tension

vlcsnap-error188-1280x720.jpg
ent ela13:57 | 13/02/2018

Një anije e rojeve bregdetare turke është përplasur në detin Egje me një anije zyrtare greke. Kjo ka shkaktuar zemërimin e Athinës. Ndërsa Erdogan është përgjigjur duke kërkuar të mos nënvlerësohet Turqia.

Rritet tensioni në Detin Egje mes Greqisë dhe Turqisë. Autoritetet e Athinës kanë denoncuar se gjatë mbrëmjes të së hënës një patrullë e rojeve bregdetare të Ankarasë është përplasur me një mjet të rojeve bregdetare të tyre. Ngjarja ka ndodhur në afërsi të disa ishujve që kontestohen nga dy vendet.

Gjatë përplasjes, sipas denoncimit grek, nuk rezultojnë të lënduar. Por dëmmtimi i anijes zyrtare greke, e goditur në pjesën e përparme, është më I rëndë se I mjetit lundures të qeverisë turke.

“Nuk mund të mendoni që kërkimet për gazë në brigjet e Qipros dhe iniciativat opurtuniste në gurët e Detit Egje do të kalojnë pa pasur vëmendjen tonë. Paralajmërojmë ata që kanë kaluar limitet në Qipro dhe në Detin Egje që të mos bëjnë llogaritje të gabuara”. Kështu u shpreh presidenti turk, Rexhep Tajip Erdogan duke folur në Ankara përpara grupit parlamentar të partisë së tij AKP.

Ndërkohë, që prej të premtes, Marina e Ankarasë ka bllokuar shpimin e platformës “Eni Saipem 12000” në afërsi të brigjeve të Qipros. Kjo nuk është hera e parë që Greqia dhe Turqia përplasjen me anë të rojeve bregdetare në Egje. Edhe në të kaluarën janë regjistruar raste të tilla, që zakonisht hasen në hapësirën detare që kontestohet nga të dy vendet./abcnews.al

vlcsnap-error157-1-1280x720.jpg
us er14:22 | 20/12/2017

Seanca e radhës në gjykatën e Prishtinës ndaj deputetëve të Vetëvendosjes për hedhjen e gazit lotsjellës në kuvend është shoqëruar me tensione. Deputeti Albin Kurti është nxjerrë me forcë nga salla e gjyqit pasi ka ofenduar trupin gjykues. Reagimi i Kurtit erdhi pasi Prokurori hoqi dorë nga dëshmia e kryetarit të parlamenti Kadri Veseli. Më pas gjyqtari i cështjes Beqir Kalludra urdhëroi përjashtimin e Kurtit nga salla. Kurti e pyeti prokurorin pse hoqi dorë nga kjo dëshmi. ai deklaroi se në sallë nuk kishte as gjyqtarë e as prokurorë, dhe e gjithë seanca ishte një farsë. Kurti bashkë me Donika Kadaj-Bujupin, Faton Topallin dhe Albulena Haxhiun akuzohen për për përdorim të armës ose mjetit të rrezikshëm dhe pengim të personit zyrtar në kryerje të detyrës zyrtare./abcnews.al

vlcsnap-error163-2-1280x720.jpg
us er12:19 | 16/12/2017

Tension tek skuadra e futbollit e Vllaznisë. Policia merr në mbrojtje skuadrën pas lajmeve për kërcënim të trajnerit Ernest Gjoka.

Kur mori detyrën, natyrisht nuk priste ta kishte vaj.

Ernest Gjoka ka aq përvojë në futbollin shqiptar sa ta dijë se një trajner has vështirësi e probleme nga më të ndryshmit, dhe duket se kjo po i ndodh tek Vllaznia.

Burime në klub pohojnë se në drejtim të trajnerit ka pasur kërcënime, dhe se skuadra është marrë në mbrojtje të policisë.

Fillimisht, gjithçka ka qenë e qetë, dhe Gjoka ka dalë pa shqetësime në konferencë për shtyp, duke treguar strategjinë e tij për të shpëtuar Vllazninë nga rënia prej Superligës.

Gjithsesi, pasditen e së premtes gjendja ndryshoi dhe u tha se trajneri u kërcënua nga të ashtuquajtur të fortë.

Çfarë ka ndodhur realisht?

Burimet e mësipërme në klub pohojnë se fjala është për kërcënime nga të afërm të ndonjë futbollisti I cili është I pakënaqur nga mungesa e aktivizimit.

Besohet se flitet për lojtarë të ardhur nga rrethinat e Shkodrës.

Gjithsesi, po këto burime shtojnë se ky nuk është problem vetëm i Vllaznisë, por edhe i klubeve të tjerë, ku madje situata ka qenë apo është më e keqe, dhe është arritur që djali i kryetarit të bashkisë ta ketë vendin të sigurt në formacion./abcnews.al

kryesia-300x168.jpg
us er20:48 | 21/09/2017

Nuk kanë munguar debatet dhe tensionet në mbledhjen e kryesisë së PD, te thirrur pasditen e se enjtes nga kreu i kësaj force Lulzim Basha. Debati ka nisur pas analizës së garës për kryetar, ndërsa është shmangur konfrontimi fizik.

Mbledhja e kryesisë e PD-së, që nisi rreth orës 18:00 të së enjtes, është shoqëruar me tensione e debate të ashpra. Përplasja më e fortë ka ndodhur mes dy antarëve Jemin Gjana e Valbona Mezini, e cila mësohet se i ka ndërprerë disa herë fjalën Gjanës. Ky i fundit ka kërkuar të ndryshojë Kryesia, ndërsa është akuzuar nga Mezini për manipulim të procesit për zgjedhjen e kryetarit të PD-së. Gjana ka reaguar duke tentuar ta qëllojë Valbona Mezinin me çfarë kishte para, por nuk ka arritur ta godasë atë. Mësohet se për shkak të tensioneve është dashur ndërhyrja e deputetëve të tjerë për të shmangur përplasjen fizike mes tyre. Nga ana tjetër, kryetari Basha ka pranuar që të ndryshohet statuti i partisë dhe ka thënë se u zgjaste kritikëve dorën e pajtimit. Sulmet ndaj njëri-tjetrit i shërbejnë vetëm Edi Ramës, ka thënë Basha. “Çdo sulm pa fakte, me hamendësime, ndaj PD dhe lidershipit, janë një shërbim që me vetëdije i bëhet Edi Ramës”. Në lidhje me zgjedhjet parlamentare, kryedemokrati ka thënë: “Dolëm nga një luftë, nuk ishin zgjedhje por luftë, duhet të bashkohemi për betejat e ardhshme. Përgjegjësinë time e mbaj dhe e kam mbajtur para gjithë anëtarësisë”, ka thënë Basha. Kundërshtarët e tij kanë kërkuar edhe legalizimin e fraksioneve në statutin e ri. Gjatë diskutimeve, Jamarbër Malltezi është shprehur se demokratët janë të demotivuar. “Nuk dokumentuam asgjë”, ka thënë ai në lidhje me pretendimin e PD-së për paligjshmëri në zgjedhjet e 25 qershorit. “Duhej të ngrenim zërin dhe denonconim vjedhjen e votës”, ka theksuar Malltezi. Kritikët e Bashës kanë pretenduar se mbledhja e Kryesisë ishte pa rend dite, ndërsa i kanë rikujtuar kryetarit se kishte 3 vjet që nuk mblidhte Këshillin Kombëtar, forumi më i lartë ekzekutiv në PD. Ata e kanë quajtur analizën e Bashës “false, njësoj si zgjedhja e tij në krye të PD-së”. “Analiza duhet të nisë nga baza – kanë nënvizuar kritikët e Bashës – dhe nëse baza të nxjerr përgjegjës duhet të japësh dorëheqjen”, i kanë thënë ata kryetarit. Ndërsa Arben Imami i ka thënë Bashës: “Analizën ta ka bërë Berisha dhe media, mjafton ti ta kuptosh”. Imami është shprehur i hapur për bashkim, por ka kërkuar nga Basha prova për ta besuar.
Nga ana tjetër, deputetja Jorida Tabaku ka deklaruar se nuk është aspak mirë që kolegë në Kryesi shajnë drejtues aktualë dhe të lidershipit të kaluar. Përsa i përket analizës, Tabaku ka sugjeruar që të dërgohen njerëz me eksperiencë dhe jo arrogantë. “Të fillojmë punën, të dalim në terren”, ka kërkuar ajo.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono