termetet

Termeti-ne-durres-dhe-thumane14-640x346-1-1.jpg
nev ila10:56 | 27/01/2020

Gjatë mesnatës së sotme tërmet tjetër është ndjerë në Tiranë. Tërmeti ka patur epiqendër Bubqin dhe ka qenë rreth 3.6 e shkallës rihter.

Për të folur në lidhje me këtë ka folur sizmiologu Rrapo Ormeni në studion e emisionit ABC-ja e mëngjesit me Enkel Demin.

“Ky tërmet ka qenë rreth 3.6 rihter, bëhet fjale për një tërmet të zakonshëm, të cilët janë normalë për vendin tonë”, tha sizmiologu Ormeni.

Enkel Demi: A do të vazhdojnë këto pasgoditeje në Shqipëri?

Rrapo Ormeni: Do të vazhdojnë por janë drejt përfundimit, pasi shpeshtësia e tyre është duke u rralluar, intensiteti i tyre në kohë është rralluar, pothuaj jemi në fund të çlirimit të kësaj energjie nga tërmetet.

Enkel Demi: Tërmeti në Turqi ka lidhje me tërmetin në Shqipëri?

Rrapo Ormeni: Nuk ka lidhje sepse ka mekanizëm tjetër, tërmeti në Turqi është i një magnitude goxha të madhe. Turrqia është një vend iu cili ka një aktivitet sizmik më të lartë se Shqipëria.

Në Turqi ka patur historikisht tërmete me energji të mëdha me mbi 6.5 i shkallës rihter por edhe 7 i shkallës rihter.

Kjo ka ndoidhur për shkak se në zonën e Turqisë janë dy pllaka tektonike të cilat krijojnë thyerje të cilat janë shkaktare të tërmeteve që ndodhin në Turqi, duke qenë se janë thyerje të mëdhaja clirojnë energji të mëdha.

Por nuk kanë lidhje me tërmetet që ndodhin në Shqipëri./abcnews.al

endri-xhafo-hanxhari.jpg
nev ila18:00 | 09/12/2019

I ftuar në studio me gazetarin Endri Xhafo ka qenë Prof. Dr. Romeo Hanxhari, shef i katedrës së Gjeografisë në Universitetin e Tiranës. Prof. Hanxhari foli për menaxhimin e tërmetit dhe fatkeqësive natyrore. Sipas Prof. Romeo Hanxharit specialistët paralajmëruan rrezikun ndaj tërmetit që prej vitit 2006.

Pjesë nga biseda në studio:

Endri Xhafo: Në këtë letër që është jashtëzakonisht shumë e kthjellët. Ju thoni që ndër 19 tërmetet më të fortë të ndodhur në 25 vitet e fundit, ata më katastrofikët kanë patur për shkak pikërisht ekzistencën e banesave të ndërtuara pa një projekt inxhinierik dhe mos kujdesin në kohë të strukturave shtetërore për kontrollin dhe respektimin e normave anti-sizmike në të gjitha banesat dhe sillni raste tërmetesh të tillë në Iran, turqi, Egjipt. Ju thoni edhe diçka tjetër, vendet që nuk kanë qenë të gatshme kanë marrë masa, mendoni se kjo mund të ndodhë, sepse ju thoni që këto nuk janë fatkeqësi natyrore, janë fenomene natyrore, rrëshkitja e tokës, tërmeti, shndërrohen në fatkeqësi nga mungesa e menaxhimit nga ana e njeriut të fenomenit.

Romeo Hanxhari: Unë ju them studentëve të mi që dalin mësues. Mësojuni nxënësve që Tërmeti është në shtëpinë e vet, ne jemi bujtës në këtë territor, sepse jemi territor i ri, pra malet lëvizin nga pikëpamja gjeologjike, gjeo-morfologjike, tërmetet janë në shtëpinë e vet. Ne duhet tu mësojmë të gjithëve si të bashkëjetojmë me tërmetet, duhet t’ua  mësojmë, është ABC-ja, dhe kur kjo të ndodhë të mos themi: çfarë ishte kjo që ndodhi?! Por të gjendemi të përgatitur.

Endri Xhafo: Por edukimi nuk hyn vetëm te menaxhimi. Menaxhimi është një sërë faktorësh, menaxhimi do duhej të kishte filluar nëse parlamenti do kishte mbajtur parasysh sugjerimet tuaja për legalizimin apo jo?

Romeo Hanxhari: Menaxhimi ka katër faza: ka fazën e zbutjes, ku identifikohen pikat e dobëta dhe fillohet marrja e masave, përgatitja e cila përfshin edukimin, trajnimin për këto situata, më pas është faza e emergjencës që ne nuk e kishim, dhe menaxhimin e kishim keq.

Romeo Hanxhari: Çdo fenomen natyror ka një mënyrë të vetën të qasjes së njeriut ndaj tij. Që në momentin kur ndodh fatkeqësia, ka një protokoll që duhet ndjekur.

Endri Xhafo: Sekretari i Ministrisë së mbrojtjes tha se protokollet janë.

Romeo Hanxhari: Përgatitjet te ne kanë një lehtësi. Ne e marrim me lehtësi dhe nuk dinë nëse protokollet ekzistojnë, nuk dinë çfarë të bëjnë në një situatë apo në nj moment të caktuar. Evidentimi i standardeve të ndërtesave lë për të dëshiruar. Ndërtimi i dyshimtë futet të vepra kriminale. Shteti duhet ti evidentojë ndërtesat. Ndërtesat e reja që kanë edhe leje ndërtimi që nuk kanë respektuar rregullat ato janë krime, pra këtu jemi te veprat penale, këtu duhet të flasë drejtësia madje duhet të japë një leksion të mirë. Gabimi bëhet që kur kalohet direkt te ngjarja dhe fazat kyçe anashkalohen, por ato janë thelbësore për ta menaxhuar eventin kur ndodh. Këto faza trajtohen me lehtësi dhe nënvlerësim pikërisht sepse mendojnë se tërmeti ndodh 1 herë në 40 vjet, por nuk është e vërtetë sepse mund të ndodhë edhe pas një viti, është vlerësim probalistik. Ne nuk është se nuk kemi një hartë sizmike, por problemi është çfarë bëjmë me të. Ne nuk kemi një hartë të rrezikut ndaj përmbytjes, nuk kemi një hartë të rrezikut ndaj rrëshqitjes, që sigurisht duhen bërë, sepse jemi vend i ekspozuar ndaj këtyre rreziqeve.

Endri Xhafo: Presidenti i Republikës foli për nevojën e një harte të detajuar të rreziqeve në Shqipëri, jo vetëm për tërmetet, por edhe për përmbytjet.

Romeo Hanxhari: Në duhet të merremi seriozisht me rreziqet natyrore, duhet të fillojmë ta trajtojmë që në kopsht.

Endri Xhafo: Në tekstet mësimore në Shqipëri, përveç faktit pse ndodh tërmeti, a duhet të ketë një lloj edukimi, se si duhet të sillen njerëzit në rast tërmeti, ju e keni vënë në tekstet tuaja se çfarë duhet bërë në këtë rast?

Romeo Hanxhari: PO unë personalisht në tekstet e mia patjetër. Çfarë duhet të bëjnë, pikat e dobëta, çfarë duhet bërë përpara, gjatë dhe pas tërmetit se si duhet të menaxhojë veten në rast të këtyre fenomeneve natyrore. Kjo gjë duhet të futet në kurrikulat mësimore si e detyrueshme, si duhet të sillen nxënësit që të jenë të përgatitur si duhet të sillen ndaj fenomeneve natyrore./abcnews.al

luan-rama-deklarata-1280x602.jpg
nev ila14:15 | 05/12/2019

Zëvendës kryetari i LSI-së Luan Rama i ka drejtuar disa pyetje sërish sot Prokurorisë duke i kërkuar informacione mbi hetimet pas tërmetit të 21 shtatorit, që e cilëson paralajmërimi i natyrës për tërmetin e 26 nëntorit.

Në një deklaratë për media nga selia e LSI-së, Luan Rama tha se Shqipëria prej shtatorit deri tani është goditur nga tërmete të cilat kanë nxjerrë zbuluar mungesën e eficencës, mungesën e përgjegjësisë dhe mungesën e veprimeve korrekte për të mbrojtur e garantuar jetën e qytetarëve.

Duke iu drejtuar prokurores së Përgjithshme të Përkohshme, ai i kërkon të informojë publikun për gjithçka të bërë në përmbushje të detyrës kushtetuese.

Deklarata e Plotë e Luan Ramës: 

“Situata tragjike dhe pasojat e rënda që krijoi tërmeti i 26 nëntorit na bënë të gjithëve jo vetëm të reflektojmë por të demonstrojmë edhe përgjegjshmërinë që gjithçka ka ndodhur të evidentohet, të hetohet, të zbardhet në sytë e opinionit publik sepse vetëm kështu do krijohet besimi se institucionet e shtetit po e bëjnë detyrën. Prokuroria jo vetëm që nuk është prezentë në detyrimin kushtetues për të informuar publikun në lidhje me pasojat dhe shkaqet që çuan në këtë situatë të rëndë por të gjithë mbajnë mend nxitimin e prokurorisë për të informuar publikun pas çdo proteste që bënte opozita a thua se nuk kishte punë tjetër prokuroria.

Shqipëria prej shtatorit deri tani është goditur nga tërmete të cilat në fakt kanë nxjerrë zbuluar mungesën e eficencës, mungesën e përgjegjësisë dhe mungesën e veprimeve korrekte për të mbrojtur e garantuar jetën e qytetarëve.

Meqenëse prokuroria vazhdon të heshtë jam i detyruar ta pyesë publikisht zonjë prokurori të Republikës së Shqipërisë. Jo me qesëndi e konsideroj zonja dhe jo prej faktit që e drejton një zonjë. Zonja prokurori çfarë keni bërë për të hetuar pasojat dhe shkaqet që çuan në pasojat e rënda të tërmetit të 21 shtatorit, të tërmetit që ishte parathënia apo paralajmërimi i natyrës për tërmetin e 26 nëntorit? Cili ka qenë grupi hetimor që është marrë, ka hetuar? A keni evidentuar gjatë hetimit tuaj pas tërmetit të 21 shtatorit objekte, ndërtesa, godina banimi në risk, të dëmtuara ë të cilat nuk duhet të kishte qytetarë? Në sa prej godinave të dëmtuara kanë qenë të evidentuara si të papërshtatshme?

Jeni e lutur të informoni publikun për gjithçka keni bërë në përmbushje të detyrës suaj kushtetuese. Për të evidentuar përgjegjësinë dhe për të vënë para përgjegjësisë të gjithë ata që me mosveprimin e tyre skandaloz dhe kriminal pas tërmetit të 21 shtatorit, janë bashkëfajtorë në krimin e shëmtuar të tërmetit të 26 nëntorit. Jepni përgjigje. Demonstroni që jeni institucion i pavarur, në zbatim të ligjit dhe Kushtetutës. Jemi në pritje të përgjigjes suaj në mënyrë që qytetarët të kuptojnë se ju nuk vepronin nën urdhër apo nën presion politik”, tha Rama./abcnews.al.

muceku.jpg
ger ta09:11 | 03/12/2019

Në studion e “Abc-ja e mëngjesit’ me Enkel Demin ishte sot eksperti Ylber Muceku. Mes të tjerash ai foli për zonat më problematike në Shqipëri që preken nga tërmetet.

Siç tha ai territori shqiptar ndahet në disa breza sizmikë që janë aktivë, një ndër ta është edhe ai i bregut Adriatik-Jonian.

Në Shqipëri më të rrezikshme në aspektin e shfaqjes së tërmeteve, territori shqiptar ndahet në disa breza sizmikë që janë aktivë, një ndër ta është edhe ai i bregut Adriatik-Jonian. Nëse i referohemi edhe të shkuarës kanë rënë tërmete të forta mbi 6 Rihter. Durrësi është objekt i goditjeve sizmike. Dimë që edhe nga kronikanët që Durrësi është rrafshuar njëherë.

Pas viteve 90 territori shqiptar nuk ka qenë e administruar edhe Durrësi ka qenë pre. Nëse ne i referohemi gjatë këtyre 30 viteve kemi pasur një zhvillim urban të pamenaxhuar.

Zona perëndimore ka zona që ne i klasifikojmë me truall të dobët në aspektin tekik. Por kjo nuk do të thotë që nuk mund ndë.rtojmë, por duhet të përdorim një metodë tjetër”, tha Muceku.

I pyetur për ndërtesat që u shembën në ish-Kënetë, eksperti shprehet se problemi ka qenë tek themelet, pasi disa prej tyre rezistuan.

Ne i kemi parë me synë që është trualli apo themeli. Trualli aty është i njëjtë, por disa kanë qenë më të zgjuar kanë pyetur. Ata që kanë bërë themele më të thella, ato objekte kanë qendruar. Ato që janë shkatërruar është se themelet e tyre janë shumë të dobëta”, tha ai.

Më tej Demi e pyeti Mucekun për një foto që ka qarkulluar në rrjet ditët e fundit. “Pashë një foto të vitit 1995 të gjirit të Durrësit i gjelbër dhe pashë edhe një të ditëve të sotme. Po ato duken sheshit që janë ndërtuar në vend të pishave në tokë ranore. Në një tokë ranore ti a duhet ta presësh këtë gjë”.

Lidhur me këtë eksperti u përgjigj: “Unë e kam studiuar bregdetin në aspektin gjeotenik. Ka pasur një ligj urbanistik që nuk duhet të ndërtohet në 300 metër. Por për ne studiuesit nuk ka vend që nuk ndërtohet, dua të them që ndërtohet kudo, por në gjithë bregdetin historia ka treguar se në rast të rënies të këtyre tërmetete problemi qendron te themelet. Janë ca tërmete që bien afër dhe godasin godinat e ulëta dhe janë disa tërmete që bien në largësi dhe godasin godinat e larta. Ky tërmet ka dëmtuar më tepër godinat deri në 6-7, por nëse tërmeti do kishte pasur frekuencë të ulët do kishte gditur godinat e ulëta”, tha ai./abcnews.al

termetet-historia-1280x800.jpg
nev ila23:38 | 29/11/2019

Tërmeti i 26 nëntorit i gjunjëzoi shqiptarët.

Ata e paguan me gjak, me jetën e fëmijëve dhe të të afërmve, si dhe me dëme të pallogaritshme ekonomike, këtë goditje të natyrës.

Por më e keqja është se toka nën këmbët e tyre vazhdon të lëvizë. Goditjet sizmike nuk kanë të sosur, teksa një pjesë e tyre sërish janë të frikshme.

Por çfarë po ndodh? Përse po lëviz nëntoka e Shqipërisë?

Çfarë thotë shkenca për rrezikun e përsëritjes së tërmeteve shkatërruese?

Tërmetet, në të gjithë botën ndodhin përgjithësisht pranë pikëtakimit të pllakave tektonike, të cilat lëvizin ngadalë, por në mënyrë të vazhdueshme nën ndikimin e nxehtësisë së bërthamës së tokës.

Shqipëria gjendet në kufirin e përplasjës së dy pllakave tektonike, – mikropllakës Adriatike dhe pllakës Euro-aziatike.

Pikërisht fërkimi apo përplasja, e përcaktuar në thellësinë deri në 40 kilometër, e mikropllakës Adriatike, me orogjenin shqiptar, shkakton edhe pothuaj të gjitha tërmetet që ndihen në territorin tonë.

Zona e Durrësit, është zona më aktive sizmike, kjo për shkakun se, jo vetëm që ndodhet në ballë të frontit të kontaktit mes pllakave tektonike, por përbëhet edhe nga formacione sedimentare të paqëndrueshme.

Për rrjedhojë historia flet për një numër të madh tërmetesh shkatërrues.

Pikërisht një historik të plotë të tërmeteve më të mëdhenj të ndodhur në trojet shqiptare, pasojat nga se shkaktohen dhe shkallën e rrezikshmërisë, trajton dokumentari më i ri i ciklit ABC STORY, që do të shfaqet sot në mbrëmje, në orën 22:20, në televizionin ABC NEWS. /abcnews.al

 

 

1-Albania-quake-on-1-per-yr-MMI-crop-1280x887.jpg
ent ela14:29 | 28/11/2019

Dr Brian Baptie, një sizmolog nga BGS, tha për “Daily Mail” se në Itali në vitin 2016 pati një seri tërmetesh më të vogla pas tërmetit 6.1 dhe 6.2 të ndjekur nga një tërmet më i madh prej 6.5 ballësh tre muaj më vonë.

Tërmetet e fundit në Shqipëri, Bosnje dhe Kretë janë të gjithë pjesë e të njëjtës tufë tërmetesh, tha një ekspert nga Studimi Gjeologjik Britanik (BGS), raportoi britanikja “DailyMail”. Shqipëria u trondit nga një dridhje me madhësi 6.4 në orët e para të mëngjesit të së martës, dhe një seri pas-goditjesh të forta. Dridhjet u ndjenë në të gjithë Evropën Jug-Lindore, përfshirë në Maqedoninë e Veriut dhe Bosnjën.

“Tërmetet vijnë në grupime ose sekuenca që mund të bëjnë të duket sikur ndodhin më shumë brenda një periudhe të shkurtër kohe”, tha Dr Brian Baptie, një sizmolog nga BGS.

Një tërmet i madh mund të shkaktojë një seri tërmetesh më të vogla në formën e tërmeteve, dhe madje edhe një tërmet më të madh pak më vonë në të njëjtën linjë, thotë Dr Baptie. Në Shqipëri, tërmeti prej 6.5 ballësh, u shoqërua nga një seri tërmetesh të forta.

Dr Baptie thotë se ata vijnë në një “kaskadë” me tërmetet më të vogla pas tërmetit të madh. “Në Itali në vitin 2016 pati një seri tërmetesh më të vogla pas tërmetit 6.1 dhe 6.2 të ndjekur nga një tërmet më i madh prej 6.5 ballësh tre muaj më vonë,” tha ai. /abcnews.al

profesori-serb-1280x633.jpg
ent ela12:34 | 28/11/2019

Profesori serb Dragan Milovanovic tha për RTS, se tërmetet që pasuan tërmetin e mëngjesit të së martës në Shqipëri, kanë qetësuar tokën. Ai tha gjithashtu se tërmeti në Shqipëri është një tjetër shenjë që duhet të punojmë dhe të ndërtojmë siç duhet.

Profesori serb i Minierave dhe Gjeologjisë Dragan Milovanoviç tha për Radio televizionin shteteror serb RTS se tërmetet pasuese në rajon, pas tërmetit që ra në Shqipëri kanë qetësuar tokën.

Ky proces ka vazhduar për qindra miliona vjet, dhe ne jemi pjesë e një hapësire që shkon nga Alpet në Himalajet, me një pllakë afrikane poshtë nesh, tha ai, duke shtuar se është një hapësirë potencialisht e përshtatshme për tërmete dhe vullkane. Ai shtoi se kjo është një hapësirë për tërmete me intensitet mesatar, dhe deri tani ka treguar se priten tërmete të tilla. Ai tregoi se ato nuk ishin ciklike dhe se kjo nuk mund të parashikohej, dhe se ishte një proces që po ndodhte mbi njëqind kilometra, mijëra kilometra në gjatësi.

Ato janë vetëm blloqe të një pllake të madhe, theksoi Milovanoviç. Ai shtoi se këto tërmete në Shqipëri nuk ishin në një thellësi të madhe, në tetë dhe 12 kilometra.

Nëse është më i thellë, atëherë është me më pak intensitet, por nëse është më i thellë ai ka aftësinë të krijojë llavë gjatë procesit të tij, kështu që Etna mund të zgjohej përsëri. Ai tha se ka pasur një shpërthim të Etnës pesë ose gjashtë herë, por nuk ka pasur asnjë tërmet megjithatë.

Mesatarisht 1.500 tërmete “më të lehtë” ndodhin çdo vit në Serbi dhe vendi është në një zonë me intensitet mesatar. Ai theksoi se njerëzit flasin për tërmetet vetëm kur ato ndodhin.

“Tërmetet me intensitet të mesëm priten në këtë zonë, le të ndërtojmë shtëpi dhe ndërtesa që do t’i rezistojnë,” tha ai, duke theksuar se ndërgjegjësimi është i rëndësishëm. Ai tha se tërmeti në Shqipëri është një tjetër shenjë që duhet të punojmë dhe të ndërtojmë siç duhet. /abcnews.al

xhakaaaaaa.jpg
Veronik Istrefaj19:56 | 27/11/2019

Mesfushori me origjinë shqiptare, Granit Xhaka, nuk ka mundur të qëndrojë larg ngjarjeve tragjike që kanë ndodhur orët e fundit në Shqipëri.

Lojtari i Arsenalit ka postuar në Instagramin e tij një thirrje për të gjithë shqiptarët që të ndihmojnë të prekurit nga tronditjet e tërmetit, me anë të një llogarie bankare.

Në postimin e Granit Xhakës, shkruhej: “Jam shumë i prekur me tragjedinë e vëllezërve tanë në Shqipëri, të prekur nga tërmeti. Familja ime ka bërë burg për Shqipërinë dhe ne jemi rritur me dashurinë për vendin amë.

Ndaj bëj thirrje, që në këtë ditë kaq të vështirë për popullin shqiptar, të ndihmojmë me të gjitha mënyrat që mundemi. Gjithmonë bashkë, në të mirë e në të keq”./abcnews.al

Pogba.jpg
Veronik Istrefaj19:39 | 27/11/2019

Paul Pogba është një ndër futbollistët më të njohur në botë dhe ndiqet nga miliona persona në rrjetet sociale.

Ylli francez ka një ndikim të madh me postimet e tij dhe ka vendosur t’i shfrytëzojë për një kauzë të mirë, duke i bërë thirrje të gjithëve që të luten për botën dhe Shqipërinë.

Vendi ynë është tronditur nga shumë tërmete të fuqishme, të cilët kanë marrë dhe jetë njerëzish. Ditë tragjike për Shqipërinë dhe e gjithë bota është në mbështetje të popullit tonë./abcnews.al

Laçi-Superiore.png
Veronik Istrefaj20:21 | 26/11/2019

Aleksandar Ignjatovic, mbrojtësi i Laçit, ka dhënë një intervistë për Blic Sport, aty ku ka treguar makthin që ka kaluar në momentin e tërmetit. Në fjalën e tij, futbollisti serb tha:

“Kalova një natë të tmerrshme. Sapo u kthyem nga ndeshja kundër Partizanit në Elbasan. Tërmeti më i madh ra në momentin më të keq në orën 4 të mëngjesit, kur të gjithë ishim në gjumë. U zgjova nga tronditjet e mëdha, po dridhesha për 20-30 sekonda. Më dukej sikur isha në avion, turbulenca ishte e jashtëzakonshme. Jam i shokuar, ishte nata më e keqe e jetës time.

Muret e shumë ndërtesave në Tiranë janë dëmtuar, por më e keqja ka ndodhur në Durrës, aty ka shumë pasoja. Impakti i tërmetit ishte shumë i madh. I gjithë qyteti doli në rrugë, kur ra tërmeti më i madh. Deri në 7-8 të mëngjesit ishim jashtë.

Laçi e ndërpreu stërvitjen, sot supozohej të stërviteshim. Do të shohim se çfarë do të komunikojnë drejtuesit e Federatës, por besoj se do të shtyhen ndeshjet (kështu ka ndodhur). Situata ishte shumë alarmante dhe të jem i sinqertë kisha frikë për jetën time në ato çaste. Dua t’i uroj shëndet të mirë të gjithë popullit serb dhe shpresoj që kjo situatë të mos përsëritet atje, por jo vetëm, dhe në asnjë vend të botës”, përfundoi Ignjatovic./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono