taksisti

vlcsnap-error777-2-1280x720.jpg
ad min10:52 | 24/12/2017

Një taksist është marrë peng dhe është dhunuar nga persona që ende nuk janë identifikuar. Sipas policisë, Bujar Elezi 48 vjeç nga Durrësi, mori në taksinë e tij dy pasagjerë durrsakë për ti çuar në Vlorë. Por në afërsi të rrugës Levan-Fier ata e kanë dhunuar fizikisht dhe e kanë futur në bagazh të mjetit. Autorët e kanë zbritur dhe lënë në rrugë midis fshatrave të Kërkovës dhe Bunavisë dhe janë larguar bashkë me mjetin tip Benz. Bujar Elezi u dërgua në spital dhe ndodhet jashtë rrezikut për jetën. Prej mbrëmjes së djeshme janë organizuar shërbimet policore dhe janë ngritur pika të shumta kontrolli me qëllim kapjen e autorëve./abcnews.al

vlcsnap-error316-1280x720.jpg
ad min11:29 | 20/12/2017

Zbardhet ngjarja e ndodhur mbrëmjen e së martës në Himarë, ku mbeti i plagosur një shofer taksie. Sipas njoftimit të policisë dy personat tashmë të identifikuar, e kanë plagosur me armë imituese shoferin, pasi ai refuzoi të devijonte rrugë.

“Dy autorët, tashmë të identifikuar nga Policia, konkretisht, shtetasit K.B., dhe G.Ç., të cilët ishin pasagjer në mjetin taksi me drejtues shtetasin B.G., dhe udhëtonin në aksin rrugor Himarë-Palasë, në momentin që kanë vënë re një pikë kontrolli të ngritur nga Policia në vendin e quajtur ”Ura e Palasës”, të dy këta shtetas kanë detyruar nën kërcënimin e armës imituese shtetasin B.G., të ndërronte drejtimin e rrugës”, sqaron policia.

Drejtuesi i mjetit nuk ka pranuar dhe janë konfliktuar me njëri-tjetrin, ku njëri nga autorët e ka qëlluar me armën imituese duke e lënë të dëmtuar.

Të dy shtetasit e lartpërmendur i kanë marrë vetëm çelsat e mjetit dhe janë larguar duke përfituar edhe prej terrenit dhe errësirës.

Nga hetimet e kryera nga ana e Policisë ka rezultuar se të dy këta shtetas janë edhe autorët e ngjarjes së ndodhur më datë 12.12.2017, në hyrje të Orikumit, ku mbeti i plagosur një shtetas.

Ndërkohë Policia po vijon intesivisht punën për kapjen dhe ndalimin e tyre./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono