Tiranë

godina-15-budina.jpg
in a16:00 | 08/12/2019

Në Ditën e Rinisë, fadromat e Inspektoriatit Kombëtar të Territorit shemben godinën nr. 15 në Qytetin Studenti, e vlerësuar si e pabanueshme për shkak të dëmtimeve të tërmetit të 26 nëntorit. Kjo godinë konsiderohet si “selia” e parë e protagonistëve të dhjetorit ‘90, por edhe vendi ku u dakordësua emri i Partisë Demokratike. Robert Budina, një nga protagonistët e Lëvizjes së Dhjetorit thotë se me shembjen e kësaj godine është vrarë edhe demokracia. 

Të gjithë studentët e asaj periudhe e kujtojnë si selinë ku mblidheshin protagonistët e Lëvizjes Studentore, që soli pluralizmin në Shqipëri. Kjo godinë kishte një përzierje studentësh, që kryesisht për arsye politike, e kishin nisur me vonesë arsimin e lartë. Që prej 8 dhjetorit, kur nisi Lëvizja Studentore me kërkesa për drita e ujë, godina 15 u identifikua si qendër e rezistencës studentore.

Intelektualë të njohur të kohës si Sali Berisha, Arben Imami, Besnik Mustafaj, Gramoz Pashko, Elsa Ballauri etj, u bashkoheshin në këtë godinë Azem Hajdarit e Shenasi Ramës, që identifikoheshin si udhëheqësit e lëvizjes studentore. Pas protestës së 9 Dhjetorit para Liceut Artistik, kur policia ndaloi avancimin e studentëve drejt sheshit Skënderbej e pas goditjeve me shkopinj gome, nisi edhe një valë arrestimesh.  Pikërisht në godinën 15, policia e kërkoi gjatë Azem Hajdarin pasditen e 9 dhjetorit, pa arritur ta gjente dot. Robert Budina, një nga protagonistët e lëvizjes së dhjetorit, shpreh keq ardhje për prishjen e godinës simbol për demokracinë.

Në orët e para të mëngjesit të 12 dhjetorit, në godinën 15, një grup intelektualësh e studentësh, të mbledhur për të diskutuar krijimin e partisë së re, e emërtuan Partia Demokratike. Godina 15 konsiderohet si selia e parë ku u ngjiz puna për krijimin e PD, që u finalizua më tej në shtëpinë e Gramoz Pashkos.

Godina 15 mbart këtë simbolikë historike të krijimit të partisë që shenjoi pluralizmin politik, e nxitur nga Lëvizja Studentore, e që i hapi rrugë demokracisë në Shqipëri pas 46 vitesh diktaturë. Ndërkohë, sot pas 29 vitesh, Budina thotë se me shembjen e godinës, është vrarë edhe demokracia. “Eshtë një goditje ndaj sistemit. Shembja e godinës në këtë ditë është përgjigje e pushtetit komunist, me rrënjët e padukshme që godet demokracinë. Ajo godinë duhet të qendronte aty si simbol i fjalës së lirë”, u shpreh ai.

Godina 15 në Qytetin Studenti u shpall e pabanueshme pas dëmtimeve nga tërmeti. Në të kanë jetuar prej vitesh 30 familje, të cilat tashmë kanë mbetur të pastrehë./abcnews.al

 

arrest.jpg
Autor E12:14 | 07/12/2019

Kanë dalë pamjet e operacionit të policisë së Tiranës gjatë paradites së sotme teksa shpëton nga pengmarrësit 23 vjeçarn nga Maqedonia Davor Velefski.

Ngjarja ndodhi në zonën e Farkës, Farkës mbi godinën e Kryegjyshatës në Tiranë.

Tre persona në bashkëpunim me njëri tjetrin morën peng shtetasin maqedonas Davor Velefski dhe nën kërcënimin e armës i kanë kërkuar një shumë prej 250 000 eurosh.

“Këta tre shtetas në bashkëpunim me njëri-tjetrin i kanë hequr lirinë shtetasit maqedonas D. V., 23 vjeç dhe nën kërcënimin e armës i kanë kërkuar një shumë prej 250 000 eurosh. Dy persona, A. Xh., 41 vjeç, dhe  S. M., 42 vjeç, banues në Tiranë u arrestuan në flagrancë për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë” Gjithashtu u procedua në gjendje të lirë për veprën penale “Moskallëzim krimi”, shtetasi: S. E., 50 vjeç, lindur dhe banues në Strugë/Maqedoni, beri me dije policia.

Ngjarja

Ngjarja ka ndodhur gjatë ditëve të fundit në lagjen “Ali Demi” pranë Kryegjyshatës Bektashiane ku dy persona, një 41 vjeçar dhe një 42 vjeçar fillimisht futen me forcë në makinë 23 vjeçarin nga Maqedonia Davor Velefski.

Pasi e kanë futur në makinë ata i kanë vendosur pistoletën në kokë duke i kërkuar 250 mijë euro.

Pasi është informuar për ngjarjen, policia është vënë në ndjekje të personave duke i arrestuar. Njëri prej tyre tentoi të largohej në këmbë me vrap, por pas një ndjekjeje të shkurtër efektivët e policisë kanë mundur ta kapin.

Të arrestuarit janë Abert Xhoka dhe Sokol Masha, të cilët tani akuzohen për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”.

Atat hodhën poshtë akuzat pasi pretendonin se nuk ishte pengmarrje por se 23 vjeçarit i kishin bërë presion për kthimin e një borxhi.

Nga policia është proceduar dhe shtetasi tjetër maqedonas Subi Ethemi për moskallëzim krimi.

Njoftimi i policisë

Tiranë

Goditet një rast i heqjes së padrejtë të lirisë dhe shtrëngimit me anë të kanosjes ose dhunës për dhënien e pasurisë.

Finalizohet operacioni policor i koduar “Lake”.

Vihen në pranga dy shtetas dhe një tjetër procedohet në gjendje të lirë.

Forca e Posaçme “Shqiponja” në bashkëpunim me Komisariatin e Policisë Nr.1, në sajë të informacioneve të marra në rrugë operative, zhvilluan operacionin policor të koduar “Lake” si rezultat i të cilit u arrestuan në flagrancë për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”, shtetasit:

– A. Xh., 41 vjeç, dhe S. M., 42 vjeç, banues në Tiranë.

Gjithashtu u procedua në gjendje të lirë për veprën penale “Moskallëzim krimi”, shtetasi: S. E., 50 vjeç, lindur dhe banues në Strugë/Maqedoni.

Këta tre shtetas në bashkëpunim me njëri-tjetrin i kanë hequr lirinë shtetasit maqedonas D. V., 23 vjeç dhe nën kërcënimin e armës i kanë kërkuar një shumë prej 250 000 eurosh.

Materialet procedurale iu referuan për veprime të mëtejshme Prokurorisë së Rrethit Gjyqësor Tiranë.

policia-tirane.jpg
ger ta11:08 | 07/12/2019

Katër persona janë arrestuar në Tiranë në kuadër të operacionit “Informaliteti 2”.

Burime nga policia bëjnë me dije se në kuadër të këtij operacioni janë shpallur në kërkim dhe 4 shtetas të tjerë, por  për arsye hetimore nuk bëhen të ditur të dhëna të tjera.

Arrestimet kanë ardhur në vijim të planin të masave “Për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore”.

Njoftimi i plotë:

Finalizohet operacioni policor i koduar “Informaliteti 2”.

Operacioni nga Seksioni për Krimin Ekonomik dhe Financiar në bashkëpunim me Hetimin Tatimor.

Ekzekutohen masat e sigurisë “Arrest me burg” për 4 shtetas, si dhe shpallen në kërkim 4 të tjerë.

Në vijim të planin të posaçëm të masave “Për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore”, Seksioni për Krimin Ekonomik dhe Financiar në bashkëpunim me Hetimin Tatimor finalizuan operacionin policor të koduar “Informaliteti 2”, në kuadër të të cilit u ekzekutuan masat e sigurisë “Arrest me burg” për shtetasit:

– A. R., 46 vjeç,  A. A., 61 vjeç, Dh. B., 48 vjeçe, dhe  A. I., 41 vjeç, banues në Tiranë.

Gjithashtu në kuadër të këtij operacioni janë shpallur në kërkim dhe 4 shtetas të tjerë, ku për arsye hetimore nuk bëjmë me dije të dhëna të tjera.

Materialet procedurale i kaluan Prokurorisë pranë Gjykatës së Shkallës së Parë, Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave” ./abcnews.al

 

tirane-sjp.jpg
Autor E10:42 | 07/12/2019

Policia ka një pistë hetimi tashmë në lidhje me shpërthimin e një sasie lënde plasëse në një lokal në zonën e Liqenit në Tiranë.

Gazetari Andi Qosja bën me dije për abcnews.al se pista e parë lidhet me problemet me konkurrencën që mund të ketë patur pronari i lojali8t M.H, i cili ushtron gjithashtu aktivitet edhe në fushën e ndërtimit.

Policia bëri me dije se shpërthimi ndodhi në orën 23:55 në rrugën “Shyqyri Brari”. Pavarësisht dëmeve te vogla ai shkaktoi jo pak frikë tek banorët përreth për shkak të zhurmës së fortë.

Njoftimi i policisë:

Më datë 06.12.2019, rreth orës 23:55 në rrugën “Shyqyri Brari”, në afërsi të lokalit me pronësi të shtetasit M. H ka shpërthyer një sasi e vogël lënde e dyshuar plasëse, duke shkaktuar vetëm dëme materiale.

Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.

policia-durres.jpg
Autor E09:52 | 07/12/2019

Një pengmarrje si në filma ka ndodhur sëfundmi në Tiranë ku dy persona kanë futur fillimisht me forcë në makinë një 23 vjeçar nga Maqedonia duke i kërkuar 250 mijë euro pasi i kishin vënë pistoletën në kokë.

Burime zyrtare bëjnë me dije se ngjarja ka ndodhur gjatë ditëve të fundit në lagjen “Ali Demi” pranë Kryegjyshatës Bektashiane ku dy persona, një 41 vjeçar dhe një 42 vjeçar fillimisht futen me forcë në makinë 23 vjeçarin nga Maqedonia Davor Velefski.

Pasi e kanë futur në makinë ata i kanë vendosur pistoletën në kokë duke i kërkuar 250 mijë euro.

Dalin pamjet e operacionit: Si e shpëtoi policia maqedonasin që u mor peng për 250 mijë euro në Tiranë

Pasi është informuar për ngjarjen, policia është vënë në ndjekje të personave duke i arrestuar. Njëri prej tyre tentoi të largohej në këmbë me vrap, por pas një ndjekjeje të shkurtër efektivët e policisë kanë mundur ta kapin.

Të arrestuarit janë Abert Xhoka dhe Sokol Masha, të cilët tani akuzohen për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”.

Atat hodhën poshtë akuzat pasi pretendonin se nuk ishte pengmarrje por se 23 vjeçarit i kishin bërë presion për kthimin e një borxhi.

Nga policia është proceduar dhe shtetasi tjetër maqedonas Subi Ethemi për moskallëzim krimi.

Njoftimi i policisë

Tiranë

Goditet një rast i heqjes së padrejtë të lirisë dhe shtrëngimit me anë të kanosjes ose dhunës për dhënien e pasurisë.

Finalizohet operacioni policor i koduar “Lake”.

Vihen në pranga dy shtetas dhe një tjetër procedohet në gjendje të lirë.

Forca e Posaçme “Shqiponja” në bashkëpunim me Komisariatin e Policisë Nr.1, në sajë të informacioneve të marra në rrugë operative, zhvilluan operacionin policor të koduar “Lake” si rezultat i të cilit u arrestuan në flagrancë për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”, shtetasit:

– A. Xh., 41 vjeç, dhe S. M., 42 vjeç, banues në Tiranë.

Gjithashtu u procedua në gjendje të lirë për veprën penale “Moskallëzim krimi”, shtetasi: S. E., 50 vjeç, lindur dhe banues në Strugë/Maqedoni.

Këta tre shtetas në bashkëpunim me njëri-tjetrin i kanë hequr lirinë shtetasit maqedonas D. V., 23 vjeç dhe nën kërcënimin e armës i kanë kërkuar një shumë prej 250 000 eurosh.

Materialet procedurale iu referuan për veprime të mëtejshme Prokurorisë së Rrethit Gjyqësor Tiranë.

tirane-sjp.jpg
Autor E07:20 | 07/12/2019

Një shpërthim me lëndë plasëse ka ndodhur mbrëmë në mesnatë në Tiranë.

Burime nga policia bëjnë me dije se ngjarja ka ndodhur në rrugën “Shyqyri Brari”, në afërsi të lokalit me pronësi të shtetasit M. H.

Nga shpërthimi raportohet vëtëm për dëme materiale.

Njoftimi i policisë:

Më datë 06.12.2019, rreth orës 23:55 në rrugën “Shyqyri Brari”, në afërsi të lokalit me pronësi të shtetasit M. H ka shpërthyer  një sasi  e vogël lënde e dyshuar plasëse, duke shkaktuar vetëm  dëme materiale.

Grupi hetimor  po vijon punën për zbardhjen e rrethaneve të ngjarjes, identifikimin dhe kapjen e autorit./abcnews.al

banoret-myslym-keta.jpg
nev ila16:31 | 05/12/2019

Pallate të shumta në kryeqytet janë dëmtuar dhe banorëve nuk iu është thënë nëse duhet të qëndrojnë brenda godinave apo të shkojnë diku tjetër.

Grupi i xhirimit i ABC News vëzhgoi nga afër gjendjen e disa familjeve në zonën e Freskut dhe te blloku i banimeve të rrugën “Myslym Keta”, ku asnjë inxhinier nuk ka parë nga afër dëmtimet e pësuar në apartamentet e tyre.

Tirana është rrethi i dytë më dëmtuar nga tërmeti pas Durrësit. Ndryshe nga qyteti bregdetar që banorët kanë marrë një përgjigje për dëmtimit në banesat në kryeqytet ky veprim nuk është kryer ende në disa zona.

Banorët e bllokut pallateve në rrugën “Myslym Keta” jetojnë në apartamente të dëmtuara. Kuvendojnë me njëri-tjetrin pasi asnjë specialist i certifikuar nuk iu ka thënë nëse janë dëmtuar kolonat mbajtëse të pallatit apo janë çarë muret e brendshme.

Jetmiri Quku na fton për të parë gjendjen brenda banesës së tij. Frika mbetet evidente për kryefamiljarin që dikur ka qenë emigrant në Itali.

Ky 76-vjeçar kërkon informacion se çfarë duhet bërë me dëmet e shkaktuara nga tërmeti dhe sa kohë duhet të qëndrojnë pa u monitoruar godina. Zhvendosemi në një tjetër zonë të Tiranës.

Edhe pse janë ndërtime të reja, shumë pallate në zonë Freskut u dëmtuan. Por përsëri banorëve nuk iu është thënë gjë nëse duhet të qëndrojnë brenda shtëpive apo të largohen.

Enver Klosi është në pritje të një përgjigje nga Bashkia e Tiranës. Ai na tregon se shumë banorë janë larguar nga hyrja e tij te të afërmit dhe larg nga kryeqyteti.

365 pallate janë dëmtuar në Tiranë nga tërmeti i 26 nëntorit, ndërsa shtëpi banimi janë 4700./abcnews.al

bonusi-qiraja-bashkia.jpg
nev ila16:16 | 05/12/2019

Banorët e Tiranës, banesat e të cilave janë shpallur të pabanueshme prej tërmetit të 26 nëntorit do të përfitojnë një bonus qiraje nga Bashkia. Për ABC News, nënkryetarja e Bashkisë, Anisa Ruseti tregoi të gjithë dokumentet që do u duhet qytetarëve për të përfituar bonusin e qirasë për një vit.

Nuk janë pak, janë 1649 banorë të Tiranës të cilët prej 26 nëntorit nuk jetojnë në banesat e tyre. Shtëpitë e tyre janë vlerësuar të rrezikshme dhe këto ditë po i kalojnë në qendra sociale, palestra dhe çadra. Anisa Ruseti, nënkryetare e Bashkisë së Tiranës  në ABC News tregon se ky është një strehim i përkohshëm për ta dhe sqaron hapat për t’u strehuar në një ambient më të përshtatshëm.

“Familjet janë të lira të aplikojnë për bonusin e qerasë, duke shkuar te njësia administrative, të gjejnë apartamentin që ata gjykojnë që është më i përshtatshëm për to, dhe unë besoj që prej javës tjetër do të disbursojë bonuset e para të qerasë”.

Plotësimi i formularit është vetëm hapi i parë. Aplikantët do u duhet të vërtetojnë që banesa e tyre është e pabanueshme dhe të paraqesin disa dokumente të tjera shtesë.

“I vetmi dokument që kërkohet është plotësimi i formularit, akt verifikimi dhe konstatimi nga Instituti i ndërtimit, i cili e shpall të pabanueshme apartamentin apo banesën e tyre, një certifikatë familjare, numrin e llogarisë bankare ku do të duhet të kalohen lekët pas miratimit të këshillit bashkiak”.

Nënkryetarja e Bashkisë Tiranë nuk jep një afat kur përmbyllet ky proces, por shton se:

“Ne nuk kemi vendosur masë shtrënguese se ku duhet të jetë banesa, por sigurisht kemi marrë vlerën mesatare të tregut që ndodhet specifikisht jo në qendër të Tiranës pasi aty banesat janë më të shtrenjta”.

Ndryshe do të veprohet me banorët e zonave rurale që banesat i janë konsideruar të pabanueshme.

“Në zonat rurale, kryesisht familjarët na kanë kërkuar që ne të mund ti  ngremë cadra sepse janë të lidhur me tokën, me bagëtinë e tyre ose edhe me jetesën, dhe të gjithë njësitë tona administrative në zonat rurale kanë ndjekur këtë strategji për të akomoduar familjet”.

Sipas bilancave të bëra deri më tani pritet që numri I njerëzve që do të kenë nevojë për strehim në Tiranë dhe zonat përreth të shkojë në rreth 2 mijë./abcnews.al

endri-xhafo-arbi-mazniku-1280x608.jpg
nev ila19:07 | 04/12/2019

I ftuar në studion e ABC News, me gazetarin Endri Xhafo, ka qenë nën/Kryetari i Bashkisë Arbi Mazniku. Mazniku foli për situatën, në të cilën ndodhen banesat e dëmtuara, nga tërmeti i 26 nëntorit në Tiranë.

Sipas Maznikut, deri sot, janë vlerësuar se 1700 familje në rrethin e Tiranës kanë mbetur të pastrehë, për shkak të dëmtimeve në banesat e tyre. Mazniku tha se, për të gjithë ato familje që kanë mbetur të pastrehë si pasojë e tërmetit, Bashkia ka filluar një program të ri, për një bonus qeraje të posaçëm, i cili do të paguajë qeranë e familjeve të pastreha, për 1 vit.

Situata në Tiranë duket se po agravohet, për sa i përket zbulimit dita ditës, të godinave që janë dëmtuar, dhe të cilat kanë pësuar dëmtime të rënda.

“Gjatë ditës së sotme kemi patur në terren më shumë se 20 skuadra të përbërë nga inxhinierë, vullnetarë pjesa më e madhe e tyre, të cilët gjej momentin ti falënderoj se kanë punuar për ditën e pestë sot me orë të zgjatura. Kemi kontrolluar 480 banesa në total, dhe janë shpallur 61 si të pabanueshme. Janë 1118 familje të cilët janë evakuuar nga banesat. Jemi në një situatë ku po bëjmë verifikimin paraprak. Nëse inxhinierët konstatojnë se banesa ka probleme atëherë  një grup i dytë do të duhet të vlerësojë në mënyrë të detajuar dhe të shohë nëse këto objekte janë të pabanueshme apo kanë nevojë për një riparim dhe mund të vazhdojnë të qëndrojnë. Pjesa më e madhe e banesave të dëmtuara rëndë janë ndërtuar në vitet 70-80 të ndërtuara me tulla silikate. Nuk kemi asnjë rast problematik në ndërtesat e ndërtuara pas viteve 95-96. Ndërkohë kemi problematika në fshat ku janë dëmtuar 638 banesa. Në këto raste kemi banesa të dëmtuara edhe nga tërmeti i parë i 21 shtatorit dhe të tërmetit të dytë. Deri tani flasim për 1700 familje në total pa strehim. Për sa i përket strehimit, një pjesë e madhe janë strehuar te të afërmit e tyre. Rreth 610 janë strehuar në qendra sociale. Sot kemi filluar një program të ri për një bonus qeraje të posaçëm. Personat në këto situata, që sot, mund të aplikojnë për këtë bonus qeraje, i cili për 1 vit, do të paguhet nga buxheti i Bashkisë së Tiranës“, tha Mazniku.

I pyetur se nëse numri i familjeve që kanë mbetur pa strehim do të rritej apo jo në ditët në vazhdim Mazniku tha:

“Dje kemi patur ditën më të keqe, ku kishim raste të shumta. Sot janë shtuar 8 ose 9 banesa, ka akoma një numër banesash pa u kontrolluar por pritshmëria është për të mos u rritur shumë ky numër. Tirana ka 2800 pallate dhe ne kemi parë 480 deri tani”.

Endri Xhafo: Ju do ti kontrolloni të gjithë pallatet?

Arbi Mazniku: Si prioritet, për të kontrolluar kemi patur shkollat, universitetet, konviktet dhe banesat. Përzgjedhja jonë deri tani ka qenë në bazë të emergjencës. Pra nëse një objekt i tipit pallat, ka shenja të dukshme dëmtimi, atëherë gjëja e parë që duhet të bëhet, është të njoftohet njësia administrative pranë tyre, që të alokohet një grup specialistësh, për të shkuar për të parë banesën.

Ndërsa për sa i përket shkollave dhe çerdheve në qytetin e Tiranës Mazniku tha:

“Kemi pasur fillimisht në fokus shkollat. Janë 300 objekte arsimore të cilat kanë qenë prioritet i yni, grupi i inxhinierëve janë fokusuar fillimisht te këto objekte. Arsimore. Kemi patur objekte të tjera të cilat kanë funksione publike, konviktet e qytetit studenti, objektet universitare. Përzgjedhja jonë deri tani ka qenë në bazë të emergjencës. Në rastin e shkollave kemi bërë një analizë të trefishtë dhe kemi qenë shumë të kujdesshëm dhe sot mund tju them që sot 14 shkolla dhe 3 çerdhe kanë probleme strukturore, të cilat na e bëjnë të pamundur parimin e shpejtë. Për këtë grup shkollash kemi marrë një grup të posaçëm inxhinierësh e arkitektësh të cilët janë duke vlerësuar se çfarë ndërhyrje duhet. Teksa u bë vlerësimi se këto kanë probleme strukturore, tani do të kemi një vlerësim tjetër i cili do të zgjasë 2 ose 3 ditë, për të parë në këtë kategori objektesh, se çfarë lloj ndërhyrje mund të bëhet në to. Deri ditën e premte në drekë kemi përcaktuar që të kemi një vlerësim për këto shkolla. Pjesa tjetër e shkollave ka dëmtime por që janë bazike dhe që do të riparohen nga skuadrat tona”, tha Mazniku./abcnews.al

 

zyra-operacionale.jpg
nev ila19:00 | 04/12/2019

5514  shtëpi janë dëmtuar rëndë nga tërmeti, ndër të cilat mbi 3800 janë në Durrës.

Por procesi i verifikimit të dëmeve duket se po ecën ngadalë. Sipas të dhënave të pasdites nga Zyra operacionale e menaxhimit të pasojave të tërmetit, në qarkun Durrës janë inspektuar nga grupet e ekspertëve vetëm 541objekte. 

Zyra Operacionale për Menaxhimin e Fatkeqësive Natyrore ka bërë bilancin e inspektimeve të kryera deri në orën 18:30 në qarqet më të prekura nga tërmeti i 26 nëntorit.

Në emër të zyrës operacionale, zv/ministre Rovena Voda tha se sipas të dhënave të përpunuara deri në orën 18:30 të kësaj të mërkure, rezulton se janë:

-Banesat e pabanueshme: Bashkia Durrës 270, Bashkia Krujë 748, Bashkia Shijak 717

-Banesa për t’u prishur: Bashkia Durrës 34, Bashkia Krujë 8, Bashkia Shijak 228

-Objektet që janë prishur: 17 objekte në Bashkinë Durrës, 10 në zonën e Thumanës

Ndërsa në mesditë Zyra Operacionale për Menaxhimin e Fatkeqësive Natyrore solli këtë panoramë për shtëpitë e shembura dhe ato të dëmtuara në disa qarqe në vend. Kështu,

-1183  Shtëpi të shembura, nga të cilat në Durrës 1050, në Tiranë 131 dhe në Dibër 2.

-5514  Shtëpi të dëmtuara rëndë nga të cilat në Durrës 3838, në Tiranë në 1311, në Lezhë në 168, në Kukës 150, në Dibër 13, në Elbasan 34.

-3569 Shtëpi të dëmtuara lehtë nga të cilat në Tiranë 3248, në Dibër 73, në Elbasan 248

-558 Pallate të dëmtuara rëndë nga të cilat në Durrës 35, në Tiranë 461, në Lezhë 56, në Kukës 4, në Dibër 1 dhe në Elbasan 1.

-337 Pallate të dëmtuara lehtë, nga të cilat  në Tiranë 330, në Elbasan 7

-20 Pallate të pabanueshme janë në Tiranë

-28 të Shkolla të dëmtuara nga të cilat në Tirana 11, Lezhë 5, Kukës 3, dhe në Elbasan 9

-15 Kabina elektrike të dëmtuara në Tiranë

-146 Biznese të dëmtuara në Tiranë.

Si dhe 2 qendra shëndetësore të dëmtuara në Tiranë,  dhe 1 në Kukës.

Zyra operacionale bën të ditur se janë 3975 qytetarë gjithsej të akomoduar në strukturat hoteliere për qarqet Lezhë dhe Durrës. Në Lezhë janë akomoduar në tri hotele 1306 qytetarë  ndërsa në Durrës në 13 hotele janë akomoduar 2669 qytetarë.

Zyra operacionale njofton se vijon në terren inspektimi i të gjitha dëmeve në ndërtesa nga 55 ekspertë ndërkombëtarë nga Greqia, Turqia, SHBA, BE, Zvicra, Maqedonia e Veriut dhe Franca, që iu janë bashkuar 74 ekspertëve shqiptarë, e prej kësaj të marte i janë bashkuar edhe 30 inxhinierë nga Kosova, duke e çuar numrin gjithsej, në 159.

Deri mesditën e sotme në qarkun Durrës janë inspektuar 541 objekte./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono