terheqje

czezh.jpg
G. P.14:58 | 11/09/2019

Presidenti i Republikës së Çekisë, Zeman, ndodhet për një vizitë në Beograd ku është pritur nga presidenti i Serbisë, Aleksandër Vuçiç. Një ditë më parë ai u shpreh se nuk i pëlqente Kosova dhe sipas mediave serbe, ai ka shtuar se njerëzit e luftës nuk duhet të kenë vend në institucionet demokratike.

Në një deklaratë të përbashkët për shtyp me homologun serb Vuçiç, Zeman paralajmëroi se shteti i tij do të shqyrtojë tërheqjen e njohjes për pavarësinë e Republikës së Kosovës brenda një muaji.

Presidenti Zeman, roli i të cilit në Çeki është vetëm ceremonial, e ka pranuar se për një gjë të tillë duhet të vendosin institucionet tjera të shtetit, duke shtuar se nuk mund të imponojë qëndrimin e tij.

Zeman tha se shpreson që të marrë përkrahjen e Ministrit të Mbrojtjes, Lubomir Mentar, i cili kishte deklaruar se ishte një gabim diplomatik, vendimi për njohjen e pavarësisë së Kosovës./ABC News Albania 24/7

djokovic-us-open-2019-day-1-preview-1280x720.jpg
G. P.19:45 | 02/09/2019

Raketa kryesore dhe numri 1 në botë për meshkuj, serbi Novak Djokoviç është tërhequr nga gara me zviceranin Vavrinka e vlefshme për 1/8 e finaleve të US Open. Një dhimbje në shpatull ka kushtëzuar vazhdimin e tij.

Raketa nr. 1 në botë, serbi Novak Djokoviç tërhiqet nga gara në US Open. Shkak, një dhimbje e madhe në shpatull. E kështu është zvicerani Vavrinka që avancon në çerekfinalet e turneut.

Ka provuar gjatë gjithë këtij takimi Novak, por dhimbja e cila e ka shoqëruar gjatë gjithë kohës ka qenë këtë radhë fatale për vijimësinë e tij. Sidoqoftë deri në vendosjen e tërheqjes nga gara, Vavrinka ishte në avantazhin 2-0 me dy setet e para të fituara: 6-4, 7-5. Kështu turneu amerikan humbet favoritin kryesor për marrjen e këtij Grand Slam-i në tenis, teksa në çerekfinale, Vavrinka do të përballet me Danil Medvedev.

“Tashmë do të më duhet të konsultohem me stafin tim për të kuptuar se si duhet të kurohem për këtë dhimbje në shpatull. Mendoj të marr ca kohë pushim për të kuptuar më shumë dhe për të vlerësuar këtë dëmtim”, kështu shpjegon Novak pas tërheqjes së tij nga gara në 1/8 e US Open.

Sidoqoftë deri në vendimin e lënies së garës dukej edhe vetë që sfida me zvicerianin e kishte lënë vetë Novak që humbiste 2-0. Seti i parë me një kontroll të ndeshjes të plotë nga Vavrinka i cili është shumë i saktë edhe në 8 ace-et e realizuara. Pas setit të parë duket sikur fiton terren numri 1 në botë për tenis dhe arrin të gjejë avantazhin por më pas gjithçka ekuilibrohet në barazimin me game 4-4.

Në këtë moment Djokoviç nis të ndiejë shumë më tepër dhimbje, por gjithçka e mbyll në favorin e tij Vavrinka 7-5 dhe arrin të bëjë të tijin setin e dytë. Përfundimisht nuk ia del, dhe Novak nuk vijon më garën e kështu në çerekfinale përballet me rusin Medvedev./ABC News Albania 24/7

LUAN-RAMA-1.jpg
G. P.15:44 | 19/06/2019

Lëvizja Socialiste për Integrim i bën thirrje kryeministrit dhe institucioneve që zbatojnë urdhrat e qeverisë të tërhiqen. Nëse kjo nuk ndodh  zëvendëskryetari i LSI-së Luan Rama paralajmëron revoltë të pamëshirshme.

“Përballë një situate kriminale zgjedhjesh natyrisht edhe produkti nuk mund të jetë i ndryshëm. Zgjedhjet me kriminelë prodhojnë qeverisje me kriminelë. Zgjedhjet em banda prodhojnë qeverisje banditeske. Ajo çfarë duhet bërë në këtë moment është tërheqja e menjëhershme e qeverisë dhe të gjitha institucioneve që zbatojnë nën urdhrat e saj dhe jo ligjin sepse përndryshe revolta, zemërimi popullor do të jetë i pamëshirshëm përballë të gjithë atyre që veprojnë në kundërshtim me ligjin”, tha Luan Rama./ABC News Albania 24/7

pompeo.jpg
G. P.22:31 | 10/01/2019

Në përpjekje për të qetësuar aleatët në Lindjen e Mesme, sekretari amerikan i Shtetit ka deklaruar se Shtetet e Bashkuara nuk do të largohen nga Siria dhe gjithë rajoni pas mposhtur më parë influencën dashakeqe iraniane.

Shtetet e Bashkuara do të punojnë në rrugë diplomatike me partnerët e tyre për të dëbuar çdo iranian nga territori i Sirisë. Deklarata është bërë nga sekretari i Shtetit Mike Pompeo, gjatë një vizite zyrtare në Egjipt, tre javë pas njoftimit të presidentit Donald Trump për tërheqjen e trupave amerikane nga Siria.

Gjatë vizitës, Pompeo siguroi zyrtarët egjiptianë se Shtetet e Bashkuara nuk do të ndihmojnë në rimëkëmbjen e Sirisë në ato zona të kontrolluara nga presidenti Bashar al Assad derisa Irani të jetë larguar nga vendi. Vendimi i mëhershëm i Trump shqetësoi aleatët e Amerikës dhe njëkohësisht shkaktoi kritika të shumta në Uashington. Zoti Pompeo, që po përpiqet të qetësojë aleatët, tha se Amerika nuk do të tërhiqet derisa lufta kundër terrorizmit të marrë fund.

“Ne do të punojmë pa u lodhur përkrah jush për të mposhtur Shtetin Islamik, Al Kaedën dhe grupe të tjera xhihadiste që kërcënojnë sigurinë tonë dhe tuajën”, deklaroi Pompeo.

Një deklaratë kjo që bie disi ndesh me atë kategorike të presidentit Trump për tërheqjen e trupave.

“Amerika është një forcë pozitive në Lindjen e Mesme dhe kudo që ajo tërhiqet pason kaosi”, shtoi Pompeo.

Irani, përkrah Rusisë, ka mbështetur qeverinë siriane në luftën 8-vjeçare, duke i dhënë armë, asistencë ushtarake dhe madje trupa luftarake. Shtetet e Bashkuara nga ana e tyre i konsiderojnë aktivitetet iraniane në Lindjen e Mesme të dyshimta dhe e shohin Republikën Islamike si një forcë destabilizuese në rajon.

“Ne nuk do ta ndërpresim kurrë fushatën tonë kundër aktiviteteve dashakeqe në këtë rajon”, vijoi Pompeo.

Ai shtoi se sanksionet e administratës amerikane ndaj Iranit janë më të ashprat në histori dhe do të ashpërsohen më tej në të ardhmen./abcnews.al

uai1ddlo_donald-trump_625x300_06_August_18.jpg
G. P.08:26 | 22/12/2018

Pas Sirisë, Donald Trump ka në plan të tërheqë edhe trupat nga Afganistani. Por lëvizjet surprizë të presidentit amerikan kanë shqetësuar aleatët e Shteteve të Bashkuara në Europë, që druhen se vendime të tilla mund të kenë pasoja të rënda për sigurinë globale.

Pas Sirisë, administrata e presidentit Donald Trump po planifikon të tërheqë disa mijëra trupa nga Afganistani. Mediat amerikane, të cilat citojnë burime të mirinformuara, bëjnë me dije se rreth 7 mijë trupa, thuajse gjysma e pranisë ushtarake amerikane në Afganistan, mund të kthehen në shtëpi brenda pak muajsh.

Edhe pse lajmi nuk ka gjetur ende një konfirmim zyrtar, analistët paralajmërojnë se një tërheqje e mundshme do të kishte efekte shkatërruese dhe do t’u ofronte talebanëve një shans për të propaganduar fitoren. I kontaktuar nga agjencia e lajmeve AFP, një zëdhënës i militantëve ka deklaruar: “Ne nuk e prisnim një reagim të tillë nga Shtetet e Bashkuara, por jemi shumë të lumtur”.

Njoftimi vjen pak ditë pas atij për tërheqjen e menjëhershme nga Siria, lëvizje kjo që detyroi sekretarin e Mbrojtjes, Jim Mattis të jepte dorëheqjen nga posti dhe që ka shkaktuar frikë tek aleatët europianë të Amerikës. Presidenti francez Emmanuel Macron i ka dërguar një mesazh Trump, ku i thotë: “Kujdes! Mendoj se është paksa si herët për ta bërë këtë”.

Ndërsa ministrja gjermane e Mbrojtjes, Ursula Fon der Lejen ka deklaruar se Shtetet e Bashkuara duhet të jenë më të qarta sa u takon vendimeve të tyre, pasi ato kanë një impakt të rëndësishëm në sigurinë globale. Sekretari Mattis shihej në Europë si një mbështetës i palëkundur i NATO-s, ndryshe nga shefi i Shtëpisë së Bardhë, që disa herë ka paralajmëruar se Shtetet e Bashkuara mund ta braktisin Aleancën ushtarake.

Veç Europës, me shqetësim ndaj largimit të Mattis kanë reaguar edhe Japonia dhe Korea e Jugut, të cilat e shohin Amerikën si aleat të rëndësishëm kundër fuqizimit ushtarak të Kinës. Edhe qeveria në Afganistan, ku Mattis ka shërbyer si gjeneral i trupave amerikane, ka mbetur e shtangur nga dorëheqja e tij./abcnews.al

aleksander-vucic-1.jpg
G. P.22:59 | 07/12/2018

Serbia pretendon se ka ndikuar në terheqjen e pavarësisë së Kosovës nga 12 vende. Presidenti Aleksandër Vuçiç thote gjithashtu se SHBA-të mbështesin Kosovën pavarësisht kundërshtive për krijimin e ushtrisë.

Serbia pretendon se ka ndikuar në tërheqjen e pavarësisë së Kosovës nga 12 vende. Pavarësisht se Ministria e Jashtme e Kosovës përgënjeshtroi lajmin për tërheqjen e njohjes nga Madagaskari, presidenti serb, Aleksandër Vuçiç, thotë se kjo është e vërteta.

Aleksandër Vuçiç, President i Serbisë: Kam biseduar në mëngjes me ministrin e Punëve të Jashtme të Madagaskarit dhe i falëndëroj shumë. Për ne kjo është e rëndësishme dhe tregon se Serbia mund të luftoj për interesat e saj, kjo nuk do të na shpëtoj, por i falëndëroj”.

Vuçiç tha se amerikanët do të jenë me Kosovën pavarësisht kundërshtive me ushtrinë. Ai duke komentuar deklarimet e ambasadorit amerikan në Prishtinë ka theksuar se nuk ka thënë kot se Kosova e ka edhe nënë edhe baba Amerikën.

Aleksandër Vuçiç, President i Serbisë: Andaj ne ikim nga cdo problem, e dimë që kjo është fuqia më e madhe në botë, janë të fuqishëm dhe nuk kujdesen pasi na kanë sulmuar një herë dhe andaj duhet të ruajmë paqen, njerëzit tanë dhe interesat. Do të ishte qesharake të tregojmë forcat Amerikës, jemi shumë të vegjël”.

Serbia, pavarësisht masave për prodhimet, duket se nuk ka ndaluar ofenzivën diplomatike kundër pavarësisë së Kosovës./abcnews.al

AMBASADORJA-AMERIKANE-UNMIK.mpg_snapshot_00.01.jpg
G. P.13:02 | 17/10/2018

Pak para se të jepte dorëheqjen nga posti i ambasadores së Shteteve të Bashkuara të Amerikës në Organizatën e Kombeve të Bashkuara, Niki Halei kërkoi largimin e misionit të UNMIK nga Kosova.

Të njëjtën ditë që dha dorëheqjen si ambasadorja e Shteteve të Bashkuara të Amerikës në OKB, Niki Halei i dërgoi një letër sekretarit të përgjithshëm të Organizatës së Kombeve të Bashkuara. Në këtë letër ajo kërkonte që misioni i OKB-së në Kosovë, UNMIK, të largohej nga Kosova. Në letrën dërguar Antonio Guterres, që mban datën 9 tetor, shkruhej ndër të tjera se ajo mbështeste reformat në axhendën e misioneve paqeruajtëse, dhe ëshët e gatshme të bashkëpunojë për rezultate dhe më të mira.

Më tej ajo shkruan se prej disa vitesh, misioni i OKB-së në Kosovë, UNMIK, ka qenë shembull i menaxhimit të suksesshëm të një konflikti, nga Kombet e bashkuara.
“Suksesi i Kosovës, i shënuar dhe nga 10 vjetori i pavarësisë, duhet të jetë një arsye për të festuar dhe simbol i një kontributi të madh i Organizatës së Kombeve të bashkuara për paqen dhe stabilitetin në Europë. Për këtë arsye, i kërkoj sekretariatit që me autoritetin e tij të nisë tërheqjen e UNMIK nga Kosova,” përfundon letra./abcnews.al

british-parliament.jpg
G. P.17:38 | 14/03/2018

Mbretëria e Bashkuara ka dëbuar 23 diplomatë të Rusisë lidhur me helmimin me substancë kimike të një ish spiuni rus. Gjithashtu Londra ka kërkuar një mbledhje urgjente të Këshillit të Sigurisë në Kombet e Bashkuara për të diskutuar për vrasjen e mbetur në tentativë.

Klimë shumë e tensionuar mes Londrës dhe Moskës për rastin e ish-spiunit rus, Sergej Skripal, të helmuar në Britani bashkë me të bijën Yulia. Kryeministrja, Theresa May, pasi Kremlini refuzoi të japë shpjegime për helmimin me agjent kimik, ka njoftuar dëbimin e 23 diplomatëve ruse, numri i dytë më i madh i dëbimeve në historinë e Mbretërisë së Bashkuar.

“Diplomatët kanë një javë kohë për tu larguar nga vendi”, tha May gjatë ndërhyrjes në parlamentin britanik.

Kryeministrja fajësoi Moskën si përgjegjëse për sulmin me agjent nervor kundër Skripal dhe të bijës.

“Shteti rus është fajtor për vrasjen e mbetur në tentativë”, u shpreh shefja e qeverisë së Londrës para deputetëve. Gjithashtu bëri me dije se ka revokuar çdo ftesë të ardhshme apo vizitë të ministrit të Jashtëm rus, Sergej Lavrov në Britaninë e Madhe.

Gjithashtu May njoftoi vendosjen e masave ligjore që synojnë të godasin pasuritë në Mbretërinë e Bashkuar të biznesmenëve dhe funksionarëve rusë, për të cilët dyshohet se kanë lidhje me helmimin e Skripal në qytetin Salisbury. Shefja e qeverisë njoftoi se do të ngrijë çdo aset të shtetit rus, pasi ka dyshime se përdoren për qëllime armiqësore.

Më herët, Mbretëria e Bashkuar kërkoi organizimin e një mbledhje urgjente të Këshillit të Sigurisë në Organizatën e Kombeve të Bashkuara për të diskutuar lidhur me sulmin kundër Sergei Skripal.

Ndërkohë, nga ana tjetër, Rusia pretendon se nuk ka dorë në çështjen e helmimit me substancë kimike të Skripal. Ndërsa thotë se gjuha e përdorur nga Britania, ajo e ultimatumit, është e papranueshme. Në një reagim të fundit të Kremlinit, zëdhënësi Dimitri Peskov thotë se shpreson që mirëkuptimi të mbizotërojë në shtetet e tjera dhe të kuptojnë që Londra nuk ka prova që vërtetojnë përfshirjen e Moskës.
Sergei Skripal dhe e bija Yulia u sulmuan më 4 Mars në qytetin Salisburi dhe janë në gjendje të rëndë shëndetësore, por që nuk rrezikojnë jetën./abcnews.al

vlcsnap-error377-1-1280x720.jpg
G. P.19:21 | 27/02/2018

Greqia tërheq rezervën për Vulën Apostile ndaj Shqipërisë. Ky vendim i qeverisë greke ka një ndikim pozitiv praktik kryesisht për qytetarët shqiptarë që jetojnë e punojnë në Greqi. Heqja e Vulës Apostile lehtëson dhe përshpejton procedurat e marrjes së dokumenteve të lëshuara nga institucionet shqiptare dhe greke, si dhe ul ndjeshëm kostot e lëshimit të këtyre dokumenteve.
Vetëm gjatë vitit 2017, kostot e përballuara nga qytetarët shqiptarë për shkak të aplikimit të vulës apostile nga autoritetet greke kanë kapur vlerën 6.7 milionë euro.
Ky vendim i qeverisë greke vjen në kuadër të bashkëpunimit Shqipëri-Greqi për çështjet e mbetura pezull prej një kohe të gjatë./abcnews.al

vlcsnap-error647-1280x720.jpg
G. P.19:10 | 21/02/2018

Ministri i Bujqësisë dhe Zhvillimit Rural, Niko Peleshi ka zhvilluar një takim me sipërmarrësit, dhe operatorët që kryejnë aktivitetin e tyre në fushën e industrisë së mishit dhe të përpunimit të qumështit.

Takimi është organizuar në kuadër të iniciativës të marrë nga Autoriteti Kombëtar i Ushqimit me qëllim sensibilizimin dhe inspektimin e këtyre bizneseve.

Peleshi i ka bërë thirrje bizneseve që tërhiqni nga raftet e supermarketeve të gjitha prodhimet që janë jashtë standardeve të lejuara. Nga ana tjetër ai tha se bizneset duhet të plotësojnë formularin, i cili ka për qëllim rritjen e standarit të sigurisë ushqimore dhe uljen e gjobave ndaj këtyre bizneseve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono