te shtena

MBULIM-LOS-ANGELES.mpg_snapshot_00.13-1280x701.jpg
G. P.09:55 | 08/11/2018

Një person i armatosur me një pistoletë është futur në pub-in “Borderline” në Kaliforni dhe ka nisur të qëllojë ndaj të gjithë personave që ndodheshin aty. Mediat amerikane raportojnë për shumë të plagosur dhe viktima. Ata që kanë mundur janë fshehur në tualete dhe në tarracën e lokalit. Dëshmitarë okularë treguan se janë dëgjuar të paktën 30 të shtëna. Për momentin nuk dihet asgjë për identitetin e autorit të sulmit apo arsyen e gjestit. Forcat e policisë dhe autoambulanca të shumta ndodhen në vendngjarje./abcnews.al

KRONIKE-PAMJET-E-NGJARJES-NE-BULARAT-ABC-M5-T2.mpg_snapshot_00.59-1280x720.jpg
G. P.20:16 | 29/10/2018

ABC News siguron videon e sulmit te kryer nga 35 vjeçari Kostandinos Kaçifas paraditen e së dielës mbi forcat e policisë në qender të fshatit Bularat.

Më pak se 30 sekonda. Kaq ka zgjatur sulmi me armë që Kostandinos Kaçifas ka kryer me armë në dorë në mes të ditës, në mes të fshatit Bularat. ABC News ka mundur të sigurojë një video të bërë në mënyrë amatore vetëm pak çaste para se 35 vjeçari të qëllonte mbi makinën e policisë.

Kaçifas shfaqet me një armë automaktike në dorë, ndërkohë që në rrugë kalojnë banorë të fshatit, të moshuar dhe biles dhe fëmijë. Në pamjet e siguruara nga ABC News, Kostandinos Kaçifas shfaqet i veshur me një bluzë kamuflazh si dhe rroba të tjera në dukje ushtarake. Pasi përshkon rrugën kryesore, ai duket se tendton të fshihet pas një makine dhe më pas qartazi largohet. Këto ndoshta me shumë gjasa do të jenë imazhet e fundit në të gjallë të 35 vjeçarit që tronditi me një breshëri të gjatë plumbash jo vetëm Bularatin minoritar, por edhe Shqipërinë e Greqinë./abcnews.al

SINAGOGA-MBULIM.mpg_snapshot_00.00.jpg
G. P.18:44 | 27/10/2018

Një masakër me të paktën 8 të vdekur dhe 12 të plagosur përgjaku të shtunën një shërbesë fetare në një sinagogë në Shtetet e Bashkuara. Duke reaguar mbi ngjarjen, presidenti Donald Trump deklaroi se, shkak i tragjedisë ishte mungesa e rojeve të armatosura në objektin e kultit.

Të paktën 8 persona janë vrarë dhe 12 të tjerë janë plagosur të shtunën, në një sulm të armatosur të ndodhur në një sinagogë në qytetin Pitsburg të Shteteve të Bashkuara. Sipas mediave amerikane, një person hyri në ambjentet e objektit të kultit dhe hapi zjarr ndaj të pranishmëve. Njësitë policore mbërritën menjëherë në vendin e ngjarjes, bënë rrethimin e zonës dhe arritën të vënë në pranga autorin, që qëlloi edhe ndaj oficerëve duke plagosur disa prej tyre. Ndërkohë, autoritetet paralajmëruan banorët e zonës që të qëndronin në shtëpitë e tyre derisa të përfundonin të gjitha kontrollet. Në sinagogën “Pema e Jetës” po mbahej një shërbesë fetare, e nisur në 9:45, me orën lokale.

Përpara se të hapte zjarr, agresori, 46 vjeç, i racës së bardhë dhe me mjekër bëri komente kundër hebrenjve. “Ata duhet të vdesin të gjithë”, tha ai. Duke reaguar, presidenti Donald Trump e cilësoi episodin një “ngjarje të tmerrshme”, por që sipas tij nuk ka lidhje me ligjet për armët. Ai theksoi se agresori mund të ishte ndaluar nëse sinagoga do të kishte roje të armatosur. “Nëse do të kishin pasur mbrojtje brenda, atëherë gjithçka do të kishte shkuar ndryshe, shumë ndryshe”, tha Trump. Duke e cilësuar autorin e sulmit një manjak, presidenti nënvizoi se persona të tillë duhet të dënohen me vdekje. Një reagim erdhi edhe nga kryeministri izraelit Benjiamin Netanyahu, i cili u shpreh “zemërthyer dhe i hidhëruar” për ngjarjen./abcnews.al

Untitled-1.jpg
G. P.14:16 | 11/10/2018

Një masakër me tre viktima dhe një të plagosur ka ndodhur në një lokal të Matit ku po drekonin disa punonjës të bashkisë të cilët ishin duke punuar për hapjen e një rruge të re në fshatin Shëlli. Sipas policisë, një banor i fshatit ka qëlluar me automatik ndaj tyre pas një konflikti që pati më herët për shkak të rrugës ku po kryheshin punimet.

Për disa metra rrugë, në një fshat të Matit ndodhi një masakër. Një banor ekzekutoi për vdekje tre persona dhe plagosi një tjetër në një lokal. Dy nga viktimat dhe i plagosuri po punonin për shtrimin e një rruge në këtë zonë, kurse viktima e tretë ishte klient i rastësishëm.

ABC News ka mësuar se autori Kujtim Koxha ka shkuar në orën 14:00 në lokal për të biseduar me punonjësit e bashkisë. Aty kishte edhe banorë të zonës. Fillimishti 54 vjeçari ka patur një sherr verbal me një nga punëtorët dhe i ka kërkuar që rruga të shtrohet edhe 20 metra më shumë deri tek banesa e tij.

Më pas Koxha është konfrontuar fizikisht me punonjësit e bashkisë dhe ka lënë menjëherë lokalin. Nga të njëjtat burime thuhet se ai iu drejtua banesës për të marrë automatikun dhe u rikthye në lokal për të qëlluar në drejtim të punëtorëve të bashkisë. Nga të shtënat mbetën të plagosur 4 persona.

36-vjeçari Mentor Hoxha ndërroi jetë rrugës për në spitalin e Burrelit. Erzen Aliaj 49 vjeç dhe Hamit Buçi, te cilët u plagosën rëndë, ndërruan jetë në spitalin e Traumës në Tiranë. Ky i fundit ishte klient i rastësishëm në lokal.

Ndërsa i plagosuri tjetër Astrit Hani, po merr ndihmën mjekësore në spitalin e Burrelit dhe nuk paraqet rrezik për jetën. Autori, pas krimit ka hedhur automatikun në lokal dhe është larguar. Ai u rrethua nga forcat e policisë nën drejtimin e nëndrejtorit të policisë së Qarkut Dibër, Erzen Cera dhe u kap pas tre orësh.

54 vjeçari u arrestua 10 km larg vendngjarjes. Policia ka marrë në mbrojtje familjen e autorit për të parandaluar ndonjë hakmarrje të mundshme. Për ngjarjen ka reaguar edhe kryetari i bashkisë Nezir Rizvani, i cili ka thënë se është telefonuar nga punonjësit e bashkisë menjëherë pës masakrës. Sipas tij, punëtorët i kanë thënë “na qëlluan me armë kur ishim duke ngrënë”./abcnews.al

ELBASAN-MBULIM.mpg_snapshot_00.08-1280x720.jpg
G. P.20:19 | 23/09/2018

Në lagjen Fushë Mbret të Elbasanit, mbrëmjen e sotme ka pasur të shtëna me armë zjarri. Ngjarja ka ndodhur rreth orës 19:45 në vendin e quajtur “Shinat”, aty ku kryqëzohen rruga automobilistike me hekurudhën.

Sipas njoftimit të policisë, personi që qëlloi i doli përpara me armë në dorë një shtetasi që lëvizte me makinë, me të cilin pati një konflikt të momentit. Nga të shtënat në ajer nuk ka persona të lënduar apo dëme materiale. Policia bëri të ditur se ka identifikuar autorin e dyshuar, që qëlloi me armë zjarri në ajër. Agjentët janë vënë në ndjekje të 34 vjeçarit me iniciale A.S, nga Elbasani./abcnews.al

 

 

PLAGOSJE-TIRANE-ABC-1280x720.jpg
ent ela22:44 | 17/09/2018

Një telefonatë në sallën operative të drejtorisë së policisë Tiranë ka alarmuar blutë e kryeqytetit. Sipas njoftimit paraprak të policisë së shtetit ka qenë një sinjalizim qytetar, për një të plagosur me armë zjarri në rrugën “Shefqet Musaraj”.

Policia ka shkuar në vendngjarje për të verifikuar informacionin. Në njoftimin e policisë thuhet se nga verifikimi i parë, pronari i një lokali me iniciale L. L. është konfliktuar është konfliktuar me një shtetas tjetër ende të paidentifikuar. Ky i fundit gjatë konfliktit ka qëlluar me armë zjarri. Nga të shtënat nuk ka persona të lënduar, ndërsa është shoqëruar në Komisariat pronari i lokalit.

Tiranë, Informacion Paraprak

Më datë 17.09.2018, rreth orës 21:10, në një lokal në rrugën “Shefqet Musaraj”, shtetasi L. L., rreth 35 vjeç (pronari i lokalit) për motive të dobëta është konfliktuar me një shtetas tjetër ende të paidentifikuar, i cili gjatë konfliktit ka qëlluar me armë zjarri.

Nga të shtënat nuk ka persona të lënduar.

Është shoqëruar në Komisariat për veprime të mëtejshme hetimore pronari i lokalit, shtetasi L. L., dhe po punohet për identifikimin dhe shoqërimin e shtetasit tjetër të përfshirë në konflikt. /abcnews.al

LONDER-KRIMET-ABC-M4-T2.mpg_snapshot_00.01-1280x720.jpg
ent ela18:33 | 21/08/2018

Në Londër është verifikuar një tjetër incident me armë zjarri, tregues i vorbullës së dhunës që ka përfshirë kryeqytetin britanik. Që nga fillimi i vitit në Londër janë vrarë 90 persona, ndërkohë që në vitin 2017 të vrarët ishin gjithsej 118.

Tre persona kanë mbetur të plagosur në një shkëmbim zjarri në Londër, incidenti i radhës me armë që tregon se vala e dhunës që ka përfshirë kryeqytetin britanik nuk ka ndërmend të ndalet. Ngjarja ka ndodhur përpara një stacioni metroje në lagjen Brent, në veri-lindje të Londrës. Personat e plagosur janë dy burra dhe një grua të moshave 18, 24 dhe 30 vjeç. Pak më herët një tjetër incident me armë kishte ndodhur përpara një shkolle në Meida Hill, një lagje në lindje të kryeqytetit, që për fat të mirë nuk shkaktoi të lënduar.

Që nga fillimi i vitit, sipas të dhënave të Scotland Yard, janë 90 personat e vrarë në Londër, një shifër kjo e frikshme nëse krahasohet me 2017-n, kur përgjatë gjithë vitit vrasjet ishin 118. Kur kanë mbërritur në vendin e ngjarjes, agjentët kanë gjetur personat e lënduar të shtrirë në trotuar dhe duke ulëritur për shkak të dhimbjeve. Të plagosurit janë dërguar në spital, ku ndodhen jashtë rrezikut për jetën, ndërkohë që lidhur me ngjarjen nuk ka patur ende asnjë arrestim./abcnews.al

6ix9ine-and-50-cent-933x445.png
ent ela23:15 | 16/08/2018

Teksa 50 Cent dhe Tekashi69 po xhironin videoklipin e tyre në Brooklyn, dikush ka hapur zjarr mbi to. Sipas dëshmitarëve, në sheshxhirim një makinë Porsche me targa të New Jersey-t është shfaqur dhe ka qëlluar  me të paktën 11 plumba.

Nga gëzhojat e gjetura në vendin e ngjarjes mësohet se sulmuesi kishte përdorur një armë gjysmë-automatike 9 mm. Fatmirësisht, nuk ka patur të lënduar nga sulmi.

Burime pranë reperit thanë se sulmuesi nuk ka patur shënjestër këtë të fundit, por policia nuk e ka përjashtuar si mundësi. Megjithatë autoritet kanë nisur një hetim më të zgjeruar, duke parë dhe kamerat e sigurisë,  por ende nuk ka asnjë person të arrestuar.

Nuk është hera e parë që drejt reperave amerikanë ka sulme të tilla. Rasti me i fundit ishte ai i XXX Tentacion, i cili u qëllua për vdekje në makinën e tij.

Klan Plus

OK-VIDEO-NGJARJA-ABC-M5-T2.mpg_snapshot_00.01-1-1280x720.jpg
ent ela19:00 | 10/08/2018

Një masakër, ndër më të rëndat e viteve të fundit në Shqipëri ka ndodhur në fshatin Resulaj të Selenicës. Një 24 vjeçar ka ekzekutuar 8 persona nga dy familje të fisit Zykaj me të cilët kishte lidhje gjaku. Autori Ridvan Zykaj, pas krimit është larguar dhe nuk dihet ende vendndodhja e tij.

Forca të shumta të Policisë së Vlores kanë zbarkuar në terren. Në ndihmë të tyre ka shkuar Renea, Delta Forca dhe FNSH.
Grupi hetimor nën drejtimin e Prokurorit ndodhet në vendngjarje dhe po punon për zbardhjen e plotë të rrethanave të krimit të rëndë.
Nga të shtënat me armë zjarri është shuar një familje e tërë, përkatësisht dy prindër, dy djemtë e tyre me bashkëshortet dhe dy fëmijët e tyre.

Konfirmohet që viktimat janë Azem Zykaj 45 vjeç, Afërdita Zykaj 42 vjeçe, Demir Zykaj 75 vjeç, Perie Zykaj 72 vjeçe, Besim Zykaj 43 vjeç, Vasilika Zykaj 42 vjeçe, Sara Zykaj 16 vjeçe dhe Ledion Zykaj 8 vjeç. Sipas policisë, gjyshi i autorit e kishte vëlla 75 vjeçarin Demir Zykaj që mbeti i vrarë në këtë ngjarje. Ndërkohë që po transportohen të gjithë trupat e pajetë në morgun e Spitalit të Vlorës. Deri tani kanë mbërritur 4 viktima.

Autori mendohet se ka probleme me shëndetin mendor. Ndërkohë, vijon kontrolli i imtësishëm i gjithë zonës nga RENEA dhe FNSh duke përdorur edhe qentë e gjurmës./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono