termetet

termet-933x445.jpg
ent ela23:13 | 17/08/2018

Shqipëria bënë pjesë te vendet me aktivitet të lartë sizmik. Ditët e fundit janë shënuar lëkundje të mëdha, por edhe dëmtime në banesa. Sipas pedagoges dhe ekspertes në fushën e inxhinierisë dhe gjeoteknikës, Luljeta Bozo, ndërtimet në Shqipëri, paraqesin aktualisht problematika të shumta duke nisur që nga ligji me të cilin po punohet, që është hartuar në vitin 1989.

Pas viteve `90 në vendin tonë lulëzuan pallatet shumëkatëshe për të cilat ekspertët e kanë të vështirë të thonë nëse janë të sigurta, pasi edhe baza ligjore mungon. Ndërkohë që më të riskuara janë godinat e ndërtuara në vitet 63-`75 pasi edhe teknologjia e ndjekur nuk ishte shumë e përparuar.

 “Ne kemi një kod të `89 i parashikuar për ndërtesa 6-7 kate. Kërcyem direkt në katet 10-15 dhe 20 kate. Nuk e dimë si reagojnë këto objekte. U kam frikën ndërtimeve në zonën ranore në Durrës. Ato nëse ndodh një tërmet mund të rrezikojnë dhe të zhyten”.

Profesore Luljeta Bozo, thekson se objektet e ndërtimit kanë një jetëgjatësi të përcaktuar, përfshi edhe ndërtimet beton-arme.

Duke e lidhur edhe me tragjedinë e ndodhur në Xhenova,  sipas profesores Bozo, për  të gjitha objektet që kanë një rëndësi të veçantë duhet të bëhet kontroll, pasi asnjë objekt nuk shembet pa dhënë shenja paraprake.

“Ura në Xhenova kishte dhënë shenja që kishte problem. Asnjë objekt nuk shembet pa dhënë shenjat e para. Por duhen ekspert që të bëjnë kontrollin dhe të shikojnë se sa është degradimi. Ndaj nëse edhe në dikasteret tona ka problem, ka çarje apo dëmtime duhet që ekspertët të shikojnë dhe të bëjnë analizimin e duhur. Sot ka mundësi të bëhen kontrolle, studime dhe analiza sepse shkenca ka përparuar”.

Klan Plus

TERMETI-CAKO.mpg_snapshot_01.12-1280x720.jpg
G. P.16:04 | 12/08/2018

Në materialin e përgatitur paraqitet një nga shtëpitë e dëmtuara nga tërmeti i të shtunës në Macukull të Matit. Por jo e vetmja. Aktualisht në bashkitë: Mat, Bulqizë dhe Klos jane raportuar 176 banesa të dëmtuara. Ndërkohë, shtabet e Emergjencave Civile nuk kanë përfunduar ende verifikimin.

Veç dëmeve materiale, lëkndjet e tokës kanë lënë pas frikën. Banorët tregojnë se e kanë kaluar natën jashtë.

Banori: “Jashtë kam fjetur. Ku të flesh, mund të shembet prapë. Shtëpiat janë shembur, çatia, suvatimi, tavani, krejt kanë rënë për tokë.”

Për të parë situatën në zonën më të prekur nga tërmeti, fshatin Macukull të Matit, ishte Drejtori i Përgjithshëm i Emergjencave Civile, Haki Çako. Familjeve të cilave shtëpitë iu janë kthyer në të pabanueshme, iu tha se do t’ju shpërndahen çadra.

Haki Çako, drejtor i Përgjithshëm i Emergjencave Civile: “Ka banesa të cilat nuk rekomandohet që të banojnë dhe me ta kemi qenë dhe vazhdojmë të jemi në komunikim. Janë siguruar nëpërmjet rezervave të shtetit çadra për të sistemuar dhe rregulluar banorët të cilët nuk do të duhet të hyjnë më nëpër banesat, të cilat janë dëmtuar masivisht.”

Tërmeti me magnitudë 5.4 i shkallës rihter me epiqendrën në Bulqizë, eshte tërmeti i dytë i forte brenda disa javësh, pas atij me epiqendër në Gjirin e Lalzit. Ndërsa dhe gjatë natës deri mëngjesin e sotëm, Instituti i Gjeoshkencave, Energjisë, Ujit dhe Mjedisit ka regjistruar 10 lëkundje të tjera me intenstiet më të ulët./abcnews.al

VIJOJN-TERMETET-1280x720.jpg
ent ela13:58 | 14/07/2018

Vijojnë lëkundjet e tokës në zonën e Durrësit. 2 tërmete janë regjistruar mëngjesin e sotëm, i pari, pak para orës 05, prej 2.3 ballësh në Manëz e re. Instituti gjeoshkencave bën të ditur se një tërmet I dytë është shënuar në të njëjtën zonë e me të njëjtën magnitudë, pak pas orës 8.

Lëkundjet e mëngjesit të të shtunës I paraprinë 12 tërmeteve që u regjistruan një ditë më parë në Budulle të Durrësit e në zonën e gjirit të Lalëzit, më I forti prej 3 ballësh me epiqendër detin Adriatik në gjirin e Lalëzit.

Këto lëkundje pasojnë tërmetin e fortë 5.2 ballësh që tronditi disa qytete të vendit më 4 korrik, me epiqendër në zonën e gjirit të Lalëzit. Sipas sizmiologëve, lëkundjet janë brenda tipologjisë së tërmeteve, pasuese të goditjes së parë, e për pasojë të parrezikshme. /abcnews.al

TERMETET-GJATE-NATES-1280x720.jpg
ent ela10:18 | 05/07/2018

Vijojnë lëkundjet e tokës pas tërmetit të fuqishem me intensitet 6 ballë dhe magnitudë 5.1 e shkallës Rihter që goditi vendin tonë paraditen e djeshme. Sipas Institutit të Gjeoshkencave, Energjisë, Ujit dhe Mjedisit, që nga mesnata e mbrëmshme e deri më tani janë regjistruar edhe gjashtë tërmete të tjera që kanë goditur vendin tonë.

Epiqendra e tyre vijon të jetë zona bregdetare e Adriatikut pranë Gjirit të Lalëzit, si dhe disa fshatra në zonën e Fushë-Krujës.

Lëkundja më e fortë tokës gjatë orëve të fundit ndodhi rreth orës 02.10 të ditës së sotme, kur është regjistruar një tërmet me magnitudë 3.9 ballë dhe epiqendër fshatin Shetaj pranë Kepit të Rodonit.

Ndërsa lëkundja më e lehtë sot është regjistruar ajo me magnitudë 2.3 ballë dhe epiqendër 3 kilometra në jugperëndim të Thumanës në Fushë-Krujë.

Në pothuajse 24 orët e fundit që kur u regjistrua tërmeti i parë i fortë me intensitet 6 ballë, Instituti i Gjeoshkencave, Energjisë, Ujit dhe Mjedisit ka publikuar në faqen e tij në internet rreth 20 post tërmete më të vogla, ndërkohë që goditjet e tjera të tokës më të vogla përllogariten të kenë ndodhur edhe disa dhjetra të tjera. /abcnews.al

TERMETET-NE-JUG-VIJOJNE-1280x720.jpg
ent ela15:41 | 22/05/2018

Në rreth një javë Jugu i vendit është goditur nga 26 tërmete. Kjo është një zonë aktive në aspektin tektonik shpjegojnë sizmologët, të cilët thonë se lëkundjet vijojnë. Specialistët nuk përjashtojnë edhe goditje me intensitetin e atyre të ditëve të shkuara.

Lëkundjet e tokës vijojnë në jug të vendit, ndërsa sizmologët tregojnë se ato do të zgjasin deri në relaksimin e plotë të zonës në aspektin tektonik.

Goditjet janë më të lehta se ato të regjistruara në datat 14 dhe 20 maj në zonën e Vermikut megjithëkëtë specialistët nuk përjashtojnë mundësinë e riaktivizimit të një tërmeti me intensitetin e ditëve të shkuara.

 “Gjykuar nga ecuria e pasgoditjve, mangnituda është në rënie, por nuk përjashtohet riaktivizimi, sërish në këtë zonë ose në një tjetër fqinj”.

Kjo zonë sipas sizmologëve ështëe aktive në aspektin tektonik.

“Efekti njihet në mbarë botën kryesisht në zona me ndërtim gjeologjik të tillë. Jemi pranë vatrës së tërmetit të Tepelenës rënë në vitin 1920 me magnitude 6.4 që shkaktoi dëme të konsiderueshme deri në kështjellën e Beratit dhe pranë atij të Qafës së Llogarasë në vitin 1930 edhe ky  tërmet me pasoja”.

Në një jave jugu i vendit është goditur nga 26 tërmete. Me intensitet më të lartë ka qenë ai me magnitudë 4.2 i shkallës rihter i regjistruar mesditen e 14 majit dhe tërmeti me magnitudë 4.5 gradë i shkallës rihter më 20 maj. Të shtunën shpjegojë sizmologët kemi pasur të bëjmë me një çift tërmetesh që kanë goditur zonën në të njëjtën kohë prandaj ndjeshmëria dhe dëmet e shkaktuara kanë qenë më të mëdha.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono