Teuta

Skenderbeu.jpg
Veronik Istrefaj18:20 | 21/09/2019

Skënderbeu ka marrë një fitore minimale 1-0 në Korçë, përballë Teutës. Autori i golit të vetëm në këtë sfidë ishte sulmuesi Blerim Krasniqi, i cili në minutën e 20-të, shnoi me kokë. Ishte Muja ai që krosoi dhe Krasniqi kërceu më lart se të gjithë, duke mposhtur portierin Frashëri.

Ky gol i bomberit të “Ujqërve të Dëborës” do të mjaftonte që Skënderbeu të merrte tri pikë shumë të vyera. Teuta u mundua gjatë pjesës së dytë që të ndryshojë fatet e takimit dhe të mos dalë pa pikë, por të besuarit e Dajës arritën të ruanin avantazhin dhe të merrnin një fitore tepër të rëndësishme./abcnews.al

Kategoria Superiore – Java 5
E shtunë, më 21 shtator, ora 16:00

Skënderbeu-Teuta   1-0
Krasniqi 20′

Skënderbeu: Koliçi, Meksi, Pollozhani, Turtulli, Pëllumbi, Dita, Daja, Gripshi, Bregu, Muja, Krasniqi. Trajner: Ilir Daja
Teuta: Frashëri, Todorovksi, Hoxha, Arapi, Kuro, Gashi, Aleksi, Avdyli, E. Vila, Vecaj, Nikac. Trajner: Bledi Shkëmbi

Gjyqtarë: Adrian Beqiraj, Astrit Mahmuti, Mariglen Llukmani, Erjon Bastari

Kartonë të verdhë: Gripshi 12′, Pollozhani 17′, Dita 47′, Turtulli 55′, Taipi 69′

Krasniqi-Skenderbeu.jpg
Veronik Istrefaj16:55 | 21/09/2019

Është mbyllur pjesa e parë mes Skënderbeut dhe Teutës. “Ujqërit e Dëborës” e mbyllin në avantazh fraksionin e parë të lojës, falë një goli në minutën e 20-të me autor Blerim Krasniqin. Sulmuesi kryesor i Skënderbeut ndëshkoi me një gjuajtje me kokë portierin Frashërin, pas një krosimi nga Muja.

Ndeshja ishte e ekuilibruar dhe të dyja skuadrat u munduan të shfrytëzonin rastet e krijuara, por në 45 minutat e para, pati vend vetëm për një gol. Nazmi Gripshi (12’) dhe Artim Pollozhani (17’) u ndëshkuan me kartonë të verdhë gjatë kësaj pjese të parë. Daja dhe Shkëmbi do të kenë bjektiva të ndryshëm në pjesën e dytë./abcnews.al

Kategoria Superiore – Java 5
E shtunë, më 21 shtator, ora 16:00

Skënderbeu-Teuta   1-0
Krasniqi 20′

Skënderbeu: Koliçi, Meksi, Pollozhani, Turtulli, Pëllumbi, Dita, Daja, Gripshi, Bregu, Muja, Krasniqi. Trajner: Ilir Daja
Teuta: Frashëri, Todorovksi, Hoxha, Arapi, Kuro, Gashi, Aleksi, Avdyli, E. Vila, Vecaj, Nikac. Trajner: Bledi Shkëmbi

Gjyqtarë: Adrian Beqiraj, Astrit Mahmuti, Mariglen Llukmani, Erjon Bastari

Kartonë të verdhë: Gripshi 12′, Pollozhani 17′

TRE-BLERJET-E-SKENDERBEUT.mpg_snapshot_00.01-1280x720.jpg
Vladimir Prenga15:29 | 21/09/2019

Ilir Daja ka hedhur në fushë një Skënderbe krejtësisht sulmues, me modulin 4-2-3-1. Tekniku kryeqytetas ka vendosur Bregun në rolin e fantazistit dhe i ka shtuar skuadrës së tij edhe Mujën në të majtë të sulmit.

Nga ana tjetër Shkëmbi nuk ka bërë ndonjë lëvizje në formacionin e Teutës, që kërkon të marrë maksimumin e pikëve në Korçë. Më poshtë ju sjellim 11-shet e dy ekipeve dhe arbitrat e ndeshjes.

Kategoria Superiore – Java 5
E shtunë, më 21 shtator, ora 16:00

Skënderbeu-Teuta
Skënderbeu:
Koliçi, Meksi, Pollozhani, Turtulli, Pëllumbi, Dita, Daja, Gripshi, Bregu, Muja, Krasniqi. Trajner: Ilir Daja
Teuta: Frashëri, Todorovksi, Hoxha, Arapi, Kuro, Gashi, Aleksi, Avdyli, E. Vila, Vecaj, Nikac. Trajner: Bledi Shkëmbi

Gjyqtarë: Adrian Beqiraj, Astrit Mahmuti, Mariglen Llukmani, Erjon Bastari

/abcnews.al

Shkembi-Avdyli-Teuta.jpg
Veronik Istrefaj17:53 | 20/09/2019

Teuta do të udhëtojë drejt Korçës për t’u përballur me Skënderbeun në këtë javë të Superiores, me “Djemtë e Detit” që do të synojnë një rezultat pozitiv në një transfertë shumë delikate. Trajneri Bledi Shkëmbi dhe mesfushori Florent Avdyli ishin të pranishëm në konferencën për shtyp para ndeshjes.

Tekniku Shkëmbi u shpreh: “Pas ndeshjes së kupës, mendoj që gjendja është e mirë. Ndeshja e kupës na dha mundësi t’i jepnim disa mintuta lojtarve që nuk i kanë patur gjatë kampionatit. Sot zhvilluam dhe stërvijen e fundit dhe mendoj që jemi mirë. Shpresoj që nesër të jemi në maksimumin tonë”. Objektivi? Objektivi ynë është të shkojmë të luajmë për ta fituar ndeshjen,ku do të shkojmë dhe kudo tjetër. Keshtu kemi luajtur dhe vjet, pavarësisht asaj ç’ka kemi arritur gjatë lojës, por dhe nesër do jetë një ndeshje që pavarësisht siç e thatë dhe ju, që Skënderbu nuk është ai i lavdishmi, por mendojë që janë nje ekip shumë i fortë. Ndaj Tiranës, zhvilluan një ndeshje shumë të mirë dhe ndoshta e meritonte një barazim”.

Ndërsa mesfushori Florent Avdyli, tha: “Synimet tona nisin aty ku e kemi lënë vjet, të kapim një nga tri vendet e para. Për sa i përket pretendimit për titull, është akoma shpejt të flasim, por nuk mund ta fsheh se te gjithë kemi një dëshirë të tillë. Gjithashtu, ekipi ynë ka pretendime edhe në Kupë, do të mundohemi deri në fund”.

teuta.jpg
G. P.22:28 | 17/09/2019

8 pikë në katër ndeshjet e para ka grumbulluar skuadra e Teutës në kategorinë Superiore. Një nisje e mirë e kampionatit për të besuarit e trajnerit Bledi Shkëmbi.

Ashtu si në edicionin e kaluar Teuta e nis si pretendent për titull. Teuta ka koleksionuar rezultate pozitive në këtë fillim të sezonit 2019-20 edhe pse grupi nuk ka qenë i plotë.

Në takimin e radhës durrsakët do të udhëtojnë në transfertën e Skënderbeut. Duel ku pritet  të rikthehen disa nga futbollistët kyç të skuadrës. Sherif Kallaku mund të startojë si titullar në transfertën korçare.

Mesfushori në fjalë ka nisur stërvitjen e plotë me grupin tjetër të lojtarëve. Arbër Çyrbja u aktivizua për disa minuta në sfidën e fundit ndaj Vllaznisë dhe në sfidën e radhës mund të luajë si titullar pasi po e rifiton formën optimale.

Teuta është favorit përballë Skënderbeut nisur nga forma aktuale që po kalojnë të dyja skuadrat. Gjithsesi para takimit me Skënderbeun, Teuta do të luajë ndeshjen e kupës ndaj Tërbunit në transfertë./ABC News Albania 24/7

LUFTETARI-KA-ME-SHUME-BESIM.mpg_snapshot_00.17-1280x720.jpg
nev ila19:55 | 30/08/2019

Luftëtari ka më shumë besim se më parë për rezultat pozitiv në kampionat. Edhe pse luan në fushën e Teutës, trajneri Klodian Duro tregon arsyet se përse ndihet më i qetë.

Përgatitja nuk bëhet në qetësi, dhe as që mund të mendohet.

Luftëtari me dy humbje radhazi është nën presionin e rezultatit, sidomos kur ndeshja e radhës luhet jashtë fushe, madje ndaj një kundërshtari të fortë.

Gjithsesi, trajneri Klodian Duro, gjykon se edhe në fushën e Teutës, ka arsye për optimizëm.

Duro mezi pret që të kalojë edhe kjo përballje e Superligës, pasi më pas do të ketë më shumë kohë.

Gjithsesi, Duro pret që të federohen lojtarë që ende nuk janë të gatshëm dhe shpreson që kjo të ndodhë që para ndeshjes me Teutën./ABC News Albania 24/7

tirana-teuta.jpg
G. P.12:15 | 28/08/2019

Nuk shkoi e qetë ndeshja mes Tiranës dhe Teutës në Superligë. Trajneri vendas, Ardian Mema, pretendoi se ekipit të tij nuk iu dha një gol i rregullt.

Polemikat nuk vonuan të nisnin edhe këtë sezon. Është vetëm java e dytë, por barazimi në “Selman Stërmasi” solli pretendimin e Tiranës se iu mohua një gol ndaj Teutës.

Momenti ishte minuta e 22-të, kur Hoxhallari goditi shtyllën, dhe topi u dyshua se e kaloi vijën fatale. Pamjet e kamerës së Supersportit pas porte, sikur e vërtetojnë këtë gjë.

Kur më pas nuk shënohet asnjëherë, padyshim që ky çast mund të quhet fare mirë përcaktues, dhe nga pala e dëmtuar të ndihet keqardhje, edhe pse gabime të tilla ndodhin.

Këtë theksoi trajneri i Tiranës.

“Shpresoja të fitonim. Duke fituar edhe hapet oreksi, por që futbolli është i tillë, ka fitore, barazime edhe humbje. Jam i kënaqur me lojën e ekipit. Më vjen keq për ato dy shtylla. Njëra mendoj se ka qenë gol, e para sepse e pashë në televizor tani dhe m’u duk si gol”, tha Mema.

Në të vërtetë, kryeqytetasit pretenduar, besohet me të drejtë, edhe për një 11-metërsh, gjithnjë në pjesën e parë, kur Halili u shty në zonë.

Nuk bënë punë dy shtyllat, dhe presioni që vendasit ushtruan thuajse gjatë gjithë kohës, e duket se Mema kërkon kohë që të krijojë ekipin e duhur për të pretenduar maksimumin.

Po Teuta?

Durrsakët u duken disi inferiorë, edhe pse i kufizuan dëmet, duke marrë një barazim të çmuar në fushën e një rivali. Ata patën edhe momentet e tyre, sa për meritë, aq edhe për fat apo dhurata të tiranasve, por gjithashtu nuk mundën të shënonin.

Ç’mendim pati në përfundim trajneri Shkëmbi?

“Rezultat i mirë duke pasur parasysh kundërshtarin. Ne nuk kemi garë me Tiranën, kemi garë me të gjitha skuadrat e kampionatit. Do mundohemi të mbledhim sa më shumë pikë, të bëjmë lojë të bukur”, tha Shkëmbi.

Tirana me pretendime la kështu pikët e para, që mund t’i kushtojnë edhe pse është vetëm fillimi i kampionatit. Në radhë vjen ndeshja në Shkodër, që zgjon kujtimet e dy viteve më parë, kur bardheblutë u rrëzuan nga kategoria.

“Është një nga ditët e zeza të këtij klubi. Nuk është faji i Shkodrës. Ne do shkojmë në Shkodër siç do shkojmë në çdo qytet për ta fituar ndeshjen”, tha Mema.

Ndeshja në “Selman Stërmasi” ishte një maratonë, pasi në pjesën e parë ndodhi defekt në sistemin e ndriçimit, për të cilin u deshën 40 minuta që të rregullohej, madje pjesërisht, dhe ndeshja u luajt me ndriçim jo të plotë./ABC News Albania 24/7

ndeshje.jpg
G. P.14:01 | 27/08/2019

Tirana pret sot Teutën në ndeshjen e parë të javës së dytë të Superligës. Të dyja skuadrat kanë mungesa në takimin e orës 19:00, ndërsa luajnë vetëm pas dy ditësh pushim.

Atmosfera është e qetë, siç mund të jetë pas një fitoreje. Tirana e pret me optimizëm ndeshjen e sotme ndaj Teutës në Superligë, me besimin se nuk do t’i zhgënjejë tifozët në “Selman Stërmasi”.

Luhet në orën 19:00, dhe trajneri Ardian Mema ka tri shqetësime. Së pari, dëmtimi i brazilianit Torasa, që mund të zëvendësohet në formacion nga Kobina apo Karabeci.

Së dyti nga fakti se Teuta është shumë më e fortë se Luftëtari, pra ndeshja e javës së dytë mbetet enigmë dhe së treti sepse Tirana luan pas vetëm 2 ditësh të plota pushim.

Teuta, ashtu si kryeqytetasit, e nisi mirë kampionatin, duke mundur Bylisin. Trajneri Bledi Shkëmbi, megjithatë ka probleme në prag të duelit, pasi të dëmtuar janë Çyrbja e Beqja. Shkëmbi bëri një batutë për ish-kapitenin e tij, Osmanin, që tani është me Tiranën.

Në javën e parë të Superligës, Tirana mundi 3-0 Luftëtarin, dhe Teuta kaloi minimalisht 1-0 Bylisin./ABC News Albania 24/7

tirana-2.jpg
G. P.15:59 | 26/08/2019

Superliga shqiptare fillon nesër ndeshjet e javës së dytë, për shkak të impenjimit të kombëtares në Euro 2020. Teuta e Tirana janë në pozita të pabarabarta në krahasim me rivalët e tjerë.

Superliga duhet të nxitojë për shkak të kombëtares. Ndeshjet e javës së dytë do të luhen pa mbërritur mirë mesjava, për shkak të fillimit të ciklit të eliminatoreve të Europianit.

Të martën, pra nesër në orën 19:00, do të dalin në fushë Teuta me Tiranën, dy nga skuadrat që e nisën kampionatin me fitore.

Kryeqytetasit dhe durrsakët luajtën të shtunën, pra do të kenë vetëm dy ditë të plota pushim për sfidën e radhës, diçka që i vendos në pozicion më të pabarabartë sesa Kukësi e Partizani, pretendentë të tjerë për titull.

Veriorët dhe të kuqtë luajtën mes tyre të premten në “Elbasan Arena”, ndërsa duelet e javës së dytë do t’i kenë të mërkurën, duke pasur plot 4 ditë pushim.

Kuksianët do të shkojnë në Vlorë, në fushën e Flamurtarit, ndërsa skuadra e trajnerit Lerda do të ketë një tjetër udhëtim jashtë fushe, këtë herë në Gjirokastër ndaj Luftëtarit.

Gjasat janë që kryeqytetasit të prishin mallkimin e fushës gjirokastrite ku kanë 22 vjet pa fituar, aq më tepër që vendasit duken të papërgatitur. Gjithsesi, sezonin e kaluar u eliminuan nga Kupa prej Luftëtarit dhe u mundën në Superligë brenda në “Selman Stërmasi”.

Një ndeshje e fortë pritet në Kurbin, mes Laçit e Skënderbeut, ndërsa Vllaznia shkon në Ballsh ndaj Bylisit, pas fitores së parë në “Loro Boriçi”./ABC News Albania 24/7

partizani-2.jpg
G. P.14:53 | 19/08/2019

Përcaktohet axhenda e javës së parë të kampionatit kombëtar të futbollit. Edicioni i ri i Kategorisë Superiore starton këtë të premten. Pas superkupës kalendari risjell sërish sfidën Kukësi-Partizani, ndeshjen që do të ngrejë siparin e sezonit 2019-2020.

Si për ironi të fatit, dhe koincidencë të kalendarit sërish Kukësi e Partizani kthehen të luajnë bashkë të premten, në “Elbasan Arena”në sfidën e parë hapëse të kampionatit të 81-të kombëtar të futbollit.

Edhe për disa kohë do të duhet që Kukësi të luajë në fushë neutral deri në përfundim të stadiumit të ri, punimet e të cilit kanë nisur. Kështu, kampionati do të çelë siparin ditën e premte në orën 19:00, në “Elbasan Arena”. Katër sfidat e tjera të javës së parë janë planifikuar të zhvillohen ditën e shtunë.

Në orën 16:00 do të zhvillohen përballjet mes Vllaznisë dhe Laçit dhe Skënderbeu-Flamurtari. Ndërsa në orën 19:00, nën dritën e projektorëve do të zhvillohen edhe 2 sfidat e tjera, Tirana-Luftëtari dhe Teuta-Bylis.

Ky edicion la sërish në fuqi skuadrat që vjet luajtën duke rikthyer në elitën e futbollit shqiptar Vllazninë dhe Bylisin, teksa Kastrioti ra në Kategorinë e parë ndërsa Kamza u përjashtua.

Ndërkaq, sipas rregullores merkato do të vijojë deri në datën 31 Gusht, ndërkohë që skuadrat tashmë janë në etapën e fundit të përforcimeve të tyre. Kukësi-Partizani prodhoi rivalitet shumë të madh në Superkupë ditën e dielë në një kohë që parashikohet si një sfidë rivalësh për titull deri në fund.

Ndërkaq, edhe Tirana shikohet si një pretendente e fortë për titullin, në një kohë që ka qenë shumë aktive me prurjet e saj në këtë merkato vere. Ky kampionat u përfol shumë gjatë ditëve të Korrikut që mund të kishte një shtyrje për shkak të problemeve me disa klube, por definitivisht nis sipas datave të caktuara./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono