tarifat

kayli-skot-1280x725.jpg
nev ila19:06 | 15/09/2019

Ambasadori i Shteteve të Bashkuara të Amerikës në Beograd, Kajli Skot, ka theksuar se Uashingtoni dëshiron që Kosova të heq tarifat për mallrat nga Serbia dhe nga Bosnjë e Hercegovina si kusht për rifillimin e dialogut mes Prishtinës e Beogradit.

Në një intervistë për të përditshmen ‘Kurir’ në fund të mandatit të tij, Skot megjithatë ka rikujtuar se Kosova është shtet i pavarur dhe sovran.

Ambasadori i deritashëm amerikan në Serbi, Kajli Skot, ka shprehur bindjen se emërimi i të dërguarit të posaçëm për Ballkanin Perendimor nga ana e Sekretarit të Shtetit, Majk Pompeo, ka për të qenë një vendim i suksesshëm:

Matthew Palmer ‘e njeh shumë mirë rajonin, Serbinë, por edhe problemin e Kosovës, ndaj mendoj se është person ideal për të kontribuar në normalizimin e marrëdhënieve ndërmjet Serbisë dhe Kosovës”,– transmeton Klan Maqedonia deklaratën e diplomatit amerikan.

Pyetjes se si i komenton zërat se ‘thjesht është e pamundur që një fuqi botërore si Shtetet e Bashkuara të Amerikës, nuk ia doli të gjejë mënyrë për të detyruar pushtetin kosovar të heq tarifat për mallrat serbe, që është dhe pengesa kryesore për vazhdimin e dialogut Beograd-Prishtinë, ambasadori Skot i është përgjigjur duke rikujtuar qëndrimin amerikan se Kosova është një shtet sovran:

“Ata të cilët flasin kështu, thjesht nuk mund ta pranojnë se Kosova është një vend i pavarur dhe sovran. Ne nuk mund ta ‘detyrojmë’ as Kosovën, as Serbinë. Shtetet e Bashkuara të Amerikës janë këtu si partner i cili mbështet procesin e normalizimit të marrëdhënieve midis Beogradit dhe Prishtinës dhe do të bëj çmos që t’ju mundësojë të dyja palëve arritjen e marrëveshjes. Kjo është me interes  për popullin në Serbi dhe në Kosovë, por edhe në interes të të gjithë rajonit, të Bashkimit Evropian dhe të Shteteve të Bashkuara të Amerikës“.

Diplomati amerikan me këtë rast rithekson  mesazhin e Shtëpisë së Bardhë se dëshiron heqjen e tarifave me qëllim të rifillimit të dialogut me Beogradin:

“Tani është me rëndësi që Prishtina të fitojë qeverinë e re, të hiqen tarifat për mallrat nga Serbia dhe Bosnjë e Hercegovina dhe që dialogu të vazhdojë”, ka thënë për portalin serb ‘Kurir’ ambasadori i deritashëm amerikan në Beograd.

190911091156-01-us-china-trade-file-exlarge-169.jpg
ent ela22:15 | 11/09/2019

Kina ka përjashtuar disa kategori produktesh amerikane nga tarifat, një lëvizje kjo që është mirëpritur nga presidenti Donald Trump. Por analistët janë skeptikë se ky gjest i afron palët drejt një marrëveshjeje për t’i dhënë fund luftës tregtare.

Presidenti amerikan Donald Trump mirëpriti të mërkurën vendimin e Kinës për të përjashtuar nga tarifat disa produkte amerikane, mes të cilave ilaçet kundër kancerit. Lëvizja vjen disa ditë përpara një takimi të planifikuar mes delegacioneve të dy vendeve për të ulur tensionet e luftës tregtare.

“Ishte një lëvizje e madhe nga Kina dhe njëkohësisht një gjest pozitiv përpara takimit të negociatorëve tanë në Uashington”, tha Trump për gazetarët në Shtëpinë e Bardhë. Pekini zyrtar njoftoi të mërkurën heqjen e tarifave për 16 produkte amerikane, ku veç ilaçeve për kancerin bëjnë pjesë edhe ingredientët e ushqimeve për kafshët dhe ushqimi me bazë peshku.

“Ata bënë një lëvizje dhe bënë mirë. Mendoj se nuk ishte vetëm një gjest, por një lëvizje e madhe”, vijoi më tej Trump.

Ai tha se shpreson të arrijë një marrëveshje me Kinën pas më shumë se një vit përplasjesh për tarifat, përplasje që kanë tronditur edhe tregjet financiare globale.

“Unë negocioj me ta, i njoh mirë dhe më pëlqejnë. Shpresoj që së bashku të bëjmë diçka”, shtoi Trump. Negociatorët e dy vendeve do të takohen në Uashington në mes të shtatorit, takim ky që do të pasohet nga një tjetër në nivel ministrash në tetor. Sidoqoftë, datat e sakta të takimeve nuk janë publikuar. Disa analistë e shohin lëvizjen e Pekinit si një gjest miqësor, por jo si një sinjal se të dyja palët janë gati për një marrëveshje. /ABC News Albania 24/7

donald-trump-1280x785.jpg
ent ela12:40 | 24/08/2019

Presidenti amerikan Donald Trump ka reaguar dhe njëherë për sa i përket betejës së tarifave me Kinën, duke deklaruar se vendi nuk ka nevojë për Pekinin. Sipas tij Shtetet e Bashkuara të Amerikës kanë humbur miliarda dollarë për faj të Pekinit.

 “Vendi ynë, ka humbur në mënyrë idiote, me mijëra miliardë dollar me Kinën përgjatë shumë viteve. Ata kanë vjedhur pronën tonë intelektuale afërsisht me qindra miliardë dollar në vit dhe duan  të vazhdojnë. Nuk do ta lejoj.” Është kjo deklarata e presidentit amerikan Donald Tramp me anë të një mesazhi në profiling e tij në Tuiter. Ai paralajmëroi tarifa të reja ndaj produkteve kineze duke filluar që nga muaji shtator. “Nuk kemi nevojë për Pekinin, dhe pa të do të jemi shumë më mirë,” shtoi ai.

Rishpërthen në këtë mënyrë beteja e tarifave mes Shteteve të Bashkuara të Amerikës dhe Kinës, duke bërë që ekonomia botërore të shqetësohet. Vendimit të Pekinit për tarifa prej 75 miliard dollarësh për produktet amerikane Donald Trump i përgjigjet me forcë duke deklaruar se do të vendosen tarifa dero në 30 për qind për disa produkte kineze.

Kreu i Shtëpisë së Bardhë urdhëroi gjithashtu sipërmarrjet amerikane që të nisin kërkimet për një alternativë ndaj Kinës.

Ditët e fundit Pekini ka rinovuar ftesën për administratën amerikane për gjetjen e një rruge të mesme për të shmangur një përshkallëzim të ri tensionesh tregtare. /ABC News Albania 24/7

DEMOKRATET-TRUMP.mpg_snapshot_00.00-1-1280x720.jpg
ent ela11:08 | 10/05/2019

Pekini ka reaguar ashpër pas hyrjes në fuqi, mesnatën e të enjtes, së tarifave të reja amerikane për më shumë se 200 miliard dollarë produkte kineze. Ndërkohë në Uashington vijon raundi i 11-të i negociatave mes delegacionit kinez dhe atij amerikan.

Mesnatën e të enjtes në Uashington, kanë hyrë në fuqi tarifat e reja ndaj Kinës: nga 10 në 25 për qind ndaj më shumë se 200 miliard dollarë produkte kineze. Por ndërkohë në Uashington vijojnë negociatat, pavarësisht burimeve pranë dy delegacioneve të cilat konfirmojnë progrese shumë të vogla, gati të pakonsiderueshme. Pekini reagoi menjëherë duke thënë se do të kundërpërgjigjet shumë shpejt.

Ministria kineze e tregtisë në një deklaratë për media u shpreh se do të pritej deri në përfundimin e raundit të 11 të negociatave në Uashington, dhe se kishte ende shpresë që palët të bashkëpunojnë për të zgjidhur problemet ekzistuese.

Zv/kryeministri kinez Liu, i cili drejton dhe delegacionin në Uashington, para nisjes së bisedimeve u shpreh se rritja e tarifave nuk janë zgjidhja e problemit. Ai shtoi se do të fliste sinqerisht dhe synonte t; jepte fund betejës tregtare. Por gjithësesi ai pranoi se kishte problem, por çdo gjë mund të zgjidhet me vullnetin e mirë të palëve, përfundoi ai. / ABC News Albania 24/7

trump-1280x778.jpg
ent ela10:41 | 09/05/2019

Brenda pak orësh, delegacioni kinez i drejtuar nga zv/kryeministri i Kinës, do të jetë në Uashington për një raund të ri negociatash tregtare. Ndërkohë mesnatën e të premtes pritet të hyjnë në fuqi tarifat e reja ndaj produkteve që vijnë nga Kina – në Shtetet e Bashkuara të Amerikës.

Zëvendës kryeministri kinez po udhëton në Shtetet e Bashkuara të Amerikës për të vijuar negociatat tregtare, por Kina e ka shkelur marrëveshjen dhe tani duhet të paguajë. Është kjo deklarata më e fundit e presidentit amerikan Donald Tramp, në Florida. Negociatat tregtare mes Shteteve të Bashkuara të Amerikës dhe Kinës, pritet të rifillojnë orët në vijim, dhe në mesnatën e së premtes parashikohet të hyjnë në fuqi tarifat e reja kundër Pekinit.

Qëndrimi i ashpër i Kinës në marrëveshjet tregtare me Shtetet e Bashkuara të Amerikës, u ndoq nga deklaratat e forta të presidentit amerikan Donald Tramp. Ëoll Street Journal raporton, duke cituar disa burime, se nuk përjashtohet të ketë pasur keqkuptime nga të dyja palët në interpretimin e sinjaleve respektive.

Ndërkohë mediat kineze e cilësojnë Liu He në krye të delegacionit kinez që do të zhvillojë një raund të ri negociatash në Uashington, vetëm në rolin e zëvendëskryeministrit dhe jo në atë të të dërguarit special të Presidentit. /ABC News Albania 24/7

trumpp.jpg
ent ela15:07 | 05/03/2019

Do të ketë tarifa për sa i përket produkteve që hyjnë në territorin amerikan nga India dhe Turqia. Është ky vendimi i presidentit amerikan Donald Tramp, sipas të cilit këto dy vende nuk meritojnë më statusin preferencial.

Presidenti amerikan Trump ka hapur dy fronte të reja lufte tregtare me eliminimin e statusit preferencial që i garantohej Indisë dhe Turqisë duke vendosur tarifa për importet nga këto dy vende. Lajmi është koonfirmuar nga zyra e përfaqësuesit për tregtinë amerikane, me anë të një deklarate për mediat. Uashington vendos të anulojë cilësimin e Indisë dhe Turqisë si dy vende në zhvillim përfitues të termave të preferencës; thënë ndryshe do të vendosen tarifa në disa pordukte të caktuara pasi nuk përmbushin më parametrat. India nuk ka respektuar kushtet e qasjes reciproke, ndërsa Turqia është zhvillluar mjaftueshëm për sa i përket ekonomisë, vijon më tej deklarata. /abcnews.al

SHBA-KINE-TARIFA.mpg_snapshot_00.06-1280x720.jpg
ent ela14:30 | 14/02/2019

Në Shtetet e Bashkuara të Amerikës në 1 mars hyn në fuqi vendimi për vendosjen e tarifave të reja, deri në 200 miliardë dollarë ndaj produkteve që vijnë nga Kina. Por Kreu i Shtëpisë së Bardhë Tramp pritet ta shtyjë dhe për 60 ditë këtë afat.

Presidenti amerikan Donald Tramp po vlerëson hipotezën për të zgjatur dhe për 60 ditë afatin e vendosjes së tarifave të reja prej 200 miliard dollarësh për produktet që vijnë nga Kina. Objektivi është ai i lejimit të negociatave me Pekinin për të arritur rezultatet e pritura. Afati aktual, i vendosur në takimin e atëhershëm mes Tramp dhe homologut kinez Xi Jinping, është fiksuar për në 1 mars

Sekretari Amerikan i Thesarit Stiven Mnuhin, dhe përfaqësuesi për tregtinë Robert Lajtizes, ndodhen në Pekin për raundin e fundit të bisedimeve të nivelit të lartë me delegacionin kinez të drejtuar nga zëvendëskryeministri Liu He.

Qëllimi i takimeve është ai I hartimit të një projekti fillesar marrëveshjeje që do i prezantohet dy presidentëve Trump e Xi. Gjithashtu është parashikuar një takim mes dy liderëve, të cilin Presidenti amerikan dëshiron që të ndodhë sa më shpejt të jetë e mundur. /abcnews.al

MANAS.MPG_snapshot_12.26-1280x720.jpg
ent ela20:08 | 04/02/2019

Ministrja e Shëndetësisë dhe Mbrojtjes Sociale ka siguruar qytetarët se nuk do të ketë rritje të tarifave për shërbimet dentare, pas vendimit të Asamblesë së Urdhrit të Stomatologut. Manastirliu e ftuar në studion e Mbrëmje në ABC News tha se Asambleja e Stomatologut tejkaloi kompetencat.

 “Qëndrimi i Ministrisë së Shëndetësisë është për anulimin edhe mosmarrjen për bazë të këtij vendimi që mund ta prodhojë Urdhri i Stomatologut. Asambleja e Stomatologut i ka tejkaluar kompetencat që i lejon urdhri i stomatologut”.

Ministrja theksoi se janë bërë hapat ligjorë dhe një kërkesë padi për anulimin e këtij vendimi që sipas saj është në kundërshtim me ligjin.

“Ne kemi bërë hapat ligjorë, kemi bërë  kërkesë padi në gjykatë për anulimin e këtij vendimi që nuk gjen zbatim dhe është në kundërshtim me ligjin. Unë siguroj qytetarët që nuk do ketë rritje të tarifave se urdhri i Stomatologogut nuk vendos tarifa për shërbimet që u ofrohen qytetarëve”.

Sipas saj vendimi i Asamblesë për rritjen e tarifave dentare është nul, pasi vendimi nuk është marrë nga komisioni dhe dy anëtarët e Ministrisë së Shëndetësisë në Këshillin Kombëtar të dentistëve, votuan kundër.

“Dy anëtarët e Ministrisë së Shëndetësisë në Këshillin Kombëtar të dentistëve, votuan kundër, i cili nuk është refklektuar në votën e procesverbalit. Procesverbali do paraqitet në gjykatë se ne kemi bërë padi për tejkalim kompetencash, se vendimi nuk është marrë nga komisioni, por nga asambleja. Nuk preken tarifat. Ky vendim është nul”. /abcnews.al

BESA-SINKRON-ABCM3T1.mpg_snapshot_00.04-1280x720.jpg
ent ela15:45 | 14/01/2019

54 punonjës të Ministrisë së Arsimit janë shpërndarë nëpër fakultete për të sqaruar studentët rreth vendimeve të marra nga qeveria në muajin dhjetor.  Zëvendësministrja e Arsimit Besa Shahini në një deklaratë për mediat, i bëri thirrje studentëve që për çdo paqartësi t’i drejtohen sekretarive mësimore.

“Për çdo paqartësi në sekretariatet e universiteteve keni punonjësit e Ministrisë, drejtohuni te ata dhe ata do t’ju japin përgjigje dhe do t’ju qartësojnë. Aplikimi i VKM që kanë efekt financiar dhe që ju prekin te tarfiat dhe bursat zbatohet nga universiteti. Qeveria ndan fondin ku trajtohen të gjithë kategoritë e studentëve, por aplikimi, detajimi i listave të studentëve, identifikimi i studentëve dhe kalkulimi i notës mesatre bëhet nga universitetet”. /abcnews.al

rama-1-1280x615.jpg
ent ela12:13 | 26/12/2018

Nga janari qeveria do të financojë nga buxheti i shtetit 100% të tarifes për disa kategori studentësh në nivelin Bachelor. Për to do të japë edhe bursë 10 mijë lekë. Për gjithë studentët e tjerë të bachelorit, qeveria do të subvencionoje gjysmën e tarifës së studimit. Përgjysmim të tarifës do të kenë edhe disa kategori të masterit.

“Studentët nga familje në ndihme ekonomike, si edhe të verbrit dhe studentët paraplegjikë e tetraplegjikë, përfitojnë financimin 100% të tarifës së regjistrimit. Studentët nga familje me ndihmë ekonomike, të verbër, paraplegjikë e tetraplegjikë përfitojnë bursë 10.000 lekë në muaj”.

Është ky vendimi i qeverisë i marrë sot dhe i bërë publik nga vetë kryeministri Rama. Në konferencën për shtyp, kreu i qeverisë tha se është e domosdoshme për të maksimizuar potencialin e krijuar nga protesta dhe për ta futur universitetin në një fazë të dytë të një reforme transformuese që jo vetëm duhet të zbrapset, por edhe të thellohet.

“Studentët me notë mesatare mbi 9, në çdo program studimi, përfitojnë financimin 100% të tarifës së regjistrimit, nga tarifë e plotë që paguanin përpara këtij vendimi.

Studentët me notë mesatare mbi 9, në çdo program studimi, përfitojnë bursë 10.000 lekë në muaj, ndërkohë që kjo masë ishte në nivelin 8,100 lekë dhe vetëm për studentët me mesatare 10.00.

Të gjithë studentët e tjerë përfitojnë financimin 50% të tarifës së regjistrimit, me pranimin në universitet, të cilët deri përpara këtij vendimi paguanin tarifën e plotë të regjistrimit.

Studentët e humbasin këtë mundësi nëse nuk mbajnë gjatë studimit një mesatare mbi 6 në vitet pasardhëse”.

 Ram theksoi se mesin e muajit të ardhshëm do të bëhet publik pakti për universitetin.

Punësim i studentëve më të mirë në administratë

Një tjetër vendim i qeverisë është edhe punësimi i studentëve më të mirë në administratën publike. Pa konkurs, por me kreditet e arritjeve në universitet, studentët më të mirë, ata që do mbarojnë do kenë zgjehdjen e parë, të dyttë ata nga universitete publike dhe të tretët ata nga universitetet private.

“Kemi vendosur sot që të gjitha vendet në administratën publike të jenë në dispozicion të studentëve më të mirë. Është vendim i Këshillit të Ministrave për punësimin e studentëve më të mirë në institucionin e administratës shtetërore, sepse sot kanë një pengesë që s’kanë eksperiencë. Pa konkurs por me kreditet e arritjeve në universitet, studentët më të mirë, ata që do mbarojnë, ata që janë jashtë dhe sistemi i zgjedhjes do fillojë nga lart poshtë.

Ekselentët që kanë studiuar jashtë kanë zgjedhjen e parë, në universitetin publik të dytën dhe të tretën ata që janë në privat.

Hipoteka, ALUIZNI në adiminsutarën jopublike do jenë në dispozicion të më të mirëve, do të jenë zgjedhje individuale me çfarë ke në bankën e dijes dhe askush as ministra, as drejtorë as pareli nuk kanë mundësi të ndërhyjnë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono