Temperatura
Roberto Baggio, Appiah dhe Guardiola kur ishin pjesë e Brescias

moti-18-tetor.jpg
G. P.08:12 | 18/10/2019

Sipas MeteoAlb, vijon ndikimi i masave ajrore të qëndrueshme duke bërë që orët e para të ditës mbeten në ndikimin e motit të kthjellët dhe vranësirave të pakta në zonat përgjatë kufirit lindor.

Por mesdita sjellë shpeshtim të vranësirave duke rrezikuar shira të izoluar në zonat Juglindore, ndërsa bregdeti vijon me kthjellime. Nata kthjellon motin në të gjithë vendin.

Temperaturat e ajrit rriten lehtë në vlerat minimale, por mbeten të pandryshuara në vlerat maksimale duke luhatur vlerat ditore nga 7°C deri në 26°C. Era do fryjë e lehtë me shpejtësi 25 km/h nga drejtimi veriperëndimor duke krijuar në det dallgëzim i ulët./abcnews.al

moti-parashikimi.jpg
G. P.08:14 | 14/10/2019

Sipas MeteoAlb: Kthjellime dhe vranësira të lehta do të karakterizojnë kushtet e motit në Shqipëri, më të dukshme vranësirat paraqiten në zonat veri-verilindore. Parashikohet që orët e pasdites të vijojnë në të njëjtat kushte atmosferike duke bërë që në të gjithë vendin moti të jetë i kthjellët.

Temperaturat e ajrit do të ulen lehtë në mëngjes dhe mesditë duke u luhatur nga 7°C deri në 26°C. Era do fryjë e lehtë me shpejtësi 30 km/h nga drejtimi verior-veriperëndimor duke krijuar në det  dallgëzim 2-3 ballë./abcnews.al

moti-27-shtator.jpg
G. P.08:17 | 27/09/2019

Sipas MeteoAlb, deri në pasdite moti paraqitet me alternime kthjellimesh dhe vranësira kalimtare në të gjithë Shqipërinë, por në zonat veriore-verilindore parashikohet shtim i vranësirave. Ndërsa sërisht mbrëmja largon vranësirat  nga vendi.

Temperaturat e ajrit janë ulur me 2°C në mëngjes por rritje të lehtë sjellin orët e mesditës duke luhatur vlerat ditore nga 7°C deri në 30°C. Era do fryjë mesatare me shpejtësi 40 km/h nga drejtimi verior-veriperëndimor duke krijuar në brigjet detare dallgëzim 4 ballë./abcnews.al

kukes.jpg
G. P.08:21 | 25/09/2019

Sipas MeteoAlb, kthjellime të pakta dhe vranësira të shpeshta mbizotërojnë deri në mesditë në të gjithë territorin, ku më të shpeshta paraqiten në zonat veriperëndimore, por pa rrezikuar shira.

Ndërsa pasditja sjell kthjellim të motit në të gjithë Shqipërinë. Edhe nata parashikohet të vijojë në të njëjtat kushte atmosferike, përjashtuar zonat bregdetare ku do të ketë shtim të vranësirave.

Temperaturat e ajrit janë ulur në mëngjes, por rriten në mesditë  duke luhatur vlerat ditore nga 8°C deri në 29°C mesdita. Era do të fryjë e lehtë me shpejtësi 30 km/h nga drejtimi perëndimor-jugperëndimor duke krijuar në brigjet detare dallgëzim 3 ballë./abcnews.al

moti-29-gusht.jpg
G. P.08:14 | 29/08/2019

Sipas MeteoAlb, pjesa e parë e ditës do të jetë në ndikimin e kthjellimeve dhe vranësirave të lehta. Ndërsa pjesa e dytë e ditës shton vranësirat duke sjellë rrebeshe shiu dhe stuhi breshëri në zona të izoluara të vendit. Mbrëmja sjell përmirësim të kushteve atmosferike në vendin tonë.

Temperaturat e ajrit do të pësojnë rritje në të dy vlerat ditore duke u luhatur nga 16°C deri në 36°C. Era do fryjë e lehtë në tokë dhe mesatare në det me shpejtësi 35 km/h nga drejtimi veriperëndimor, duke krijuar në brigjet detare dallgëzim 3 ballë./ABC News Albania 24/7

moti-28-gusht.jpg
G. P.08:13 | 28/08/2019

Sipas MeteoAlb mbetemi në ndikimin e kthjellimeve dhe vranësirave kalimtare deri në pasdite, më të dukshme vranësirat do të jenë në ekstremin verior duke rrezikuar rrebeshe shiu. Por mbrëmja sjellë përmirësim të kushteve të motit duke bërë që kthjellimet të jenë mbizotëruese.

Temperaturat e ajrit mbeten të pandryshuara në mëngjes por rënie të lehtë sjellë mesdita duke  luhatur vlerat ditore nga  15°C deri në 35 °C. Era do fryjë e lehtë me shpejtësi 28 km/h nga drejtimi veriperëndimor duke krijuar në brigjet detare dallgëzim 2 ballë./abcnews.al

moti-26-Gusht-2019.jpg
G. P.08:05 | 26/08/2019

Sipas MeteoAlb: mbetemi sërish në ndikimin e motit të kthjellët në bregdet, por kthjellime dhe vranësira të shpeshta do të ketë në zonat e ulëta dhe malore, të cilat gjatë mesditës do të sjellin rrebeshe shiu të izoluar veri-verilindje. Parashikohet që edhe pasditja të vijojë me kthjellime dhe vranësira ku më të dukshme do të jenë në zonat malore.

Temperaturat e ajrit ulen lehtë në mëngjes, por mbeten të pandryshuara në mesditë duke luhatur vlerat ditore nga  14°C deri në 37 °C. Era do fryjë mesatare me shpejtësi 38 km/h nga drejtimi veriperëndimor duke krijuar në brigjet detare dallgëzim 3 ballë./abcnews.al

temperatura-1280x723.jpg
Sej rie14:00 | 09/08/2019

Një tjetër valë e të nxehtit afrikan përfshinë Shqipërinë. Ndonëse vendi ynë ndodhet në periferi të saj pasi në epiqendër është pellgu i Mesdheut meteorologët parashikojnë rritje të vlerave të termometrit me tre gradë celcius.

Temperaturat e larta pritet të arrijnë kulmin të hënën dhe të na shoqërojnë deri mes javën e ardhshme.

Nëse nuk merrni masa i nxehti tregojnë mjekët  mund t’iu  shkaktojë nga lodhje të pazakontë, dhimbje koke, të përziera, konfuzion mendor e deri tromboze apo ishemi cerebrale tek personat qe vuajnë nga probleme të zemrës apo të tensionit.  Apeli i tyre është për kujdes të shtuar gjatë këtyre ditëve.

Tek më të vegjlit temperaturat e larta thonë mjekët janë bërë shkak për shfaqjen e një virozë të pazakonte për stinën.

I nxehti afrikan parashikohet të largohet nga vendi të mërkurën kur në zonat malore parashikohet të kthehen reshjet e shiut.

Pjesa e dytë e Gushtit sipas meteorologëve pritet të kthejë termometrin në vlerat normale të muajit në të gjithë territorin shqiptar./ABC News Albania 24/7

temperatura.jpg
G. P.16:59 | 26/07/2019

Më një vlerë rekord nxehtësie prej 42,6 gradësh e enjtja do të hyjë në historinë e Gjermanisë. Tani temperaturat do të bien. Pasdite priten reshje.

Ata që nuk e përballojnë lehtë vapën mund të marrin frymë të lehtësuar – të paktën pak. Në ditët e fundit termometrat raportuan nivele të reja rekord pothuajse çdo orë. Kurse në fundjavë pritet freskim. Sipas parashikimeve aktuale, kjo nënkupton temperaturat e zakonshme të zakonshme të verës të Gjermanisë, prej rreth 30 gradësh.

Megjithatë, kjo do të thotë rreth dymbëdhjetë gradë më pak se rekordi i konfirmuar i vapës gjermane: 42.6 gradë u konfirmuan të enjten në Lingen në Emsland. Fakti që rekordi i mëparshëm prej 40.3 gradësh, i vitit 2015 në Kitzingen, u kalua kaq shumë këtë javë, dhe meqenëse temperatura të larta u regjistruan në disa vende në Gjermani, solli vëmendje ndërkombëtare. “Një ditë që do të shkruajë historinë e motit”, shkroi në twitter Organizata Botërore e Meteorologjisë, duke përmendur vlerat e Shërbimit Meteorologjik Gjerman (DWD).

Sipas kësaj, 40 gradë ose më shumë u matën në 25 stacione meteorologjike, në 15 stacione u kalua vlera e mëparshme rekord e regjistrimit. Aktivistja suedeze e mjedisit Greta Thunberg shkroi: “Rekord i përkohshëm gjerman i vapës … 42.6°C! Mbi 2 gradë më shumë se rekordi i vjetër.  I vendosur dje …”

Mënyra e veprimit në vapë

Të shtunën moti pritet të freskohet ndjeshëm. Megjithatë, ka një paralajmërim: sidomos në gjysmën jugore të Gjermanisë, priten reshje me stuhi të rënda.

Pas kësaj, temperaturat mund të luhaten – varësisht nga rajoni – midis 20 dhe 30 gradë. Herë pas here janë të mundshme reshje. Kështu pritet të qëndrojë moti deri në mes të javës së ardhshme.

Shmangni qëndrimet e gjata në diell. Pini shumë lëngje. Veçanërisht të përshtatshme janë pije që përmbajnë minerale, si uji ose çaji. Alkooli është mirë të shmanget. Ekspertët këshillojnë të mos pini pije të ftohta akull. Gjithashtu në të ngrënë: shmangni gjellët e yndyrshme, në vend të kësaj, hani më shumë sallatë, fruta dhe perime. Rekomandohen sidomos frutat e pasura me ujë, si luleshtrydhet, pjeshkët dhe pjeprat. Supat e ftohta janë shumë të përshtatshme për të marrë lëndë ushqyese shtesë.

L4LKCQJHRQ7HZIAAFWSCYEXNRY-1280x599.jpg
nev ila12:07 | 20/07/2019

 

Shtetet e Bashkuara të Amerikës dhe Kanada do të përfshihen nga temperaturat e larta duke bërë që rreth 200 milion persona të preken nga vala e të nxehtit. Në Kanada priten dhe stuhi të forta për shkak të lagështirës.

Janë rreth 200 milion personat e prekur nga i nxehti i jashtëzakonshmë që ka vënë në gjendje alarmi Shtetet e Bashkuara të Amerikës, nga Miduest në bregun lindor, dhe një pjesë të Kanadasë. Parashikohen temperatura rreth 40 gradë, por do të ndjehen më shumë si pasojë e lagështirës së madhe. Nju Jork shpalli gjendjen e jashtëzakonshme, por në rrezik janë edhe qytetet kryesore në very lindje të vemdit si: Boston, Filadelfia, Baltimore, Uashington.

Fundjavë është përvëluese në të gjithë bregun lindor të shteteve të bashkuara të amerikës dhe në disa zona të Kanadasë ku vala e të nxehtit konsiderohet si e paprecedentë.

Qyteti i Nju Jork anuloi një sërë aktivitetesh pikërisht për shkak të temperaturave të larta.

Kryebashkiaku De Blazio urdhëroi pronarët e ndërtesave dhe zyrave që të rregullojnë kondicionerët jo mmë shumë se 26 gradë deri të dielën për të kursyer energji elektrike.

Ai konfirmoi dhe hapjen e e 500 qendrave rifreskimi në qytet. Masa të ngjashme janë marrë dhe në Ditroit dhe në qytete të tjera.

Në Kanada, gjendja e alarmit ka përfshirë Kuebek, Ontario dhe në Skocinë e re. në Toronto temperature ka shkuar deri në 40 gradë dhe pikërisht për shkak  të lagështirës parashikohen stuhi  të forta.

Në Montreal temperatura e kaloi 45 gradë Celsius. Në fillim të javës temperaturat do të shënojnë një ndryshim dramatik, duke rënë në mënyrë të ndjeshme./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono