TAP

damian-gjiknuri.jpg
G. P.11:33 | 12/06/2018

Kompania shtetërore shqiptare e gazit “Albgaz” dhe ajo italiane “SNAM” firmosën në Tiranë marrëveshjen e krijimit të një shoqërie të përbashkët, e cila do të ketë si qëllim mirëmbajtjen e tubacionit të gazsjellësit TAP për pjesën që kalon në territorin e Shqipërisë.

Kjo marrëveshje erdhi pas një negociate të hapur dhe intensive, por sipas ministrit Damian Gjiknuri, përzgjedhja e kompanisë italiane është e merituar. “SNAM” është një nga operatorët shumë të rëndësishëm evropiane të gazit natyror. Brenda vitit 2019 pritet të përmbyllen edhe rekrutimet e punonjësve dhe trajnimet e tyre në Itali e në Shqipëri./abcnews.al

ITALIA-PER-ANULLIMIN-E-TAP-1280x720.jpg
ent ela15:43 | 08/06/2018

Gazsjellësi Tap shihet si një vepër e padobishme për Italinë prandaj ky projekt do të rishikohet. Deklaratën e ka bërë ministri i mjedisit Sergio Costa. Vendimi i qeverisë së re italiane pritet të shkaktojë reagime të shumta nga Brukseli, ndërkohë që mund të interpretohet edhe si një lëvizje në favor të Moskës zyrtare nga Roma.

Qeveria e re e Italisë në shqyrtim të tubacionit të gazsjellësit  TAP. Është ky titulli i artikullit ekskluziv të agjencisë së lajmeve Reuters sipas të cilës Ministri i ri i mjedisit në qeverinë italiane Sergio Costa ka deklaruar se Tap është një projekt i padobishëm dhe ne do ta rishikojmë atë.

“Duke pasur parasysh politikën tonë për  energjisë, duke pasur parasysh kërkesën në rënie të gazit, ky projekt sot duket i pakuptimtë”

Këtë deklaratë të ministrit që vjen nga rradhët e 5 yjeve, nuk ka pranuar ta komentojë Konsorciumi TAP- shkruan agjencia Reuters sipas të cilës nuk është e qartë nëse komentet e ministrit do të përkthehen në veprim. Costa tha se për çdo vendim mbi të ardhmen e TAP do të përfshinte edhe ministra të tjerë. Politikat mjedisore të Lëvizjes me 5 yje janë më radikale se sa partneri i saj i koalicionit, Liga e Djathtë. Palët kanë thënë se do të formojnë një komitet të posaçëm për të zgjidhur çdo dallim mes tyre për “realizimin dhe përfundimin e punëve publike me rëndësi kombëtare”. Italia, e cila importon më shumë se 90 për qind të nevojave të saj, ka kontrata kryesore të gazit me Rusinë, Libinë, Algjerinë dhe Hollandën dhe qeveritë e mëparshme kanë kërkuar të krijojnë një shpërndarës europian të gazit.

Italia është në fund të Korridorit të Gazit Jugor, një tubacion që merr gaz nga Azia qendrore në Evropën perëndimore. Ky është një gur themeli i politikës së Bashkimit Evropian për sigurinë e energjisë që synon të largojë bllokun nga furnizimet me gaz rus. Vendimi i qeverisë së re italiane pritet të shkaktojë reagime të shumta nga Brukseli, ndërkohë që mund të interpretohet edhe si një lëvizje në favor të Moskës zyrtare nga Roma. /abcnews.al

 

 

GJIKNURI-TAP-1280x720.jpg
ent ela12:13 | 22/04/2018

Ministri i Infrastrukturës dhe energjisë Damian Gjiknuri ka inspektuar punimet e kryera nga gazësjellësi TAP në rrugën që lidh Fierin me Plazhin e Semanit. Pjesë e paketës së investimeve të kësaj kompanie janë edhe shkolla dhe ujësjellës.

Punimet që po kryhen nga gazësjellësi Trans Adriatik, TAP në asfaltimin e segmentit që lidh Fierin me plazhin ë Semanit, u inspektuan nga ministri i infrastrukturës dhe Energjisë, Damian Gjiknuri. Si njofton zyra e mendias pranë këtij dikasteri, rruga përshkohet nga banorët e më shumë se 14 fshatrave dhe do të lehtësojë edhe lëvizjen e turistëve drejt Parkut Arkeologjik të Apolinisë.

“Dua ta falenderoj kompaninë pasi kjo ishte përtej investimeve të planifikuara. Nga ana tjetër, dua të theksoj se në këtë zonë është investuar në shumë rrugë aksesi që kompania TAP ka bërë për gjithë zonën e Semanit”.

Investimet e TAP, thekson ministri, nuk janë vetëm në rrugë, por edhe në ujësjellësa dhe shkolla.

“Ne po punojmë me kompaninë edhe për një investim tjetër të mundshëm në një nga nënstacionet elektrike përfshirë dhe linjën 35 kilovolt e cila furnizon hidrovorin, por përmirëson dhe furnizimin me energji elektrike. Këto janë pjesë të paketës së negociuar me shoqërinë TAP e cila ka qenë shumë e gatshme për të adresuar shumë nga problemet sociale të kësaj zone”.

Në rang vendi, gjatë fazës së parë të rehabilitimit të rrugëve dhe urave ndihmëse në Shqipëri, TAP rehabilitoi afërsisht 58 km rrugë, ndërtoi dy ura të reja dhe përmirësoi 40 ura ekzistuese. Ndërsa nga faza e dytë rreth 87% e punimeve për përmirësimin e 120 km infrastrukturë rrugore kanë përfunduar. /abcnews.al

ilir-meta.jpg
G. P.14:41 | 16/04/2018

Mineralet dhe lëndët djegëse përbëjne rreth 20% të eksporteve shqiptare. Arsye kjo që Presidenti i Republikës, Ilir Meta vlerëson si shumë të rëndësishme menaxhimin racional dhe efiçent të pasurive natyrore dhe nëntokësore.

Në kuadër të javës botërore të inovacionit dhe krijimtarisë, kreu i shtetit vizitoi Fakultetin e Gjeologji Minierave në Universitetin Politeknik të Tiranës, ku bashkëbisedoi me pedagogë dhe studentë. Kreu i shteti nënvizoi rëndësinë madhore që projekti i gazsjellësit TAP ka jo vetëm për gazifikimin e vendit, por edhe për fuqizimin e rolit gjeostrategjik të Shqipërisë në rajon.

Ndërkohë, Presidenti vlerësoi kontributet e këtij fakulteti për përgatitjen e specialistëve dhe theksoi se meriton një vëmendje dhe mbështetje më të madhe në përmirësimin e infrastrukturës akademike, përditësimin e kurrikulave dhe nxitjen e kërkimit shkencor./abcnews.al

erion-veliaj-123-1280x654.jpg
G. P.15:05 | 17/03/2018

Aksionit për mbjelljen e pemëve në kryqyetet iu bashkuan dhe përfaqësues të Gazsjellësit Trans-Adriatik. Ditën e sotme u mbollën 1000 pemë selvi përgjatë segmentit lindor të Unazës së Madhe.

Kreu i Bashkisë së Tiranës, Erion Veliaj, falenderoi TAP-in për pemët e dhuruara dhe theksoi se kjo është mënyra më e mirë se si kompanitë private mund të shprehin përgjegjësinë e tyre sociale ndaj qytetit.

“Sapo kemi kaluar 95 mijë pemë të mbjella dhe jemi shumë afër qëllimit tonë kryesor, që në datën 21 Mars jo vetëm të kapim 100 mijëshen, por edhe ta kalojmë atë shifër. Me miq si TAP-i besoj se do t’ia arrijmë dhe do dalim faqebardhë në këtë nismë. Në fund të ditës, kjo është gjurma që lë secili prej nesh”, u shpreh Veliaj./abcnews.al

vlcsnap-error718.jpg
us er11:08 | 06/11/2017

Banorët bllokuan sërish rrugën Dërmenas- Fier, duke protestuar ndaj punimeve të TAP. Sipas tyre rruga është shkatërruar e gjitha nga mjetet e tonazhit të rëndë.  Ata kërkojnë që TAP dhe Bashkia të çoi segmentin në gjendjen e mëparshme. Bëhet fjalë për rrugën që përshkon dhjetra fshatra në zonën  bregdetare.  Por zyrtarë të kompanisë TAP përsëritën  qëndrimin, duke sqaruar se deri në përfundim të punimeve nuk do të ketë rikonstruksion të plotë, por vetëm mirëmbajtje të rrugës. Kjo sepse sa kohë që mjetet e tonazhdit të rëndë do ta përshkuajnë këtë segment gjëndja do të jetë e njëjtë./ABC NEWS


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono