te plagosur

aksidenttt.png
R D15:43 | 09/01/2020

Një person humbi jetën, ndërsa tre të tjerë mbetën të plagosur në tre aksidente të ndryshme të ndodhura sot pasdite në Lushnje dhe Vlorë.

Shpetim Bajaziti nga fshati Ardenice e Lushnjes humbi jetën mesditën e kësaj të enjteje teksa udhëtonte me motoçikletë.

Sipas policisë 52 vjecari ka rëshqitur duke u përplasur në tokë. Në momentin e aksidentit Shpetim Bajaziti nuk mbante në kokë kaskën mbrojtëse. Për shkak të plagëve të shumta në kokë. 52 vjecari ndërroi jetë rrugës për në spital.

Ndërkohë policia e Lushnjes bën me dije se shkak i aksidentit ka qenë shpejtësia me të cilën udhëtonte viktima.

Aksidenti ndodhi përgjatë rrugës së vjetër të Kolonjës, çka solli edhe bllokimin e saj për disa minuta.

Ndërkohë në orët e pasdites një tjetër aksident me dy të plagosur u regjistrua sërish në Lushnje. Të plagosur mbetën një çift bashkëshortësh të cilët udhëtonin me nje motorr të improvizuar per grumbullimin e hekurave dhe kanaceve. Mesohet se motorri ka ka dalë jashtë rrugë, çka ka sjellë plagosjen e dy bashkëshorëteve.

Ndërsa në Babicë të Vlorës një automjet tip fuoristrade doli nga rruga. Për pasojë është dëmtuar një person i moshuar, i cili ishte pasagjer në makinë. Për shkak të plagëve të marra ai u dërgua në spitalin e Vlorës dhe ndodhet nën kujdesin e mjekëve./abcnews.al

fer.jpg
in a08:15 | 29/12/2019

Një aksident me pasojë vdekjen ka ndodhur këtë mëngjes në rrugën e Kombit.

Gazetari Gjergj Figuri raporton për abcnews.al se një autobus është përplasur me një autoveturë, duke mbetur për pasojë i vdekur drejtuesi i automjetit, 28 vjeçari nga Rubiku, Led Caka.

Policia njofton se 8 persona janë plagosur, ndërkohë grupi hetimor në vendngjarje po punon për sqarimin e rrethanave të ngjarjes.

Dyshohet se drejtuesi i autoveturës e cila lëvizte me shpejtesi tej normave të lejuara kreu një parakalim të gabuar dhe ndërsa ka tentuar të futet në korsinë e tij është përplasur me autobuzin. Ky i fundit e ka goditur “ALFA ROMEON” në pjesen e parme ku qëndronte edhe drejtuesi i mjetit dhe për shkak të inercisë së lëvizjes së autoveturës është bërë ndarja në dysh e mjetit ndërsa drejtuesi i saj humbi jetën në mënyrë të menjëhershme.

Mirditë /Informacion paraprak

Në qytet Rubik, Mirditë, janë përplasur automjeti i një agjensie turistike me drejtues K.M.,me  automjetin tip  “Alfa Romeo” me drejtues shtetasin L.C.

Si pasojë e përplasjes ka ndërruar jetë drejtuesi i mjetit “Alfa Romeo” shtetasi L.C si dhe kanë marrë demtime 8 shtetas që ndodheshin pasagjerë në mjetin me drejtues shtetasin K.M.,të cilët janë dërguar në spitalin e Mirditës dhe Kurbinit dhe ndodhen nën kujdesin mjekësor.

Grupi hetimor në vendngjarje punon për sqarimin e rrethanave të ngjarjes./abcnews.al

spitali-trauma-plagosur.jpg
nev ila17:43 | 28/11/2019

Katër pacientë janë në gjendje të rëndë në Spitalin e Traumës në kryeqytet, si pasojë e tërmetit. Drejtori Arben Zeneli sqaron situatën.

Nuk është më paniku dhe vrulli i fillimit.

Të dëmtuarit nga tërmeti i rëndë kanë kohë që kanë mbërritur në Spitalin e Traumës në kryeqytet, ndërsa problem kryesor është shëndeti, sidomos i atyre që janë më keq.

Drejtori i Spitalit, Arben Zeneli, tregon për rastin më të rëndë, që besohet se i përket një vajze të dëmtuar në Kombinat të Tiranës, Xhesika Biqikut.

Zeneli bën një përmbledhje të gjithë këtyre ditëve në lidhje me tërmetin.

Ndërkaq, në Spital mbërritën tek-tuk edhe persona të dëmtuar nga tërmeti prej 5.1 të shkallës Rihter që ra paraditen e kësaj të enjteje.

Janë kryesisht qytetarë me thyerje të kockave si pasojë e humbjes së ekuilibrit pas lëkundjeve, ose të dëmtuar për shkak të panikut./abcnews.al

1_Hermanni-shopping-centre.jpg
ent ela13:37 | 01/10/2019

Të paktën një i vdekur dhe 10 të plagosur është bilanci i një sulmi në një shkollë profesionale në lindje të Finlandës. Mediat në vend raportojnë se autori i sulmit është ndaluar nga policia.

Ai është gjithashtu një student i shkollës dhe ka mbetur i plagosur. Ndryshe nga ajo që u tha në fillim, autori i sulmit nuk ka përdorur një pistoletë por një shpatë të cilën e nxori nga çanta e tij dhe nisi të qëllonte studentët e tjerë.

Agjentët e policisë përdorën armët për ta ndaluar, ndërsa nuk dihen ende arsyet e sulmit. /ABC news Albania 24/7

aksidenti-korce-2-1280x727.jpg
ent ela10:10 | 16/09/2019

Policia e Korçës ka arrestuar drejtuesin e mjetit Daniel Hyka i cili dhe dyshohet se shkaktoi aksidentin me një viktimë dhe katër të plagosur në Leshnicë të Korçes. Hyka sipas ekspertëve ka bërë një parakalim të gabuar dhe për pasojë u përplas me mjetin tip Golf, në të cilin ndodhej familja me 5 anëtarët nga Kamza. Në këtë ngjarje humbi jetën drejtuesi i mjetit tip Golf, u plagosën 3 pasagjerët dy gra dhe një vajzë e mitur, si dhe drejtuesi i mjetit benz.

Përplasja ka qenë e fortë dhe është dashur ndërhyrja e zjarrfikësve për të nxjerrë të plagosurit nga mjetet.

Të gjithë janë transportuar në gjendje të rëndë në spital.

Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit. /ABC News Albania 24/7

5d46832ddda4c8d1728b45bd.jpg
ad min08:30 | 04/08/2019

Pak orë nga masakra e Teksasit një tjetër ngjarje e rëndë ka tronditur Shtetet e Bashkuara. Në rrethana të ngjashme, një person ka hapur zjarr në një zonë argëtimi në Dejton të Ohajos, duke lënë të vrarë 9 persona dhe të plagosur shumë të tjerë.

Të paktën 9 persona mbetën të vrarë dhe 16 të tjerë të plagosur në një tjetër sulm me armë të ndodhur në Shtetet e Bashkuara, këtë herë në Dejton të Ohajos. Ngjarja ndodhi në 1 me orën lokale, 7 të mëngjesit me orën tonë, jashtë një kompleksi baresh dhe lokalesh në zonën e Oregonit, ku po mbahej edhe një koncert i vogël.

Policia konfirmoi se ekzekutoi autorin e sulmit, që ndodhi vetëm disa orë pas atij në El Paso të Teksasit. Shefi i policisë së Dejtonit deklaroi se pranë vendit të ngjarjes ishin ndodhur disa patrulla të policisë, të cilat ndërhynë dhe parandaluan përshkallëzimin e sulmit.

“Agjentët tanë janë të mirëpërgatitur për situata të tilla dhe njerëzit ishin me fat që ata u gjendën aty”, deklaroi zyrtari i lartë. Për momentin për autorin nuk ka shumë të dhëna, por autoritetet deklaruan se po punojnë për të zbardhur motivet e veprimit të tij.

Në hetime po ndihmojnë edhe agjentë të FBI-së, të cilët kanë bërë thirrje që dëshmitarë nga vendi i ngjarjes të paraqiten në institucione. Pamje të postuara në rrjetet sociale tregojnë njerëzit që largohen me vrap, teksa dëgjohen edhe breshëri të shtënash. Kryetarja e Bashkisë së Dejtonit, Nen Uejlli deklaroi se ndihej zemërthyer nga ngjarja dhe falënderoi agjentët e policisë që ndërhynë për vënien nën kontroll të situatës.

Masakra e Dejtonit, përveç se ndodhi disa orë pas asaj të Teksasit, ku mbetën të vrarë 20 persona, ndodh gjithashtu më pak se një javë nga vrasja e tre personave në festivalin e ushqimit në Kaliforni, ku 15 persona të tjerë mbetën të plagosur. /ABC News Albania 24/7

FEZOTQILG5FYTKI32SPG3LMJOQ.jpg
ent ela11:32 | 28/07/2019

Të paktën një person ka mbetur i vrarë dhe 11 të tjerë janë plagosur si pasojë e të shtënave me armë zjarri gjatë një eventi publik në një park në Bruklin. Sipas të dhënave të para të policisë një 38-vjeçar mbeti i vrarë pasi u qëllua me plumb në kokë, por ende nuk ka detaje për atë që ka ndodhur apo autorin e ngjarjes. /ABC News Albania 24/7

aksidentii.jpg
ad min21:25 | 10/07/2019

Nëntë persona kanë mbetur të plagosur në një aksident rrugor në fshatin Vërdovë. Të rinjtë e moshës 30-35 vjeç udhëtonin me një mjet fuoristradë, e cila doli nga rruga në aksin Korçë-Pogradec.

Për pasojë dy vëllezër që ndodhen në gjendje të kritike për jetën u transportuan në Tiranë kurse shtatë të tjerë po marrin ndihmën mjekësore në spitalin e Pogradecit. Këta të fundit nuk paraqesin rrezik për jetën.

Ata po udhëtonin nga Kalivaçi në drejtim të Pogradecit. Dyshohet se shkak për aksidentin të jetë bërë moti i keq./ABC News Albania 24/7

shengjin-1280x724.jpg
ad min15:45 | 07/07/2019

Dy automjete janë përplasur në rrugën e Shëngjinit rreth orës 15:00 të ditës së sotme duke shkaktuar plagosjen e të paktën 4 personave.

Në tentativë për të bërë një parakalim të gabuar në hyrje të një kthese, automjeti tip Mercedez që po shkonte në drejtim të Shëngjinit është përplasur me një tjetër automjet me targa të Kosovës që vinte përballe tij.

Për pasojë, dy drejtuesit e automjeteve dhe pasagjerët e tyre kanë marrë plagë nga përplasja e fortë dhe janë dërguar menjëherë në Spitalin Rajonal të Lezhës ku bëhet e ditur se i janë nënshtuar ndërhyrjeve të nevojshme mjekësore.

Në vendngjarje mbërritën forcat e policisë, si dhe ata të qarkullimit rrugor, të cilët ndërhynë për të normalizuar trafikun./ABC News Albania 24/7

berisha.jpg
nev ila10:12 | 03/06/2019

Përmes një statusi në rrjetet sociale, ish-kryeministri Berisha ka publikuar fotot e 2 të plagosurve gjatë protestës. Sipas Berishës ata janë qëlluar me qytën e revolverëve nga policë civilë, duke shkaktuar plagë të rënda në kokë e nofull. Më tej Berisha bën thirrje dhe paralajmëron kryeministrin Edi Rama dhe Ministrin e Brendshëm, se për këtë ngjarje do të mbajnë përgjegjësi personale.

  

Dhunë kriminale e narkogangsterëve të Edvin Krimit dhe Vasal Kimikut!

Kriminelë të narkopolicisë civile kanë goditur me qytë revolveri dhe shkaktuar plage të rënda në kokë, në hundë, në nofull dhe trup protestuesve paqësor Ymer Çela dhe djalit të tij Erjon Çela.

Duke dënuar me ashpërsinë më të madhe këto akte brutale të gangsterëve të narkoshtetit, i them Edvin Krimit dhe Vasal Kimikut do të mbani personalisht përgjegjësi për këto krime të shëmtuara”. sb

Gjatë protestës së djeshme u shënuan akte dhune duke lënë një bilanc prej 13 të plagosurish nga anët e policisë dhe protestuesve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono