te shtena

191030033520-long-beach-california-shooting-exlarge-169.jpg
ent ela12:01 | 30/10/2019

Tre persona mbetën të vrarë dhe nëntë të tjerë u plagosën si pasojë e të shtënave me armë në një festë Hallouini në Long Beach të Shteteve të Bashkuara të Amerikës.

Autoritetet amerikane konfirmuan se pesë nga të plagosurit ishin në gjendje më të rëndë por pa dhënë më shumë detaje. Është e paqartë nëse është hapur zjarr nga një person ose më shumë, ose nëse autori i njihte viktimat.

Ngjarja ndodhi në oborrin e një shtëpie private buzë rrugës, ndërsa policia po përpiqet të zbardhë arsyet e sulmit. Viktimat u gjetën jashtë dhe Brenda banesës. Viktimat janë të gjithë meshkuj të moshës 20 vjeçare. /ABC News Albania 24/7

france-te-shtena-1280x746.jpg
ent ela11:10 | 29/10/2019

Një 84 vjeçar, ish kandidat i Frontit kombëtar në Francë, ka plagosur rëndë dy persona dhe është përpjekur t’i vërë zjarrin një xhamie në juglindje të Francës. E njëjta xhami ishte sulmuar dhe dy vjet më parë me Molotov.

Të shtëna me armë zjarri janë shënuar ndaj një xhamie në BAjon, në juglindje të Francës. Gjiothashtu është hedhur dhe një bidon i vogël me benzinë që shkaktoi një shpërthim të vogël. Dy persona mbetën të plagosur ndërsa autori, një 84 vjeçar ish kandidat i Frontit Kombëtar të Marin Lë Pen, u arrestua pranë banesës së tij nga policia franceze.

84 vjeçari kandidat në zgjedhjet vendore në 2015-ën, k aplagosur rëndë dy persona të moshës 74 dhe 78 vjeç, të cilët ndodhen të shtruar në spital.

Sipas të dhënave të policisë, fillimisht ai është përpjekur të djegë porëtn e xhamisë, por pasi u zbulua nga dy persona ai i plagosi ata. Duke u larguar ai I vuri flakën dhe një automjeti.

Xhamia e Bajon ishte sulmuar dhe në gusht të 2017-ës me dy bomba Molotov. Senatorja dhe këshilltarja rajonale e dënoi aktin duke shprehur mbështetjen e saj për të plagosurit, familjet dhe të gjithë komunitetin mysliman të zonës.

Atentati u konsiderua i papranueshëm dhe nga Marin Lë Pen, liderja e Frontit Kombëtar. Ajo u shpreh se akti është kundër vlerave që promovohen nga lëvizja që ajo drejton. Sipas saj krime të tilla duhen dënuar me shumë ashpërsi. /ABC News Albania 24/7

MBULIM-SHBA-TE-SHTENAT.mpg_snapshot_00.03-1280x720.jpg
ent ela13:49 | 27/10/2019

Të paktën dy persona mbetën të vrarë dhe 12 të tjerë u plagosën kur një person nisi të qëllonte me armë zjarri në një sallë në Grinvill, në Dallas. Të shtënat ndodhën gjatë një feste për fillimin e vitit shkollor në Texas.

Fotografitë dhe pamjet tregojnë vendin me shumë persona të plagosur në tokë ndërkohë që të tjerët mundohen të japin ndihmën e parë. Në festë merrnin pjesë me qindra adoleshentë.

Dhe pse mediat raportojnë për viktimat, autoritetet ende nuk konfirmojnë shifrën. Po sipas raportimeve të mediave amerikane, autori i sulmit është në arrati. /ABC News Albania 24/7

te-shtenat-berat-1280x722.jpg
nev ila17:00 | 19/10/2019

Tre persona kanë qëlluar me armë zjarri në drejtim të një lavazhi i cili ndodhet mbrapa stadiumit të ri në Berat.

Ngjarja ka ndodhur pasditen e sotme dhe nuk raportohet për të lënduar. Autorët të cilët u kapën nga policia në rrugën nacionale Berat-Uznovë janë pronarët e lavazhit.

Abc News ka mësuar emrat e dy prej tyre të cilët janë Vladimir dhe Xhoni Spahiu. Nga burime jo zyrtare bëhet me dije se qiramarrësit nuk u kishin dhënë lekët për qiranë pronarëve. Gjatë kontrollit në mjetin e tyre policia gjeti edhe armën me të cilën qëlluan lavazhin./abcnews.al

 

 

 

 

durres-policia.jpg
nev ila13:00 | 15/10/2019

Një ngjarje e rëndë është regjistruar pak pas mesnate në qytetin bregdetar të Durrësit. Policia e Shtetit, njofton se është qëlluar me armë zjarri drejt makinës së një 29-vjeçari. Mjeti tip “Volswagen” ka qenë i parkuar, ndërkohë që po punohet për kapjen e autorëve.

Njoftimi i plotë:

Më datë 15.10.2019, rreth orës 00:45, në lagjen nr.4 Durrës është qëlluar me armë zjarri tip pistoletë mjeti tip “Volswagen”, i parkuar, në pronësi të shtetasit I.B., 29 vjeç, banues në Durrës./abcnews.al

shijak-ngjarja-1280x724.jpg
ent ela10:40 | 30/09/2019

Një i ri ka hapur zjarr me armë në drejtim të një mjeti në të cilin ndodheshin shoferi dhe një vajzë pasagjere. Për fat të dy këta personat nuk u dëmtuan nga plumbat. Sipas policisë ngjarja ndodhi natën në Shijak të Durrësit. Fillimisht dy të rinjtë janë konfliktuar për motive të dobëta, por më pas 27 vjeçari qëlloi në drejtim të makinës. Policia ka shpallur në kerkim I.B për vrasje të mbetur në tentativë. /ABC News Albania 24/7

9209228aa66b0a1c855c1b5c51f6e2da.jpg
ent ela08:45 | 20/09/2019

Një i vdekur dhe 5 të plagosur është bilanci nga të shtënat Columbia Heights në veriperëndim të Uashingtonit. Ngjarja ka ndodhur jo shumë larg Shtëpisë së Bardhë rreth orës 10 të pasdites. Ende nuk dihet autor që ka qëlluar me armë dhe as motivet e ngjarjes.

Policia është në kërkim të dy burrave të armatosur. Rrugët në të gjithë zonën, rreth 3 kilometra e gjysmë larg Shtëpisë së Bardhë, u bllokuan nga policia.

Ndërkaq policia njoftoi se rreth një orë më vonë, tre persona u qëlluan në bllokun 1400 të Rhode Island Avenue NE”, po nuk ka ndonjë indicie nëse ngjarjet janë të lidhura. /abcnews.al

HOLLANDE-TE-SHTENAT-MBULIMABCM5T1.mpg_snapshot_00.04-1280x720.jpg
ent ela20:48 | 09/09/2019

Një krim në familje ka tronditur pasditen e së hënës Holandën, ku një oficer policie hapi zjarr në banesën e tij në qytetin Dordreht. Sipas mediave lokale, nga të shtënat mbetën të vrarë tre persona, mes të cilëve agjenti, ndërsa një person tjetër pësoi lëndime serioze.

Burimet mediatike saktësojnë se agjentët e sigurisë dhe auto-ambulancat mbërritën në vendin e ngjarjes rreth orës 18 e 30 me orën lokale. Kryebashkiaku i qytetit, Vuter Kolf e cilësoi episodin si shumë të rëndë dhe shprehu tronditjen e thellë. Dinamika e ngjarjes është ende e paqartë, por policia po heton për zbardhjen e saj.

Mediat lokale kujtojnë se prillin e kaluar, një polic në Vijnegem të Belgjikës vrau veten pasi kishte hapur zjarr ndaj familjes së tij, duke vrarë bashkëshorten dhe dy fëmijët 9 dhe 11 vjeç.

Ndërsa në 2005-n një dramë e ngjashme tronditi qytetin Hilversum, në veri të Holandës, ku një agjent policie vrau bashkëshorten 42 vjeçe, tre fëmijët të moshave 8, 6 dhe 3 vjeç dhe më pas veten.

/ABC News Albania 24/7

ngjarja-ne-fier-1280x731.jpg
ad min08:30 | 01/09/2019

Zbardhen detaje të reja nga konflikti mes dy familjeve në Levan të Fierit, ku mbetën të plagosur fillimisht 4 persona dhe më pas një i pestë në Spitalin e Fierit. Policia bën të ditur se gjatë një konflikti mes dy familjeve janë dëmtuar me sende të forta dy shtetas Aldi  Zhapaj dhe Gentjan Zhapaj, të cilët ndodhen të shtruar në spital jashtë rrezikut për jetën. Në konflikt janë lënduar me mjet prerës edhe dy persona të tjerë: Klajdi Lamaj dhe Erlind Mucaj, të cilët ndodhen në reanimacionin e Spitalit të Fierit. Pas sherrit në Levan, të plagosurit u transportuan për në Spital, për ndihmë mjekësore, ku vijoi edhe përshkallëzimi i konfliktit. Në Urgjencën e Spitalit, një prej shoqërueseve të të dëmtuarve i ka marrë armën e zjarrit nga brezi punonjësit të policisë, i cili po ndihmonte për të futur të plagosurit në Urgjencë dhe ka plagosur me armë zjarri një prej familjarëve të palës tjetër, shtetasin Aleksandër Zhapaj. Edhe ky i fundit ndodhet i shtruar në Spitalin e Fierit jashtë rrezikut për jetën. Mbrëmjen e djeshme në ndihmë të punonjësve të Policisë kanë shkuar menjëherë forca të shumta policie, duke kanë bërë bllokimin e dy shtetasve me iniciale E.B. e D.B. dhe shoqërimin në ambientet e Drejtorisë Vendore të Policisë për veprime të mëtejshme.

FNSH dhe shërbimet e Drejtorisë Vendore të Policisë po krehin zonën për të bërë të mundur kapjen edhe të një shtetasi tjetër të përfshirë në këtë ngjarje.

Ndërkohë, për hetimin e kësaj ngjarje, Drejtori i Përgjithshëm i Policisë së Shtetit ka ngritur një grup të posaçëm hetimor me Specialistë të Hetimit të Krimeve të Rënda në Departamentin e Policisë Kriminale.

Ndjekim nje pjese te prononcimit te drejtorit te Policise së Fierit, Andon Marko, i cili ishte i pranishëm mbrëmë në Spitalin e Fierit.

/abcnews.al

pamje-nga-korca.jpg
ent ela21:59 | 30/08/2019

Të shtëna me armë zjarri ka pasur edhe në qytetin e Korçës. Burime policore thonë se është qëlluar në drejtim të një shtëpie private, pronë e Juxhin Kullës, por nuk ka të lënduar. Vetë Kulla i cili është një person me precedentë penalë po qendronte në oborrin e shtëpisë ku ndodhën të shtënat. Ngjarja ndodhi në orët e vona të mbrëmjes. Forca të shumta policie shkuan ne vendin e ngjarjes megjithatë autori ishte larguar. Nuk dihet ende shkaku i kësaj ngjarjeje, por sipas policisë janë ngritur patrulla për të kapur autorin. Dyshohet se të shtënat kanë qenë një paralajmërim për Kullën, i cili dyshohet si i përfshirë në fushën e narkotikëve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono