te dhenat

46320896_303.jpg
ent ela22:25 | 29/07/2019

Faqet e internetit që kanë të integruara butonin “pëlqej” të Facebook-ut nuk duhet të mbledhin automatikisht të dhëna nga vizitorët e tyre. Këtë e vendosi Gjykata Evropiane e Drejtësisë. Përdoruesit duhet të bien dakord.

Gjykata Evropiane e Drejtësisë i ka bërë operatorët e faqeve të internetit, që kanë të integruara një buton të integruar “pëlqej”, përgjegjës për mbledhjen e të dhënave. Gjykatësit vendosën që operatorët t’i informojnë përdoruesit e faqeve të tyre për mbledhjen e të dhënave, për shembull për synimin e mbledhjes.

Megjithatë, vendimi prek vetëm mbledhjen dhe transmetimin e të dhënave. Për përpunimin pasues të të dhënave nga Facebook-u, operatori nuk mund të bëhet përgjegjës.

Kur ngarkohet faqja, butoni transmeton adresën IP, identifikuesin e shfletuesit të internetit dhe datën dhe orën e shfrytëzimit të faqes – edhe nëse kur nuk e klikon fare butonin “pëlqej” nuk është klikuar dhe përdoruesi nuk ka llogari në Facebook. Në rastin konkret, qendra e konsumatorëve të Landit Renani Veriore-Vestfali kishte ngritur padi kundër ofertës në internet të një shitësi mallrash të modës në Dusseldorf.

Transmetimi i të dhënave pa pëlqimin e përdoruesit dhe informatat korresponduese është i paligjshëm, parashtruan mbrojtësit e konsumatorit. Në faqen e internetit në fjalë tani është integruar një kuti shtesë, në të cilën përdoruesit mund të aktivizojnë shprehimisht mediat sociale.

Nga ky vendim, krahas butonit “pëlqej” mendohet se preken edhe funksione të tjera të ngjashme, për shembull, të ofruesve të reklamave. Përdoruesit e internetit me këtë vendim mund t’i presë një klikim tjetër për të dhënë miratim. /DW

kqz-1-1280x724.jpg
ad min13:27 | 01/07/2019

Për parregullsitë e konstatuara mes numrit të zgjedhësve dhe atyre të votuesve ka reaguar kryetari i Komisionit Qendror te Zgjedhjeve Klement Zguri. Sipas Zgurit rezultatet nuk janë përfundimtare dhe ato janë marrë përmes telefonit. Kryetari I KQZ kërkoi hetim administrativ për rastet dhe nxjerrën e të vërtetës në pah.

“Gjatë ditës së sotme është krijuar një lloj kakofonie në raport me shifrat e pjesëmarrjes në zgjedhje. Ka shumë raportime në media që bëhet fjalë për shifra kontradiktore dhe jologjike. Për opinion publik dhe për median duhet të shpjegojmë disa të vërteta procedurale pa shtuar kakofoninë e shifrave por me qëllimin që njerëzit t’i kuptojnë me mirë ato.

Të dhënat për pjesëmarrje në zgjedhje që janë transmetuar nga KQZ ditën e dielë janë të dhëna jo zyrtare dhe produkt i komunikimit me telefon nga administrata zgjedhore të marra nga komisionerët e qendrave të votimit dhe të KZAZ-ve çka sjell pasiguri për shifrat e raportuara. Në zgjedhjet e kaluara raportimi është bërë nga qendrat e votimit në sistemin elektronik dhe të dhënat nuk janë transmetuar me telefon sikur ndodhi këtë vit. Kjo gjë rrit pasigurinë lidhur me shifrat e transmetuara përmes raportimeve telefonike të komisionerëve të të gjitha niveleve me KQZ.

Të dhënat zyrtare janë të dhëna që fiksohen në tabelat përmbledhëse të çdo KZAZ. Tabelat përmbledhëse duhet të mbajnë numrin e saktë të pjesëmarrëseve në votim. Sipas listave të zgjedhjeve dhe numrin e saktë të listave të përdorura të fletëve të vlefshme dhe të pavlefshme si dhe numrin e votave për çdo kandidat apo parti politike. Si rregull këto shifra duhet të korrespondojnë. 

Në rast se të dhënat në shifrat e tabelave përmbledhëse janë kontradiktore atëherë kjo mund të jetë tregues paaftësie në dokumentim ose tregues parregullsie. Se çfarë ka ndodhur në rastin konkret kjo do të zbulohet vetëm nga një proces hetimi administrativ. Ligjërisht KQZ ka dy mundësi për verifikim, mundësia e parë është gjatë plotësimit të tabelave të rezultatit përfundimtar. Gjatë këtij plotësimi KQZ zbulon dhe korrigjon gabimet. Rruga e dytë ajo e shqyrtimi i ankimimeve zgjedhore kundër rezultatit. Për këtë, duhet që subjektet zgjedhore të depozitojnë ankime.

Domosdoshmërish kërkohet bashkëpunimi i subjekteve zgjedhore, që vënë në lëvizje KQZ. Ka rëndësi vënia në lëvizje e procedurës, nëse duam të kuptojmë të vërtetën e këtyre shifrave. Saktësia e tyre është vendimtare për cilësinë e procesit të 30 qershorit, ndaj KQZ duhet t’i trajtojë me seriozitet. Ftoj publikisht kolegët e mi në KQZ që ti ndjekin nga afër raportimet mediatike dhe të bëjnë gjithçka kanë në dorë që të sjellë qartësi të plotë për këtë problematikë”. tha Zguri./abcnews.al

MAIN-Whatsapp-810x445.jpg
ent ela18:16 | 17/08/2018

WhatsApp, i përdorur nga më shumë se 1.5 bilionë njerëz në muaj, ka për t’u marrë me shumë të dhëna, si bisedat, fotografitë, videot apo regjistrimet audio. Ndaj dhe bashkëpunon me Google për të ofruar mundësinë e kopjimit të të dhënave si “rezervë”.

Ky është një lajm i mirë, por edhe i keq.

Lajmi i mirë është se Google ka rënë dakord që të lejojë përdoruesit e Whatsapp të ruajnë të dhënat e tyre pa ndërhyrë në memorjen prej 15GB, që iu është ofruar.

Por lajmi i keq është që kjo valë e re ruajtjeje mund të fshijë të dhënat e vjetra. Ndaj nëse nuk kopjoni llogarinë tuaj deri më 12 Nëntor, mund të humbni të gjitha të dhënat tuaja.

Marrëveshja e re mes WhatsApp dhe Google bën që të gjitha bisedat, fotografitë, videot dhe regjistrimet audio mund të ruhen në Google, por pa iu kushtuar hapësirë memorjeje në Google Drive.

Nëse nuk keni ruajtur të dhënat tuaja prej më shumë se një vit, gjithçka më e vjetër do t’ju humbasë më datë 12 Nëntor.

Google rekomandon përdoruesit që të kopjojnë të dhënat e tyre të Whatsapp-it në mënyrë manuale.

Si të ruani të dhënat tuaja të WhatsApp-it:

Fillimisht, sigurohuni që keni konfiguruar Google Drive në telefonin tuaj.

Nga WhatsAppi shkoni te Menu, Settings, Chats dhe pastaj Chat backup. Zgjidhni Back Up dhe ju automatikisht do të shihni që çdo gjë po ruhet në Google Drive.

Vini re që disa nga llogaritë e WhatsApp-it mund të bëjnë ruajtjen e të dhënave vetëm me Wi-Fi, ndaj sigurohuni që jeni të lidhur me të para se të nisni./tvklan.al

NIKOLLA-PER-TE-DHENAT-NE-SHKOLLA-1280x720.jpg
ent ela13:57 | 20/05/2018

Ministrja e Arsimit Lindita ka reaguar për herë të parë ndaj akuzave të bëra nga opozita për çështjen e të dhënave të prindërve që u kërkuan në shkolla. Sipas saj, kjo ishte një kërkesë e ardhur nga vetë mësuesit, ndërsa sqarimet mbi këtë çështje do t’i japë para Parlamentit dhe Prokurorisë.

Të dhënat e prindërve të nxënësve në shkolla u kërkuan nga mësuesit me qëllim vendosjen e një komunikim të ri me anë të teknologjisë.

Ky do të ishte shpjegimi i ministres së Arsimit Lindita Nikolla kundrejt akuzave të bëra nga opozita për këtë çështje.

Në reagimin e saj të parë mbi këtë debat, Nikolla sqaroi gjatë një takimi me banorë të Vllahinës dhe Noveselës në Vlorë, se kjo nismë ka si qëllim informimin e asaj çfarë ndodh në shkollë dhe në politikat arsimore që ndërmerr ministria.

 “Çfarë po kërkojmë? Ti ID, atë numrin  e kartës  së identitetit e jep në çdo shërbim që shkon. Shteti nuk e ka të vështirë, sepse kemi agjencinë edhe se ka fare të vështirë për ta bërë këtë.

Ishte, dhe po jua them dhe do ta kërkojmë dhe po vijojmë për të ndërtuar një sistem të ri komunikimi me ju.

Unë dua ta përdor teknologjinë. Kjo teknologjia, email-et e kompjuterat nuk janë kot. Janë një instrument dhe një mundësi që ne në kohë reale të marrim përgjigje nga prindërit”.

Demokratët kanë depozituar në Prokurori kallëzim për kreun e dikasterit të Arsimit, hap të cilin Nikolla e cilësoi të turpshëm, pasi sipas saj ka një ligj për mbrojtjen e të dhënave.

 “Se e bëni këtë sikur ç’është kjo ID personale! Arsyeja që ne e kërkojmë përmes shkollës është besim, Pse? Sepse mund të ketë 20, 200 Lindita Nikolla, në gjithë Shqipërinë, por ne duam atë Linditën që është realisht prindi te shkolla në Bashkinë Selenicë”.

 

Ndërsa informoi se do të shpjegohet edhe në Parlament dhe Prokurori për këtë çështje, Nikolla kërkoi nga qytetarët të mos gënjehen nga deklaratat për përdorimin dhe falsifikimin e të dhënave për zgjedhjet e ardhshme.

PD-DHE-MSH-PER-TE-DHENAT-PERSONALE-1280x720.jpg
ent ela16:40 | 05/05/2018

Partia Demokratike ë kërkon Prokurorisë të nisë hetimet për marrjen e të dhënave personale të qytetarëve nga institucionet shtetërore. Deputeti i selisë blu Bardh Spahia deklaroi se edhe Ministria e Shëndetësisë u kërkon pacientëve nëpër spitale të dhënat e tyre. Pas deklaratave nga Partia Demokratike ka reaguar Ministria e Shëndetësisë dhe Mbrojtjes Sociale.  Ajo e quan spekulim denoncimin e deputetit Bardh Spahia.

Pas Ministrisë së Arsimit Partia Demokratike denoncon se të dhënat personale qytetarëve po iua kërkon edhe Ministria e Shëndetësisë.

Sipas deputetit Bardh Spahia përmes një maili ajo ka urdhëruar mjekët të mbledhin të dhënat e pacientëve në qendrat shëndetësore.

Një lëvizje e tillë thote Spahia vjen për manipulimin e zgjedhjeve të ardhshme.

“Skandali këtë herë është i provuar së shkon deri në zyrën e Edi Ramës, pasi në emailin e shpërndarë nga Ministria e Shëndetësisë thuhet se “plotësimi i bazës së të dhënave me informacionet private të pacientëve bëhet sipas kërkesës së ardhur nga Zyra e Kryeministrit”.

Njësoj si në rastin e Ministrisë se Arsimit, edhe këtu kërkohet që operacioni të kryhet me urgjencë dhe Ministria e Shëndetësisë t’i disponojë të dhënat brenda këtij muaji.

Pika 4 e urdhrit të Edi Ramës është me skandalozja e te gjithave! Njeriu që bërtet se po bën shtet, ka kërkuar marrjen e informacioneve private nga rregjistrat e pacientëve që janë vizituar në spitale nga Janari deri në Prill, pa dijeninë e tyre, pa pëlqimin e tyre, kundër interesit të pacientëve!”

Opozita thotë se me këtë urdhër qeveria po shkel Kushtetuten dhe kërkon ndërhyrjen e Komisionerit për mbrojtjen e të dhënave personale dhe të Prokurorisë.

“PD i kërkon Komisionerit për Mbrojtjen e të dhënave personale që të ndërhyjë menjëherë për të nxjerrë para drejtesisë shkelësit e ligjit.

 PD i kërkon Prokurorisë të mos bëhet palë me heshtjen e saj, por të nisë sa më parë hetimin e skandalit të marrjes së pakigjshme të të dhënave personale të pacientëve dhe prindërve të nxënësve, skandal që buron nga zyra e Edi Ramës me qëllimin e vetëm: manipulimin e zgjedhjeve dhe mbajtjen e pushtetit të inkriminuar e të korruptuar me çdo formë të paligjshme dhe antikushtetuese!

 PD u bën thirrje mjekëve dhe stafeve të qendrave shëndetësore të mos i përgjigjen urdhrit të paligjshëm të Kryeministrit dhe Ministres së Shëndetëisë!”

Pas deklaratave te Partisë Demokratike ka reaguar Ministria e Shendetësisë dhe Mbrojtjes Sociale.  Ajo e quan spekulim denoncimin e deputetit Bardh Spahia, ndërkohë që thotë se të dhënat e qytetarëve do të përdoren për plotësimin e databazës ekzistuese të të dhënave shëndetësore për pacientët.  Karta e identiteti deklaron Minstria e Shëndetësisë dhe Mbrojtjes Sociale me reformën e deregulimit që ka ndërmarrë qeveria ka zëvendësuar kartën e shëndetit. Sipas saj përmes numrit identifikohet qytetari për kategorinë shëndetësore që i përket dhe shërbimet që përfiton në të gjithë sistemin tonë shëndetësor. /abcnews.al

NDALEN-SHKARKIMET-1280x720.jpg
ent ela10:12 | 13/03/2018

Gjatë 24 orëve të kaluara mbi vendin tonë ka mbizotëruar mot me vranësira të ndrueshme dhe të dendura. Të pranishme reshje shiu në pjesën më të madhe të vendit.

Reshjet e shiut kanë qenë të herëpashershme me intensitet deri të lartë, lokalisht shtrëngata dhe stuhi.
Gjatë natës sasia më e madhe e reshjeve të shiut të rëna është: Lezhë 20.0 mm shi, Shkodër 12.0 mm shi dhe Tiranë 12.0 mm shi, ndërsa në pjesën tjetër e vendit kanë rënë më pak se 7.0 mm shi.

Fierza : Kuota 295.49 m; Q=700 m3/sek; P=460 MW; 4AG në punë; Shkarkim nga porta 0 m3/s.

Kimani: Kuota 172.78 m; Q=870/420 m3/sek; P=580 MW; 4AG në punë; Shkarkim nga porta 400 m3/s.

V.Dejës: Kuota 74.80; Q=1360/280 m3/sek; P=239 MW; 5 Ag në punë; Shkarkim nga porta 800 m3/s.

Qarku Shkodër. Si pasojë e reshjeve të rëna janë ndodhur nën ujë një sipërfaqe e konsiderueshme e tokës bujqësore dhe janë izoluar nga uji shumë banesa ku më i prekuri ka qenë fshati Obot, si dhe janë marrë masat për sigurimin e ushqimit për bagëtitë të këtyre zonave.

Janë siguruar dhe shpërndarë ndihmat si më poshtë:

Në Njësinë Administrative Ana e Malit janë shpërndarë 7 tonë koncentrat si dhe 11 ton bar i thatë.

Në Njësinë Administrative Dajç janë shpërndarë janë shpërndarë 11 ton koncentrat për bagëti.

Ndodhen të magazinuara 2 ton koncentrat për bagëti i cili do të shpërndahet sipas një grafiku të caktuar.

Kjo sasi ushqimore për bagëti është siguruar nëpërmjet ndërmjetësimit të Institucionit të Prefektit të Qarkut Shkodër me Ministrinë e Mbrojtjes (DPEC) Ministrinë e Bujqësisë dhe Donacioni i Dhomës së Tregtisë dhe AIBA.

Gjithashtu janë siguruar ndihma ushqimore për familjet e izoluara nga uji si më poshtë:
Nga Drejtoria e Përgjithshme e Rezervave Materiale të Shtetit janë dërguar në Njësinë Administrative Ana e Malit 450 pako ushqimore dhe 180 pako me detergjent.

Ditën e djeshme më datë 12.03.2018 me fillimin e reshjeve situata është vështirësuar dhe niveli në Lumin Bunë në zonën e Dajçit ka arritur rreth 22 cm, duke e vështirësuar përsëri gjendjen në zonat e përmbytura.

Aktualisht FA është e pranishme ne zonat e prekura nga uji me efektivet dhe mjetet e batalionit të këmbësorisë së Shkodrës.

OSHEE-720x470.jpg
ent ela13:34 | 01/02/2018

Konsumatorët që nuk kanë përditësuar të dhënat e tyre pranë Operatorit të Shpërndarjes së Energjisë Elektrike kanë kohë ta bëjne deri në muajin mars.

 

Përmes një njoftimi për shtyp, OSHEE njofton zgjatjen e afatit, pasi thotë se rezervimi i të drejtës për të ndërprerë energjinë elektrike në rast mospërditësimi deri më 31 janar ka shtuar fluksin e abonentëve në pikat e autorizuara.

Sipas Operatorit të Shpërndarjes së Energjisë Elektrike pavarësisht se përgjatë gjithë vitit të shkuar ky proces ka vijuar në terren ende ka abonente që nuk i kanë saktësuar të dhënat.

 

Kryesisht janë konsumatore me shtëpi të dytë, emigrantë, por edhe familjarë që nuk janë gjetur gjatë procesit të intervistimit./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono