te rinjte

Veliaj-gjate-hapjes-se-qendres-laboratorike-te-inovacionit-per-femijet-2--1280x854.jpg
ent ela13:55 | 10/11/2018

Investojmë tek inovacioni, që fëmijët të marrin njohuri digjitale. Deklarata vjen nga kryetari i Bashkisë së Tiranës Erion Veliaj në hapje të një qendre laboratorike për fëmijë në kryeqytet.

Një qendër e re laboratorike e inovacionit ka hapur dyert në Tiranë. Fëmijët  nga shtatë deri ne 14 vjec mund të mësojnë kurrikulat më të avancuara ndërkombëtare në robotikë, shkencë, teknologji, inxhineri dhe matematikë.

Kryebashkiaku  Erion Veliaj shprehu gatishmërinë e bashkise se kryeqytetit  për të mbështetur nisma të cilat synojnë të pajisin të rinjtë shqiptarë me njohuri digjitale, duke i përgatitur ata për sfidat e shekullit 21.

“Sot bashkia është në gjendjen më të mirë financiare dhe mund të japë subvencione, në formë bursash për fëmijët. Një qytet ka shumë sfida, por njerëzit nuk jetojnë vetëm me bukë; jetojmë edhe me këngë, art, kulturë, muzikë e libra. Por, jetojmë edhe me njohuri dixhitale. Kjo është arsyeja pse kemi vendosur që këtë vit, një pjesë të buxhetit që i japim organizatave të Shoqërisë Civile, të kalojë në fushën e teknologjisë dixhitale”.

Veliaj shkon më tej ndërsa thekson se ashtu si në Suedi edhe në Shqipëri shumë shpejt do të nisin klasat e kodimit.

 “Nuk do të jetë e largët dita kur, ashtu siç Suedia vendosi të fusë gjuhën e kodimit kompjuterit në klasa e para, ta përqafojmë edhe ne si politikë tonën për klasat e Kodimit, në mënyrë që njohuritë dixhitale t’i fillojmë që me mësimin e ABC-së”.

Vënia në praktikë e njohurive në shkencë, teknologji, inxhinieri dhe matematikë me metodologjitë më moderne të mësimdhënies, do të ndihmojë fëmijët në zhvillimin e aftësive kyçe të zgjidhjes së problemeve, nxitjen e të menduarit kritik dhe kreativ si dhe promovimit të punës në ekip. /abcnews.al

RAMA-ANETARSESIMET-NE-LEZHE-1280x720.jpg
ent ela20:23 | 08/11/2018

Kryeministri Rama shperndau disa tesera partie gjatë një aktiviteti në Lezhë për anëtarësimet e reja në PS. Nuk munguan as batutat e kryeministrit me të rinjtë.

Është radha e lezhianëve të marrin një teserë partie. Të rinjtë e Lezhës janë anëtarët më të rinj të Partisë Socialiste. Janë rekrutuar vullnetarisht apo jo këtë e tregojnë përgjigjet e tyre.

Por se pse duhet të bëhen pjesë e politikës ia sqaron kryeministri Rama. Sa më pak njerëzit të merren me politikën aq më vështirë do të kenë të vendosin zgjedhjen e duhur. Dhe ia lë vendin në dorë të pak vetave. Të merresh me politikë s’do të thotë të lesh familjen, të lesh mësimet etj, por të jesh një qytetar që di të vendosë. Sepse politika vendos për çdo gjë.

Vendos politika por mndësinë ia jep vota dhe këtë kryetari i qeverisë nuk e harron. “Jemi 100 mijë, por kemi 700 mijë”.

E siç ndodh në të tilla shpërndarje teserash të partisë Kryeministri Edi Rama nuk harron shakatë por as kundërshtarët politikë.

Por emocionin më të veçantë ia dha deputeti Pjerin Ndreu. /abcnews.al

 

 

RAMA-NE-LUSHNJE-_ABC-M1-T1.mpg_snapshot_02.31-1280x720.jpg
G. P.15:55 | 27/10/2018

Megjithëse kjo fundjavë në kryeqytet nuk ishte e qetë politikisht pas dorëheqjes së ministrit të Brendshëm Fatmir Xhafaj, kryeministri Edi Rama preferoi ta kalojë në Lushnje takim me të tijët që u antarësuan në Partinë Socialiste dhe gratë e këtij qyteti. Gazetarja e ABC News e pyeti për dorëheqjen e Xhafës, por kryeministri thjesht buzëqeshi.

Edi Rama, kryeministër: “Tani simbolikisht do të ndajmë disa nga këto kartat që përfundimisht, përkohësisht sepse më pas e vnedosni ju për sa gjatë iu marrin një pjesë të liriës. Sepse ka dhe një gjë tjetër, kur hyn në një parti nuk i bën dot të gjitha siç i bëje më përpara. Unë që kur hyra në parti hoqa sorë nga ideja që mund të shkoja përsëri në plazh nudo. Se diskutojmë më një shok që thotë “jam njeri i lirë.” Jo nuk je njeri i lirë sepse nuk mund të dalësh ti gjuash më gurë shtëpisë ku jemi bashkë se s’ka kuptim. Në qoftë se do ti gjuash më gurë shtëpisë ik se s’je pjesë e shtëpisë.”

Anetarëve të rinj të Partisë Socialiste, kryeministri u tha se të qenurit pjesë e familjes së Partisë Socialiste ka edhe rregulla, të cilat nuk thyhen lehtë.

“Vendosëm të mbyllim kazinotë elektronike dhe bastet, të gjitha lojërat e fatit. Në mënyrë që ju të mos shkoni në lloto edhe të lini atje lekët që prindërit mezi i nxjerrin. Jo nuk do të mbylleshjin sepse nuk u mbyllën dot kur vota kishte prodhuar një shumicë tjetër mandatin e shkuar, por ndodhi diçka edhe më shumë e rëndë. Ndodhi që nga taksa që ishte 25% për kombanitë dhe 15% për çdo lojtar që fitonte, u bë 10% për kompaninë dhe 0 taksë për lojtarin. Gjë që i nxiti të gjithë që të shkonin dhe të shumëfishonin humbjet sepse ishte vota që nxorri një qeveri që hoqi taksën.”

Nga ana tjetër, Rama theksoi se për të demostruar forcën e votës, kryeministri mori si shembull vendimin për mbylljen e bizneseve të lojrave të fatit. Edi Rama në Lushnje, foli ndër të tjera me banorët e këtij komuniteti edhe për kujdesin shëndetësor. Kryeministri tha se është dyfishuar rimbursimin për 600 mijë persona të pasiguruar./abcnews.al

44563119_246749929338609_1128610838660251648_n-1280x853.jpg
ent ela14:15 | 22/10/2018

Edhe Tirana ka tashmë një hapësirë të inovacionit dhe robotikës profesionale kushtuar vetëm fëmijëve, si një mënyrë për të nxitur shpirtin e krijimit tek ata, edukimin me kreativitetin, inovacionin, kuriozitetin, aftësitë teknike dhe argëtimin. Pas katër viteve të sukseshme në Gjakovë dhe në Prishtinë, qendra “Bonevet” vjen edhe në Tiranë, ku fëmijët mund të mësojnë përmes teknologjisë së përparuar dhe lojës.

Në hapjen e kësaj qendre në kryeqytet, kreu i Bashkisë së Tiranës, Erion Veliaj, e cilësoi fantastike këtë nismë, ku fëmijë nga shtresa të ndryshme sociale do të mund të mësojnë programimin dhe gjuhën e kodimit. “Të gjithë duan ndryshimin, që gjërat të bëhen, por asnjë nuk thotë do ta bëj vetë. Secili thotë: Jo, jo, të vijë ndryshimi, por të ndryshojë dikush tjetër. Unë besoj se kjo sfidon jo vetëm një grup fëmijësh. Jam i bindur se secili prej jush do gjejë veten, për mekanikë, elektronikë, por ajo që besoj se është më e rëndësishme është të kuptojmë se kjo është një mundësi fantastike që ndoshta nuk e kanë të gjithë fëmijët e Shqipërisë. Më vjen mirë që këtu ka fëmijë nga Shtëpia e Fëmijës, nga komunitete të ndryshme”, tha Veliaj.

Ai shprehu vullnetin e  Bashkisë së Tiranës për të mbështetur në mënyrë konkrete nisma të tilla që janë risi dhe që do të transformojnë Shqipërinë. “Dua që në buxhetin e Bashkisë së Tiranës të vendosim një fond për t’iu bashkuar sfidës, e mandej ju mund ta vendosni vetë si do ta përdorni. Mund ta përdorni si bursa, mund ta përdorni për të shtuar kapacitetet, mund ta përdorni për të shtuar programet që ofroni, por duam që të jemi pjesë e një historie suksesi që lind sot. Na quani partnerë, jo vetëm me llafe, por edhe për të investuar në një risi që do transformojë Shqipërinë”, u shpreh ai.

Kryebashkiaku Veliaj bëri të ditur se shumë shpejt edhe Piramida do të shndërrohet në qendrën më të madhe rinore multifunksionale në rajon, duke shërbyer si një hapësirë për shkëmbim idesh e iniciativash, por edhe një inkubator për bizneset e reja në fushën e ICT dhe komunikimit.

“Dy janë mundësitë, ose do rrimë te kangjellat dhe do shohim të tjerët që kalojnë, ose themi: E di çfarë, unë do ta vendos që tani sepse keni një mundësi fantastike. Ju sot mund të vendosni nëse do bëheni kryeministri i ardhshëm ose kryetari i Bashkisë i ardhshëm, nëse do të bëheni sipërmarrësi më i suksesshëm në Shqipëri apo nëse do jeni programues i një software që do ndryshojë jo vetëm Shqipërinë, por dhe botën; por duhet ta vendosni sot”, nënvizoi Veliaj.

Ai vlerësoi ndryshimin e konceptit të sipërmarrjeve private në Shqipëri, ku nga një biznes primitiv i viteve ’90, i orientuar vetëm drejt fitimit, tashmë gjithnjë e më shumë bëhet pjesë e nismave në dobi të komunitetit. Veliaj kërkoi prej të rinjve që të orientohen drejt nismave të tilla inovative.

BeFunky-collage-16-933x445.jpg
G. P.21:47 | 09/10/2018

Veterineri: Ne i përdorim vetëm për ndërhyrjet kirurgjikale të kafshëve

Kamera e fshehtë e emisionit “Stop” solli me zë dhe figurë llojet e lëndëve narkotike të ndaluara, që u shiten nën dorë nxënësve dhe të rinjve. Mjafton një interesim i thjeshtë e disa para me vete dhe do të gjeni njerëz jashtë çdo lloj dyshimi që tregtojnë me shumicë e pakicë ketaminë, një anestetik ky i fuqishëm për kafshët.

Mjeku veteriner Martin Toro shpjegoi se ketaminën mund ta marrin vetëm veterinerët me licencë.

“Është një medikament që përdoret vetëm për anestezi të përgjithshme te kafshët, te qentë dhe të macet. Ne i përdorim vetëm për ndërhyrjet kirurgjikale”, u shpreh mjeku veteriner.

Ndërsa mjekja toksikologe Sonila Bitri tregpo efektet negative të këtij medikamenti te njeriu.

“Ketamina është anestetik me veti haluçinogjene dhe disicioative. Përdoret në mjekësinë veterinere për qëllimin anestetik, ndërsa te njerëzit, te adoleshentët kryesisht, abuzohet për efektet haluçinogjene, psikoaktive që kjo substancë ka. Abuzohet në disa forma si inhalatore, venoze, orale, por format më problematike dhe më shpesh të abuzuara janë ato inhalatore. Shpesh herë për fat të keq përzihet dhe me cigare dhe kanabis. Efektet kryesore janë në sistemin nervor qendror, por jo vetëm. Jep ndjesinë e shkëputjes nga trupi dhe realiteti dhe kanë probleme me memorjen, probleme të rënda mendore, haluçinacione, probleme me orientimin e humorin. Jep çrregullime me ritmin e tensionin, probleme me frymëmarrjen dhe për fat të keq në doza të larta edhe në fatalitet”, tha toksikologja.

Ajo gjithashtu shtoi se kjo substancë jep varësi, çka nuk dihet nga përdoruesit, ndaj dhe abuzohet me të. Gjatë kamerës së fshehtë të emisionit “Stop”, shitësja e ketaminës shfaqet e qartë mbi atë se çfarë është duke bërë, duke treguar se “mallin” e saj e marrin shumë të rinj, të cilët dinë edhe si përgatitet.

Shpresa – Si je?

Blerësi – Mirë! Çfarë ke bërë?

Shpresa  Si dukesh? Si ia kalove? Ça ke bërë ti?

Blerësi – Mirë!

Shpresa –Tani, çfarë doje ti. Unë për momentin kam te shtëpia, kam një të vogël, kam dhe një gjermane 35. Ke marrë ndonjëherë nga këto gjermanet?

Blerësi – Unë nuk kam marrë asnjëherë, asnjë. Mua më thanë që mund të më ndihmoje. Sa është gjermania?

Shpresa – Kam dy lloje. Ja të tregoj! Kam dy lloje, po domethënë do vish te shtëpia taksirat, aty kam plot.

Blerësi – Ku e ke shtëpinë?

Shpresa – E kam aty poshtë te Ministria e Arsimit, po për momentin me vete kam këto se po vij nga puna, se jam në punë. Për momentin kam këtë.

Blerësi – Ça është kjo?

Shpresa – Kjo është gjermane, KETAMINA, është 35.

Blerësi – Kjo është për qetësim?

Shpresa – Po pra, nga ajo që të kanë thënë ty.

Blerësi – Është 35, është e mirë kjo?

Shpresa  Gjermanen ma marrin shumë domethënë, me thënë të drejtën, unë…

Blerësi – Me ça ashtu kjo? Me shiringë në damar?

Shpresa – Nuk e di mo, si e bëjnë. Jo nuk e di, e bëjnë pluhur, a nuk e di… Pyet ndonjërin që mund të ashtu, unë s’të ndihmoj dot.

Blerësi – Po kjo?

Shpresa – E njëjta gjë është edhe kjo, po kjo është 10 mililitra, është 20 mijë lekë.

Blerësi – Ketaminë?

Shpresa – Po, po, po. Edhe kjo e ka.

Blerësi – Ta provoj, po me shiringë si injektohet?

Shpresa – Jo, unë nuk e di, nuk e di, unë i mbaj kështu, nuk di më tepër. Unë i shes dhe te farmacia. Kam ca klientë i marrin, po sesi.., ashtu nuk të ndihmoj dot.

Blerësi – Ok! Sa të detyrohem për këtë?

Shpresa  35! Unë e kisha një gocë, ajo e bënte kshu pluhur.

Blerësi – Si e bënte pluhur?

Shpresa – E bënte pluhur. Ta thyejmë këtë 5-mijëshen, ta thyejmë tek kjo, hajde ta thyejmë te kjo!

Blerësi – Qysh ëëë?

Shpresa – E merr ndonjë çun, ashtu pa marrë në telefon, pa folur me ndonjërin!

Blerësi – Dakord!

Shpresa  Vetëm se s’ashtu aman! Të lutem, se nuk dua…!

Blerësi – Mirë, mo mirë! Të kuptoj, të kuptoj drejt. Unë mendova, se ti do të dije, sesi do ta bëja se…

Shpresa – Jo, jo unë. Ajo përdoret më shumë për kafshët.

Blerësi – Për kafshët?!

Shpresa – Po! Ne e kemi narkozë për kafshët, por i marrin edhe çunat, i marrin. Kam një kosovar që i merr me shumicë, një çun tjetër vetëm aq, unë nuk e di, vetëm aq di. Për kafshët përdoret narkozë, për t’i vënë në gjumin e vdekur, për njerëz nuk e di. Kisha një gocë që i merrte, ajo gjithmonë e ziente e bënte pluhur.

Blerësi – Si e bën kshu?

Shpresa – Zihet ajo me xhezve.

Blerësi – A zihet?

Shpresa – Zihet kjo dhe e përdor ashtu. Zihet dhe është më e lehtë ashtu për mendimin tim. Ti fol me ndonjë çun nga këto dhe mos të kesh ndonjë problem a ndonjë gjë!  Pafshim!

Takimi i dytë

Shpresa – Si je? Si ia kalove? Të ngatërrova me një çun tjetër se vjen dhe te shtëpia, e kam shtëpinë këtu.

Blerësi – Pashë në internet, si bëhej.

Shpresa  Epo mirë! Në qoftë se ke parë, pa problem fare! Kështu, ça do lloj? Këtë e kam 35, këtë e kam 20!

Blerësi – Po shumë e vështirë për t’u gjetur!

Shpresa – S’ka! Është vështirë, s’ka!

Blerësi – Unë kam pyetur në çdo lloj farmacie. Jo tha, hyn te drograt e forta.

Shpresa – Ne jemi me burrin veteriner. Unë kam farmaci veterinare se dhe mua nuk më lejohet. Po ka pas ca klientë që m’i thonë kështu edhe i shes. Vijnë dhe ata çunat nga Kosova që i marrin.

Blerësi: Për këtë do të pyesja dhe unë, për punën e shumicës.

Shpresa: Sa do? Me shumicë? Në qoftë se do me shumicë ti, ka çmim tjetër. Me fol mua për shembull, sa copë duhen, aq të flas unë, aty ku i marim se i merr burri im. Lëviz burri larg, m’i merr burri se këtu në Tiranë s’ka.

Edhe më porosit 2 ditë përpara që të them se ça cmimi, mund t’i marri çikë më lirë ai. Po nuk japin, as unë kam vite, që e kam farmacinë të lidhur, i shesim, se i kam thënë që i duam për kuaj, për kto gjëra, po nuk… ëëëë, janë çikë me problem këto, prandaj janë dhe të shtrenjta.

Shpresa – Edhe herë tjetër mund të vish deri te shtëpia, mund të vish poshtë.

Blerësi – Po mirë! Vij!

Shpresa – E, se jam çikë më poshtë, se unë biles, unë punën e kam larg, unë vij pasdite pas orës 5.

Blerësi – Rrofsh!

Shpresa – Pas orës 5, unë vij në shtëpi nga kjo orë, unë jam në punë po sot më ka ardhur vëllai nga Italia.

Blerësi – Mirë! Faleminderit!

Shpresa – Mirupafshim!

Ky ishte denoncimi i emisionit “Stop” për këtë fenomen të tmerrshëm që po ndodh në vendin tonë. Nuk mjaftojnë substancat narkotike që shpërndahen madje edhe në shkollat 9-vjeçare, por tanimë u shiten të rinjve edhe anestetik të fuqishëm për kafshë…/tvklan.al

PELESHI-PER-BUJQESINE-DHE-ARSIMIT.mpg_snapshot_00.15-1280x720.jpg
G. P.13:16 | 24/09/2018

Për të rinjtë më e rëndësishme është një teserë partie se të përzgjedhin një degë bujqësore në arsimin profesional. Është ky shqetësimi i Ministrit të Bujqësisë Niko Peleshi që ngriti në seancën plenare të së enjtes.

Bujqësia është në rrezik nga indiferenca e të rinjve. Alarmin e ka dhënë vetë ministri i Bujqësisë dhe zhvillimit rural Niko Peleshi.

Niko Peleshi, ministër i Bujqësisë dhe Zhvillimit Rural: “Ngre alarmin që të rinjtë nuk shkojnë këto degët bujqsore. Edhe nëse shkojnë marrin thjeshtë një diplomë fiktive. Të rinjtë kanë idenë që rëndësi ka që të keshë një teserë partie”.

Ministri Peleshi kërkon ndihmën e deputetëve për të shtuar në fshat të ardhurat për agroturizmin.

“T’i japim mundësi fermerëvë që të shesin produktet e tyre me çmime më të mira. Kërkoj mbështetjen e këtij ligji. Kërkoj aleatë dhe ambasadorë për të shtuar të ardhurat në fshat me anë të agroturizimit. Drejtoritë e Bujqësisë janë duke u shpërbërë. Po krijojmë agjensitë veterinare dhe ato acesionit të fermerëve. Kjo sepse këto institucione i kemi futur në një çorodi insitucionale. Kemi nevojë për kapacitete”.

Nga foltorja e parlamentit Ministri i Bujqësisë dhe Zhvillimit Rural, Niko Peleshi, tha se për t’i dhënë këshillimin e nevojshëm fermerevë, TVSH do të ketë një kanal të posatshëm për fermerët./abcnews.al

META-NE-VATIKAN-1280x720.jpg
ent ela13:08 | 17/09/2018

Presidenti i Republikës Ilir Meta, u prit sot në një audiencë të posaçme nga Ati i Shenjtë, Papa Françesku, në Selinë e Shenjtë në Vatikan.Kryetari i shtetit shqiptar shprehu mirënjohjen për vëmendjen e veçantë që Papa Françesku ka treguar për popullin shqiptar. Ndërsa Ati i Shenjtë duke iu rikthyer vizitës në vendin tonë i kërkoi presidentit Meta që të bënte gjithçka që rinia shqiptare të mos e braktiste vendin.

Mirënjohja ishte kryefjala e Presidentit Ilir Meta në bisedën që zhvilloi me Papa Françeskun në selinë e shenjtë në Vatikan.

Presidenti i Republikës në mënyrë të vecantë e falënderoi Papa Françeskun, për lartësimin mbarëbotëror të simbolit më domethënës  shpirtëror të kombit shqiptar, Nënë Terezës, përmes shenjtërimit të saj.

“Shenjtërimi i Nënë Terezës, si dhe lumturimi i 38 martirëve të Kishës Katolike shqiptare dhe emërimi i At Ernest Troshanit si Kardinal Nderi në Vatikan, na bëjnë krenarë ne shqiptarët dhe na japin më shumë besim e forcë për ta ruajtur e promovuar me vendosmëri e përkushtim bashkëjetesën e harmoninë shembullore ndërfetare e kanonike”

Kreu i Shtetit Shqiptar e e siguroi Atin e Shenjtë për vokacionin e qartë e të pandryshuar evropian të Shqipërisë dhe shqiptarëve dhe vendosmërinë e tyre për të ecur në rrugën e integrimit evropian.

“Viti Mbarëkombëtar i Gjergj Kastriot Skënderbeut na rikthen në kujtesën tonë jo vetëm marrëdhënien e ngushtë të Heroit tonë Kombëtar me Selinë e Shenjtë, por edhe rolin e tij të pazëvendësueshëm në mbrojtjen e civilizimit evropian duke përcaktuar qartë identitetin evropian të shqiptarëve,” vuri në dukje Presidenti Meta gjatë takimit me Atin e Shenjtë.

Një mirënjohje të veçantë Presidenti Meta e shprehu edhe për mbështetjen e vyer që Papa Françesku dhe Selia e Shenjtë i kanë dhënë Kosovës dhe, ku padyshim lartësimi në ditën e Shën Terezës së Kishës katolike të Prizrenit në Dioqezë, përbën një akt domethënës jo vetëm për komunitetin katolik të Kosovës, por për mbarë shqiptarët.

Ati i Shenjtë vlerësoi forcën e shqiptarëve dhe përkushtimin e tyre për t’u ringritur shpirtërisht pas periudhës së gjatë të shtypjes dhe ndalimit të besimit, nënvizoi arritjet e deritanishme të Shqipërisë veçanërisht në fushën e lirisë së besimit dhe shprehu mbresat e tij të jashtëzakonshme nga vizita e tij në Shqipëri dhe mikpritja që ju rezervua gjatë kësaj vizite historike.

“Rrallë kam parë”, – tha Papa Françesku gjatë audiencës, “aq shumë të rinj gjatë vizitës sime në Tiranë sa në asnjë vend tjetër e duhet bërë gjithcka që ata të qëndrojnë në vendin e tyre.”

Gjatë kësaj audience të posaçme të Atit të Shenjtë, Papa Françesku, Presidenti i Republikës, Ilir Meta shoqërohej nga familja e tij. /abcnews.al

KLOSI-NE-MORINE-1280x720.jpg
ent ela10:27 | 23/08/2018

Ministri i Mjedisit dhe Turizmit Blendi Klosi ishte në pikën kufijtare të Morinës, sëbashku me kryetarin e bashkisë Kukës dhe përfaqësues të komunës së Prizrenit, nga ku bëri thirrje për më tepër bashkëpunim të dy anëve të kufirit për mbajtjen pastër të mjedisit dhe zhvillimin e turizmit.

Të rinjtë e projektit “Smile Albania” kanë nisur pastrimin e zonës së të dyja anëve të kufirit në pikën doganore të Morinës, aksion të cilin ministri Klosi e quajti jo vetëm simbolik, por edhe shumë të nevojshëm në këto ditë fluksi në këtë pikë kufijtare.

“Vetëm në katër orët e para të mëngjesit, 04.00-08.00, kanë hyrë 32 mijë shtetas kosovarë që i janë drejtuar bregdetit shqiptar për pushime, duke shfrytëzuar pas festës së Bajramit, 10 ditëshin e fundgushtit, por edhe dy javëshin e parë të shtatorit dhe vetëm sot në një ditë, pritet që të kalojë numri 70 mijë i shtetasve kosovarë që vijnë për turizëm në Shqipëri. Pra është një numër i konsiderueshëm, që të çon te debati për praninë e turistëve të huaj, një debat që nuk ka shumë vlerë, por vlera më e madhe është që ne duhet të vazhdojmë të presim turistët e huaj. Shqipëria, pa dyshim, edhe në këtë vit, do të kalojë numrin e 5.5 milionë turistëve të huaj dhe po t’i shtojmë edhe turistët shqiptarë në shifra që kthehen në 6 milionë turistë që kanë shfrytëzuar bregdetin dhe pasuritë tona natyrore”.

Ministri Klosi theksoi se ka ardhur koha që të dyja anët e bjeshkëve të trajtohen me projekte rajonale mjedisore dhe turistike për zgjidhjen e problematikave dhe zhvillimin e qëndrueshëm të turizmit. Nga ana e tij kryetari i bashkisë Kukës, Bashkim Shehu, u bëri thirrje banorëve të Kukësit dhe dy ministrive të linjës, në Shqipëri e Kosovë, për të kontribuar sa më shumë për mjedisin në Kukës. /abcnews.al

vlcsnap-2018-08-22-16h06m17s466-1280x769.png
G. P.16:09 | 22/08/2018

Interesi për librin kryesisht tek të rinjtë ka rënë ndjeshëm vitet e fundit, kjo dëshmohet edhe në statistika të ndryshme. ABC News pyeti qytetarë të ndryshëm, te rinjtë pa drojë deklarojne se nuk lexojnë, ndërsa shtresa e mesme vazhdon të mbetet besnik i librit. Ndërkohë qe, studiuesi Behar Gjoka rënien e leximit e lidh me faktorë socialë dhe ekonomikë./abcnews.al

REPORTAZH-NATE-LIBRAZHD-1280x720.jpg
ent ela16:28 | 19/08/2018

Të rinjtë në qytetin e Librazhdit nuk e shikojnë të ardhmen në vendin e tyre. S’kanë punë dhe duan të emigrojnë. Në këtë qytet nuk prodhohet gjë, por ka dhe njerëz që u gëzohen darkave kur sheshi mbushet plot.

Në fund të viteve ‘90 këtu banonin rreth tetë mijë banorë. Aktualisht bashkë me rrethina Librazhi ka një popullsi prej 60 mijë banorësh.

“Nuk dua të filmohem”.

Ndryshe nga ç’mund të supozohet këtu mbrëmjeve sheshi është i mbushur me njerëz. Kafenetë qëndrojnë të hapura deri vonë.

Barist: “Në mëngjes kafe, akullore, pastaj ndonjë pije freskuese, pothuajse kjo është dita”.

Të ardhurat në Librazhd sigurohen nga punësimi në administratë dhe nga emigrantët. Por ka njerëz të kënaqur me jetesën. Janë të lidhur emocionalisht me qytetin. Gratë kërkojnë kënd lojërash për fëmijët.

Banor: “Mendoj që në Librazhd është më mrië se në Tiranë, po qe për ne që dalim këtu, mbushur ky qytet është mrekulli, më freskët është, shokët këtu i kemi”.

Banore: “Hera e parë që s’ka lëvizje makinash kemi shpëtuar”.

Banore: “Mungon një kënd lojërash për fëmijë, që besoj se do ishte shumë e nevojshme”.

Fëmijë:Një kënd lojërash ku të argëtohesha dhe të lozja”.

Resurset janë të shumta në rajonin e Librazhdit. Megjithatë në drejtim të turizmit është bërë pak.

Banor: “Po i kushtohet vëmendje zhvillimit të turizmit, po janë shumë probleme dhe kushte që duhen plotësuar që të ketë turizëm të vazhdueshëm dhe në rritje”.

Të rinjtë nuk ndajnë të njëjtën përshtypje me të rriturit. Ata nuk duan të jetojnë në Librazhd. Thonë se nuk ka punë dhe do të emigrojnë.

Të rinjtë: “Jashtë Librazhdi, se këtu s’ke ça bën, s’ka punë, jemi keq në krizë”.

E ajo që nuk duket mirë në një mbrëmje të zhurmshme, është realiteti tjetër. Shumë familje në Librazhd mbyllin darkën me një misër të pjekur.

Banor:Unë jam vetë i shtatë të shtëpia, nuk e përballoj dot janë të gjithë të papunë”.

Në vitin 1958 Librazhdi u shpall si një qendër e industrisë ushqimore dhe e shfrytëzimit të pyjeve. Sot aty nuk prodhohet gjë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono