talat xhaferi

INTERVISTE-TALAT-XHAFERRI-KLAN-MAQEDONI-1280x720.jpg
ent ela17:33 | 06/05/2019

Në një intervistë eskluzive për Klan Maqedonia, kryetari i Kuvendit Talat Xhaferri, ka bërë analizën e tij për zgjedhjet presidenciale në Maqedoninë e veriut, si dhe për fitoren e Pendarovskit.

Kryetari i Kuvendit në Maqedoninë e Veriut ka uruar qytetarët për pjesëmarrjen në votime dhe mbarëvajtjen e procesit zgjedhor në balotazhin e së dielës. Talat Xhaferi ka uruar dhe fituesin, kreun e ri të shtetit Pendarovskin.

Ai gjithashtu ka hedhur poshtë akuzat e opozitës në vend sipas të cilës i gjithë procesi i votimit ka qenë i manipuluar.

“Me rëndësi është vlerësimi i gjithë autoriteteve mbikëqyrëse që kanë patur kompetenca për mbikëqyrjen e procesit dhe vlerësimi paraprak i tyre është që procesi zgjedhor nuk ka parregullsi të theksuara në proces, përjashtuar disa raste individuale të tentimit për fotografim apo për ndikim në vendvotime dhe për këtë arsye nuk besoj se i gjithë procesi korrespondon me konstatimin e opozitës”, tha Xhaferi.

Xhaferi komentoi gjithashtu dhe pjesëmarrjen e tij në fushatën elektorale para balotazhit të së dielës.

“Kyçja ime ka të bëjë me ndjesinë e përgjegjësisë me procesin në përgjegjësi, për faktin se përfolej se po bëhe lojë të dyfishtë, gjoja ma justifikimin se do jem mbartës i dy funksioneve. Mendoj që procesit i nevojitej paraqitja ime publike dhe apeli im publik”, tha ai.

Votat e shqiptarëve në Maqedoninë e Veriut ishin shumë të rëndësishme si për rezultatin, por dhe për arritjen e përqindjes së domsodoshmë së pjesëmarrjes në votime.

“Gatishmëria e shqiptarëve në vendvotimet e tyre ka qenë vendosëse edhe në përmbushje të censusit, por edhe për caktimin e fituesit”, tha Xhaferi.

Pyetjes se si e sheh situatën në parlament në lidhje me një opozitë tashmë të fortë në vend dhe synimit të vendit për integrim në Bashkimin Europian, Xhaferi theksoi se si kryetar i parlamentit të vendit e ka dëshmuar se është I gatshëm me këdo palë që të jenë në opozitë.

“Parimi i bashkëpunimit të mazhorancës, me opozitën, është parim kryesor në demokracitë parlamentare. Unë si kryetar parlamenti dhe parlamentin në këtë përbërje ka vërtetuar faktin që bashkëpunbimi me opozitën, cilido qoftë nuk ka munguar dhe nuk do mungojë për faktin se obligim të përgjithshëm kemi procesin integrues të vendit”, tha Xhaferi.

Tashmë që Ivanov nuk do të jetë më në krye të shtetit, a do të jetë më e lehtë detyra në të ardhmen për kryetarin e parlamentit? Si do të sigurohen 2/3 e votave që aktualisht kërkojnë dhe mbështetjen e opozitës.

“Çështja e bashkëpunimit nuk ka të bëjë me problemet e mia, për faktin që unë si kryetar parlamenti nuk kam pasur problem komunikimi me kryetarin e shtetit. Problem ka qenë mos respektimi i Kushtetutës nga ana e kryetarit në ikje, i cili nuk dekretonte ligjet e parlamentit. Besoj që kjo praktikë nuk do vazhdojë me presidentin e ri, për faktin që ka qenë edhe i mbështetur nga mazhoranca në përgjithësi. Besoj se presidenti i ri ka koncept tjetër aderues”, tha Xhaferi./ABC News Albania 24/7

talat-xhaferi.jpg
G. P.17:16 | 02/04/2019

Kryetari i Kuvendit të Maqedonisë së Veriut, Talat Xhaferi ,deklaroi se zgjedhjet presidenciale të 21 Prillit do të jenë një sfidë për pjekurinë e kandidatëve dhe të forcave politike. Ai në një intervistë për Televizionin Klan Maqedoni tha se për shkak të postit që mban, nuk ka nuk do të jetë e kësaj fushate elektorale.

Kreu i Kuvendit, Talat Xhaferi, tha të hënën për Televizionin Klan se mbarëvajtja e procesit zgjedhor do të jetë në funksion të përshpejtimit të aderimit në familjen evropiane.

“Kanë peshë dhe rëndësi të veçantë këto zgjedhje për faktin se sugjerohet dhe është kërkesë e Uniponit Europian që zgjedhjet të jenë të lira, të ranueshme nga të gjithë, të drejat dhe të mundet të poentohet edhe një segment i asaj çka është rrugëtimi ynë për aderim në Unionin evropian”, tha ai.

I pyetur se a mendon që mund të damkosin procesin zgjedhor qëndrimet katërcipërisht të kundërta të kandidatëve lidhur me proceset që çuan shkurtimin e rrugëtimit drejt NATO-s e BE-së, Xhaferi tha se pret që zgjedhjet, përkundër dallimeve, të jenë konform standardeve ndërkombëtare.

“Në sistemet demokratike shumë partiake të ketë kandidatë më tepër dhe normale është të mos jenë i të njëjtit qëndrim. Por mbi të gjitha mendoj se kandidatë do t’i përmbahen kodeksit të cilën ditën e djeshme e kanë nënshkruar për fushatën me të cilën do paraqitetn para qytetarëve”, tha kreu i Kuvendit.

Numri një i kësaj legjislature parlamentare, ka komentuar edhe mundësinë që në raundin e dytë të mos arrihet censusi prej 40 për qind i daljes së qytetarëve në vendvotime. Në këtë rast, shpjegon ai, ndodh përsëritja e gjithë procesit zgjedhor, ndërsa konform Kushtetutës, është kryeparlamentari, ai që përkohësisht merr timonin e shtetit.

“Në situata kur nuk ka kryetar shteti më 5 Maj, detyrën e tij e ushtron kryetari i Parlamentit për aq kohë sa duhet të zgjasë procedura e rizgjedhjes së kryetarit të ri”, tha ai.

Duke komentuar përplasjen në distancë me ministren e Drejtësisë për mundësinë e mbledhjes së Kuvendit, në rast të arritjes së pëlqimit për ligjin e debatueshëm për Prokurorinë Publike, Xhaferi ritheksoi se do të mundohet të ndjekë praktikën e deritashme që të mos ketë seancë, për shkak të, siç tha, bartjes së fushatës në parlament.

“Kjo është çështje e praktikave paraprake. Janë situata që Kushtetuta sanksionon që parlamenti është në seancë ë pandërpre, në kuptimin e asaj çka janë kompetencat e parlamentit për situata emergjente, urgjente. Është bërë praktikë që në fushatë parazgjedhore 20 ditë të mos bëhet parlament që fushata mos të mbartet në parlament”, tha Xhaferi.

Kryetari i Kuvendit bëri publik vendimin e tij se për shkak të postit që ushtron, për shkak se nga momenti i ardhjes në ballë të parlamentit i ka pushuar aktivitetet partiake, nuk do to jetë pjesë e kësaj fushate presidenciale./abcnews.al

macedonia-1280x715.jpg
G. P.17:55 | 28/03/2019

Kryeministri Zoran Zaev dhe ministrja e Drejtësisë, Renata Deskoska, kanë vazhduar takimet me partitë politike për të arritur shumicën e dy të tretave të votave në parlamentin e Maqedonisë së Veriut për ligjin me të cilin duhet të zgjidhet statusi i Prokurorisë Speciale.

Partitë opozitare shqiptare ASH-ja dhe BESA në takimin në Kuvend me Kryeministrin Zaev dhe ministren e Drejtësisë, Renata Deskoska, kanë shprehur përkrahje për PSP-në si organ i posaçëm në kuadër të Pokurorisë Publike që do të ketë kompetenca efikase, ka theksuar ministrja Deskoska.

Renata Deskoska: “Në përgjithësi nga takimi i sotëm është edhe përkrahja për PSP-në si organ që do të ketë kompetenca efikase dhe që do të jetë një prokurori e veçantë që në fakt është edhe pjesë e ligjit të tashëm. Në pjesën e mënyrës së shfrytëzimit të xhirimeve si dëshmi do të ketë konsultime shtesë”.

“Po, përkrahje PSP-së, por ajo duhet t’i dëshmoj opinionit se vërtet janë të interesuar për të luftuar krimin dhe korrupsionin që kanë ndodhur në të kaluarën, por që po ndodhin edhe tani”. Kështu është shprehur kreu i Aleancës për Shqiptarët Ziadin Sela, pas takimit me kryeministrin Zoran Zaev dhe ministren e Drejtësisë Renata Deskoska, lidhur me propozim ligjin e Prokurorisë së Përgjithshme, e propozuar nga Qeveria, në të cilën do të inkorporohet edhe PSP-ja.

Ziadin Sela, kryetar i ASH-së: Vlerësojmë se ky trup akoma nuk e ka kryer detyrën për të cilën u themelua dhe i njëjti duhet të vazhdojë me ndryshimet e ligjit duke u zgjatur afatet në pafundësi të funksionojë si organ brenda sistemit të drejtësisë së vendit të paktën deri në përmbylljen e detyrës për të cilën është themeluar.

Kryeparlamentari Talat Xhaferi ka bërë me dije se gjatë fushatës zgjedhore Kuvendi nuk do të zhvillojë punime, duke ju bërë thirrje pjesëmarrësve në zgjedhjet presidenciale që të demostrojnë fushatë demokratike.

Talat Xhaferi: Apeloj që qytetarët të shfrytëzojnë të drejtën e tyre të mund të zgjedhin dhe të dalin në votimet e tyre. Apel deri te pjesëmarrësit apo ata që janë përkrahës të kandidatëve në fushatë që të mbajnë llogari për nivelin dhe kulturën politike të komunikimit të sjellë së pari mes vetë subjekteve politike dhe në relacion të komunikimit të tyre me qytetarët.

Ndërkohë  edhe Zyra e Bashkimit Evropian në Shkup  i inkurajon të gjithë deputetët e Kuvendit ta përkrahin miratimin e ligjit për PSP-në. Për sot pasdite është caktuar edhe një takim mes grupeve të punës së shumicës dhe opozitës ku do të diskutohen amendamentet e VMRO-DPMNE-së rreth Ligjit për Prokurorinë Publike ku duhet të zgjidhet edhe statusi i ardhshëm i PSP-së./abcnews.al

xhaferi.png
G. P.11:36 | 02/03/2019

Është shoqëruar me tensione dhe me përleshje fizike, miratimi i protokollit për anëtarësimin e Maqedonisë së Veriut në NATO në parlamentin e Malit të Zi. Deputetët serbë u munduan të sulmojnë kreun e parlamentit të Maqedonisë së Veriut, Xhaferi.

Deputetët malazezë të premten miratuan protokollin për pranimin e Maqedonisë veriore në NATO, por gjatë seancës situata ishte shumë e tensionuar. Deputetët serbë votuan kundër dhe u treguan shumë agresivë për shkak të pranisë në sallën e Kuvendit, të kryetarit të parlamentit të Maqedonisë Veriore, Talat Xhaferi.

Një nga deputet serbë u shpreh se ai ishte një oficer shqiptar, i cili ka luftuar kundër serbëve. Pak moment më vonë situata degjeneroi në përleshje fizike pasi një deputet i partisë serbe, Milan Knezeviç, u ngrit nga vendi për të sulmuar fizikisht deputetin malazez Miodrag Vukoviç nga DPS.

Pas qetësimit të situatës dhe miratimit të protokollit, Xhaferi është ngritur duke duartrokitur dhe falenderoi deputetët që votuan pro./abcnews.al

talat-xhaferr.jpg
G. P.17:23 | 25/12/2018

Kryetari i Kuvendit të Maqedonisë, Talat Xhaferi, u shpreh i bindur se çështja e ndryshimeve kushtetuese lidhur me marrëveshjen me Greqinë do të mbyllet në mes të muajit janar. Sipas tij kjo do të hapë mundësinë që ligji për ratifikimin e Marrëveshjes së Prespës dhe për përdorimin e gjuhëve, të dërgohen në Gazetën Zyrtare pa nënshkrimin e presidentit Ivanov.


Ligji për shqipen dhe Marrëveshja e Prespës do të shpallen në Gazetën Zyrtare, me ose pa nënshkrimin e Ivanovit, e kur kjo do të ndodhë, është vendim që do ta marrë unë, thotë kryeparlamentari, Talat Xhaferi. Talat Xhaferi, Kryetar i Kuvendit Nuk kam nevojë të flasë për asgjë me Ivanovin. Ai ka obligim kushtetues që të firmosë marreveshjen dhe ligjin, por nuk do të pres presidentin e ri për t’i publikuar në Gazetën Zyrtare. Lidhur me ndryshimet kushtetuese, pret që procedura të përfundojë deri më 15 Janar.

Talat Xhaferi, kryetar i Kuvendit Maqedoni: “Seanca është e revokuar në 9 janar dhe unë shpresoj që sipas dinamikës të mbarojë shpejt. Supozimet janë se maksimum deri në 15 janar mbyllet, por nuk do të thotë që do të zgjasi deri me 15 janar. Maskimalisht mund të zgjasë deri 12 ditë sipas rregullave, por nuk besoj se do të harxhohet i ggjithë afati maksimal i debatit. Për këtë arsye mendoj se edhe para datës 15 të përmbyllet votimi i amendamenteve dhe votimi përfundimtar i tyre.”

Xhaferi sot organizoi mengjesin e fundvitit për gazetarët, e vitin që po lëmë pas e konsideroi si të suksesshëm për institucionin që ai e udhëheq./abcnews.al

XHAFERI-PAJTIMI-ABC-M5-T2.mpg_snapshot_00.28-1280x720.jpg
G. P.20:43 | 25/10/2018

Kryetari i Kuvendit të Maqedonisë, Talat Xhaferi ka deklaruar se opozita ka shprehur pak interes për mundësinë e pajtimit politik lidhur me ngjarjet e 27 prillit. Sa i takon presidentit Ivanov, Xhaferi ka nënvizuar se mund të fillojnë procedurat e shkarkimit, por gjithçka varet nga qëndrimi i 8 deputetëve që dhanë votat për ndryshimet kushtetuese.

Tani për tani nuk ka shumë informacione rreth njërës prej kërkesave të grupit të tetë deputetëve nga radhët e opozitës për formimin e trupit për pajtim politik në Parlament, thotë kryetari i Kuvendit Talat Xhaferi, i cili shton se është e qartë që VMRO-DPMNE-ja nuk është e interesuar për këtë.

Talat Xhaferi: “I qartë është përcaktimi se ata nuk janë të interesuar për pajtim të përgjithshëm mes deputetëve e kjo do të reflektohej edhe mes qytetarëve si përkrahës të partive politike”.

Kryetari i Kuvendit pret që iniciuesit t’i japin më shumë detaje për idenë e tyre.

“Pres që deputetët që qëndrojnë pas kësaj ideje të inicojnë dhe një takim përkatës për këtë ide.”.

Për dorëzimin eventual të propozim-ligjit për amnisti nga ana e VMRO-DPMNE-së lidhur me ngjarjet e 27 prillit kryetari i Kuvendit thotë se deputetët kanë të drejtë ta dorëzojnë, por edhe të sqarojnë se çka do të donin të arrijnë me një akt të tillë dhe cilat do të ishin pasojat për imazhin e Kuvendit. Kryepralamentari Talat Xhaferi lidhur me mundësinë për shkarkimin e presidentit të vendit ka theksuar se mund të inicohet impiçmenti, por fillimisht duhet parë disponimi i deputetëve opozitar të cilët votuan për nismën e ndryshimeve kushtetuese./abcnews.al

talat-xhaferi.png
G. P.16:40 | 18/10/2018

Kryetari i Kuvendit të Maqedonisë, Talat Xhaferi në emision “Klan Debat” të Klan Maqedonia tha se dorëheqja e ministrit të Jashtëm grek nuk ndikon në marrëveshjen për emrin. Ai nënvizoi se zgjedhjet e parakohshme nuk janë zgjidhje për vendin.

Kryetari i Kuvendit i Maqedonisë, Talat Xhaferi, në emisionin “Klan Debat” ka folur për situatën në Kuvendin e Maqedonisë, ku pritet të votohen ndryshimet kushtutese. Ai është optimist se palët do të gjejnë gjuhë të përbashkët. Xhaferi ka komentuar edhe dorëheqjen e shefit të diplomatit grek Nikos Kotzias.

Kryetari i Kuvendit i Maqedonisë, Talat Xhaferi, nuk pret që dorëheqja e shefit të diplomacisë greke, Nikos Kotzias, mund të ketë ndikim në marrëveshjen e arritur mes Shkupit dhe Athinës zyrtare lidhur me emrin e Maqedonisë.

“Ministri i Punëve të Jashtme ka dhënë dorëheqje për aspektin e qasjes që ka pasur brenda qeverisë me pjesën opozitare, bile edhe me pjesën e koalicionit që janë brenda për brenda qeverisë. Nënkuptohet se të dy palët kanë bërë kompromis për diçka dhe vlerësimi është që askush nuk mundet për një periudhë goxha të gjatë të vijë në një marrëveshje të re të mundshme dhe të pretendojë që do jetë edhe më e mira”.

Duke folur për tensionet në parlament mes mazhorancës dhe opozitës, kryeparlamentari Xhaferi u shpreh, se është optimist se palët do të gjejnë gjuhë të përbashkët. Sipas tij, zgjedhjet e parakohshme nuk janë zgjidhje./abcnews.al

REFERENDUMI-QEVERIA.mpg_snapshot_00.16-1280x720.jpg
G. P.21:42 | 08/10/2018

Qeveria e Maqedonisë ka vendosur të hënën të dërgojë në Kuvend ndryshimet kushtetuese që rrjedhin nga marrëveshja me Greqinë. Me qëllim miratimin e tyre, ambasadorët e Perëndimit të akredituar në Shkup kanë mbajtur kontakte me klasën politike maqedonase.

Qeveria e Maqedonisë në një seancë të jashtëzakonshme mori vendim që ta dërgojë në Kuvend propozimin për fillimin e ndrshimeve kushtetuese. Zëdhënësi I qeverisë Mile Boshnjakovski ka theksuar se pret që nesër Kuvendi të fillojë me punë.

“Tani të gjithë anëtarët e Parlamentit, të gjithë deputetët, pa marrë parasysh përkatësinë partiake, kanë mundësinë historike dhe detyrim para qytetarëve të sigurojnë rrugën e Maqedonisë drejt stabilitetit, sigurisë dhe prosperitetit ekonomik”.

Zëdhënësi qeveritar Mile Boshnjakovski tha se Propozimet kanë të bëjnë me katër ndryshimet kyçe.

“Vendosjen e prapashtesës “e Veriut” në emrin e Republikës së Maqedonisë, ndryshime në preambulën e Kushtetuës, në nenin 3 të saj është rregulluar se territori i Maqedonisë është i pandashëm”.

Nga Kabineti i Kryeparlamentarit Talat Xhaferi thonë se seanca e Komisionit për Çështje kushtetuese dhe seanca plenare për ndryshime kushtetuese do të thirren menjëherë pasi që propozimi të arrijë në arkivën e parlamentit, kurse siç thuhet pritet të bëhet nesër paradite. Burime të TV Klan Maqedoni kanë konfirmuar se edhe sot ka pasur përpjekje intensive të diplomatëve më të autoritetshëm të akredituar në Shkup në mënyrë që të bindin grupimet kryesore politike në vend që të arrijnë konsensus për një zgjidhje kompromise që nënkupton, para së gjithash, miratimin e ndryshimeve kushtetuese me të cilat i hapet rrugë integrimit të vendit në NATO dhe BE.

Si mundësi drejt kompromisit në tavolinën e bisedimeve mësohet të jetë hedhur edhe mundësia e një amnistie për autorët, emrat e të cilëve ishin lakuar në megaskandalin e përgjimeve para tre vjetësh. Mirëpo, për këtë hë për hë, thonë burimet e televizionit tonë, nuk ka ndonjë lëvizje serioze./abcnews.al

kadri-veseli-1280x857.jpg
G. P.20:35 | 27/09/2018

Kryetari i Kuvendit të Maqedonisë Talat Xhaferi dhe kryeparlamentari i Kosovës, Kadri Veseli kanë dalë në konferencë të përbashkët për shtyp, pas përfundimit të takimit të tyre në Shkup. Xhaferi deklaroi se Kuvendi i Maqedonisë ka formuar një Grup Parlamentar, për bashkëpunim me Kuvendin e Kosovës. Ai shtoi se Maqedonia përshëndet marrëveshjet e arritura në mes Prishtinës dhe Beogradit.

Nga ana e tij Kryetari i parlamentit të Kosovës Veseli, e cilësoi Maqedoninë vend fqinj e mik, që respekton sovranitetin e qytetarëve të saj.
Ndërsa në lidhje me referendumin e së dielës, ai theksoi se cilido qoftë vullneti i qytetarëve të Maqedonisë për emrin, Kosova do ta respektojë./abcnews.al

Talat-Xhaferi-750x430.jpg
G. P.14:35 | 05/09/2018

Në rast të dështimit të referendumit të 30 Shtatorit për çështjen e emrit në Maqedoni, vendimi do të merret nga institucionet. Deklarata u bë në një intervistë për mediat vendase nga kryetari i parlamentit Talat Xhaferi.

Kryetari i parlamentit të Maqedonisë, Talat Xhaferi, u shpreh i bindur se shumica e qytetarëve do ta mbështesin referendumin e 30 Shtatorit dhe i bëri apel opozitës që të sillet me përgjegjshmëri.

I pyetur se çfarë do të ndodhë nëse nuk arrihet pjesëmarrja e nevojshme në referendum, Xhaferi u shpreh se në rast dështimi, çështja do të kalojë në duart e institucioneve.

Ai theksoi se në një rast dështimi atëherë do të ishte e qartë se qytetarët kanë abstenuar nga e drejta për të marrë përgjegjësi vendimmarrëse.

Duke i lënë në këtë mënyrë vendin institucioneve që kanë zgjedhur që të vazhdojnë me proceset e radhës për këtë çështje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono