Teksas

via-CNN-Tropical-Depression-Imelda-flooding-in-Texas_1568952455861.jpg.jpg.jpg_39389837_ver1.0_1280_720-1280x720.jpg
ent ela11:55 | 20/09/2019

Reshjet e dendura në Teksas kanë shkaktuar të paktën dy viktima, ndërkohë mediat amerikane raportojnë se janë me mijëra ndërhyrjet për të shpëtuar banorët nga situata kritike.

Stuhia tropikale Imelda ka shkaktuar reshje të dendura në Teksas. Në Hjustonin e përmbytur nga uji të gjithë kanë parë dhe njëherë situatën tragjike të uraganit Harvei i cili në vitin 2017 shkaktoi viktima dhe shkatërrim. Me mijëra persona janë shpëtuar pasi në disa zona niveli i ujit është më shumë se një metër.

Një person humbi jetën në spital pasi ishte shpëtuar fillimisht nga automjeti i tij i rrëmbyer nga uji. Ndërkohë mediat amerikane raportojnë se ka dhe një viktimë të dytë. Shumë automjete janë braktisur në rrugë nga pronarët e tyre ndërsa kazanët e mbeturinave janë marrë përpara nga uji i kanaleve të shpërthyera.

Guvernatori i Teksasit Greg Abot shpalli gjendjen e kashtëzakonshme në 13 konte ndërsa kryebashkiaku i Hjuston paralajmëroi banorët që të qëndrojnë larg rrugëve. Ndërkohë janë me qindra fluturimet e anuluara në aeroportin ndërkombëtar Xhorxh Bush.

Alarmi për përmbytje qëndron në fuqi deri të shtunën. Të dielën në Hjuston do të jetë presidenti amerikan Tramp i cili do të marrë pjesë në një takim elektoral i shoqëruar nga kryeministri Indian Narenda Modi. /ABC News Albania 24/7

texas-shooting-01-ap-jc-190831_hpMain_4x3_992.jpg
ent ela21:00 | 01/09/2019

Thellohet në 7 të vdekur dhe 19 të plagosur, bilanci i viktimave të një sulmi me armë në Teksas.

Listës së viktimave iu shtuan dy të plagosur që ndodheshin në gjendje të rëndë në spital. Mes të vrarëve është edhe një vajzë 17 muajshe. Autori i sulmit, një i ri rreth të 30-ave u qëllua për vdekje nga policia përpara një kinemaje në qytetin perëndimor të Odesës.

Ai  fillimisht qëllonte me armë ndaj makinave teksa udhëtonte në një autostradë pranë qytetit të Odesës. Forcat e rendit e neutralizuan automjetin e tij, një makinë transporti postar që e kishte grabitur që në qytetin fqinj të Midlendit.

Policia ende nuk i ka bërë të ditura motivet dhe identitetin e autorit. Presidenti Trump vlerësoi si gjithmonë punën e policisë përmes Twitterit. Kjo është masakra e dytë brenda një muaji në Texas, pas asaj të El Pasos me motive raciste ku u vranë 22 persona.

/ABC News Albania 24/7

BVCKCIBFYJEQFPFLP4NSFTOBZI.jpg
ent ela13:27 | 22/08/2019

Në Shtetet e Bashkuara të Amerikës është shënuar ekzekutimi i 12-te i dënimit me vdekje për këtë vit. I ekzekutuari ishtë një 48 vjeçar që akuzohej për vrasjen e një studenteje. Deri momentin e fundit ai vetëdeklarohej i pafajshëm për akuzat.

Në Teksas është ekzekutuar me vdekje një person i dënuar për rrëmbimin, përdhunimin dhe vrasjen e një studenteje universiteti në vitin 1998. Ekzekutimi i Leri Suearingen u krye me injeksion vdekjeprurës: por ai vetëdeklarohej gjithnjë i pafajshëm. Me Suearingen shkon në 12 numri i ekzekutimeve në Shtetet e Bashkuara të Amerikës për këtë vit, nga të cilat katër janë kryer në Teksas. 12 minuta pas injeksionit ai u shpall i vdekur.

Departamenti për çështjet kriminale të Teksasit konfirmoi vdekjen e tij. Mediat amerikane raportuan se 48 vjeçari pretendonte pafajësinë. Avokatët e tij deklaruan se ADN-ja e gjetur në thonjtë e viktimës, nuk ishte e klientit të tyre por gjykata e lartë e Shteteve të Bashkuara të Amerikës refuzoi të pezullonte ekzekutimin. Pak para ekzekutimit 48 vjeçari i kërkoi Zotit që t’I falte pasi ata nuk e dinin se cfarë po bënin.

I dënuar në vitin 2000, i dënuari kishte një marrëdhënie intime me studenten e re. Viktima u pa për herë të fundit me të në 8 dhjetor të vitit 1998, ndërkohë që gjurmë të saj u gjetën në automjetin e të dënuarit. Bashkëshortja e këtij të fundit deklaroi se kishte gjetur automjetin të kthyer përmbys ditën e zhdukjes së studentes. Trupi i viktimës u gjet në pyll disa javë më vonë nga disa gjuetarë. /ABC News Albania 24/7

 

us-news-elpaso-shooting-2-get-1-1280x853.jpg
nev ila14:31 | 14/08/2019

Zyrat e Agjencisë për Emigracionin dhe Doganat në Teksas të Shteteve të Bashkuara janë sulmuar me armë mëngjesin e së mërkurës.

Autoritetet që kanë marrë në dorë hetimet e kanë konsideruar sulmin një akt të përgatitur kundër agjentëve të përfshirë në operacionet kundër emigracionit ilegal.

Breshëri plumbash janë qëlluar ndaj zyrave të Agjencisë për Emigracionin dhe Doganat në Teksas të Shteteve të Bashkuara.

Autoritetet, përfshirë FBI-në, e kanë vlerësuar episodin si një sulm të përgatitur kundër oficerëve federalë.

Ngjarja ndodhi në 3 të mëngjesit me orën lokale, 9 me orën tonë, në zyrat e agjencisë në San Antonio.

Dy godina fqinje u bënë gjithashtu objekt sulmesh, por për fat të mirë në të treja rastet nuk pati të lënduar.

FBI, që ka marrë në dorë hetimet, ka deklaruar se po kontrollon kamerat e mbikëqyrjes për të arritur tek autorët.

Ndërkohë, përmes një deklarate, vetë Agjencia për Emigracionin dhe Doganat fajësoi për të shtënat “retorikën politike” dhe keqinformimin që sipas saj u është bërë politikave të administratës së presidentit Donald Trump.

Agjencia në fjalë është kritikuar ashpër për trajtimin që u është bërë emigrantëve pa dokumenta, të cilët mbahen në qendrat e burgimit të ngritura në afërsi të kufirit SHBA-Meksikë.

Ndërkohë, në vijim të reagimit mbi ngjarjen FBI ka deklaruar se personat përgjegjës për sulmin kishin bërë kërkime, pasi e dinin me saktësi katin e ndërtesës ku ndodhen zyrat e agjencisë.

Sipas Byrosë Federale të Hetimit, vetëm fati ka shpëtuar disa agjentë nga plumbat e qëlluar.

Të shtënat u verifikuan pak kohë pas sulmeve në El Paso dhe Dejton, që thuhet se kishin si bazë urrejtjen ndaj emigrantëve meksikanë./ABC News Albania 24/7

vrasjet-ne-teksas.jpg
G. P.19:42 | 24/04/2019

Një vrasës i dënuar me 70 vjet burg vdiq në qeli duke lënë pa përgjigje 11 çështje në lidhje me vrasjet e 11 vajzave të humbura. Edward Harold Bell, 82 vjeç, po hetohej për shkak të “rrëfimit” që kishte bërë në një gazetë, ku deklaronte se ishte vrasës serial dhe përgjegjës për vrasjet 11 vajzave në vitet 1971-1977.

Në një letër që ai i kishte dërguar “Houston Chronicle” rreth vrasjes së vajzave, të cilat u zhdukën nga vendndodhje të ndryshme rreth Teksasit në vitin 1970, Bell i quante ato “Të njëmbëdhjetat që shkuan në parajsë”.

Megjithatë edhe pse pretendonte se ishte vrasës serial, ai ndodhej në burg për një vrasje tjetër, atë të një ish-marinsi. Për sa i përket vrasjeve të vajzave, ai nuk akuzohej për asnjë prej tyre, por ishte i dyshuari kryesor në të paktën dy prej çështjeve.

Në vitin 2011, ai raportoi për gazetën amerikane se ishte pjesa që i mungonte pazëllit në lidhje me zbulimin e vrasjeve. Bell pretendonte se kishte vrarë vajzat, disa prej të cilave ishin rreth 12 vjeçe.

Pas vrasjes së ish-marinsit, Edward Bell kishte qëndruar 14 vjet në arrati pas lirisë me kusht. Autoritetet e kapën pas shfaqjes së një emisioni televiziv në 1993. Ai jetonte me një adoleshente në një jaht në Panama. Pasi Bell pretendoi në vitin 2011 se kishte vrarë 11 vajzat, ndaj tij nisi menjëherë një hetim për t’i vërtetuar deklaratat.

Sipas mediave të huaja, Bell kishte përshkruar edhe mënyrën se si i përzgjidhte dhe si i vriste viktimat e tij. Ai pretendonte se i zgjidhte nga një dyqan akulloreje, i qëllonte, i vriste dhe më pas i hidhte trupat në kënetë.

Edhe pse deri më tani mbeten mister, detektivët që u morën me këto çështje shprehen se vdekja e tij mund të nxjerrë në pah detaje të tjera. Kjo për shkak se shumë persona që mund të kenë dijeni për ngjarjet nuk kanë pranuar të flasin nga frika që Bell mund të dilte nga burgu./abcnews.al

shba-1-1280x853.jpg
G. P.12:28 | 14/04/2019

Stuhi të fuqishme dhe tornado kanë përfshirë jugun e Shteteve të Bashkuara, sidomos Teksasin, ku dy fëmijë kanë humbur jetën dhe shumë shtëpi janë dëmtuar. Dy të miturit, përkatësisht 3 dhe 8 vjeç, ndodheshin në një automjet bashkë me prindërit kur një pemë papritur ra mbi veturë.

Prindërit, të cilët ishin ulur në sediljet e parme nuk morën lëndime. Ngjarja ndodhi në lokalitetin Lufkin, në kontenë Anxhelina, rreth 200 kilometra në veri-lindje të Hjustonit. Ndërkohë, një tornado tjetër ka goditur qytetezën Frenklin, në jug të Dallasit, duke kthyer përmbys shtëpitë e lëvizshme dhe duke dëmtuar banesa të tjera.

Shërbimi meteorologjik amerikan ka regjistruar gjithashtu një tornado që ecte me 225 kilometra në orë, që ka çrrënjosur pemë dhe dëmtuar edhe një kullë transmetimi. Aktualisht, vala e motit të keq po spostohet drejt Ohajos dhe jug-lindjes./abcnews.al

teksas.jpg
G. P.22:35 | 06/07/2018

Një nënë në Teksas të Shteteve të Bashkuara ka zgjedhur një mënyrë ekstreme për të mbrojtur fëmijët e saj. E pajisur me pistoletë, ajo ka qëlluar në fytyrë një person që po i grabiste makinën ku ndodheshin dy të miturit.

Një grua në Teksas, nënë e dy fëmijëve, ka qëlluar për vdekje një person që po i grabiste makinën kur dy të miturit ndodheshin brenda saj. Sipas mediave amerikane, ngjarja ka ndodhur në një pikë karburanti. Kur ka parë grabitësin në veprim, gruaja është kthyer me shpejtësi pranë automjetit, ka nxjerrë pistoletën dhe e ka qëlluar atë në fytyrë.

Mësohet se gruaja i ka bërë thirrje agresorit, që ndodhej në sediljen e shoferit, që të ndalonte, por pas refuzimit të tij ajo ka hapur zjarr. Policia e Teksasit ka saktësuar se pasi autori është qëlluar, makina ka humbur kontrollin dhe është përplasur.

Dy djemtë e gruas, të moshave 2 dhe 4 vjeç, nuk kanë marrë lëndime. Gjendja e grabitësit ndërkohë nuk dihet, por gruaja i ka dërguar atij një mesazh: “Do të doja të të kisha vrarë, nëse nuk ia kam arritur qëllimit”, ka thënë ajo.

Nëna e dy fëmijëve është marrë në pyetje nga policia dhe më pas është lënë e lirë. “Duhet të t’i kisha zbrazur në fytyrë të gjithë plumbat”, i është drejtuar ajo grabitësit në një intervistë televizive. Sipas autoriteteve, ajo nuk ka gjasa të përballet me akuza./abcnews.al

dimitrious-pagotisus.jpg
G. P.11:04 | 19/05/2018

Autori i masakrës në shkollën e mesme të Teksasit, ishte viktimë e bulizmit. Në ditarin e tij, ai shkruante se donte të vriste dhe të vetëvritej. Ndërkohë dhe në parkingun e një shkolle të lartë në Atalanta një grua humbi jetën si pasojë e të shtënave me armë.

Dimitrios Pagourtzis, 17 vjeç, studenti i arrestuar për masakrën në shkollën e mesme në Teksas, ka qenë viktimi bulizmi i shokëve të klasës dhe trajnerëve. Washington Post ka intervistuar të afërmit e tij, ndërsa gjykata i ka mohuar mundësinë e lirimit me kusht në pritje të procesit. Sipas mediave amerikane, ai ka qenë i qetë gjatë dhënies së vendimit.

Fakti që ai ka qenë objekt talljeje për shokët e tij mund të jetë dhe arsyeja e masakrës, ndërsa mbetet ende për tu zbuluar plani i sulmit. Mediat amerikane kanë publikuar të dhënat e para të profilit të vrasësit 17-vjeçar. Në profilet e tij në rrjetet sociale, ai shfaqet në një fotografi me moton: i lindur për të vrarë, ndërsa në një fotografi tjetër, ai është me një xhaketë të verdhë të gjatë me simbole naziste. Adoleshenti luante me ekipin e futbollit të shkollës dhe ishte anëtar i skuadrës së kërcimit të kishës greke ortodokse.

Në ditarin e tij, Dimitrios planifikonte të vriste dhe të vetëvritej, dhe në automjetin e dhomën e tij janë gjetur bomba molotov dhe mjete të tjera shpërthyese.

Pas ngjarjes në Santa Fe në Texas, një episod tjetër i ngjashëm është regjistruar orët e fundit në Georgia. Sipas televizionit amerikan Fox News, një grua mbeti e vrarë në parkingun e një shkolle të lartë në pjesën lindore të Atalantës, teksa po zhvillohej një ceremoni diplomimi. Gruaja ndërroi jetë si pasojë e disa plumbave, ndërsa një person tjetër mbeti i plagour. Sipas të dhënave të para të policisë, çdo gjë ndodhi pas degjenerimit të një debati për shkak të vendeve të parkingut./abcnews.al

TEKSAS-10-VIKTIMA-1280x720.jpg
ent ela17:44 | 18/05/2018

Një sulm me armë zjarri në një shkollë të Teksasit u ka marrë jetën 10 personave dhe ka lënë të plagosur shumë të tjerë. Policia ka arrestuar autorin dhe dyshon se ka shmangur një sulm të përmasave të mëdha, pasi pranë shkollës ka gjetur edhe sasi eksplozivi.

Dhjetë persona mbetën të vrarë dhe shumë të tjerë të plagosur nga një agresion me armë zjarri në një shkollë të mesme në qytetin Santa Fe të Teksasit, në Shtetet e Bashkuara. Ngjarja ndodhi rreth orës 7 e 30 të mëngjesit të së premtes, me orën lokale, në momentin kur studentët ishin mbledhur dhe po bëheshin gati për të nisur mësimin. Sipas mediave amerikane, personi i dyshuar për sulmin e armatosur është arrestuar nga forcat e rendit. Ai është një student 17-vjeçar i shkollës. Ndërkohë, një moshatar është ndaluar nën dyshimin se ka ndihmuar autorin. Pasi dëgjuan të shtënat studentët dolën me vrap nga shkolla. Jashtë ata u kontrolluan nga agjentët e policisë, që për arsye sigurie i detyruan të zbraznin edhe çantat e shpinës. Më pas agjentët bënë edhe një kontroll të shkollës dhe perimetrit përreth saj dhe gjetën eksploziv dhe pajisje artizanale për ndërtimin e bombave. Zbulimi i lëndëve plasëse në disa pika ka alarmuar autoritetet që kanë evakuuar të gjithë nxënësit dhe stafin akademik nga shkolla dhe u kanë bërë thirrje banorëve të qytetit me 13 mijë banorë që të mos prekin asnjë objekt të dyshimtë. Mësohet se dy oficerë janë mes personave të plagosur, njëri prej të cilëve ndodhet në gjendje kritike. Ky është rasti i tretë i incidenteve me armë zjarri në 8 ditë në mbarë Shtetet e Bashkuara dhe i 22-ti që nga fillimi i vitit. Më i rëndi mbetet ai i shkurtit në Parklend të Floridës, ku mbetën të vrarë 17 studentë dhe profesorë. /abcnews.al

NJERIU-BOMBE-TEKSAS-1280x720.jpg
ent ela11:54 | 21/03/2018

Personi që terrorizoi shtetin e Teksasit me dërgimin e pakove bombë është vetëvrarë gjatë një operacioni për arrestimin e tij në Austin. Shpërthimet e dërgesave të tij vranë 2 persona dhe plagosën 6 të tjerë në këtë shtet Amerikan. Arsyet e sulmeve të tij nuk dihen, por mediat shkruajnë se mund të kenë lidhje me urrejtjen racore. 

Merr fund terrori në Teksas të Shteteve të Bashkuara të Amerikës. Autoritetet amerikane njoftojnë se personi që dërgonte pako bombë me anë të dërgesave postare është neutralizuar. Mësohet se ai është vetëvrarë me anë të shpërthimit të një eksplozivi gjatë një operacioni të gjerë të policisë, ekipeve speciale dhe FBI-së në qytetin Austin. Autori i dërgesave të pakove me bombë, pasi është larguar nga moteli ku qëndronte ka hedhur vetën në erë në makinën e tij në momentin kur i janë afruar agjentët për ta arrestuar. autoritetet raportojnë se një efektiv është plagosur gjatë shpërthimit.

Autori i sulmeve ka terrorizuar qytetin Austin në Teksas që prej 2 marsit dhe ka dërguar 5 pako me eksploziv. Nga shpërthimet 2 persona janë vrarë dhe 6 të tjerë mbetëm të plagosur. Një kamera sigurie e zyrës postare FedEx kapi imazhin e autorit, ku u bazuan dhe hetuesit e FBI në operacionin e tyre. Ai është një 24-vjeçar me ngjyrë të bardhë dhe me flokë bjond.

Policia lokale njoftoi se idenditeti i autorit nuk bëhet i ditur për arsye hetimore dhe kërkoi nga qytetarët e Austin që të tregohen të kujdesshëm pasi nuk dihet se çfarë pakosh mund të ketë dërguar ai në 24 orët e fundit. Arsyet e dërgimit të bombave ende nuk dihen, ndërsa FBI vijon me hetimet për zbardhjen e çështjes. Pavarësisht kësaj mediat amerikane aludojnë se ai është një militant i ekstremit të djathtë dhe natyra e sulmeve të tij mund të ketë lidhje me urrejtjen racore. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono