terrorizëm

MBULIM-ZYRTARI-SHBA-SHQIPERI.mpg_snapshot_00.05-1280x712.jpg
G. P.18:38 | 14/10/2018

Ambasadori amerikan dhe koordinatori kundër terrorizmit, Nathan A. Sales do të zhvillojë një tur në Ballkan nga 14 deri më 20 tetor. Në kuadër të këtij turi, ai do të vizitojë Shqipërinë, Kosovën dhe Bosnje Hercegovinën. Kjo është njoftuar nga vetë Departamenti Amerikan i Shtetit. Në njoftimin e DASH thuhet se ai do të zhvillojë diskutime bilaterale me homologët e tij në fushën e bashkëpunimit kundër terrorizmit, ndjekjen e terroristëve dhe sigurinë kufitare./abcnews.al

ITALI-DEBIMET-1280x720.jpg
ent ela12:49 | 09/08/2018

Një kosovar dhe një maqedonas janë mes katër të dëbuarve nga Italia, të cilët dyshoheshin se kishin lidhje me ambientett ekstreme islamike. 37 vjeçari nga Kosova ishte rezident i rregullt në Bolonjë, dhe kishte përfunduar në vëmendjen e policisë italiane pasi kishte marrë pjesë në një konferencë të organizuar nga unioni i myslimanëve shqiptarë në Itali.

Katër shtetas të huaj mes të cilëve një kosovar dhe një maqedonas janë dëbuar nga Itali për arsye sigurie pasi konsideroheshin shumë pranë ekstremizmit islamik. Më i rrezikshmi sipas autoriteteve italiane ishte një francez 28 vjeçar i konvertuar në islam, ai nuk kishte një banesë dhe vuante nga probleme psiqike. Prej kohësh mbahej nën vëzhgim nga anti terrori për shkak të fanatizmit të tij fetar.

Të dëbuarit e tjerë janë një 37 vjeçar nga Kosova, një maqedonas 39 vjeç dhe një tunizian 45 vjeç. Në total janë 75 dëbimet e kryera në 2018-ën nga Italia.

Shtetasi nga Tunizia monitorohej në burg pasi ishte vetëshpallur si lider fetar i besimit mysliman, duke u bërë protagonist në trazira brenda burgut.

Dhe 39 vjeçari maqedonas ndodhej në burg, por mbahej në monitorim pasi dyshohej se ishte pjesë e një organizate paraushtarake aktive në konfliktet në Ballkan.

Ndërsa 37 vjeçari nga Kosova ishte rezident i rregullt në Bolonjë, dhe kishte përfunduar në vëmendjen e policisë italiane, pasi kishte marrë pjesë në një konferencë ët organizuar nga unioni i myslimanëve shqiptarë në Itali. Konferenca u drejtua nga imami radikal i Prishtinës që u arrestua në 2014-ën në Prishtinë pasi kishte përgatitur shumë vullnetarë për të shkuar në Siri dhe Irak për t’u bashkuar me ISIS. Ai u arrestua pasi kishte dhunuar bashkëshorten dhe fëmijët e tij, dhe në burg kishte treguar shenja të radikalizimit fetar. /abcnews.al

33230.jpg
G. P.18:36 | 03/08/2018

Dy terroristë të maskuar si besimtarë kanë bërë një masakër në një xhami shiite të Afganistanit, duke u marë jetën rreth 30 personave. Për momentin askush nuk ka marrë përgjegjësinë e sulmit, por autoritetet dyshojnë për Shtetin Islamik.

Dy burra të veshur me velon islamike kanë vrarë 29 persona dhe plagosur mbi 80 të tjerë në një atentat vetëvrasës të kryer në një xhami shiite në Afganistan. Atentatorët, të armatosur me armë zjarri dhe eksploziv kanë hyrë në xhaminë e qytetit Gardez në momentin kur besimtarët po bënin lutjet e së premtes dhe kanë vepruar. Sipas burimeve, fillimisht ata kanë hapur zjarr ndaj të pranishëmve, para se njëri prej tyre të vritej nga forcat e sigurisë. Në këto kushte, atentatori i dytë ka hedhur veten në erë.

Një dëshmitar nga vendi i ngjarjes ka deklaruar për BBC se pas shpërthimit, muret e xhamisë janë mbuluar nga gjaku, ndërsa ka shtuar se copa xhami janë përhapur gjithandej brenda objektit të kultit. Autoritetet lokale kanë bërë me dije se mes viktimave ka edhe shumë fëmijë. Talebanët kanë mohuar përgjegjësinë e sulmit, e cila nuk është marrë nga asnjë grup tjetër militant. Në raste të mëparshme ka qenë Shteti Islamik që ka pranuar autorësinë e sulmeve ndaj xhamive shiite në mbarë Afganistanin. Fraksionet e grupit terrorist ndodhen nën presionin e sulmeve ajrore amerikane dhe të atyre tokësore të forcave afgane, që luftojnë gjithashtu kundër talebanëve./abcnews.al

ARRESTIMET-NE-TURQI-1280x720.jpg
ent ela13:31 | 21/05/2018

Nuk kanë të ndalur arrestimet në masë në Turqi nën gjendjen e emergjencës të vendosur në periudhën pas grushtit të dështuar të shtetit. Sipas ministrisë së brendshme, në javën e fundit kanë përfunduar në pranga 768 persona. Të arrestuarit akuzohen për terrorizëm. Shumë prej tyre janë ndaluar pasi mbështesin imamin Fetullah Gylen, i cili akuzohet nga presidenti Erdogan se organizoi grushtin e shtetit. Megjithatë kleriku që jeton në SHBA ka mohuar çdo përfshirje. Ndërkohë, sipas vlerësimit të Kombeve të Bashkuara, që prej korrikut të 2016-ës, në Turqi janë arrestuar mbi 160 mijë persona. /abcnews.al

shba.jpg
G. P.13:45 | 17/05/2018

FBI ka dhënë alarmin se mbi 1 mijë persona të radikalizuar në SHBA janë të gatshëm të kryejnë sulme terroriste. Byroja ben te ditur se këta persona janë në mbikëqyrje nga autoritetet.

Rikthehet alarmi për terrorizëm në SHBA. FBI po heton mbi 1 mijë të dyshuar si ujqër të vetmuar si dhe shumë terroristë vendas. Këtë e ka thënë drejtori i Byrosë, Kristofer Urej, gjatë një dëshmie në Senatin amerikan duke theksuar se “ujqërit e vetmuar në Shtetet e Bashkuara janë prioritet kryesor në luftën kundër terrorizmit”.

Dhe në këto mijëra hetime mbi ujqërit e vetmuar, theksoi ai, nuk përfshijnë ata të Al-Kaedës, hetimet ndërkombëtare dhe ato mbi terroristët vendas.

“Dhe ajo që i bën ata të komplikuar është se nuk ka shumë pika të përbashkëta mes këtyre njerëzve. Ata kanë për qëllim objektivat e butë, duke përdorur armë që janë të lehta për t’u përdorur si eksplozivë të improvizuar, makina, thika dhe pushkë”, nënvizoi numri një i Byrosë Federale të Investigimit.

Urej shtoi më tej se FBI është e angazhuar që të zbulojë më mirë çdo sinjal të mundshëm alarmi lidhur me këta terroristë që shpesh radikalizohen përmes internetit./abcnews.al

policia-1280x854.jpg
G. P.12:06 | 26/04/2018

Një emigrant nga Gambia është arrestuar në qytetin e Napolit në sajë të një operacioni anti-terrorizëm të kryer nga policia italiane.

Nga hetimet e prokurorisë është zbuluar se ai po planifikonte një atentat. Shtetasi nga Gambia kishte kërkuar në Itali azil politik, por praktika e pranimit të kërkesës ishte ende në fazën e shqyrtimit.

Ndërkohë, autoritetet vijojnë hetimet për këtë ngjarje. Ndërsa shtetasi nga Gambia akuzohet për terrorizëm ndërkombëtar./abcnews.al

kanada.jpg
G. P.20:46 | 23/04/2018

Persona të shumtë kanë mbetur të plagosur të hënën në Toronto të Kanadasë, pasi një furgon ka vërshuar drejt një turme këmbësorësh.

Ngjarja ka ndodhur rreth orës 13 e 30 me orën lokale, 19 e 30 me orën tonë dhe sipas autoriteteve të plagosurit dyshohet të jenë 8 deri në 10 vetë.

Autori i agresionit është larguar nga vendi i ngjarjes me shpejtësi në bordin e mjetit të tij. Autoritetet lokale kanë reaguar duke urdhëruar pezullimin e shërbimit në një stacion metroje të zonës dhe duke u sugjeruar qytetarëve që të shmangin kalimin atje.

Agjentë të armatosur kanë marrë nën kontroll perimetrin, ndërsa ekipet mjekësore u kanë ardhur në ndihmë të plagosurve. Ndërkohë dyshohet edhe për një viktimë./abcnews.al

ITALI-ARRESTIMI-TERRORIZEM-1280x720.jpg
ent ela12:54 | 30/03/2018

Policia italiane ka arrestuar një maroken për terrorizëm. Ai përdorte rrjetet sociale për të bërë thirrje për sulme dhe për propagandë.

Në Itali vijojnë operacionet e policisë kundër të dyshuarve se po përgatisin sulme në sajë të festës së pashkëve. Një markoen, Ilyass Hadouz, 19 vjeç, është ndaluar në Cuneo nga karabinierët e komandos për terrorizmin. Në qendër të hetimeve, të koordinuara nga prokuroria e Romës, janë “aktivitetet kriminale të adoleshentit”. Hetuesit theksojnë se kanë prova të forta që ai bën pjesë në një shoqatë terroriste.

19-vjeçari akuzohet për nxitje të krimeve për qëllime terrorizmi dhe pjesëmarrje në një organizatë ndërkombëtare. Hetimet kanë zbuluar se I riu përdorte llogaritë e tij në rrjetet sociale për të bërë propagandë xhihadiste dhe u kërkonte ndjekësve që të bëheshin martirë “në mënyrë që Zoti të shpërblejë komunitetin musliman të angazhuar në xhihad”. Madje bënte thirrje edhe për dënimin e jobesimtarëve duke ngritur lart vlerat dhe guximin e luftëtarëve që veprojnë në emër të besimit.

Mes publikimeve të tij ka dhe fjali si: “Është dëshpëruese të vdesësh nga plakja” dhe “jobesimtarët do të kalojnë ditë të zeza dhe bëjnë që fëmijëve tu zbardhen flokët”. Gjithashtu iu drejtohej përsëri jobesimtarëve duke shkruar se “fikin dritën pa e ditur që janë në errësirë”. 19-vjeçari kishte dhe një profil anonym në Facebook që kishte lidhje të drejtëpërdrejtë me një blog të një komuniteti që përdorte retorikë Xhihadiste./abcnews.al

 

umar-1280x630.jpg
G. P.22:00 | 27/03/2018

Një gjykatë në Mbretërinë e Bashkuar ka dënuar me burg mësuesin e një medreseje në Londër, që po krijonte një ushtri fëmijësh për të kryer sulme terroriste.

Një shtetas britanik, mbështetës i Shtetit Islamik e që u përpoq të rekrutonte mbi 100 fëmijë në një ushtri xhihadistësh për të kryer sulme në Londër u burgos me të paktën 25 vjet. Umar Hakue, 25 vjeç, u tregonte fëmijëve materiale të dhunshme, përfshirë pamje filmike se si të prisnin kokën, dhe më pas i detyronte të kryenin sulme kundër agjentëve të policisë.

“Ai synonte të krijonte një ushtri fëmijësh për t’i angazhuar në sulme terroriste të shumëfishta në Londër”, ka deklaruar shefi i njësisë kundër terrorizmit në policinë metropolitane, Dean Haydon.

Sipas zyrtarit të lartë, militanti u përpoq dhe ia arriti të radikalizonte fëmijë të cënueshëm, të moshave nga 11 në 14 vjeç. Pavarësisht se nuk kishte kualifikimin e duhur dhe ishte punësuar si administrator, Umar Hakue u mësonte fenë islame rreth 110 fëmijëve në një shkollë private islamike. Në planet e tij terroriste ishte sulmi ndaj Big Ben, ushtarëve të Gardës së Mbretëreshës, qendrat tregtare, bankat dhe mediat./abcnews.al

vlcsnap-error994-1280x721.jpg
G. P.19:40 | 12/02/2018

Një investigim i CNN ka zbuluar se si paratë, që OKB dërgon në mënyrë direkte për popullin somalez, që vuan nga konfliktet dhe uria, bien në duart e grupeve terroriste që në këtë mënyrë sigurojnë deri në disa milionë dollarë në vit.

Filiali i Al Kaedës në Somali, Al Shabab, po fiton miliona dollarë çdo vit duke shfrytëzuar fondet e dërguara nga vendet perëndimore për t’i ardhur në ndihmë popullsisë vendase.
Një investigim i CNN ka zbuluar se si paratë që Kombet e Bashkuara u japin direkt njerëzve të zhvendosur nga konfliktet e që vuajnë nga uria bien në duart e rrjetit terrorist. Ish-anëtarë të organizatës dhe agjentë të shërbimeve sekrete somaleze kanë deklaruar se grupi terrorist po zhvat mijëra dollarë në ditë duke bllokuar rrugët e transportit të ushqimeve dhe ndihmave, duke detyruar tregtarët të paguajnë “haraçin”.

Njerëzit që kanë braktisur shtëpitë dhe jetojnë në kampe marrin çdo muaj nga 80 deri në 90 dollarë nga OKB, në mënyrë që të mund të sigurojnë ushqimin bazë. Zyrtarë të Kombeve të Bashkuara kanë deklaruar se ky sistem pagese shmang manipulimin e tregut, si dhe i heq trupave të OKB-së detyrën e transportit, gjatë të cilës mund të bien pre e sulmeve. Mallin, kryesisht ushqime dhe veshje, e transportojnë biznesmenët, të cilët duhet t’u paguajnë “taksën” militantëve të Al Shabab, që kontrollojnë rrugët kryesore për të hyrë në qytet.

Burimet e cituara nga CNN deklarojnë se paratë e zhvatura nga militantët shkojnë në disa mijëra dollarë në ditë. Edhe OKB vlerëson se nga një bllokadë e vetme e rrugës anëtarët e grupit sigurojnë deri në 5 mijë dollarë në ditë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono