Tensione

serbi.jpg
in a15:19 | 13/01/2020

Kisha Ortodokse Serbe është ftuar nga pushteti malazez që të negociojë për të gjetur një zgjidhje pas tensioneve të krijuara për shkak të ligjit për liritë fetare. Kisha serbe kërkon mbrojtje nga Gjykata Kushtetuese e Malit të Zi. Konflikti mes të dyja vendeve është thelluar dhe përvec incidenteve, është ngritur në nivel politik.

Kisha thotë se nuk janë respektuar rekomandimet e Komisionit të Venecias. Drejtësinë do ta kërkojë në Gjykatën Kushtetuese të Malit të Zi dhe rrugët e drejtësisë. Ligjin e konsideron të padrejtë.

“Këtu qëndron që vetëm një kohë të caktuar mund të shfrytëzohen objektet përderisa organi përkatës i administratës shtetërore të mos vendosë kujt do t’ia japë në shfrytëzim apo edhe do ti shesë, edhe kjo është e mundshme”,  u shpreh avokati i Kishës Ortodoske Serbe, Mirosllav Nikollic.

Tensionet kanë vazhduar edhe pas futjes në fuqi të ligjit. Në dhjetëra vende u bë lutje për ndihmë hyjnore. Por, si u bë që dy popuj që quhen vëllezër u futën në konflikt. Mali i Zi shpalli pavarësinë në vitin 2006. Ky është Mirash Dedeic, patriarku i dytë i kishës ortodokse malazeze, e pa pranuar. Shpesh ka thënë se nuk ka shtet pa kishë të pavarur. Serbët mendojnë se arsyet janë politike. Por, në Mal të Zi vepron dhe një kishë e dytë malazeze- sërish e panjohur. Ky grup thonë se kisha ka qenë e pavarur dhe si në këngë, nënë, e quajnë Malin e Zi.

Politikisht nuk kanë qenë në paqe që nga pavarësia. Kur Podgorica njohu Kosovën u dëbua ambasadori malazez.

Në këtë ceremoni, Ministri i Mbrotjes ndëroi liderin e opozitës malazeze, Andrija Mandic,  si ish ushtarak për mbrojtjen e shtetit, në vitin 1999, gjatë bombardimeve të NATO-së.

Jaksha Shcekic, është analist. Familjen i ka me origjinë nga Mali i Zi, vet është një beogradas. Problemi thotë është i thellë.

“Thelbi është që shumica në Serbi nuk e pranon kombin malazez dhe konsiderojnë që ata janë serb dhe shpresojnë që një ditë do të jetë një shtet. Mendoj se të dyja palet do të bëjnë kompromis për të gjetur një zgjidhje”, tha më tej analisti Jaksha Shcekic.

Konflikti mes të dyja vendeve shumë shpejt kaloi në nivelin politik. Dëbimi i mundshëm i Kishës Ortodokse Serbe vlerësohet si veprim që konfliktin mund ta bëjë edhe më të thellë./abcnews.al

te.jpg
in a07:50 | 10/01/2020

Shtetet e Bashkuara të Amerikës bënë të ditur se janë të gatshme për bisedime serioze me Iranin pas përshkallëzimit të tensioneve mes dy vendeve. Lajmin e ka konfirmuar vetë ambasadori amerikan në OKB, Kelly Craft.

“Jemi të gatshëm të angazhohemi pa parakushte në biseda serioze me Iranin, me qëllim parandalimin e rrezikut të mëtejshëm të paqes dhe sigurisë ndërkombëtare ose përshkallëzimit nga ana e regjimit iranian”, deklaroi ambasadori amerikan në OKB Kelly Craft në një letër drejtuar kreut të OKB-së Antonio Guterres dhe Këshillit të Sigurimit të OKB-së.

“Washingtoni ka ndërmarrë veprime të caktuara në ushtrimin e së drejtës së tij për vetëmbrojtje”, tha më tej Craft për vrasjen e gjeneralit iranian Qassem Soleimani.

papa-2.jpg
So Nila18:29 | 09/01/2020

Situata e tensionuar e ditëve të fundit mes SHBA-së dhe Iranit, pas vrasjes së gjeneralit iranian Kasem Sulejmani nga forcat amerikane, ka sjellë reagimet nga lidër të ndryshëm nga e gjithë bota.

Papa Françesku gjatë fjalimit  vjetor, drejtuar ambasadorëve të akredituar në Vatikan ka bërë thirrje Shteteve të Bashkuara dhe Iranit të shmangin përshkallëzimin e situatës. Sipas atit të shenjtë është e rëndësishme që në këtë situatë të ndiqet rruga e dialogut dhe vetëpërmbajtjes, për të parandaluar një konflikt më të gjerë në Lindje të Mesme.

Ndër të tjera në thirrjen e tij Papa është shprehur se tensionet rrezikuan të komprometojnë procesin gradual të rindërtimit në Irak, si dhe të vendosin bazat për një konflikt të madh.

“Veçanërisht shqetësuese janë sinjalet që vijnë nga i gjithë rajoni, pas rritjes së tensioneve midis Iranit dhe Shteteve të Bashkuara”, tha Papa Françesku, diplomatëve nga më shumë se 180 shtete.

Udhëheqësi 83-vjeçar i Kishës Katolike gjatë fjalimit të tij, gjithashtu ka bërë një përmbledhje kryesisht të zymtë të vitit 2019, duke folur për luftëra, ngrohjen globale, ksenofobinë ndaj migrantëve dhe rrezikun e armëve bërthamore. /abcnews.al

 

nesho.jpg
in a14:14 | 09/01/2020

I ftuar në studion e “ABC News” me Juli Xhokaxhi, diplomati Agim Nesho është shprehur se Shqipëria ka vuajtur nga fenomenet që janë në bazë të veprimtarisë së OSBE-së.

“Problemet e qeverisjes në Shqipëri vazhdojnë të jenë problematike. Nuk jemi një vend i pranuar me standarde europiane, jemi shumë larg tyre, por megjithatë kemi ecurinë tonë. I vetmi përfitim nga takimi i OSBE -së do të jetë evidenca e Shqipërisë, mënyra për të diskutuar dhe parashtruar çështjet nga kryeministri. Diplomacia shqiptare sot është në pikën më të ulët”, u shpeh Nesho.

Diplomati Agim Nesho vendimin e Presidentit Trump e cilësoi si një veprim të matur.

“Trump ka vepruar taktikisht në mënyrë të shkëlqyer. Përfaqësuesit që u goditën ishin përfaqësues të militantëve të cilët ishin pjesëtarë të veprimeve destabilizuese në Iran. SHBA-të që në prill të vitit të kaluar e kishin cilësuar si pjesë të organizatave terroriste. Trump ka aftësinë që të merrte vendimim që veprimet e tij të mos shkaktonin një reaksion zinxhir”, tha ai.

Sa i përket reagimit për Shqipërinë Nesho theksoi se organizata terroriste funskionon me një ideologji të saj klerike antiamerikanizmi, që në thelb përmban lufntën kundër perëndimit”, tha Nesho./abcnews.al

kosove-1280x761.jpg
in a13:55 | 09/01/2020

Shqiptarët nga Kosova që punojnë në bazën ushtarake amerikane Al Asad në Irak, një nga dy bazat që u godit nga raketat iraniane, konfirmuan se janë shëndoshë e mirë. F.G 41- vjeç, nga Ferizaj, punëtor i kompanisë amerikane – KBR inc tha për mediat në Kosovë se rreth 200 punëtorë nga Kosova, Maqedonia Veriore, Bosnja e Hercegovina punojnë në këtë bazë dhe që nga ora 21:30 e mbrëmjes së të martës kanë qenë të strehuar në bunkere. Ai ka thënë se janë në gjendje gadishmërie, të veshur me jelekë anti-plumb.

Baza ku punojnë ata është disa kilometra larg Bagdatit. Irani sulmoi dy baza amerikane në Irak në shenjë hakmarrjeje për vrasjen e komandantit të forcave Al Qus, gjeneralit, Qasem Soleimani. Kryeministri në detyrë i Kosovës, Ramush Haradinaj tha se institucionet e Kosovës po i përcjellin më me vëmendje këto zhvillime që prekin edhe jetën e qytetarëve të Kosovës të cilët punojnë përkrah trupave amerikane në këto baza. Qeveria qëndron përkrah SHBA-së, në ofrimin e paqes dhe sigurisë ne botë, tha Haradinaj duke e konsideruar sulmin akt të rëndë agresioni ndaj SHBA-së.

Presidenti i Kosovës, Hashim Thaçi dënoi sulmet raketore iraniane kundër forcave amerikane dhe aleatëve të vendosura në Irak që janë të fokusuara në mposhtjen e ISIS. Ai nënvizoi se Kosova është anëtar zyrtar i Koalicionit dhe i bëri thirrje Iranit që të dekurajojë dhunën. Presidenti i Kosovës theksoi se Kosova mbetet në mbështetje të SHBA-së dhe familjes atlantike në këtë kohë trazirash.

Ndërkohë Maqedonia e Veriut ka thënë se për momentin nuk ka asnjë arsye për t’u shqetësuar për praninë e organizatave joqeveritare në vendet që lidhen me Iranin, pasi Maqedonia Veriore nuk është në interes të tyre. Ministrja e Mbrojtjes, Radmilla Shekerinska tha se marrëdhëniet diplomatike të Maqedonisë me Iranin janë shumë modeste dhe se vendi nuk ka çështje të hapur me Iranin. Ministrja maqedonase e Mbrojtjes theksoi gjithashtu se nuk duhet të përjashtohet rreziku i radikalizimit nga strukturat islamike që kthehen nga frontet e ndryshme./abcnews.al

a007a219-ad9a-4eff-8a36-af61f5d7258c-1280x720.jpg
in a09:57 | 09/01/2020

I ftuar në ABC e mëngjesit” me Enkel Demin, ish – kreu i Shërbimit Informativ Shtetëror, Fatos Klosi ka folur për përplasjen mes SHBA-së dhe Iranit.

“Shqipëria është më e gatshme për të dëgjuar këshillat e SHBA-së. Jemi aleatë të mirë të amerikës, te ne amerikanët kanë gjetur një zgjidhje për çështjen e muxhahedinëve. Duhet theksuar se nuk janë terroristë. Kur kemi marrë përsipër pranimin e tyre kemi marrë përsipër edhe përgjegjësitë. Edhe ata vetë janë të përgatitur, kanë një sistem mbrojtës”, u shpreh Klosi.

Më tej ai theksoi se Iranianët treguan që i kanë mundësitë për të sulmuar.

“Iranianët e bënë detyrën, treguan se i kanë mundësitë për të sulmuar. Të dy palët treguan që nuk është kollaj të përplasesh, ky ishte qëllimi i të dyja deklaratave që u bënë nga ana e SHBA-ve dhe Iranit”, u shpreh Klosi.

Çfarë ndodhi

Në fjalimin e tij pas sulmit me raketa ndaj dy bazave ushtarake amerikane në Irak, lideri suprem i Iranit Ali Khamenei, krahas akuzave ndaj SHBA-ve, duket t’i jetë referuar edhe Shqipëria duke e “nxirë” vendin tonë në sytë e iranianëve.

Ajatollah Khamenei foli për “një vend shumë te vogël, por shumë i keq europian, ku amerikanët bashkepunojne me tradhtarët e Iranit kundër Republikës Islamike”, raporton abcnews.al.

Me termin tradhtar, Khamenei i referohet muxhahedinëve të MEK, ndërsa Shqipëria është vendi i vetëm europian, në të cilin ata janë strehuar.

Përplasjet SHBA – Iran, shtohen masat e sigurisë në kampin e muxhahedinëve në Manzë

Nga fjalimi duket se Khamenei i referohet pikërisht Shqipërisë edhe pse nuk e përmend me emër. /abcnews.al

bbb-1280x657.jpg
in a09:50 | 09/01/2020

Gjenerali i SHBA- së Michael Bambero në një aktivitet ditën e sotme në Tiranë, ka folur për përplasjet SHBA- Iran duke u ndalur edhe te investimet kineze.

“Investimet e Kinës mund të duken mjaft të favorshme tani, por nëse i shohim në një prizëm afatgjatë janë dëmtuese për vendin. Momentalisht kemi problem terrorizmin, por në plane afatgjate janë investimet kineze ,një problem kryesor”, u shpreh Bambero.

Më tej ai theksoi se nisma të tilla janë të rëndësishme dhe se duhen marrë parasysh. Bambero u ndal edhe te vrasja e gjeneral Kasem Sulejmanit duke u shprehur se ishte personi i dytë më i fuqishëm në Iran.

“Kasem Sulejmani ishte personi i dytë më i fuqishëm në Iran. Të gjitha pikat që kishin paqëndrueshmëri të stabilitetit ishin gjurmët e tij. Luftimet në Siri nuk do të ndodhnin nëse nuk do të jepte urdhëra Sulejmani. Sulmet e dhunshme ishin të udhëhequra nga vet ai. Javën e kaluar patëm një sulm në Ambasadën tonë në Bagdad dhe për këtë arsye presidenti Trump kundërveproi. SHBA ka nevojë që të punojë brenda Irakut. Ka pasur disa shenja për të filluar dialogun”, u shpreh ai.

Edhe pse tha se nuk ka një rrezik për konflikt global, gjenerali Barbero tha se NATO do të reagojë ndaj çdo sulmi që mund ti bëhet ndonjë vendi anëtar.

“Nuk mendoj se ka një konflikt global në horizont. NATO duhet të intensifikojë mbështetjen e operacioneve në Irak.  NATO është një aleancë që vazhdon të jetë e rëndësishme dhe vepron në mënyrë të përshtatshme. Mendoj që NATO do të reagojë  ndaj  çfarëdo lloj sulmi do ti bëhet ndonjë prej shteteve anëtarë të saj. Me Kinën nuk ke asnjë drekë falas, në Lindjen e mesme Kina ka qenë gjithmonë atje. Kërcënimi që vjen nga Kina është se përpiqet të ndikojë veprimet. Është një financim i shpejtë por në një afat kohe të gjatë nuk është ekonomik”, deklaroi Bambero.

I pyetur se nëse ka ndonjë mundësi bllokimi që vjen nga Irani dhe nëse ndodh, cilat do të jenë ndërlikimet në sektorin e energjitikës, ai theksoi se është ende herët për të dhënë një përgjigje.

“Ata janë përpjekur për ta ndaluar, egziston një mundësi, do presim ditët e ardhshme  të cilat do të tregojnë se çfarë do të ndodhi. Është akoma shpejt për të thënë se cilat janë qëllimet e Iranit”, tha Bambero.

/abcnews.al

analisti.jpg
ger ta21:44 | 08/01/2020

Nga Podgorica në një lidhje direkte për emisinin “Ballkan”, analisti Bojan Bozovic foli për ligjin për pronat e klerit dhe liritë dhe të drejtat fetare, që ka shkaktuar tensione në Mal të Zi.

Intervista e plotë:

Bojan, çfarë po ndodh në Malin e Zi?

Kemi një ligj të ri, ligjin për liritë fetare dhe ligji i ri garanton liri të plotë besimi për të gjithë besimtarët dhe pozicion të barabartë për të gjitha komunitetet fetare në Malin e Zi si dhe liri të plotë për jo-besimtarët. Cili është problem me ligjin e ri? Vendos të drejtat pronësore për objektet dhe qendrat fetare që përfaqësojnë trashëgiminë kulturore të Malit të Zi që është ndërtuar në shekuj pjesërisht edhe me të ardhurat nga shteti.

Sipas ligjit të ri, komunitetet fetare duhet të provojnë që e zotëronin pronën para 1918-tës, kur mbretëria e Malit të Zi iu bashkangjit mbretërisë së Serbise. Nëse ata nuk provojnë ose nuk mund të provojnë pronësinë, shteti do të marrë përsipër pronësinë e pronës së tyre, dhe kisha ortodokse serbe thotë se shteti malazez apo qeveria malazeze duan t’ua marrin këto asete. Eshtë shumë e rëndësishme të thuhet se sipas ligjit të ri, komunitetet fetare do të duhet të paraqesin dëshmi të qartë të pronësisë për të rimarrë pronat e tyre, një nen për të cilin kisha ortodokse serbe thotë së është dizajnuar për të lejuar qeverinë për t’i zhveshur nga pronat e saj. Në Mal të Zi, Fronti Demokratik pro-serb që thotë se ligji promovon kishën e vogël ortodokse malazeze që thonë se nuk është njohur nga kishat e mëdha dhe kisha ortodokse serbe që ka rreth 12 milionë anëtarë, kryesisht në Serbia, Mal të Zi dhe Bosnjë.  Pas gjithë kësaj, kemi një situatë politike komplekse, siç e dini ndoshta, policia malazeze përdori gaz lotsjellës më 29 dhjetor ndaj dhjetra mbështetësve të kishës ortodokse serbe, që protestonin kundër ligjit për komunitetet fetare. Pas kësaj protestuesit janë në një situatë paqësore, duke u përpjekur të shprehin opinionin e tyre,  gjatë këtyre ditëve në Mal të Zi dhe vecanërisht në qytetet në veri dhe në Podgoricë, dhe mendoj se më e rëndësishmja ka qenë që tani kemi qetësi në Mal të Zi këto dy-tre ditë. Nëse nuk jam gabim, rreziku më I madh potencial ishte dje për shkak të ndezjes së pemës së Krishtlindjeve,  një nga traditat në kishën ortodokse. Ishte paqësore dhe kjo është ndoshta më e rëndësishmja për Malin e Zi, sigurisht me praninë e shtuar të policisë dhe atmosferën e tensionit, të krijuar nga kalimi i këtij ligji të ri.

Çfarë do të ndodhë tani, çfarë prisni tani?

Më e rëndësishmja tani është që përfaqësuesit e kishës ortodokse serbe në Mal të Zi, qëndrimet publike dhe qytetarët po përpiqen të jenë paqësorë. Pse? Më duhet ta them dhe ndoshta ishin mesazhet më të rëndësishme nga dje, falë me një nivel të mjaftueshme të arsyes nga qytetarët malazezë por edhe fjalime pajtuese nga përfaqësuesit e kishës ortodokse serbe në Malin e Zi, nuk pati incidente. Ne e dimë që pati disa fjalime të ashpra nga disa politikanë të opozitës nga Mali i Zi si dhe zyrtarë të qeverisë nga Serbia, por qytetarët e Malit të Zi, autoritetet shtetërore të Malit të Zi dhe përfaqësues të kishës serbe në Malin e Zi dërguan në pjesën më të madhe mesazhe pajtimi. Kishte disa përjashtime por është pamja e përgjithshme e dy-tre ditëve të fundit. Shpresoj që do të vazhdojë. Të mërkurën ligji i ri hyn në fuqi në Malin e Zi, kështu që do të shohim çfarë do të ndodhë vitin tjetër ose këtë vit sepse në këtë periudhë, kadastra e shtetit të Malit të Zi është e detyruar të mbledhë të gjitha dokumentat lidhur me pronësinë e të gjitha kishave apo përfaqësuesve të tjerë fetarë në Mal të Zi. Pas kësaj do të shohim cfarë do të ndodhë sepse situate politike është shumë komplekse vecanërisht sepse kemi një pjesë të opozitës që gjithmonë mendon ose gjithmonë thotë që duan qeveri të re, qeveri teknike dhe tërheqjen e këtij ligji të ri, por nga ana tjetër, përfaqësuesit e kishës ortodokse serbe thonë se nuk duan të jenë pjesë e lojrave politike dhe thjeshtë duan të anullojnë këtë ligj. Nga ana tjetër, qeveria thotë se nuk dëshiron ta bëjë këtë, ata duan të zbatojnë të gjitha nenet e këtij ligji, dhe përsërisin se ligji I ri garanton liri të plotë fetare për të gjitha fetë.

Bojan, një gjë të fundit.  ju po thoni se ligji hyn sot në fuqi.  Cfarë ndodh nëse kisha ortodokse serbe nuk do të mundet të paraqesë dokumenta që provojnë pronësinë e saj para viti 1918 për pjesën më të madhe të atyre pronave? Cfarë ndodh, a shkon shteti dhe i shpronëson?

Shteti thotë se nuk është ai lloj shpronësimi apo marrje e pronës nga shteti, por neni 62 apo 63 thotë se pronësia e një komuniteti fetar dhe natyrisht edhe e kishës ortodokse serbe, duhet të provohet se ata e zotëronin atë para kësaj periudhe, nëse ata nuk e bëjnë, shteti merr përsipër pronësinë e pronës së tyre.

Pra do të bëhen prona shtetërore? Është kështu?

Po, po.

Çfarë reagimi prisni nga kisha ortodokse serbe nëse kjo ndodh?

Nuk do të ndodhë këtë vit, dhe jo kaq shpejt. Mendoj se ky lloj procesi është tepër i komplikuar dhe për shkak të kësaj nuk mund të them se kisha ortodokse serbe nuk është në gjendje të provojë pronësinë dhe se shteti do të veprojë menjëherë. Nga ana tjetër mendoj se Mali i Zi apo qeveria dëshiron t’i mbledhë të gjitha këto dokumenta dhe pas kësaj, ndoshta duan të krijojnë pronësi për këto prona të paluajtshme, janë prona të paluajtshme, por nga ana tjetër, nuk duan ti përdorin. Ata duan ndoshta të kenë vetëm pronësinë, por ndoshta përdoruesi kryesor do të jetë kisha ortodokse serbe. Por cfarë do të ndodhë vërtetë është shumë e ndërlikuar ta thuash në pak minuta apo në pak fjali./abcnews.al

ddd-1280x720.jpg
in a14:40 | 08/01/2020

Autoritetet shqiptare kanë shtuar masat e sigurisë në zonën e Manzës dhe përreth kampit ku strehohen mijëra muxhahedinë të MEK.

Gazetarja Linda Karadaku raporton për abcnews.al se burime të Ministrisë së Brendshme edhe të muxhahedinëve konfirmojnë për shtim të masave të sigurisë.

“Masat e sigurisë janë si në ambasadën amerikane”, citohet të kenë thënë zyrtarë të sigurimit.

VIDEO/ “Një vend i vogël dhe djallëzor europian…”: Khamenei sulmon Shqipërinë pas sulmit ndaj bazave amerikane?

“Është natyrshme të ketë shtim të masave të sigurisë për shkak të konfliktit ndaj Teheranit dhe SHB-së. Nuk kemi konfrimim për kërcënime. Anëtarët e MEK kanë problemin kolektiv me gjeneralin Kasem Sulejmani. Anëtarët e MEK gjithashtu tregojnë se vetëm brenda një dite në vitin 2013 njerëzit e gjeneral Sulejmanit kanë vrarë 52 anëtarë të MEK”, raporton gazetarja për abcnews.al.

kosov-irak-1280x621.jpg
in a13:35 | 08/01/2020

Ministria e Punëve të Jashtme e Kosovës përmes një deklarate për shtyp ka bërë thirrje që qytetarët e Kosovës të shmangin udhëtimet drejt Irakut, Iranit dhe Jemenit pas situatës së tensionuar rajon.

Sipas Ministrisë së Punëve të jashtme këto vende nuk ofrojnë siguri për shtetasit e Kosovës. Gazeta Expres citon më tej deklaratën e Ministrisë ku thuhet se ka informacione se ka shtetas të Kosovës që punojnë për Organizata Ndërkombëtare dhe kompani të ndryshme në Irak.

Sipas Ministrisë së Punëve të Jashtme ata kanë aktiviziuar misionet e tyre diplomatike në shtetet e Lindjes së Mesme për të ju ardhur në ndihmë shtetasve të Kosovës në Irak.

Një tjetër media në Kosovë, Indeksonline, raportonte gjatë ditës duke u bazuar në burimet e saj se mund të jenë rreth 300 shtetas të Kosovës të cilët punojnë në njërën nga bazat e sulmuara në Irak. Sipas saj aktualisht në bazën kryesore amerikane në Irak “Al Asad”, ndodhen shumë kosovarë, të cilët punojnë në kompaninë “KBR inc”, e cila ka bazë të njejtë edhe në Bond Steel. Pjesa më e madhe e tyre mendohet të jetë nga qyteti i Ferizaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono