tirane – elbasan

RRUGA-TIRANE-ELBASAN.mpg_snapshot_00.04-1280x720.jpg
ent ela19:01 | 11/09/2019

Teksa punimet në rrugën e re Tiranë-Elbasan kanë prekur finishin me rehabilitimin e shembjes në Ibë, kompania greke Copri-Aktor që udhëhoqi punimet, po lë një mal me borxhe në furnitorë. Më së shumti, bëhet fjalë për biznese shqiptare që kanë furnizuar me mallra dhe shërbime kompaninë.

Paratë janë diskutuar më së shumti gjatë ndërtimit të rrugëse Tiranë Elbasan e vazhdojnë të jenë kryefjalë pasi bizneset e furnitorët kërkojnë borxhet tek ndërtuesi,kompania greke Copri-Aktor.

Sipas të dhënave nga bilanci i kompanisë për vitin 2018, detyrimet e kompanisë ndaj të tretëve arritën në 5,1 miliardë lekë në fund të vitit të kaluar ose 42 milionë euro. Detyrimet janë të fokusuara në dy zëra të “pagueshme ndaj furnitorëve” mbi 2 miliardë lekë dhe 3.1 miliardë lekë për “debitorë dhe kreditorë të tjerë”.

Borxhet e kompanisë janë të pasqyruara edhe në ekstraktin në Qendrën Kombëtare të Biznesit ku shihet që nga maji i vitit 2018 deri në shtator të këtij viti ka 19 urdhra nga përmbarimi që kërkon bllokimin e llogarive dhe aksioneve të kompanisë deri në shlyerjen e detyrimeve.

Duke vëzhguar listën e sekuestrove ajo që bie në sy janë fatura të pashlyera nga Copri-Aktor ndaj kompanive që janë furnizuar me mallra dhe shërbime, apo dhe mospagim kredie. Në listën e kompanive që kërkojnë pagimin e faturave dhe huave me ndihmën e përmbarimit janë AL-Gem, Jubica dhe Banka Amerikane e Investimeve.

Grekët e AKTOR ndërtuan të vetëm tunelin që përfshihet në projekt, ndërkohë që për Lotin 1 që nis nga rreth- rrotullimi i TEG deri në hyrje të tunelit dhe për Lotin 3, që nis nga dalja e tunelit deri në Elbasan, u bashkua me kompaninë Copri.

Në fakt, qysh nga nisja e punimeve situata me ndërtimin e autostradës ka qenë problematike. Copri-AKTOR kanë pasur përplasje disa herë me nënkontraktorët, të cilët kanë braktisur punën për shkak të vonesave në pagesa, por edhe vetë qeveria në disa raste ka krijuar vonesa. Sikur të mos mjaftonte vetëm zinxhiri i borxheve, projekti ka pësuar edhe ndryshime dhe vonesa për shkak të rrëshqitjeve të dheut në zonën e Ibës.

Ajo që u duk se do të ishte një autostradë që do të mbyllej shpejt dhe me lehtësi në fakt përfundoi në një epope më vete. Kompania AKTOR përfundoi në kohë rekord tunelin e Kërrabës i cili kushtoi 8.3 miliardë lekë por për dy lotet e tjera u fut në garë së bashku me kompaninë COPRI, por akoma dhe sot s’ka një bilanc përfundimtar sesa ka shkuar kostoja e këtyre dy loteve.

Rruga e re Tiranë -Elbasan me gjatësi 27 kilometra nisi të ndërtohej në vitin 2011 m një kosto 33 miliardë lekësh (260 milionë euro). Afati për përfundimin total të punimeve ishte viti 2015, por një shembje që ndodhi në Ibë, kërkoi rishikim të projektit dhe kosto të reja. Për dy vite ekzaminime dhe negociata qeveria shqiptare u detyrua të marrë edhe dy kredi të tjera shtesë për përfundimin e rrugës me vlerë 51 milionë euro, duke e çuar koston në total në mbi 300 milionë euro.

Kompania ka publikuar një bilanc katastrofik në aktivitetin e saj në Shqipëri. Humbjet e akumuluara në kapital ishin gati 5 miliardë lekë në fund të vitit 2018, ose rreth 40 milionë euro.

Me mbarimin e aktivitetit, të ardhurat në 2018-n ishin 623 milionë lekë, nga 6 miliardë lekë vitin e mëparshëm. /ABC News Albania 24/7

grabitja-rinas-servisi-elbasan.mp4_snapshot_00.27-1280x720.jpg
ent ela15:38 | 22/04/2019

Policia e Shtetit njoftoi zyrtarisht ka vënë në pranga katër persona si autorë të dyshuar në grabitjen e 9 prill në aeroportin e Rinasit. Abc News ishte në vendin ku dyshohet se u logua forgoni i grabitjes, ndërsa për të rënë në gjurmët e autorëve që ndihmuan Admir Murataj të përgatiste planin e tij, u sekuestruan rreth 70 kamera të bizneseve Tiranë Elbasan.

Këto janë pamjet nga brenda servisit që ndodhet 6 km larg qytetit të Elbasanit, i cili ishte në administrim të vëllait të Klement Çalës.

Eldi Çala, u shpall në kërkim policor, ndërsa në pranga përfunduan, Saimir Çela i dyshuari kryesor që ka logouar automjetin e modifikuar, i cili u përdor nga Admir Murataj për grabitjen e Rinasit.  Për ti shpëtuar patrullës së policisë që ndodhet në hyrje të qytetit të Elbasanit, autorët kanë zgjedhur një rrugë alternative.

Bashkë me Saimir Çelën, në pranga përfunduan edhe Alkond Bengasi, Renaldo Sula dhe Oltion Veseli.

Ky i fundit u prangos në Fushë Krujë dhe dyshohet të ketë ndihmuar grabitësit, në djegien e njërit prej dy mjeteve të përdorur ne krim.

Ndërkohë, oficerët e policisë gjyqësorë kanë marrë në pyetje edhe pronarin e servisit Gentian Sharra, i cili ka pohuar se servisin e kishte në administrim Eldi Çalës, prej shumë kohësh dhe nuk ishte në dijeni të asaj se çfarë ndodhte brenda servisit. Në kërkim vijon të jetë Klement Çala i cili dyshohet se bashku me Admir Murataj që mbeti I vrarë gjatë shkëmbimit të zjarrit me policinë të jenë ideatorët e super-grabitjes së disa miliona eurove në Rinas.

Për të rënë në gjurmët e autorëve, u sekuestruan rreth 70 kamera të bizneseve nga rreth rrotullimi i Bradasheshit deri në Rinas. Policia njoftoi zyrtarisht pas më shumë se 13 ditësh kur ndodhi grabitja e 9 prillit në aeroportin  e Rinasit, duke bërë të ditur se për të rënë në gjurmët e autorëve të dyshuar u përdorën metoda speciale të hetimit, si  përgjimi ambiental për tre personat me origjinë nga Elbasani e po kështu edhe këqyrja me orëve të tëra të pamjeve të kamerave të sigurisë.

Ndërkohë, u angazhuan tre drejtori Vendore,  të Policisë Tiranë, Elbasan dhe Durrës. Nga kontrollet janë gjetur prova materiale të shumta të cilat do të shërbejnë për thellimin e hetimeve dhe zbardhjen e plotë të ngjarjes. Numri i personave të ndaluar deri tani që po verifikohen është 20 të ndërsa për katër prej tyre, prokuroria e Krimeve të rënda ka kërkon masën e sigurisë atë të arrestit me burg.

Gazetar: Andi Qosja

rruga-elbasan-tirane-1280x720.jpg
ent ela13:14 | 23/02/2019

Era e fortë rrëzoi një pishë të madhe në rrugën Elbasan-Tiranë prane fshatit Ibë duke bllokuar këtë aks rrugor për disa orë.

Për fat të mirë nuk ka pasur asnjë automjet apo shtetas të dëmtuar edhe pse në këtë rrugë fluksi i automjeteve është i lartë. Por në të dy anët e saj u krijuan radhë të gjata me automjete.

Sipas dëshmitarëve okularë rënia e pishës ka qenë e menjëhershme dhe aty sapo kishte kaluar një autobus me udhëtarë ndërkohë që prapa ishte një automjet që ka frenuar menjëherë.

Në vendin e ngjarjes shkuan policia dhe mjetet të cilat bënë të mundur hapjen e aksit Elbasan-Tiranë. /abcnews.al

RRUGA-ELBASAN-TIRANE-1280x720.jpg
ent ela14:24 | 23/10/2018

Punimet në rrugën Elbasan –Tiranë aty ku kohë më parë u shemb një masiv toke po vazhdojnë me ritme shpejta. Megjithatë deri në fund të vitit projekti nuk do të përfundojë i plotë, por do të mundësohet një korsi që do të shmangë rrugën e Kërrabës.

“Kanë mbetur pak më shumë se dy muaj nga koha kur rruga Elbasan-Tiranë duhet të jetë krejtësisht e hapur. Të paktën, kështu kanë deklaruar si Ministri Damian Gjiknuri ashtu edhe Kryeministri Edi Rama. Madje Kryeministri e ka pohuar disa herë: ose rruga, ose ikën ministri. Por cila është situata? Abc News shkoi në terren për të parë çfarë po ndodh aktualisht me këtë segment”.

Po punohet me kapacitet të plotë në vendin ku rreth një vit më parë u shemb masivi shkëmbor.  Inxhinierit Kristaq Gjika thote firma fituese është duke vendosur 220 pilota si nga ana e shkëmbit ashtu edhe nga ana e rrugës. Do të ndërtohet një tunel rreth 250 m i gjatë i cili do të ketë për funksion të presë shembjet që mund të bllokojnë rrugën. Gjithashtu do të ketë edhe një mur mbrojtës 56 m të gjatë në lartësinë e shkëmbit. Ne projekt rruga Elbasan-Tiranë  është e ndarë në tre segmente: segmenti 1 Tiranë – hyrje e Tunelit të Kërrabës, segmenti 2 Tuneli i Kërrabës, segmenti 3 dalje e Tunelit – Elbasan. Por ndonëse ky projekt do katër muaj që të përfundojë, segmenti nga Tirana në hyrje të tunelit duhet të dorëzohet me patjetër para mbylljes së dhjetorit.

Pra edhe për këtë vit rruga Elbasan-Tiranë nuk do të dorëzohet e plotë megjithëse një korsi do të bëjë të mundur që të shmanget aksi i vjetër i Kërrabës. Gjatësia totale e rrugës është 27 km, gjerësia është 28 m dhe me dy karexhata të pavarura me nga dy korsi lëvizjeje. Gjithashtu do të ketë një korsi emergjence.

Gazetar i ABC News, Elbasan: Fatos Salliu

GJIKNURI-PER-TIRANE-ELBASAN-1280x720.jpg
ent ela14:00 | 18/09/2018

Kostoja e rrugës Tiranë Elbasan ka shkuar në 450 milionë dollarë nga 312 që ka qenë e parashikuar. Faturën e re e bëri publike ministri i Infrastrukturës dhe Energjisë Damian Gjiknuri në prezantimin e projektit në komisionin e ekonomisë.

Duhen më shumë para për rrugën Tiranë Elbasan. 138 milionë dollarë është fatura që ka parashikuar ministria e infrastrukturës dhe energjisë.

“Kostoja e rrugës ka shkuar 450 milionë dollarë, nga 312 që ka qenë e parashikuar”

Në mbledhjen e komisionit të ekonomisë ministri Damian Gjiknuri dha edhe një tjetër faturë që duhet paguar nga përdoruesit e rrugës.

“Sot që flasim kërkohet minimalisht 50 milionë euro për miërmbajtjen normale pr sistemin tonë rrugor. Aktualisht financojmë pak më pak se 30. Qeveritë e mëparshme nuk kanë financuar më shumë se 2 miliardë lekë. Ka ardhur momenti që përdoruesit e rrugës të kontribuojnë për mirëmbajtjen e rrugës. Parimi është ai që përdor rrugën dhe konsumon më shumë është e vetmja zgjidhje që kanë gjetur të gjithë vendet e botës, aq më tepër vendet me buxhet të varfër si Shqipëria”– u shpreh ministri Gjiknuri sot në komisionin e Ekonomisë.

Një ditë pas fillimit të pagesës në Rrugën e Kombit, ministri i Infrastrukturës dhe Energjisë  tha se çdo gjë po shkon normalisht.

“Në Kukës është mirëpritur marrëveshja e arritur me qeverinë”. /abcnews.al

vlcsnap-error873-1-1280x720.jpg
ad min17:41 | 20/02/2018

Pa kaluar 24 orë nga momenti kur ish-ministri i Transporteve, Edmond Haxhinasto, dha shpjegime në Prokurorinë për Krimet e Rënda një tjetër ish-ministër kaloi pragun e këtij institucioni.

Ai ishte pasardhësi i tij tek Transportet, Sokol Dervishaj. Arsyeja e paraqitjes në Prokurori ishte e njëjta.
Dervishaj u pyet në lidhje me hetimin e nisur ndaj tre ish-zyrtarëve të Autoritetit Rrugor Shqiptar të akuzuar për “korrupsion” dhe “shpërdorim detyre” gjatë ndërtimit të rrugës Tiranë-Elbasan.

Ish-ministri i Lëvizjes Socialiste për Integrim, Dervishaj, mbërriti në Prokurori në 14:50 të së martës. Për gati 1 orë e 45 minuta, ai iu përgjigj pyetjeve të prokurores, Elisabeta Imeraj.

Ai është pyetur mbi rrethana të procedurave të ndjekura nga ana e ministrisë dhe institucioneve të varësisë gjatë zbatimit të projektit të segmentit Tiranë-Elbasan.
Jashtë Prokurorisë, Dervishaj nuk pranoi të japë asnjë koment mbi dëshminë e dhënë prej tij.

Hetimi që ka çuar në qeli tre ish-zyrtarë të Autoritetit Rrugor Shqiptar, Dashamir Xhika, Albens Alite dhe Askel Qurduka nisi në fund të vitit 2017, pas një kallëzimi nga ministri i Energjisë dhe Infrastrukturës, Damian Gjiknuri. Një audit i kësaj ministrie zbuloi se kishte ndryshime të kontratës bazë të ndërtimit të rrugës, pa iu miratuar në Këshillin Teknik dhe pa marrë mendimin e Avokaturës së Shtetit. Sipas Prokurorisë, këto veprime kanë shkaktuar dëm në buxhetin e shtetit në mbi
37 milionë dollarë.

Për llogari të këtij hetimi, në ditët në vijim do të pyeten të tjerë zyrtarë dhe ish-zyrtarë të Ministrisë së Transporteve, mes të cilëve edhe ministri aktual, Damian Gjiknuri./abcnews.al

vlcsnap-error096-1280x720.jpg
ent ela14:52 | 06/02/2018

Organi i akuzës së krimeve të rënda ka nisur verifikimet për ish-titullarët e ministrisë së trasporteve për abuzimet me tenderin e rrugës Tiranë-Elbasan. Ish ministri Edmond Haxhinasto dha dorëheqjen nga posti që mbante më 2 shtator 2016, vetëm 5 ditë përpara se KLSH-ja të bënte kallëzim në Prokurori për shkeljet e vërejtura në audit.

 

Prokuroria e Krimeve të Rënda ka nisur verifikimet, në lidhje me rolin e ish-ministrit të Transporteve, Edmond Haxhinasto në abuzimet dhe shkeljet e gjetura nga një audit i KLSH në vitin 2016 per projektin e rrugës Tiranë-Elbasan.

Raporti i Kontrollit të Lartë të Shtetit ishte përpiluar dy vite më parë, pas auditimit ndaj Autoritetit Rrugor Shqiptar për projektin “Ndërtimi i Rrugës Tiranë-Elbasan”, ne periudhën qershor 2015- qershor 2016. Kjo periudhe perkon me kohën kur Haxhinasto ka qenë ministër i Transporteve.

Ish ministri Edmond Haxhinasto dha dorëheqjen nga posti që mbante më 2 shtator 2016, vetëm 5 ditë përpara se KLSH-ja të bënte kallëzim në Prokurori për shkeljet e vërejtura në audit. Haxhinasto u zëvendësua nga Sokol Dervishaj, edhe ky perfaqesues i LSI.

Përveç auditit të KLSH, edhe një audit i ministrisë së Energjetikës dhe Infrastrukturës ka konstatuar një dëm rreth 54 milionë dollarë me projektin e rrugës Tiranë – Elbasan. Gjithashtu ky auditim konstatoi edhe një shkelje të disiplinës financiare, me vlerë rreth 16 milionë dollarë. Ditën e mërkurë 3 personat e ndaluar për këtë çështje ish-drejtori i ARRSH Dashamir Xhika, si edhe dy ish-vartësit e tij, Aleks Qurduka e Albens Alite do të dalin para togave të zeza në Gjykatën e Krimeve të Rënda për t’u njohur me masën e sigurisë ”arrest me burg” të caktuar në mungesë ndaj tyre./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono