Thumb

Alban-Ramosaj-1280x705.jpg
Sej rie17:45 | 13/04/2019

Thashethemet në rrugët e Kryeqytetit. Superkunji ka pyetur të moshuarit lidhur me lajmet më të përfolura të showbizit shqiptar. Ai ka marrë mendimin e të moshuarve për personazhet e njohura. Madje mosha e trete janë pyetur nga superkunji edhe për foton nudo të bërë publike nga këngëtari Alban Ramosaj. Reagimi i disa zonjave të ulura në një stol kur superkunji u tregoi foton e Alban Ramosaj është brilant. Por jo vetëm për Alban Ramosajn, superkunji i ka pyetur edhe për thashethemet për ndarjen e Alban Hoxhës nga Çiljeta Xhilagën, për sherrin mes Fifit, Taynës, dhe Rinës, si dhe për lajmin se Eni Çobanit i ka shkruar një sheik. Për më shumë iu ftojmë të ndiqni videon më poshtë./abcnews.al

anxhela-peristeri.jpg
G. P.19:26 | 06/04/2019

Këngëtarja e njohur, Anxhela Peristeri, ishte e ftuar në emisionin “Thumb” këtë të shtunë. Në një bisedë në banak me moderatoret Fatma Haxhialiu dhe Aulona Musta, Anxhela rrëfeu detaje të karrierës së saj muzikore dhe të pathëna të tjera të jetës së saj personale.

Ajo tregoi një histori gazmore që i ndodhi në një dasmë në Maqedoni.

“Isha në një dasmë në Maqedoni dhe atje burrat marrin edhe nga dy gra ndonjëherë. Dhëndrin e martuam ne një ditë më përpara dhe ditën tjetër e pashë unë në supermarket. Ku je o loçkë më tha mua do të mbaj në pëllëmbë të dorës, mbretëreshë do të kem. Po ti u martove dje i thashë. Po s’ka gjë tha. Ajo është për shpi, ty të kam për qejf”, tregoi Anxhela.

Së fundi, këngëtarja ka publikuar projektin muzikor në bashkëpunim me Mateus Frrokun. Mirëpo nuk kanë qenë të pakta thashethemet që i lidhnin bashkë dy këngëtarët edhe në jetën private. Megjithatë, Anxhela mohoi çdo gjë.

“Zakonisht kur bëj duet me dikë bëhem çift për ca kohë. Zakonisht nuk kam qenë çift me asnjë artist. Nuk e di. Nuk ka rastisur dhe njihemi shumë shpejt ndoshta. Me Mateusin njihemi që në festival të fëmijëve. Plus asaj është dhe nja pesë vjet më i vogël se unë. Unë do doja që i dashuri im të ishte më i madh se unë”, tha këngëtarja./abcnews.al

bledi-strakosha.jpg
G. P.18:53 | 23/03/2019

Këtë javë i ftuar në banakun e  “Thumb” të Aulonës dhe Fatmës ishte moderatori i njohur Bledi Strakosha. Ai ishte prezantuesi, i cili bëri të rrëfeheshin para tij shumë personazhe të njohura gjatë fillim viteve 2000 me emisionin e tij “Blue.

Duke qenë pjesë e televizioneve prej një kohe të gjatë, moderatori është shpehur kritik për përzgjedhjet që bëhen kohët e fundit në televizione, ku sipas tij mbizotërohet nga të paaftët.

“Televizioni atëherë ka pasur standarde. D.m.th ti në televizion nuk dilje dot në televizion pa bërë një eksperiencë të paktën një-vjeçare në radio. E dyta kalonte nëpër teste jo vetëm ti, por edhe formati që propozoje.

Sot dalin të gjithë sepse është kohë konsumi. Janë hapur shumë media dhe rrjedhimisht ka nevojë për shumë personazhe. Ne jemi vend i vogël dhe kemi pak njerëz që investojnë tek vetja profesionalisht dhe kështu që detyrohen televizionet që të punësojnë njerëz që s’janë të aftë fare. Shoh ndonjëherë nëpër lajme gazetarë që duhet të jenë gazetarë spiker. Kur i shoh që nëse kronika nuk është gati thonë “Zoti më ndihmoftë”. Tani dy informacione shtesë për atë lajm duhet t’i kesh. Është dikush që gjithmonë del duke qeshur kur jep lajmet.

Nevoja e televizioneve për të pasur sa më shumë programe, sa më shumë njerëz pjesë të tyre. Zgjidhen të paaftët sepse nuk ka të aftë. Unë shoh të rinj që për kompaninë që unë kam kur kërkojnë punësim, thonë ça të jetë”, tha ai.

Sipas tij, të rinjtë nuk kanë vokacion, thirrje të brendshme./abcnews.al

EMISIONI-THUMB-16-MARS.mpg_snapshot_32.58-1280x720.jpg
ent ela18:38 | 16/03/2019

Aktori Florian Agalliu ka vizituar këtë të shtunë barin e “Thumb”. Gjatë bisedës me Aulonën dhe Fatmën ai ka treguar disa prej sekreteve që ndoshta nuk i kemi ditur kurrë për të, keqkuptimin me drejtuesit e Top Channel dhe largimin nga ekrani.

“Unë nga Televizioni do iki shumë shpejt, besoj sezonin tjetër nuk jam më. Është bërë rutinë. Ju duhet ta kuptoni edhe vetë.

Unë nisa një projekt për një herë në javë, me disa kamera të fshehta, por ky projekt ngeli përgjysmë si pasojë e një keqkuptimi me drejtuesit e Top Channel, dhe nuk u realizua. Kemi xhiruar 4 seri dhe jemi në pritje të blerësit të radhës. Në momentin që ata u tërhoqën dhe unë nuk mund të shfaqem në një TV tjetër pa përfunduar kontrata me Top Channel”.

I pyetur se çfarë roli nuk do të luante kurrë dhe Flori përgjigjet me shumë siguri se nuk do të luante rolin e një homoseksuali.

“Do ti thoja jo përsa kohë ishte në Shqipëri rolit të një homoseksuali, sepse na përndjekin gjithë kohën dhe se kuptoj pse. Përsa kohë ti nuk jep shenja homoseksualiteti nuk e kuptoj pse duhet të të përndjekin. Problemi është që jam një mashkull dhe përfaqësoj një lloj seksi dhe nuk do të doja kurrë që në atë rol që do të bëja të paragjykohesha se mund të jepja shenja edhe si homoseksual.

Ti një gjë bën në media dhe masakrohesh nga komentet, që unë të dalë në një film ajo skena të publikohet diku dhe të shoh 700 000 njerëz që vjellin vrer për një rol që ti ke harxhuar djersë, mund , mund ta kesh bërë edhe pa asnjëlloj pagese, të kesh lënë vajzën me temperature dhe ata të tallin b…. kurse te Neflitx do ta bëja me shumë kënaqësi”.

/abcnews.al

EMISIONI-THUMB-16-MARS.mpg_snapshot_16.05-1280x720.jpg
ent ela18:11 | 16/03/2019

Këngëtarja Olta Boka ka qenë e ftuara e tretë e emisionit “Thumb” të Fatmës dhe Aulonës në ABC News. Ajo ndau me teleshikuesit karrierën, muzikën, projektin e ri si notere dhe jetën private. Duke e konsideruar veten si model për të dhënë shembullin e mirë, Olta na rrëfeu se  nuk e ka lënë muzikën, por ka marrë një tjetër angazhim si asistente notere.

“Unë e konsideroj veten model dhe përpiqem të jap shembuj të mirë. Jo nuk e kam lënë muzikën, po përmbush një afat 2 vjeçar që të jem asistente notere. Do të jap provimin dhe nëse e marr quhem notere. Mundohem të jem korrekte”.

Olta hodhi poshtë zërat sa i takon thashethemeve të fundit për një zënkë mes saj dhe Kejsi Tolës.

“Jo nuk  jemi zënë me Kejsin, por nuk këndojmë më te i njëjti resort, por vjen një moment që duhet të bësh ca kompromise”.

Prej vitesh tashmë Olta Boka, është në një lidhje me djalin e deputetit të LSI-së Shezai Rrokaj, Iv Rrrokaj. Olta ka preferuar të mos flasë shumë në media për marrëdhënien e tyre. E pyetur nga dy moderatoret se përse ajo ka bërë këtë zgjedhje e nuk publikon asnë foto në rrjetet e saj sociale, ajo përgjigjet:

“Mjaftohem me dy-tre informacione që më tregojnë mua të vërtetë. Një gjë më shumë askujt nuk do hynte në punë. Dua ta kem për vete. Një gjë shumë të shtrenjtë e mban për vete. Unë kam zgjedhur të jem artistja në ekran dhe jo njeriu për të bërë skoop-e. Historia ime gjithnjë do përbënte lajm. Unë jam e lirë për ta puthur atë në publik. Historia ime është zbuluar që në fillime. Në ekran jam munduar ta shmang sa më shumë këtë si temë se pastaj fillojnë bëjnë rezumenë e jetës”.

E pyetur se kur do të martohet apo nëse do të bëjë dasmë, Olta thotë që është e dyzuar për momentin për këtë temë.

“Më përpara vdisja për dasma dhe nuk e kisha menduar se nuk do doja të bëja dasëm se edhe shumë lekë. Se ta bësh si do ti kushton. Normalisht duhet, po pse ti harxhosh gjithë ato lekë. Nga ana tjetër pse nuk do më shohin mami me babin me fustan të bardhë. Për momentin jemi të dyzuar”. /abcnews.al

dj-vicky.jpg
G. P.19:50 | 09/03/2019

Dj Vicky është një nga personazhet më me humor në show bizz-in shqiptar, por gjithashtu edhe familjar. Ai ishte i ftuar këtë të shtunë në emisionin “Thumb”, ku është pyetur nëse ka ndryshuar që kur është bërë baba.

Dj Vicky: Që kur u bëra me fëmijë kuptova sa e bukur ishte jeta, kur je vetëm. Kjo është pak, por e rëndësishme. Mundohem të bëj sa më shumë gjëra që në fund të ditës t’i sigurohet shtëpisë ajo gjëja standarde që të mos fillojë dieta. Mos të vuajmë për bukë. Kam impenjime më shumë dhe mundohem të jem më shpesh në shtëpi.

Aulona: Ti je?

Dj Vicky: Jam, jam.

Fatma: Si je si baba? Ja karagjoz apo autoritar?

Dj Vicky: Jam karagjizë. Mundohem deri diku me timen, por jam Vicky.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono