thike

Capture-62.jpg
in a08:25 | 22/02/2020

Një ngjarje e rëndë ka ndodhur në zonën e njohur si Dionysus në Athinë, ku një 28-vjeçar me origjinë shqiptare është plagosur me thikë.

Mediat greke shkruajnë se shqiptari ishte në autobus në momentin kur u sulmua nga persona ende të panjohur. Dyshohet se autorët duket si kishim objektiv shqiptarin, pasi as shoferi dhe as pasagjerët e tjerë nuk u lënduan.

Autorët u larguan menjëherë nga vendi i ngjarjes, ndërsa 28-vjeçari u dërgua në spital, pasi ka marrë plagë në krah dhe këmbë.

Mësohet se policia po punon për zbardhjen e rrethanave të ngjarjes dhe kapjen e autorëve.

IMG_20180209_130939_2_2-1280x840.jpg
eri Ida15:35 | 17/02/2020

Dy persona kanë rënë në prangat e policisë së shkodrës pasi pas një konflikti për motive të dobëta kanë plagosur një 34 vjeçar.

Blutë e Shkodrës bëjnë me dije se një shtetas i dëmtuar me mjet prerës, i cili pas kontaktit me Policinë ka mohuar të jetë plagosur nga ndonjë person tjetër, por ka thënë se ishte dëmtuar aksidentalisht duke rregulluar mjetin.

Ndërkoë pas zbardhjes së ngjarjes është zbuluar se shtetasi Ë. (J.) M., 36 vjeç, banues në Shkodër, gjatë një konflikti për motive të dobëta ka plagosur me thikë e sende të forta shtetasin E. C., 34 vjeç, banues në  Shkodër.

Shkodër:

Konfliktohen për motive të dobëta, njëri prej tyre plagoset me thikë e sende të forta gjatë konfliktit, por arrestohen të dy në flagrancë nga Policia.

Në sallën operative të DVP Shkodër ka ardhur njoftim nga Spitali Rajonal Shkodër se ka shkuar  për ndihmë mjekësore një shtetas i dëmtuar me mjet prerës, i cili pas kontaktit me Policinë ka mohuar të jetë plagosur nga ndonjë person tjetër, por ka thënë se ishte dëmtuar aksidentalisht duke rregulluar mjetin.

Specialistët për Hetimin e Krimit në Komisariatin e Policisë Shkodër, bazuar në thëniet kontradiktore të këtij shtetasi, thelluan hetimet dhe falë veprimeve të shpejta u bë e mundur zbardhja e ngjarjes dhe ka rezultuar se:

Shtetasi Ë. (J.) M., 36 vjeç, banues në Shkodër, gjatë një konflikti për motive të dobëta ka plagosur me thikë e sende të forta shtetasin E. C., 34 vjeç, banues në  Shkodër.

Në përfundim të veprimeve u bë arrestimi në flagrancë i shtetasit Ë. (J.) M., 36 vjeç, banues në lagjen “10 Korriku”, Shkodër, për veprën penale “Plagosja e rëndë me dashje”.

Gjithashtu, u bë arrestimi në flagrancë edhe i shtetasit E. C., 34 vjeç, banues në lagjen “Guerile”, Shkodër, për veprën penale “Moskallëzimi i krimit ”.

Materialet iu referuan Prokurorisë së Rrethit Gjyqësor Shkodër, për veprime të mëtejshme./abcnews.al

armeeeeeeee.jpg
eri Ida09:33 | 15/02/2020

Policia e Divjakës ka vënë në pranga një 51vjeçar i cili akuzohet për armëmbajtje pa lejë. I ndaluari është shtetasi N. P, 51 vjeç, banues në Muçias, 1 armë gjahu dhe 2 thika të cilat i mbante pa lejen e organeve kompetente.

Divjakë:

Mbante pa leje armë gjahu dhe armë të ftohta, arrestohet në flagrancë poseduesi.

Sekuestrohet 1 armë gjahu dhe 2 thika.

Në vijim të punës për të parandaluar dhe goditur paligjshmërinë, nga specialistët për hetimin e krimeve në Komisariatin e Policisë Divjakë, është goditur një tjetër rast i armëmbajtjes pa leje.

Shërbimet e Komisariatit të Policisë Divjakë, në bazë të informacioneve të mara në rrugë operative, i gjetën  shtetasit N. P, 51 vjeç, banues në Muçias, 1 armë gjahu dhe 2 thika të cilat i mbante pa lejen e organeve kompetente.

Në përfundim të veprimeve të kryera, është bërë arrestimi në flagrancë i shtetasit N. P për veprat penale “Mbajta pa leje e armëve të gjuetisë” dhe “Mbajtja pa leje e armëve të ftohta”.

Materialet proceduriale për veprime të mëtejshme i kaluan Prokurorisë pranë Gjykatës së Shkallës së Parë Lushnjë./abcnews.al

12-1.jpg
in a20:03 | 10/02/2020

Një 21 vjeçar shqiptar u arrestua nga karabinierët italianë nën akuzën e tentativës së vrasjes. I riu, me banim në Piacenza, në orët e para të pasdites së djeshme, ndërsa ishte në një lokal, i ishte thënë nga pronari, që të largohet se do mbyllte biznesin.

Mirëpo, sa duket shqiptari nuk e ka pritur mirë këtë gjë dhe ka rrëmbyer një thikë kuzhine, duke qëlluar disa herë italianin, 28 vjeç. Pas kësaj, ai tentoi të arratiset, duke ikur prej vendngjarjes, shkruajnë mediat italiane. Shqiptari, pasi u kap, deklaroi se kishte hedhur thikën në lumë.

Thirrjet e të plagosurit tërhoqën vëmendjen e disa kalimtarëve që e gjetën atë në tokë të mbuluar me gjak, ndërsa shqiptari u përpoq ta godiste përsëri, por u ndalua nga bashkatdhetari i tij dhe nga njerëzit që arritën në vendngjarje.

I plagosuri u shpëtua dhe u dërgua në dhomën e urgjencës së afërt të Policoro, ndërsa karabinierët arritën në vendin e sulmit. Mbi 21-vjeçarin tashmë rëndon akuza për tentativë të vrasjes.

policia-plagosja.jpg
ger ta13:10 | 09/02/2020

Një plagosje me thikë ka ndodhur në Shkodër mesditën e sotme. Gazetari Simon Shkreli, raporton për abcnews.al se ngjarja ka ndodhur në fshatin Shtoj i Ri në ambientet e një lokali.

Mësohet se dy persona janë konfliktuar me njëri-tjetrit. Agron Begaj, 47 vjeç ka plagosur me thikë,  Besnik Idrizi, 42 vjeç. I plagosuri ndodhet në spital jashtë rrezikut për jetën.

Njoftimi i policisë: 

Me datë 09.02.2020, rreth orës 12:50, në fshatin Shtoj i Ri, Shkodër gjatë një konfikti të çastit, shtetasi A. B. 47 vjeç, ka plagosur me mjet prerës (Thikë) shtetasin B. I. 42 vjeç, banues në fshatin Shtoj i Ri Shkodër, i cili ndodhet në Spitalin Rajonal Shkoder jashtë rrezikut për jetën.

Falë reagimit të shpejtë të forcave policore u bë kapja dhe arrestimi autorit të dyshuar

Po kryhen veprimet me grup hetimor për sqarimin e rrethanave të kësaj ngjarje

/abcnews.al

 

policia-3-1280x702.jpg
R D09:58 | 21/01/2020

Një 19-vjeçar është arrestuar nga policia pasi mbrëmjen e djeshme ka qëlluar disa here me thikë një 37-vjeçar duke i shkaktuar plagë të shumta. Ngjarja ka ndodhur në periferi të Tiranës, tek shinat e trenit.

Njoftimi i policisë

E godet disa herë më thikë duke e plagosur rëndë një 37-vjeçar, falë reagimit në kohë të shërbimeve të Komisariatit të Policisë Nr. 3 kapet dhe arrestohet autori.

Nga specialistët për hetimin e krimit në Komisariatin e Policisë Nr. 3 u bë arrestimi në flagrancë i shtetasit A. H., 19 vjeç, banues në Tiranë.
Arrestimi i tij u bë pasi ky shtetas, tek shinat e trenit, rreth orës 20:05 të mbrëmjes së datës 20.01.2020, për motive të dobëta ka goditur disa herë me një mjet shpues e prerës shtetasin I. Z., 37 vjeç, banues në Tiranë, i cili ndodhet në gjendje të rëndë për jetën.

Shërbimet e Komisariatit të Policisë Nr. 3, pas marrjes së njoftimit për ngjarjen, kanë shkuar menjëherë në vendngjarje dhe pas rreth dy orë kërkimesh dhe kontrollesh në zonë, bënë të mundur gjetjen, kapjen dhe arrestimin e 19-vjeçarit.

Materialet do t’i kalojnë Prokurorisë së Rrethit Gjyqësor Tiranë, për veprën “Plagosja e rëndë me dashje”.

1531228956_arrestim_0.jpg
So Nila16:04 | 18/01/2020

Policia e Shkodrës ka arrestuar një 41 vjeçar, pasi ka ushtruar dhunë fizike dhe ka kanosur me thikë bashkëshorten e tij.

Ngjarja e rëndë ka ndodhur në lagjen Tre Heronjtë”, Shkodër ku shtetasi K. Z. 41 vjeç, ka ushtruar dhunë fizikedhe ka kanosur me mjet prerës (thikë) bashkëshorten e tij, shtetasen F. Z., 38 vjeçe.

Ndërkohë në cilësinë e provës materiale është sekuestruar thika me të cilën ka kanosur bashkëshorten.

Njoftimi i Policisë:

Parandalohet një ngjarje e rëndë kriminale brenda familjes, falë reagimit të shpejtë nga Policia.

Arrestohet në flagrancë një 41-vjeçar, për kanosje dhe dhunë në familje.

Sekuestrohet një mjet prerës (thikë), me të cilën ka kanosur bashkëshorten.

Nga shërbimet e Komisariatit të Policisë Shkodër, falë reagimit të shpejtë dhe ndërhyrjes në kohë, u bë arrestimi në flagrancë i shtetasit K. Z. 41 vjeç, banues në lagjen “Tre Heronjtë”, Shkodër.

Arrestimi i tij u bë, pasi në banesë ka ushtruar dhunë fizike, si dhe ka kanosur me mjet prerës (thikë) bashkëshorten e tij, shtetasen F. Z., 38 vjeçe.

Në cilësinë e provës materiale u sekuestrua thika me të cilën ka kanosur bashkëshorten.

Materialet iu referuan Prokurorisë pranë Gjykatës së Shkallës së Parë Shkodër, për veprat penale Dhuna në familje”, “Kanosja” dhe “Mbajtja pa leje e armëve të ftohta”./abcnews.al

download-5.jpg
So Nila11:50 | 16/01/2020

Një 27 vjeçar ka rënë në prangat e policisë së Fushë Krujës, pasi ka ushtruar dhunë fizike ndaj vëllait të tij.

Policia bën me dije se 27 vjeçari B. M, ka ushtruar dhunë fizike dhe psikologjike duke e kanosur me thikë vëllain e tij, shtetasin T. M

Njoftimi i policisë:

Kanosi me thikë vëllain, arrestohet në flagrancë 27-vjeçari.

Specialistët për hetimin e krimeve në Komisariatin e Policisë Krujë, në vijim të punës për parandalimin dhe përshkallëzimin e dhunës në familje, arrestuan shtetasin:

-B. M., 27 vjeç, banues në Fushë Krujë, pasi ka ushtruar dhunë fizike dhe psikologjike duke e kanosur me thikë vëllain e tij, shtetasin T. M.

Në cilësinë e provës materiale u  sekuestrua një thikë.

poli.jpg
in a08:35 | 07/01/2020

Një i ri nga Tepelena sulmon të atin e tij me thikën e bukës. Ngjarja ka ndodhur në një familje në Tepelenë, në lagjen “Demokracia”, ku Klaudio Baca në konflikt e sipër, pas një përplasje verbale me të atin, ka rrëmbyer thikën e bukës dhe e ka sulmuar.

Burime për abcnews.al bëjnë me dije se i ati i tij Luan Baca ka ngelur i plagosur në pjesën e dorës së majtë.

Menjëherë forcat e policisë së Tepelenës kanë shkuar në vendngjarje duke e izoluar dhe më pas arrestuar agresorin./abcnews.al

policia.jpg
in a09:28 | 05/01/2020

Një adoleshent ka rënë në prangat e policisë së Krujës për plagosjen me thikë të vëllait të tij. Ngjarja e rëndë është regjistruar në Luz të Fushë-Krujës. Burime zyrtare nga policia bënë me dije se bëhet fjalë për 16-vjeçarin me inicialet O.O. Ndërkohë materialet i kaluan Prokurorisë së Rrethit Gjyqësor Durrës për veprat penale “Plagosje e rëndë me dashje”.

/Informacion

Goditi vëllain me thikë, arrestohet në flagrancë 16 vjeçari.

Specialistët për hetimin e krimeve në Komisariatin e Policisë Krujë, arrestuan në flagrancë shtetasin e mitur: O.O.,16 vjeç, banues në Luz, Fushë-Krujë. Ky shtetas pas një konflikti të çastit për motive të dobëta, ka goditur më mjet prerës (thikë) vëllain e tij shtetasin A.O.,22 vjeç. Në cilësinë e provës materiale u sekuestrua mjeti prerës (thikë).

Materialet i kaluan Prokurorisë së Rrethit Gjyqësor Durrës për veprat penale “Plagosje e rëndë me dashje”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono