Taulant Balla

TAULANT-BALLA-1280x731.jpg
G. P.13:27 | 30/04/2019

Partia Socialiste ka firmosur marrëveshjen me 23 parti aleate për të shkuar në zgjedhjet e 30 Qershorit së bashku nën një sigël të vetme, “Aleanca për Shqipërinë Evropiane”. Sa i përket propozimit të opozitës së bashkuar për t’u ulur në një tryezë, kryetari i grupit parlamentar socialist ka përsëritur se nuk do të pranojnë dialog me kushte.

Janë rikthyer pas në kohë socialistët për të garuar se bashku me aleatët nën të njëjtën sigël Aleanca për Shqipërinë Evropiane. 23 partitë dolën nga selia e Partisë Socialistë këtë të martë me një marrëveshje në duar.

Tashmë që aleatët dihen, socialistëve u ka mbetur të mësojnë se kë do të kenë kundërshtarë në zgjedhjet e 30 Qershorit për të cilat këmbëngulin se do të zhvillohen.

Në listat e partive të regjistruara në Komisioni Qendror të Zgjedhjeve opozitarët që do ti vihen përballë Partisë Socialiste janë Bindja Demokratike e Astrit Patozit, Partia Zgjidhja e Koço Kokëdhimës, Bashkimi Liberal Demokrat e drejtuar nga Arian Starova, Partia për Liri, Demokraci dhe Etikë e Arian Galdinit, Bashkimi Demokrat Shqiptar me kryetar Ylber Valteri, Partia Ora e Shqipërisë e drejtuar nga Zef Shtjefni, si dhe Partia Kombëtare Konservatore e drejtuar nga Kujtim Gjuzi. Asnjë prej këtyre emrave duket se nuk është fiksuar në memorien e socialistëve.

Ndërkohë fushata e partisë më të madhe në vend është përqendruar në mesazhet për forcat politike që nuk janë regjistruar në Komisionin Qendror të Zgjedhjeve.

Nuk flet me të njëjtën siguri Taulant Balla për propozimin e aleatëve të Partisë Demokratike për tu ulur në një tryezë të thirrur nga presidenti I republikës.

Socialistët kanë hedhur hapin e radhës drejt zgjedhjeve të 30 Qershorit me firmosjen e koalicionit të ri me 23 partitë i cili do të regjistrohet në dy Maj në Komisionin Qendror të Zgjedhjeve./ABC News Albania 24/7

balla-pergjigje-GQD.jpg
nev ila14:22 | 29/04/2019

“Nuk e caktojnë partitë politike datën e zgjedhjeve por kushtetuta.” Kështu i përgjigjet kryetari i grupit parlamentar socialist Taulant Balla propozimit të aleatëve të Partisë Demokratike për shtyrje të zgjedhjeve, sipas të cilit askush nuk mund t’i vërë kushte Partisë Socialiste.

Nuk do të ketë ndryshim të datës së zgjedhjeve. Është kjo përgjigja që i jep propozimeve të aleatëve të Partisë Demokratike Kryetari i grupit parlamentar socialist.

“Duhet të jetë shumë e qartë për këdo që data e zgjedhjeve nuk caktohet nga partitë politike por caktohet nga Kushtetuta, nga Kodi Zgjedhor dhe datat e zgjedhjeve në 30 qershor është një datë e fiksuar tashmë dhe në asnjë rast ajo nuk mund të ndryshojë”, tha Balla.

Nga një takim me strukturat e Partisë Socialiste në Pogradec, Taulant Balla nuk pranon asnjë kusht në emër të Partisë Socialiste.

“Dua t’u them shumë qartë që kushte PS nuk mund ti vendosë askush sepse nuk mund ti vendosë kushte Shqiptarëve.
Kushte që pengojnë implementimin e reformës në drejtësi, kushte të cilat tentojnë të ndërpresin mandatin legjitim, kuvendin apo të qeverisë nuk merren në konsideratë”, theksoi ai.

Gatishmërinë për të dialoguar socialistët e kanë për reformën zgjedhore duke u shprehur të hapur edhe ndaj ndryshimeve.

“Më në fund në kuvendin e Shqipërisë, përmes një procesi dialogu rikthyem në mbarëvajtje komisionin e reformës zgjedhore, që ështe një instrument i rëndësishëm për të dialoguar lidhur me të gjitha domosdoshmëritë dhe nevojat që ka adresimi i paketës së ndryshimeve të kodit zgjedhor, për adresimin e rekomandimeve të OSBE, që lidhen me infrastrukturën e procesit zgjedhor. Kemi hapur mundësitë e hulmutimit për të studiuar ndryshime të sistemit zgjedhor”, bëri me dije Balla.

Dialogu që kërkojnë socialistët nuk duhet të rrezikojnë kushtetutën, reformën në drejtësi dhe integrimin e Shqipërisë.

“Halli i Lulit, Saliut dhe i Monës kundër reformës së drejtësisë nuk e pengon rrugën evropiane të Shqipërisë”, përmbylli Balla./abcnews.al

taulant-balla-1.jpg
nev ila16:08 | 20/04/2019

Më 30 Qershor zgjedhjet do të zhvillohen. Kështu ka deklaruar nga Elbasani Sekretari i Përgjithshëm i Partisë Socialiste, Taulant Balla sipas të cilit çdo shqiptar ka të drejtën të votojë Kryetarin e Bashkisë.

70 ditë para zgjedhjeve vendore të 30 Qershorit, socialistët kanë nisur organizimet e të gjitha strukturave elektorale.

Për numrin 2 të Partisë Socialiste shqiptarët dinë të bëjnë dallimin mes bashkive që drejtohen nga kjo mazhorancë dhe atyre opozitare.

“Më 30 Qershor zgjedhjet do të zhvillohen dhe në këtë datë çdo shqiptar ka të drejtën të votojë Kryetarin e Bashkisë. Shqiptarët dinë të bëjnë shumë mirë dallimin mes bashkive që drejtohen nga PS dhe bashkive që drejtohen nga Luli dhe Monika, e të cilat ka ardhur koha t’i çlirojmë nga kapja prej tyre. Zgjedhja është aq e thjeshtë sa ne jemi të sigurtë se edhe po të garonte në zgjedhje i vetëm, Lulzim Basha sërish do të humbte, pasi shqiptarët e refuzojnë Bashën, partinë e tij pa ide dhe alternativën e tij të dhunës, politikën e tij të baltës dhe gënjeshtrës. Lulzim Basha mendon vetëm për veten e tij e për asgjë tjetër”, tha Balla. 

Kryetari i Grupit Parlamentar të Partisë Socialiste, Taulant Balla në një takim me koordinatorët dixhitalë të qarkut të Elbasanit u kërkoi që të jenë në kohë reale në përgjigje të pyetjeve dhe shqetësimeve që drejtohen nga qytetarët në rrjetet sociale dhe sidomos në portalin e ri “Bashkitë që duam”./abcnews.al

BALLA-PADI-BASHES-TOYOTA-YARIS_ABC-M1-T1.mpg_snapshot_00.03-1280x720.jpg
G. P.13:58 | 17/04/2019

Numri dy i socialistëve Taulant Balla i ka kërkuar kreut të Kuvendit Gramoz Ruçi, ndryshimin e vendimit të parlamentit për shtyrjen e afatit të punimeve në komisionin e posaçëm të reformës zgjedhore.

Gjithashtu, përmes një shkrese, Balla i kërkon edhe përfshirjen e diskutimit të çështjes së sistemit zgjedhor në Shqipëri, si pjesë të punës së këtij komisioni.

Afati i propozuar nga Balla si skadencë e këtij komisioni është 28 Nëntori i këtij viti, ndërsa çështja e sistemit zgjedhor, e ngre stekën e diskutimit politik një nivel më lartë, nisur nga fakti se kjo do të kërkonte një ndryshim kushtetues, përpos atij të Kodit Zgjedhor./abcnews.al

BALLA-PER-BOJKOTIN-NE-BRUKSEL-1280x720.jpg
G. P.18:28 | 12/04/2019

Në një reagim pas deklaratave të Bashës, kreu i grupit parlamentar të PS, Taulant Balla shprehet se Basha vijoi sot të vetëmbytet në çorbën që vetë gatoi me Babale & co.

“Frika më e madhe e Lulit është zbatimi i reformës në drejtësi dhe vetingut, – shkruan Balla në Faacebook,- pasi drejtësia e re e pavarur që po krijohet nuk do të pyesë se kush je, sa para ke, apo çfarë pozicioni politik ke”.

Sipas Ballës, Policia e Shtetit realizoi me sukses sot një operacion antidrogë në Elbasan, nga i cili janë shoqëruar mbi 10 persona me precedentë penalë. Balla shkruan se të paktën njëri prej tyre është mik Bashës. Bashkë me statusin në këtë rrjet social, Taulant Balla publikon edhe 3 foto./abcnews.al

ayala.jpg
G. P.13:42 | 07/04/2019

Sekretari i Përgjithshëm i Internacionales Socialiste Luis Ayala në një takim me numrin 2 të socialistëve Taulant Balla, kritikoi veprimin e opozitës për djegien e mandateve dhe protestat e dhunshme.

Në takimin me Ballën, Ayala ka deklaruar se në asnjë vende të Unionit Ndërparlamentar nuk ndodh që opozita të djegë mandatet e popullit në mënyrë aq të papërgjegjshme siç bënë PD dhe LSI.

Ndërkaq, gjatë takimit të zhvilluar në Katar, Balla deklaroi se opozita është e frikësuar se do të humbasë zgjedhjet vendore. Asambleja e Unionit Ndërparlamentar në Doha, mblodhi sëbashku anëtarë nga më shumë se 170 parlamente të botës, nën moton “për Demokracinë, për këdo”./abcnews.al

gent-cakaj-1.jpg
G. P.18:14 | 27/03/2019

Ministri në detyrë në Ministrinë për Evropën dhe Punët e Jashtme, Gent Cakaj, ka paralajmëruar të tjera shkarkime në institucionin që është ngarkuar të drejtojë. I thirrur për të raportuar në komisionin e jashtëm ministrit në detyrë i ka kërkuar sqarime mbi këto largime deputetja e Partisë Demokratike, Rudina Hajdari.

Ka më pak se një vit në Ministrinë për Evropën dhe Punët e Jashtme, por i ka mjaftuar për të arritur në përfundimin se diplomacia shqiptare ka çaluar në 5 vitet e fundit.

“Nëse për 5 vite ka pasur punë të zellshme nuk ka nevojë për përmirësime? Jo. Kjo nuk qëndron. Me thoni ju nëse unë duhet të jem thjesht repredikuesi pasiv i një politike që ka ekzistuar deri tash? Jo unë jam pjesë e trashëgimisë së asaj ministrie sepse kam shërbyer edhe si zv/ministër, por po ashtu jam i gatshëm të thelloj reformat dhe të ndërmarr veprime të guximshme, të cilat nuk janë cenim i punës, por parashtrojnë kushtet objektive që të rinjtë dhe të reja e këtij vendi me rezultate të shkëlqyeshme të bëhen pjesë e diplomacisë”, tha Cakaj.

I thirrur në komisionin e jashtëm për të folur për integrimin e Shqipërisë në Bashkimin Evropian, ministri në detyrë Gent Cakaj i duhej të sqaronte opozitën e re në këtë komision se ndryshimet janë të domosdoshme në institucionin që i është ngarkuar nga kryeministri që ta drejtojë.

“Për një pjesë prej tyre është shkëputur për shkak se me sjelljen e tyre kanë tejkaluar sjelljen dinjitoze të diplomatit. Për një pjesë prej tyre ka probleme të evidentuara me sjelljen e tyre dhe për pasojë ka masa disiplinore dhe për një pjesë të tyre thjesht kanë qëndruar në sistem tepër gjatë dhe kanë pasur kontribut tepër pak për të merituar vazhdimin mëtejmë në shërbimin diplomatik të shtetit shqiptar”, tha ai.

Të tjera valë ndryshimesh paralajmëron ministri në detyrë Gent Cakaj. Por këto masa nuk e bindin deputeten Rudina Hajdari se drejtuesi i ministrisë po bën gjënë e duhur.

“Ish-ministri i Jashtëm Bushati në qeverinë tuaj tha që po lë një grup të shërbimit diplomatik që është më i afti. Ai ishte gati gjashtë vjet ministër. Çfarë bëri ky djalë kaq kohë në atë shërbim? A e rriti cilësinë e duhur? Pra kemi një proces shumë të gjatë”, tha Hajdari.

“Zoti Bushati për ju nuk është një djalë, por është ministri me mandatin më të gjatë në cilësinë e kryediplomatit në historinë e pluralizmit të shtetit shqiptar. Bushati ka thënë një të vërtetë të madhe që ka lënë një administratë ambicioze pas vetes, e ndërtuar ndër vite. Kjo nuk do të thotë që nuk ka nevojë për përmirësime”, tha Cakaj nga ana tjetër.

Rolin e rregullatorit midis përfaqësuesit të qeverisë dhe opozitës e mori përsipër kryetari i grupit parlamentar Taulant Balla.

“Shumë mirë e keni bërë sepse opozita atë punë ka. Sigurisht duhet të ankohet për çdo gjë. Siç referojnë dhe mediat sot ka lobuar edhe kundër ambasadorëve të huaj që duhet të vijnë në Shqipëri se mbaroi hallet e Shqipërisë dhe tani merret edhe me lobingun kundër ambasadorëve që duhet të vijnë në Shqipëri. Harxhon dhe para madje për këtë punë, por kur e humb toruan, s’ka burrë nëne që të kthen në dine thotë populli, kështu që vazhdoni punën që keni nisur. 20 janë pak”, tha Balla.

Për një pikë ranë të gjithë dakord, hapat e shpejtë që duhet të hidhen për të përmbushur kushtet për t’u bërë pjesë e Bashkimit Evropian./abcnews.al

taulant-balla-2-1280x699.jpg
G. P.17:30 | 23/03/2019

Në përfundim të Kongresit të Partisë Socialiste që u zhvillua këtë të shtunë në Pallatin e Kongrese, Sekretari i Përgjithshëm i selisë rozë, Taulant Balla mbajti deklaratën përmbyllëse. Ai theksoi se PS-së i lind detyra të vazhdojë punën përpara duke parë që opozita në papërgjegjshmëri ka krijuar një ngërç artificial.

Balla theksoi gjithashtu se ky Kongres vendosi piketat për zgjedhjet lokale të 30 Qershorit, por edhe për ato të vitit 2021.

“Sot në Kongresin e PS ne erdhëm me bindjen e përforcuar se jemi e vetmja forcë politike që mund të qeverisë vendi duke garantuar një ekonomi të qëndrueshme, punësim, shërbime ndaj qytetarëve, drejtësi sociale dhe integrim në familjen e përbashkët evropiane. Të vetëdijshëm që opozita në papërgjegjshmëri të plotë politikë ka krijuar një ngërç artificial duke braktisur institucionet kushtetuese të vendit, na lind detyra të besojmë pa asnjë dallim masën e gjithë shqiptarëve që duan një të ardhme më të mirë për vendin e tyre, një të ardhme evropiane me më shumë oportunitete për gjeneratat që do vijnë. PS në këto 5 vite e gjysmë është krenare për qeverisje dhe njësoj e vetëdijshme për sfidat në vazhdim.

Ky Kongres vendosi piketat për përgatitjen e Partisë Socialiste për zgjedhjet lokale të Qershorit 2019 dhe sigurisht edhe për zgjedhjet e përgjithshme të Qershorit 2021”, tha Balla.

Ndërkohë për sa i përket ftesës që bëri sot kryeministri ndaj opozitës, Balla tha se ajo ishte shumë kuptimplotë.

“Kryeministri ishte shumë i qartë. Ftesa jonë për opozitën për të marrë pjesë në zgjedhje ishte shumë kuptimplotë. Të marrin pjesë në zgjedhjet vendore në rast se fitojnë një bashki më shumë se ne jemi të gatshëm për të përmbushur kërkesat e tjera të opozitës”, u shpreh Balla./abcnews.al

taulant-balla.jpg
G. P.14:53 | 10/03/2019

Kryetari i grupit parlamentar socialist, Taulant Balla, këtë fundjavë zgjodhi ta kalojë në Librazhd. Ai inspektoi rikonstruksionin e një kopshti për fëmijë, ndërkohë që vlerësoi kryebashkiakun e qytetit.

Ky kopësht në periferi të Librazhdit ka ndryshuar pamje. Bashkia e qytetit ka realizuar rikonstruksionin e plotë të tij. Kryetari i grupit parlamentar socialist Taulant Balla shkoi për ta inspektuar, ndërkohë që nuk i kurseu lëvdatat për kryebashkiakun Kastriot Gurra.

“Në krye të Bashkisë së Librazhdit kemi pasur një njeri shumë të përkushtuar, siç është Kastrioti, i cili ka ditur, si një kryefamiljar i mirë i një familje të madhe, t’i ndajë ku janë nevojat. Pas qendrës shëndetësore, kopshtit, pas sistemimit të qendrës së lagjes, pas sistemimit të ujit të pijshëm dhe kanalizimeve të ujërave të zeza, besoj që bashkia ka shlyer detyrimet e veta. Megjithatë, për të gjithë ne çështja më e rëndësishme mbetet ajo e punësimit ku kemi plot të rinj e të reja të cilët janë pa punë dhe beteja jonë me punësimin është një betejë të cilën duhet ta fitojmë së bashku.”

Ndërkohë, kryetari i bashkisë vuri theksin tek investimi në vijim, ai për ujin e pijshëm duke garantuar furnizim pa ndërprerje./abcnews.al

blendi-kloss.jpg
G. P.15:59 | 02/03/2019

Kryetari i grupit parlamentar socialist, Talulant Balla, i cilëson protestat e opozitës shfaqje të turpshme e të padobishme, pasi siç tha ai, “PS sërish do t’i fitojë zgjedhjet në vitin 2021”. Ndërsa sipas drejtuesit politik të Qarkut Berat, Blendi Klosi, arsyeja përse opozita i ka hyrë kësaj rruge është se nuk e mund dot Partinë Socialiste.

Për Taulant Ballën, nuk ka asnjë dyshim se mazhoranca aktuale do të jetë fituese e zgjedhjeve të vitit 2021.

“Dhe pas 2021-isht ne do jemi në qeveri kurse Luli në Holandë. Sot ne jemi vetëm përballë të gjithë atyre. Fati na e ka sjellë që të gjithë këta t’i kemi përballë”, tha Balla.

Opozitën nuk e sheh si kundërshtare të Partisë Socialiste, pasi kjo parti, thotë Balla, kundërshtarin më të madh ka vetveten.

“Opozitë nuk kemi ata, opozita jonë janë hallet e njerëzve”, u shpreh ai.

Gjatë një takimi me Asambletë e zgjeruara në qytetet Berat, Kuçovë, Poliçan dhe Urë Vajgurore, Balla i drejtoi këtë mesazh krerëve të opozitës:

“Mos guxoni të bllokoni rrugën europiane të Shqipërisë. Përballja me drejtësinë nuk ju shpëton pavarësisht se çfarë skenarësh mund të keni”.

Drejtuesi politik i Qarkut Berat, Blendi Klosi, tha se opozita ka zgjedhur këtë rrugë, sepse e kuptoi që Partinë Socialiste nuk e mund dot, sepse ajo është ne aleancë të gjerë me qytetarët.

“Para një jave s’ndodhi asgjë më shumë dhe asgjë më pak vetëm se kapitullimi i Sali Berishës. Ata nënshkruan kapitullimin. E thanë një vit me radhë që kur humbën në 2017-n në të gjithë Shqipërinë se: ne nuk i mundim dot socialistët, ne nuk e mundim dot Edi Ramën, ne nuk e mundim dot Partinë Socialiste”, tha Klosi.

I pranishëm në takime ishte edhe kandidati socialist për Bashkinë e Beratit, Ervin Demo, i cili theksoi se mesazhet negative që partitë opozitare po japin, dëmtojnë rëndë imazhin e vendit, e veçanërisht turizmin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono