Taulant Balla

balla-2.jpg
in a11:58 | 20/01/2020

Në përfundim të mbledhjes së Konferencës së Kryetarëve, kreu i grupit të PS-së, Taulant Balla u pyet nga gazetarët për shkrimin e “Bild” që u fshi. Balla tha për gazetarët se nuk ka asnjë qëndrim për këtë çështje, ndërsa theksoi se lideri i PD gënjeu publikun për lobimin e PD.

Gjithashtu Balla theksoi se në mbledhje u diskutua për dy komisione të Posaçme.

“Kuvendi do të përmirësojë legjislacionin shqiptar sa i përket ndërtimit, ka nevojë për më shumë kontroll për ti dalë përpara çdo lloj problematike. Konferenca e kryetarëve kishte disa çështje ku u diskutuan për dy komisione të Posaçme. njëra prej kërkesave të opozitës bie ndesh me rregulloren e Kuvendit për shkak se Kuvendi i Shqipërisë e ka një komision. Është shumë e nevojshme që Kuvendi të ushtrojë në mënyrë të vijueshme”, tha Balla.

I pyetur për shkrimin e “Bild” që u fshi Balla tha për gazetarët se nuk ka asnjë qëndrim për këtë çështje.

“Pandëshkueshmërisë media botërore i kushton vëmendje, janë publikuar kontrata që mbajnë firmën e Lulzim Bashës. Basha gënjeu publikun për lobimin e PD. Janë disa gazeta të mëdha botërore që shkruajnë për këtë çështje. Unë do të ripostoj çdo shkrim i cili vë gishtin në një plagë. PD të shpjegojë se pse emri i saj gjendet në librat e Departamentit Amerikan të Drejtësisë për këtë çështje. Financimi i partive politike duhet të jetë transparent”, tha Balla./abcnews.al

balla-kulisaaa.png
R D17:56 | 14/01/2020

Sot doli ‘tym i bardhë’ në Pallatin e Kongreseve. Palët politike pas rreth 1 viti debatesh e konfliktesh ranë dakord që ta bëjnë sëbashku reformën zgjedhore. Por si u arrit të uleshin në tryezë përpaqësuesit e opozitës me “të akuzuarin” Gjiknuri, vetëm një ditë pasi gjykata pushoi çështjen ndaj Lulzim Bashës?!

Kjo është pyetja që shtrohet gjerësisht në media, dhe për këtë u pyet numri II i PS-së Taulant Balla, i ftuar pasditen e sotme në studion e “Abc News”.

Balla tha se kthesën e ka bërë PD-ja, madje e quajti “ndryshim 180 gradë”. Ai mohoi të ketë patur “deal” (marrëveshje të fshehtë) mes palëve para se të organizohej tryeza. Ai u zotua në studion e Abc-së, duke u shprehur: “Nëse do të kishte kulisa unë s’do merresha më me këtë profesion”.

I pyetur nga gazetari Endri Xhafo, nëse reforma zgjedhore do të votohet nga ky parlament, Balla tha prerazi: Po!

“Reforma zgjedhore është bërë gjithmonë me konsensus të partive politike, edhe opozita parlamentare është pjesë e këtij diskutimi. Duhen 84 vota për ta miratuar reformën. Procedura parlamentare e involvon kimisionin e reformës që ta kalojë fillimisht draftin e dakordësuar e më pas votimi në parlament. Pra do votohet nga ky parlament që kemi nga mazhoranca dhe besoj edhe nga opozita parlamentare. ndërsa opozita parlamentare besoj do ta ketë rikhimin në kuvend, përmes procesit të zgjedhjeve në 2021”, u shpreh ai.

Xhafo: Flitet për prapaskena, apo marrëveshje të fshehta sepse tryeza vjen një ditë pasi gjykata pushoi çështjen e lobimit?

Balla: Nuk është aspak e vertete kjo që mund të jetë një marrëveshje, apo lëshim. Unë jam sekretari i përgjithshëm dhe kreu i grupit të PS, kam qenë personi që kam ngritur kallëzimin penal për këtë çështje. Sa i përket çështjes së lobimit, mund të them se ende sistemi i drejtësisë ka prokurorë dhe gjyqtarë të cilët nuk e kanë kaluar testin e vettingut.

“PD nuk ka deklaruar shpenzimet dhe sot pas dy vitesh hetime dhe 2 orëve vendim e verteta nuk ka dalë. Pse nuk u lejua nga gjykata që të vinte të dëshmonte Nikolas Muzin? Nga kush janë paguar mbi 600 mijë USD për lobimin e PD-së në SHBA?”

Sipas tij, anëtarë të KÇK-së i dhanë pafajësinë Lulzim Bashës.

I pyetur nga Endri Xhafo nëse ka patur presion nga ndërkombëtarët për tu ulur në tryezë, ai tha se “qendrimet e SHBA dhe BE kanë qenë publike për të nxitur këtë lloj dialogu. Nuk është sekret”.

Më tej, Balla shtoi se “opozita joparlamentare ka reflektuar për gabimet e 2019 duke kuptuar se në demokraci funksionale pa u ulur në tryezë nuk ka zgjidhje”.

Xhafo: Si do funksionojë puna e komisionit dhe tryezës 4-she?

Balla: Në ligjin zgjedhor do të reflektohen të gjitha sugjerimet e bëra nga OSBE/ODIHR për tre palë zgjedhjet e fundit, por edhe rekomandimet e Bundestagut. PD-ja i është kthuer rrugës së arsyes, ndërsa ne s’kemi ndryshuar qendrim. Kemi një rishikim, ndryshim në 180 gradë, në qasjen e opozitës ndaj institucioneve shtetërore, kushtetuese.

Të gjithë aktorët e rëndësishsëm vendimmarrës, mazhoranca, opozita parlamentare dhe joparlamentare kanë krijuar një mekanizëm që përmbledh këndvështrimit e palëve.

Për ta shpjeguar më qartë për qytetarët, kodi zgjedhor do të bëhet sipas modeleve europiane.

Do të kemi administratë zgjedhore të depolizituar, që do të merren nga shërbimi civil dhe do të bëhen administrator zgjedhor. Sigurisht do të forcohet ligji dhe do të ketë penalitete të ashpra për shkelësit e ligjit. Pra sunojmë të shkojmë drejt një modeli të pakontestuar zgjedhor.

Ai theksoi se këto ndryshime duhet të miratohen deri më 15 Mars të këtij viti, sipas rekomandimit të OSBE/ODIHR.

Xhafo: Numërimi do të bëhet pranë KZAZ-ve?

Balla: Këto janë detaje teknike që do vendosen rrugës, por besoj se do ruhet modeli që kemi për 90 KZAZ në vend.

/abcnews.al

oerdi-1280x616.jpg
in a19:47 | 13/01/2020

Ish- deputeti i PD, Oerd Bylykbashi i ftuar në “Mbrëmje në ABC” ka folur për pushimin e akuzës për dosjen e lobimit të PD në SHBA. Bylykbashi e cilësoi si një kapitull të turpshëm, sipas tij kryeministri po përdor Vettingun për të bërë presion mbi gjyqtarët.

“Për pjesën më të madhe të akuzës Prokuroria tha se nuk ka prova. Vërtetoi se sa herë bënte një deklaratë Taulant Balla, Prokuroria vihej në lëvizje. Edi Rama bën presion me Vettingun mbi gjyqtarët. Kjo është mbyllja e një kapitulli të turpshëm që PS i ka bërë Partisë Demokratike”, tha Bylykbashi.

I pyetur për Reformën Zgjedhore ai theksoi se është një reformë e domosdoshme për vendin.

“Është një garanci shtesë për procesin zgjedhor.Ajo që kërkohet me ngulm nga Bundestagu është Reforma Zgjedhore e testuar. E vetmja zgjidhje e krizës politike janë zgjedhjet e parakohshme. Edi Rama është “kçd”, kap çfarë don ai”, theksoi ai.

Më tej ai u shpreh se brutalizimi i zgjedhjeve nëpërmjet përdorimit të policisë, sistemi zgjedhor është një çështje shumë e rëndësishme, duhet garantuar standardi zgjedhor. “Ne duhet të garantojmë që zgjedhësit të votojnë, dhe se vota e tyre nuk vidhet”, tha Bylykbashi.

“Duhen forcuar mekanizmat që luftojnë presionin mbi zgjedhësit dhe administratën politike, sot shqiptarët në mënyrë selektive nuk pajisen me karta identitetit. Janë një seri hapash që qeveria i ka me ligj, por nuk ka dashur ti realizojë. Sot qytetarët kërkojnë zgjedhjet”, tha Bylykbashi.

Ish deputeti i PD thekson se procesi politik dhe kriza është e tillë që vetëm me zgjedhje të parakohshme mund të zhbllokohet.

Sa i përket denoncimeve për kryebashkiakët, Bylykbashi u shpreh se po punohet dhe se çdo gjë do të bëhet transparente ashtu siç ka ndodhur deri më tani.

“Rama ka nëvojë që ta brutalizojë median, ti mbyllë gojën, por ndërhyrja e OSBE nuk mund të dalë jashtë asaj çfarë ka thënë./abcnews.al

taulant-balla-1.jpg
Autor E17:44 | 13/01/2020

Ashtu siç pritej, kreu i Grupit Parlamentar të PS, Taulant Balla nuk ka pritur shumë për të reaguar ndaj vendimit të gjykatës për pushimin e akuzave për lobimin rus ndaj Lulzim Bashës.

Balla shprehet se asgjë nuk mbyllet për Bashën me këtë vendim duke theksuar se kryedemokrati do të pyetet patjetër për këtë çështje.

“Kush mendon se kjo dosje e rëndë me të pandehur kryesor Lulzim Bashën, mund të mbyllet kështu pa u hetuar aspak në themel, pa u marrë në pyetje të gjithë personat e përfshirë, e ka shumë gabim.

Kjo nuk është një çështje vetëm e drejtësisë shqiptare.

Nxitimi i stimuluar i ndonjë prokurori dhe gjyqtari që nuk e ka kaluar procesin e vettingut dhe që zbaton parimin “kap çfar të kapësh”, shfaqën sot këtë teatër të turpshëm për sytë e shqiptarëve dhe jo vetëm”, shprehet Balla duke i kërkuar Këshillit të Lartë të Prokurorisë “që të hetojë gabimet procedurale me dashje, që çuan në këtë teatër të turpshëm, ku prokuroria hetoi 2 vite dhe gjykata e mbylli për 2 orë”.

Balla kërkoi nga prokuroria apelimin e këtij vendimi të cilësuar si absurd.

“Apelimi i këtij vendimi absurd dhe rikthimi i çështjes për hetim të plotë duke dhënë edhe garancitë nga Gjykata për marrjen në pyetje të përfituesit të parave Nik Muzin, janë hapat e vetëm për të hedhur dritë e për të bërë drejtësi në këtë dosje të rëndë”, tha ai.

Gjykata pushoi pasditen e sotme akuzat për lobimin rus ndaj Lulzim Bashës duke finalizuar kështu një hetim dy vjeçar. Mbetet për t’u parë nëse prokuroria do ta apelojë këtë vendim. /abcnews.al

balla-1.jpg
in a15:32 | 13/01/2020

Kuvendi do ta rrëzojë dekretin e Presidentit Meta, duke mos bërë ndryshime në paketën antishpifje. Taulant Balla tha se ligji është bërë sipas standardeve ndërkombëtare, ndërsa komentoi dhe gjyqin ndaj Lulzim Bashës, duke thënë se lideri demokrat nuk duhet të hetohet thjesht si falsifikator.

Siç kryeministri Rama e paralajmëroi në 18 dhjetor, mazhoranca nuk ka ndryshuar qëndrim për të korrigjuar paketën antishpifje.

Rikthimi në Kuvend nga Presidenti nuk do të shikohet nga mazhoranca si një mundësi për ta përmirësuar paketën ligjore të medias.

Për socialistët, gjyqi ndaj Lulzim Bashës nuk mund të kalojë kaq lehtë pa u hetuar lobimi përmes parave të dyshuara si ruse.

“Lulzim Basha nuk mund të shkojë para gjykatës me akuzën nga Prokurori vetëm si falsifikator i dokumenteve. Vendimi më i drejtë do të ishte që kjo çështje të rikthehet për hetime të mëtejshme nga ana e Prokurorisë”, u shpreh Taulant Balla.

Taulant Balla tha se reforma zgjedhore do të miratohet menjëherë në prill, pasi të ketë dalë vendi nga gjendja e fatkeqësisë natyrore, por nuk do të përfshijë ndryshimin e sistemit./abcnews.al

qerim-ismailaj-balla-1280x640.jpg
nev ila13:07 | 13/01/2020

Gjatë një komunikimi me median ditën e sotme kreu i grupit të Partisë Socialiste Taulant Balla, u shpreh në lidhje me dekretin e kthyer nga presidenti Meta në kuvend për paketën antishpifje, për kreun e  Inspektoriatit të Lartë të Drejtësisë por edhe në lidhje me akuzat që ka bërë së fundmi Partia Demokratike, ndaj kryebashkiakut të Mallkastrës Qerim Ismailaj.

Balla tha se Partia Socialiste nuk ka asnjë përgjegjësi për çështjet individuale të gjithsecilit.

“Partia socialiste ka një vendim politik që nuk ka asnjë përgjegjësi politike për përgjegjësitë individuale të gjithësecilit në PS, në këtë rast ka përgjegjësi personale. Në çdo rast hetimin dhe në lidhje me akuzat është detyrë e prokurorsë së përgjithshme”, tha Balla.

Sipas denoncimit të bërë nga Partia Demokratike, Ismailaj është  dënuar  nga gjykata greke, dënim të cilin nuk e ka shënuar në formularin e dekriminalizimit.

Ndërkohë Prokuroria e Përgjithshme ka regjistruar procedimin për Kryetarin e Bashkisë së Mallakastrës Qerim Ismailaj  dhe ka nisur verifikimin për figurën e tij. /abcnews.al

taulant-balla-1280x598.jpg
ger ta13:01 | 13/01/2020

Kreu i grupit të Partisë Socialiste Taulant Balla në një pronocim për mediat ditën e sotme u shpreh edhe për kreun e Inspektorit të Lartë të Drejtësisë.

“Deri më tani janë paraqitur në Kuvend, 5 kandidatura”, tha Balla.

“Kuvendi i Shqipërisë ka afat deri në datën 26 janar për tu shprehur. Sapo Kuvendi të fillojë punë brenda këtij afati në mënyrë të menjëhershme do të votohet, nëse një nga kandidatët do të marrë 84 vota, do të jetë kreu i ILD-së. Në rast të kundërt, në përfundim të afatit 30 ditor, ai që është renditur i pari, është automatikisht fituesi dhe Inspektori i Lartë i Drejtësisë”, shtoi numri dy i socialistëve.

I pyetur nga gazetarja Esjona Konomi se nëse Artur Metani ishte zgjedhje e Partisë Socialiste, Balla tha: Duhet kuptuar që draftimi i reformës në drejtësi, një prej elementëve të rinj që solli ishte çelësi zhbllokues të rasteve kur Kuvendi nuk arrin të garantojë një votë të cilësuar, 84 vota për një prej kandidatëve. Nuk dua të komentoj asnjë prej kandidatëve sepse duhet respektuar një më një procedura parlamentare”./abcnews.al

taulant-balla-spak.jpg
nev ila16:00 | 27/12/2019

Kreu i Grupit Parlamentar, Taulant Balla ka depozituar në emër të Kuvendit, në Gjykatën Penale një kërkesë për shpallje të mos kompetencës për dosjen “CEZ”.

Në kërkesë thuhet se këtë çështje duhet ta hetojë SPAK-u. Balla nuk kurseu as akuzat për Prokurorinë e Tiranës, duke thënë se nuk ka marrë në pyetje dëshmitarin kyç, Nuel Kalaj.

Kuvendi me anë të një shkresë zyrtare të dorëzuar në gjykatë nga numri 2 i Partisë Socialiste Taulant Balla i kërkon gjykatës Penale të Tiranës, që të shpallë mos kompetencën për dosjen  “CEZ”.

I pranishëm në Gjykatën Penale, Balla insistoi që kjo çështje, e cila ka prodhuar akuza të forta politike t’i kalojë tani për hetim Strukturës së Posaçme Anti-Korrupsion.

Kryetari i grupit socialist Taulant Balla nuk i kurseu akuzat për Prokurorinë e Tiranës duke thëne se nuk ka marrë në pyetje dëshmitarin kryesor Nuel Kalaj dhe personat e tjerë të dyshuar.

Kërkesa për shpallje të mos kompetencës nga ana e kuvendit është bërë për shkak që prokuroria të kërkojë pushimin e hetimeve për një sërë zyrtarësh të lartë, të cilët në vitet 2005- 2013 kanë negociuar  marrëveshjen e shitjes së aksioneve, të Operatorit të Sistemit të Shpërndarjes (OSSH) sh.a  ndërmjet dhe CEZ-it./abcnews.al

 

 

 

balla.jpg
in a13:55 | 27/12/2019

Kuvendi i Shqipërisë i është drejtuar Gjykatës së Tiranës për shpallje të mos-kompetencës për gjykimin e dosjes “CEZ”, ndërsa ka kërkuar që kjo çështje t’i kalohet për gjykim SPAK.

Kreu i grupit parlamentar të Partisë Socialiste, Taulant Balla, i pranishëm në Gjykatën Penale ka insistuar që kjo çështje, e cila ka prodhuar akuza të forta politike t’i kaloj tani për hetim Strukturës së Posaçme Anti-Korrupsion. “Janë kallëzuar funksionarë të qeverisë Berisha. Nue Kalaj s’është marrë në pyetje nga prokuroria. Nuk mund të gjykohet më nga gjykata e Tiranës.

Të gjykohet nga një gjykatë më e besuar nga publiku. Çështja duhet të gjykohet nga SPAK. Janë dërguar letërporosi në Kosovë, Kalaj s’është gjetur . Autoritetet e Kosovës nuk marrin masa për ekstradim”-tha Balla./abcnews.al

 

taulant-balla-1.jpg
So Nila15:52 | 25/12/2019

SP Taulant Balla Parliamentary Group Leader spends Christmas lunch with 100 patients at Elbasan Psychiatric Hospital.

On his post on social media facebook, SP stated that it doesn’t make more sense than to celebrate Christmas and to care for people in need.

Full Post:

“I joined the lunch that the 10th St. Pius Catholic Church in Elbasan organized today for about 100 patients of the Elbasan Psychiatric Hospital.

There is no nicer Christmas holiday than caring for people in need. “But just as you want people to do for you, so do you to them,” says the Bible.

Merry Christmas ”, writes Balla./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono