te rinj

TE-PUNESUARIT-SEZONALE-1280x720.jpg
ent ela13:27 | 08/08/2018

Drejtoria e Përgjithshme e Tatimeve ka publikuar të dhënat mbi numrin e të punësuarëve, por edhe subjekteve që nuk kanë deklaruar punonjësit e tyre. Numrin më të madh të të punësuarëve për sezonin turistik e zë Bashkia Durrës.

Rreth 18.900 të rinj janë punësuar gjatë periudhës 22 qershor-6 gusht. Të dhënat e fundit janë publikuar nga Drejtoria e Përgjithshme e Tatimeve.

Këto shifra i përkasin Drejtorive Rajonale Durrës, Vlorë, Shkodër, Lezhë, dhe Sarandë, ku zhvillohet kryesisht aktiviteti i turizmit dhe reflektojnë punën e përditshme, që administrata tatimore po bën për të ndërgjegjësuar të gjitha subjektet që operojnë në këto zona, në lidhje me detyrimet ligjore.

Drejtoria me numrin më të lartë të punësimeve të reja është e ajo e Durrësit me 7,657, e ndjekur nga Vlora me 4,200 të punësuar,  Saranda me 2,641, Shkodra me 2,238 dhe në fund  Lezha me 2,154 të punësuar të rinj.

Sipas drejtorisë së përgjithshme të tatimeve nuk janë ndalur kontrollet ndaj tatim paguesëve që të përmbushin detyrimet e e tyre. Si rezultat janë konstatuar rreth 370 tatimpagues me punonjës të padeklaruar, të cilët u përfshinë në skemën e kontributeve të sigurimeve shoqërore dhe shëndetësore.

Thirrja i drejtohet çdo të punësuari që të denoncojë raste të mospagesave të kontributeve për punën e kryer, si dhe tatimpaguesit që të përmbushin detyrimet në mënyrë korrekte. /abcnews.al

filolofjiku.jpg
G. P.14:43 | 04/08/2018

Nevojat e tregut të punës gjithnjë e më tepër janë për specialistë në teknologjinë e informacionit apo zanatçinj, por universitetet vijojnë të nxjerrin nga auditorët ekonomistë dhe juristë. Gati 60 % e të diplomuarve vitin e shkuar ishin në këto degë.

Juridiku, ekonomiku dhe shkencat sociale mbeten degët më të parapelqyra nga të rinjtë në vendin tonë. Vitin e shkuar gati 60% të diplomave, universitetet i kanë dhënë në këto degë.

Sipas Institutit të Statistikave në vitin 2017 në arsimin e lartë janë diplomuar 35.173 studentë, ose 11,0 % më shumë se në vitin 2016. Kryesojnë vajzat me 64,1 % ndërkohë që më shumë se gjysma kanë përfunduar programet bachelor.

Numri më i lartë i të diplomuarve është në fushat “biznes administrim dhe ligj” që shënon me 29,6 %, ndjekur nga “shëndet dhe mirëqenie” me 13,6 %, dhe “shkenca sociale, gazetari dhe informacion” me 12,2 %.

Ndërkohë nxënësit që kanë përfunduar arsimin e mesëm pësuan rënie me 5.6% krahasuar me vitin 2016. Rreth 36 mijë e 400 nxënës u diplomuan në gjimnaz apo shkollë profesionale në vitin 2017 ndërkohë që bie në sy një luhatje e vogël mes djemve dhe vajzave.

Ndërsa shkollën 9-vjeçare vitin e shkuar e përfunduan rreth 36 mijë e 500 nxënës. 1,4 %  më shumë se në vitin 2016./abcnews.al

sherrii.jpg
G. P.14:44 | 20/07/2018

Një sherr masiv ka ndodhur para një lokali në qytetin e Vlorës. Disa të rinj fillimisht u përplasen verbalisht, por më pas u përdorën dhe thika. Për pasojë dy nga personat në konflikt morën plagë të rënda dhe u dërguan në spital. Kurse disa të tjerë u shoqëruan në ambientet e policisë së këtij qyteti. Nuk dihen shkaqet që çuan në këtë perleshje të rinjsh, por nga dëshmitë e para bëhet fjalë për dy grupe në konflikt me njëri-tjetrin./abcnews.al

edi-rama123456.jpg
G. P.13:37 | 16/07/2018

“Akademia e 100 fshatrave” është rrjeti më i ri i bashkëpunimit mes qeverisë dhe botës universitare. Në funksion të 100 fshatrave, të përzgjedhur për tu kthyer në destinacione të reja turistike është nënshkruar në kryeministri, marrëveshja për projektet e Programit Kombëtar të Rilindjes Rurale.

Projekti “100 fshatrat” është fitimprurës për të gjithë sipas kryeministrit Edi Rama. Të parët janë familjet, shtëpitë e të cilëve do të shndërrohen në destinacione të mirëfillta turistike.

“Për t’i dhënë hov një zhvillimi ekonomik dhe social aty ku deri sot kjo duket e pamundur”.

Me nënshkrimin e marrëveshjes së bashkëpunimit ndërmjet qeverisë dhe universiteteve, do të jenë studentët, ata që nuk do t’i kthejnë më sytë nga rrogat e shtetit tha kryeministri Rama.

“Po krijojmë rrugë dhe mundësi për shumë studentë të sotëm që të jenë nesër aktorë dhe protagonistë të zhvillimit dhe ta shikojnë jetën e tyre profesionale jo të lidhur domosdoshmërisht me një punë në shtet.”

Të ardhurat do të rriten edhe për vetë pedagogët që do të jenë pjesë e ndërveprimit të munguar qeveri-botë akademike.

“Por edhe duke krijuar për veten e tyre mundësi që të përfshihen në një rrjet konsulencash që nesër mund të japë një vlerë të shtuar në të ardhurat e tyre”.

Lista e atyre që do të përfitojnë nga zgjerimi i Shqipërisë turistike vazhdon me emigrantët.

“Si një instrument, ku secili që do të investojë do të fitojë më shumë se emigracioni çfarëdo qoftë ajo”.

Akademia rurale që lindi pas nënshkrimit të këtyre marrëveshjeve shënon sipas kryeministrit Rama, rrugën e re të dijes që do t’i vihet në dispozicion njerëzve të zakonshëm, duke i mësuar jo vetëm se si të bëjnë më shpejt e më mirë aplikimet për të marrë financime për prodhimin bujqësor e blegtoral, jo vetëm se si ta shndrrojnë shtëpinë në një bujtinë  për të ndërtuar një agroturizëm  por mbi të gjitha se si ta shohin ardhmen aty ku kanë tokën e prindërve./abcnews.al

blendi-klosi.jpg
G. P.16:17 | 06/07/2018

Ministria e Turizmit dhe Mjedisit çeli projektin “Smile Albania” përmes të cilit punësohen 1000 të rinj. Ata do të presin turistë në pikat kufitare, ato turistike dhe zonat e mbrojtura në vend.

Qëllimi është orientimi i pushuesve drejt destinacioneve kryesore, ndërkohë që do të kenë dhe një rol promovues për të rritur përgjegjësinë e qytetarëve për një mjedis të pastër.

Ministri Klosi gjatë ceremonisë iu tha se kanë për detyrë ta shndërrojë vendin në destinacion europian të turizmit. Kjo periudhë e punësimit, të rinjve do t’ju edhe si praktikë pune, pranë administratës shtetërore të zonave të mbrojtura./abcnews.al

lulzim-basah.jpg
G. P.21:14 | 02/07/2018

U mblodhën në bashkëbisedim rreth 2 korrikut 1990.

Lulzim Basha: “2 korriku 1990, datë historike datë lirie. Sot është dita t’ju them faleminderit për atë që ishte çarja e murit komunist që i hapi rrugën përmbysjes së regjimit”.

Një revoltë për t’u marrë shembull edhe sot, sipas tij, kur izolimi edhe pse i një forme tjetër mishërohet me bllokimin e ëndrrës europiane të Shqipërisë.

Lulzim Basha:  “Sot pse jemi të izoluar? Nga tregjet, nga zhvillimi teknologjik. Imazhi ynë është i krimit dhe drogës. Moshapja e negociatave është shprehja më e qartë e kësaj. Moshapja është mesazh që i jepet qeverisë”.

Mesazh të cilin kreu i qeverisë kërkon t’ua servirë të përmbysur shqiptarëve, thekson Basha, duke paracaktuar kështu edhe fatin e Qershorit 2019.

Lulzim Basha: “Rama thotë “jo s’po ndodh gjë”, përkundër thotë na i kanë hapur, sot të përpiqesh t’i gënjesh njerëzsit kështu tregon që s’ke respekt për shqiptarët dhe që s’ke ndërmend të ndryshosh”.

Një mesazh ua drejton ndërkombëtarëve, atyre që problemin kërkojnë ta identifikojë tek mungesa e bashkëpunimit opozitë – mazhorancë, të cilët për kryedemokratin Basha në rastin më të mirë nuk kanë asnjë lidhje me të vërtetën.

Lulzim Basha: “Ka pasur edhe ndonjë tentativë Don Kishoteske nga të huajt që mundohen ta shesin tjetër. Nuk është mungesa e dialogut problem, por lidhja e qeverisë me krimin. Ata që bëjnë leksione puthuni janë out, nuk kanë lidhje fare, ne nuk bashkëpunojmë me krimin. Ata që mendojnë se zgjidhet me valsin e lumturisë ta harrojnë”.

Është vetëm largimi i Edi Ramës ajo çka i hap rrugën zhbërjes së çdo padrejtësie të këtyre 5 viteve qeverisje të rilindjes, thekson Basha, e për këtë opozita do të vijojë përballjen e përditshme me çdo kusht./abcnews.al

porto-romano.jpg
G. P.15:55 | 06/06/2018

ABC News ka realizuar një reportazh në zonën më të ndotur të Durrësit që është vendgrumbullimi i mbetjeve të Porto Romanos. Një katastrofë mjedisore fare pranë mijëra banorëve, i cili çdo ditë u rrezikon jetën nga helmet. Përballë kësaj “bombe me sahat”,  Bashkia e Durrësit është dorëzuar pasi puna e saj ka mbetur tek projektet në mungese të fondeve.  

Këtu ndodhemi në veri të Durrësit. ABC News ka filmuar me dron vendgrumbullimin e Porto Romanos. Katastrofa mjedisore që bashkëjeton me durrsakët dhe jo vetëm.

Mbeturinat janë shpërndarë pa kontroll. 4 kilometra nga qendra e qytetit turistik, tonelata mbetjesh shkarkohen çdo ditë në këtë terren të hapur.

Hapësira prej 17 hektarësh nuk plotëson asnjë kriter. Askush nuk është kujdesur për rrethimin e zonës. Këtu familje në nevojë punojnë në mbledhjen e mbetjeve të riciklueshme.

Ndërsa të tjerë e shfrytëzojnë për të ushqyer edhe kafshët. Gjendja mbetet alarmante. Mbi 45 mijë banorë po thithin çdo ditë dioksidin e karbonit, i cili përhapet në ajër nga asgjesimi i mbeturinave me anë të djegies.

Era e keqe dhe niveli i lartë i ndotjes është shqetësimi kryesore për banorët e Porto Romanos. Sëmundjet e provokuara nga helmet kanë nisur të shfaqen.

Banorët thonë se po marrin fund.    Të prekura nga kjo situatë janë edhe institucionet arsimore, të cilat gjenden fare pranë vendgrumbullimit.

Nxënës të shkollës  9-vjeçare “Met Hasa”, por edhe studentë të kampusit të ri universitar, përveçse dijes, marrin edhe ndotjen që shkaktohet nga ky masiv mbetjesh.

Çdo vit në këtë hapësirë, e cila shërben për grumbullimin e mbeturinave të 3 bashkive, Durrës, Shijak dhe Kavajë, shkarkohen mbi 70 mijë tonë mbetje.

Puna e Bashkise së Durrësit ka mbetur tek konstatimi i fakteve dhe hartimi i projekteve. Jashtë kamerave ata thonë për ABC News se janë financiarisht të pafuqishëm për të ngritur një landfill. Pretendimi tjetër i bashkisë është se nuk kanë një terren të përshtatshëm.

Institucionet vendore të pafuqishëm mbeten edhe në menaxhimin e plazheve të prekura nga hedhja pa kriter e mbetjeve urbane.

Zonat turistike që ndodhen në pjesën veriore e perëndimore të qytetit vuajnë nga niveli i lartë i ndotjes në një kohë që Durrësi frekuentohet nga një numër i lartë turistësh vendas dhe të huaj.

Kur askush nuk ndërhyn rrezikohet që pushuesit të braktisin Durrësin./abcnews.al

Gazetare: Enkeleda Arapi

edi-rama-puna.jpg
G. P.12:00 | 01/06/2018

Nuk i ka qejf shifrat, por kur bëhet fjalë për punësimin ndjehet i detyruar t’i rendisë për të pasqyruar punën e qeverisë së tij.

Edi Rama: “Është inkurajuese që me ndryshimin e metodologjisë me një ristrukturim të shërbimit të punësimit në muajt kemi kapërcyer 10 mijë të punësuar në tre muajt e fundit, Mars, Prill dhe Maj. Jemi optimistw që do të realizojmë objektivin për të pasur 25 mijë të punësuar në 2018 vetëm përmes zyrave të punës”.

Megjithatë ka një problem të pazgjidhur për kryeministrin Edi Rama, deklarimi real i pagave.

Edi Rama: “41% e pagave deklarohen se janë 30 mijë lekë. Kjo është gënjeshtër. Dhe sipas të dhënave të brendshme, kjo nuk është e mundur. Realisht një pjesë e pagës jepet formalisht për të shmangur tatimin dhe pjesa tjetër në të zezë. Do t’a luftojmë këtë fenomen. Kemi shumë pak punonjës të pa regjistruar, por shumë që marrin një pjesë të pagës në të zezë”.

Në punimet e konferencës kombëtare mbi zhvillimin e qëndrueshëm dhe politikat e punësimit kryeministri Edi Rama prezantoi edhe një prej sfidave më të mëdha të qeverisë, atë të aftësimit të rinjve në tregun e punës.

Edi Rama: “Ka një sërë pyetjesh që kërkojnë në vazhdimësi përgjigje të artikuluara, sepse e vërteta është se shumë shqiptarë në moshë pune nuk janë aktiv në tregun e punës. Një pjesë e tyre ende është në kërkim të një vendi pune. Sfidë për ne, mbetet aftësimi i tyre për tregun e punës. Në çdo kompani të madhe ka vende të lira pune. Problemi i kompanive është aftësia specifike për mbulimin nevojave të këtyre vendeve të lira të punës”.

Ministri i Financave dhe Ekonomisë, Arben Ahmetaj, i dha përgjigje të gjithë atyre që nuk besojnë në rritjen numrit të të punësuarëve.

“Kur morëm detyrën, biorderoja në tatime numëronte rreth 425-430 të punësuar. Sot që flasim janë 667 mijë të punësuar. Janë mbi 240 mijë vende të reja pune si rezultat i zhvillimit ekonomik, i numrit të rritjes së vendeve të punës dhe të formalizimit. Për herë të parë në vitin 2017, punësimi në sektorin jobujqësor kaloi sektorin bujqësor. Është lëvizje cilësore në formacionin e punësimit në Republikën e Shqipërisë. Po referuar raportit të Bankës Bortërore që iu referua dhe kryeministri, Shqipëria është një nga vendet me punësim më të lartë të nivelit të forcës së punës, po kap nivelin 60%. Papunësia është në nivelin më të ulët të 10 viteve. Në tre-mujorin de fundit të 2017-s shkoi në nivelin e 13.4%”, tha ministri Ahmetaj.

Në këtë konferencë u vlerësua edhe puna e bërë nga një grup deputetësh për hartimin e një raporti, i cili identifikon problematikat e punësimit./abcnews.al

ilir-metaaa.jpg
G. P.11:33 | 19/05/2018

Presidenti i Republikës, Ilir Meta, në bashkëpunim me Institutin Kombëtar të Integrimit të Jetimëve Shqiptarë, organizoi një pritje me fëmijë dhe të rinj jetimë, në kuadër të 20 Majit, “Dita Kombëtare e Jetimëve”.

Kreu i shtetit i shprehu mbështetjen e tij, ndërsa tha se që kur ka marrë detyrën e Presidentit kujdesin ndaj fëmijëve jetim do ta kishte prioritet.

“Ne në fakt kemi qenë një komb jetim për një kohë të gjatë derisa kemi gjetur veten dhe besoj se tani nuk jemi një komb i tillë, jemi një komb shumë më i sigurt për të ardhmen e tij. Jemi anëtarë në NATO, jemi pranë Bashkimit Evropian dhe shpresojmë të anëtarësohemi në Bashkimin Evropian”, deklaroi kreu i shtetit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono