te shtena

HOLLANDE-TE-SHTENAT-MBULIMABCM5T1.mpg_snapshot_00.04-1280x720.jpg
ent ela20:48 | 09/09/2019

Një krim në familje ka tronditur pasditen e së hënës Holandën, ku një oficer policie hapi zjarr në banesën e tij në qytetin Dordreht. Sipas mediave lokale, nga të shtënat mbetën të vrarë tre persona, mes të cilëve agjenti, ndërsa një person tjetër pësoi lëndime serioze.

Burimet mediatike saktësojnë se agjentët e sigurisë dhe auto-ambulancat mbërritën në vendin e ngjarjes rreth orës 18 e 30 me orën lokale. Kryebashkiaku i qytetit, Vuter Kolf e cilësoi episodin si shumë të rëndë dhe shprehu tronditjen e thellë. Dinamika e ngjarjes është ende e paqartë, por policia po heton për zbardhjen e saj.

Mediat lokale kujtojnë se prillin e kaluar, një polic në Vijnegem të Belgjikës vrau veten pasi kishte hapur zjarr ndaj familjes së tij, duke vrarë bashkëshorten dhe dy fëmijët 9 dhe 11 vjeç.

Ndërsa në 2005-n një dramë e ngjashme tronditi qytetin Hilversum, në veri të Holandës, ku një agjent policie vrau bashkëshorten 42 vjeçe, tre fëmijët të moshave 8, 6 dhe 3 vjeç dhe më pas veten.

/ABC News Albania 24/7

ngjarja-ne-fier-1280x731.jpg
G. P.08:30 | 01/09/2019

Zbardhen detaje të reja nga konflikti mes dy familjeve në Levan të Fierit, ku mbetën të plagosur fillimisht 4 persona dhe më pas një i pestë në Spitalin e Fierit. Policia bën të ditur se gjatë një konflikti mes dy familjeve janë dëmtuar me sende të forta dy shtetas Aldi  Zhapaj dhe Gentjan Zhapaj, të cilët ndodhen të shtruar në spital jashtë rrezikut për jetën. Në konflikt janë lënduar me mjet prerës edhe dy persona të tjerë: Klajdi Lamaj dhe Erlind Mucaj, të cilët ndodhen në reanimacionin e Spitalit të Fierit. Pas sherrit në Levan, të plagosurit u transportuan për në Spital, për ndihmë mjekësore, ku vijoi edhe përshkallëzimi i konfliktit. Në Urgjencën e Spitalit, një prej shoqërueseve të të dëmtuarve i ka marrë armën e zjarrit nga brezi punonjësit të policisë, i cili po ndihmonte për të futur të plagosurit në Urgjencë dhe ka plagosur me armë zjarri një prej familjarëve të palës tjetër, shtetasin Aleksandër Zhapaj. Edhe ky i fundit ndodhet i shtruar në Spitalin e Fierit jashtë rrezikut për jetën. Mbrëmjen e djeshme në ndihmë të punonjësve të Policisë kanë shkuar menjëherë forca të shumta policie, duke kanë bërë bllokimin e dy shtetasve me iniciale E.B. e D.B. dhe shoqërimin në ambientet e Drejtorisë Vendore të Policisë për veprime të mëtejshme.

FNSH dhe shërbimet e Drejtorisë Vendore të Policisë po krehin zonën për të bërë të mundur kapjen edhe të një shtetasi tjetër të përfshirë në këtë ngjarje.

Ndërkohë, për hetimin e kësaj ngjarje, Drejtori i Përgjithshëm i Policisë së Shtetit ka ngritur një grup të posaçëm hetimor me Specialistë të Hetimit të Krimeve të Rënda në Departamentin e Policisë Kriminale.

Ndjekim nje pjese te prononcimit te drejtorit te Policise së Fierit, Andon Marko, i cili ishte i pranishëm mbrëmë në Spitalin e Fierit.

/abcnews.al

pamje-nga-korca.jpg
ent ela21:59 | 30/08/2019

Të shtëna me armë zjarri ka pasur edhe në qytetin e Korçës. Burime policore thonë se është qëlluar në drejtim të një shtëpie private, pronë e Juxhin Kullës, por nuk ka të lënduar. Vetë Kulla i cili është një person me precedentë penalë po qendronte në oborrin e shtëpisë ku ndodhën të shtënat. Ngjarja ndodhi në orët e vona të mbrëmjes. Forca të shumta policie shkuan ne vendin e ngjarjes megjithatë autori ishte larguar. Nuk dihet ende shkaku i kësaj ngjarjeje, por sipas policisë janë ngritur patrulla për të kapur autorin. Dyshohet se të shtënat kanë qenë një paralajmërim për Kullën, i cili dyshohet si i përfshirë në fushën e narkotikëve./abcnews.al

policia-5.jpg
G. P.10:07 | 16/08/2019

Episodet e armatosura janë kthyer në një epidemi në Shtetet e Bashkuara. Incidenti i radhës ka ndodhur në Alabama, ku dy persona kanë mbetur të vrarë dhe tre të plagosur. Ndërkohë, presidenti Donald Trump ka fajësuar për ngjarjet në fjalë personat sipas tij të sëmurë mendorë.

Dy persona janë vrarë dhe tre të tjerë janë plagosur në një incident të ri me armë të ndodhur në Shtetet e Bashkuara, këtë herë në kampusin e Universitetit të Alabamës.

Të shtënat, sipas autoriteteve policore lokale, ndodhën gjatë orëve të natës. Sipas burimeve, një person ndërroi jetë menjëherë në vendin e ngjarjes, ndërsa tjetri në spital për shkak të plagëve të marra nga plumbat e qëlluar.

Ndërkohë, nga tre të plagosurit dy ndodhen në gjendje kritike për jetën, ndërsa tjetri është jashtë rrezikut. Hetuesit që kanë marrë në dorë çështjen nuk kanë publikuar detaje mbi motivet e ngjarjes apo të dyshuarin që hapi zjarr.

Episodi vjen një ditë pasi një person hapi zjarr në Filadelfia, duke plagosur 6 agjentë policie. Personi në fjalë ishte i dyshuar për krime të lidhura me drogën dhe policia kishte shkuar në banesën e tij për një kontroll, kur papritur u përball me breshërinë e plumbave.

Përballja mes forcave të rendit dhe të dyshuarit zgjati rreth 7 orë, derisa ky i fundit u vetëdorëzua. Incidentet e fundit me armë zjarri kanë bërë që në Shtetet e Bashkuara të rihapet debati për kontrollin e armëve. Por për presidentin Trump, masakrat e ndodhura janë pasojë e të sëmurëve mendorë dhe jo e ligjve për armët.

“Dua që njerëzit të kujtojnë fjalët “i sëmurë mendor”. Këta persona janë të sëmurë dhe askush nuk flet për ta. Duhet të ndërtojmë sërish institute”, tha Trump në një miting në Nju Hempshër./ABC News Albania 24/7

aa-1280x853.jpg
G. P.11:22 | 15/08/2019

Një tjetër incident i armatosur është verifikuar në Shtetet e Bashkuara, pak javë pas atyre në El Paso dhe Dejton, që lanë rreth 30 të vdekur. Këtë herë një person i dyshuar për drogë ka hapur zjarr ndaj policisë duke plagosur 6 oficerë.

Gjashtë oficerë policie mbetën të plagosur në Filadelfia të Shteteve të Bashkuara, pasi një person i armatosur hapi zjarr ndaj tyre. Efektivët e policisë do të kryenin një kontroll për drogë në shtëpinë e të dyshuarit, kur ky i fundit qëlloi, duke i dhënë jetë një beteje të armatosur.

Përballja zgjati rreth 7 orë, me policinë që i bënte thirrje agresorit që të dorëzohej. Ndërkohë, një skuadër speciale shpëtoi dy oficerë dhe tre civilë që kishin mbetur të bllokuar brenda shtëpisë me personin e armatosur.

Më pas, autori i të shtënave, i identifikuar nga mediat amerikane si Moris Hill, u vetëdorëzua duke dalë nga shtëpia me duart lart. Avokati i tij bëri të ditur se kishte ndihmuar policinë që të negocionte dorëzimin.

I dyshuari ishte i armatosur me një armë gjysmëautomatike dhe pistoleta të shumta. Gjatë përballjes ai qëlloi ndaj furgonit të forcave speciale, duke detyruar agjentët e policisë të veshur me anti-plumb të fshiheshin prapa automjeteve.

6 oficerët që morën plagë gjatë përballjes janë në gjendje të mirë shëndetësore dhe kanë dalë nga spitali. Shefi i policisë lokale deklaroi se shumë prej tyre u ishte dashur të dilnin nga shtëpia e të dyshuarit me shpejtësi dhe përmes dritareve për t’i shpëtuar breshërisë së plumbave të qëlluar prej tij.

Ndërkohë, një oficer i shtatë që mbeti i plagosur si pasojë e një aksidenti rrugor teksa shkonte drejt vendit të ngjarjes ndodhet ende në spital./ABC News Albania 24/7

armando-gjini-3.jpg
nev ila11:38 | 12/08/2019

Një 45 vjeçar është vrarë në qendër të qytetit të Rrëshenit në rrethana ende të paqarta. Viktima është një person nga Mirdita i identifikuar si Armando Gjini. Ai ka mbërritur në spital i pajetë me plagë të shkaktuara nga arma e zjarrit.

Krismat janë dëgjuar edhe nga banoret e Rrëshenit të cilët janë përfshirë në panik. Nuk dihen ende shkaqet e kësaj ngjarje por policia pritet të japë të dhënat e para në vazhdim.

Por kush është Armando Gjini?

Ai nuk është një personazh i panjohur për drejtësinë.

Një vit më parë në kuadër të një operacioni, Drejtoria e Departamentit të Policisë Kriminale në policinë e shtetit, doli në një konferencë për shtyp bashkë me Kryeprokuroren për Krime të Rënda Elisabeta Imeraj, ku njoftuan se, ishte goditur një grup i strukturuar kriminal që operonte në disa shtete për trafikimin e drogave, duke arrestuar disa shtetas, mes tyre dhe viktimën e ditës së sotme, Armando Gjini.

Gjini ishte arrestuar në kuadër të operacionit ‘Precizioni’ së bashku me 37 persona të tjerë me akuzën e “trafikut të drogës” dhe “grupit të strukturuar kriminal“.

Më pas ai ishte lënë i lirë. Në muajin Maj të këtij viti, Armando Gjinit i kishin vendosur një sasi eksplozivi poshtë makinës së tij tip Benz.

Ngjarja ishte regjistruar sërish në Rrëshen.

Tre muaj më parë, viktima po transportonte fëmijët në shkollë, pa e ditur se poshtë automjetit i ishte vendosur lëndë eksplozive.

Tritoli shpërtheu kur makina ishte e parkuar. Nga ngjarja pati vetëm dëme materiale dhe asnjë të lënduar.

Viktima e sotme njihej si “ushtar” i Met Kananit, baronit të drogës, përgjegjës për shkëmbimin e kanabisit nga Shqipëria me heroinë nga Turqia./abcnews.al

ngjarja-Lac-1280x697.jpg
nev ila19:28 | 10/08/2019

Një i ri ka mbetur i plagosur me armë zjarri në hyrje të qytetit të Laçit. Sipas policisë, atentati i është bërë Edon Martinit i cili u dërgua në spitalin e traumës për ndihmë më të specializuar mjekësore.

Ngjarja ka ndodhur pranë rrugës nacionale Laç-Mamurras.

Forca të shuma të policisë dhe ato të Ndërhyrjes së Shpejtë kanë shkuar në vendngjarje për të bërë të mundur identifikimin dhe kapjen e personave të mundshëm të përfshirë në atentat.

Një nga pistat po heton grupi hetimor lidhet për një konflikt të çastit të Edon Martinit me disa persona të tjerë, ndërkohë që autorët janë larguar me një automjet nga vendngjarje./ABC News Albania 24/7

 

 

moms-killed-corner-ht-ps-190730_hpMain_16x9_1600-1280x720.jpg
nev ila11:51 | 31/07/2019

Sërish të shtëna me armë zjarri dhe viktima në Shtetet e Bashkuara të Amerikës.

Dy gra mbetën të vrara në Cikago teksa protestonin kundër armëve, ndërsa në Misisipi një ish i punësuar në një supermarket vrau dy nga ish kolegët e tij pasi u pushua nga puna.

Manifestonin kundër armëve në përpjekje për të bërë më të të sigurt lagjen e tyre, por u vranë pikërisht me armë zjarri. Ngjarja ndodhi në Cikago në shtete e bashkuara të amerikës, ku dy nëna 26 dhe 35 vjec, u vranë gjatë protestës.

Të shtënat erdhën nga një fuoristradë në lëvizje e sipër. 26 vjecarja kishte tre fëmijë ndërsa viktima tjetër dy.

Të dyja bënin pjesë në shoqatën “nënat kundër vrasjeve të pakuptimta”, e cila u krijua pesë vjet më parë pas vrasjes në një shkëmbim zjarri të një tjetër nëne të re në moshë.

Që nga ai moment vendi ku ajo u vra, nënat e zonës mblidhen cdo vit për të sjellë ushqim dhe lodra për fëmijët, me objektivin për ta bërë qytetin më të sigurtë.

Gjatë të shtënave mbeti i plagosur dhe një 58 vjecar, i cili nuk përjashtohet të ketë qenë objektivi i të shtënave.

Ndërkohë dy persona janë vrarë dhe një agjent policie mbeti i plagosur gjatë të shtënave me armë zjarri në një supermarket në Misisipi.

Lajmi u konfirmua nga mediat amerikane, të cilat raportojnë se vrasësi u plagos dhe më pas u ndalua nga agjentët e policisë. Dy viktimat punonin në supermarket, ndërsa agresori është një ish kolegi tyre i cili ishte pushuar nga puna pas 25 vitesh shërbim./ABC News Albania 24/7

1-2-1250x596-25.jpg
G. P.10:52 | 29/07/2019

Si pasojë e të shtënave me armë zjarri gjatë një festivali ushqimesh në Kaliforni, katër persona kanë mbetur të vrarë dhe 15 të tjerë janë të plagosur. Mes viktimave është dhe një fëmijë 3 vjeç, si dhe autori i ngjarjes.

Katër të vrarë dhe 15 të plagosur është bilanci i të shtënave me armë në Kaliforni në një festival të përvitshëm ushqimi i cili tërheq me dhjetëra ta apasionuar. Mes viktimave është dhe një fëmijë tre vjeç, si dhe autori i sulmit. Ky i fundit është një 30-vjeçar i cili u vra nga forcat e rendit.

Një dëshmitar tregoi për mediat se autori  ngjarjes kishte veshur një jelek anti-plumb dhe pantallona të stilit ushtarak. Sipas tij, ai ishte në  gjendje të qëllonte tre ose katër të shtëna në sekondë dhe qëllonte në çdo drejtim. Hetuesit po analizojnë dhe një pistë të dytë në kërkim të një të dyshuari tjetër, i cili ka mbështetur autorin e ngjarjes.

Në momentin e të shtënave dikush e ka pyetur se përse po e bënte, ndërsa ai u përgjigj: Sepse jam shumë i zemëruar. Një dëshmitar tjetër tregoi se ai kërkonte të vriste sa më shumë persona.

Kamala Harris kandidatja demokrate për Shtëpinë e Bardhë shprehu ngushëllimet duke thënë se në Shtetet e Bashkuara të Amerikës ka një epidemik dhune me armë zjarri, e cila nuk mund të tolerohet./ABC News Albania 24/7

FEZOTQILG5FYTKI32SPG3LMJOQ.jpg
ent ela11:32 | 28/07/2019

Të paktën një person ka mbetur i vrarë dhe 11 të tjerë janë plagosur si pasojë e të shtënave me armë zjarri gjatë një eventi publik në një park në Bruklin. Sipas të dhënave të para të policisë një 38-vjeçar mbeti i vrarë pasi u qëllua me plumb në kokë, por ende nuk ka detaje për atë që ka ndodhur apo autorin e ngjarjes. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono