tifozet

Europa-League-Final-Liverpool-v-Sevilla-1280x790.jpg
nev ila13:45 | 01/05/2019

Tifozët e Liverpulit krijojnë probleme në Barcelonë, në prag të duelit në Champions mes dy skuadrave. Ata ushtruan dhunë ndaj vendasve, dhe u përplasën me policinë.

Nuk ka rast më të mirë për t’u kënaqur sesa kur udhëton dhe sheh bukuri jashtë vendit apo qytetit tënd.

Kjo vlen për shumicën dërrmuese të tifozëve, përfshi edhe ata anglezë, veçse jo për ekstremistët, siç ndodhi me ultrasit e Liverpulit në Barcelonë.

Mjaft prej tyre ushtruan dhunë ndaj banorëve vendas, dhe pamjet filmike treguan se pati nga ata që I hodhën në shatërvan për t’u tallur e për t’i fyer.

Jo vetëm kaq, por mjaft tifozë problematikë liverpulas u përplasën me policinë në kryeqendrën e Katalonjës, ndërsa u bënë të bezdisshëm për qytetarët për shkak të sjelljes së tyre kërcënuese dhe zhurmës së madhe që shkaktuan.

Mijëra tifozë anglezë ndodhen në Barcelonë për ndeshjen e parë gjysmëfinale të Ligës së Kampionëve, që pritet me interesim të madh në gjithë botën.

Ekziston frika se tifozët ishullorë mund të kthehen tek sjellja e dhunshme e disa dekadave më parë që shkaktuan edhe tragjedi dhe sollën përjashtimin e skuadrave angleze nga kupat e Evropës për 5 vjet, dhe të Liverpulit për 6 vjet./ABC News Albania 24/7

Mesi-1280x714.jpg
ent ela12:45 | 18/03/2019

Lionel Mesi detyroi tifozët kundërshtarë që të brohorisnin emrin e tij, pas paraqitjes në fushën e Betisit. Ylli i Barcelonës po shkon drejt titullit të 10-të kampion në Spanjë.

Nuk mund të mbetej prapa legjendave.

Lionel Mesi u brohorit nga publiku kundërshtar, njëlloj si dikur Ronaldinjo në “Bernabeu” dhe Kristiano Ronaldo në stadiumin e Juventusit.

Qindra e mijëra tifozë të Betisit u ngritën në këmbë, rrahën shuplakat dhe thirrën në kor emrin e tij, pas golit të tretë personal në portën e skuadrës së tyre të zemrës.

Barcelona fitoi 4-1 me tre rrjeta të kapitenit, dhe u shkëput në 10 pikë nga ndjekësi më i afërt në kampionat, Atletiko e Madridit.

“Tre realizime të ndryshme, marshim për Këpucën e Artë në Spanjë dhe në Europë, cili është limiti i tij”, pyet gazeta “Marka” e Madridit.

“La Liga tani nuk ka më asnjë rëndësi, për faj të Mesit”, vazhdoi gazeta madrilene.

“Mesi nuk ka limite dhe rivalë, – ishin komentet e mëtejshme të saj, duke shtuar se “Mesi gëlltiti një tjetër ligë”.

“I falenderoj shumë tifozët e Betisit, – tha numri 10 pas ndeshjes, – kurrë ndonjë tifozeri kundërshtare nuk më ka brohoritur në këtë mënyrë, por këtu na presin gjithnjë shumë mirë, edhe pse jemi rivalë. Mendoj se luajtëm një ndeshje perfekte, nuk mund të gabonim pas humbjes së Atletikos, por duhet të vazhdojmë kështu”.

Argjentinasi iu afrua shifrës së 600 golave me Barçën, duke pasur saktësisht 591, ndërsa ka arritur në 39 rrjeta këtë sezon.

Me 29 gola në 26 takime në La Liga, kapiteni i Barçës shkon drejt Topit të Artë në Spanjë si dhe Topi të Artë në Europë, duke e lënë pak më mbrapa rivalin e vetëm, Kilian Mbapenë.

Leo iu përgjigj trigolëshit të Kristianos (në Champions), dhe tani ka 51 trigolësha në karrierë, ndaj 52 të Ronaldos.

Gazetat e Barcelonës, s’mund të shkruanin ndryshe.

“El Mundo Deportivo”: Një Barçë për notën 10! Ovacion në “Vijamarin” për Mesin!

“Sport”: Liga e ka një pronar! Mesi i jep fund garës me spektaklin në “Vijamarin” që brohoriti në fund yllin argjentinas!

Lojtari më i mirë i botës është në prag të titullit të 10-të kampion në karrierë, që të gjithë me Barcelonën, për të synuar rekordin absolut në Spanjë, të Fransisko Gentos me 12./abcnews.al

arbitri-1280x838.jpg
ent ela16:44 | 05/03/2019

Një arbitër shqiptar poston video me stërvitje boksi në rrjetet sociale, pak ditë pas dhunës ndaj një kolegu të tij, në një ndeshje të Superligës. Komentet dhe ngacmimet për të, ishin të shumta.

Shumëçkaje që ndodh këto ditë në futbollin shqiptar, i bëhet një lidhje me ngjarjen e Kamzës. Tepër e kohës u duk dy video të postuar në FB nga arbitri Emirjon Sino, në të cilat ai shikohej duke bërë stërvitje boksi.

Videot ishin të shkurtëra, vetëm nga disa sekonda, por tepër kuptimplote, dhe miqtë e tij në rrjetet sociale nuk munguan ta bënin lidhjen.

“Po stërvitesh se mos të japin ndeshje në Kamëz”, ishte njëri nga ngacmimet. “Trajnim për raste rreziku në fushë, Sino”, – erdhi komenti i tjetrit. “Mjerë ai president që të prek ty, tani”, – vijonin fjalët e një tjetër komenti.

Sino është një nga gjyqtarët më të njohur në futbollin shqiptar, ndonëse ashtu si thuajse të gjithë, nuk ka mundur t’i shpëtojë polemikave, diçka normale në këtë sport.

Videot e tij janë tepër aktuale, pas dhunës që pësoi arbitri Eldorian Hamiti në ndeshjen Kamza-Laçi, që u sulmua nga disa tifozë, por edhe nga presidenti kamzali, Qari, dhe nga zyrtarë të klubit./abcnews.al

tirona.jpg
ent ela17:54 | 28/02/2019

Stadiumi “Selman Stërmasi” pritet të jetë i mbushur plot për derbin. Biletat janë drejt fundit, për shkak të interesimit tepër të madh të tifozëve

Kanë qenë gjithnjë pjesa më e bukur e sfidës. Tifozët i kanë dhënë bukuri të rrallë derbit, edhe kur ai nuk ka kënaqur në fushë, dhe nuk pritet të jetë përjashtim dueli i kësaj të premteje.

Stadiumi “Selman Stërmasi” pritet të mësyhet nga mijëra përkrahës, sidomos bardheblu, por edhe mbi 1 000 të Partizanit, ndërsa biletat janë drejt fundit. Në biletarinë e stadiumit ka gjithnjë e më pak mundësi për të blerë shansin për ta ndjekur ndeshjen nga tribunat.

Në këtë biletari mund të blejnë vetëm tifozët e Tiranës, pasi ata të Partizanit e kanë marrë të gjithë sasinë që u takon dhe e menaxhojnë në bazën e tyre të tifozëve pranë 21 Dhjetorit.

Tifozët bardheblu presin më në fund fitore, pas pesë vitesh. Pritshmëria e publikut bardheblu është e lartë, dhe ata shpresojnë që skuadra e Memës nuk do t’i zhgënjejë, por do ta fitojë ndeshjen më të ndjerë prej tyre./abcnews.al

TIFOZET-E-BOKA-JUNIORSIT-1280x852.jpg
ent ela13:20 | 05/12/2018

Mijëra tifozë përcolën Boka Juniorsin, që u nis për në Madrid, për finalen e Kupës Libertadores. Ata mbushën rrugë dhe sheshe të kryeqytetit të Argjentinës, Buenos Aires.

E kishin treguar veten në stadium, në ndeshje apo stërvitje, ja ku janë edhe në rrugë e sheshe.

Tifozët e Boka Juniorsit i bënë një përcjellje madhështore skuadrës së tyre, që u nis drejt Madridit për të luajtur finalen e dytë e përcaktuese të Kupës Libertadores.

Boka ndeshet me River Plejtin, pasi finalja e parë përfundoi 2-2 në stadiumin e saj, “La Bombonera”, ndërsa e dyta nuk u luajt dot në stadiumin e Riverit, “Monumental”.

Kjo, për shkak të dhunës së një pjese të tifozëve të Riverit ndaj autobusit të skuadrës kundërshtare, që lëndoi disa futbollistë.

Pas shumë polemikash e debatesh, Federata e Futbollit e Amerikës së Jugut, vendosi që finalja të luhej në stadiumin “Santiago Bernabeu” të Realit, në kryeqytetin e Spanjës.

Boka dhe Riveri pranuan ta luanin, edhe pse e kundërshtuan fort për shkak se i largon me mijëra kilometra nga tifozët e tyre në Argjentinë.

Jo vetëm kaq, por tifozët e dy skuadrave, me bazë në Argjentinë, do të mund të marrin vetëm 5 000 bileta, 40 000 bileta të tjera do t’i jepen argjentinasve me banim në Spanjë, 22 000 do të jenë për organizatorët, dhe 9 000 biletat e tjera për aksionerët e Realit.

Gjithsesi, mijërat e përkrahësve të Bokës në Buenos Aires gjetën mënyrën e tyre origjinale për t’i dhënë mbështetje skuadrës në prag të ndeshjes më të madhe të viteve të fundit. /abcnews.al

TIRONA-FANATIKS-NUK-SHKOJNE-NE-DERBI_ABC-M1-T1.mpg_snapshot_00.05-1280x720.jpg
G. P.12:48 | 28/11/2018

Tirana nuk do të ketë tifozët e saj kryesorë në derbin e kësaj jave në Superligë. Grupimi “Tirona Fanatiks” njofton se do të bojkotojë dhe akuzon klubin bardheblu.

Ky konflikt qenka e pamundur që të shuhet. Tifozët ultras të Tiranës krijuan një tjetër betejë në luftën e tyre gati 2-vjeçare me presidentin Refik Halili, duke refuzuar të jenë në derbi. Tifo grupi “Tirona Fanatiks” doli me deklaratë në rrjetet sociale, ku njoftoi mungesën e pranisë në “Selman Stërmasi” të premten, sërish mbi bazën e konfliktit të vjetër.

“Nuk mund të jemi miq në shtëpinë tonë”, ishin fjalët në deklaratë, duke nënkuptuar marrëveshjen e presidentit të Tiranës, Refik Halili, për t’i dhënë me qira Partizanit, stadiumin “Selman Stërmasi” në ndeshjet shtëpiake. Derbi i fazës së parë ishte në fushën e Tiranës, ndaj edhe “fanatiksat” nuk e bojkotuan, por tani siç duket nuk duan ta shohin veten në minorancë, në atë që e quajnë shtëpinë e tyre.

Mungesa e ultrasve është një goditje jo e vogël për skuadrën që ka nevojë për mbështetje në një moment kritik të sezonit në Superligë, aq më shumë, që ndeshja luhet në fushën e Partizanit, dhe tifozët kundërshtarë do të jenë në epërsi dërrmuese./abcnews.al

partizani-tirana-933x445.jpg
ent ela23:41 | 28/09/2018

Tirana u mposht për të 3-ën herë radhazi në derbin me Partizanin duke e çuar në 14 numrin e ndeshjeve pa fitore me rivalin e përjetshëm. Kryendeshja e futbollit shqiptar u vendos nga një gol i vetëm i shënuar nga Esat Mala në pjesën e parë të sfidës së luajtur në “Selman Stërmasi”, i tejmbushur nga tifozët bardheblu që erdhën të organizuar rreth 1 orë e gjysmë para nisjes së sfidës.

Pas tyre hynë edhe mbështetësit e Partizanit të ardhur nga një tjetër drejtim. Forcat e policisë u kujdesën që tifozeritë rivale të mos përplaseshin gjatë ardhjes në stadium. Ata ishin të stacionuara në rrugët hyrëse dhe përreth impjantit ku do të luhej ndeshja.

Pritshmëritë ishin të larta për këtë sfidë, ku Tirana kërkonte revanshin pas kthimit në Superligë. Lojtarët e Gegës u dukën më të vendosur në duele, ndërsa bardheblutë ishin dukshëm nën presionin e emocioneve.

Të kuqtë u shfaqën me konkretë në minutën e 21’ kur Mala shfrytëzoi një pasim të saktë të Jasir Asanit, duke mundur mbrojtjen kundërshtare dhe portierin Ilion Lika. Përpjekjet e mëvonshme të Tiranës nuk dhanë atë që kërkonte trajneri Ze Maria, i cili aktivizoi më shumë sulmues gjatë pjesës së dytë. Futbollistët e Partizanit nuk lejuan ndryshimin e rezultatit. Kjo fitore e ngjit ekipin e Skënder Gegës përkohësisht në krye të renditjes në kuotën e 13 pikëve.

Tv Klan

GJERMANI-FRANCE-BARAZIM.mpg_snapshot_00.07-1280x673.jpg
G. P.10:52 | 07/09/2018

Gjermania dhe Franca u ndanë në barazim pa gola në ndeshjen e parë të Ligës së Kombeve, në Mynih. Vendasit treguan se e kanë lënë pas dështimin e Botërorit.

Tifozët mund të jenë të lehtësuar, ose të paktën mund të marrin frymë më lirshëm. Dështimi në Botëror mund të ketë qenë thjesht një moment “JO” për Gjermaninë, dhe aspak një krizë afatgjatë. Të paktën, kështu tregoi ndeshja ndaj Francës kampione në “Alianc Arena” të Mynihut. Të besuarit e trajnerit Joakim Lëv, jo vetëm nuk ishin siç u panë në Rusi, por as nuk e ndjenë mungesën e Mesut Ozilit, duke u ndalur nga një lojtar i vetëm.

Ky lojtar ishte portieri rezervë francez, Alfrons Areola i PSG-së, që zuri vendin e Jorisit të dëmtuar. Ai bëri pritje të mëdha ndaj Vernerit, Rojsit, Humelsit, Mylerit apo Ginterit. Gjermania pati mundësi të tjera, në takimin që përfundoi 0-0 dhe që vlente për Ligën e Kombeve, të cilin në gjuhën e boksit mund të thuhet se e fitoi “me pikë”. Mbape e Grizman patën mundësi për Francën, që luajti ashtu si në Botëror, duke pritur në mbrojtje e duke kërkuar shpejtësinë e jashtëzakonshme të Kilian Mbapesë në kundërsulm.

Një barazim jashtë fushe, në një kompeticion zyrtar, padyshim që mund të quhet i mirë, dhe kështu duhet të jetë edhe për Francën, veçse më të lumtur duhet të jenë gjermanët që ndoshta e lanë pas dështimin e madh në Botëror./abcnews.al

sei_25051633-8f16-e1534111440471.jpg
G. P.15:14 | 19/08/2018

Tifozët e Premier Ligës angleze po kënaqen me futbollin e një trajneri të sapoardhur. Ky është italiani Mauricio Sarri, që po fiton ndeshjet dhe po luan bukur me Çelsin e Londrës.

Nuk dihet nëse kishte menduar këtë kur bleu klubin. Miliarderi rus, Roman Abramoviç, ishte manjak i spektaklit ndërsa zotëronte aksionet e Çelsit këtu e 15 vjet më parë, dhe ndoshta tani po mendon se po ia arrin qëllimit. Pasi provoi 11 trajnerë të përhershëm dhe 13 gjithsej, duket se mund të gjejë qetësi me Mauricio Sarrin. Italiani, që mori emër me Empolin e sidomos me Napolin në Serinë A, po i jep bluve, dora-dorës, stilin e tij të preferuar sulmues, gjithnjë pranë portës kundërshtare, që vërtet i lë tifozët me zemër në dorë për mbrojtjen, por i mbush me kënaqësi dhe emocion.

Suksesi 3-2 ndaj Arsenalit, në derbin më të madh të Londrës, ishte i dyti radhazi për Çelsin në këtë sezon të Premier Ligës, dhe ishte edhe më i bukur sesa triumfi i parë 3-0 në fushën e Hadërsfildit. Dominimi i vendasve në “Stemford Brixh” ishte total në pjesën e parë, por disa momente shkujdesjeje sollën barazimin 2-2. Vetë Sarri, por edhe tifozët e dinë se Çelsi është ende një skuadër në formim e sipër, me trajnerin që filloi punën vetëm në korrik. Gjithsesi, italiani u lumturua nga reagimi i lojtarëve të tij pas pushimit, derisa u arrit fitorja 3-2, me tre gola të shënuar nga futbollistë të ardhur nga Spanja, Pedro Rodrigez, Alvaro Morata dhe Markos Alonso.

Sidoqoftë, ishte edhe një yll, që u aktivizua vetëm 30 minuta, dhe që është padyshim më i madhi i londinezëve. Eden Hazar, ende jo në formën maksimale, hyri në fushë në kohën e duhur për të krijuar golin e tretë. Ai kërkohet nga Reali, por Sarri, nuk ka dyshim për të ardhmen. “Jam i sigurt se Edeni do të mbetet me ne, – ishin fjalët e tij pas ndeshjes, – kam folur pak kohët e fundit me të, por kemi folur më parë, dhe e di se nuk do të largohet”.

Për momentin, është vetëm një njeri i rëndësishëm që nuk po e sheh nga afër spektaklin e Çelsit, pronari Abramoviç që ka probleme me vizën britanike, por që ka premtuar se do t’i zgjidhë shpejt./abcnews.al

800x-1.jpg
G. P.15:24 | 16/08/2018

Barcelona ka objektiv kryesor Championsin, këtë sezon. Kapiteni Lionel Mesi u bëri një premtim tifozëve në stadiumin “Kamp Nou”.

Sezoni ka filluar, por para tifozëve prezantimi ishte vetëm tani. Futbollistët e Barcelonës dhe pjesëtarët e stafit teknik dolën njëri pas tjetrit në fushën e stadiumit “Kamp Nou”, ndërsa në tribuna ishin jo pak, por mbi 70 000 tifozë. Përforcimet e verës kanë qenë të rëndësishme edhe pse jo superblerje, por skuadra e trajnerit Valverde duket tepër e plotësuar, pavarësisht nga largimi i Andres Iniestës.

Përveç emrave të mëdhenj që ishin që më parë, janë shtuar Malkolm, Arturo Vidal, Lengle apo Artur. Në pritje të një goditjeje të fundit, që mund të jetë Pol Pogba nga Mançester Junajtid, apo Adrien Rabio nga Paris SG, ekipi ndihet gati. Superylli Lionel Mesi, tashmë kapiten, ka një premtim për tifozët.

“Edhe pse sezonin e kaluar fituam kampionatin dhe Kupën e Mbretit, ne të gjithë duam Championsin, ku dështuam, – theksoi argjentinasi, – premtojmë se do të bëjmë gjithçka brenda mundësive tona që kjo kupë e mrekullueshme të vijë përsëri në “Kamp Nou”.

Më pas, katalanasit luajtën ndeshjen për Trofeun “Gamper”, për nder të themeluesit dhe presidentit të parë të klubit. Kundërshtare ishte skuadra e famshme argjentinase, Boka Juniors, por që u tregua e fortë në Barcelonë vetëm me tifozët e saj. Në fushë, Barça dominoi plotësisht dhe i lumturoi tifozët me futbollit që pritet të luhet këtë edicion.

Fitorja 3-0 u arrit me golat e shënuar nga Malkolm, Mesi dhe Rafinja, ndërsa në 90 minuta u aktivizuan 22 lojtarë, diçka që tregoi se çfarë ekipi ka në dorë trajneri Valverde. Barcelona e nisi me formacionin Ter Shtegen, Sergi Roberto, Pike, Ymtiti, Miranda, Rakitiç, Arturo Vidal, Kutinjo, Mesi, Munir e Malkolm. Në pjesën e dytë të gjithë këta u ulën në stol dhe formacioni i ri ishte: Çilesen, Semedo, Lengle, Vermelen, Buskets, Rafinja, Riki Puig, Artur, Alkaser, Dembele, Luis Suarez! Vërtet që Valverde ka dy skuadra në dispozicion./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono