thaci

Capture-1-1280x554.jpg
ent ela14:50 | 12/06/2019

Personalitete të shumta nga rajoni e bota morën pjesë në ceremoninë qendrore të shënimit të 20 vjetorit të hyrjes së trupave të NATO-s në Kosovë.

Kështu u pritën nga qytetarët ish presidenti amerikan  Bill Clinton dhe sekretarja amerikane e shtetit Madeline Albright.

Duarktrokitje në shenjë falënderimi pati edhe për ish gjeneralin e NATO-s Wesley Clark.

Ish-presidenti amerikan, Bill Clinton ka deklaruar se është nder i madh për të lidhja që ka me Kosovën.

Ai ka shtuar se duhet të jemi mirënjohës që në këtë rrugëtim të vështirë nuk ka pasur kthim të dhunës sistematike.

Çdo herë ka qenë dhe do të jetë nderi më i madh në jetën time, që kam qëndruar me juve kundër spastrimit etnik dhe ju jam shumë mirënjohës që jam sërish këtu me ju”, ka thënë Clinton. Para se të mendoni për të gjitha gjërat që duhet t’i bëni, jeni mirënjohës që në udhëtimin tuaj të vështirë dhe të gjatë nuk ka pasur kthim të dhunës sistematike, shkatërrimit. Merita për këtë i shkon qytetarëve të Kosovës të të gjitha etnive, të cilët kanë vendosur të jetojnë me shpresën e të ardhmes së duhur”, u shpreh Clinton.

Ish-sekretarja amerikane e Shtetit, Madeleine Albright, tha se vendimi për të ndërhyrë në Kosovë, “ishte i drejtë”.

Aleanca jonë ishte e bashkuar dhe e fortë dhe më e rëndësishmja është se ia dolëm për arsye se kauza e jonë ishte e drejtë dhe për arsye të qytetarëve të Kosovës përtej të gjitha pyetjeve, praktikave dhe politikave”, tha Madeline Albright, ish-sekretare amerikane e shtetit.

Ndërsa zv.ndihmës sekretari amerikan i shtetit Mathew Palmer ka thënë se tashmë është koha për marrëveshje përfundimtare ndërmjet Kosovës dhe Serbisë.

Nuk munguan falënderimet e krerëve të shtetit për kontributin dhe rolin e këtyre personaliteteve para 20 vjetësh. Ndërsa kërkuan integrimin e Kosovës në BE dhe NATO.

Nga Shqipëria mungoi ish kryeministri Sali Berisha, ndërsa presidenti Meta e kryeministri Rama qëndronin indiferent ndaj njëri tjetrit.

Ndryshe gjatë ditës gjenerali Clark ka zhvilluar takime me presidentin Hashim Thaci dhe kryeministrin Ramush Haradinaj. Ai ka thënë se Kosova e meriton të jetë në NATO dhe BE./ABC News Albania 24/7

356286-jaIbzJEL3b.jpg
ent ela12:10 | 12/06/2019

Në fjalën e tij Presidenti i Republikës së Kosovës, Hashim Thaçi për 20 vjetorin e hyrjes së trupave të NATO-s, ua uroi gjithë qytetarëve 12 qershorin, ditëlindjen e lirisë së Kosovës.

12 qershori është në themelet e identitetit tonë si qytetarë, si popull, si Kosovë, si pjesë e pandashme e Evropës dhe Perëndimit”, tha presidenti Thaçi.

Kreu i shtetit ka thënë se ajo çfarë bëri në pranverën e vitit 1999-të, Bota e Qytetëruar, e personifikuar në SHBA-në, Bashkimin Evropian, Aleancën Veriatlantike, ka qenë një hap i madh dhe i jashtëzakonshëm.

“Ne mburremi që jemi sot populli më proamerikan, më properëndimor dhe më proevropian në këto anë të botës. Liria e Kosovës është vlerë e përbashkët e të gjithë neve këtu”.

Fjalimi i plotë i presidentit Thaçi:

Dua qysh në fillim t’i uroj qytetarët e Republikës së Kosovës, sepse 12 qershori i vitit 1999-të, është ditëlindja e lirisë së Kosovës. Secili nga ne që jetojmë në Kosovë, por edhe shumë të tjerë që jetojnë kudo në botë, e kemi ditën kur u lindëm si njerëz. Por, 12 qershori është datë që na bashkon të gjithëve si qytetarë të Kosovës. Këtë ditë u rilindëm të gjithë ne, si qytetarë të lirë të këtij vendi të lirë. 12 qershori është në themelet e identitetit tonë si qytetarë, si popull, si Kosovë, si pjesë e pandashme e Evropës dhe e Perëndimit. Këtë kurrë nuk do ta harrojmë, do ta respektojmë përgjithmonë. Ashtu siç jemi sot së bashku, si kosovarë, amerikanë, britanikë, gjermanë, francezë, italianë, e nga shumë vende tjera në këtë ditë të bukur qershori në kryeqytetin e shtetit të Kosovës, në Prishtinë, ashtu ishim bashkë në periudhën më të rëndë, më të errët dhe më tragjike në historinë e re të Kosovës: – atëherë kur ishte rrezikuar vetë mbijetesa e një populli, – atëherë kur qytetarët e Kosovës ishin në gjendje të sakrifikojnë gjithçka për liri dhe për t’u bërë zot të fatit të vet. Ajo çfarë bëri në pranverën e vitit 1999-të, Bota e Qytetëruar, e personifikuar në SHBA-në, Bashkimin Evropian, Aleancën Veriatlantike, ka qenë një hap i madh dhe i jashtëzakonshëm.

Ka qenë një hap vendimtar për ta shpëtuar një popull të tërë, për të mundësuar që e keqja të pësojë disfatë dhe që të gjithë neve të na ofrohet mundësia historike, që ta ndërtojmë një të ardhme për ne dhe për brezat e ardhshëm. Sa të ketë jetë dhe njerëz në këto anë, sa të ketë Kosovë mbi këtë tokë, ne do të jemi falënderues për qëndrimin dhe vendimin tuaj njerëzor dhe qytetërues të pranverës së vitit 1999. Ishte qëndrim dhe vendim i drejtë dhe i ndershëm! Edhe sot, si President i Kosovës, ju them sërish, me sinqeritetin dhe përulësinë më të madhe:

Ju faleminderit! Edhe pas përfundimit të luftës dhe sigurimit të paqes edhe nga 50 mijë trupa të Aleancës Veriatlantike, Bota e Qytetëruar ishte së bashku me ne. Ishte për ta ndryshuar me themel vendin tonë, në të gjitha aspektet e mundshme. Për ta ndërtuar një Kosovë të re, në të gjitha dimensionet.

Kosova u bë demokracia më e re liberale në Evropë. Mbajtëm me sukses zgjedhjet e para të lira, si në nivelin e pushtetit lokal, ashtu edhe në atë të pushtetit qendror. U mësuam t’i respektojmë të drejtat e të gjitha pakicave dhe t’i mbrojmë të drejtat e njeriut. Krijuam ekonominë e tregut të lirë. Mundësuam investime nga jashtë. U stabilizuam si shoqëri. I bëmë hapat e parë drejt procesit të integrimit euroatlantik. Dhe më në fund, në respektim të vullnetit të popullit të Kosovës për ta bërë shtetin e vet, me gatishmëri për t’i gjetur zgjidhjet më të mira për akomodimin e të gjitha nevojave të komunitetit serb dhe të komuniteteve të tjera në Kosovë, ne shpallëm Pavarësinë e Kosovës, më 17 shkurt të vitit 2008.

Liria e Kosovës është vlerë e përbashkët e të gjithë neve këtu. Secili politikan i Kosovës, secili qytetar i saj, nuk ka as më të voglin dyshim se çka jemi ne si popull apo cili është identiteti ynë suprem. Ne jemi evropianë dhe duam të bëhemi shtet anëtar i Bashkimit Evropian. Ne jemi perëndimorë dhe duam të jemi shtet anëtar i Paktit NATO.

Ne mburremi që jemi sot populli më proamerikan, më properëndimor dhe më proevropian në këto anë të botës. Por, ne jemi të bindur që së bashku duhet dhe mund ecim më shpejt drejt integrimit të Kosovës në Aleancën Veriatlantike dhe në Bashkimin Evropian.

Ne e meritojmë këtë. Ashtu siç kemi merituar të jemi të lirë. Ashtu siç e kemi merituar të bëhemi shtet.

Në anën tjetër, e dimë që rrëfimi për ne si Kosovë, si shtet, nuk mund të rrumbullakohet në tërësi pa e ngritur flamurin e Kosovës në East River, në selinë e OKB-së. Pa e siguruar edhe njohjen nga pesë shtetet e BE-së. Ashtu siç kemi qenë shumë vite më parë të gatshëm për ta bërë marrëveshjen historike me Serbinë, ashtu jemi edhe sot të vullnetshëm që të bisedojmë me Serbinë për ta bërë Marrëveshjen Gjithëpërfshirëse për normalizimin e marrëdhënieve në mes të dy shteteve.

Ne sot e kësaj dite jetojmë ende me barrën e një historie të rëndë dhe tragjike që ka ndodhë në Kosovë. Nuk mund ta harrojmë dot gjenocidin dhe spastrimin etnik! Këtë kujtesë dhe respektin e pafund ia kemi borxh të gjithë atyre që vuajtën dhe u sakrifikuan për lirinë e Kosovës. Por, në anën tjetër, ne ia kemi borxh fëmijëve tanë dhe gjeneratave që po vijnë, që ta bëjmë marrëveshjen me Serbinë.

Që të jetojmë si shtet në paqe dhe në fqinjësi të mirë me të gjithë. Që të sigurojmë mirëqenie për të gjithë qytetarët e Kosovës. Që të bëhemi shtet anëtar në OKB dhe në të gjitha organizatat ndërkombëtare. Dhe në fund, që ta ngrisim flamurin e Kosovës edhe në NATO dhe në BE. Nuk ka kush të na ndalë! Kosova është mburrja jonë, është krenaria jonë, është fati ynë. Urime edhe një herë Dita e Lirisë së Kosovës. /abcnews.al

 

 

THACI-DEKORIMET-ABCM3T1.mpg_snapshot_00.01-1280x720.jpg
ent ela11:50 | 12/06/2019

Ish- sekretarja amerikane e shtetit Medline Albright dhe ish-Komandanti Suprem i Forcave Aleate të NATO-s në Evropë, gjenerali Wesley Clark, që ndodhen në Kosovë për festimet me rastin e 20 vjetorit të çlirimit u dekoruan me “Urdhrin e Lirisë” nga presidenti i Kosovës Hashim Thaçi.

Presidenti i Kosovës, Hashim Thaçi i ka dhënë çmimin “Urdhri i Lirisë” ish-sekretares së shtetit amerikan Medline Albright.

Thaçi e falenderoi ish-sekretaren Albright për kontributin në lirinë dhe pavarësinë e Kosovës. “SHBA-të na kanë dhënë dinjitetin për të jetuar në Kosovë të qetë dhe të lirë, të gjithë qytetarët përfshirë shqiptarët, serbët, malazezët e gjithë të tjerët”, u shpreh ai.

Madeleine Albright pas ndarjes së çmimit tha se i pëlqen të marrë dekorata, por kjo dekoratë sot e bën shumë të lumtur që është pjesë e Kosovës.

“Kurrë nuk do ta harroj kur erdha në Kosovë pas luftës ku kishte turma të mëdha njerëzish ku në çdo cep shkruante “Faleminderit Amerikë”. Çfarë SHBA-ja ka bërë për Kosovën ishte gjëja e duhur”, u shpreh ish-sekretarja e shtetit.

Më tej, Albright u shpreh se Kosova është e pavarur dhe duhet të njihet si e tillë.

Të njëjtë dekoratë presidenti Thaçi i ka dhënë dhe gjaneralit amerikan Wesley Clark, për kontributin e tij në çlirimin e Kosovës.

Ish sekretarja amerikane e shtetit menjëherë pas ceremonisë në Presidencë është takuar me kryeministrin e Kosovës Ramush Haradinaj.

Ish-presidenti amerikan Bill Klinton, ish sekretarja e shtetit Allbright dhe gjenerali Klark ndodhen në Kosovë me rastin e 20 vjetorit të përfundimit të fushatës së bombardimeve të NATO-s kundër Serbisë. /ABC News Albania 24/7

2783C3DC-7960-4317-8CEA-5DE999F9A505_cx0_cy10_cw0_w1023_r1_s.jpg
ent ela00:00 | 10/06/2019

Përplasjet tash e disa muaj të liderëve kryesorë institucionalë, përmes deklaratave publike, kanë reflektuar jo-unitet politik dhe institucional të Kosovës karshi çështjeve që janë me interes kombëtar për vendin, vlerësojnë njohësit e zhvillimeve politike në vend.

Sipas tyre, përplasjet janë zhvilluar kryesisht ndërmjet presidentit të vendit Hashim Thaçi dhe kryeministrit Ramush Haradinaj dhe ato kanë nisur kryekëput për procesin e dialogut të Kosovës me Serbinë dhe çështjet që janë ndërlidhur me këtë proces, ndonëse kryeministri Haradinaj ishte pajtuar që procesin e dialogut ta drejtonte presidenti. Për më shumë, në këto polemika janë përfshirë edhe liderët tjerë institucionalë, por edhe të partive në opozitë.

Siç thonë njohësit e zhvillimeve politike, përplasjet e liderëve institucionalë të Kosovës më tepër kanë qenë për të shfaqur liderizëm sesa për mbrojtjen e qëndrimeve të tyre parimore.

Analisti i çështjeve politike, Artan Muhaxhiri, thotë për Radion Evropa e Lirë se polemikat dhe përplasjet përmes deklaratave, liderët institucionalë i kanë bërë me qasje të ndryshme, por të cilat, sipas tij, nuk janë të bazuara në platforma dhe strategji të kompletuara.

“Kundërshtimet në mes të liderëve politikë të Kosovës nuk janë bërë mbi bazën e kundërshtimit të strategjive, por të kundërshtimit personal. Pra, ka pasur tendenca për protagoniozëm dhe nuk ka qenë një konfrontim konstruktiv i ideve dhe planeve, në mënyrë që të arrihet deri tek ideja apo plani më i mirë për Kosovën. Mirëpo, kanë qenë beteja të personalizuara, të cilat i kanë bërë dëm Kosovës, sepse nuk e kanë mundësuar arritjen e një pajtueshmërie dhe të një qëndrimi të unifikuar, por kanë krijuar hendeqe të mëdha politike”, theksoi Muhaxhiri.

Mendim të ngjashëm ka edhe Arton Demhasaj, drejtor i organizatës joqeveritare “Çohu”. Duke folur për Radion Evropa e Lirë, ai thekson që polemikat ndërmjet liderëve institucionalë të vendit, kanë treguar që udhëheqësit politikë ende nuk kanë arritur të dalin jashtë petkut partiak dhe secilën kauzë të mundshme në vend, e përdorin për populizëm dhe për vota.

“Më tepër, këto përplasje kanë të bëjnë me çështjen e lidershipit dhe njëkohësisht ndoshta edhe me çështjen e votave dhe përkrahjes në masë dhe në publik, sesa që janë për parime. Deri tash, nuk është se kemi parë shumë parime për sa i përket çështjeve madhore dhe këto janë përplasje kryekëput politike, se kush është më lider dhe kujt po i shkon ideja më tepër. Ne nuk kemi parë asnjë debat në mes liderëve institucionalë sa u përket ideve të tyre, për të parë se cila ide është më e mira dhe për të diskutuar idetë në mënyrë të hapur. Por, më tepër ka qenë një lloj debati nga distanca të liderëve institucionalë lidhur me idetë e tyre”, theksoi Demhasaj.

Sipas njohësve të zhvillimeve politike, përplasjet ndërmjet liderëve institucional kanë nisur pas shpërfaqjes së idesë së presidentit Thaçi për “korrigjim të kufirit” si zgjidhje mundshme për një marrëveshje gjithëpërfshirëse me Serbinë. Kjo ide është kundërshtuar ashpër nga kryeministri Haradinaj, për të vazhduar më pas me përplasjet lidhur me vendimin e Qeverisë së Kosovës për taksën prej 100 për qind për prodhimet e importuara nga Serbia.

Me këtë vendim për kohë të gjatë nuk është pajtuar presidenti Thaçi, për shkak se Serbia kishte refuzuar të vazhdojë dialogun pa heqjen e kësaj takse, ndërkohë që institucionet e larta të Kosovës, e në veçanti Qeveria, janë përballur me kritikat e faktorëve ndërkombëtarë, të cilët kanë kërkuar pezullimin e masës për taksën.

Analisti Muhaxhiri shpreh mendimin që pa unifikim të qëndrimeve të liderëve institucionalë, qasja e Kosovës ndaj dialogut me Serbinë do të ishte e pafavorshme, por edhe do të ishte e pasigurt nëse ku dialog do të riniste fare.

“Me një kundërshtim kaq të madh të kryeministrit Haradinaj, nuk ka gjasa teorike që të arrihet një marrëveshje finale me Serbinë, sepse ka shumë kundërshti dhe nuk shihet në horizont mundësia që të ketë një marrëveshje. Pra, nëse Shtetet e Bashkuara të Amerikës dhe BE-ja e kanë seriozisht çështjen e arritjes së marrëveshjes përfundimtare në mes të Kosovës dhe Serbisë, atëherë do të kemi edhe sheshim të këtyre dallimeve dhe arritje të një konsensusi që domosdo nënkupton edhe lëshimin pe të palëve”, vlerësoi Muhaxhiri.

Ndërkaq, Demhasaj thotë se pa unifikimin e vetë faktorëve politikë në Kosovë, dilemat te faktorët ndërkombëtar do të jenë shumë më të mëdha.

“Kjo e dëmton tej mase Kosovën, sepse ajo po përfaqësohet në arenën ndërkombëtare me shumë ide. Pra, me ide të ndryshme nga ana e Qeverisë, me ide të ndryshme nga ana e presidentit dhe me ide të ndryshme nga ana e opozitës. Kjo tregon që lidershipi i Kosovës nuk është i unifikuar sa u përket çështjeve madhore, siç është edhe marrëveshja me Serbinë. Kjo e dëmton Kosovën në arenën ndërkombëtare, sepse të gjithë faktorët ndërkombëtarë e shohin që Kosova nuk po flet me një zë, për sa i përket zgjidhjes finale të problemit me Serbinë, por po flasin shumë zëra. Nuk e dinë se kujt t’i besojnë më shumë dhe cilën ide ta përkrahin faktorët ndërkombëtarë. Sidomos vendet që e përkrahin Kosovën, janë në dilemë se cilën ide ta përkrahin”, tha Demhasaj.

Njohësit e zhvillimeve politike theksuan se përplasjet përmes deklaratave e liderëve politikë dhe institucionalë të Kosovës, shpërfaqen si luftë për liderizëm, për më shumë që faktorët më të fuqishëm ndërkombëtarë ende nuk kanë nxjerrë në pah ndonjë plan madhor gjeopolitik dhe gjeostrategjik, pa të cilin, sipas tyre, vështirë se mund të përmbyllet kontesti ndërmjet Kosovës dhe Serbisë. /REL

Screenshot_16-5-800x450.png
Sej rie18:30 | 07/06/2019

Hashim Thaçi dhe Aleksandar Vuçiç janë përplasur në forumin e Bratisllavës. Presidenti i Kosovës e akuzoi Serbinë për qëndrim pengues, me pasojë bllokimin e dialogut mes dy vendeve.

Presidenti i Kosovës, Hashim Thaçi dhe ai serb Aleksandar Vuçiç janë përplasur në debatin e zhvilluar në forumin e sigurisë globale të mbajtur në Bratisllave. I pari ka qenë presidenti Thaçi që ka akuzuar Serbinë se po pengon dialogun dypalësh të ndërmjetësuar nga Brukseli dhe rrjedhimisht arritjen e një marrëveshjeje. “Ne duam një marrëveshje me Serbinë që do të sillte një njohje reciproke, pa kufij me vija etnike, që do të sillte anëtarësimin e Kosovës në OKB dhe njohjen nga 5 vendet e BE-së, përfshirë Sllovakinë”, ka thënë Thaçi. Por kjo sipas tij nuk mund të arrihet me qasjen penguese të Beogradit, që deri më sot ka bllokuar anëtarësimin e Kosovës në INTERPOL dhe UNESCO.

Megjithatë, Thaçi ka shprehur besimin e tij se, samiti i ardhshëm i Parisit do të ishte një mundësi shumë e mirë për të bërë hapa konkretë në këtë drejtim. Nga ana tjetër, presidenti Vuçiç ka deklaruar se çështja e Kosovës ka ngelur tek aspekti i ndarjes së Kosovës dhe shkëmbimit të territoreve.

“Kudo që shkon, e vetmja çështje është nëse do të ndodhë ndarja e Kosovës apo do të ketë shkëmbim territoresh, por askush nuk pyet nëse do të arrihet një marrëveshje që do të rregullonte marrëdhënien mes serbëve dhe shqiptarëve”, ka thënë Vuçiç. Ai ka shtuar se situata nuk është ndër më të mirat dhe është shprehur pesimist sa i përket së ardhmes. “Por të gjithë duhet të angazhohen për të ruajtur paqen dhe stabilitetin në rajon dhe për të gjetur një zgjidhje të mundshme”, ka shtuar Vuçiç./ABC News Albania 24/7

thaci-1-1280x725.jpg
ent ela14:03 | 01/06/2019

Presidenti i Kosovës Hashim Thaçi ndodhet në Malin e Zi ku ka marrë pjesë në një panel me Presidentin e Malit të Zi, Milo Gjukanoviç, para një audience të zgjedhur në forumin “To Be Secure” në Budvë. Aty u diskutua për vendet e rajonit, Evropën dhe Ballkanin Perëndimor.

Me anë të një postimi në profilin e tij në Facebook Thaçi shkruan se thelbësor në këtë kontekst është fakti që i tërë rajoni po bën përpjekje për anëtarësim në Bashkimin Evropian.

Kreu i shtetit të Kosovës në këtë rast kritikoi Bashkimin Europian për vonesat në vendimmarrje. Ai theksoi se padrejtësia më e madhe ndaj Kosovës vazhdon të jetë mbajtja në izolim e qytetarëve dhe bllokimi i perspektivës për anëtarësim në Bashkimin Evropian.

Thaçi më tej shkruan se në rast se bashkësia ndërkombëtare, respektivisht shtetet anëtare të organizatave ndërkombëtare (BE, NATO dhe OKB), do të vazhdojnë t’i mbajnë dyert e mbyllura për shtetin e Kosovës, atëherë udhëheqësit e institucioneve dhe qytetarët tanë duhet të mendojnë seriozisht rrugën tjetër për arritjen e qëllimit të njëjtë. Durimi ynë duhet të shpërblehet dhe jo të keqpërdoret, përfundon Thaçi. /ABC News Albania 24/7

Thaci-berisha.jpg
Sej rie13:00 | 31/05/2019

Ish-presidenti Sali Berisha dhe ai aktual i Kosovës, Hashim Thaçi nga dy ekrane të ndryshme kanë hedhur akuza të ndërsjellat për njëri-tjetrin, për përfshirje apo njohuri në ekzekutime politike të kohës së pasluftës.

Nga dy studio të ndryshme, ish-Kryeministri Sali Berisha dhe Presidenti i Kosovës Hashim Thaçi kanë drejtuar akuza të ndërsjellat në drejtim të njëri- tjetrit.

Për RTV Dukagjini, Thaçi akuzoi ish-kryeministri Berisha se ka lidhje me vrasjen e gazetarit Ali Uka më 30 korrik të 1997-ës.

Thaçi: “Është e vërtetët se Ali Uka ato ditë pretendonte se kishte zbuluar dhe donte të botonte në shtyp të vedetën e vrasjes së atdhetarit Remzi Hoxha. Sipas Aliut kishte bërë takime dhe bisedime të fshehta në Ohër mes Sali Ramë Berishës, Sllobadan Millosheviçit dhe Kiro Gligorovit. Rrëfimi i Aliut të çonte direkt në zyrën e Sali Ramë Berishës. Dhe pretendimi i dytë i gazetarit Ali Uka ishte se kishte zbuluar tërë skenën e qëndrimit të Arkanit në Shqipëri. Aty Aliu fliste me fakte se Sali Ramë Berisha ishte në dijeni të plotë të qëndrimit të Arkanit dhe Legias në Fushë-Krujë dhe Shkodër”.  

Nga një tjetër ekran i Kosovës, edhe ish-presidenti Berisha nuk i kurseu akuzat ndaj Thaçit, i cili sipas tij është peng i dosjeve të Beogradit.

Berisha: “Di që janë rreth 200 dosje për 200 anëtarë dhe drejtues lokalë dhe qendrorë të Lidhjes Demokratike të Kosovës të ekzekutuar për qëllime politike. Nuk janë llogaritur ata që janë vrarë gjatë luftës pëor pasi ëhstë futur NATO në Kosovë”.

Acarimi i retorikës mes ish-kryeministrit Berisha dhe presidentit të Kosovës Hashim Thaçi ndodhi rreth një vit më parë, pas artikulimit nga ky i fundit të tezës për korrigjimin e kufijve të Kosovës./ABC News Albania 24/7

THACI-NE-OPINION.mpg_snapshot_00.09-1280x720.jpg
ent ela13:50 | 10/05/2019

“Ideja e korrigjimit të kufijve ka qenë e imja që prej fillimit”. Ka qenë kjo deklarata e presidentit të Kosovës Hashim Thaçi i ftuar në studion e Opinion të gazetarit Blendi Fevziu. Thaçi shtoi se kishte qenë ai që ia kishte parashtruar këtë ide presidentit serb Vuçiç. Ndërsa për kryeministri shqiptar Rama, Thaçi theksoi se kishte luajtur në rol konstruktiv në dialogun Prishtinë-Beograd.

Presidenti i Kosovës Hashim Thaçi thotë se ideja e korrigjimit të kufijve me Serbinë ka qenë e tij prej fillimit.

Në studion e emisionin “Opinion” ai hodhi poshtë akuzat se ky është një plan serbo-rus dhe që në të janë përfshirë edhe kryeministri Rama dhe presidenti Vuçiç.

Në procesin e dialogut Kosovë – Serbi e vlerëson rolin e kryeministrit shqiptar Edi Rama.

Ndërsa është shumë i ashpër me ish-kryeministrin Berisha.

Thaçi zbulon edhe një episod të vitit 2002 kur tha se kishte nxjerrë nga zyra një nga kryeministrër shqiptar.

Thaçi këmbënguli se nuk do të pranojë që nga korrigjimi i kufijve, Kosova të humbë territore. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono