Tiranë

aaa-1280x853.jpg
G. P.10:35 | 14/07/2019

Edhe në këto ditë të nxehta korriku, Bashkia e Tiranës dhe Agjencia Kombëtare e Ujësjellës-Kanalizime po vijojnë me intensitet të lartë punën për realizimin e projektit strategjik “Rehabilitimi i Rrjetit Hidrik të Tiranës”.

Projekti synon dyfishimin e kapacitetit filtrues dhe transmetues të ujit nga Bovilla deri në Tiranë, duke ofruar shërbim më të mirë të furnizimit me ujë të pijshëm për afro 1 milionë banorë.

Deri më tani, brenda 4 muajve janë realizuar afro 40 për qind të punimeve, dhe duke marrë parasysh ritmin e punës parashikohet që vepra të finalizohet para afatit të kontratës.

Përveç zonës së Tiranës qytet, përfituesit kryesor do jenë edhe zonat periferike si Astiri apo zona e Unazës së Madhe, kjo pasi projekti parashikon një linjë të dedikuar vetëm për këto zona./abcnews.al

kanabis-933x445.jpg
ent ela12:20 | 13/07/2019

Dy vëllezër nga fshati Mënik i Ndroqit kanë rënë në prangat e policisë së Tiranës gjatë aksionit për parandalimin e kultivimit të bimëve narkotike, ndërsa vëllai i tretë u shpall në kërkim.

Vëllezërit me iniciale M. G., 17 vjeç dhe T. G., 35 vjeç përgatiteshin për të kultivuar bimë narkotike në zonën e quajtur “Përroi i Bllomes” në pyllin e fshatit Mënik. Operacioni i koduar “Lugina 2” sekuestroi edhe 60 fidanë kanabis, ndërsa u procedua në gjendje të lirë kryeplaku i fshatit Mënik.

Njoftimi i Policisë

Në zbatim të detyrave të përcaktuara në Planin e Veprimit, për marrjen e masave për parandalimin e kultivimit të bimëve narkotike, duke ushtruar kontroll periodik të territorit, si dhe bazuar në informacionet e marra në rrugë operative për disa shtetas që përgatiteshin për të kultivuar bimë narkotike në zonën e quajtur “Përroi i Bllomes” në pyllin e fshatit Mënik është organizuar dhe zhvilluar operacioni i koduar “Lugina 2”.

Si rezultat i operacionit u arrestuan në flagrancë shtetasit:

– M. G., 17 vjeç, banues në fshatin Mënik/Ndroq

– T. G., 35 vjeç, banues në fshatin Mënik/Ndroq

U shpall në kërkim dhe po punohet intesivisht për kapjen e shtetasit:

– E. G., 37 vjeç, banues në Mënik/Ndroq (të tre vëllezër).

Gjithashtu u procedua në gjëndje të lirë kryeplaku i njësisë administrative Ndroq, shtetasi:

– S. B., 61 vjeç, banues në fshatin Mënik/Ndroq.

Gjatë operacionit në territor në vendin e quajtur “Përroi i Bllomes”, në pyllin e fshtatit Mënik në Njësinë Administrative Ndroq u evidentuan fidanë kanabis tē kultivuara në tokë.

Materialet procedurale u referuan Prokurorisë pranë Gjykatës Shkallës Parë Tiranë për veprën penale “Kultivim i bimëve narkotike, kryer në bashkëpunim”, në ngarkim të shtetasve M. G., T. G., dhe E. G., dhe për veprën penale “Moskallzim krimi” në ngarkim të shtetasit” S. B. /abcnews.al,

policia-tiranes6-933x445-933x445-1.jpg
G. P.16:37 | 12/07/2019

Policia e Tiranës ndaloi një person, i cili dyshohet se është autori i dyshuar i plagosjes me thikë të një 31-vjeçari. Ngjarja ndodhi në rrugën “Gjergj Legisi”, ku 29-vjeçari D.M. goditi për motive të dobëta me mjet prerës 31-vjeçarin D.B. fatmirësisht i lënduari ndodhet jashtë rrezikut për jetën.

Mësohet se 29-vjeçari ka qenë i dënuar më parë për vjedhje, plagosje të rëndë me dashje dhe kundërshtim të punonjësit të policisë. Në momentin që ka kryer këtë vepër penale, i riu ka qenë me masën sigurimi “Arrest shtëpie”, por ishte larguar nga vendi i qëndrimit.

“Materialet në ngarkim të tij  i kaluan Prokurorisë të Rrethit Gjyqësor Tiranë për veprat penale “Largimi i burgosurit nga vendi i qëndrimit” dhe “Vrasja me dashje” mbetur në tentativë”, përfundon njoftimi i policisë./abcnews.al

 

GRIPI-I-SYVE-NE-TIRANE-EPIDEMI-1280x720.jpg
ent ela15:20 | 11/07/2019

Një virus i ri po qarkullon në vend. Njihet si gripi i syve dhe në Tiranë mjekët thonë se po kthehet në epidemi. Ata apelojnë për kujdes të shtuar me higjenën pasi viroza përhapet me shpejtësi.

Mbajnë radhë për një vizitë tek okulisti. Gripi i syve po prek të rritur dhe fëmijë. Në Tiranë mjekët tregojnë se kjo virozë po kthehet në epidemi.

Nis me sy të skuqur, të fryrë, lotim, vështirësi në shikim dhe deri mbyllje të plotë të tyre. Gripi i syve përhapet me shpejtësi. Ngjitet përmes kontaktit me duar apo sende të veçanta. Ndërsa shenjat i shfaq dy javë pas prekjes nga virusi.

Kur duhet të shqetësohemi e të shkojme tek mjeku?

Në përhapjen e gripit të syve këtë kohë po ndikojnë dhe pishinat e plazhi. Nëse jeni prekur prej tij mjekja bën thirrje për t’i shmangur pasi uji përhap virusin tek personat e tjerë.

Mjekët apelojnë për kujdes të shtuar me higjienën, ndërsa thonë se neglizhenca sipas bluzave të bardha sjell komplikacione të rënda deri në humbje të shikimit. /ABC News Albania 24/7

tiranew-1280x728.jpg
Sej rie08:00 | 11/07/2019

Moti i kthjellët mbizotëron Evropën Veriore dhe Rajonin e Mesdheut. Ndërsa alternime kthjellimesh dhe vranësira të shpeshta të cilat do të sjellin shira paraqiten Ishujt Britanikë, pjesërisht Qendra dhe Evropa lindore.

Sipas MeteoAlb: Orët e para të ditës paraqiten me  kthjellime dhe vranësira, ku më të dukshme vranësirat mbeten në zonat malore. Parashikohet që edhe pasditja të vijoje në të njëjtat kushte atmosferike.

Temperaturat e ajrit do të ulen lehtë në mëngjes por rënie më të paktën 2 gradë sjellë mesdita duke u luhatur nga 13°C deri ne 32°C.

Era do fryjë mesatare në tokë deri e fortë në det me shpejtësi 45 km/h nga drejtimi Veriperëndimor duke krijuar dallgëzim 4 ballë./abcnews.al

policia3-933x445.jpg
G. P.16:30 | 08/07/2019

Rreth 1 milionë euro është vlera e pasurisë, që u sekuestruan me urdhër të Prokurorisë së Pogradecit. Nga hetimet nisura një vit më parë, rezultoi se, pasuritë ishin fshehur në emër të një grua pensioniste, e cila zotëronte 7 apartamente banimi, 2 në Pogradec dhe 5 në Tiranë.

Pasuria dyshohet se ishte përfituar nëpërmjet një skeme mashtrimi në qytetin e Como-s në Itali, në një shumë prej 2.3 milionë euro. Guardia di Finanza, zbuloi fillimisht se, gruaja me origjinë shqiptare, e cila bashkëjetojnë me një italian, kishte dërguar një pjesë të parave në adresë të mamasë së saj në qytetin e Pogradecit. Operacioni i koduar “Transferta” u krye në kuadër të task-forcës, Forca e Ligjit.

Vendimi i Gjykatës së Shkallës së Parë Pogradec është dhënë më 5 Korrik të 2019-s, ndërsa për pjesën tjetër e pasurive prej 1.3 miliardë euro, të përfituar nëpërmjet mashtrimit ende agjentët e krimeve ekonomike nuk kanë rënë në gjurmët e tyre./ABC News Albania 24/7

kopesht-933x445.jpg
ent ela10:30 | 08/07/2019

Bashkia e Tiranës po ndërton një kopsht dhe një çerdhe të integruar në njësinë administrative nr 6, ish Kopshti nr.34 për të përballuar numrin e lartë të kërkesave të prindërve për të regjistruar fëmijët e tyre në çerdhet dhe kopshtet publike

Objekti i ri është planifikuar të jetë me dy dhe tre kate, aktualisht po kryhen punime ndërtimi dhe në vijim punimet elektrike, punime hidraulike, sistemi i ngrohjes dhe sistemim i jashtëm i sheshit.

Banorët e Kombinatit do të përfitojnë investimin më të rëndësishëm për fëmijën e tyre dhe në të gjithë bashkë për komunitetin tonë.

Ndërkohë, çerdhet dhe kopshtet pranë vendit të punës do të jenë një projekt pilot që do të nisë Bashkia e Tiranës këtë mandat të dytë. /abcnews.al

maxresdefault-1-1280x720.jpg
nev ila10:52 | 07/07/2019

Punonjësit e Policisë rrugore ndërhyjnë për të parandaluar një konflikt në një autobus të linjës Kinostudio-Kombinat.

Gjatë ndërhyrjes , punonjësit e policisë rrugore janë kundërshtuar me dhunë nga dy shtetasit që po dhunonin fatorinon e autobusit, por neutralizohen dhe vihen në pranga.

Mbrëmjen e djeshme, në rrugën e “Dibrës” në Tiranë, në autobusin e linjës-Kinostudio- Kombinat, dy shtetas që ishin pasagjerë në këtë autobus, si pasojë e një konflikti të çastit po dhunonin fatorinon e autobusit.

Drejtuesi i autobusit kur ka parë dy punonjës të policisë rrugore që ishin me shërbim në afërsi të Spitalit “Nënë Tereza”, ka ndaluar autobusin dhe ka kërkuar ndihmën e tyre.

Punonjësit e Policisë rrugore kanë ndërhyrë menjëherë për të neutralizuar konfliktin, por dy shtetasit A.T., 24 vjeç, dhe F. K., 20 vjeç, banues të dy në Tiranë, kundërshtuan me dhunë edhe punonjësit e Policisë Rrugore, por nuk kanë mundur dot të largohen pasi janë neutralizuar dhe prangosur nga punonjësit e Policisë.

Në përfundim të veprimeve u bë arrestimi në flagrancë i shtetasve A.T dhe F.K, për veprat penale “Kundërshtimi i punonjësit të policisë së rendit publik” dhe “Goditja për shkak të detyrës”.

Materialet në ngarkim të tyre i kaluan Prokurorisë të Rrethit Gjyqësor Tiranë për veprime të mëtejshme./abcnews.al

ZK1A1723-730x440-728x430.jpg
nev ila10:37 | 07/07/2019

Kryetari i Komunitetit Mysliman të Shqipërisë Haxhi Bujar Spahiu zhvilloi një takim në selinë e Komunitetit Mysliman me imamët e xhamive të Tiranës, ku prezantoi myftiun e ri të Tiranës, Lauren Luli.

Gjatë takimit kreu i KMSH-së vuri theksin në dhënien e një impulsi të ri institucionit të myftinisë. Gjithashtu, Spahiu vlerësoi punën dhe kontributet e deritanishme në këtë myftini.

Myftiu i ri i Tiranës, z. Lauren Luli është teolog. Ai ka kryer studimet e larta në Fakultetin e Shkencave Islame në Bursa të Turqisë dhe më pas masterin shkencor në Shkencat e Hadithit në KU Bedër, Tiranë. Ai ka ushtruar detyrën e tij si imam dhe myfti si dhe prej dy vitesh mbante postin e nënkryetarit të KMSH-së.

Imamët e Myftinisë së Tiranës mirëpritën emërimin e z. Luli në këtë detyrë si edhe shprehën gatishmërinë për të bashkëpunuar dhe çuar përpara shërbimin fetar në kryeqytetin e vendit.

Ish Myftiu i Tiranës z. Gurra tashmë mban postin e Këshilltarit të Kryetarit të Komunitetit Mysliman të Shqipërisë./ABC News Albania 24/7

SHFAQJA-ME-PJESE-BALETI-MOLIN-ROUGE.mpg_snapshot_00.01-1280x720.jpg
G. P.16:45 | 06/07/2019

 Shfaqja e baletit “Moulin Rouge” solli emra të njohur të skenave botërore në amfiteatrin e Tianës. Mbrëmja ofroi  magjinë e artit botëror përmes gjuhës së trupit.

Amfiteatri i Tiranës tek kodrat e liqenit, ishte pika e takimit me yjet e skenave të ndryshme të botës. Balerinë nga  Moska, Kievi, Tokio, Athina, Londra dhe Milano ofruan një mbrëmje unike përmes lëvizjeve të trupit.

Shfaqja “Takohemi në Moulin Rouge” u mirëprit nga spektatori kryeqytetas. Pjesë klasike si: “Zhizel”, “Liqeni i Mjelmave”, “Ëndrra e një nate vere” si dhe pjesë kontemporane,  sollën një atmosferë të jashtëzakonshme në Tiranë, në këtë sezon turistik.

Në këtë shfaqje nuk munguan edhe balerinët e rinj të Shkollës së Baletit të cilët interpretuan në skenën e Amfiteatrit. Ky event u mbështet nga Bashkia e Tiranës./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono