardhës 2020-2021, gjë që mund të ndikojë shumë në rezultatet e skuadrës, pasi ai është një nga lojtarët kryesorë.

Euro 2020 nis në 12 Qershor të vitit të ardhshëm dhe përfundon në 12 korrik, me Francën që është një nga pretendentët kryesore.

Lojërat Olimpike në Tokio fillojnë në 24 korrik, pra më pak se dy javë pas mbylljes së Olimpiadës, dhe përfundojnë në 9 gusht. Mbappe nuk ka luajtur kurrë për Shpresat franceze, por mosha e lejon të aktivizohet, ndërsa gjithçka mbetet në dorë të trajnerit Silven Ripol./ABC News Albania 24/7

korete.jpg
ent ela11:13 | 16/02/2019

Në lojërat olimpike të Tokios në 2020-ën, Koreja e Veriut dhe ajo e Jugut mund të marrin pjesë me një skuadër të përbashkët. Propozimi i është dorëzuar Komitetit Olimpik ndërkombëtar, i cili po shqyrton mundësinë.

Në Lozanë, presidenti i Komitetit Olimpik Ndërkombëtar Tomas Bak është takuar me një delegacion të dy Koreve me objektivin për të diskutuar për pjesëmarrjen e përbashkët në lojërat olimpike të 2020-ës në Tokio në disa disiplina.

Në tryezën e bisedimeve është dhe mundësia e një kandidature të përbashkët për të organizuar lojërat olimpike në 2032-shin.

Bak e cilësoi takimin si një symbol të pushtetit unifikues të sportit. Ai tha se komiteti e ka mirëpritur propozimin dhe tashmë po diskutohet me federatat ndërkombëtare dhe do të vazhdojë dialogun në mënyrë të detajuar me dy delegacionet.

Komiteti olimpik bëri të ditur se po shqyrtohet mundësia për një skuadër të përbashkët në basketboll, Hokej për femra, në xhudo dhe në kanotazh për femra e meshkuj.

Nëse propozimi do të pranohet do të duhet të ndodhë para fillimit të kualifikimit në Lojërat olimpike.

Dy delegacionet drejtohen nga ministrat respektivë të sportit. Dy Koretë marshuan me një flamur të bashkuar në ceremoninë e hapjes së lojërave olimpike dimërore në 2018-ën, duke prezantuar një skuadër të përbashkët në Hokej për femra. /abcnews.al

medals-1280x853.jpg
ad min22:51 | 09/02/2019

Japonia ka vendosur që medaljet për Lojërat Olimpike të 2020-s, të realizohen nga materiale të ricikluara. Projekti ka nisur në vitin 2017 për të promovuar mbrojtjen e ambientit.

Tokio ka nisur përgatitjet për realizimit e të gjiha medaljeve të Lojërave Olimpike dhe Paraolimpike 2020 me ar, argjend dhe bronx të nxjerrë nga aparatetet celularë, fotokamerat dhe aparateve të tjera elektronike. Komitetiti organizator i lojërave bëri të ditur se mbledhja e materialeve do të kompletohet deri në 31 Mars.

“Tokyo 2020 Medal Project” i nisur nga Japonia në 2017-n, synon realizimin e 5 mijë medaljeve ari, argjendi dhe bronxi, me material të ricikluara. Për këtë arsye, qytetarët dhe sipërmarrjet janë ftuar për të marrë pjesë në mbledhjen e mbeturinave elektronike. Deri në Tetor janë mbledhur 47.500 ton mbeturina elektronike të mbledhura nga operatori i telefonisë japoneze Dokomo në pikat e tij të shitjes. Bronxi që duhet, 2700 kilogramë, është mbledhur që në Qershor të një viti më parë. Sasia e arit është mbledhur deri në 93.7% të totalit rreth 28 kilogramë, ndërsa argjendi rreth 85 për qind e sasisë./abcnews.al

dinozaur-1280x854.jpg
ad min13:34 | 17/01/2019

Një hotel në Tokio do të pushojë nga puna 200 robotë dhe në vend të tyre do të punësohen njerëz. Drejtuesit e hotelit u shprehën se pas tre vitesh kuptuan se robotët nuk janë në lartësinë e duhur.

Jo efikas, të ngadaltë dhe të paaftë për t’iu përgjigjur kërkesave të klientëve. Të paktën gjysma e nëpunësve të hotelin Henn-na të Tokios do të pushohen nga puna. Por lajmi është se ata janë të gjithë robotë. Hoteli u bë i famshëm sepse ishte nga të parët në botë që punësoi 200 robotë në vend të njerëzve. Pas tre vitesh, eksperimenti konsiderohet i dështuar. Drejtuesit e hotelit në periudhën e fundit kanë marrë shumë ankesa nga klientët dhe kështu kanë vendosur t’i pushojnë nga puna.

Wall Street Journal shkruan se i pari që u çaktivizua ishte asistenti vokal i dhomës, i cili nuk arrinte t’u përgjigjej pyetjeve më të thjeshta, ose aktivizohej në mes të natës sapo dëgjonte zhurmën më të vogël. Robotët që merreshin me bagazhet, fikeshin në rast se binte shi apo borë dhe kritikoheshin pasi ishin shumë të ngadaltë. Ndërsa recepsionistët, nuk dinin të jepnin informacione për vendet që mund të vizitoheshin apo për oraret e fluturimit.

Robotët pas pak vitesh konsiderohen të vjetëruar, por drejtuesit vendosën që të mos i rinovojnë më. Por gjithsesi, ata paralajmërojnë se koha e robotëve nuk ka përfunduar./abcnews.al

robotet.jpg
ad min21:38 | 02/02/2018

Japonia nuk njeh limite në teknologji. Kësaj here, një kafene në shtetin aziatik ka krijuar një robot banakier, i cili mund të të bëjë dhe më pas ta shërbejë kafenë.

Roboti, i “pagëzuar” me emrin Sawyer, shërbeu për herë të parë këtë javë në kafenenë “Henna” në Tokio.

Sawyer, i cili është i pajisur vetëm me një krah, skanon biletën dhe më pas përshëndet klientin.

“Dëshironi një kafe të shijshme? Unë mund t’ua bëj më mirë se qëniet njerëzore këtej rrotull”, mund të thotë Sawyer me një zë të ulët.

Për t’u bërë një kafe nga banakieri më i ri në Tokio duhen vetëm disa minuta dhe kushton 3 dollarë.

Gjithashtu, Sawyer mund të përgatisë edhe disa pije të tjera duke përfshirë kapuçinon dhe çokollatën e nxehtë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono