Tensione

conte-macron.jpg
G. P.13:13 | 14/06/2018

Italia dhe Franca kanë sheshuar mosmarrëveshjet mes tyre lidhur me çështjen e emigrantëve. Kjo ka ndodhur gjatë një telefonate mes presidentit Macron dhe kryeminisitrit Conte. Ata do të takohen të premten.

Kryeministri Italian, Giuseppe Conte dhe Presidenti francez, Emmanuel Macron, kanë zhvilluar një bisedë telefonike “të gjatë dhe të përzemërt” dhe do të takohen për drekë të premten. Autoritetet e Romës kanë sqaruar se në samit, që do të pasohet nga një konferencë shtypi, të dy udhëheqësit do të diskutojnë iniciativat e reja që ranë dakord për të menaxhuar emergjencën e emigrantëve në shenjë solidariteti dhe bashkëpunimi me vendet e origjinës.

Vetë Conte duke komentuar telefonatën tha se “rasti me Francën tani është i mbyllur”. “Ne duhet të ndryshojmë rregullat e Dublinit”, u shpreh ai lidhur me rregullat e kërkesave për azil. Ndërsa për fjalët e Macron nënvizon: “Ai më tha se frazat drejtuar Italisë nuk i atribuohen atij”.

Në bisedën telefonike me Conte-n, Presidenti francez “theksoi se nuk ka bërë kurrë ndonjë deklaratë me qëllim të ofendimit të Italisë dhe të popullit italian”. Kështu të paktën shkruhet në një deklaratë të lëshuar nga Pallati Elize. “Italia dhe Franca, – vazhdon shënimi, – duhet të thellojnë bashkëpunimin e tyre”. Dhe Macron shton se “ai gjithmonë mbrojti nevojën për një solidaritet më të madh evropian me popullin italian”.

Ndërkohë, përveç dakordësisë për një bashkëpunim më të madh sa i përket çështjes së emigrantëve, Macron dhe Conte pranuan se, në sajë të Këshillit Europian të fund Qershorit, janë të nevojshme iniciativa të reja për t’i diskutuar sëbashku.  Edhe dy ministrat e Jashtëm të dy vendeve kanë bërë të ditur se tashmë tensionet mes dy vendeve janë ulur./abcnews.al

hamasss.jpg
G. P.11:09 | 15/05/2018

Një ditë pasi trupat izraelite vranë 55 persona në Rripin e Gazës, palestinezët do dalin sërish për të protestuar kundër Izraelit.

E marta shënon 70-vjetorin e pavarësisë të Izraelit. Kjo ditë, sipas palestinezëve, quhet Katastrofa (Nakba), e cila simbolizon arratisjen e mijëra personave pas krijimit të Izraelit në 1948-n.

Sipas BBC-së, parashikohet që tensionet në varrosjen e personave që mbetën të vrarë të hënën të jenë shumë të larta.

Zyrtarë palestinezë janë shprehur se përveç të vrarëve, rreth 2.700 persona të tjerë mbetën të plagosur në atë që ata e kanë krahasuar me një masakër. Kjo ishte një nga përplasjet më të dhunshme në Gaza që pas luftës në 2014-n.

Ndërkohë ngjarjet vijnë pas zhvendosjes së ambasadës së SHBA-ve nga Tel Aviv në Jeruzalem, duke zemëruar kështu palestinezët.

Kjo sepse Jeruzalemi Lindor pretendohet si kryeqyteti i shtetit të Palestinës në të ardhmen.

Lëvizja e SHBA-ve sipas tyre, bëhet për të mbështetur kontrollin e plotë të Izraelit mbi qytetin.

Kurse lidhur me këtë ngjarje, Kryeministi izraelit, Benjamin Netanyahu, tha se ushtria e tij u vetëmbrojt dhe po vepronte kundër sunduesve islamikë të Gazës, të cilët, sipas tij, kërkojnë që të shkatërrojnë Izraelin./abcnews.al

tensionet.jpg
G. P.15:32 | 16/04/2018

Janë përshkallëzuar sërish tensionet mes Ankarasë dhe Athinës pasi rojet bregdetare turke kanë hequr flamurin grek nga ishulli i pabanuar i Didim që pretendohet nga të dyja vendet. Lajmi është konfirmuar nga kryeministri turk Yildirim.

Kryeministri i Turqisë Binali Yildirim konfirmoi për mediat në vend se rojet bregdetare turke kanë hequr flamurin grek nga ishulli i pabanuar i Didim, hapësira territoriale e të cilit konfirmohet nga të dyja vendet. Yildirim deklaroi se është hequr flamuri grek nga ishulli në Egje. Një veprim ky, që ka rindezur sërish tensionet mes Athinës dhe Ankarasë.

Pas deklaratave të ndërsjellta mes liderëve të dy vendeve, kohët e fundit, është pala greke vendosi një flamur grek në ishujt e pabanuar, të cilët sipas Athinës janë territor grek, ndërsa sipas Ankarasë sovraniteti i tyre është i diskutueshëm.

“Ka ishuj shkëmborë të pabanuar që nuk kanë përkatësi të përcaktuar. Shikojmë që ka iniciativa të ngjashme me ato të Karadakut për këto ishuj. Në ishullin e Didimit ka një përpjekje për të vendosur flamurin grek. Roja jonë e sigurisë kreu ndërhyrjen e nevojshme. Atë flamur e hoqën prej aty. Këshilla jonë për Greqinë është që të qëndrojë larg provokimeve që rrisin tensionin mes marrëdhënieve për fqinjësi të mirë dhe të veprojnë brenda normave të fqinjësisë. Presim që të gjithë ta dinë se në nuk bëjmë kompromis me sovranitetin e vendit tonë. Pavarësisht nga kushtet, ne jemi të angazhuar për të dhënë përgjigjen e merituar për çdo veprim.”

Lajmi është pasqyruar gjerësisht dhe nga mediat greke, të cilat citojnë burime nga ministria e mbrojtjes në vend të cila thanë se po verifikojnë ende vendin ku ka ndodhur ky veprim. Ndërkohë, nuk ka ende një reagim zyrtar nga autoritetet greke për deklaratat e kryeministrit turk./abcnews.al

lavrov-1.jpg
G. P.18:30 | 02/04/2018

Në një kohë kur tensionet mes Perëndimit dhe Rusisë janë më të larta se kurrë, në mediat amerikane ka qarkulluar lajmi se muajin e kaluar, presidenti Trump ftoi Putin në Shtëpinë e Bardhë. Por këtë të hënë ministri i Jashtëm rus akuzoi Perëndimin se po bën lojë fëmijësh.

Presidenti Donald Trump, gjatë një bisede telefonike me homologun Vladimir Putin e ka ftuar atë në Uashington, duke i propozuar një samit amerikano-rus në Shtëpinë e Bardhë. Lajmin e bëjnë të ditur mediat amerikane dhe është konfirmuar edhe nga një nga zëdhënësit e kreut të Kremlinit, Jurij Ushakov, për agjencinë “Interfax”.

Nga ana tjetër, burime pranë administratës amerikane nuk e përgënjeshtrojnë lajmin, por nënvizojnë se ende nuk është përgatitur diçka serioze. Mediat saktësojnë se ftesa e Trump për Putin është bërë gjatë bisedës telefonike mes tyre 20 Marsin e kaluar. Por vlefshmëria e saj mund të vihet në dyshim, pas dëbimit të 60 diplomatëve rusë nga Shtetet e Bashkuara me urdhër të presidentit Trump, që u solidarizua me Britaninë për helmimin e spiunit rus Sergei Skripal në Angli.

Dhe duket se tensionet mes palëve janë larg së qenit të ulura. Të hënën, ministri i Jashtëm rus, Sergei Lavrov, akuzoi Mbretërinë e Bashkuar dhe aleatët e saj perëndimorë se po luajnë “lojëra fëmijësh”. Në një prononcim për BBC, ku mohoi sërish përgjegjësinë e Moskës në helmimin e ish-agjentit, Lavrov akuzoi vendet në fjalë se po veprojnë në shkelje të të gjitha rregullave dhe se kanë ndërmarrë një fushatë gënjeshtrash e dezinformimi.

“Në kohën e Luftës së Ftohtë kishte rregulla dhe veprohej sipas tyre. Sot, partnerët perëndimorë, me në krye Britaninë dhe Shtetet e Bashkuara kanë tejkaluar çdo sjellje të pranueshme”, tha Lavrov.

Shefi i diplomacisë ruse nënvizoi se Kremlini nuk dëshiron të luajë lojëra fëmijësh, por partnerët perëndimorë po bëjnë, sipas tij, pikërisht këtë gjë.

“Dhe kur ishim të vegjël kishim një shprehje, ai që e fillon lojën, ai duhet ta mbyllë”, shtoi Lavrov./abcnews.al

p062vg7d.jpg
ent ela12:11 | 31/03/2018

Shkon në 16 numri i viktimave palestineze në rripin e Gazës ndërsa të plagosurit janë më shumë se 1400. Organizata e kombeve të bashkuara ka kërkuar hetim të menjëhershëm pasi pretendohet se ushtria izraelite ka përdorur dhunë të tepruar ndaj manifestuesve të paarmatosur.

Ka përfunduar me viktima protesta e të premtes në kufi mes Rripit të Gazës dhe Izraelit. Sipas bilancit të fundit të raportuar nga mediat, palestinezët e vrarë janë 16 ndërsa më shumë se 1400 të plagosurit nga ushtria izraelite. Në protest morën pjesë rreth 30 mijë persona kundër të cilëve ushtarët izraelitë kanë qëlluar me plumba gome dhe kanë hedhur gaz lotsjellës dhe me anë të droneve. Sekretari i përgjithshëm i organizatës së kombeve të bashkuara ka kërkuar një hetim  të menjëherëshëm, të pavarur dhe të qartë për vrasjen e 16 palestinezëve. I ashtuquajturi marshim I rikthimit që ishte paralajmëruar prej javësh, u zhvillua në gjashtë manifestime të ndryshme përgjatë kufirit në Rripin e Gazës. Izraeli prej ditësh kishte vendosur në kufi njësi specialetë autorizuar për të qëlluar ndaj protestuesve në një koha që organizata për të drejtat e palestinezëve në Izrael ka deklaruar se viktimat ishin të gjithë të paarmatosur. Deklarata është konfirmuar dhe nga pamje të ndryshme të publikuara në rrjete sociale por dhe nga televizionet vendore, ku protesta dukej që ishte paqësore. Por e përditshmja izraelite Haaretz shkruan se ka pasur manifestues të cilët kanë hedhur gurë dhe Molotov kundër ushtarëve izraelitë./abcnews.al

 

vlcsnap-error894-1280x720.jpg
G. P.20:59 | 19/02/2018

Fitore e madhe me përmbysje për Kukësin në kryeqytet ndaj Partizanit me rezultatin 3-1. Me këtë sukses, kampionët janë në pozita të mira për Europën, ndërsa Partizani vuajti mungesat dhe akuzoi gjyqtarin.

Kush e pati fajin për humbjen e radhës?

Mungesat vërtet të shumta e dëmtuan Partizanin, arbitrimi i ndeshjes, tensioni i madh apo ishte merita e Kukësit?

Padyshim, pati shumë arsye, veçse përfundimi ishte që ata që u menduan si pretendentë për titull në fillim të sezonit, janë vërtet në prag të dështimit absolut.

Disfata me përmbysje në shtëpi me Kukësin, 1-3, ishte si kapaku që vulosi një periudhë të zezë që po zgjat prej muajsh.

Mungesat ishin serioze pasi kryeqytetasit ishin pa kapitenin Batha e Trashin të dënuar nga Disiplina, pa trajnerin Starova po ashtu të ndëshkuar nga Federata, pa Prognin e pezulluar për shkak kartonësh dhe pa Kalarin e Telushin të dëmtuar.

Kjo detyroi trajnerin e dytë, Dalipin, që të hidhte në fushë të paktën 6 lojtarë të rinj si Gojkoviç, Belica, Kotobelli, Sulejmani, Kulum apo Mala.
Po ashtu, prag-ndeshja ishte e tensionuar me akuza për arbitrat dhe Federatën, gjë që me siguri e ngarkoi shumë ekipin emocionalisht.

Fillimi, gjithsesi, ishte i mirë dhe Partizani kaloi i pari në avantazh duke e mbyllur 1-0 pjesën e parë, pas rrjetës së shënuar nga mbrojtësi Gojkoviç.
Gjithsesi, mungesat që do të kishin qenë të shumta edhe në një ndeshje të lehtë, ndikuan ndaj kuksianëve.

Veriorët përfituan edhe nga dalja me karton të kuq e lojtarit serb, Kulum, duke barazuar vetëm pak pak sekondave.

Kaq u desh që të ndryshonte gjithçka dhe që skuadra mike e trajnerit Peter Pakult të përmbyste rezultatin.

Sidoqoftë, të kuqtë patën rast të akuzonin për gjykim të njëanshëm dhe jo vetëm për kartonin e kuq, por edhe kur u anulua një gol që do të kishte barazuar shifrat në 2-2.

Protestat e tyre ishin të ashpra.

Deri në fund pati kohë edhe për një karton të kuq të Bakajt për Kukësin, për shkak të përplasjes së tij me tifozët, por edhe për golin e tretë të miqve.

Heroi i kuksianëve ishte pikërisht sulmuesi Sidrit Guri, dy herë realizues.

Me këtë sukses, Kukësi u ngjit në vendin e tretë me 32 pikë, ndërsa Partizani është i gjashti me 28./abcnews.al

vlcsnap-error893-1280x720.jpg
G. P.17:11 | 17/01/2018

Sporti ka zbutur tensionet mes Koresë së Veriut dhe asaj të Jugut. Qeveritë e tyre kanë vendosur të sfilojnë me një flamur të përbashkët në Lojrat Olimpike që zhvillohen muajin e ardhshëm.

Koreja e Veriut dhe ajo e Jugut kanë rënë dakord të marshojnë së bashku, me një flamur të përbashkët në Lojërat Olimpike të Dimrit që zhvillohen muajin e ardhshëm.

Gjithashtu, në takimin e parë ndërqeveritar të zhvilluar në fshatin Panmunjom, dy palët kanë rënë dakord të zbresin në fushë një skuadër të përbashkët hokeji për femrat. Këto janë bisedimet e para të nivelit të lartë që zhvillohen mes dy Koreve në dy vjet. Lojërat do të zhvillohen nga 9 deri më 25 Shkurt në një lokalitet të Jugut.

Nëse planet realizohen, rreth 230 nxitëse tifozësh, 140 muzikantë orkestre dhe rreth 30 atletë të disiplinës taekwando do të mund të kalojnë kufirin nga Veriu në Jug për të ndjekur eventin. Peniani ka rënë gjithashtu dakord që të dërgojë një delegacion më të vogël, prej 150 anëtarësh, në një tjetër kompeticion që do të zhvillohet në muajin Mars.

Por plani për një skuadër të përbashkët hokeji ka hasur në kundërshtimin e trajnerit dhe gazetave konservatore në Seul, që kanë deklaruar se një gjë e tillë mund të dëmtojë shanset e Koresë së Jugut që të fitojë medalje. Disa dhjetëra mijëra persona thuhet se kanë firmosur një peticion, përmes të cilit i bëhet thirrje presidentit Moon Jae-in që të anulojë planin.

Pa harruar këtu se propozimi duhet të aprovohet nga Komiteti Ndërkombëtar Olimpik që do të mblidhet në Lozanë të Zvicrës ditën e shtunë, pasi Veriu i ka shkelur afatet e regjistrimit dhe nuk është kualifikuar./abcnews.al

vlcsnap-error076-1-1280x720.jpg
G. P.16:39 | 17/01/2018

Analistët në Serbi mendojnë se vrasja e Oliver Ivanoviç është nëj atentat i qartë politik nga ata që kanë objektiv të ruajnë një konflikt të ngrirë në këtë pjesë të rajonit.

Lamtumira për Oliver Ivanovic është fillimi i një etape të re politike në Ballkan. Pas vrasjes së tij qëndrojnë ata që nuk duan zgjidhe për problemet. Vlerësimet nga Beogradi thonë se porositësit e kësaj vrasjeje kanë qenë me mision.

Analisti ushtarako-politik, Aleksandër Radiç, thotë vrasja e Ivanoviç është shembull shkollor i atentatit politik.

Aleksandër Radic, analist: “Është e qartë që edhe mes serbëve dhe shqiptarëve në shoqëri ekzistojnë struktura paralele kriminalo patriotike. Këtë e sheh edhe Perëndimi tashmë pasi pas luftërave kanë ngelur struktura që kanë forcuar pozitën në shoqëri dhe nuk heqin dorë pasi marrëdhëniet e mira serbo-shqiptare nënkuptojnë humbje të mëdha të buxhetit për krimin e organizuar”.

Historia e Oliver Ivanoviç ka nxitur shumë teori konspirative. Në media të shumta duken fajtorët dhe po aq ata që shprehin ngushëllime. Inkuadrimi i strukturave serbe në hetime, thonë analistët, mund ta ndihmonte procesin e hetimit.

Jaksha Shçekiç, si analist thote se është interesante shtrirja ballkanike e tensioneve. Vdekja e Ivanoviç sjell boshllëk politik.

Jaksha Shçekiç, analist: “Atentat politik në stilin e mafias. Ivanoviç ka qenë person që nuk donte të merrte pjesë në pislliqe dhe ka ruajtur identitetin e tij. Vrasja e tij është sulm edhe ndaj dialogut dhe integrimit evropian dhe u leverdis vetëm atyre që për zgjidhje kanë idenë e një konflikti të ngrirë”.

Ivanovic do të varroset në mesditë në varrezat e figurave historike duke lënë pas pritjen e përgjigjes së një pikepyetje të madhe për kronikën e vdekjes së paralajmëruar./abcnews.al

Gazetar i ABC News, Idro Seferi

99565366_iran_976getty.jpg
ent ela15:40 | 13/01/2018

Marrëdhëniet mes Shteteve të Bashkuara dhe Iranit vazhdojnë të përkeqësohen edhe për çështje që nuk kanë të bëjnë me marrëveshjen bërthamore, për të cilën administrata amerikane shprehet skeptike. Së fundmi shkak për acarimin e toneve është bërë sanksioni që Uashingtoni zyrtar ka vendosur ndaj kreut të sistemit të drejtësisë iraniane, një veprim ky që për Republikën Islamike përbën tejkalim të “vijave të kuqe”. Ministria e Jashtme në Teheran reagoi duke deklaruar se do të marrë masa ndaj kësaj lëvizjeje, por pa dhënë detaje se të çfarë lloji do të jenë ato. “Veprimi armiqësor i regjimit të Trump kalon çdo vijë të kuqe në politikat e komunitetit ndërkombëtar. Ai përbën shkelje të ligjeve ndërkombëtare dhe Republika Islamike siguron se do të marrë masa serioze ndaj tij”, thuhet në një deklaratë të Ministrisë së Jashtme. Diplomacia iraniane akuzon presidentin Trump për ndërmarrjen e politikave në dëm të popullit iranian dhe për kërcënime, të cilat sipas Teheranit nuk kanë funksionuar kurrë. Pak ditë më parë, kreu i Shtëpisë së Bardhë i bëri thirrje aleatëve europianë dhe Iranit që të përmbushin detyrimet që rrjedhin nga marrëveshja bërthamore, në të kundërt Shtetet e Bashkuara do të tërhiqen prej saj dhe do t’u rikthehen sanksioneve të rënda./abcnews.al

vlcsnap-error474-1280x720.jpg
us er11:30 | 10/12/2017

Në Liban ka përshkallëzuar protesta kundër ambasadës së Shteteve të Bashkuara lidhur me vendimin për njohjen e Jeruzalemit si kryeqytet të Izraelit. Forcat e Sigurisë në Liban kanë lëshuar gaz lotësjellës dhe ujë me presion kundër shumë protestuesve që gjendeshin jashtë selisë diplomatike në Bejrut. Situatat u përshkallëzua, në momentin kur disa manifestues tentuan të hapnin me forcë kangjellat e ambasadës. Mediat ndërkombëtare raportojnë se nga ndërhyrja e policisë ka dhe të plagosur. Bëhet fjalë për manifestimin e radhës kundër vendimit të Presidentit Trump, i cili vendosi edhe për të zhvendosur ambasadën amerikane nga Tel Avivi në Jeruzalem./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono