Telefonata

burgu-i-peqinit-1.jpg
nev ila23:54 | 03/02/2020

Në të njëjtën ditë, një person që vuan dënimin në këtë institucion, ka telefonuar të ëmën dhe i ka treguar se si keqtrajtohet brenda qelisë dhe si shërbimet në këtë institucion shiten me para nën dorë.

Në këtë material, të cilin e kanë dërguar pranë emisionit “Stop”, ai dëgjohet teksa i tregon nënës së tij torturat që përjeton në këtë burg, ku i thotë se e kanë lënë në dhomën e izolimit të flejë pa dyshek dhe pa batanije,  apo se kanë tentuar që ta lidhin me pranga në duar dhe këmbë.

Ai i kërkon ndihmë nënës së tij, ndërsa i thotë se nuk duron dot më e se mendon të kryej vetëvrasje.

I burgosuri-  Po më bëhet një padrejtësi e madhe në burgun e Peqinit.

Nëna e tij- Po!

I burgosuri- Shefi i policisë më ka pru pa të drejtë në izolim, sepse ka marrë lekë edhe ka shit dhomën që rri…

Nëna e tij- Po!

I burgosuri- Edhe më ka kaluar këtu në izolim, pa asnjë lloj lidhje. Me datën 3 nga ora 12 ka tentuar një Ilir… Ilir Boçi, për të më therur nga skara, që po flisja në telefon, që të mora ty.

Janë kamerat mami, nuk janë fjalë, janë kamerat atje, që tregojnë të vërtetën dhe më kanë pru këtu, për arsye, që ato të dalin të justifikum, për të shit dhomën dhe për të çu njerëzit, që kanë marrë lekët direkte te shefi i policisë.  Sot më kanë ardh këtu duke më provoku dhe duke më thënë që:  “Ne ty do të të bëjmë, që t’i të hash baltë këtu, gabel i m*tit”!

Janë kamerat, që tregojnë këtu mami këtë gjë. Kjo telefonatë, që po të marr tani, nuk do të marr më, sepse aq ma kanë mbush zemrën. Unë do të vras veten.

Mua nuk më lejnë me dal në telefon. Unë do të vras veten, ose do t’i vej flakën vetes. Mundohu të më shpëtosh si fëmi, që më ke! Jam njeriu me sjelljet më të mira, në burgun e Fushë-Krujës, dhe në burgun e Peqinit…

Më kanë nxjerrë nga vetvetja komplet mami. Nuk i di arsyet. Të drejtat e njeriut këtu m’i kanë shkel komplet mami, po  më torturojnë. Më kanë lënë 3 ditë pa batanije, pa dyshek, kam fjet në ujë. Nuk më kanë lënë torturë pa më bo.

Prunë urdhrin tani, erdhën tani këtu specialistë trupe me gjithë polica, për me m’lidh me pranga tek këmbët dhe tek duart. Mami nuk e di arsyen./tv klan

trump-3.jpg
So Nila10:22 | 23/12/2019

Shtëpia e Bardhë kërkoi të ndalojë ndihmën për Ukrahinën vetëm 90 minuta pasi Presidenti Trump foli me Presidentin Volodymyr Zelensky në  telefon në korrik, ka zbuluar një email i qeverisë .

Në telefonatën e shumë përfolur , zoti Trump i kërkoi liderit ukrainas që të hetojë rivalin e tij politik, demokratin Joe Biden.

Demokratët thonë se kjo tregon që zoti Trump e përdori zyrën për përfitime politike personale.

Thirrja telefonike  është thelbësore për abuzimin e akuzës për pushtet mbi të cilën është akuzuar zoti Trump.

Një paralajmërues amerikan që dëgjoi për bisedën ngriti shqetësime, gjë që përfundimisht shkaktoi hetimin e fajësimit.

Trump u akuzua zyrtarisht nga Shtëpia e Përfaqësuesve të Mërkurën, por nuk ka gjasa të hiqet nga detyra pasi çështja do të shkojë në gjykim në Senatin e SHBA, ku partia e tij republikane ka shumicën.

Çfarë shkruhet në email?

E-maili i sapohapur u mor në hetim nga Qendra për Integritet Publik pas një urdhri gjyqësor për një çështje të lirisë së informacionit.

Kjo tregon se një zyrtar i lartë i Shtëpisë së Bardhë, Mike Duffey, kontaktoi zyrtarë të lartë të mbrojtjes në lidhje me ndalimin e ndihmës së Ukrahinës pak më shumë se një orë e gjysmë pasi zoti Trump përfundoi një telefonatë të 25 korrikut me Presidentin Zelensky.

Telefonata  tregon që zoti Trump i kërkoi Zelensky “të na bëjë një favor” dhe të hetojë Joe Biden, aktualisht një pararendës për të qenë kandidat demokrat në garën e Shtëpisë së Bardhë 2020, dhe për djalin e tij Hunter Biden, i cili kishte punuar më parë për një kompani të energjisë të Ukrahinës .

Në email Z. Duffey kërkon që Departamenti i Mbrojtjes të “ndalojë” së ofruari ndihmën në bazë të planit të administratës .

“Duke pasur parasysh natyrën e ndjeshme të kërkesës, unë vlerësoj ruajtjen tuaj të informacionit ” thuhet në email.

Cili ka qenë reagimi?

Rachel Semmel, një zëdhënëse e Zyrës së Menaxhimit dhe Buxhetit, hodhi poshtë interpretimin që iu bë emailit në një deklaratë për mediat amerikane të dielën.

“Është e pakujdesshme të lidhësh fondet me telefonatën. Siç është krijuar dhe raportuar publikisht, mbledhja u njoftua në një takim ndërinstitucional më 18 korrik,” tha për CNN .

“Të bazohesh vetëm nga një e-mail dhe të mos e kuptosh  kontekstin siç duhet është diçka mashtruese dhe e pasaktë.”

Ndërkohë, demokrati i lartë në Senatin e SHBA, Chuck Schumer, tha se posta elektronike vërtetonte nevojën për dëshmitarë dhe prova të reja në gjyqin e fajësimit të Presidentit Trump.

“Nëse ka pasur ndonjëherë një argument se ne kemi nevojë që Z. Duffey të vijë dhe të dëshmojë, ky është ai informacion. Ky email është shpërthyes,” tha z. Schumer.

“Një zyrtar i lartë i administratës,po thotë, ndaloni ndihmën ndaj Ukrahinës, 90 minuta pasi Trump telefonoi  Zelensky.

Çfarë keni nevojë më shumë për të kërkuar një dëshmitar?”

“Derisa të dëgjojmë nga dëshmitarët, derisa të marrim dokumentet, populli amerikan do të supozojë saktë që se ata që bllokuan dëshminë e tyre ishin duke ndihmuar në zgjatjen e gjyqit “shtoi z. Schumer.

“Kështu që unë do ta mbyll  duke thënë këtë: Presidenti Trump, hiq dorë nga postat elektronike, le të dëshmojnë dëshmitarët. Nga  çfarë keni frikë?”

Çfarë ndodh më pas me fajësimin?

Data e fillimit të gjykimit është në dyshim, ndërsa grindja midis palëve vazhdon.

Mitch McConnell, udhëheqësi i mazhorancës republikane që do të përcaktojë kushtet e gjykimit, dëshiron që çështja të konsiderohet pa dëshmi.

Por demokratët thonë se dëshmitarë të rinj duhet të dëgjohen në Senat, duke përfshirë të paktën katër ndihmës aktual dhe  të ish të Shtëpisë së Bardhë me njohuri për çështjen e Ukrainës.

Nancy Pelosi, Kryetarja Demokratike e Dhomës, e ka shtyrë dërgimin e akuzave të fajësimit në Senat derisa rregullat e gjykimit të Senatit të jenë të pranueshme për palën e saj.

Trump “cicëroi” të dielën se çështja e demokratëve ” ishte “e vdekur” dhe e quajti zonjën Pelosi “të çmendur“./abcnews.al

 

edi-rama-fcb-1280x693.jpg
nev ila10:04 | 24/10/2019

Kryeministri Rama përmes një postimi në llogarinë e tij shkruan se ka patur një telefonate me kancelaren Merkel e cila i ka shprehur mbështetjen e saj për Shqipërinë në rrugën drejt hapjes së negociatave.

Sipas kryeministrit këtë bisedë e ka zhvilluar gjatë një telefonate 45 minutshe.

Gjatë një telefonate rreth 45 min me Kancelaren Merkel vendosëm të gjitha pikat mbi “i” për ecurinë e mëtejshme të përpjekjeve të përbashkëta për çeljen e negociatave për anëtarësim…

Kancelarja rinënvizoi qëndrimin e Gjermanisë në mbështetje të Shqipëris

Danke Angela”, shkruan Rama./abcnews.al

 

Majk-pompeo.jpg
nev ila18:15 | 02/10/2019

Sekretari i Shtetit, Majk Pompeo ishte i pranishëm gjatë telefonatës që presidenti Trump zhvilloi me homologun ukrainas Volodimir Zelenskij.

Konfirmimi ka ardhur nga vetë Pompeo, i cili megjithatë ka mohuar që gjatë bisedës të ketë konstatuar elementë shqetësues, sikundër përflitet.

Sekretari amerikan i Shtetit, Majk Pompeo ka konfirmuar se ka qenë i pranishëm teksa presidenti Trump zhvillonte telefonatën e kontestuar me presidentin ukrainas, Volodimir Zelenski.

Telefonata në fjalë, gjatë të cilës Trump kërkonte ndihmën e palës ukrainase për të përbaltur rivalin politik Xho Bajden, është bërë shkak për nisjen e proçedurave të inkriminimit të Trump.

Konfirmimi i shefit të diplomacisë amerikane erdhi në një konferencë shtypi të mbajtur në Itali, pasi mediat amerikane raportuan se ai kishte qenë pranë presidentit Trump gjatë bisedës me Zelenskin.

“Isha i pranishëm”, tha shkurt Pompeo.

Ai nuk iu përgjigj pyetjes nëse gjatë telefonatës kishte dëgjuar ndonjë gjë shqetësuese, por tha se gjithçka kishte të bënte me marrëdhëniet politike mes Shteteve të Bashkuara dhe Ukrainës.

“Marrëdhëniet tona kanë qenë të qëndrueshme dhe ne do të vazhdojmë me këtë trend”, deklaroi Pompeo.

Ditën e martë, Pompeo u shkroi demokratëve që po menaxhojnë proçedurat e inkriminimit të Trump duke u bërë thirrje që të heqin dorë nga sjelljet prej “të forti”, pas thirrjes së 5 zyrtarëve dhe ish-zyrtarëve të Departamentit të Shtetit për t’i marrë në pyetje.

Prania e zotit Pompeo gjatë telefonatës ishte raportuar më herët gjatë javës, por kjo është hera e parë që ai e pranon atë në mënyrë direkte./ABC News Albania 24/7

SHBA-007-ABCM4T1.mpg_snapshot_00.00-1280x720.jpg
ent ela11:30 | 30/09/2019

Presidenti amerikan Donald Tramp ka kërkuar të takohet me personin, që denoncoi telefonatën e tij me presidentin ukrainas. Ndërkohë shërbimet amerikane të inteligjencës e kanë marrë në mbrojtje, pas informacioneve se jeta e tij është në rrezik.

Personi që denoncoi telefonatën mes presidentit amerikan Donald Tramp dhe liderit ukrainas Zekensku, është vendosur nën mbrojtjen e autoriteteve federale të cilët janë të frikësuar për sigurinë e tyre. Lajmi është raportuar nga mediat amerikane të cilat citojnë një letër të avokatit të tij sipas të cilit numri një I shërbimit amerikan të inteligjencës, urdhëroi mbrojtjen e klientit të tij.

Ndërkohë presidenti amerikan Donald Tramp ka kërkuar të takohet personalisht me personin që denoncoi telefonatën e tij me homologun ukrainas. Ai paralajmëroi se mund të ketë pasoja të rënda për atë që ka publikuar këto informacione. Kreu i Shtëpisë së Bardhë këmbënguli se ky person e kishte spiunuar dhe sic do amerikan kishte të drejtë të takohej me atë që e akuzon. Presidenti amerikan e akuzoi atë se ka thënë fjalë të tmerrshme, të cilat nuk kishin dalë nga goja e tij. “jo vetëm dua të takohem me atë që më akuzon, i cili ka publikuar informacione të rëndësisë së dytë dhe të tretë, por dua të takohem dhe  me atë që ia ka dhënë këto informacine, përfundoi Tramp. /ABC News Albania 24/7

C7AF12F4-35C0-4CD7-A1FB-2F5584B7458E_cx0_cy8_cw0_w1023_r1_s.jpg
ent ela09:47 | 27/07/2019

Presidenti i Shteteve të Bashkuara, Donald Trump ka uruar Boris Johnsonin për marrjen e detyrës si kryeministër i ri i Britanisë së Madhe dhe ka biseduar me të përmes telefonit për kapjen e cisternës britanike nga Irani në Ngushticën e Hormuzit.

Trump u tha gazetarëve në Shtëpinë e Bardhë më 26 korrik se sapo kishte zhvilluar një bisedë telefonike me kryeministrin Johnson.

Dy udhëheqësit kanë biseduar për tensionet e fundit me Iranit dhe për nevojën që Uashingtoni dhe Londra të punojnë së bashku për këtë çështje, u tha në një deklaratë të lëshuar nga Britania.

Tensionet ndërmjet Iranit dhe Britanisë janë përshkallëzuar që prej se Marina Mbretërore britanike kapi një cisternë iraniane në Gjibraltar më 4 korrik dhe më pas Irani konfiskoi një cisternë të naftës së Britanisë më 19 korrik.

Cisterna britanike dhe ekipi i saj gjenden në portin Bandar Abbas dhe janë ndaluar nën dyshimin se kanë shkelur “rregullat ndërkombëtare detare”. Britania dhe pronari i anijes mohojnë këto pretendime.

Ndërkaq, Trump tha se Uashingtoni dhe Londra tashmë kanë nisur të punojnë drejt një marrëveshjeje për tregti të lirë ndërmjet dy vendeve.

Johnson u bë kryeministër i Britanisë pasi paraardhësja e tij, Theresa May nuk arriti që të nxjerr vendin nga Bashkimi Evropian, pasi Parlamenti britanik refuzoi marrëveshjen e arritur me Brukselin.

Boris Johnson është zotuar se Britania do të dalë nga BE-ja më 31 tetor me ose pa marrëveshje. /REL

maxresdefault-1-1280x720.jpg
ent ela15:15 | 24/06/2019

Ministri i jashtëm italian Enzo Moavero Milanesi, zhvilloi një bisedë telefonike me kryeministrin shqiptar Edi Rama si dhe me liderin e opozitës Lulzim Basha.

Sipas një njoftimi zyrtar të ministrisë së jashtme italiane, Milanezi i konfirmoi Ramës dhe Bashës rëndësinë e jashtëzakonshme për respektimin absolut të rregullave themelore të demokracisë dhe shtetit të së drejtës

Në  prag të 30 qershorit, ministri i jashtëm italian theksoi ne keto biseda telefonike me dy lideret shqiptare se pavarësisht përplasjeve mes forcave politike shqiptare, është thelbësore të shmanget çdo lloj dhune dhe të manifestohen opinionet dhe qëndrimet respektive në mënyrë korrekte dhe demokratike.

Ministri i jashtëm Italian, sipas njoftimit për shtyp të Farnezinës, theksoi se duhet siguruar korrektësia e procesit elektoral në Shqipëri.

Procesi  do të monitorohet nga një mision ndërkombërat i drejtuar nga OSBE-ODHIR, në të cilin bëjne pjesë vëzhgues të vendeve të ndryshme, mes të cilëve edhe nga Italia. /ABC news Albania 24/7

edi-ramaaa-1280x725.jpg
ad min16:15 | 17/06/2019

Tabloidi gjerman ka nisur publikimin e përgjimeve të reja të dosjeve të prokurorisë mbi hetimin e blerjes së zgjedhjeve në vitin 2017. Në njërin nga përgjimet është vetë kryeministri Edi Rama që i telefonon një drejtori të ministrisë së brendshme, pjesë sipas “Bild” e dosjes 184 të zgjedhjeve në Dibër.

Përgjimet zyrtare nuk kanë kursyer as Kryeministrin Edi Rama.

Gazeta gjermane “Bild” publikon një bisedë të përgjuar të kreut të qeverisë me një drejtor të lartë në Ministrinë e Brendshme, Arben Keshi gjatë procesit në zgjedhjet elektorale në Dibër.

Ky është audio përgjimi i parë që ka bërë publik gazeta gjermane “Bild” e cila ka paralajmëruar se janë disa. Në informacionin e publikuar nga gazetari gjerman thuhet se kjo pjesë e parë e përgjimeve zyrtare tregon se si një drejtor i lartë i Ministrisë së Brendshme, Arben Keshi ka ngritur një skemë të qartë dhe një strategji për blerjen e votave, pengimin dhe shantazh të votuesve. Ai nuk është i vetëm në skemën kriminale./ABC News Albania 24/7

kanoni.jpg
ad min23:42 | 05/06/2019

Kryetari i Bashkisë së Shijakut, Ardian Kokomani është një nga zyrtarët që ka rënë në përgjimet e Prokurorisë për dosjen “339/1”. Në përgjimet që ka publikuar të mërkurën gazeta gjermane “Bild”, Ardian Kokomani del në një bisedë telefonike që ka bërë me Astrit Avdylajn, i cili i kërkon që të shkojë në një takim ku i pranishëm do të jetë kryebashkiaku i Durrësit Vangjush Dako dhe persona të tjerë.

Në një lidhje telefonike për emisionin “Opinion” në Tv Klan, Kokomani thotë se nuk ju bind Astrit Avdylit dhe nuk shkoi në takimin që ai i kërkoi. Ardian Kokomani mohoi në mënyrë të përsëritur që të ketë qenë prezent në këtë takim, duke u shprehur se nuk ka asnjë lidhje me këtë histori.

Blendi Fevziu: Ju ka telefonuar një person që njihet si Astrit Avdylaj dhe ju kërkon të bëhet takim mes jush dhe Vangjush Dakos. Duhet sikur jeni shumë i bindur ndaj tij.

Ardian Kokomani: Nuk ta pranoj atë që jam i bindur ndaj tij. Unë jam kryetari i Bashkisë. Zotëria më ka telefonuar mua, ato gjëra janë që dëgjohen. Ai takim s’është realizuar asnjëherë me mua të paktën prezent. Telefonat e zakonshme është me njerëz të zakonshëm. Ok i themi çdo njeriu. Ky është një qytetar i thjeshtë. Ai më ka thënë mua që është një takm, por unë s’kam shkuar në takim. Nëse janë takime zyrtare gjë tjetër, nëse janë takime shoqërie gjë tjetër. Më thotë ti duhet të jesh në takim, po unë s’jam. Me mua s’ka pirë kafe. Unë s’jam takuar asnjëherë dhe në asnjë takim që personi ka qenë prezent. Unë në memorien time nuk e mbaj mend këtë histori. Unë çdo ditë po të më telefononi, çdo njeriu i them që jam në takim. Në një moment, në një telefonatë, njeriu s’është i përgatitur ç’përgjigje do japi, e parë dhe e dyta, dhe kur është në lojë drejtuesi i qarkut mund të ketë thënë ai diçka. Si qytetar i Shijakut ka të drejtë të komunikojë me kryetarin e Bashkisë. Në mënyrë absolute nuk jam takuar në prezencë të këtij njeriu. Ai ka bërë ftesën e vetë.

Blendi Fevziu: Kush është Juli?

Ardian KokomaniNuk e di, janë njerëz të nderuar të zonës, janë kushërinjtë e deputetit.

Blendi Fevziu: Keni pasur kërcënime?

Ardian Kokomani: Unë s’kam marrë asnjë kërcënim në asnjë mënyrë. Nuk kam komunikime me zotërinë në fjalë. Nuk jam unë një nga ato njerëzit që ju mund të mendoni. Unë jam në fund të mandatit tim 4-vjeçar. Kur kam fituar atë bashki, njerëzit kanë qenë të privuar, kështu që nuk kanë lidhje me mua këta njerëz. Nuk kam lidhje me këto histori.

Fatos Hakorja: Në ç’rrethana e keni njohur Astrit Avdylajn?

Ardian Kokomani: Unë jam qytetar nga Shijaku, mund të njoh mbi 70% të popullsisë. E di që Astrit Avdyli ka qenë i dënuar për një hakmarrje. Nuk bëj takime, mund të hetoni, mund të vini të pyesni popullin e Shijakut, nëse Kokomani ka pirë një kafe me këto njerëz…. nuk jam takuar në këtë takim që bëhet fjalë për bisedën. Kam 4 vjet kryetar Bashkie, si s’jam takuar unë me qytetarët. /tvklan.al

MBULIM-TE-ARRESTUARIT-NE-RINAS.mpg_snapshot_00.36-1280x720.jpg
ent ela14:38 | 25/04/2019

Katër persona të tjerë janë shpallur zyrtarisht në kërkim nga Policia e Shtetit, cilët dyshohen se janë përfshirë në grabitjen e 9 prillit në Rinas. Në krye të listës qëndrojnë dy vëllezërit Klement dhe Eldi Çala, ndërsa dyshohet se dy shtetas nga Kosova kanë qenë pjesmarrës në grabitjen e parave brenda pistës së aeroportit.

Përveç pesë personave të arrestuar si të dyshuar për supergrabitjen e Rinasit, policia ka shpallur në kërkim edhe katër shtetas të tjerë.

Klement Çala vijon të jetë në kërkim në krye të listës, ndërsa grupi hetimor dyshon se, 31-vjeçari ka qenë bashkë me Admir Murataj brenda pistës së aeroportit të Rinasit, duke arritur të grabisin edhe disa miliona euro. Kjo gjë është zbuluar edhe nga përgjimi i një telefonate ndërmjet familjarëve të Klementit, pasi ata shprehnin shqetësim se, ai mund kishte humbur jetën gjatë shkëmbimit të zjarrit me policinë. Por që nuk rezultoi e vërtetë, pasi nga analizat e ADN, viktimë rezultoi, Admir Murtaj.

Nga verifikimet, listës së personave të shpallur në kërkim iu është shtuar edhe vëllai i madh i Klementit, Eldi Çala. Në servisin e 35-vjeçarit nga Elbasani u modifikua edhe furgoni “Chevrlet”, i cili u përdor në grabitjen e 9 prillit në Rinas.

Emrat e vëllezërve Çala dolën edhe nga bashkëpunëtori i drejtësisë, Alkond Bendasin, të cilit iu gjetën gjurmë gishtërinjsh brenda furgonit të loguar me mbishkrimin “Hetimi Tatimor”. Ndërkohë sipas hetimeve të deritanishme, dyshohet se rol të rëndësishëm për të realizuar planin e denjë për filmat hollivudianë kanë pasur edhe dy ish-efektivë të policisë, të cilët janë shpallur në kërkim.

Listës së personave që dyshohen se kanë marrë pjesë në grabitje, ose të që mund të jetë përfshirë në atë ngjarje janë edhe dy shtetas me origjinë nga Kosova. Këtë e pohoi gjatë fazës marrjes në pyetje, Alkond Bengasi. Ai shtoi se pesudonimet e tyre, ishin “Daja” dhe “Tani”, të cilët ishin nën shoqërinë e të ndjerit, Admir Murataj. Policia e Shtetit kërkon ndihmën e homologëve të tyre kosovarë për të rënë në gjurmët e dy të dyshuarve në grabitjen të Rinasit. Gjithashtu, janë verifikuar lista e personave që kanë hyrë në mënyrë të rregullt nga pika e Kalimit Kufitar në Morinë në periudhën që Alkon Bengasi pretendon se u zhvillua takimi tek Shkëmbi i Kavajës.

Grupi hetimor dyshon se, në total, numri i personave që kanë pasur rol parësorë apo edhe dytësor në supergrabitjen e Rinasit është 17-të, ndërsa policia ende nuk ka asnjë të dhënë se ku mund të kenë shkuar paratë e marra nga keqbërësit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono