tension

SHBA-IRAKU-ABC-M5-T2.mpg_snapshot_00.13-1280x720.jpg
ent ela20:47 | 15/05/2019

Niveli i kërcënimeve që vijnë nga Irani është rritur në atë pikë sa ka detyruar Shtetet e Bashkuara të shkurtojnë stafin diplomatik në Irak. Kërcënimet e përfolura kanë trembur edhe trupat gjermane e ato holandeze, që kanë ndërprerë trajnimin e ushtarëve irakenë.

Departamenti amerikan i Shtetit ka urdhëruar tërheqjen nga Irakut të stafit jo të domosdoshëm diplomatik, për shkak të rritjes së tensioneve me Iranin fqinj. Sipas mediave amerikane, urdhëri parashikon që stafi në ambasadën e Bagdadit dhe ai i konsullatës së Shteteve të Bashkuara në Irbil të largohet përmes avionëve të linjës. Ushtria amerikane deklaroi të martën se niveli i kërcënimit në Lindjen e Mesme është rritur pas të dhënave të shërbimeve të inteligjencës për aktivizimin e grupeve paraushtarake të mbështetura nga Irani. Grupet në fjalë kanë luajtur një rol kyç në betejën kundër Shtetit Islamik në Irak dhe vitin e kaluar u përfshinë në radhët e forcave irakene të sigurisë, por vazhdojnë të veprojnë edhe në mënyrë të pavarur. Burime nga këto grupe, të cituara nga agjencia e lajmeve “Reuters”, kanë deklaruar se kërcënimet ndaj stafit amerikan janë vetëm një lojë lufte psikologjike e sajuar nga Uashingtoni. Por ndërkohë, për shkak të kërcënimeve ushtritë gjermane dhe holandeze kanë ndërprerë stërvitjen e trupave ushtarake irakene. Lajmi është konfirmuar nga qeveritë e të dyja vendeve, por pa saktësuar llojin e kërcënimit që u kanoset ushtarëve të tyre. /ABC News Albania 24/

DREJTORIA-POLICISE-TIRONES-PROTESTA.mpg_snapshot_05.02-1280x720.jpg
ent ela20:58 | 13/05/2019

Ashtu siç ishte parashikuar është tensionuar situata para godinës së Drejtorisë së Policisë së Tiranës. Protestuesit kanë hedhur bombë molotov. Me thirrjet: “Lironi vëllezërit tanë”, protestuesit kanë hedhur tymuese dhe lëndë piroteknike në drejtim të godinës së Drejtorisë së Policisë duke thyer xhamat dhe sende të forta, duke e bërë të vështirë identifikimin tyre. /abcnews.al

beografd-1280x707.jpg
ent ela14:00 | 17/03/2019

Beogradi është përfshirë ditën e diel nga protestat e opozitës, mbështetësit e të cilës kanë rrethuar Presidencën. Ajo çfarë i ka nxitur të dalin në rrugë është bërë një konferencë për shtyp e presidentit Aleksandar Vuçiç, që ka deklaruar se nuk do të dialogojë me opozitën, të cilën e ka akuzuar për destabilizim të vendit.

Presidenti serb, Alleksandar Vuçiç, kishte ftuar një konferencë të jashtëzakonshme për të reaguar pas protestave. Kjo irritoi edhe më shumë protestuesit që njëkohësisht paralajmëruan protesta. Doli I qetë dhe tha se nuk ka frikë nga askush, por e di që duan ta rrënojnë pasi nuk ia falin progresin e Serbisë. Liderët e opozitës i quajti mashtrues dhe tha se me ta nuk ka cfarë të bisedojë pasi ata duan skenar maqedonas.

Alleksandar Vuçiç, president i Serbisë:“Kemi çuar në botë një pamje nga Serbia që nuk duam dhe kjo jo për fajin tonë. Të gjitha këto protesta as që janë paraqitur në polici, por ne i kemi toleruar deri në momentin kur nuk ka patur dhunë dhe këtu, ju them të gjithëve, është kufiri ynë”.

U bë e ditur se protestuesit kaluan pengesat e policisë dhe rrethuan presidencën. Gazetarët ngelën brenda për një kohë. Protestuesit në shesh tashmë kishin dëgjuar porositë e Vuçiç. Përgjigja e tyre ishte dorëheqje e menjëhershme dhe zgjedhje të lira.

“Për herë të parë para tyre dolën për të folur liderët e opozitës të cilët i thanë presidentit se as ata nuk ia kanë frikën”.

Vuk Jeremiç, Partia Popullore e Serbisë:“Nuk na ka besuar se do të vijmë këtu dhe kur i kanë thënë bëje konferencën në një vend tjetër nuk ka besuar se do të ngrihet populli kundër tij. Por ka gabuar”.

Organizatorët e protestave kanë bërë thirrje gjithë popullore për të dalë në rrugë pasi tani është koha për ndryshime./abcnews.al

INDI-PAKISTAN-ABCM5T2.mpg_snapshot_00.02-1280x604.jpg
ent ela23:30 | 27/02/2019

Rrezikojnë të përshkallëzohen tensionet mes Pakistanit dhe Indisë për kontrollin e Kashmirit. Rrëzimi i dy avionëve luftarakë ka acaruar marrëdhëniet mes 2 fuqive bërthamore dhe situata rrezikon të dalë jashtë kontrollit.

Rrëzimi i dy avionëve ushtarakë dhe kapja e një prej pilotëve ka shënuar përshkallëzimin e situatës së tensionuar mes Pakistanit dhe Indisë. Avionët u rrëzuan nga ushtria pakistaneze, ndërkohë që pala indiane pretendon se ka humbur vetëm një “MiG-21” dhe ka kërkuar lirimin e menjëhershëm të pilotit të saj. India dhe Pakistani, dy shtete të pajisura me arsenal bërthamor, pretendojnë secila kontrollin e Kashmirit, por kontrollojnë të dyja vetëm disa pjesë të këtij rajoni.

Dy vendet kanë zhvilluar tre luftëra që nga pavarësia nga Britania dhe ndarja në vitin 1947 dhe vetëm njëra prej tyre ka qenë për Kashmirin. Sulmet ajrore përtej Linjës së Kontrollit, siç njihet vija që ndan territorin indian nga ai pakistanez janë të parat që prej konfliktit të vitit 1971. Ato pasojnë një sulm militant në Kashmir, ku humbën jetën 40 trupa ushtarake indiane. Bëhet fjalë për sulmin më fatal të ndodhur në tre dekada rebelim kundër sundimit indian në Kashmir, që u mor përsipër nga një grup pakistanez.

Korrespondenti i BBC në Nju Delhi raporton se sfida reale për Indinë dhe Pakistanin tani është vetëpërmbajtja ndaj përshkallëzimit, përpara se gjërat të dalin jashtë kontrollit. Si nga Shtetet e Bashkuara ashtu edhe nga Rusia ka patur apele drejtuar dy palëve që të tregohen të moderuara dhe të zgjidhin problemin përmes dialogut. Duke reaguar kryeministri pakistanez u shpreh i hapur për dialog me Indinë në lidhje me terrorizmin dhe paralajmëroi rrezikun që vjen nga përshkallëzimi.

“Nëse e lejojmë të ndodhë, atëherë konflikti nuk do të jetë më në duart tona”, tha Imran Khan. Ndërkohë, ministrja e Jashtme e Indisë, Sushma Suaraj deklaroi se, as India nuk dëshiron një degradim të mëtejshëm të situatës. /abcnews.al

RAMA-SPIROPALI-1280x669.jpg
ent ela15:44 | 14/02/2019

Dy ditë para protestës së 16 Shkurtit, opozita e nisi nga kuvendi aksionin për largimin e Kryeministrit Rama. Edi Paloka i hodhi bojë shkrimi Kryeministrit në Kuvend, si përgjigje për talljet mbi mënyrën e të folurit të knënkryetarit të PD. Paloka u përjashtua për 10 ditë nga kuvendi, ndërsa socialistët do kërkojnë shkarkimin e tij si nënkryetar i Parlamentit.

Parlamentit ditën e enjte i doli boja.  Diksutimet, të regjistruara për projektligjin që ratifikon protokollin e antarësimit të Maqedonisë në NATO, u bënë shkasë e përplasjes.

Ishte ky momenti kur opozita vendosi se kishte duruar boll. Kreu i Kuvendit kërkoi përjashtimin nga sallaa të zëvendësit të tij në opozitë, por ky i fundit refuzoi të largohet deri në përfundim të seancës, ku socialist dhe demokratë bashkuan votat për shtetin fqinj, Maqedoninë.

Komentet për çfarë ndodhi zgjodhën t’i bëjnë jashtë parlamentit. Për një gjë bien dakort, i tillë pritet edhe 16 Shkurti. Por nëse për mazhorancën kjo tregon dhunë. Për opozitën ky është vetëm fillimi.

Byroja e Kuvendit përjashtoi nënkryetarin demokrat Edi Paloka nga punimet e Kuvendit për 10 ditë. Por socialistët kërkojnë më shumë.

Sipas rregullores së kuvendit kërkesa për shkakrimin e antarëve të organeve Kushtetuese, i shkon kreut të kuvendit e motivuar dhe me shkrim nga të paktën 28 deputetë. Më pas është Komisioni i Ligjeve ai që mbi dokumentat shoqëruese të kërkesës i propozon Parlamentit ngritjen e një komisioni hetimor për rastin./abcnews.al

PROTESTAAA-DJALI.mpg_snapshot_00.01-1280x720.jpg
ent ela11:43 | 09/12/2018

Ka pasur tensione një orë pas nisjes së protestës së studentëve para Ministrisë së Arsimit në Tiranë. Shkak ka qenë dëshira e pedagogëve dhe e të rinjve të tjerë të flasin në protestë, por ata janë ndaluar nga studentët organizatorë.

Në ditën e pestë, numri i protestuesve është më i vogël, por kërkesat dhe thirrjet janë të njëjta, ato të njohura.

Le të shohim se çfarë e shkaktoi momentin e tensionit, pak pas orës 11, dhe çfarë thonë disa prej studentëve protestues të intervistuar nga gazetari Andi Qosja.

Gazetari ynë në Shkodër Simon Shkreli, na raporton se nuk ka një protestë në këtë qytet, por studentët janë nisur drejt Tiranës, për t’iu bashkuar bashkëmoshatarëve të tyre në sheshin para ministrisë së arsimit, duke kërkuar plotësimin e kërkesave të tyre kanë shkuar të paktën në 8, mes tyre edhe përgjysmimi i tarifave arsimore, rritja e peshës së tyre në përzgjedhjen e drejtuesve të universiteteve, pjesëmarrja në bordet e administrimit të tyre, përmirësimi i kushteve në auditore e konvikte etj.

Studentët vazhdojnë t’i bëjnë thirrje politikës t’u qëndrojë larg, ndërsa kanë refuzuar ftesat për dialog nga kryeministri e ministrja e arsimit, pasi sic thonë, kërkojnë vetëm plotësim të kërkesave, e jo negocim të tyre. /abcnews.al

 

PPROTESTA.mpg_snapshot_00.04-1280x720.jpg
ent ela13:18 | 04/12/2018

Kjo ndërtesë në gjurmën e Unazës së Madhe në Tiranë u shemb vetem pasi policia nxorri jashtë me forcë pronarët e saj dhe rrethoi zonën për të mos lejuar askënd të afrohej. Për disa orë me radhë banorët kundërshtuan prishjen e objektit.

Lindita Nela, pronare e shtëpisë: I kërkova 3 ditë kohë për të lëvizur gjërat dhe për të kryer procedurat ligjore, nuk e kuptoj si shteti vepron kaq dhunshëm ndaj nesh.

Godina, pronarët e të cilës e kishin dhënë me qira, katin e parë për dyqane dhe të dytin për banim ishte pa leje. Bajram Nela tregon se e ndërtoi në vitin 1997 ndërsa në vitin 2005 aplikoi për ta legalizuar.

Banesa u skualifikua nga procesi i legalizimit pasi preket nga projekti i Unazës së Madhe, ndërsa banorët thonë se u njoftuan vetëm të hënën. Ndërkohë vendimin e kanë ankimuar.

Bajram Nela, pronar i shtëpisë: Zoti Nela ka bërë një ankimim brenda ligjeve, kundra për skualifikim për legalizim. Pas këtij ankimi unë kam të drejtë të bëj padi kur vendimi të marrë formë të prerë atëherë objekti është i skualifikuar.

Në mbështetje të banorëve ishin edhe deputetët e Partisë Demokratike.

Klevis Balliu: Ti shembësh shtëpinë është t’i shembësh jetën, ky është atentat dhe mafiozët si Rama mundohen ta gjejnë viktimën të papërgatitur, por të jeni të sigurtë se këta qytetarë nuk do ndodhë më që të jenë të papërgatitur.

Më herët Inspektoriati i Mbrojtjes së Territorit shembi një tjetër objekt pa leje që prekej nga ndërtimi i unazës së madhe. Bashkia e  Tiranës thotë se gjeti bashkëpunimin e pronarit, i cili pranoi t’i hapte rrugë zbatimit të projektit. Aktualisht numri i ndërtesave të shembura në gjurmë të unazës ka shkuar në 13./abcnews.al

 

france.jpg
G. P.12:04 | 17/11/2018

Një protestues është vrarë nga përplasja me makinë gjatë manifestimit kundër rritjes së çmimit të karburanteve në Francë. Në të gjithë vendin janë organizuar protesta që konsistojnë kryesisht me bllokimin e rrugëve.

Një manifestues i “jelekëve të verdhë” që po bllokojnë rrugët në Francë është “përplasur dhe vrarë nga një automobilist” në Savoie, në Francën juglindore, në Pont-De-Beauvoisin. Kjo është raportuar nga Ministria e Brendshme. Shoferja ishte një nënë që po dërgonte vajzën e saj tek mjeku kur ajo u bllokua nga protestuesit që e rrethuan duke u hedhur mbi makinë. Gruaja, e kapur nga paniku, shtoi gazin dhe shtypi një demonstrues. Tani ajo është ndaluar nga policia dhe gjendet akoma e tronditur për incidentin.

Mobilizimi nisi në Francë kundrejt rritjes së çmimeve të benzinës (katër centë në litër) dhe naftës (shtatë cent për litër), dhe programit të qeverisë për rritje të mëtejshme të taksave. Lëvizja e lindur në rrjetet sociale, ndoshta është koordinuar nga Fronti Kombëtar sipas akuzave të disa politikanëve. Edhe pse bëhet fjalë për një protestë spontane, atyre që duan të marrin pjesë në një nga 1.500 eventet e organizuara në të gjithë vendin u kërkohet që të veshin jelekët dallues me ngjyrë të verdhë.

Midis formave të ndryshme të protestës ka bllokime të rrugëve dhe të ashtuquajturat operacione kërmilli, në të cilat shoferët vozisin me një shpejtësi të reduktuar veçanërisht për të ngadalësuar trafikun. Kryeministri Edouard Philippe parashikoi masa për të ndihmuar shoferët, duke përfshirë një kredi prej 4,000 eurosh për familjet në nevojë për të zëvendësuar makinat me naftë të modelit të vjetër. Por ministri i brendshëm Christophe Castaner urdhëroi ndërhyrjen e forcave të sigurisë për të parandaluar bllokimin e trafikut. Mbi 800 mijë njerëz kanë nënshkruar një peticion online kundër rritjes së çmimit të karburantit./abcnews.al

PROTESTA-DHE-KESHILLI-BASHKIAK-1280x720.jpg
ent ela11:46 | 15/11/2018

Banorë të zonës së Unazës së Re në Tiranë, objektet e të cileve do të shemben në funksion të projektit të Unazës së madhe protestuan sërish sot paradite para bashkisë së kryeqytetit, teksa brenda zhvillohej mbledhja e Këshillit Bashkiak. Opozitarët e PD dhe LSI kishin bojkotuar këtë mbledhje për t’iu bashkuar protestës. Shumica në Këshillin Bashkiak, në këto kushte i miratoi lehtë projektvendimet në rendin e ditës.

Me tymuese, mjete piroteknike dhe vezë kanë protestuar këtë të enjte para Bashkisë së Tiranës banorët e unazës së re të cilët preken nga projekti për zgjerimin e rrugës.

Ndërsa brenda dyerve të Bashkise zhvillohej mbledhja e Këshillit Bashkiak jashtë tyre banorët me thirrje kundër Kryetarit të Bashkisë Erion Veliaj kërkonin dëmshpërblim 100% për pronat e tyre.

Por kryebashkiaku ishte jashtë vendit dhe mbledhja drejtohej nga nënkryetari Andi Seferi.

Në sallë mungonin edhe këshilltarët e Partisë Demokratike dhe Lëvizjes Socialiste për Integrim. Ata mbështesnin banorët jashtë saj bashkë me deputetë të opozitës.

Kreshnik Çollaku, Kryetar i Këshilltarëve të PD: “Ne nuk pengojmë zhvillimin e Tiranës por të bëhet në dialog me banorët e saj në shërbim të interesave të saj dhe në respekt të institucioneve të shtetit. Çfarë po ndodh sot është një procedurë që shkel të gjitha parametrat”.

Ndërsa tentonin të çanin kordonin e policisë bashkiake për të hapur derën e institucionit, banorët kanë shkaktuar tension dhe përplasje nga e cila sipas Bashkise disa policë janë lënduar.

Pas rreth një orë e gjysmë qëndrimi para bashkisë, banorët u shpërndanë me thirrjen për t’u rikthyer sërish. Po kaq kohë iu desh edhe socialistëve në Këshillin Bashkiak për të miratuar  projekt-vendimet e planfikuara për këtë mbledhje.

Ndërkohë pas afro dy orësh nga mbyllja e protestës kryetari i Bashkisë së Tiranës reagoi në twitter.

“Mirënjohje të thellë policëve bashkiake për qytetarinë përballë partisë së dhunës, hurit e zjarrit! Shërim të shpejtë 3 oficerëve të plagosur! Si tek Lodrat, Sheshi & Pazari, puna do e mundë dhunën, dhe qyteti do triumfojë mbi barbarinë! Ta harrojnë, Tirana nuk ndalet më”- shkruan kryebashkiaku Erion Veliaj. /abcnews.al

 

 

tension-haleee.jpg
G. P.09:20 | 18/09/2018

Ka nisur me tension një aksion i Inspektoratit Kombëtar të Mbrojtës së Territorit në Jalë për shembjen e disa ndertimeve. Bëhet fjalë për 7 objekte me funksion lokale dhe banesa.

Pronarët e tyre kane kundërshtuar aksionin duke u shprehur se nuk janë njoftuar paraprakisht për shembjen e objekteve. Ata pretendojnë që ndërtimet i kanë me leje, kurse nga IKMT thuhet se ato janë objekte pa leje.

Banorët ndërkohë kanë protestuar duke thënë se në dhomat e tyre ka ende pushues. Në vendngjarje ndodhen edhe forca të shumta policie./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono