Teuta

igor.jpg
G. P.13:20 | 19/07/2019

Trajneri i Teutës, Bledi Shkëmbi tha për eliminimin nga Europa League se gabimet e takimit të parë rezultuan vendimtare si dhe goli i parë duhet të ishte shënuar më shpejt.

Zhgënjimi është i madh në radhët e Teutës të cilët nuk ia dolën të përmbysnin humbjen e ndeshjes së parë 3-0 ndaj Ventspils. Durrsaket luajten mire por fitorja 1-0  nuk mjaftoi për të vazhduar rrugëtimin në Europa League. Trajneri i Teutës, Bledi Shkëmbi tha pas ndeshjes se skuadra u penalizua nga gabimet e takimit të parë.

“Mendoj që ky skualifikim erdhi nga ndeshja e parë, nga gabimet që bëmë aty. Për fat të keq ato tre gabime i pësuam gola, ndërsa sot kishim më shumë shanse. Nuk arritëm të shënojmë. Megjithatë na vjen keq për skualifikimin, por dua të falënderoj lojtarët sepse mendoj që bënë një lojë të mirë. Shpresoj që këto gabime të këtyre dy ndeshjeve të na shërbejnë për tu përmirësuar në kampionat”, tha ai.

Shkëmbi theksoi se skuadra duhet të kishte shënuar minimalisht një gol në pjesën e parë.

“1-0 në pjesë të parë do na shërbente të kishim më shumë energji sepse e dimë që pjesën e dytë do ishte e vështirë duke pasur parasysh se kundërshtari është duke luajtur në kampionat. Mendoj se patëm momente për të shënuar, por ndonjëherë edhe për fat dhe përqendrim nuk mund të marrësh atë që meriton. Blerjet e reja nuk mund të japin maksimumin e tyre, por mendoj që na ndihmuan shumë dhe do jenë pika të forta në kampionat”, tha Shkëmbi.

Trajneri i Ventspils Igor Klosovs u shfaq i lumtur pas humbjes ndaj Teutës pasi skuadra e tij siguroi kualifikimin në turin e dytë të Europa League.

“Jemi të lumtur sepse synimi jonë ishte kualifikimi dhe e arritëm. Ishte një ndeshje e vështirë pasi Teuta luajti mjaft mirë. E prisnim të vuanim dhe ashtu ndodhi. U frikësuam pak pas golit të Kallakut, por ia dolëm të administronim rezultatin. Jam i kënaqur nga paraqitja e skuadrës dhe tashmë do të mendojmë për kundërshtarin e radhës”.

Tashme skuadra e Teutës do të përgatitet për edicionin e ri të kategorisë superiore./ABC News Albania 24/7

MBULIM-TEUTA-EUROPA-LEAGUE_ABC-M4-T2.mpg_snapshot_00.37-1280x720.jpg
ent ela20:17 | 18/07/2019

Fitorja 1-0 në shtëpi nuk ka mjaftuar që Teuta të vazhdojë rrugëtimin në Europa League. Sherif Kallaku shënoi golin e vetëm për durrsakët në pjesën e dytë.

Skuadra e Teutës fitoi me rezultatin minimal 1-0 ndeshjen e kthimit të turit të parë në Europa League përballë Ventspils. Një fitore e hidhur për durrsakët pasi nuk përmbysen humbjen 3-0 të sfidës së parë duke i dhënë fund aventurës në kupën e Europës. Teuta e nis mirë takimin por janë të pafat pasi topi ndalet në shtyllë, pas goditjes së Bushiç. Janë sërish vendasit që dominojnë dhe i afrohen golit me Nikaç i cili humbet një rast të pafalshëm përballë gardianit mik.

Në të minutën ec 32 reagojnë miqtë, por Teuta ia del të mbajë portën e paprekur. Pjesa e parë përfundoi në barazim 0-0. Fraksioni i dytë nis mjaft mirë për Teutën që kaloi në avantazh me anë të Sherif Kallakut. Mesfushori realizon një gol të mrekullueshëm pas një lëvizje të mahnitshme.

Teuta nuk ndalet dhe kërkon golin e dytë. Në minuten e 52, Bushiç merr një top nga Kuro, por nuk shfrytëzon siç duhet rastin.

Në fushë ka vetëm një skuadër, por fati nuk është me të. Teuta e shndërron portën e Ventspils në një tabelë qitjeje. Maknovski  shpëton skuadrën nga goli i dytë pas goditjes së Avdylit. Gjyqtari akordon 4 minuta shtesë, por rezultati mbetet i pandryshuar. Përfundon aventura e Teutës në Europa League dhe tashmë skuadra do të fokusohet vetëm në përgatitjet parasezonale. /ABC News Albania 24/7

teuta.jpg
G. P.12:07 | 18/07/2019

Teuta mbetet me shpresë për kualifikim në Ligën e Europës. Trajneri Shkëmbi nuk duket i tronditur nga humbja 0-3 në Letoni dhe beson se ekipi i tij mund t’ia dalë.

Nuk kishte si të niste më keq. Ventspilsi, kundërshtari i vjetshëm i Luftëtarit, realizoi sërish fitore të thellë ndaj një ekipi shqiptar, Teutës, veçse durrsakët thonë se mbeten me shpresë. Disfata 0-3 në Letoni ishte e rëndë, por trajneri Bledi Shkëmbi gjykon se ekipi i tij sot mund t’ia dalë.

“Një rezultat i thellë, por nuk kemi bërë një ndeshje të keqe për sa i përket lojë. Patjetër që diferenca e kundërshtarit na bëri të pësojmë gola, por gjërat e mira jemi mundura t’i përmirësojmë dhe t’i çojmë përpara, gabimet që kemi bërë t’i neutralizojmë, kemi bërë analizë dhe për këtë ndeshje nuk na nglet veçse të provojmë të bëjmë atë që bëri kundërshtari”, tha Shkëmbi.

Çfarë do të ndryshojë Shkëmbi nga ndeshja e parë?

“Duhet të jemi më shumë të kujdesshëm që këto gabime individuale mos të përsëriten. Duhet të jemi të kujdesshëm dhe me fat me rastet që na dalin para portës”, tha Shkëmbi.

Nuk mund të mungonte një pyetje për Skënderbeun, ndaj ish-kapitenit të Skënderbeut.

“Nuk ka ndonjë person që ka lidhje me futbollin që të mos ndihet i keqardhur. Ndoshta vetëm ata që kanë qenë xheloz për Skënderbeun. Pjesa tjetër besoj se jemi të keqardhur dhe shpresojmë që ato që thotë Presidenti i Skënderbeut të vazhdojë luftën për drejtësi”, tha Shkëmbi.

Ventspilsi, ndërkaq, ka mbërritur në Shqipëri për të siguruar kualifikimin. Trajneri Igor Kljosov deklaroi se ndeshja duhet menduar sikur gjithçka nis me shifrat 0-0, pasi në futboll gjithçka mund të ndodhë. Dueli në “Niko Dovana” nis në orën 17:00./ABC News Albania 24/7

shpetim-duro.jpg
G. P.14:45 | 03/07/2019

Dy prej skuadrave shqiptare kanë shanse më të mëdha për kualifikim në kupat e Europës. Trajneri i njohur Shpëtim Duro bën analizën e tij, dhe jep një vlerësim për ish-ekipin e tij, Partizanin.

Përgatitjet jashtë vendit janë në përfundim, dhe dita e së vërtetës po afron. Skuadrat shqiptare për pak ditë do të luajnë në dy konkurrimet europiane, duke bërë çfarë mendojnë më të mirën për t’ia dalë mbanë, dhe një vlerësim për to e jep një trajner me përvojë si Shpëtim Duro.

Si janë shanset në Europë?

“Duke iu referuar kundërshtarëve që kanë përballë kam mendimin që Teuta me Kukësin kanë mundësi më të shumta. Më të vështirë normalisht e ka Karabagu, por edhe Laçi që ka skuadrën izraelite. Megjithatë them që të gjitha skuadrat të bëjnë maksimumin në ndeshjet e para se janë shumë të rëndësishme”, tha Duro.

Duro, ish-trajner i Partizanit, vlerëson afrimet në ekip që rrisin konkurrencën, por quan minus një nga largimet.

“Ishte një ndryshim pas dorëheqjes së Skënder Gegës. Nuk ishte pozitive, klubi bëri zgjedhjen e tij. Zgjodhi totalisht një staf italian. Ky staf ka pasur kohën e duhur gjatë kësaj faze përgatitore për të njohur ekipin. Ajo që është e rëndësishme të Partizani është po ajo skuadër, madje kanë arritur të marrin dy-tre lojtarë të rinj”, tha Duro.

Shpëtim Duro ka punuar në Kosovën e Maqedoni, pra mund të bëjë një krahasim mes realitetit atje dhe në Shqipëri.

“Kur një skuadër fillon me probleme, me deficite institucioni i federatës të dalë bllok që kjo skuadër të mos marrë pjesë në kampionat. Të mos agravohen problemet vit pas viti dhe situata thellohet më keq. Në këtë aspekt në Kosovë dhe në Maqedoni nuk i lejojnë këto situata. Unë i kam parë vetë. Kanë qenë skuadra që kanë qenë gati për përjashtim, por kanë arritur të zbatojnë ligjin”, tha Duro.

Si pritet sezoni i ri i Superligës, për Shpëtim Duron?

“Vlen për t’u parë si do shkojë situata me Skënderbeun sepse Skënderbeu ka qenë një skuadër dominante këto vite. Tirana po lëviz, por unë jam pak skeptik”, tha Duro./ABC News Albania 24/7

teuta-skenderbeu-770x470-770x470.jpg
nev ila23:32 | 24/06/2019

Skuadra e Teutës ka zgjidhur problemin e sulmit pasi ka nënshkruar me sulmuesin malazez Darko Nikaç. Durrsakët janë gati për ndeshjen ndaj Ventspils në Europa League

Skuadra e Teutës do të luajë ndaj Ventspils në turin e parë të Evropa League dhe skuadra po përgatitet maksimalisht për të qenë gati.  Durrsakët kanë zyrtarizuar sulmuesin 28 vjeçar Darko Nikacc që aktivizohej në kampion malazez. Në gjysmën e sezonit aktual, bomber ka shënuar 12 gola. Nikacc do të zëvendësoje të larguarin Amadou Latif.

Ka firmosur sot paradite kontratën që e bën zyrtarisht pjesë të Teutës. Darko Nikaç është përforcimi i gjashtë zyrtar për skuadrën durrsake. Sulmuesi 28-vjeçari nga Podgorica e Malit të Zi, luante që nga janari i këtij viti, me Iskran në kampionatin e vendit të tij, teksa në 17 takime, ka shënuar edhe plot 12 gola, është njoftimi i skuadrës së Teutës.

Sa i përket të ardhmes së Sherif Kallakut, klubi durrsak ka publikuar reagimin e vetë futbollistit që hedh dritë mbi të ardhmen.

Unë kam një kontratë me Teutën dhe për një sezon dhe do e respektoj deri në fund të tjerat i di klubi ndaj nuk është se më tërheq ideja për tu larguar nga Teuta por dua të jap më të mirën për këtë ekip. Do më shihni tek Teuta, ekipi im i zemrës ekipi që më ka dhuruar shumë kënaqësi dhe emocione. Unë e ndjej veten durrsak dhe do bëj ç’është e mundur për Teutën dhe sport dashësit durrsak“, thekson Sherif Kallaku./ABC News Albania 24/7

TEUTA-KONFIMON-SHKEMBIN.mpg_snapshot_00.04-1280x720.jpg
ent ela23:52 | 03/06/2019

Skuadra e Teutës ka konfirmuar trajnerin Bledi Shkëmbi edhe për sezonin e ardhshëm. Vendimi u mor pasi durrsakët arritën objektivin primar, pjesëmarrjen në Europë.

Bledi Shkëmbi do të vijoë të drejtojë skuadrën e Teutës të paktën edhe për sezonin e ardhshëm. Drejtuesit e klubit durrsak kanë vendosur të vijojnë bashkëpunimin me trajnerin aktual edhe për sezonin e ardhshëm. Shkëmbi ia doli të dërgojë skuadrën në kupat e Europës, duke siguruar objektivin primar të skuadrës.

Trajneri do të vijojë punën për të përgatitur skuadrën në prag të ndeshjeve eleminatore në Europa League, ku skuadra pritet të pasurohet financiarisht. Trajneri i Teutës gjeti gjuhen e përbashkët me drejtuesit e skuadrës për të vijuaer të paktën edhe sezonin e ardhshëm për projektin e nisur verën e kaluar.

Merkatoja e skuadres durrsake pritet të jetë e nxehtë në rast se skuadra ka sukses rrugëtimin në Europa League. Teuta zhvilloi një sezon pozitiv duke u renditur në vendin e tretë në kampion. Madje në dy fazat e para të sezonit cilësohej si skuadra anti partizan. /ABC news Albania 24/7

Teuta-basketball.jpg
nev ila13:04 | 16/05/2019

Teuta barazon finalen për titull në basketboll për meshkuj. Në duelin krejtësisht durrsak, skuadra me histori të gjatë mundi Goga Basketin.

 

As këtë herë nuk mundi të mësohej kampioni.

Në Pallatin e Sportit “Ramazan Njala” në Durrës, do të duhet të luhet edhe ndeshja e fundit finale për titull në basketboll për meshkuj, pasi Teuta barazoi rezultatin në 2-2 ndaj Goga Basketit.

Dy ekipet durrsake luajtën për herë të katërt, dhe rezultati këtë radhë doli 81-71 për ekipin më të vjetër, pra për Teutën.

Ata që mund të quheshin vendas ishin në avantazh gjatë gjithë kohës, duke krijuar epërsi sidomos në pjesën e parë, me rezultatin në pushim të ndeshjes 48-35.

Skuadra e trajnerit Kalaja reagoi siç duhet përballë presionit të dështimit përfundimtar, ndërsa pati një gërshetim të mirë të lojtarëve shqiptarë dhe të huaj.

Lasku shënoi 19 pikë, Hameti e Uillson nga 16, ndërsa Hysenagolli shtoi 14 pikë. Goga Basket, e drejtuar nga trajneri Lazimi, u përpoq të reagonte në pjesën e dytë, por nuk ia doli.

Skuadra, e krijuar vitet e fundit, pati në radhët e saj shumë të huaj, të cilët ishin edhe lojtarët më të mirë. Gjokoviç shënoi 24 pikë, Mos e Rame nga 13, Alen 12 dhe Miliç pati 9 pikë.

Titulli kampion në basketboll për meshkuj do të vendoset në 19 maj, por e sigurt është që do të mbetet në Durrës./ABC News Albania 24/7

teuta-1280x727.jpg
Sej rie14:30 | 06/05/2019

Teuta fitoi ndaj Goga Basket finale e parë të play of në basketboll për meshkuj me rezultatin 88-84. Triumf mjaft i vështirë për durrsaket që udhëheqin 1-0 serinë e finaleve.

Teuta doli fituese ndaj Goga Basket në finale e parë play off në basketboll për meshkuj me rezultatin e ngushte 88-84.  Fitorja në fushën kundërshtare është një hap I madh per teuten e cila udheheq 1-0 serine e finaleve.  Teuta e nis mjaft mirë këtë ndeshje duke udhëhequr në periodën e parë 27 18 por vendasit rikuperuan piket e mjaftueshme duke e dërguar rezultatin final 44-44. Barazim total edhe në periodën e tretë ku koha e rregullt u mbyll me rezultati.

76 76 ndërkohe që Goga Basket nuk arriti të mbronte avantazhin prej 7 pikesh. Në shtesë Teuta fitoi me një epërsi të lehtë 88 84 ndërkohe që më i miri për skuadrën fituese ishte Allen me 29 pikë i ndjekur nga Hysenagolli me 20 pikë dhe Uilson 18./ABC News Albania 24/7

 

 

teuta-luftetari.jpg
G. P.22:15 | 04/05/2019

Skuadra e Teutës barazoi me Luftëtarin dhe humbi mundësinë për t’u ngjitur në vendin e tretë pas disfatës së Flamurtarit.

Takimi i zhvilluar në Durrës mes Teutës dhe luftëtarit përfundoi me rrjeta të paprekura. Dy ekipet që garojnë për objektiva të ndryshme zhvilluan një ndeshje mjaft të bukur dhe me raste të pastra shënimi, por nuk arritën të konkretizonin në gol. Teuta e nisi lojën me dy sulmues për të kërkuar me çdo kusht golin, por nuk ia dolën.

Në kampin tjetër, Luftëtari nuk qëndroi në pritje pasi u shfaq rrezikshëm përballë durrsakëve. Të dyja ekipet vinin në këtë duel pas barazimeve dhe fitorja ishte objektivi primar. Durrsakët nuk përfituan nga humbja e Flamurtarit duke shpërdoruar një mundësi të artë për t’u ngjitur në vendin e tretë.

Sa i përket Luftëtarit, tre pikët do të mbanin në vendin e shtatë, ku aktualisht pozicionohet Tirana. Në takimet e tjera, Partizani fitoi 3-0 ndaj Flamurtarit, Tirana mundi Skënderbeun, Laçi barazoi me Kastriotin dhe Kukësi mori tre pikët në tavolinë pasi ishte parashikuar ndeshje ndaj Kamzës./ABC News Albania 24/7

tirana-dhe-teuta-1280x713.jpg
Sej rie22:14 | 14/04/2019

Tirana hodhi një hap të madh drejt mbijetesës në Superligë me fitoren 3-1 në Durrës, ndaj Teutës. Një ndihmë i dha edhe Skënderbeu që mundi 4-0 Kastriotin në Korçë

Nuk mund të kishte javë më të mirë se kjo.

Edhe pse një rival fitoi, tjetri u mund dhe vetë Tirana ia doli të merrte tri pikë të arta.

Shënoi tre gola dhe pësoi vetëm një në fushën e Teutës, ndërsa Kastrioti u mund 0-4 në Korçë.

Trajneri kryeqytetas, Ardian Mema, u ankua para ndeshjeve se kundërshtarët fitonin lehtë edhe me rivalë të fortë, madje me gola identikë, por të paktën këtë herë mund të jetë I qetë.

Ishte Tirana e tij që ia doli relativisht lehtë në një stadium të vështirë si “Niko Dovana” I Durrësit, ndërsa Skënderbeu nuk lejoi që krutanët të shkaktonin ndonjë të papritur në Korçë.

Bardheblutë fituan edhe pse patën disa ndryshime në formacion, me lojtarë si Goxha apo Muçi, për shkak të mungesave.

Skuadra mike ishte ajo që bëri lojën dhe që shënoi golat.

Autorë ishin afrikani Oduamadi, shkodrani Hasani dhe kapiteni Karabeci, ndërsa për durrsakët Kamara thjesht shkurtoi përkohësisht diferencën në 1-2.

Pati kënaqësi edhe për ish-kapitenin Gentian Muça, që hyri në fushë për disa minuta, ndërsa ka lënë prapa dëmtimin e rëndë që e pengoi për shumë kohë.

Skënderbeu, ndërkaq, shkatërroi Kastriotin 4-0, duke u hakmarrë në një farë mënyre për dhunimin e lojtarëve të tij në ndeshjen e fazës së kaluar në Fushë Krujë.

Muzaka shënoi në pjesën e parë, ndërsa Oto Xhon e dy herë Krasniqi në 15 minutat e fundit.

Skënderbeu u ngjit i katërti në tabelë me 43 pikë, Tirana ka 36, ndërsa Kastrioti mbeti me 30 pikë i shkëputur në vendin e parafundit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono