temperaturat e larta

temperaturat-e-larta.jpg
G. P.15:56 | 18/08/2019

Një tjetër valë e të nxehtit afrikan do të përfshijë Shqipërinë. Java e re sipas meteorologëve nis me temperatuara më të larta të cilat pritet të kulmojnë të martën dhe të mërkurën. Ndërsa reshjet parashikohet të kthehen në vend rreth 25 Gushtit.

Nëse menduat se vapa iku me 15 ditëshin e parë të Gushtit gaboni. Vlerat e termometrit sipas meteorologëve do të rriten duke nisur nga dita e hënë dhe do të na shoqërojnë deri në mesjavë.

“Ditët më të nxehta do të jenë kryesisht e marta dhe e mërkura kur pritet që të kapin kulmin tek vlerat 37 gradë. Më pas do të kemi që nga e enjtja edhe tërheqje të këtyre masave ajrore duke çuar temperaturat në vlerën 32 apo 33 gradë, normale për muajin që ndodhemi. Ajo çfarë duhet theksuar është që gjatë këtyre ditëve nuk është se presim që të kemi një rritje të ndjeshme të temperaturave minimale. Nata dhe mëngjeset do të mbeten të freskëta”, tha Lajda Porja.

Meteorologia Lajda Porja shpjegon se kjo është pasoje e një tjetër valë të nxehti nga Afrika që do të përfshijë Gadishullin e Ballkanin.

“Priten që të jenë kryesisht në pjesën më të madhe të Ballkanit dhe shumë pak Italia, ndërkohë zhvendosja e këtyre masave është më shumë në Shqipëri, Maqedoni, Kosovë, Mal të Zi, ku pritet që të kemi rritje të temperaturave”, tha ajo.

Ndërsa reshjet parashikohet të rikthehen në Shqipëri rreth dates 24-25 gusht, ndryshe nga sa po ndodh në Evropë.

“Kryesisht do të kemi një mot më të qëndrueshëm nga java tjetër deri me datë 24 – 25 ku do të shfaqen, shira, rrebeshe më tepër të fokusuara në zonat malore. Ndryshe paraqitet situata për pjesën tjetër të kontinentit evropian ku problematikë është Italia, Turqia, pritet që të jetë edhe Spanja, ku pas gjithë të nxehtit që përjetuan në verë, aktualisht përjetojnë dhe pritet të përjetojnë përmbytje nga stuhi që kanë përfshirë një pjesë të Europës”, tha Porja.

Meteorologët parashikojnë që vendi të përfshihet nga një sistem i fuqishëm vranësirash në fund të Gushtit dhe fillim të Shtatorit./ABC News Albania 24/7

QYTETARET-DHE-DITET-ME-TE-NXEHTA.mpg_snapshot_01.50-1280x720.jpg
ent ela15:31 | 27/06/2019

E vetmja mënyrë e qytetarëve për t’u mbijetuar temperaturave të larta që kanë përfshirë vendin, është konsumimi i lëngjeve dhe shmangia e qëndrimit në diell. Por, meteorologët sjellin lajme të mira për në fundjavë, kur temperaturat pritet të pësojnë ulje.

Kjo është mënyra qe zgjedhin t’i përballojnë një pjesë e qytetarëve te tiranes temperaturat e zjarrta te këtij fund qershori.

Disa njerëz, sidomos gra e vajza, përdorin çadrat për t’u mbrojtur nga rrezet përvëluese të diellit kur duhet të lëvizin në orët e ditës. Të tjerë konsumojnë ujë për t’u freskuar apo qëndrojnë në hije për t’i shpëtuar sadopak të nxehtit.

“Me shumë vështirësi po e përballojmë këtë vapë”.

“Duke bërë dush me ujë të ftohtë, akullore shpëtimi, po edhe plazhi është shpëtimi”.

“Konsumojmë ujë të ftohtë, hije, shtëpi”.

MeteoALB thotë se edhe e premtja do të ketë temperatura relativisht të larta, që arrijnë deri në 38 gradë C në pjesën më të madhe të vendit.

Adiola Bani, MeteoALB: “Pritet rritje e temperaturave në vijim edhe dita e premte do ketë rritje. Parashikohet që këto dy ditë do jenë më të nxehtat e kësaj jave, pasi vlerat termike shkojnë 37-38 gradë celsius edhe 39 gradë”.

Megjithatë vala e nxehtë që ka përfshirë vendin tonë dhe Europën, pritet të zbehet disi gjatë ditës së shtunë dhe të dielë.

Adiola Bani, MeteoALB: “Gjatë fundjavës pritet rënie e temperaturave me 2-3 gradë. Më e ndjeshme gjatë mesditës së të shtunës. Gjatë fundjavës jo më shumë se 36 gradë celsius”.

Java e parë e muajit korrik pritet të sjellë sërish rritje të temperaturave sipas sinoptikanëve. Vlerat maksimale të termometrit pritet të variojnë ne 37 apo 38 gradë C, çka do të favorizojë të gjithë ata që do të nisin pushimet. /ABC News Albania 24/7

 

ambulanca-temp-larta.jpg
nev ila15:40 | 21/06/2019

Temperaturat e larta kanë shtuar fluksin e pacientëve në spitale. Mjekët apelojnë për kujdes të shtuar ndërsa thonë se shqetësimi kryesor këto ditë të nxehta janë goditjet nga dielli.

Pa një çadër apo një shishe ujë vështirë se mund të lëvizësh nëpër qytet. Temperaturat kanë arritur pikun ndërkohë që jo të gjithë i kanë gjetur të përgatitur.

Mjekët tregojnë për një fluks të shtuar të pacientëve.

Shqetësimi më i shpeshtë i tyre janë goditjet nga dielli.

Apeli i mjekëve vjen për kujdes të shtuar sidomos për të sëmurët me hipertension, probleme kardiovaskulare diabet apo probleme të shëndetit mendor.

Shmangia e aktivitetit fizik në orët e nxehta të ditës, konsumi i sa më shumë lëngjeve, vakteve të lehta, por dhe mos ekspozimi në diell do të evitonte problemet shëndetësore në këto ditë me temperatura të larta./ABC News Albania 24/7

SHTATOR-PLAZHET-1280x720.jpg
ent ela15:28 | 02/09/2018

Bregdeti shqiptar pavarësisht se jemi në muajin shtator vazhdon të frekuentohet nga shumë pushues. Edhe pse pjesa më e madhe emigrantëve janë larguar nëpër vendet ku punojnë, vendasit dhe pushues nga Kosova janë ende aty.

Dielli po djeg dhe plazhi është ende një mundësi që njerëzit ta përballojne atë. Janë pushues vendas, por shumë prej tyre kanë ardhur nga Kosova apo edhe nga SHBA.

Bregdeti në shtator u duket më i qete dhe kjo është një nga arsyet pse ka akoma pushues pavarësisht se në fluks. Plazhet e Vlorës këtë fundjavë tregojnë se është ende herët për t’u mbyllur sezoni.

E njëjta situatë duket edhe në plazhet e tjera. Në bregdetin e Durrësit gjjithashtu ka pushues të shumtë. Ashtu plazhimi vazhdon edhe në Shëngjin e Velipojë. Operatorët turistikë thonë se kanë kërkesa për akomodim edhe për muajin shtator. /abcnews.al

Gazetar i ABC News, Vlorë: Elton Nika

ELBASANI-TURISTIK-1280x720.jpg
ent ela13:51 | 08/08/2018

Temperaturat e larta kanë bërë që rrugët e qytetit të Elbasanit të boshatisen. Për të përballuar të nxehtin banorët kanë kërkuar alternativa për të kaluar pak orë në freski. Shumë prej tyre kanë dalë në brigjet e lumenjve apo në pishina. ABC News bëri një vëzhgim në ditët më të nxehta të gushtit. /abcnews.al

Gazetar i ABC News, Elbasan:  Fatos Salliu

urgjenca-te-1-maji.jpg
ent ela20:37 | 11/06/2018

Rritet numri i fëmijëve të prekur nga virozat dhe infeksionet respiratore si pasojë e temperaturave të larta.

Drejtorja e Qendrës Shëndetësore, Nr.3 në Tiranë, Bruna Shiroka, thotë se ditët e fundit është vënë re një shtim i vizitave por nuk janë shënuar raste të rënda. Kryesisht kohëzgjatja e simptomave është 4-5 ditë .

Bruna Shiroka, drejtore Qendra Shëndetësore Nr.3: “Stina e verës ka për shkak edhe të temperaturave të larta shënon një rritje të numrit të rasteve të viroza të tipit enteroviroza më të shprehura te fëmijët e vegjël. Të shoqëruara me diare, të vjell por edhe temperaturë të lartë”.

Një problem që ajo ngre, është mënjanimi që prindërit i bëjnë mjekut të failjes dhe i drejtohen menjehere urgjencës së pediatrisë. Madje kërkojnë me ngulm që fëmijëve tu injektojne serume. Sipas Shirokës kjo është e gabuar për një virozë të thjeshtë.

“Për fat të keq prindërit i drejtohen spitalit. Por në një kohë të shkuërt ata nuk kanë çfarë ti bëjnë fëmijës, ndaj e vetmja gjë që do bëjnë është perfurzion, sorum me uji fiziologjik. Sorumi nuk është i domosdoshëm madje është tarumatik për fëmijën”.

Një tjetër shqetësim që shfaqet është edhe viroza e udhetarit dhe kjo prek kryesisht fëmijët e emigrantëve të huaj apo turistëve.

“Viroza e udhëtarit shoqërohet kryeisht me diarre dhe të vjella me problem gastrointestinal, kjo gjë vjen më shumë për personat që vinë nga jahstë për shkak të ndryshimit të klimës të vendit dhe të temparaturave. Nga ka komplikacione të rënda por duhet patur kujdes nga dehidrimi”.

Mjekja shprehet se kujdesi më i madh duhet për fëmijët në vitin e parë të jetës, ndaj për çdo problem prindërit duhet ti drejtohen mjektu pediatër.

Të gjithë qytetarët që kanë nevojë për shërbim mjekësor si pasojë e problemeve nga temperaturat e larta duhet të drejtohen për të marrë ndihmën e parë pranë qendrave shëndetësore, ku funksionojnë edhe ekipet e rehidrimit.

Klan Plus

PLAZHET-1280x720.jpg
ent ela16:35 | 26/05/2018

Vlora dhe Durrësi dhe Shëngjini kanë pritur një numër të madh pushuesish  këtë të shtunë. Qytetarët thonë për ABC News se një ditë pushimi si kjo me temperaturë vere meriton të kalohet vetëm pranë bregdetit.

Moti i ngrohtë i ka joshur qytetarët për të shkuar në plazh. Vlora sot u pushtua nga qytetarë të Burrelit, Lezhës dhe Shëngjinit dhe jo vetëm.

Një vizitë në bregdet, një foto. Një kujtim nga Vlora e bukur apo zhytje në det. Detin e kaltër të Jonit e vizituan edhe disa nxënës gjatë një ekskursioni.

Qindra pushues janë dyndur edhe drejt plazhit të Durrësit. Ng ura e Dajlanit deri në Plepa e gjithë vija bregdetare është mbipopulluar. Pushuesit thonë se një ditë pushimi duhet kaluar nën rrezet e diellit.

Shengjini është një destinacion i preferuar për pushuesit dhe veçanërisht për ata nga Kosova. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono