tatimore

denaj-1-1280x747.jpg
ad min15:20 | 05/08/2019

Tolerance zero dhe masa më të ashpra paralajmëron ministrja e Financave dhe Ekonomisë Anila Denaj për të luftuar informalitetin. Denaj publikoi të dhënat e aksionit një mujor ndërmarrë në sektorët kryesore të ekonomisë në vend.

Rezultatet e muajit të fundit në luftë me informalitetin e kanë çuar Ministrinë e Financave dhe Ekonomisë në këtë përfundim.

“Ka raste që disa subjekte mund t’i kenë shpëtuar masave të pezullimit si pasojë vendimeve gjyqësore apo disa mekanizmave anashkaluese, duke na bërë të marrim masa për ndryshime në Kodin e Procedurave Tatimore. Dhe padyshim që përshkallëzimi i masave të gjobës do të jetë një alternativë për t’u konsideruar, përtej asaj të pezullimit”.

40% e subjekteve që ushtrojnë aktivitetin e tyre në sektorin e hoteleri-turizmit inspektuar nga administratat tatimore gjatë muajit Korrik kanë rezultuar me probleme.

“Në kuadër të procesit të formalizimit, jemi duke komunikuar me përfaqësuesit e platformës Booking.com,  të cilët nuk kanë ende përfaqësues tatimor në vendin tonë për të formalizuar procedurat e deklarimeve të subjekteve shqiptare të regjistruara në këtë platformë”.

Në sektorin e hidrokarbureve ministrja e Financave thotë se ka nisur ndërgjegjësimi ndërsa kontrollet po vijojnë.

Lupës së tatimeve nuk i kanë shpëtuar as produktet e tjera të akcizës ndërsa një tjetër sektor do të jetë objekt kontrollesh këtë muaj.

‘Në fushën e ndërtimit, nga sot ka nisur monitorimi i 160 subjekteve që kanë rezultuar me rënie në xhiro, janë përcaktuar gjithashtu 20 subjekte të mëdha në këtë fushë të cilat do të analizohen së bashku me specialistët nga Drejtoria e Krimit Ekonomik. Ndërkohë që vetëm për muajin korrik 2019 janë referuar në Prokurori, 10 subjekte me shkelje”.

200 studentë të sapodiplomuar të përzgjedhur nga Shërbimi Kombëtar i Punësimit kete muaj do te asistojnë në terren Strukturat e Monitorimit të Administratës Tatimore në kuadër të Planin Operacional kundër Informalitetit./ABC News Albania 24/7

punonjesit-1280x712.jpg
ad min15:49 | 17/07/2019

Në zonën e Currilave në Durrës ka nisur një aksion nga tatimorët për luftën kundër informalitetit. Objekt kontrolli janë hotelet, baret dhe restorantet ku sipas inspektorëve janë gjetur një sërë shkeljesh.

Lufta kundër informalitetit nxorri në terren tatimorët si dhe Inspektoriatin e Punës. Subjektet që operojnë në zonën e Currilave, në Durrës ishin të parët që kaluan nën sitën e inspektorëve.

Operacioni bëhet për të ndërgjegjësuar bizneset dhe qytetarët mbi lëshimin dhe tërheqjen e kuponit tatimor, eliminimin e punësimit informal si dhe konkurrencën e pandershme.

Arben Seferaj kryeinspektor i Inspektoriatit të Punës tha se vetëm në dy ditë kontrolle në shkallë vendi janë kapur një numër subjektesh që fshihnin fuqinë punëtore duke shmangur shlyerjen e detyrimeve.

“Janë inspektuar gjatë kësaj fundjave 102 subjekete në të cilat janë evidentuar 995 punonjës, nga të cilët 225kanë qenë të padeklaruar në skemën e sigurimeve shoqërore. Për këtë arsye nga ana e inspektorëve të punës është marra e pezullimit të punës dhe formalizimi i tyre ka ndodhur gjatë këtij procesi”, tha ai.

Drejtori i Hetimit Tatimor Martin Mici theksoi se gjatë kontrolleve janë konstatuar edhe hotele që punonin pa licencë.

“Puna jonë do të jetë e fokusuar në të gjitha subjektet që nuk deklarojnë asgjë, shmangin detyrimet e tyre dhe në këtë mënyrë janë demotivues për të gjitha subjektet që janë të ndershme dhe korrektë”, tha ai.

Objekt kontrolli janë kryesisht hotelet, baret dhe restorantet. Aksioni do te vijoje për një periudhë të pacaktuar duke angazhuar një serë institucionesh të tjera./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono