terrorist

mm-1280x740.jpg
in a14:17 | 07/01/2020

Kanë kaluar pesë vjet nga atentatet terroriste që përgjakën Parisin duke vrarë përveç qytetarëve të pafajshëm dhe redaktorët e të përjavshmes satirike “Charlie Hebdo”. Ishte 7janar 2015, kur vëllezërit Kouashi hynë duke qëlluar me armë zjarri në selinë e gazetës. Vranë 12 persona dhe plagosën 4 para se të ekzekutoheshin nga agjentët e policisë dy ditë pas arratisjes.

Ditën tjetër, një terrorist i tretë që kishte lidhje me vëllezërit Kouashi, Amedi Kulibali, vrau një agjent policie në Montruzh, dhe sulmoi një dyqan me prodhime hebreje, duke vrarë katër pengje para se të ekzekutohej nga forcat speciale franceze. Të tre atentatorët para se të vdisnin deklaruan se ishin luftëtarë të Xhihadit.

Pesë vjet më vonë pas sulmeve ndaj të cilave francezët reaguan me një manifestim madhështor të unitetit civil, dihen vetëm emrat e ekzekutuesve materialë dhe të mbështetësve të tyre. Pa emër janë ende planifikuesit dhe urdhëruesit, duke bërë që çështja të konsiderohet ende e hapur.

E hapur mbetet edhe plaga mes gazetarëve të Charlie Hebdo, të cilët edhe sot luftojnë për të drejtën e një satire pa censurë. Publikimi i karikaturave të profetit Muhamet, do të ishte e mundur dhe sot, por çfarë kuptimi do të kishte?  Sot ekzistojnë mënyra të tjera blasfemie, një term që për fat të keq ka kaluar dhe kufirin e karikaturave. “Sot janë shumë gjërat që perceptohen si blasfemi dhe ka censuara si edhe ndalime të reja shprehet”, drejtori i të përjavshmes satirike franceze.

Një ndryshim skenari i vështirë për t’u pranuar nga një kolektiv gazetarësh i krijuar për të mbrojtur të drejtën e lirisë së shprehjes, dhe që prej pothuajse 50 vitesh dëshmon se e bën një gjë të tillë, me çdo çmim./abcnews.al

londer-1280x720.jpg
ger ta07:11 | 18/11/2019

Një i ri 26-vjeçar i cili u arrestua në Mbritaninë e Madhe pasi mbërriti nga Turqia këtë javë është akuzuar për një vepër terrorizmi.

Mamun Rashid, nga lindja e Londrës, është akuzuar për përgatitjen e akteve terroriste dhe do të paraqitet në Gjykatën e Magjistraturës në Westminster të hënën, sipas Policisë Metropolitane.

Ai u arrestua në aeroportin e Heathrow të enjten pasi ishte nisur nga deportuar Turqia, i dyshuar si anëtar  i Shtetit Islamik.

Në një deklaratë pas arrestimit të tij, Policia Metropolitane tha që çështja ishte “e lidhur me Sirinë”.

Zyra e Brendshme deri më tani ka refuzuar të zbulojë ndonjë detaj, duke thënë se nuk komenton për raste individuale./abcnews.al

terroristi.jpg
nev ila22:30 | 07/06/2019

Autoritetet amerikane kanë shmangur një sulm terrorist që do të kryhej në zonën e njohur TAJMS SKUER të Nju Jorkut. Agjentët federalë kanë vënë në pranga një 22-vjeçar që fillimisht do të sulmonte me armë zjarri dhe më pas do të hidhej në erë me eksploziv.

Një person që simpatizonte Bin Laden dhe po planifikonte një sulm në zonën Tajms Skuer të Nju Jorkut është vënë në pranga nga policia amerikane. 22-vjeçari Ashikul Alam, i cili po planifikonte të vriste oficerë të policisë që veprojnë në një nga zonat më të frekuentuara të Nju Jorkut, akuzohet për posedim ilegal të armëve të zjarrit, përmes të cilave synonte të realizonte planin e tij.

22-vjeçari u arrestua pasi kishte marrë dy pistoleta gjysmë-automatike të tipit “Glok 19”, me numrin e serisë të fshirë – bënë të ditur autoritetet federale të Bruklinit. Gjatë takimeve me një agjent të fshehtë federal, Alam kishte shprehur gjithashtu mbështetje për sulmet e 11 shtatorit në Nju Jork, si dhe për militantët e grupit terrorist të Shtetit Islamik.

Sipas autoriteteve amerikane, ai po planifikonte të vishte edhe një jelek me eksploziv gjatë sulmit. Tajms Skuer, që vizitohet çdo vit nga miliona turistë, shpesh herë quhet kryqëzimi i botës dhe është vënë në shënjestër të paktën dy herë në vitet e fundit, pavarësisht pranisë së theksuar të policisë.

Më 1 maj të vitit 2010, policia shmangu një atentat me aut-bombë, duke çaktivizuar një pajisje artizanale me fishekzjarre dhe cisterna gazi propan./ABC News Albania 24/7

DW-922x445.jpg
ent ela09:00 | 20/03/2019

Një neozelandez 18 vjeçar e shpërndau në Facebook transmetimin live të atentatit – dhe prandaj ndodhet para gjyqit. A do ta priste atë edhe në Gjermani ndjekja penale?

Në Gjermani është e dënueshme penalisht që të shpërndash në internet video, të cilat tregojnë dhunë mizore ose çnjerëzore. Kjo është e rregulluar në paragrafin 131 të Kodit Penal. Por kjo nuk do të thotë se ndalohet çdo paraqitje dhune. Në video duhet të dalë në pah “një tendencë përçmuese ose shpërfillëse”.

Kjo ndodh për shembull kur tregohet se si dikush vret, sepse i jep kënaqësi një njeriu tjetër ose i shkakton atij vuajtje të veçanta. Dhuna në këtë akt duhet të apologjizohet. Nuk është e dënueshme, kur tregohen vetëm pasoja e një akti dhune – për shembull video kufomash në vendin e krimit. Megjithatë në një rast të tillë mund të shkelen të drejtat personale.

A dënohet shpërndarja e videove edhe nga paragrafë të tjerë?

Më tej është e ndaluar që të shpërndash fotografi të personave në situata të çoroditura. Në fakt paragrafi 201a i Kodit Penal gjerman drejtohet kundër atyre që e bëjnë këtë me celularë inteligjentë (smartphone). Por sipas mendimit të ekspertëve ligjorë, ai mund të zbatohet edhe kur dikush transmeton drejtpërdrejt një atentat terrorist.

A është e dënueshme edhe kur e shpërndan një video të tillë më vonë?

Po, nuk ka rëndësi nëse videoja transmetohet (stream) vetë drejtpërdrejt, nëse e ndan një stream të tillë apo e shpërndan videon e regjistruar më vonë, pra me distancë kohore. Pra shpërndarja e videos së atentatit të Christchurch sipas ligjeve gjermane do të ishte e dënueshme

Po gazetarët që e shpërndajnë videon, a bëjnë akt të dënueshëm?

Shprehimisht i lejuar është raportimi për procese aktuale të kohës ose të historisë. Kur gazetarët i referohen këtyre kur e publikojnë një video të dhunshme, atëherë publikimi duhet t’i shërbejë vërtet raportimit. Raporti nuk lejohet të përdoret si pretekst. Për gazetarët vlen veç kësaj Kodi i Shtypit. Këtu përmbahen direktive të Këshillit të Shtypit, me të cilat synohet të ndalohet për shembull gazetaria për sensacion,

Cilat dënime parashikohen?

Sipas paragrafit 131 të Kodit Penal gjerman kërcënon një dënim me burgim prej një viti ose një gjobë. Një dënim më i gjatë – deri në tre vjet burg – kërcënon kur bëhet e qartë se i miraton aktet, pra i mbështet. Kjo mund të rezultojë për shembull nga përshkrimi i videos në një kanal në youtube ose nga tekste shoqëruese të shkruara vetë në Facebook./DW

1051237497.jpg
ad min19:00 | 16/01/2019

Një atentat terrorist i marrë përsipër nga Shteti Islamik në veri të Sirisë u ka marrë jetën 4 ushtarëve amerikanë. Episodi ka bërë që të ngrihen dyshime mbi pretendimet e presidentit Donald Trump se ISIS është mposhtur dhe se trupat amerikane duhet të tërhiqen nga vendi.

Të paktën 16 persona kanë humbur jetën në një atentat vetëvrasës i ndodhur të mërkurën në një lokalitet në veri të Sirisë. Sipas Observatorit Sirian për të Drejtat e Njeriut, 4 nga viktimat janë ushtarakë të koalicionit anti-ISIS të udhëhequr nga Shtetet e Bashkuara, ndërsa pjesa tjetër militantë lokalë të mbështetur nga amerikanët dhe civilë.

Sipas mediave ndërkombëtare, atentati i ndodhur në një restorant në qytetin e Manbixhit, i kontestuar nga SHBA dhe Turqia, është marrë përsipër nga Shteti Islamik. Muajin e kaluar, presidenti Donald Trump njoftoi tërheqjen e 2 mijë trupave amerikane nga Siria me argumentin se ISIS ishte mposhtur, por mesa duket jo plotësisht.

Kundërshtarë të projektit të Trump deklarojnë se edhe pse ISIS aktualisht kontrollon vetëm 1 për qind të territorit që kontrollonte 5 vjet më parë, ende nuk është zhdukur tërësisht.

Ndërsa një raport i fundit i shërbimeve të inteligjencës vlerëson se organizata ka rreth 14 mijë militantë në Siri dhe shumë më tepër në Irakun fqinj, të cilët pritet të kthehen në njësi guerrile në përpjekje për të ringritur rrjetin. Agjencia e lajmeve kurdo-siriane ANHA ka raportuar më tej se, trupat e pajetë të 4 marinsave u evakuuan me helikopter. Më vonë, një zëdhënës i koalicionit anti-ISIS konfirmoi vdekjen e anëtarëve të ushtrisë amerikane, duke saktësuar se ata po kryenin një patrullim rutinë./abcnews.al

agimii.jpg
ad min14:04 | 31/07/2018

Shqiptari Agim Kruezi, i cili jeton në Australi, është dënuar me 17 vite burg. Ai u shpall fajtor për akuzën e terrorizmit. 25-vjeçari do të kryente një sulm terrorist me armë në Australi.

Një person me origjinë shqiptare nga Queensland në Australi, që po planifikonte një sulm kamikaz në tokën australiane, është dënuar me 17 vjet burgim. 25-vjeçari Agim Kruezi u arrestua në aksionin anti-terrorist në Logan Shtatorin e vitit 2014, dhe u shpall fajtor për përgatitje të një sulmi terrorist dhe për përgatitje për inkursion në një shtet të huaj. Prokurori Lincoln Croëley i tha gjykatës se Kruezi po planifikonte “të vriste njerëz të rastësishëm, të pafajshëm, në një hapësirë publike dhe përfundimisht të vdiste si martir në atë sulm”, raporton ABC News në verisionin australian.

Pas arrestimit, Kruezit i ishin gjetur një armë e mbushur gjysmë-automatike, dy helmeta, dy hanxharë, një letër nga autoritetet që e njoftonte se i ishte anuluar pasaporta, një kopje të një libri të quajtur “Jihad” dhe një flamur të Shtetit Islamik të ngjitur në murin e dhomës së tij të gjumit. Disa ditë para arrestimit të tij, Kruezi kishte blerë një bidon të metaltë me 10 litra benzinë dhe kishte dalë për të blerë shishe qelqi dhe tapa me qëllim të prodhimit të koktejeve të molotovit.

Ai kishte blerë edhe një hark dhe shigjetë sepse ishte hidhëruar me anulimin e pasaportës së tij nga autoritetet australiane, kur kishte planifikuar të shkonte në Siri për të luftuar. Në laptopin e Kruezit ishin dy video të tij teksa qëllonte me shigjetë dhe udhëzime se si bëhet prerja e kokës. Familja e Kruezit qëndroi prapa tij në gjykatë, ndërsa mësuan vendimin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono