teatri

teatri-migjeni-1280x704.jpg
nev ila16:08 | 04/11/2019

Në 70-vjetorin e krijimit të tij, teatri “Migjeni “ne Shkoder është vlerësuar me titullin “Nder i Kombit” nga Presidenti Ilir Meta. Në ceremoni ndodhi një e papritur pasi u fikën dritat për disa minuta.

Në këtë përvjetor u dekoruan personalitetet që kanë kontribuar ndër vite në skenën e “Migjenit”.Aktoret dolën një e nga një në skenën  e Teatrit. U rrëfyen para spektatorit.

Teatri “Migjeni” në Shkodër festoi 70 vjetorin e krijimit si teatër profesionist. Me këtë rast Presidenti i Republikës i akordoi këtij institucioni titullin e lartë “Nderi i Kombit”. Gjatë dhënies së çmimit u  shkëput energjia elektrike për disa minuta.

Pavarësisht se teatri ishte pa drita ceremonia vijoi me promovimin e librit të shkrimtarit dhe studiuesit  Xhahid Bushati Teatri Migjeni, Kujtesa e një qyteti…

20 personalitete të artit skenik në Shkodër u dekoruan me tituj të ndryshëm.

Në këtë përvjetor të rëndësishëm u shfaq edhe dokumentari i përgatitur nga Arjan Çuliqi mbi historinë dhe personazhet që i dhanë jetë teatrit jo vetëm të Shkodrës por edhe më gjerë./abcnews.al

ilir-meta-teatri-1280x717.jpg
nev ila13:55 | 04/11/2019

Mbështetjen e tij për rezistencën e artistëve të Teatrit Kombëtar,  Ilir Meta e kishte shprehur përmes akteve të tij, kur rrëzoi dy herë ligjin që vuloste prishjen e godinës. Por fizikisht në ambientet e godinës së Teatrit, Ilir Meta hyri vetëm paraditen e të hënës ku sërish qëllimi ishte mbrojtja e vlerave historike dhe kulturore të godinës.

Ekspozita “Notre Dramë de Tiranë” e piktorit Avni Delvina e nxiti kreun e shtetit t’i kujtonte politikës se nëse shqiptarët nuk gëzojnë sovranitet për të shprehur mendimet dhe bindjet e tyre rrezikohet edhe vetë sovraniteti i Shtetit.

Veprën ku vetë ai ishte personazh kryesor si i vetmi institucion që ka treguar mbështetje për kauzën e Teatrit Kombëtar, Meta e shoqëroi me buzëqeshje

Por artistëve i kujtoi se  ka bërë vetëm detyrën duke mbrojtur identitetin kombëtar.

Politikës i kërkoi vetëm dialog dhe transparencë.

Presidenti la pa përgjigje pyetjen se kur do të marrë një vendim për të shpallur zgjedhje të pjesshme në Vorë, bashkinë ku që nga dita e premte godina ka ngelur pa drejtues pas heqjes së mandatit nga KQZ të Agim Kajmakut./abcnews.al

moniaaaa.jpg
nev ila22:23 | 02/11/2019

Kryetarja e LSI, Monika Kryemadhi ka marrë pjesë në ekspozitën e piktorit Avni Delvina, “Notre Drame De Tirane” – “Drama Jonë e Tiranës”, dedikuar kauzës së Teatrit Kombëtar.

Kryemadhi e ka ndarë mendimin e saj për ekspzoitën në rrjetet sociale. Teksa vlerëson veprën e Delvinës, Kryemadhi thekson se beteja nuk është vetëm për një godinë por për historinë e saj.

Sakaq, të pranishëm sot në ambjentet e Teatrit Kombëtar ishin edhe figura të tjera të opozitës, mes tyre ish kryeministri Sali Berisha dhe kreu i PD, Lulzim Basha.

Komenti i plotë i Monika Kryemadhit:

Një ekspozitë që të frymëzon. Në tablotë e krijuara me aq dashuri, vërtetësi dhe të ndërthurura me simbolika aq të veçanta, që vetëm një mjeshtër si Avni Delvina mund t’i japë jetë! Një ekspozitë ku beteja e sotme për teatrin thërret historinë e përbashkët në mbrojtje të vlerave. Kjo nuk është betejë vetëm për një godinë dhe historinë e saj. Kjo është kthyer në një kauzë të qytetarëve përballë barbarëve.
Kjo është kauza e vlerave përballë antivlerave.
Kauza e patriotëve përballë qeveritarëve që për karrigen janë gati të shesin jo vetëm pronën publike, por edhe trojet e shqiptarëve.
Kjo është kauza e njerëzve të lirë përballë autokratit të pashpirt!
Kjo është kauza e identitetit kombëtar përballë oligarkisë qeverisëse, që për fitimet e ditës janë gati të shkatërrojnë historinë e kombit!
Kjo është kauza e dinjitarëve përballë hileqarëve dhe të shiturve për pesë aspra!
Faleminderit Avni Delvina për këtë inspirim që na solle me artin tënd të mrekullueshëm!
Në foto me artistin e madh z. Avni Delvina, organizatoren e ekspozitës znj. Adriana Kalaja dhe znj. Nora Malaj.

suela.jpg
ad min19:00 | 15/08/2019

Kryeministri Edi Rama ka cituar një tjetër artiste të mirënjohur, Suela Konjari, lidhur me çështjen e Teatrit Kombëtar. Rama shkruan se artistja ndan të njëjtin opinion me shumicën dërrmuese të komunitetit teatror. Në citimin e sjellë nga Rama, Konjari shprehet se teatri është mbi partitë.

“Suela Konjari i përket gjeneratës që doli në skenë në vitet e vështira të ndryshimit të sistemeve dhe spikati me rolet e saj përpara publikut të Teatrit Kombëtar. Në çështjen e shumëdebatuar të godinës së teatrit, ajo ndan të njëjtin opinion me shumicën dërrmuese të komunitetit teatror” shkruan Rama, ndërsa citon Suela Konjarin:

“Kur mbaron një shfaqje teatri, melodia e parë që vjen për aktorin në skenë janë duartrokitjet e publikut. Me këtë dua të them, ju ftoj të gjithëve, veten time të parën, ju dhe gjithë kolegët e mi, edhe specialistët, që t’i tejkalojnë bindjet partiake, teatri është mbi partitë. Shpresoj shumë dhe do të dëshiroja që të arrihet një gjuhë e përbashkët sepse çelësi sekret për t’i zgjidhur problemet në këtë botë kaq të ndërlikuar ku jetojmë, është thjesht dashuria, ta dëgjojmë dhe besojmë njëri-tjetrin. Teatri na jep mundësinë që ta duam njëri-tjetrin dhe ta besojmë. Shpresoj që të arrijmë më të mirën e mundshme”./abcnews.al

euronews-per-teatrin-1280x712.jpg
nev ila16:00 | 12/08/2019

Debati për Teatrin Kombëtar shqiptar ka marrë vëmendjen edhe të medias ndërkombëtare. Gazetari i Euro News që intervistoi Ramën në vilën e tij të pushimi, ka takuar artistët që kundërshtojnë prishjen e godinës, ndërsa kryeministri është shprehur se gjithë protesta është një histeri.

Jack Parrock intervistoi këtë fillim gushti kryeministri Edi Rama. Ai tregoi se si Edi Rama e priti në vilën e tij në jug të Shqipërisë, zbathur dhe me pantallona të shkurtra.

Por gazetari i Euro News nuk ka ikur nga Shqipëria pa u ndalur tek tema që mban gjallë debatin publik edhe në verë: Teatrin Kombëtar.

Në sy i ka rënë gjeneratori.

Përmes tij artistët furnizohen me energji për të zhvilluar shfaqje teksa fodinës i janë ndërprerë dritat nga institucionet.

Artistët po luftojnë me qeverinë e cila kërkon të ndërtojë një teatër të ri, së bashku me kullat e banimit që janë në pronësi të investitorëve. Projekti i rindërtimit të teatrit është shumë e politizuar”,-thotë gazetari teksa flet me disa prej artistëve qëndrestare.

Nuk ka pasur konsultime publike, askush nuk dëshiron të dijë për atë që ndjejnë artistët dhe qytetarët. Dhe kështu kjo është bërë një luftë për të mbrojtur dhe ruajtur demokracinë në këtë vend dhe për t’i thënë ndal aleancës së bizneseve dhe politikanëve të korruptuar “, tha Kastriot Çipi.

Më pas gazetari i Euro News përshkruan se si policia  u përplas me artistët, dhe se si aktorët vullnetarisht kanë dhënë rreth tre shfaqje në javë për të mbledhur fonde për fushatën.

Ne po i përgjigjemi dhunës së tyre me artin tonë dhe ky është mesazhi më i rëndësishëm që teatri mund t’i japë politikës.”

 “Protestuesit thonë se nuk ka të bëjë vetëm me mbrojtjen e ndërtesës fizike, por edhe për mbrojtjen e historisë së saj. Ky ishte vendi i parë që u zhvilluan gjyqet komuniste, pasi Shqipëria u çlirua nga regjimi nazist në 1945”, shkruan gazetari.

Institucionet i kanë thënë Euro News se teatri është shumë i nxehtë në verë dhe shumë i ftohtë në dimër – dhe se shumë artistë duan një teatër të ri. Kryeministri Edi Rama është shprehur se protesta është thjesht histeri.

“Ligji është parë nga Komisioni Evropian dhe është pranuar me kushtin që të kishte garë, kështu që gara është hapur, dhe pjesa tjetër është….ju e dini!”, shkruan Rama.

Euro News specifikon shqetësimin e protestuesve se toka publike do t’i jepet firmës private për të ndërtuar kulla banimi./ABC News Albania 24/7

aktori-1280x716.jpg
ad min15:30 | 04/08/2019

Teatri i ri Kombëtar sipas aktorit Helidon Fino duhet të ndërtohet aty ku është.  Godina aktuale thotë aktori është amortizuar dhe atyre i është dashur të interpretonin në kushte të vështira.

Zërave pro ndërtimit të një Teatri të ri Kombëtar i është bashkuar dhe aktori Helidon Fino.  Aktori tregon se shpesh i është dashur të interpretojë në kushte të vështira për shkak të amortizimit të godinës aktuale.

“Në shtator bëj 24 vjet në teatër që do të thotë 24/24 orë dhe e kam shoqëruar këtë institucion në të gjitha mënyrat në aktivitetet artistike, në momente të ndryshme politike sidomos dhe në momentin kryesor të përfolur që është godina, e cila ka ardhur në një moment amortizimi total ku unë të paktën vitet e fundit sjell në memorje interpretimet e mia në skenë në -2 gradë dhe në 40 gradë, dhe kjo është fakt dhe është absolute. Mendoj dhe për të gjithë komunitetin sigurisht që nuk më ka pëlqyer ndërhyrja e politikës për këto ndarje të komunitetit sepse kur hyn politika ndan edhe një familje në dysh dhe jo më një komunitet dhe një komb”.

Helidon Fino mendon se Teatri i Ri Kombëtar duhet të ndërtohet në territorin e tij dhe kjo duhet të ndodhë sa më shpejt.

 “Kërkesa dhe kauza jonë është që Teatri Kombëtar duhet të ndërtohet i ri në territorin e vet që i takon, në sipërfaqen që i takon, në të gjithë parametrat bashkëkohor që i takojnë dhe është përgjegjësia e qeverisë që ta kryejë këtë sa më shpejt dhe jo më vonë jo vetëm për faktin që kanë kaluar mjaft vite 10-20 vjet me këtë diskutim, por mos të kalojnë dhe 18-20 vite të tjera sepse në këto diskutime dhe mundësi të vjetra duket sikur edhe brezat do t’i vjetrojnë para kohe. Është e nevojshme absolutisht dhe është një moment vullneti politik, por besoj edhe kombëtar dhe i komunitetit, që teatri të ndërtohet sa më shpejt aty ku është në sipërfaqen e vet ku i takon me të gjitha parametrat”.

Fino gjithashtu thotë se qeveria duhet të vërë në dispozicon të artit dhe kulturës një buxhet më të madh që aktorët sipas tij të mos interpretojnë me gjysma skenash apo gjysma kostumesh./ABC News Albania 24/7

ilir-meta-2.png
ad min09:15 | 01/08/2019

Në një postim në rrjetet sociale kreu i shtetit, Ilir Meta, shprehet se i ka dërguar një letër Aleancës për të konfirmuar mbështetjen e tij ndaj tyre për aplikimin që kanë bërë drejt një organizate ndërkombëtare për të mbrojtur kompleksin e Teatrit Kombëtar.

Më poshtë, Presidenti thotë se qëndrimet e tij në mbrojtje të trashëgimisë kulturore kanë qenë në koherencë të plotë prej 20 vitesh. Postimin e tij në Facebook, kreu i shtetit e shoqëron me një intervistë të kryeministrit Rama në vitin 2000, ku sipas Metës shërbente me devocion të jashtëzakonshëm si Ministër Kulture në qeverinë që ai drejtonte.

“Po ju njoh me faktin se dje i kam dërguar një letër Aleancës për Mbrojtjen e Teatrit Kombëtar, për të konfirmuar mbështetjen time në aplikimin e saj drejtuar organizatës prestigjioze “Europa Nostra” për mbrojtjen e kompleksit të Teatrit Kombëtar dhe Teatrit Kombëtar Eksperimental.

Po kështu të gjitha qëndrimet e mia në mbrojtje të trashëgimisë historike e kulturore të Tiranës, kanë qenë dhe janë në koherencë të plotë për këtë çështje prej 20 vitesh.

Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si Ministër Kulture, në qeverinë që unë drejtoja”, shkruan Meta.

/abcnews.al

Teatri-kullat.jpg
ent ela22:00 | 31/07/2019

Kryetari i Partisë Demokratike Lulzim Basha ka kërcënuar edhe një herë tjetër mbrëmjen e së mërkurës se nëse do të shembet Teatri Kombëtar, Partia Demokratike do tu vendosë minat me ligj kullave që do të ndërtohen si pjesë e këtij projekti.

Kryedemokrati akuzoi kryeministrin Rama dhe kryebashkiakun Erion Veliaj se po grabisin 8 467 m2 pronë publike.

Edi Rama dhe Erion Veliaj po shembin Teatrin Kombëtar për të grabitur 8467 m2 pronë publike dhe për të ngritur kulla mbi 20 kate. Nëpërmjet “Fusha shpk”, Edi Rama dhe Erion Veliaj fitojnë jo më pak se 200 milionë euro nga grabitja e pronës publike me ligj korruptiv. Me ligjin Antimafia PD do të sekuestrojë çdo cm2 pronë publike të grabitur. Nëse shembet Teatri, me ligj do tu vendosë minat kullave korruptive të korrupsionit.

Më tej, Basha sulmoi Ramën për mosreagim pasi Shtetet e Bashkuara të Amerikës i ndaluan hyrjen në vend kryetarit në detyrë të Bashkisë së Durrësit, Vangjush Dako.

Asnjë fjalë për bankomatin e tij privat Vangjush Dakon nuk belbëzon sot Edi Rama, ky artist i mashtrimit. Por vazhdon të mashtrojë për Aferën e 6 kullave 200 milionë euro. Çdo gjë që thotë, është mashtrim, pasi qëllimi i tij i vetëm është të vjedhë.” /abcnews.al

edi-ramaaa1.png
ad min15:03 | 31/07/2019

Kryeministri ka vijuar të mbrojë shembjen e teatrit aktual dhe ndërtimin e godinës së re, përmes fjalëve të aktores Ema Andrea.

“Ja sa qartë dhe bukur shprehet dhe Ema Andrea, një ndër emrat më të spikatur të skenës, në mbështetje të ndërtimit të Teatrit të ri Kombëtar”, thotë Rama duke cituar aktoren.

“Unë do doja t’i përkisja sot, si Ema, brezit që po ndërton të ardhmen, pra të vihet një gur sot që mua të më përfaqësojë në 2220. Më pëlqen arkitektura e re, më pëlqejnë sfidat kontemporane. Jam për një teatër të ri, për më tepër kur thuhet se ka këto kushte, por tani meqë janë këto kushte dhe ne i dimë dhe po i themi hapur të gjitha kushtet, kush e mban përgjegjësinë?”, përfundim citimi i aktores Ema Andrea.

/abcnews.al

RAMA-PER-TATRIN-DHE-EKONOMINE.mpg_snapshot_01.17-1280x720.jpg
ent ela18:10 | 30/07/2019

Kryeministri foli edhe për çështjen e nxehtë të Teatrit Kombëtar, duke thënë se godina e re do të përdoret pa u harxhuar asnjë lek nga buxheti, vetëm duke i falur firmës një tokë që është e bashkisë, matanë gardhit të teatrit. Po ashtu, Edi Rama renditi arritjet ekonomike dhe sukseset në luftën ndaj krimit.

Me këtë koncept për historikun e godinës ekzistuese, Edi Rama garanton se nuk do të preket trualli aktual i Teatrit Kombëtar.

Për ata që rezistojnë dhe po ruajnë godinën nga shembja, Kryeministri ka këtë vlerësim.

Krye i qeverisë shpjegon se si teatri i ri do të ndërtohet pa u harxhuar asnjë lek nga buxheti i shtetit.

Veç kësaj çështjeje të nxehtë, kryeministri parashtroi të dhënat ekonomike sipas tij, për 6 muajt e parë të këtij vitit.

Krimi nuk është inkurajuar nga kriza politike sipas kreu të qeverisë.

Policëve ju premton se së shpejti, me një akt normativ, do t’u kryejë të gjitha pagesat për punën jashtë orarit. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono