Tiranë

aluizni-ok-1.jpg
R D19:47 | 25/01/2020

Tre zyrtarë të ALUIZNI-t të Tiranës kallëzohen në prokurori nga Kontrolli i Lartë i Shtetit. Punonjësit e Drejtorisë Rajonale Tirana-Jug akuzohen se legalizuan banesa në kundërshtim me ligjin. Nga një auditim në këtë drejtori, KLSH ka konstatuar se “ish-drejtori dhe 2 ish-përgjegjës të sektorit kanë krijuar një mungesë të ardhurash në buxhetin e shtetit në vlerën 161,3 mln lekë.

Sipas auditimit, janë bërë legalizime të objekteve pa respektuar distancat nga rrugët apo edhe objekte të cilat bien mbi projektin infrastrukturor të Planit të Përgjithshëm Vendor i Bashkisë Tiranë. Të gjitha këto veprime janë shoqëruar me mangësi në dokumentacion e procesverbale. Edhe dokumentacioni ka shërbyer si provë për KLSH për të paditur penalisht tre ish zyrtarët për shpërdorim detyre. /abcnews.al

lajm-i-fundit-1-1280x720.jpg
R D17:04 | 25/01/2020

Një bombol gazi ka shpërthyer në zonën e “Myslym Shyrit” në Tiranë. Dy automjete zjarrfikëse kanë shkuar në vendin e ngjarjes dhe po punojnë për shuarjen e flakëve. Nga të dhënat paraprake mësohet se bombola ka shpërthyer pranë një pike tregtare që shërben për mbushjen e gazit. Nuk ka ende të dhëna nëse nga flakët rrezikohet depozita e gazit.

(lajmi në përditësim)

shpejtesiii.png
So Nila09:19 | 25/01/2020

Policia Rrugore ka pezulluar nëntë leje drejtimi mbrëmjen e së premtes  e rrugen interurbane kryesore Tiranë -Elbasan dhe në Unazën e Madhe.

Gjatë kontrolle të 24 orëve të fundit policia përveç pezullimit të lejeve të drejtimit ka gjobitur drejtues mjetesh, mes tyre dhe një person, që “fluturonte” në rrugë me shpejtësi skëterrë 171 km/h.

Ndërkohë policia bën me dije se vetëm në 24 ditët e para të këtij viti, numërohen më shumë se 900 leje drejtimi te pezulluara për shpejtësi, përsëri ka shumë drejtues mjetesh që rrugën e përdorin dhe e konsiderojnë si piste për të “fluturuar” dhe jo për të qarkulluar me automjet.

Njoftimi policisë:

171 km/h në rrugën interurbane kryesore Tiranë -Elbasan, në unazën e madhe, matur me Radar ne një largësi prej 734 m.

Shpejtësi e mjaftueshme për tu✈ dhe sigurisht e mjaftueshme edhe për 🚑.

Edhe pse prej fillimit te muajit janar rrugët interurbane dhe urbane kryesore te vendit, te konsideruara me rriskë te larte per shkak te aksidenteve rrugore dhe pasojave te ardhura prej tyre, kryesisht shpejtësia mbi normat e lejuara, vijojnë te jene te monitoruara me radar dhe janë jo pak, por vetëm për 24 ditët e para të këtij viti, numërohen më shumë se 900 leje drejtimi te pezulluara për shpejtësi, përsëri ka shumë drejtues mjetesh që rrugën e përdorin dhe e konsiderojnë si piste për të “fluturuar” dhe jo për të qarkulluar me automjet.

Prej orës 20:00 e deri në orën 01:00 të mëngjesit të sotëm, u pezulluan 9 leje drejtimi për shpejtësi mbi normat e lejuara që varionin nga 130 deri në 171 km/h.

Gjithashtu nga verifikimi rezultoi se krahas shpejtësisë ekstreme për kushtet e rrugës, 2 prej tyre ishin debitor me mbi 7 masa administrative te pashlyera si dhe një tjetër automjet rezultoi i pasiguruar dhe certifikuar teknikisht.

Policia Rrugore e Tiranes po vijon kontrollet me Radar e Drager ne te gjitha rrugët e Tiranes.

Mos abuzoni me shpejtësinë dhe alkoolin, pasi do jeni te ekspozuar ndaj rrezikut për tu përfshire ne aksident rrugor./abcnews.al

Maluma-1-696x435-1.jpg
So Nila09:57 | 24/01/2020

Maluma, bukuroshi kolumbian që marrosi gjysmën e botës, do të kalojë në Tiranë si pjesë e turneut të tij botëror. Por, në dallim nga gjithë qytetet që listohen në faqen zyrtare të artistit, përveç  Tiranës nuk ka një buton që mundëson blerjen e biletave të koncertit. Mesa duket po punohet ende për një portal ndërmjetës që të lidhë fansat e këngëtarit me biletat.

 

Maluma do të vizitojë Tiranën më 14 mars dhe burimet thonë se data e koncertit do të jetë pikërisht 14 marsi.

Maluma pritet të jetë në Tiranë pasi të performojë në Greqi përkatësisht më 11 dhe 13 mars./abcnews.al

 

Një-aksident-me-pasojë-vdekjen-në-autostradën-Tiranë-Durrës-1.jpg
So Nila10:40 | 23/01/2020

Një person është plagosur paraditen e kësaj të enjteje si pasojë e një aksidenti rrugor që ka ndodhur në Kombinat në Tiranë.

Informacionete bëjnë me dije se ngjarja ka ndodhur si pasojë e një manovre të gabuar që ka bërë automjeti.

Ndërkohë i plagosuri mësohet se ndodhet në gjendje kritike në spital. Policia ndodhet në vendin e ngjarjes dhe po punon për zbardhjen e plotë të kësaj ngjarje.

Tiranë / Informacion paraprak

Sot, më datë 23.01.2020, rreth orës  10:10, në rrugën e “ Qelqit”, në Kombinat, mjeti me drejtues shtetasin SH.H, ka aksidentuar këmbësoren, TH.M, 64 vjeçe, e cila u dërgua menjëherë në spital dhe ndodhet në kujdesin e mjekeve.

Shërbimet e Policisë Rrugore dhe grupi hetimor  ndodhen në vendngjarje dhe po punojnë  për  sqarimin e  rrethanave të ngjarjes dhe  përcaktimin e shkakut të aksidentit.

/abcnews.al

policia-3-1280x702.jpg
R D09:58 | 21/01/2020

Një 19-vjeçar është arrestuar nga policia pasi mbrëmjen e djeshme ka qëlluar disa here me thikë një 37-vjeçar duke i shkaktuar plagë të shumta. Ngjarja ka ndodhur në periferi të Tiranës, tek shinat e trenit.

Njoftimi i policisë

E godet disa herë më thikë duke e plagosur rëndë një 37-vjeçar, falë reagimit në kohë të shërbimeve të Komisariatit të Policisë Nr. 3 kapet dhe arrestohet autori.

Nga specialistët për hetimin e krimit në Komisariatin e Policisë Nr. 3 u bë arrestimi në flagrancë i shtetasit A. H., 19 vjeç, banues në Tiranë.
Arrestimi i tij u bë pasi ky shtetas, tek shinat e trenit, rreth orës 20:05 të mbrëmjes së datës 20.01.2020, për motive të dobëta ka goditur disa herë me një mjet shpues e prerës shtetasin I. Z., 37 vjeç, banues në Tiranë, i cili ndodhet në gjendje të rëndë për jetën.

Shërbimet e Komisariatit të Policisë Nr. 3, pas marrjes së njoftimit për ngjarjen, kanë shkuar menjëherë në vendngjarje dhe pas rreth dy orë kërkimesh dhe kontrollesh në zonë, bënë të mundur gjetjen, kapjen dhe arrestimin e 19-vjeçarit.

Materialet do t’i kalojnë Prokurorisë së Rrethit Gjyqësor Tiranë, për veprën “Plagosja e rëndë me dashje”.

hahaha.jpg
nev ila22:10 | 20/01/2020

Mbrëmjen e sotme  një ngjarje e rëndë ka ndodhur në zonën e “Astirit”. Është qëlluar me armë zjarri një 28 vjeçar.

Siç raporton Andi Qosja për ABC News, bëhet fjalë për Vilson Tafciu, i cili në momentin e atentatit ka qenë i ulur në ambientet e një lokali, bashkë me miq të tij.

Sipas burimeve për ABC News viktima përdorte 2 mbiemra, Vilson Tafciu dhe (Noka).

Autorët kanë zgjedhur të thërrasin viktimën, jashtë ambienteve të lokalit, e më pas kanë qëlluar me armë zjarri drejt tij, duke e lënë të vdekur në vend. Më pas autorët janë larguar me një automjet tip Golf 6.

Mësohet se ka patur shumë persona në momentin kur ka ndodhur atentati ndaj 28 vjecarit. Viktima ishte me dy mikeshat e tij ne lokal, dhe është thirrur nga një i njohur jashtë. Duket se ngjarja ka qenë e mirëmenduar, pasi ka qenë një i njohur që e ka thirrur.

Miqtë dhe dëshmitarë të shumtë tashmë janë shoqëruar në komisariatin nr. 6, për të dhënë dëshminë e tyre, ndërkohë njoftohet se është gjetur arma e krimit në vendngjarje, një pistoletë TT.

28-vjeçari është qëlluar me tre plumba duke gjetur vdekjen e menjëhershme.

Teksa ka ngritur pikat e kontrollit, policia është duke hetuar në dy pista, atë të kaluarës së viktimës, por nuk përjashtohet mundësia që ngjarja të ketë ardhur edhe për shkaqe xhelozie.

/abcnews.al

urbani.jpg
ger ta17:06 | 20/01/2020

Autobusi urban i linjës Kamëz-Tiranë është përfshirë nga flakët pasditen e sotme.

Urbani ka marrë flakën në pjesën e pasme të tij. Ndërkaq, siç shihet nga pamjet e siguruara nga abcnews.al është bllokuar për disa çaste qarkullimi i automjeteve  në njërin sens në “Bulevardin blu” të Kamzës.

sherri.jpg
Autor E14:38 | 20/01/2020

Disa të rinj janë përleshur me shkopinj dhe thika në zonën e Fakultetit të Gjuhëve të Huaja në Tiranë.

Sherri ka nisur mes dy grupeve për shkaqe ende të paqarta.

Nga të dhënat paraprake mësohet se nga sherri masiv kanë mbetur të plagosur me thika dhe mjete të forta dy të rinj, ndërsa policia ndodhet në vendin e ngjarjes për të sqaruar rrethanat e sherrit. /abcnews.al

allias-grabitja.jpg
nev ila22:18 | 19/01/2020

Dy persona kanë mbetur të plagosur me armë zjarri në kryeqytet.

ABC News mëson se ngjarja ka ndodhur në rrugën “Njazi Meka”, ku të shtënat me armë janë dëgjuar nga të gjithë banorët e zonës.

Nga informacionet mësohet se një çift bashkëshortësh kanë mbetur të plagosur brenda banesës së tyre.

Ngjarja është zhvilluar në sy të fëmijës së tyre.

Policia njoftoi se çifti i bashkëshortëve, kanë mbetur të plagosur, si pasojë e një grabitjeje në banesë, nga autorë të cilët janë ende të paidentifikuar.

Grupi hetimor ndodhet në vendngjarje dhe po punon për zbardhjen dhe dokumentimin e plotë të saj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono