Tirana
Kartoni i verdhë i Brojës, i hedhur nga delegati i ndeshjes "live"

magani-starova-gega.jpg
Vladimir Prenga08:00 | 09/12/2019

Tirana në prag revolucioni. Julian Ahmataj ka zhgënjyer drejtuesit dhe ndeshja e fundit me Kukësin e ka vënë në dyshim vijimin e bashkëpunimit. Presidenti Refik Halili ka pritur dorëheqjen e trajnerit nga Elbasanit, i cili ne fakt e kishte bërë diçka të tillë një javë më parë. Vetë Halili e ktheu sërish në detyrë dhe tanimë po flitet për lëvizje madhore në klubin kryeqytetas.

“Panorama Sport” është hapur me një lajm të rëndësishëm dhe shkruan se Sulejman Starova projektohet si drejtor i përgjithshëm i Tiranës, ndërkohë që për pankinën është favorit Gugash Magani, trajneri i fundit që ka fituar një derbi në drejtim të bardhebluve.

Një emër tjetër që shikohet si kandidaturë është edhe Skënder Gega, ish-trajneri i Partizanit, që vlet ktheu titullin kampion në kampin e kuq pas 26 vitesh. Gjithsesi Starova preferon Maganin si trajner, sikurse thotë burimi i lartpërmendur. /abcnews.al

Artikulli kryesor i Panorama Sport për ditën e sotme
tirana-1280x853.jpg
Vladimir Prenga19:38 | 08/12/2019

Tiranës nuk i ka mjaftuar humbja e pësuar me Kukësin. Dëmtimet janë shqetësimi tjetër për stafin teknik dhe bëhet fjalë për titullarë të rëndësishëm. Elton Cale në fund u ndëshkua me karton të verdhë dhe për të ishte i katërti, çka e lë jashtë derbit të kryeqytetit.

Një tjetër lojtar me shanse minimale të luajë ndaj Partizanit është edhe mbrojtësi Tefik Osmani, i cili javën e shkuar ka punuar i diferencuar. Në infermieria tanimë shtohen edhe një lojtar tjetër dhe ai është Edon Hasani.

Hasani pas një kontrolli mjekësor ditën e sotme

Shkodrani, ashtu sikurse sulmuesi Ismael Dunga, do të rikthehet në muajin janar. Në takimin me Kukësin ai u dëmtua në gju dhe pritet që të kryejë rezonancën magnetike për të mësuar shkallën e dëmtimit. Dyshohet se ka një tërheqje të ligamentit dhe për t’u rikuperuar duhen 4-6 deri në javë.

Një lojtar tjetër në dyshim është Winful Cobbinah, i cili gjithashtu e ka lënë në mes ndeshjen kundër Kukësit. Rezonanca do zbulojë situatën e tij dhe shpresohet që të mos ketë diçka serioze dhe të jetë gati për ndeshjen me Partizanin. /abcnews.al

Ahmataj.png
Vladimir Prenga08:13 | 08/12/2019

“Çfarë të them?”, ishin fjalët e Refik Halilit, presidentit të Tiranës, teksa dilte nga stadiumi “Selman Stërmasi” një ditë më parë. Bardheblutë ishin mundur nga Kukësi, edhe pse kishin shënuar të parët me Edon Hasanin. Një goditje para derbit në çdo aspekt.

Skuadra është e rënduar psikologjikisht, disa lojtarë janë të dëmtuar, ndërkohë që Elton Cale nuk mund të luajë në derbi për shkak se ka plotësuar numrin e kartonëve të verdhë. Veç gjithë këtyre, në mendjen e drejtuesve bardheblu ka një pikëpyetje të madhe.

Janë të zhgënjyer nga trajneri Julian Ahmataj dhe dilemat për të ndërprerë ose jo bashkëpunimin janë prezente. Ndeshja me Kukësin mund të ketë qenë ajo që mbushi kupën. Gjithsesi duhet pritur se çfarë do të ndodhë, pasi te Tirana nuk kanë dashur të veprojnë në gjaknxehtësi e sipër.

Presidenti Halili duhet ta ndaje mendjen dhe sigurisht nuk i pëlqen aspak që ndodhet në të njëjtën situatë në një periudhë kaq të shkurtër. E provoi edhe me Ardian Memën, të cilin e riktheu dhe më pas shtrëngoi duart me të. Një takim me Ahmatajn do i sqarojë të gjitha gjërat.

SITUATA NË GJIROKASTËR – “Unë nuk e lë skuadrën në mes të katër rrugëve, siç bënë dy paraardhësit e mi”, ka deklaruar Giorgos Marantas, në konferencën e djeshme për shtyp sipas “Panorama Sport”. Trajneri grek është i vendosur të qëndrojë, madje dje u shpreh i bindur se Luftëtari do të qëndrojë në Superiore.

Shifrat janë kundër tij, pasi gjirokastritët kur kanë kaluar 14 javë kampionat numërojnë vetëm 8 pikë. Vendi i tetë ka 11 pikë më shumë, ndërkohë që deri në mbyllje të fazës së dytë kjo diferencë mund të rritet edhe më shumë.

Përforcimet në janar shikohen si rruga e shpëtimit, por këtë e besojnë vetëm më fanatikët e apasionuar pas Luftëtarit dhe Marantas. Momentalisht ai nuk ka ndërmend të tërhiqet, edhe pse i është kërkuar të dorëhiqet. /abcnews.al

Fanatics.jpg
Veronik Istrefaj21:19 | 07/12/2019

Tifo-grupi i Tiranës, ‘Tirona Fanatics’, kanë reaguar menjëherë pas humbjes 1-3 me përmbysje të skuadrës së tyre përballë Kukësit, me anë të një postimi në faqen e tyre zyrtare në Facebook. Tifo-grupi i bardhebluve nuk është përmbajtur aspak, duke i akuzuar të gjithë, nga presidenca, e deri te futbollistët, që sipas tyre janë pa gjak. Edhe Julian Ahmataj u sulmua nga tifo-grupi i Tiranës, si dhe presidenti Refik Halili.

Postimi i plotë i ‘Tirona Fanatics’

Lojtar pa gjak, shirit pa kapiten, trajner offside, presidenc pa president, “staf” pa pike pervoje, e nje faqe ne Facebook qe funksionon shkelqyeshem! Kjo eshte fytyra e Tirones nen drejtimin e skandalozit, krye te paaftit, Refik Halilit… Kjo eshte tortura qe po i behet Tirones dhe tifozeve te saj…
Maskarada e nderthurur me aq mjeshteri nga te gjithe te siperpermendurit, duket se nuk paska fund, ashtu si pafytyresia e tyre.

Julian Ahmataj e vertetoi qe ne ndeshjen ndaj Korces qe nuk e lidh asgje me gjakun, grinten dhe seriozitetin qe duhet te perfaqesoje trajnerin e Tirones. Ai kurre sduhet ti kthehej vendimit qe mori, per tu larguar.

*Vendimi per tu rikthyer e largoi ate perfundimisht nga Tirona!

Nje Tirone qe ka vite qe endet ne fushe pa nje kapiten-KAPITEN… “Stafi ç’drejtues” qe ka vite qe punon vetem ne kurrize te Sport Klubit, duke afruar lojtare qe vetem lidhje nuk kane me futbollin… Ne kurre nuk do largohemi nga Tirona, ne do jemi gjithmone aty. Jo per ju, po per emrin dhe historine e patjetersueshme te klubit me te madh Shqiptar….

Tirona eshte dhurata jone! E ndersa dhurata me e mire qe ajo mund te mar per 100vjetorin e saj, do ishte largimi JUAJ.
Pastrimi nga kjo “shpure” e zeze qe ka infektuar dhe vazhdon te infektoje te gjithe kampin bardheblu!

VITET DO KALOJNE, TIRONA DO BOHET…
TURPI DHE TRADHETIA KURRE NUK DO T’HARROET

Tirona Fanatics.”/abcnews.al

Ahmataj.jpg
Veronik Istrefaj19:02 | 07/12/2019

Trajneri i Tiranës, Julian Ahamtaj, foli për emisionin Gol pas Goli në Supersport pas humbjes 1-3 përballë Kukësit. Kreu i pankinës bardheblu tha se është penalizuar nga dëmtimet dhe se të humbësh dy lojtarë të rëndësishëm, është shumë e vështirë për çdo skuadër. Gjithashtu, Ahmataj komentoi dhe rastin e penalltisë, duke thënë se Torassa është një lojtar me eksperiencë dhe që nuk duhet të ishte nxituar.

DËMTIMET – “Dëmtimet na penalizuan, sepse nuk bënim dot ndërhyrje të tjera në formacion, duke parë se duhej të prisnim para se të bënim një zëvendësim të tretë. Të humbësh dy lojtarë të rëndësishëm, është shumë”

PRESIONI – “Është e qartë se po e vuajmë presionin e rezultatit. Gjithçka shkon mirë në minutat e para, më pas çdo gjë shpërbëhet. Kjo edhe për shkak të mungesave. Lojtarë të veçantë kanë qenë të dëmtuar dhe nuk janë stërvitur plotësisht dhe kjo ndikon në ndeshje”.

TORASSA – “Është e vërtetë se një lojtar me aq eksperiencë nuk mund të jetë aq i nxituar brenda 16 metrave. Nuk jap dot një shpjegim për gabimet që kemi bërë. Janë çështje perceptimi të lojtarëve”./abcnews.al

Kukesi.jpg
Veronik Istrefaj18:17 | 07/12/2019

Kukësi ka përmbysur disavantazhin 1-0 të pjesës së parë dhe ka fituar 1-3 përballë Tiranës. Shkurtaj me penallti, Gavazaj dhe një supergol i Abazaj vendosën rezultatin final të sfidës dhe i dhanë tre pikët Kukësit, që ngjitet në vendin e dytë në kuotën e 24 pikëve, një pikë më pak se Partizani kryesues.

Ndeshja nisi shumë mirë për Tiranën, që gjeti golin që në minutën e nëntë me anë të Hasanit. Megjithatë, pjesa e dytë ishte shumë e dobët për bardheblutë, të cilët u ndëshkuan tre herë. Shkurtaj shënoi me penallti, duke mposhtur portierin Xhika me panenka.

Festa e Gavazaj te goli i dytë i Kukësit (75′)

Më pas, Gavazaj kaloi në avantazh Kukësin për herë të parë në këtë sfidë. Abazaj shënon nga një goditje dënimi, duke mposhtur për herë të tretë portierin Xhika. Një ndeshje shumë e mirë e verilindorëve, që konfirmojnë dhe njëherë tjetër se kanë sulmin më të mirë në Superiore./abncews.al

Tirana-Kukesi-Abazaj-Superiore.jpg
Veronik Istrefaj17:26 | 07/12/2019

Skuadra e Tiranës e ka mbyllur në avantazh pjesën e parë përballë Kukësit, falë një goli të Edon Hasanit në minutën e nëntë. Ndeshja ishte shumë e luftuar dhe e barabartë në shumicën e pjesës së parë, por ai gol i shpejtë i mesfushorit shkodran bëri diferencën.

Cobinnah shpërthen mirë nga krahu i majtë dhe arrin të driblojë mbrojtësin e Kukësit, Emiliano Musta, dhe topi shkon te Ngoo. Sulmuesi shtatlartë kroson me të majtën dhe gjen saktë Hasanin, i cili zhytet me kokë dhe mposht portierin Xhika.

Pjesa e dytë pritet të jetë edhe më e luftuar mes dy skuadrave, pasi vështirë se Kukësi do të pajtohet me këtë rezultat./abcnews.al

SUPERIORE, JAVA 14
“Selman Stermasi”, Tiranë

Tirana – Kukësi  1-0
Hasani 9′

Tirana-Kukesi.jpg
Vladimir Prenga15:56 | 07/12/2019

Asnjë surprizë te Tirana dhe Kukësi. Shpëtim Duro dhe Julian Ahmtaj u kanë besuar atyre lojtarëve që janë parë edhe në seancat stërvitore të provohen si titullarë. Te Kukësi ka vetëm një ndryshim nga takimi i fundit, me Gavazajn që zë vendin e Ethemit.

Te Tirana ka disa ndryshime. Torassa, Karabeci dhe Kale nuk luajnë nga fillimi, ndërkohë që rikthehen titullarë Batha e Çelhaka, sikurse edhe Doka që është pozicionuar në krahun e majtë të mbrojtjes. Në mungesë të Osmanit, Ahmataj ka zgjedhur Muçën titullar. /abcnews.al

tirana-partizani.jpg
Vladimir Prenga10:46 | 07/12/2019

Derbi Partizani-Tirana nuk ka një datë se kur do zhvillohet. FSHF po heziton të vendosë në lidhje me javën e ardhshme të Superiores dhe kështu ndeshja e shumëpritur në kryeqytet dhe më gjerë është ende në ajër. Gjithsesi do të duhen disa ditë para derbit.

Tirana dhe Partizani zbresin nesër në fushë, ndërkohë që do të jenë disa futbollistë që rrezikojnë prej kartonëve të humbasin sfidën e zjarrtë të kryeqytetit. Lista e “demave të kuq” ka emra si Jasir Asani dhe Rron Broja, të cilët duhet të bëjnë kujdes nesër në Ballsh.

Në kampin bardheblu janë më të shumtë ata që duhet t’i ruhen kartonit të verdhë. Michael Ngo, Jurgen Çelhaka dhe Grent Halili janë ata që rrezikojnë prej lojtarëve që priten titullarë nesër kundër Kukësit. Kujdes duhet të bëjnë edhe Elton Cale e Agustin Torassa, nëse trajneri Julian Ahmataj vendos t’i aktivizojë gjatë ndeshjes. /abcnews.al

partizani-kukesi.jpg
Vladimir Prenga08:28 | 07/12/2019

Superiorja rikthehet sot dhe zhvillohen tre përballje mjaft interesante. Prej orës 13:30 skuadrat zbresin në fushë, ndërkohë që sytë fillimisht do të jenë në Ballsh dhe Gjirokastër. Kryesuesit e Partizanit kanë një sfidë të vështirë me Bylisin surprizues, që në shtëpi do kërkojë kthesën pas dy humbjeve radhazi.

Në Gjirokastër luhet një ndeshje për “jetë a vdekje”. Luftëtarit i bën punë vetëm fitorja dhe trajneri Giorgos Marantas e shprehu diçka të tillë edhe në konferencën e djeshme për shtyp. Nga ana tjetër edhe Vllaznia shkon për të marrë maksimumin. Bluzinjtë janë një ekip i kalueshëm dhe pritet një ndeshje e hapur.

Dita mbyllet me ndeshjen kryesore të kësaj jave në Superiore. Tirana-Kukësi, në fushë për maksimumin. Presioni është më së shumti te bardheblutë, që në tre javët e fundit nuk fitojnë. Humbja në Korçë dy javë më parë e trazoi edhe më shumë situatën në skuadrën e Ahmatajt, që sot ka edhe disa mungesa të rëndësishme dhe stafi teknik ka bërë ndryshime të shumta në formacion.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono