tërmeti

PETRO-KOCI-FULL-OK-.mp4_snapshot_00.02-1280x720.jpg
ent ela19:00 | 01/08/2019

Shtëpitë e dëmtuara nga tërmeti i 1 Qershorit në Qarkun e Korçës do të jenë gati në vjeshtë. 3 ekipe nga Instituti i Ndërtimit po punojnë në terren për projektin për ndërtimin e 40 banesave dhe rikonstruksionin e 80 të tjerave në qarkun e Korçës. Procesi thuajse ka përfunduar në Bashkitë e Korçës dhe Kolonjës dhe së shpejti edhe në Bilisht.

Zv/ministri i Mbrojtjes, Petro Koçi ka parë nga afër rindërtimin e shtëpive të para në fshatin Floq të Korcës i cili ka nënvizuar se ligji i ri për mbrojtjen civile merr përsipër identifikimin monitorimin dhe parandalimin e fatkeqësive natyrore. /ABC News Albania 24/7

KRONIKE-ATHINE-TERMETI_ABC-M4-T2.mpg_snapshot_00.38-1280x720.jpg
ent ela18:45 | 19/07/2019

Kryeqyteti grek është tronditur pak pas mesditës së kësaj të premte nga një tërmet 5.1 ballë. Lëkundjet sollën jo vetem panik tek qytetarët e turistët, por edhe kaos në trafik, energji dhe telekomunikacion.

Një tërmet me magnitudë 5,1 gradë është shënuar të premten në mesditë në Greqi. Lëkundjet e tërmetit u ndjenë fuqishëm edhe në Athinë, ku banorë e turistë qëndruan për mjaft kohë të grumbulluar rrugëve dhe shesheve. Epiqendra e tërmetit u lokalizua 23 km në veriperëndim të Athinës. Sipas sizmologëve, vatra ndodhet në të njëjtën zonë nga kishte ardhur tërmeti i shtatorit 1999, që shkaktoi 123 të vdekur. Nga tërmeti i të premtes nuk janë raportuar të lënduar.

Dëmet materiale janë të kufizuara dhe kryesisht në banesa të vjetra. Copëra mermeri janë shkëputur nga fasadat e disa kishave, por edhe nga godina e parlamentit. Menjëherë pas tërmetit pati ndërprerje të përkohshme të energjisë elektrike, por edhe të telekomunikacioneve. Kompanitë e telefonisë celulare u rekomanduan qytetarëve të përdornin rrjetet alternative si viber, WhatsApp dhe Messenger. Shërbimit zjarrfikës iu desh të ndërhyjë në më shumë se 20 raste për të nxjerrë njerëz që ishin bllokuar nëpër ashensorë. Trafiku ishte i rënduar jashtëzakonisht në gjithë akset që lidhin Athinën me pjesën tjetër të vendit. /ABC News Albania 24/7

FNOQ-1280x650.jpg
Sej rie22:30 | 16/07/2019

Ka nsiur rindërtimi i banesave të fshatit Floq, të shkatërruara plotësisht nga tërmeti i para një muaji. Ministrja e Infrastrukturës dhe Energjisë, Belinda Balluku, tha se prioritet është ndërtimi para aardhjes së dimrit, i 124 shtëpive të pabanueshme.

Lutjet e banorëve të Floqit janë dëgjuar. Atyre nuk do t’u duhet të qëndrojë gjatë në ambientet e shkollës së fshatit, pasi tashmë ka nisur procesi i rindërtimit të banesave të tyre.

Këtë të martë ka filluar puna për rindërtimin e banesës së parë të shkatërruar plotësisht nga tërmeti i rënë në muajin qershor, ndërsa këtij procesi pritet t’i nënshtrohen edhe banesat e tjera.

Ministrja e Infrastrukturës dhe Energjisë Belinda Balluku inspektoi punimet në terren, ku tha se prioritet në këtë proces do të ketë ndërtimi i 124 shtëpive të dëmtuara plotësisht. Punimet për to do të fillojë menjëherë në mënyrë që banorët e Floqit të futen në shtëpitë e tyre pa ardhur stina e dimrit.

Në një kohë të shpejtë,pritet të fillojë puna edhe për ndërtimin e shtëpive të dëmtuara nga tërmeti në Qafëzez dhe Vidohovë. Ndërtimi i banesave është bazuar në disa standarde specifike, që përmbushin nevojat e banorëve .

Fondi për riparimin e 40 shtëpive të para është siguruar nga investitorët e Ministrisë së Infrastrukturës dhe Energjisë,ndërsa të gatshme, përveç bashkive të vendit janë treguar edhe bizneset dhe përfaqësitë diplomatike./ABC News Albania 24/7

korca-banesat-1280x700.jpg
G. P.14:24 | 14/07/2019

Një muaj pas tërmetit në Floq të Korçës banorët ankohen se po jetojnë në kushtet e vështira dhe se kërkojnë t’u ndërtohen shtëpitë. Ata thonë se u mungon uji i pijshëm dhe se nuk dinë se si do bëjnë në dimër.

Gërmadhat e shtëpive kanë mbetur aty si në ditët e para të fatkeqësisë natyrore. Të prekurit nga tërmeti në Floq, po kthehen gjithmonë e më rrallë në pronat e tyre nga të cilat kanë mbetur veç dëshmitë e forcës së natyrës.

Prej më shumë se një muaji, në katin e parë të shkollës së fshatit po strehohen familjet, shtëpitë e të cilëve u shkatërruan nga vala e tërmeteve të fillim Qershorit. Bashkëjetesa kolektive sa vjen dhe bëhet më e vështirë nga i nxehti i verës dhe mungesa e ujit, të cilin e sigurojnë në burimet e fshatit.

Të paktë janë ata që merren me punët e bujqësisë. Për të tjerët, dita fillon dhe mbyllet brenda mureve të shkollës.

“Unë që jam invalide rri këtu se s’vete dot. Vapë, pa ujë, shumë keq”, tha një banore.

“Kam frikë të shkoj. Unë frikë kisha pa tërmet, jo tani. Po rrimë këtu në shkollë. Në nuk duam bukë, ne duam shtëpinë të futim kokën. Edhe këtu nuk rrihet”, tha një tjetër.

“S’ka ujë, asgjë, duhet t’i qërojmë vetë ne gratë. Përditë ky avaz”, tha një banore.

Të frikësuar se ardhja e stinës së ftohtë, mund t’ i gjejë ende në këtë shkollë, banorët presin fillimin  e punës për rindërtimin e shtëpive. Zgjidhja më e mirë për ta do ishte zhvendosja e banesave në një tjetër hapësirë, për shkak të dridhjeve të tokës,që nuk ndalin prej pesë javësh.

“Neve duam që të na zhvendosin se nuk kanë pushuar akoma tërmetet. Ka lëkundje akoma. S’kanë marrë vendimin e duhur”, tha banorja.

S’kanë filluar hiç. Jemi keq, jemi keq”,  tha një tjetër.

“I lutemi shtetit të paktën të na japë shtëpitë, të ikim në shtëpitë tona se edhe këtu nuk rrihet”, tha banorja tjetër.

Emergjencat Civile dhe komisionet e vlerësimit,kanë përfunduar vlerësimin e objekteve të dëmtuar dhe pritet vendimi i Këshillit të Ministrave për të filluar fazën e rindërtimit të shtëpive në Floq, Vidohovë dhe Qafëzez.

Sipas prefektit Dhori Spirollari, prioritet do të ketë ndërtimi i banesave të shkatërruara, të cilat janë 124, ndërsa i gjithë procesi pritet të përfundojë brenda vjeshtës.

“Unë besoj që kompanitë që janë afruar i kanë të gjitha mundësitë për ta realizuar këtë objektiv. Nuk mund të luajmë me këto data, por që janë ofruar kompani që do i realizojnë këto. Zona është plotësisht e sigurtë për të ndërtuar. Këtë e tregojnë dhe ndërtesat e reja që nuk u dëmtuan nga lëkundjet e tokës”, tha ai.

Bashkia e Korçës ku dëmet nga tërmeti llogariten në 210 milionë lekë të reja,ka nisur e para procesin duke ndërhyrë për riparimin e oxhakëve të banesave në qytet./ABC News Albania 24/7

ngjarja.jpg
G. P.15:51 | 06/07/2019

Gjatë raportimit në studion e lajmeve për lëkundjet e tërmetit në Los Angeles, dy folësit e lajmeve u detyruan të strehoheshin poshtë tryezës pasi e kishin të pamundur të vazhdonin me dhënien e lajmeve.

Juan Fernandez dhe Sara Donchey ishin në transmetim të drejtpërdrejtë në momentin që në Los Anxheles u ndjen lëkundjet e forta të tërmetit mbrëmjen e së premtes. Gjatë raportimit të saj, folësja Sara Donchey u shpreh se shpresonte që asgjë të mos ndodhte në studio pasi lëkundjet ishin vërtet shumë të forta.

Tërmeti 7.1 ballë që e kishte epiqendrën 125 milje në verilindje të Los Anxhelosit, u ndje në të gjithë qytetin dhe zgjati më shumë se 10 sekonda.  Kjo është mjaft e dukshme në reagimin që shfaqet në fytyrat e Fernandez dhe Donchey.

“Ky është një tërmet shumë i fortë”, tha Sara Donchey pas pak sekondash, duke i kapur dorën Fernandez. “8 e 21 minuta këtu dhe ne po përjetojmë ende lëkundje shumë të forta. Unë them se duhet të futemi poshtë tavolinë, Huan!”/ABC News Albania 24/7

s111384049.jpg
ent ela22:15 | 04/07/2019

Jugu i Kalifornisë, në Shtetet e Bashkuara, është tronditur të enjten nga një tërmet 6.4 ballë, që ka shkaktuar rënien e disa zjarreve. Sipas mediave amerikane, epiqendra e lëkundjes sizmike u lokalizua pranë qytetit RIXHKREST, rreth 240 kilometra në veri-lindje të Los Anxhelesit. Qytetarë përgjatë bregut të Paqësorit raportohet se e ndjenë lëkundjen. Ndërkohë, autoritetet bënë me dije se zjarrfikësit dhe ekipet e shpëtimit po u ofrojnë asistencë mjekësore qytetarëve të tronditur dhe po punojnë për shuarjen e zjarreve. Burimet mediatike shtojnë se tërmeti u ndje deri në Las Vegas, ku u verifikuan edhe disa lëkundje të mëpasshme, por me fuqi të ulët. Specialistët paralajmëruan se ka gjasa që lëkundje të tjera të regjistrohen në Kaliforni, disa prej të cilave pritet të jenë të fuqishme. /ABC News Albania 24/7

termet-933x445-320x320.jpg
ent ela13:39 | 29/06/2019

Lëkundje tërmeti janë ndjerë pak pas mesdite në Tiranë. Lëkundjet u ndjenë  rreth orës 13:27. Sipas të dhënave të sizmiologjisë, tërmeti ka qenë me magnitudë 3.2 ballë të shkallës Rihter.

Tërmeti ka rënë në një thellësi prej 30 kilometra nën tokë.

/abcnews.al

muzeu-korce-1280x705.jpg
ent ela14:40 | 14/06/2019

Dy prej muzeve më të rëndësishëm të Korçës, Shkolla e Parë Shqipe, dhe Muzeu Arkeologjik janë mbyllur për shkak të dëmeve që kanë pësuar nga tërmeti. Ato do të hapen për vizitorët vetëm pasi të vlerësohen të parrezikshme.

Muret janë çarë nga lëkundjet e tërmetit. Godinat konsiderohen në rrezik shembje. Për këtë arsye iu është vënë kyçi.

Dy prej muzeve më të rëndësishëm të Korçës,Shkolla e Parë Shqipe, me statusin e Muzeut Kombëtar të Arsimit dhe Muzeu Arkeologjik kane mbyllur dyert për vizitorët, për një afat të pacaktuar.

Vlerësimi i grupeve të ekspertëve ka konstatuar dëmtime të strukturave mbajtëse,harkime dhe çarje muraturash, tek të dy objektet, të ndërtuara në shekullin e 19.

Ndërtesat, pas lëkundjeve sizmike mbartin mund te rrezohen çfarë ka detyruar autoritetet përgjegjëse,t’i mbyllin,duke ndaluar hyrjen brenda të vizitorëve.

Ekspertët kanë përfunduar hartimin e projekteve për restaurimin e dy muzeve. Pas kësaj do të vlerësohet mundësia e hapjes së tyre.

Përveç Shkollës së Parë Shqipe dhe Muzeur Arkeologjik,nga tërmeti kanë pësuar dëmtime të riparueshme edhe disa objekte të tjera të trashëgimisë kulturore. /ABC News Albania 24/7

banoret-1-1280x698.jpg
Sej rie20:30 | 07/06/2019

Banorët e fshatit Vidohovë në Korçë, të prekur nga tërmetet e para pak ditëve, janë strehuar në çadra pranë shtëpive të tyre. Ata nuk kanë pranuar të zhvendosen në zonë tjetër ndërsa janë të shqetësuar për ndërtimin e banesave.

Në Vidohovë, fshatin e largët të zonës së Devollit,që vetëm një kodër e ndan nga vija  kufitare me Greqinë, pasojat e tërmetit janë të konsiderueshme. 24 banesa rezultojnë të shkatërruara dhe 37 kanë pësuar dëmtime të mëdha. Banorët e fshatit,bashkë me shtëpitë, humbën edhe gjithë mundin e viteve.

Me kërkesen e banorëve, çadrat u ngritën pranë shtëpive të dëmtuara,pas refuzimit,për tu zhvendosur në një zonë më të sigurt të fshatit. Ushqimi po sigurohet nga menza,që ngriti bashkia, ndërsa kushtet në  çadrat,ku ju duhet të kalojnë natën,janë të përshtatshme. Ndërsa ka kaluar  paniku nga lëkundjet sizmike, banorët e Vidohovës mbeten të shqetësuar, për kohëzgjatjen e ndërtimit të shtëpive.

Kanë frikë se dimri i ashpër mund t’i gjejë në qiell të hapur.  Vala e tërmeteve,pas Korçës dhe Kolonjës,përfshiu edhe Devollin, ku Vidohova ishte fshati, që pësoi më shumë dëme materiale. Komisionet e vlerësimit të dëmeve, po vijojnë evidentimin e çdo banese të prekur nga tërmeti,ndërsa pritet edhe fatura financiare përfundimtare. /ABC News Albania 24/7

KRONIKE-KORCE-TERMETI_ABC-M2-T1.mpg_snapshot_00.10-1280x720.jpg
ent ela11:11 | 07/06/2019

Dëmet nga tërmeti në Bashkinë e Kolonjës pëllogariten në 93 milionë lek të reja. Nga verifikimi në terren rezulton se në fshatin Qafëzez me 100 shtëpi të dëmtuara, po ashtu rreth 40 shtëpi janë dëmtuar në fshatrat Selenicë, Vodicë, Helmes, Butkë, Shtikë. Sipas Shtabit të Emergjencave Civile, 34 shtëpi do të rindërtohen nga themeli, pasi janë të shkatërruara plotësisht. Ndërsa 100 shtëpi do të rikonstruktohen. Ky është vlerësim paraprak i dëmeve, i bërë nga bashkia e Kolonjës, ndërsa pritet, që vlera përfundimtare e dëmit të përllogaritet nga komisioni i ekspertëve. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono