task forca

KRONIKE-KLOSI-NE-LEZHE.mpg_snapshot_00.16-1280x720.jpg
ent ela18:20 | 31/07/2019

Pushteti vendor nuk ka marrë masat e duhura për sezonin veror tha ministri i Turizmit Blendi Klosi në takimin e Task Forcës për turizmin në Lezhë. Ndër problematikat kryesore në këtë zonë turistike sipas Klosit janë ndotja dhe mos lidhja e kontratave me stacionet e plazhit. 

Në takimin me Task Forcen e turizmit në Lezhë, Ministri Blendi Klosi deklaroi se zonat turistike në këtë qark përballen me problematika, të cilat ende nuk janë zgjidhur dhe përgjegjësia kryesore bie mbi pushtetin vendor.

Ndotja në zonat e mbrojtura, mungesa e hapësirave publike, moslidhja në kohë e kontratave me stacionet e plazhit e kanë dëmtuar sezonin këtë verë,- tha Klosi.

Me pas ministri i turizmit dhe mjedisit Blendi Klosi zhvilloi një takim me banorët e Ishull Lezhës, ku ndodhet edhe zona e mbrojtur e Vainit, të cilëve u kërkoi bashkëpunim për mbrojtjen e mjedisit. /ABC News Albania 24/7

KLOSI-TASK-FORCA-POGRADEC-ABC-M5-T1.mpg_snapshot_00.14-1280x720.jpg
ent ela16:00 | 13/07/2019

Nga Pogradeci në mbledhjen e Task-Forcës së turizmit, ministri i Turizmit dhe Mjedisit, Blendi Klosi paralajmeroi të gjitha subjektet që shfrytëzojnë hapësirën e bregdetit se duhet të respektojnë hapësirat publike në zonat e plazhit. Nëse nuk zbatohet ligji, Klosi deklaroi se subjektet do të ndëshkohen me gjobat përkatëse.

Nuk do të tolerohet mungesa e respektimit të ligjit për hapësirën publike të plazheve. Ky ishte paralajmërimi i ministrit të Turizmit dhe Mjedisit, Blendi Klosi nga Pogradeci gjatë mbledhjes së Task-Forcës së turizmit.

 “Është rritur numri i turistëve, është rritur turizmi, por na duhet të ecim paralelisht me standartet. VKM-ja për stacionet e plazhit parashikon 20 % të hapësirës së bregdetit brenda njē njësie, duhet të jetë plazh publik. Kjo nuk është respektuar dhe tashmë institucionet do të veprojnë, sikundër në Durrës që iu kthye hapësira e plazhit publik, qytetarëve. Vendimi i Këshillit të Ministrave për këtë është i prerë. Mozbatimi i tij penalizon drejtpërsëdrejtë ata që ushtrojnë këtë aktivitet në mënyrë të paligjshme, organet vendore që duhet ta kontrollojnë dhe natyrisht edhe të gjithë ne organet shtetërore që duhet të bëjmë monitorimin”

Ministri Klosi gjithashtu theksoi se duhet kthyer vemendja edhe tek kullat e vrojtimit dhe rojet e certifikuar të ruajtjes së jetës në plazhe.

 “Nga 50 subjekte të monitoruara, vetëm 14 i zbatojnë të gjitha kriteret e VKM për stacionet e plazheve. Nuk mund të kemi rritje cilësore të turizmit, nëse nuk kemi rritje të shpejtë të shërbimeve dhe standarteve”.

Klosi gjatë takimit në Pogradec u tërhoqi vëmendjen tur operatorëve përsa i përket mjedisit duke kërkuar trajtimin e ujërave të zeza, pajisjen me leje mjedisore dhe zbatimin e tyre, çka do të ofronte turizëm me standarde. /ABC News Albania 24/7

 

durres-2-1280x715.jpg
ad min15:00 | 11/07/2019

Grupi task-force i ngritur në Prefekturën e Durrësit ka nisur inspektimin e të gjithë vijës bregdetare për verifikimin e kushteve të plazheve që frekuentojnë pushuesit. Aksioni shtrihet nga Ura e Dajlanit  deri në kufi me plazhin e Golemit, i cili është pjesë e bashkisë Kavajë. Gjatë ditës së sotme inspektorët e policisë bashkiake kanë vendosur tabelat për përcaktimin e vendeve për plazhe publike dhe në plazhin e madh të Durrësit do të jenë 6 të tille. Grupi i task – forcës do të funksionojë gjatë gjithë sezonit turistik dhe ka për detyrë shtimin e kontrolleve të vazhdueshme, për zbatimin e raportit të hapësirave plazh publik e privat sipas hartës së miratuar nga bashkia, zbatimin e kushteve higjeno-sanitare, moslejimin në plazhe të shitësve ambulantë si dhe kontrollin mbi gjenerimin e zhurmave dhe vendbanimet e mjeteve sportive ujore./ABC News Albania 24/7

Policia-gjermane-1280x960.jpg
nev ila12:20 | 17/05/2019

Në një njoftim për median policia e shtetit ka njoftuar se është arrestuar një person i shpallur në kërkim ndërkombëtar nga shteti Gjerman. Operacioni ndërkombëtar për goditjen e veprimtarisë kriminale në fushën e vjedhjes së banesave ka arritur të finalizohet me arrestimin A.L. i cili kishte mundur të largohej nga Gjermania.

Në fillim të muajit maj 2019 në Prokurorinë e Bochum, Gjermani është zhvilluar një takim pune ndërkombëtar ndërmjet organeve ligjzbatuese të prokurorive dhe policive respektive të dy vendeve, ku u përcaktuan detyra të përbashkëta policore dhe procedurale me qëllim dokumentimin ligjor të aktivitetit kriminal të gjithë anëtarëve të këtij grupi dhe sidomos të këtij shtetasi shqiptar.

Ky shtetas ishte person i shpallur person në kërkim evropian,  i dënuar më parë për veprën penale “Falsifikimi i letërnjoftimeve, i pasaportave apo i vizave ”, person nën hetim, i dyshuar për kryerjen e veprës penale “Vjedhja”,  kryer në kuadrin e “Grupit të strukturuar kriminal” parashikuar nga legjislacioni gjerman dhe nga nenet 287/1, 134/3 dhe 333/a të Kodit Penal Shqiptar.

Ndalimi u bë në zbatim të lëtër-porosisë së organeve ligjzbatuese Gjermane, pasi u regjistrua procedimi penal nr. 39/ viti 2019, në Prokurorinë pranë Gjykatës së Shkallës së Parë për Krime të Rënda Tiranë. Gjatë kontrollit të banesës së tij, iu sekuestruan disa dokumente për transferta parash nga Gjermania në Shqipëri, orë të markave të shtrenjta, telefona celularë, bizhuteri  si dhe një automjet.

Në bashkërendim me organet ligjzbatuese të rajonit të Bochumit, Gjermani,  Task Forca “Anti – Skifter”  dhe  Prokurorinë pranë Gjykatës së Shkallës së Parë për Krime të Rënda Tiranë, po vijon puna  për dokumentimin e plotë  ligjor të aktivitetit kriminal  të këtij grupi të strukturuar, ku deri tani  është provuar se  ka kryer  25 vjedhje banesash, por dyshohet se ka kryer edhe vjedhje të tjera në këtë rajon.

Aktiviteti kriminal i këtij grupi shtrihet në periudhën kohore 2015-2018  në dhjetë rajone në Gjemani. Policia Gjermane ka bashkëpunuar me Task Forcën “Anti – Skifter” dhe më pas nga  Prokuroria pranë Gjykatës së Shkallës së Parë për Krime të Rënda Tiranë ku dhe është regjistruar procedimi penal. Operacioni “Anti – Skifter” vazhdon në bashkëpunim me organet ligjzbatuese të Gjermanisë dhe vendeve të tjera të BE-së”, beri me dije në njoftimin e saj policia e shtetit./abcnews.al

efektivet-e-FA-ne-Letoni.jpg-OK-933x445.jpg
ent ela10:55 | 07/05/2019

Vetëm një ditë pas vdekjes së Nëntetares Zarife Hasanaj, Ministrja e Mbrojtjes ka nisur drejt Letonisë Task Forcën e ngritur me urgjencë për këtë rast. Bashkë me autoritetet letoneze, Task Forca do të ndjekë hetimin e plotë për vdekjen e efektives Hasanaj në Camp Adazi.

Mësohet se në grupin që do merret me hetimin, ka përfaqësues nga Agjencia e Inteligjencës dhe Sigurisë së Mbrojtjes, Policia Ushtarake dhe Drejtoria e Inspektimit.

Nëntetarja Zarife Hasanaj, 32 vjeç, vdiq aksidentalisht gjatë çmontimit të minave mëngjesin e së hënës, ndërsa u plagosën komandanti i kontigjentit, Majori Klodian Tanushi, i cili mësohet se është në gjendje të rëndë për jetën dhe rreshteri Julian Kapaj. Efektivët e FA, pjesë e grupit xhenier për demontimin e minave, ishin pjesë në misionin e NATO-s në Letoni për demontimin e minave luftarake.

Në mesditë në kryeqytetin letonez Riga mbërrin dhe ministrja e Mbrojtjes Olta Xhaçka, e cila do të vizitojë dy efektivët e plagosur nga shpërthimi i djeshëm.

Ndërkohë mëngjesin e sotëm në bazën ushtarake Camp Adazi u zhvillua ceremonia  e nderimit për nëntetaren e ndjerë Zarife Hasanaj. 32 vjeçarja pas 1 muaji pritej që të kthehej pranë familjes në atdhe.

. /ABC News Albania 24/7

mjedisi-sarande-1280x717.jpg
ad min16:32 | 23/04/2019

Takimet e Task Forcës së bregdetit janë zhvendosur nga veriu në jug të vendit. Nga Saranda ministri i Turizmit dhe Mjedisit Blendi Klosi la detyra të qarta për institucionet qendore dhe vendore.

Stacioni i radhës është Saranda. Pas Velipojës përfaqësues të institucioneve mjedisore, aktorët lokal dhe Prefekti pjesë e Task-Forcës së ngritur për të garantuar një sezon veror cilësor dhe të sigurt diskutuan për t’i dhënë zgjidhje problematikave të turizmit në jug të vendit.

 “Duam dhe presim që të ketë kontrata që të fillojnë të paktën nga fillimi i majit dhe të mbarojnë në fund të tetorit dhe situata është realisht me shumë probleme përsa i përket pastërtisë, përsa i përket rregullave për të qenë një destinacion. Prandaj e bëmë këtë vendim të ri të Këshillit të ministrave, i cili kërkon që të zgjidhë një sërë problematikash, por e para problematikë është ndarja e plazheve, në zbatim të këtij vendimi. Ruajtësi i plazhit është një element shumë i rëndësishëm për jetën e njerëzve, për të shtuar sigurinë në sezonin turistik. Vendimi i ri i Këshillit të Ministrave ka  përcaktuar se këto kontrata nuk mund të lidhen nëse nuk kanë dëshmi, që operatorët kanë zgjidhur problemin e ruajtësve të plazhit” .

Një tjetër problematikë që duhet eliminuar këtë sezon veror sipas ministrit te Turizmit dhe Mjedisit  është edhe ndotja akustike.

“Muzika shumë e lartë dëmton shumë turizmin në qytete si Saranda. Vjet patëm në qarkun e Vlorës dy shembuj shumë pozitivë;l një ishte vendimi i këshillit bashkiak të bashkisë Himarë e cila përcaktoi ashtu siç duhej zonat se ku lejohej muzika dhe ku ishin zonat e kufizuara. Kishim po ashtu edhe shembullin shumë të mirë të bashkisë së Vlorës ku lënia në zonën e Lungomares, çdo të premte për muzikë non stop i dha shumë jetë fundjavës në Vlorë dhe shtoi biznesin e asaj zone. Kjo gjë kërkohet edhe sot, që bashkitë nëpërmjet këshillave bashkiakë të përcaktojnë zonën ku lejohet muzika, ku operatorët duhet të kenë muzikë me orar dhe ku pa kufizim”.

Ministri i Turizmit dhe Mjedisit kërkoi bashkëpunimin e të  gjithë palëve me qëllim që sezoni turistik i këtij viti të rezultojë i suksesshëm./abcnews.al

Farmacite-1280x727.jpg
ent ela11:14 | 28/03/2019

Me urdhër të Ministres së Shëndetësisë dhe Mbrojtjes Sociale, Ogerta Manastirliu është zgjeruar Task-Forca e ushtrimit të kontrollit të barnave, duke përfshirë anëtarë nga Ministria e Shëndetësisë dhe Mbrojtjes Sociale, Urdhri i Farmacistëve të Shqipërisë, Agjencisë Kombëtare të Kontrollit të Barnave, Fondi i Sigurimit të Detyrueshëm të Kujdesit Shëndetësor, Inspektoratit Shtetëror Shëndetësor.

Ndërkohë Prokuroria e Tiranës, prej disa kohësh ka nisur edhe një hetim në lidhje me stokun e barnave të skaduara, ku rreth 93 % e tyre në farmacinë qendrore të QSUT-së në Maj 2018 ishin të skaduara dhe vetëm 7 % e tyre ishin ende të përdorshme për pacientët.

Prokuroria e Tiranës e ka përqendruar hetimin në identifikimin e personave përgjegjës, të cilët dyshohet të kenë shkaktuar këtë dëm financiar deri në 7 milionë euro.

Hetimi ka përfshirë zyrtarë që kanë lejuar apo blerë medikamente në sasi të mëdha, pranë afatit të kadencës. Gjithashtu dhe ata që nuk i kanë përdorur para skadimit këto barna, si edhe sasi të tjera të dhuruara të cilat kanë shkuar dëm.

Kjo lloj praktike e tenderimeve të barnave të blera për farmacinë qendrore të Qendrës Spitalore Universitare Nënë Tereza, ka shkaktuar një stok të barnave, ku referuar të dhënave të vitit të shkuar vetëm 7 % e tyre ishte e përdorshme.

Qindra e  mijëra medikamente mjekësore të skaduara janë stok, ndërkohë që pacientët përballen me mungesën e barnave dhe detyrohen t’i blejnë kundrejt çmimeve të larta në farmacitë private.

Sipas prokurorisë, barnat e skaduara ishin akumuluar gjatë  viteve 2012-2018. Ky skandal u zbulua pas një kallëzimi që kanë bërë vitin e kaluar nga 6 punonjës të Drejtorisë së Shërbimeve Spitalore Universitare dhe Kontrollit Spitalor./abcnews.al

RISHIKIM-LICENSESH-SE-FARMACISTEVE-MBULIM.mpg_snapshot_00.20-1280x720.jpg
ad min14:17 | 19/10/2018

79 farmacive në vend do tu rishikohet licensa. Task-Forca e ngritur nga Ministria e Shëndetësisë i ka dërguar një kërkesë Urdhërit të Farmacistit, pasi gjatë kontrolleve të ushtruara në terren ka konstatuar se tregtonin barna pa recetën e mjekut, pa pullën e kontrollit apo nuk respektonin kushtet e ruajtjes dhe tregtimit të tyre. Ministria e Shëndetësisë thotë se akualisht janë kontrollur 158 farmaci në të gjithë vendin. Ndërkohë, task-forca do të vijojë të monitorojë të gjithë rrjetin e hapur farmaceutik për të garantuar siguri në tregtimin e ilaçeve./abcnews.al

farmaci.png
ad min12:06 | 11/10/2018

Në një muaj, Task-Forca e posaçme e ngritur nga ministrja e Shëndetësisë dhe Mbrojtjes Sociale ka kaluar në sitë 115 farmaci në vend. Ajo ka ushtruar kontrolle për kushtet e ruajtjes së barnave, pajisjen e tyre me pullë sigurie dhe tregtimin pa recetën e mjekut. Ndaj 56 farmacive, të cilat kanë rezultuar me shkelje janë marrë masa administrative.

20 gjoba janë vendosur për tregtim të barnave pa recetë, 18 për mungesë të recetave sipas klasifikimit, 13 për tregtim të barnave pa pullë dhe 5 ndaj subjekteve që nuk respektonin kushtet e ruajtjes së ilaçeve.

Task-Forca për barnat sipas Ministrisë së Shëndetësisë do të vijojë kontrollet në të gjithë vendin me qëllim garantimin e sigurisë së tregtimit të ilaçeve për qytetarët./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono