tërmeti

femijet-mirdite-termeti.jpg
nev ila15:46 | 19/01/2020

Pas tërmetit të 26 nëntorit, shumë familje në fshatrat e Mirditës vijojnë të kenë si banesa të tyre, çadrat.

Në një të tillë verore jeton edhe familja Lekgegës me 9 anëtarë. Për të shkuar tek familja e Besim Lekgegës të duhet që të udhëtosh në këmbë mbi 1 orë nëpër një rrugë shumë të vështirë.

Si çdo familje tjetër familja e Besimit kërkon që ti sigurohet një kontenjer banimi për të kaluar dimrin.

“Kjo banesë është e pabanueshme për ne”. Bashkia na ka dhënë dy çadra”.

Por jetësa në këtë çadër bëhet edhe më e vështirë për fëmijët, të cilët duhet të mësojnë në të ftohtë dhe në kushte aspak të përshtatshme.

“Edhe studiojmë, lahemi, kjo është hapësira jonë ku mësojmë. Ndriçimi  nuk është i plotë, natën flemë me frikë,është ftohtë. Është hapësirë e vogël për 9 persona”.  

Si të mos mjaftonte vetëm mungesa e shtëpisë, për të shkuar në shkollë fëmijët duhet të ecin çdo ditë një orë në këmbë. Por për të shkuar në shkollë këta fëmijë duhet të kalojnë përmes kësaj ure të rrënuar. Ata rrëfejnë se për ta kjo rrugë është shumë e lodhshme.

“Po qe moti i keq, rrugën e bëjmë 1 orë e gjysëm, kur është mot i mirë, 1 orë. Është e vështirë si nga ana fizike, dhe nga ana mendore, kur shkojmë në shkollë jemi të lodhur”.

Si shtëpia e familjes Lekgega, tërmeti ka kthyer në të pa banueshme edhe shumë banesa Në këtë njësi administrative të Bashkisë Mirditë, por një pjesë e famljeve jan të larguara./abcnews.al

asensoret.jpg
ger ta14:36 | 18/01/2020

Tërmetet e ndodhura me 21 shtator dhe 26 nëntor 2019, shërbyen për qeverinë që të kthente sytë nga siguria e qytetarëve dhe të bënte ndryshime ligjore. Hap i rëndësishëm ishte VKM-ja për sigurinë e ashensorëve, të cilët sipas kryeinspektorit të Inspektoriatit të Mbikëqyrjes së Tregut, Lavdrim Sahitaj pësuan dëmtime nga tërmeti.

“Inspektoriati I Mbikëqyrjes së Tregut mori shumë seriozisht pjesën e inspektimit të ashensorëve, duke patur parasysh që tërmetet i lëvizën. Ashensorët që montohen pas janarit të 2020-ës do të jenë të markuar me markimin CE dhe gjithë pjesa tjetër që janë vendosur gjëtë këtyre viteve do të certifikohen “, tha Lavdrim Sahitaj,

Sipas Sahitajt kjo VKM i jep fund edhe problematikave të ndeshura tek pallatet që ndërtuesit I linin pa ashensor ose ashensori i tyre nuk ishte funksional.

“Ajo që vlen të theksohet, tani pallatet e reja pas ndryshimit të fundit të VKM-së konsiston në atë që të gjithë ndërtuesit nuk do marrin lejen e shfrytëzimit të pallatit pa patur pa regjistruar dhe të montuar ashensorin”, thotë Sahitaj.

Nga ana tjetër edhe qytetarët shprehen se ndihen të sigurt, pasi sipas tyre pas tërmeteve të vitit të kaluar është bërë kontrolli teknik i ashensorëve të pallateve ku banojnë./abcnews.al

 

banoriii.jpg
ger ta13:54 | 18/01/2020

Në dhjetor të vitit të kaluar kryeministri Rama dhe kryebashkiaku i Tiranës Veliaj ishin në Vaqarr për të konstatuar edhe vendin ku do ndërtohen banesat e reja për të dëmtuarit e tërmetit të 26 nëntorit.

Qeveria vendosi që ish-Poligoni i Vaqarrit të jetë toka që do të përdoret për ndërtimin e 35 vilave ku do të akomodohen të gjithë banorët e prekur nga tërmeti. Por pavarësisht se objektet ishin pronë shtetërore, tokës në të cilat ato kanë qenë ndërtuar i ka dalë pronari. Aktualisht objektet janë rrafshuar, por Bujar Taku vjen çdo ditë aty për të kujtuar se prona në të cilën do të ndërtohet i përket familjes së tij.

“Unë jam pronar i ligjshëm, jo s’i tha kryeministri që toka është e shtetit”, shprehet Bujar Taku.

Thotë se nuk është kundër të ndërtohet për banorët e prekur nga tërmeti por apelon që qeveria t’i njoh dokumentat që zotëron prej vitesh.

“Nuk na e kanë shtruar këtë lloj kërkese fare. ‘Ik se është tokë e shtetit, nuk i njohim letrat fare, nuk keni punë këtu’. Tani e tutje se çfarë do bëhet ne jemi në pritje. Nuk jemi në kundërshtim që ky objekt u prish se është i shtetit, ama si pronë jam unë, po ky shtet ma ka njohur”, thotë ai.

Dhe nëse zgjidhjen nuk do ta marrë në rrugë gjyqësore, përballjen me shtetit thotë se do çojë në Strazburg.

“Kemi vendosur bashkë me avokatin, bashkë me 35 vetta bashkëpronarë këtu do ta ndjekim rrugën gjyqësore deri ku të dalë e drejta. Nëse nuk do marrim përgjigje pozitive atëherë do i drejtohemi Strasburgut”, shprehet Taku./abcnews.al

masat.jpg
ger ta10:53 | 18/01/2020

Gjykata e Penale  dha sot masat e sigurisë për 30 të ndaluarit për dëmet e tërmetit të 26 nëntorit, pasi dëgjoi dje për 7 orë në një seancë maratonë prokurorinë dhe mbrojtjen.

Gjykata vendosi për 7 prej tyre arrest me burg, mes tyre ish-kryetarët e komunave të Farkës e Kasharit Fatbardh Plaku dhe Besnik Fuçia.  Ndërsa për 12 prej tyre u caktuan masat e sigurië “arrest shtëpie” dhe 11 të tjerë u lanë të lirë, me masën “detyrim paraqitje”.

30 personat u arrestuan për shkak të dëmeve të tërmtetit të 26 nëntorit. Prokuroria kërkoi “arrest me burg” për 13 persona, por siç duket gjyqtarja Vjollca Spahiu vendosi që të zbusë numrin e personave që do t’i linte në  burg. Keta persona u akzuan për shpërdorim detyre dhe falsifikim të dokumenteve.

Gjyqtarja vlerësoi se një pjesë e arrestimeve janë të paligjshme duke i lënë ata të lirë. Po ashtu gjyqtarja kërkoi më shumë prova dhe organi i akuzës të vijojë hetimet.

Sipas gjyqatares Vjollca Spahiu dëmtimet e godinave për shkak të tërmetit të rënë kanë ardhur si shkak i ndërtimeve të kryera pa respektuar normat dhe standartet nga projektuesit, zbatuesit, mbikqyrësit.

Kujtojmë se prokuroria ka lëshuar 41 urdhër-ndalime për abuzimet e kryera me ndërtimet në Tiranë që u dëmtuan nga tërmeti i 26 nëntorit.  Ndërsa 6 persona janë shpallur në kërkim, pasi rezultojnë se janë larguar nga vendi.

Masat  sigurisë për të ndaluarit:

Arrest në burg

Gerti Çalliku

Hodo Gjoni

Artur Skela

Fejzi Dyrmishi

Besnik Fuçia

Fatbardh Plaku

Naim Shehi

Gëzim Shkalla

Arrest në shtëpi

Faik Fejza

Ndoc Pepkola

Mehmet Felahi

Agim Eski

Pëllumb Korfuzi

Qirjako Gjergo

Asqeri Xhanari

Vjollca Hoxholli

Ali Dyrmishi

Shefqet Doda

Detyrim paraqitje

Anila Harxhi

Reiz Muça

Merita Kushe

Hekri Disha

Bukurije Halili

Adhurim Qehajaj

Stela Maze

Zhaneta Tagani

Shpëtim Kërçiku

Jan Ikonomi

Ermir Çina

/abcnews.al

gjyqi.jpg
ger ta15:20 | 17/01/2020

Prokuroria ka kërkuar masën “arrest me burg” për grupin e parë prej 14 personash, nga 31 të arrestuarit për dëmet e tërmetit të 26 nëntorit. Mes tyre janë edhe Fatbardh Plaku ish-kryetari i komunës se Farkës dhe Besnik Fuç,  ish-kryetari i komunës Kashar.

Sakaq, organi i akuzës ka kërkuar “arrest ne shtepi” për Faik Fejzon.  Në mesin e 31 personave të arrestuar ka zyrtarë dhe ish-zyrtarë në Tiranë, Farkë, Vorë dhe Kashar, të dyshuar se kanë abuzuar me detyrën dhe kanë ndërhyrë në strukturën e ndërtimeve.

Kjo seancë maratonë vazhdon ende.

Siç raporton për abcnews.al gazetarja Glidona Daci, është bërë gati për tu njohur me vendimin, dhe grupi i dytë prej 16 personash.

31 personat e arrestuar, presin vendimin e gjyqtares Vjollca Spahiu, e cila do të japë vendimin, pasi të dëgjojë të gjitha palët.

Burime për ABC News njoftojnë se seanca është shoqëruar me debate të shumta mes prokurorëve dhe avokatëve, pasi këta të fundit nuk janë njohur me dokumentacionin që disponon prokuroria.

Po ashtu masa e sigurisë “arrest në burg” do të kërkohet edhe për ndërtuesen Vjollca Hoxholli, e cila do të përballet me Prokurorinë dhe Gjykatën gjatë orëve në vazhdim.

Prokuroria është shprehur se ka mungesë dokumentacioni.  Sa i përket shkeljeve që kanë kryer sipas prokurorisë funksionarët e komunave kanë miratuar leje ndërtimi në mungesë të ligjit dhe në mungesë dokumentacioni teknik. Mungon studimi sizmik që nuk është gjetur në asnjjë nga këto njësi administrative ku janë zhvilluar hetimet.

Prokuroria është shprehur se numri i të ndaluarve pritet që të rritet, pasi hetimet janë duke vazhduar. Sa i përket 6 personave të cilët  janë larguar nga vendi, organi i akuzës preferon t’i mbajë sekret të dhënat. Dyshohet për dekonspirim të mundshëm, por zyrtarisht nga ana e prokurorisë nuk pranohet një fakt i tillë.

Të ndaluarit që do marrin masen e siguriseë në gjykatë sot: 

Naim Shehi

Pellumb Korfuzi

Fejzi Dyrmishi

Adhurim Qehajaj

Hekri Disha

Ndoc Pepkolaj

Stela Maze

Ali Dyrmishi

Zhaneta Tagani

Besnik Fuçia

Gerti Çaliku

Qirjako Gjerko

Fatbardh Plaku

Merita Kushe

Jan Ikonomi

Bukurije Halili

Vjollca Hoxholli

Anila Harxhi

Shefqet Doda

Reiz Fejza

Mehmet Felahi

Hodo Gjoni

Artur Skela

Agim Eski

Bukuri Halili

Pellumb Korfuzi

Adhurim Qehaja

Ermir Çina

Asqeri Xhanari

Naim Shehi

Gezim Shkalla

Shpetim Kerçiku

Luan Beta

/abcnews.al

floq-termeti.jpg
nev ila13:46 | 17/01/2020

Kjo banesë e familjes Pelivani në Floq të Korçës u dëmtua nga tërmeti. Për 6 muaj 6 pjesëtarë e saj u strehuan në një shkollë të fshatit, me shpresën se qeveria siç dhe premtoi, do t’ju riparonte totalisht banesën.

Siç tregon zonja e shtëpisë Pembja, edhe pse fondi i caktuar për ta ishte i konsiderueshëm, se çfarë u bë më paratë, nuk ka informacion, për sa kohë në banesën e saj, vetëm një restaurim të pjesshëm iu bë.

Tani ata janë të detyruar të mblidhen të gjithë për të jetuar në një dhomë.

“Na takonte 12 milionë e 300 po nuk i morëm, ja u lamë të na i bënin shtëpinë me aq bëhet një shtëpi nga e para”.

Sipas kësaj të moshuare disa riparime u detyruan ti bëjnë edhe vetë se dimri është i ftohtë.

“Blemë vetë çimenton dhe hekurin që e shtruam”.

Pembja thotë se as rritjen e mbesës nuk po e shijon dot se ajo u ngrit në këmbë në kushte të jashtëzakonshme.

“Kam ndenjur 5 muaj në shkollë, aty u ngrit mbesa më këmbë”, thotë ajo.

Edhe Bledar Mulla ka të njëjtin shqetësim, për riparimin e banesës, pasi s’ka ku jeton dhe ka marrë para borxh.

“Deri tani, më bënë gjysmën e çatisë, dy dhomat dhe kaq, të tjerat vajta mora borxh për ti bërë”.

Ai hedh dyshime të forta kur thotë se përse për restaurimin e banesave të dëmtuara në Floq pati diferencime.

“Nuk e di si u bënë, ca u bënë të reja, ca pjesë-pjesë, se çfarë ndodhi nuk e di, se me mik, se me parti, shumë e padrejtë është”.

1 qershor të vitit 2019 banesat e disa fshatrave të Korçës u shembën dhe u dëmtuan nga tërmeti. Vetëm Floqi numëron 120 shtëpi të dëmtuara, nga të cilat 40 janë shembur totalisht.

Qeveria ndau një fond për rindërimin dhe restaurimin e tyre, por jo të gjithë kanë përfituar deri tani në mënyrë të barabartë./abcnews.al

qiraja.jpg
ger ta13:37 | 17/01/2020

Për shumë familje të Thumanës hoteli është e vetmja strehë, pasi mundësia për të gjetur një shtëpi me qira është e vështirë.

Janë me dhjetëra të tilla, të cilat mbetën pa shtëpi pas tërmetit shkatarimtar të 26 nëntorit.  Ata janë të vetdijshëm që koha për të qëndruar në hotel reduktohet dita ditës, pasi edhe kontrata që ka nënshkruar bashkia nuk është pa limit. Problemi sipas tyre janë qiratë e shtëpive  të cilat janë rritur shumë pas tërmetit.

“Nuk gjendet shtëpia se s’ka apo janë të shtrenjta? Çmimet janë shumë të shtrenja. Një hyrje e vogël mund të shkojë edhe 220 mijë lëke, ky thotë do t’iu jap 120 mijë. Atëherë ku të shkojmë. Askërkush nuk ka dëshirë më ndenj këtu. Kam gjithë jetën time aty, kam jetu 50 vjet. Kam pas dy hyrje. I kam pas rregullu të gjithë”, shprehet një banor.

“Jo koha është e mjaftueshme, nga nuk kam shtitur, çmimet në stratosferë, edhe ato shtëpia që kanë më i lëshu me qira, i ka zënë termeti, për ashtu shtëpie kam timen une që më kanë nxjerrë jashtë”.

Ky zotëri tregon se doli nga shtëpia vetëm me rrobat e trupi dhe mundësia për të gjetur një shtëpi për familjen e tij është e vështirë.

“Nese une do të shkoj ti këkroj minibashkisë një bonus ajo thotë nuk e di. Pse mos të shpjegohesht, nese është vënë një vlerë, të shpjegohet. Jo në të bardhe të shpjegohet. Pse të hap numër llogarie. Do të rri këtu deri sa të më nxjerrin jashtë”.

Kjo zonjë tregon se e ka gjetur një shtëpi në Thumanë, por s’ka asnjë kusht brenda, ndërsa akuzon kryetarin e bashkisë që nuk e di sa është bonusi  i qirasë.

Thumana ishte një nga zonat më të prekura nga tërmeti 26 nëntorit të 2019, ku humbën jetën 24 persona të cilët mbetën në rrënojat e pallateve./abcnews.al

prokuroria.jpg
ger ta15:18 | 16/01/2020

6 nga 41 personat të cilët janë nën hetim nga prokuroria e Tiranës për dëmet në objketet e shkaktuara nga tërmeti i 26 nëntorit rezultojnë nga sistemi TIMS se, ndodhen jashtë territorit të Shqipërisë.

Policia ka ndaluar 31 funksionarë dhe ish funksionarë të komunave Vorë, Kashar dhe Farkë, ndërsa 10 persona të tjerë janë shpallur në kërkim. Dyshohet për rrjedhje të informacionit nga vetë strukrukturat e sistemit të drejtësisë dhe për këtë gjë po verifikohet nga drejtoria e Standardeve Profesionale në ministrinë e Brendshme. Personat nën hetim janë emra të njohur në fushën e ndërtimit dhe të zbatimit teknik në Tiranë. Ndër emrat më të njohur që janë ndaluar është Fatbardh Plaku, ish-kreu i komunës Farkë, Besnik Fuçia ish-kreu i komunës Kashar dhe Luan Beta, ish-shef i urbanistikës Vorë.

Numri i personave që janë nën hetim nga prokuroria e Tiranës është më i madh se 41. Në organin e akuzës janë bërë të paktën 200 kallëzime pas tërmetit të 26 nëntorit. Rrethi i personave që mund të shkojnë pas hekurave pritet të rritet, pasi hetimet po kryhen edhe në njësine e Dajtit dhe Bashkinë Kamzës.

Grupi hetimor ka vendosur nën akuzë, edhe ata persona, të cilët kanë ndërtuar në mënyrë  të paligjshme, që kanë kryer shtesa, të cilat dyshohet që kanë sjellë dobësimin e strukturës mbajtëse të objekteve. Ndërkohë hetimet vijonë edhe për të tjera objekte të cilat janë shpallur të pa banueshme në të gjithë Tiranën. Në kryeqytet janë 25 institucione, 134 pallate dhe rreth 200 godina të dëmtuara, të cilat janë objekt hetimit./abcnews.al

Screenshot_4-2.png
R D13:45 | 16/01/2020

Që nga termetit i 26 nëntorit, qyteti i Laçit dhe fshatrat përreth kanë mbetur pa shërbim mjekësor. Për gjithë bashkinë funskion vetëm urgjenca që është zhvendosur në ambientet e kishës. Vetë qytetarët ankohen për cilësinë e shërbimit.

Pas dëmtimit të spitalit të Laçit nga tërmeti, shërbimi i Urgjencës vijon të funksionojë në ambientet e qendrës sociale të një kishe. Po të sëmurët po sorollaten pasi jo të gjithë kanë informacion për transferimin e shërbimit në këtë kishë. Një grua nga Sanxhaku shprehet se “jemi sorollatur se nuk e dinim ku ishte vendosur urgjenca. Kam ardhur nga Sanxhaku me vajzën që ka 3 ditë me temperaturë. Shërbimi këtu është i dobët, vajza ka dalë me infeksion por nuk kanë dalë ende përgjigjet e analizave”.

Edhe një prej mjekëve të kësaj urgjence e ka të qartë që shërbimet mjekësore duhet të jenë të grumbulluara në një ambient dhe jo të shpërndahen.

“Kushtet e urgjencës janë optimale, por dihet se në një spital shërbehet më mirë”, tha mjeku.

Drejtuesit e kësaj kishe janë treguar vërtet humanë pasi ky është dhe misioni i tyre dhe aktivitetin e kanë spostuar në dy çadra. Ndërsa qytetarët dhe as vetë mjekët nuk kanë asnjë informacion se kur do të shembet spitali i dëmtuar dhe kur do të nisë puna për ndërtimin e të riut. /abcnews.al

 

4d08424b-3592-4901-a140-20f957bc5bd4.jpg
So Nila12:44 | 16/01/2020

Tërmeti i 26 nëntorit ishte një ndër tragjeditë më të mëdha me të cilat u përball vendi ynë.  Pasojat që ai la pas janë ende të dukshme në shumë fshatra të Kurbinit.

Shtëpitë e vjetra në këto zona, u dëmtuan plotësisht, por fatmitësisht nuk shkaktuan viktima.

Familja Jangozi nga Thumana është një nga të shumtat në këtë fshatat që përjetuan minuata të vëshira gjatë lëkundjeve të forta të tokës. Sot, ata rrëfejnë për abcnews.al se çfarë ndodhi atë mëngjes ku në në tentativë për tu larguar, e zonja e shtëpisë një 75 vjeçare mori plagë të rënda, pasi suvaja iu shemb në kokë.

E moshuara tregon momentin se si është zënë nga suvaja pas lëkundjeve të tërmetit

80 vjeçari Ramazan tregon ka frikë të rikthet në banesë dhe për kërë asrye janë vendosur në një kasolle. Të moshurit, presin nga shteti ndërtimin e banesës së tyre.

“Tre net kanë qenë ndër më të vështirat pastaj kam rregulluar kasollen e baklëtive dhe jetoj aty tashmë,” shprehet i moshuari.

E ndërsa temperaturat janë ulur ndjeshëm, në Larushk të Fushë –Krujës ka ende familje që nuk janë larguar nga çadrat. Janë tre familje të cilat jetojnë në kushte shumë të vështira.

“Gruan e kam të sënmurë por lekët që kam smë dalin paratë për të ngrën bukë dhe jo më për të blerë ilaçe”, tha një nga banorët.

Këto familje kërkojnë ndihme nga shtetit që ti ndihmojë në ndërtimin e shtëpise, pasi jetesa në çadra vëshirësohet dita ditës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono