Tirana

tirana-1-1280x758.jpg
ent ela12:48 | 28/01/2019

Trajneri i Tiranës, Ardian Mema, mendon se ekipi i tij duhet të përmirësohet, pavarësisht nga suksesi 4-1 ndaj Kamzës në Superligë. Tekniku tregoi se çfarë i tha lojtarëve në pushim të ndeshjes

Ishte fitorja e tretë radhazi, por kënaqësia lejohet me pikatore. Tirana triumfoi 4-1 ndaj Kamzës, veçse trajneri i saj, Ardian Mema, kishte çfarë të kritikonte. Ai nuk ishte shumë i kënaqur me pjesën e parë, ndërsa foli edhe për konfliktin e tij të dikurshëm me sulmuesin Ngo.

Mema: “Gjithsesi vendosëm me një kundërshtar mangut dhe morëm një penallti që e humbëm që duhet medoemos të rregullojmë mbajtjen e topit. Rrgullat vijojnë sikur kanë qenë dhe Ngo bën atë punën e vet që duhet ta bëjë. Po shënon po jem asis dhe jam shumë i kënaqur me Ngo dhe gjithashtu ne kemi kohë që jemi ngrohtë bashkë”.

Trajneri rrëfen edhe se çfarë i tha ekipit në pushim të ndeshjes.

Mema: “Trajneri ishte për të qetësuar sepse i kishte në një stres mund të themi nga rezultati, por bënë sida ndryshime taktike”.

Edon Hasani bën shaka për penalltitë e humbura në ndeshjet e fundit, nga vetë ai dhe nga Ngo.

Hasani: “Po me siguri u dashka për me humbur penallti për me fituar ekipi”.

Trajneri i Kamzës, Ernest Gjoka, e kishte shumë të qartë se përse humbi ekipi i tij.

Gjoka: “Sigurisht që na penalizoi shumë, por unë mendoj se duhet të jemi shumë të kujdesshëm dhe të përqëndruar sepse këto janë gjëra që ndidhin në futboll”./abcnews.al

SUPERLIGA-TIRANA-DHE-TEUTA-1280x720.jpg
ent ela21:56 | 27/01/2019

Tirana arriti fitoren më të thellë të sezonit në Superligë, duke mundur Kamzën 4-1 e duke iu shkëputur fundit të tabelës. Flamurtari ndaloi Teutën në Durrës.

Njëri rezultat edhe pritej, por tjetri ishte befasi. Fitorja e Tiranës  dhe barazimi i Flamurtarit cilësohen si lajmet e Superligës, në ndeshjet e saj të fundit të javës së 19-të.

Kryeqytetasit luajtën në fushën e tyre, në “Selman Stërmasi” ndaj Kamzës dhe triumfuan 4-1, ndonëse pjesa e parë u mbyll në dizavantazhin e tyre, 0-1.

Kamzalinjtë shënuan të parët, me anë të ish-lojtarit të Tiranës, Sebino Plaku, që dha shembullin me shiritin e kapitenit në krah.

Formacioni vendas u duk shumë i dobët në mbrojtje në 45 minutat e para, por reagoi pas pushimit, me siguri i nxitur nga trajneri Ardian Mema.

Po ashtu, u ndihmua jo pak nga dalja me të kuqe e mbrojtësit të miqve, Beqiri, që në pjesën e parë, kur tiranasit fituan penallti, por që sulmuesi Ngo e humbi, dhe portieri Avdyli e priti.

Hasani barazoi në 59’, pastaj Ngo shleu gabimin e penalltisë duke kaluar të vetët në epërsi.

Pas pak minutash, kombinim tjetër Ngo-Hasani, me shkodranin që shënoi golin e dytë personal në këtë ndeshje, ndërsa rezultatin e vulosi Ndoka, me një gjuajtje me kokë.

Ky sukses e shkëput disi Tiranën nga zona e rënies nga kategoria.

Në Durrës, ndërkaq, Flamurtari i menduar si i mbytur, arriti të ndalte Teutën, në një barazim 1-1.

Vlonjatët madje kaluan të parët në epërsi me një penallti të kthyer në gol nga Batha, por durrsakët barazuan që në pjesën e parë, me afrikanin Traore.

Pas pushimit, në fushë për vendasit hyri edhe ish-kapiteni i Flamurtarit, Tomislav Bushiç, i cili detyroi vlonjatët të luanin me 10 vetë. Kroati u pengua nga mbrojtësi Veliu, dhe ky u nxorr me të kuq.

Gjithsesi, rezultati nuk ndryshoi dhe miqtë morën një pikë të çmuar.

Pas 19 javësh, Tirana u ngjit në 20 pikë, 5 pikë larg zonës që të zbret në Kategorinë e Parë, ndërsa Teuta ka 34 pikë, një më pak se Kukësi i vendit të dytë.

Flamurtari iu afrua Skënderbeut, ndërsa Kamza është edhe më e rrezikuar për të rënë nga Superliga. /abcnews.al

Veliaj-gjate-perurimit-te-kendit-te-ri-te-lojerave-dhe-lishtes-te-stadiumi-Arena-Kombetare-8-1280x854.jpg
G. P.13:45 | 27/01/2019

Pranë stadiumit “Arena Kombëtare” u përurua lulishtja dhe këndi i ri i lojërave. Kryetari i Bashkisë së Tiranës, Erion Veliaj, i pranishëm në ceremoninë e përuruimit deklaroi se së shpejti do të nisë ndërtimi i 17 shkollave të reja.

Këndi i 40 i lodrave në Tiranë ndodhet pranë stadiumit “Arena Kombëtare”. Gjatë përurimit të tij, kryetari i bashkisë Erion Veliaj kërkoi bashkëpunimin e banorëve për ta mirëmbajtur. Ndërkohë, Veliaj i bëri thirrje bizneseve të kontribuojnë për të shtuar kënde lojërash edhe në zona të tjera.

“Në tollovinë tipike shqiptare, ku çdo gjë është kthyer në kompensim prone, e privatizuar, e zaptuar, e legalizuar, e hipotekuar, mundëm të gjejmë një hapësirë dhe të ‘qërojmë’ disa prona, të cilat i shpëtuan kësaj zallamahie. Me agjencitë e bashkisë dhe me miqtë donatorë e filluam punën për vit të ri dhe e mbaruam në më pak se një muaj. Një punë kolosale për të transformuar një hapësirë urbane në Njësinë 2”.

Në fokus të punës së Bashkisë së Tiranës do të jenë fëmijët. Këtë vit sipas kryebashkiaku do të nisë puna për ndërtimin e  17 shkollave të reja.

“Pesë të parat do të fillojnë në muajin shkurt dhe më pas çdo muaj do kemi nga 4-5 shkolla. Do të jetë viti i parë ku në zgjedhjet lokale nuk do të diskutohet më për mësimin me dy turne, sepse ka marrë zgjidhje, por do të duhet të shikojmë se si do të vazhdojnë të jenë epiqendra, siç janë të familjes sonë të vogël, ashtu edhe të familjes sonë të madhe të Bashkisë së Tiranës”.

Në këtë lulishte për herë të pare integrohet dhe rrugica e bimëve kacavjerrëse si jargavanë e trëndafila, bimësi autoktone e qytetit të Tiranës./abcnews.al

ardian-mema.jpg
G. P.23:16 | 24/01/2019

Trajneri i skuadrës së Tiranës, Ardian Mema, tha pas fitores me Flamurtarin se bardheblutë ende nuk e kanë siguruar kualifikimin. Sa i përket merkatos, Mema tha se skuadra do të mbyllë shumë shpejt një marrëveshje.

Tirana fitoi pastër 2-0 ndaj Flamurtarit në ndeshjen e zhvilluar në “Selman Stërmasi” e vlefshme për Kupën e Shqipërisë. Ndeshja që u ndërpre të mërkurën për shkak të kushteve atmosferike rifilloi këtë të enjte ku bardheblutë fituan me rezultat dhe lojë bindëse. Aq sa edhe trajneri Ardian Mema tha pas ndeshjes se skuadra e tij duhet të fitonte me një rezultat më të thellë nëse do të shfrytëzonte më mirë rastet e krijuara para portës kundërshtare.

Avantazhi i ndeshjes së parë 2:0 i jep një siguri të madhe Tiranës për kalimin në çerekfinale të Kupës së shqipërisë, por kreu i pankinës së Tiranës tregohet i kujdesshëm pasi thotë se në futboll mund të ndodhë gjithçka dhe përmbysja është diçka e zakonshme.

Një temë e nxehtë tek Tirana është edhe merkato e ndërkohë trajneri tha se skuadra është afër zyrtarizimit me një lojtar, duke mos pranuar ta bëjë publik emrin. Tirana do ta luajë ndeshjen e radhës në kampionat ndaj Kamzës ku tre pikët janë objektivi i vetëm për bardheblutë që dhanë sinjale të qarta ndaj Flamurtarit se janë rikthyer më të motivuar se kurrë./abcnews.al

tirana-flamurtari.jpg
ent ela19:40 | 24/01/2019

Tirana hodhi hapin e parë drejt çerekfinaleve të Kupës së Shqipërisë. Mundi 2-0 Flamurtarin në stadiumin “Selman Stërmasi”, në ndeshjen që u shty për shkak të reshjeve të shiut.

Me të drejtë, vlonjatët i trembeshin momentit. Gjendja e vështirë me financat dhe nervozizmi i lojtarëve pritej që të ndikonin ndjeshëm në duelin e Kupës ndaj Tiranës, dhe ashtu ndodhi. Pavarësisht shtyrjes me një ditë, Flamurtari nuk i shpëtoi verdiktit thuajse të pashmangshëm.

Kryeqytetasit fituan 2-0 në “Selman Stërmasi”, duke hedhur hapin e parë, tepër të rëndësishëm, drejt çerekfinaleve.m Nuk pati mrekulli të dytë të portierit Koliçi, pritës i penalltisë të mërkurën, madje ishte vetë numri 1 vlonjat që gaboi në rastin e golit të dytë.

Tiranasit, edhe ata me probleme dhe pa përforcimet e duhura deri tani, gjithsesi ishin më të qetë sesa miqtë. Sulmuesi Ngo dhe mbrojtësi Hoxhallari ishin ata që shënuan, me të dyja rrjetat në 20 minutat e mbetura të pjesës së parë.

Pas pushimit, skuadra e trajnerit Ardian Mema, kontrolloi ndeshjen, duke mos lejuar vlonjatët që të shkurtonin diferencën, pasi një rrjetë mund ta ndryshonte krejtësisht gjendjen e sfidës së Kupës.

Nuk është e qartë nëse të besuarit e trajnerit Ilir Daja do të kenë forca për ta përmbysur diferencën e dy golave në Vlorë, ku do të kenë edhe përkrahjen e tifozëve të tyre. Nëse çështja e financave nuk nis të marrë zgjidhje, kalimi për në çerekfinale mund të cilësohet mision i pamundur./abcnews.al

tirana.jpg
G. P.18:16 | 23/01/2019

Vetëm 25 minuta lojë mjaftuan në ndeshjen mes Tiranës dhe Flamurtarit e vlefshme për Kupën e Shqipërisë. Terreni i rënduar detyroi gjyqtarin të ndërpresë lojën. Ndeshja është caktuar për t’u zhvilluar këtë të enjte në orën 13:00.

Zgjati vetëm 25 minuta lojë, ndeshja e parë e 1/8 të Kupës së Shqipërisë mes skuadrës së Tiranës dhe Flamurtarit. Fusha e stadiumit “Selman Stërmasi” nuk ishte në gjendjen për të zhvilluar një ndeshje normale pasi qarkullimi i topit ishte tejet i vështirë. Gjyqtari i takimit, Kreshnik Bajramaj, i drejtoi skuadrat në dhomat e zhveshjes pasi ishte e pamundur të vazhdohej më tej. Pas ndërprerjes së lojës zyrtaret morën vendimin që ndeshja do të startojë këtë të enjte në orën 13:00 dhe nëse kushtet do të jenë të njëjta do të caktohet një datë tjetër për zhvillimin e këtij takimi.

Tirana shpërdoroi një mundësi të artë për të kaluar në avanatzh pasi në minutec e 10, Hoxhallari ndalet me faull dhe gjyqtari akordon 11 metërsh. Penalltinë e mori përsipër Edon Hasani, por Koliçi bëri mrekullinë duke mbajtur rrjetën e paprekur./abcnews.al

pollozhani-1280x853.jpg
G. P.23:23 | 22/01/2019

Skuadra e Flamurtarit do të luajë ndaj Tiranës këtë të mërkurë, në orën 17:00. Futbollisti i skuadrës vlonjate, Artim Pollozhani tha në konferencën e zakonshme për shtyp, se nuk i beson krizës së bardhebluve.

Pas përfundimit të minifazës përgatitore, Tirana dhe Flamurtari do të duelojnë mes tyre këtë të mërkurë në Selman Stërmasi në kuadër të ndeshjes së parë të Kupës së Shqipërisë. Një duel mjaft interesant me skuadrat që do të bëjnë të pamundurën për të çuar sa më gjatë në Kupën e Shqipërisë.

Në konferencën e zakonshme për shtyp një ditë para ndeshjes doli përpara mediave futbollisti i Flamurtarit, Artim Pollozhani. Ai tha se ekipi ka zhvilluar një fazë përgatitore shumë të mirë dhe ndaj Tiranës duhet me patjetër fitorja për të mos rrezikuar në ndeshjen e kthimit si dhe i thuri elozhe bardhebluve edhe pse po zhvillojnë një sezon larg pritshmërisë.

Sa i përket çështjes së vonesave të pagave, Pollozhani nuk preferoi të përfshihej tek çështjet e brendshme të klubit pasi tha se janë persona të tjerë që merren me këtë çështje. Në lidhje me pikën e fortë të skuadrës, futbolisti i Flamurtarit tha se ajo është sulmi, ç’ka do t’i ndihmojë për të arritur objektivat sezonale. Ndeshja e parë do të zhvillohet këtë të mërkurë, ndërsa ndeshja e kthimit në datën 6 Shkurt në fushën e Flamurtarit./abcnews.al

maqedoni-1280x883.jpeg
G. P.22:05 | 11/01/2019

Pas këtij votimi nuk kanë vonuar edhe reagimet nga Tirana zyrtare. Kështu Ministri i Jashtëm, Ditmir Bushati, në një mesazh të bërë publik në rrjetet sociale thekson se ky është një kontribut edhe i partive shqiptare që provuan se janë faktor vendimtar.

Vota përfundimtare e Kuvendit është një demonstrim i qartë i shtyrjes së bllokut të shteteve për të hapur rrugën drejt NATO-s dheBE-s. Kontributi i partive politike shqiptare edhe njëherë u dëshmua si faktor vendimtar. Urimethotë Bushati në mesazhin e tij.

Ndërsa kryetari i Partisë Demokratike Lulzim Basha pas votimit në Kuvendin e Maqedonisë të ndryshimeve që zyrtarizojnë emrin e ri të vendit, përshendeti votimin duke theksuar se ky është një hap historik për konsolidimin e rajonit.

“Përshëndes votimin e ndryshimeve kushtetuese nga Parlamenti i Maqedonisë Veriore. Ky akt i përgjegjshmërisë së lartë politike është një hap historik për konsolidimin e rajonit si pjesë e familjes Euroatlantike që forcon paqen, sigurinë dhe vlerat demokratike”, shkruan kryedemokrati Basha në mesazhin e tij./abcnews.al

49682660_349457018973064_4991689460463697920_n-1280x960.jpg
ent ela11:40 | 11/01/2019

Temperaturat e ulëta dhe reshjet e shiut nuk i kanë penguar punonjësit e ndërmarrjes së gjelbërim pastrimit(DPN1) të Bashkisë së Tiranës që të ndërmarrin një aksion të gjerë pastrimi në të gjithë kryeqytetin.

Të ndarë në grupe pune, punonjësit sëbashku me mjetet e tyre të pastrimit do të vijojë gjatë gjithë ditës së sotme jo vetëm për heqjen mbeturinave, por edhe të inerteve. Një vëmendje e posaçme është treguar edhe për gjelbërimin, ku është bërë krasitja e bimësisë.

Aksioni nisi fillimisht nga njësia Nr. 1 në blloqet e pallateve në rrugët  “Bajo Topulli”, “Dali Ndreu”, “Kont Leopold Bertold, “Ali Demi”, “Mirash Ivanaj” et, ndërsa po vijon edhe në njësitë e tjera administrative.

julian-morina.jpg
G. P.18:20 | 10/01/2019

Biznesmeni Julian Morina është gati të blejë aksionet e klubit të Tiranës, që zotërohen nga Bashkia e kryeqytetit. Ish-donatori i bardhebluve flet për planet e tij, në intervistën dhënë për ABC News.

Dëshiron të kthehet sërish. Aksionet e Tiranës, të paktën ato të bashkisë, janë në shitje dhe kandidat i vendosur për t’i marrë është biznesmeni Julian Morina, i cili pohon për ABC News se çfarë plani ka për të marrë 34 përqindëshin.

“Si ish-donator i Futboll Klub Tiranës kam vendosur që të bëj një kërkesë Bashkisë Tiranë, për aksionet që ka Bashkia për FK Tiranë. Duke kuptuar që nuk është në një situatë të mirë, ku edhe gjatë kohës kur unë nuk kam qenë ka provuar edhe rënien nga kategoria, duke qenë si ish-donator kam të drejtën për ta bërë këtë kërkesë. Tirana vetëm me një suport të një personi besoj që është pak e vështirë për të mbijetuar apo për ta lartësuar atje ku e meriton”, tha Morina.

Morina ka qenë donator i Tiranës në vitet 2013-2014, por më pas u largua. Cila ishte arsyeja?

“Me drejtuesit e asaj, kohe, të Bashkisë së Tiranës dhe mes donatorit tjetër, Refik Halilit, ka qenë një dakordësi për të patur 20%. Rrodhën disa ngjarje ku unë nuk i mora ato 20%, por besoj që nuk ëhstë vendi apo momenti për t’iu kthyer prapa në kohë kësaj situate. Do të shikojmë përpara”, tha ai.

Është folur shumë se tek Tirana do të ketë jo vetëm ndryshime të aksioneve, por edhe privatizim të stadiumit “Selman Stërmasi’, diçka që mund t’u interesojë aksionerëve.

“Unë nuk hyj në një ekip apo në një financim, apo në një mbështetje që të përfitoj nga kjo. Tjetër gjë nëse aktorët dhe faktorët shkojnë drejt një investimi të tillë sepse shumë njerëz e kanë privatizuar. Edhe këto privatizimet prapë kanë dështuar. Unë nuk jam nga njerëzit që hyn për të përfituar, por jam nga njerëzit që hyn për të përfituar”, u shpreh Morina.

Gjithsesi, Tirana nuk ka qenë e vetmja mundësi për biznesmenin.

“Në fakt kam pasur dia raste që janë diskutuar kur ndër to ka qenë dhe Shkodra, Elbasani. Duke qenë edhe me impenjime të tjera preferoj të qëndroj te Tirana edhe për shkak të qytetit që unë jetoj, por edhe distanca dhe dashuria ndaj këtij klubi”, theksoi ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono