të dënuarit

alabama1-1280x648.jpg
ent ela11:33 | 11/06/2019

Guvernatorja e Alabamës, ne SHBA Kej Ajvi firmosi ligjin i cili detyron të dënuarit pët krime seksuale ndaj të miturve, të nisin kastrimin kimik një muaj para lirimit të tyre nga burgu, me shpenzimet e tyre.

Vendimi parashikon që të interesuarit të vazhdojnë trajtimin deri sa një gjykatë të vendosë se nuk është më e nevojshme.

Guvernatorja u shpreh se ky ligj është një hap para për mbrojtjen e fëmijëve në shtetin e Alabamës. /ABC News Albania 24/7

KRONIKE-BURGJET-KORRIK-18.mpg_snapshot_01.14-1280x720.jpg
G. P.15:24 | 05/09/2018

Nisja e zbatimit të Reformës në Drejtësi nuk është reflektuar në politikat penale. Shifrat zyrtare flasin për të njëjtin numër të burgosurish dhe paraburgosurish gjatë korrikut 2018 me atë të një vitit me parë. Veprat penale me e shpeshtë që ka çuar persona pas hekurave mbeten ato në lidhje me narkotikë.

“Prokuroria duhet të mendohet dy herë kur kërkon një masë sigurie “arrest në burg”, ishte sugjerimi i vëzhguesit Teo Jacobs ndërkombëtar në seancën dëgjimore për kryeprokuroren Arta Marku, pasi konstatoi me shqetësim numrin e lartë të burgosurve në Shqipëri në krahasim me vendet e rajonit. Por me gjithë këtë evidentim, apo raportin e Organizatës Botërore të Burgjeve pranverën e vitit 2018, që listoi Shqipërinë si vendin me numër më të lartë të të izoluarve në qeli në Ballkan, shifrat mbeten të pandryshueshme.

Sipas të dhënave zyrtare nga Drejtoria e Përgjithshme e Burgjeve, gjatë muajit korrik 2018 në burgjet dhe paraburgimet e vendit numëroheshin 5294 persona në total, nga të cilët 100 janë femra. Me gjithë ndryshimet dinamike të totalit për shkak të lirimeve, apo arrestimeve, në krahasim me korrikun e vitit të kaluar këtë verë, në burg kanq qenë 41 persona më shumë. Referuar statistikave zyrtare, numri më i madh i të dënuarve i përket grupmoshës 25-30 vjeç, ndërsa vepra penale për të cilën vuajnë dënim më shumë persona, plot 978 persona është përfshirja në çështjet e drogës.

Institucioni ku vuajnë dënimin më shumë persona në rang vendi gjatë korrikut është burgi i Fierit me 715 të dënuar. Çështjet e narkotikëve janë “mëkati” më i ndeshur edhe tek personat e paraburgosur. Në gjuhën e shifrave, 738 vetë vuajnë masën “arrest në burg” për këto vepra penale. Në rang zbritës, këto vepra ndiqen nga “vjedhjet” dhe më tej nga të akuzuarit për “vrasje”, plot 185 të tilla. Pesha e shifrave duket se rëndohet nëse llogaritet edhe kostoja financiare në buxhetin e shtetit për çdo të burgosur apo paraburgosur. Duke llogaritur të gjitha shpenzimet e kërkuara, përfshi ushqimin, transportin, pagesat e punonjësve të policisë apo shërbimet të tjera kostoja ditore e një personi të izoluar shkon nga 2 mijë lekë në ditë për meshkujt dhe nga 5 deri në 5.7 mijë lekë në ditë për femrat.

Korrik 2018

Të dënuar 3162
Të paraburgosur 2132/abcnews.al

vlcsnap-error829-2-1280x720.jpg
us er17:16 | 29/11/2017

Më shumë se 5 mijë të dënuar i kanë shpëtuar burgut gjatë dy viteve të fundit, falë vendimeve gjyqësore për dënime penale alternative. ABC News disponon shifrat zyrtare të personave kanë vuajtur dënime alternative nën mbikqyrjen e Shërbimit të Provës gjatë tre muajve të fundit.

Më shumë se 5 mijë persona të deklaruar të fajshëm nga gjykata për vepra jo të rënda penale i kanë shpëtuar qelive të burgut gjatë dy viteve të fundit. Ata i janë nënshtruar dënimeve penale alternative, shlyerja e të cilëve mbikqyret nga zyrat e Shërbimit të Provës. Referuar të dhënave zyrtare numri i dënimeve alternative ka një tendencë rritjeje nga muaji në muaj. Referuar raportit të fundit të Drejtorisë së Përgjithshme të Shërbimit të Provës rezulton se gjatë muajit tetor 2017 në Shërbim Prove në gjithë vendin kanë qenë plot 6245 persona. Kjo shifër është paraprirë nga një total prej 5827 persona në muajin gusht dhe 6011 në mujin shtator.

Për sa i përjet llojit të dënimeve më i hasuri është ai i pezullimit të ekzekutumit të dënimit me burg. Në shkallë zbritëse, i dyti në radhë është “punë në interes të publikut” dhe më pas “lirimi me kusht” dhe “qëndrimi në shtëpi”.

Referuar ndarjes gjeografike të ngarkesës rezulton se peshën më të madhe nga 22 zyrat vendore të Shënimit të Provës e ka ajo e Tiranës. Ajo ndiqet nga Durrësi e më tej nga Shkodra. Ndërsa më pak ngarkesë ka ajo e Përmetit me 26 vetë nën mbikqyrje. Autoritetet e Shërbimit të Provës nënvizojnë si prolematika të punës adresat e pasakta nga gjykatat dhe prokuroritë. Sipas tyre, kjo sjell vështirësi deri në pamundësi të njoftimit të të dënuarit për t’u paraqitur pranë zyrave vendore të Shërbimit të Provës./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono