Teuta

Edi-Martini.jpg
Veronik Istrefaj19:19 | 22/02/2020

Trajneri i Teutës, Edi Martini, ka folur për emisionin “Gol pas Goli” në Supersport pas humbjes 3-2 ndaj Skënderbeut. Të besuarit e tij, kishin mundësi të barazonin në sekondat e fundit me penalltinë e Kallakut, por nuk ia dolën.

“Bëmë mirë, kishim 2-3 mungesa, si dhe kishim disa lojtarë që sakrifikuan për të luajtur. Në tërësi, mendoj se bëmë një ndeshje të mirë dhe e meritonim barazimin.

Gomes është një lojtar i mirë, e nxjerr ekipin përpara, kërkon dhe lojën në ajër. Hebaj nuk ka bërë një fazë stërvitje, ka 3-4 ditë që nuk ka qenë me ekipin. Janë situata që duhet t’i kalojmë. Shënuam 2 gola, si dhe fituam penallti, është për të ardhur keq që nuk morëm të paktën barazimin.

Të them të drejtën, ekipi bëri një ndeshje të mirë, duke parë parasysh mungesat që kishim. U dënuam shumë shpejt falë aftësive që ka Skënderbeu.

Normalisht, penalltia në fund, nuk jam ndjerë mirë, më duket se është me telepati, isha i trembur nga brenda që nuk do të shënonim dhe ashtu doli. Keqardhje, pasi kemi bërë dy ndeshje të mira, si me Tiranën, si sot kundër Skënderbeut, por nuk kemi marrë pikë. Sot duhen pikët.

Aleksi ka tre ditë me gjendje gripale, dje ishte më mirë dhe shpresuam të luante sot, por në mëngjes ka qenë me temperaturë 39 dhe nuk është e logjikshme të rrezikosh me një lojtar me temperaturë”, tha Martini./abcnews.al

Skenderbeu-Teuta.jpg
Veronik Istrefaj18:59 | 22/02/2020

Teuta është mposhtur me rezultatin 3-2 në Korçë, nga ekipi i Skënderbeut. Kjo sfidë, i pati të gjitha, gola, spektakël dhe penallti e humbur në sekondat e fundit. Bregu kaloi në avantazh Skënderbeun në minutën e 18-të, me një gol me kokë.

VIDEO | Gjashtë gola në 45 minuta, sfida spektakolare në Tiranë dhe Korçë

Kallaku, po ashtu me një gjuajtje me kokë, barazoi gjithçka në minutën e 24-ët, ndërsa Bruno Dita me penallti në sekondat e fundit të pjesës së parë, çoi skuadrat në dhomat e zhveshjes me rezultatin 2-1. Teuta arriti të barazojë sërish në fillimin e pjesës së dytë, me anë të sulmuesit Arbër Çyrbja.

 

 

Skënderbeu nuk u shokua dhe sërish kaloi në avantazh, me anë të Bregut, që bëri një ndeshje të shkëlqyer përballë “Djemve të Detit”. Teuta kishte mundësinë të barazonte për herë të tretë këtë takim, por Kallaku në sekondat e fundit të sfidës, humbi penallti, duke bërë që të besuarit e Martinit të dalin pa pikë nga kjo transfertë./abcnews.al

SUPERIORE, JAVA 23
Skënderbeu – Teuta  3-2
Bregu 18′ 73′, Dita 45′ / Kallaku 24′, Çyrbja 49′
Partizani-Bylis-Air-Albania-1280x710.jpg
Veronik Istrefaj17:49 | 22/02/2020

Janë mbyllur pjesët e para në Tiranë dhe në Korçë, aty ku luhen dy sfidat e Superiores, Partizani-Bylis dhe Skënderbeu-Teuta. “Demat” e drejtuar nga Sormani udhëheqin 2-1, falë dy pasigurive të Isli Hidit.

Kapiteni i Bylisit i dhuron golin e parë Cordeiros, që në minutën e katërt, ndërsa në të 19-ën, bën një dalje të pastudiuar mirë, duke u ndëshkuar nga një goditje me kokë e Çinarit.

Partizani do të ndëshkohej nga Bylis në minutën e 30-të. Valentino Murataj do t’i rrëmbente topin Solomonit dhe do të krosonte në qendër, aty ku Ntephe realizon me kokë.

Ndërsa në takimi tjetër mes Skënderbeut dhe Teutës, fraksioni i parë është mbyllur i barabartë 1-1. Ishin vendasit ata që kaluan të parët në avantazh, me anë të Dejvi Bregut. Sulmuesi i Skënderbeut duket në formë shumë të mirë dhe ndëshkoi Frashërin me një gjuajtje me kokë.

Megjithatë, Teuta arriti të barazojë, falë yllit të skuadrës, Sherif Kallaku. Numri 10 i Teutës shënoi me kokë pas një topi të kthyer nga Koliçi, për të vendosur baraspeshën.

Në fundin e pjesës së parë, Skënderbeu do të fitonte penallti dhe kapiteni Bruno Dita, u vendos përballë gardianit Frashëri. Numri 22 i “Ujqërve” tregohet i saktë nga pika e bardhë dhe çon skuadrat në dhomat e zhveshjes me rezultatin 2-1./abcnews.al

SUPERIORE, JAVA 23

Partizani – Bylis  2-1
Cordeiro 4′, Çinari 19′ / Ntephe 30′

Skënderbeu – Teuta  2-1
Bregu 18′, Dita (p) 45′ / Kallaku 24′

Kukesi-Partizani-1280x608.jpg
Vladimir Prenga16:33 | 22/02/2020

Skënderbeu-Teuta dhe Partizani-Bylis luhen prej orës 17:00, ndërkohë që janë mësuar edhe formacionet. Daja ia beson sulmin Mensah këtë herë dhe jo Pusit. Teuta në krahun tjetër nuk ka Arapin. Aleksi gjithashtu nuk luan, duke sjellë disa ndryshime.

SKËNDERBEU: Koliçi, Meksi, Pollozhani, Pëllumbi, Imami, Daja, Taipi, Dita, Gripshi, Bregu, Mensah. Trajner: Ilir Daja.

TEUTA: Frashëri, Todorovski, Hoxha, Herljic, Kouros, E. Vila, Avdyli, Kallaku, F. Beqja, Çyrbja, Colubali. Trajner: Edi Martini

vila.jpg
Vladimir Prenga14:50 | 21/02/2020

Teuta dhe Skënderbeu përballen mes tyre në Korçë nesër. Durrsakët duan maksimumin e pikëve, për të vijuar me rezultatet pozitive pas triumfit të regjistruar në shtëpi me Vllazninë. Për mediat ditën e sotme ka folur mesfushori Emiljano Vila, i cili vlerëson kundërshtarin.

“Është një ndeshej shumë e fortë, duke ditur që Skënderbeu ka një skuadër të mirë. Do shkojmë atje për një rezultat pozitiv dhe kjo është normale. Fituam me Vllazninë dhe kemi një moral të lartë. Shkojmë për rezultat pozitiv, pastaj të shohim. Rezultati vendoset në fushë”, shprehet Vila.

Në të shkuarën ai ka qenë pjesë e Skënderbeut, që ka ndryshuar nga atëherë. “Normal që e njoh Skënderbeun, por shumë lojtarët janë larguar dhe të tjerë janë afruar. Skënderbeut mbetet Skënderbeu, sido që të jetë. Ne e vlerësojmë si skuadër”, thotë futbollisti i Teutës, i cili më tej pyetet nëse kanë një strategji për ta mundur Skënderbeun.

“Strategjitë i takojnë trajnerit. Jemi stërvitur mirë. Nesër shkojmë për të fituar ndeshjen. Në shumë ekipe ka virozë. Besoj se ne do të jemi të gjithë të gatshëm. Shpresojmë të japin maksimumin të gjithë djemtë, duke ditur që 2-3 lojtarë nuk janë stërvitur me ekipin. Shpresojmë deri nesër t’i rikuperojmë të gjithë”, ka përfunduar Vila. /abcnews.al

12344567.jpg
Vladimir Prenga00:05 | 18/02/2020

Edi Martini, trajneri i Teutës, është pjesë e panelit në emisionin “Pressing” në ABC News. Shkodrani ka komentuar ngjarjen e ndodhur në Shkodër, ku administratorit të Vllaznisë, Suad Lici, i është vendosur lëndë plasëse në makinë.

“Më vjen keq që ka ndodhur ajo ngjarje, nuk i takon atij qyteti. Solidarizohem. I bie të përsëris fjalët e mia, që qëndrojnë. Nuk më pëlqen të flas. Jam i fokusuar te Teuta. Nuk dua të bëhem pjesë e këtyre diskutimeve”.

Martini i është rikthyer edhe barazimit me Luftëtarin: “E kam thënë që dy pikët e lëna me Luftëtarin janë të pafalshme. Nuk bëmë një ndeshje të mirë. U munduam, por faji bie tek unë. Duhet ta mbyllnim ndeshjen. Futbolli ka të papriturat e saj. Shpresoj që ato dy pikë mos të na bëjnë dëm në fund. Do mundohemi t’i rikuperojmë në vazhdim”.

SULMI – “Nuk është se nuk kemi shënuar gola. Tre në Vlorë, si dhe në ndeshje të tjera. Nuk kemi sulmuesin pikat që shënon. Kur nuk e kemi, lindin probleme. Gjithsesi nuk është se nuk kemi shënuar në 6 ndeshjet e fundit. Kemi një ngërç. Sulmojmë të gjithë, mbrojmë të gjithë.

Do doja të shënonte sulmuesi, por i kemi të shpërndarë golat. Gomis vrapon shumë, ka shënuar veç një gol. Po na ndihmon në fazën defensive. Në ndeshjet jashtë luan më mirë, do hapësira. Do bëhet pjesë e ekipit. Shpresoj që shpejt do lirohet. Nuk është kollaj të përshtatet”.

OBJEKTIVI – “Duhet të sigurojmë me patjetër kupat e Europës. Do doja të fitoja Kupën e Shqipërisë. Do luftojmë nga të dyja krahët. Futboll pa presion nuk. Me Luftëtarin e nënvlerësuam. Po të kishim ato dy pikë do ishim më pranë ekipeve lart dhe të shkëputur nga vendi i pestë dhe i gjashtë.

Me Vllazninë patëm presion në fillim. Goli na zgjoi dhe e kuptuam që nuk kishim çfarë humbnim. Rezultati ishte i mirë për ne. Kishim probleme në mbrojtje dhe nuk e qarkulluam topin. Shpresojmë të na kthehet Arapi, pasi na ka prishur punë”, u shpreh Martini mes të tjerash. /abcnews.al

12344567.jpg
Vladimir Prenga23:41 | 17/02/2020

Edi Martini, trajneri i Teutës, është pjesë e panelit në emisionin “Pressing” në ABC News. Shkodrani, i pyetur në lidhje me diferencat në kampionat, fillimisht u shpreh: “Po tregohet në fushë që nuk ka diferenca, edhe pse në letër pritet ndryshe”.

“Kukësi është ekipi që bën futbollin më të mirë. Me atë grup, e kisha parë me lehtë lart. Nisur edhe nga situata që ka kaluar Partizani. Kanë grupin më të mirë”, u shpreh Martini.

“Kundër Tiranës kemi bërë ndeshjen më të mirë tonën, i vumë në vështirësi. Ata i ka ndihmuar Zoti dy ndeshjet e fundit, siç e thotë trajneri i tyre. I mbetemi asaj që është një nga ekipet pretendente të kampionatit”. /abcnews.al

Vila.jpg
Veronik Istrefaj19:58 | 16/02/2020

Është vetëm 21 vjeç, por Lorenco Vila po bën një sezon të shkëlqyer. Talenti i Teutës shënoi edhe sot në takimin kundër Vllaznisë, duke i çuar shifrat në 3-1 dhe duke bërë që skuadra e tij të luajë më e qetë. Pas ndeshjes, Lorenco Vila foli për Supersport, aty ku u shpreh:

“Jam shumë i lumtur, jo vetëm për golin, por edhe për 3 pikët që i kishim detyrim pas barazimit ndaj Luftëtarit. Kam vazhduar të luaj më shumë, shpresoj të shënoj më shumë. Tifozët presin gola nga lojtarët. Shpresoj të shënoj sa më shumë për Durrësin, sepse është qyteti im.

Kam luajtur në të dyja rolet, te e majta jap më shumë, por edhe të e djathta mund të luaj. Tifozët duan rezultatet. Duam të luajmë ne për tifozët, që ata të vijnë në stadium. Po fituam, tifozët do të jenë më të shumtë”, përfundoi talenti Vila./abcnews.al

Edi-Martini-Teuta.jpg
Veronik Istrefaj19:11 | 16/02/2020

Trajneri i Teutës, Edi Martini, ka folur për emisionin “Gol pas Gol” në Supersport pas fitores 3-1 kundër Vllaznisë: “Normalisht, kemi pasur shumë ndeshje brenda dhe faktikisht nuk është se nuk ndihet faktori fushë, por normalisht gjatë kësaj jave, gabimi që kemi bërë, është ai kundër Gjirokastër, pasi nuk e kemi merituar të linim pikë.

Gjithsesi, të mos i qajmë këto pikë që kemi lënë. Normalisht, kur luan kundër Shkodrës, i njeh lojtarët më mirë, i njeh karakteristikat e tyre.

Edhe Vllaznia na kishte studiuar. Ne kishim një ngërç psikologjik, që u pa edhe në minutat e para. Pavarësisht se shënuam tre gola shumë të bukur, duhet të punojmë ende në fazën ofensive.

Më vjen keq që ka ndodhur ajo gjë, jam i shqetësuar me atë që ka ndodhur. Futbolli nuk duhet të përzihet këtu. Nuk më takon të flas për Vllazninë, edhe pse është e imja dhe e gjithë shkodranëve. Është për të gjuajtur kokën me grushte me mënyrën si Bashkia ka administruar në këto 7 vite”, tha Martini.

Teuta.jpg
Veronik Istrefaj18:55 | 16/02/2020

Takimi në Durrës mes Teutës dhe Vllaznisë, është mbyllur me fitoren 3-1 të vendasve. Kjo ndeshje, ishte shumë e bukur dhe e luftuar, me të dyja skuadrat që patën raste të shumta për të shënuar.

Ishin shkodranët ata që shënuan të parët në “Niko Dovana”. Lika ekzekuton shumë mirë një goditje dënimi, por ndalet nga Frashëri. Megjithatë, Gurishta është aty për të përfituar dhe shënon në minutën e 16-të.

Teuta do të barazonte shumë shpejt, pasi 11 minuta më vonë, Hoxha do të shënonte në zhvillimet e një goditje dënimi. Në shtyllën e dytë, mbrojtësi është i lirë dhe shënon me portën e boshatisur.

Kur dukej se pjesa e parë do të mbyllej në barazim, Todorovski përmbys gjithçka dhe i jep avantazhin Teutës. Portieri Laco bën një gabim të madh dhe i dhuron topin Todorovskit, i cili shënon nga një distancë e largët.

Pjesa e dytë, nisi në mënyrën më të mirë të mundshme për Teutën, pasi që në sekondat e para, sulmuesi i talentuar, Lorenco Vila, shënon me kokë, duke përfituar sërish nga një dalje jo e studiuar mirë e Laços. Teuta merr kështu tre pikët, ndërsa Vllaznia largohet me një humbje 3-1 nga Durrësi./abcnews.al

TEUTA – VLLAZNIA  3-1
Hoxha 24′, Todorovski 45′, L. Vila 46′ / Gurishta 16′

Teuta: Frashëri, Todorovski (Avdi 73′), Hoxha, Hrejlic, Kouros, Kallaku, Aleksi (Kalaja 81′), L. Vila, E. Vila, Çyrbja, Coulibali (Beqja 60′). Trajner: E. Martini

Vllaznia: Laço, Gurishta, Malota, Adili, Gligorov (Marku 80′), Ramadani (Kruja 79′), Lika, Hygor, Krymi, Junior, Hristov (Sidorenco 59′). Trajner: M. Jonuz

Kartonë të verdhë: L.Vila 47′, Avdyli 85′ Malota 27′, Krymi 56′, Adili 70′


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono