taksa

f6fc1799-c77a-442d-a29b-1b8e760f49fb.jpg
R D14:49 | 09/12/2019

Kryetari i PD-së, Lulzim Basha përsëriti kërkesën ndaj qeverisë për të hequr barrën fiskale ndaj bizneseve të dëmtuara nga termeti në Durrës.

“Tërmeti i 26 nëntorit ka shkaktuar dëme të mëdha në ekonominë e Durrësit dhe zonave të tjera. Mijëra vende pune, biznesi i vogël dhe ekonomia prodhuese janë nën presion. Njësitë e hoteleri-turizmit përballen me rënie konsumi dhe i tremben reduktimit apo anulimit të prenotimeve.

Për të ndalur futjen e Durrësit në një “dimër ekonomik” me pasoja të rënda sociale që do të vinin nga reduktimi i numrit të të punësuarve, ulja e pagave të punonjësve dhe mbyllja e bizneseve, për të mundësuar një rigjenerim të ekonomisë prodhuese, shërbimeve dhe biznesit të vogël në zonat e dëmtuara, propozojmë këtë paketë të thjeshtë dhe realiste”, shkruan Basha.

Më poshtë propozimi me 5 pika për subjektet ekonomike në zonat e prekura nga termeti:

1- Anulimin e taksës së pasurisë dhe të gjitha taksat dhe tarifat vendore për periudhën e rindërtimit.

2- Përjashtimi i taksës së të artdhurave për të gjitha subjektet që riinvestojnë fitimin për të rikuperuar dëmet nga termeti.

3- Pezullimin e kontributeve të sigurimeve shoqërore dhe shëndetësore deri në rikuperim.

4- Përjashtimi i TVSH në të gjitha materialet, lëndët e para dhe aktivitetet kapitale të përdorura për rikuperimin e dëmeve.

5. Pezullimin dhe anulimin e faturave të ujit dhe dritave.

/Abcnews.al

tirana-qytet-1280x705.jpg
nev ila17:24 | 25/11/2019

Nga muaji dhjetor taksa e pronës do t’ju përllogaritet me metodën e re. Nëse keni kryer vetedeklarimin e banesës ujësjellësi do të bazohet në dokumentet e dorëzuara në rast të kundërt do të vendoset afrofe.

Nëse banoni në Tiranë nga muaji dhjetor taksa e pronës në faturën e ujit nuk do t’ju vijë më 100 lekë.  Pagesa që do të kryeni do të jetë sa 0.05 % e vlerës së banesës dhe sipërfaqes së saj e ndarë në 12 muaj.  Nëse keni bërë vetëdeklarimin ujësjellësi do të bazohet në dokumentet që  ju keni dorëzuar.

Po në rast të kundërt si  do të veprohet?

“Përllogartija do të bëhet mbi bazën e sipërfaqes së prezumuar, që do të thotë : 70 m2, për godina të ndërtuara përpara vitit 93, dhe 100m2 të ndërtuara pas vitit 93’. Nëse një qytetar banon në zonën e “Ali Demit”, çmimi referencë në këtë zonë është 97.700 lekë, duke u shumëzuar me një sipërfaqe 70m2, dhe me shkallën në përqindje 0.05 %, vlera që i takon qytetarit të paguajë në muaj, është 285 lekë. Nëse një qytetar, në po këtë zonë, ka një sipërfaqe 100 m2, vlera që i takon të paguajë është 407 lekë në muaj”, tha nëndrejtoresha e ujësjellësit Evis Gjebrea.

Nëse qytetarët kanë ankesa për vlerën e taksës që iu është përllogaritur zëvendësdrejtoresha e ujësjellësit ju sugjeron.

“Ne i kërkojmë që banori të paraqesë dokumentet përkatëse, të vetdeklarohet, dhe ti bëhet ajo përllogaritja e saktë, sipas vlerës përkatëse reale, të banesës së tij”, tha Gjebrea.

Vetëdeklarimin e banesës pranë ndërmarrjes së ujësjellësit e aktualisht e kanë kryer rreth 90 mijë persona nga rreth 200 mijë kontrata të lidhura. Bashkë me taksën e pronës në faturën e ujit qytetarët në Tiranë paguajnë dhe taksën për infrastrukturën arsimore dhe atë të pastrimit.

Nga taksa e pronës përjashtohen pensionistë, personat me ndihmë ekonomike, banesat sociale, ndërtesat e komuniteteve fetare, e pronat e shtetit./abcnews.al

palermo-1280x650.jpg
ent ela12:49 | 11/11/2019

Bashkia e Palermos ka ndërmarrë një iniciativë për të zgjidhur njëkohësisht dy nga problemet kryesore të qytetit: mbledhjen e mbeturinave dhe blerjen e biletave të autobusit. Të gjithë ata qytetarë që do të paguajnë taksën për mbledhjen e mbeturinave do të mund të përdorin falas transportin publik.

Një nga problemet kryesore në Palermo të Italisë mbetet ai i mbeturinave, të cilat i shtohet dhe mos pagesa e taksës për mbledhjen e tyre. Sipas të dhënave, një palermitan në tre nuk e paguan këtë taksë. Për të mos përmendur këtu ata që nuk paguajnë as biletën e autobusit.

Për këtë arsye bashkia e Palermos e drejtuar nga Leoluka Orlando, ka ndërmarrë një iniciativë sipas të cilës, qytetarët të cilët paguajnë taksën e mbledhjes së mbeturinave mund të përdorin falas transportin publik.

Orlando u ka kërkuar shoqërive të cilat merren me transportin publik dhe mbledhjen e mbeturinave që të kryejnë një studim, për të analizuar shpenzimet dhe përfitimet.

Brenda muajit janar të vitit të ardhshëm priten sugjerimet e para dhe propozimet, në mënyrë që kjo masë të aplikohet sa më shpejt.

Në këtë mënyrë dhe tetë milion euro më pak nga shitja e biletave mund të kompensohen nga pagesa e taksës për mbledhjen e mbeturinave që sipas ekspertëve mund të mbledhë deri në 40 milion euro.

Shumë kjo që mund të përdoret pjesërisht dhe për fuqizimin e transportit publik dhe në realizimin e linjave të reja të tramvajit.

Një zgjidhje që mund të transformojë dy probleme historike të qytetit në një rast të mirë zhvillimi për qytetin. /abcnews.al

taksa.jpg
ad min11:55 | 19/10/2019

Libani është përfshirë nga protestat pas lajmit për vendosjen e një takse për përdorimin e WhatsAap. Me mijëra protestues qëndrojnë 24 orë në shesh duke bllokuar rrugët kryesore dhe duke i vënë flakën automjeteve.

Ishte pika që derdhi gotën, ideja për vendosjen e një takse për WhatsAap. Mijëra persona u mblodhën në rrugët e Libanit për të kërkuar rrëzimin e regjimit. Në shumë qytete të vendit manifestuesit kanë shkaktuar dhe dëme materiale, përfshirë kryeqytetin Bejrut.

Kryeministri Sad Hariri gjatë një deklarate drejtuar popullit nëpërmjet televizionit kërkoi tri ditë kohë për të kuptuar se çfarë duhej të bënte me kolegët e tij, ministrat e një qeverie të unitetit kombëtar.

Protestat në qytetet e ndryshme të vendit u zhvilluan njëkohësisht për të kërkuar fundin e sistemit aktual politik. Shkaku i parë ishte publikimi i lajmit për një taksë së re, këtë herë për përdorimin e WhatsAap. Me mijëra persona kryesisht nga zonat e varfra të Bejrutit u mblodhën në qendër të kryeqytetit me parullën: Populli kërkon rrëzimin e regjimit.

Qeveria aktuale përfshin pothuajse të gjitha partitë në vend, por manifestuesit janë treguar të prerë duke kërkuar dorëheqjen e të gjithëve në mënyrë absolute. Ata premtojnë se do të ketë protesta deri sa një gjë e tillë të ndodhë.

Në Bejrut protestuesit qëndrojnë 24 orë në rrugë duke bllokuar një pjesë të madhe të hyrje daljeve të qytetit, si dhe duke i vënë flakën automjeteve dhe kazanëve të mbeturinave./ABC News Albania

nesho-agim.jpg
ad min17:53 | 07/10/2019

Një nga çështjet më të rëndësishme me të cilën pritet të përballet Albin Kurti në krye të qeverisë së Kosovës është jo e taksës ndaj Serbisë.

Diplomati Agim Nesho, teksa ishte i ftuar në studion e ABC News bëri një krahasim mes tij dhe Ramush Haradinajt në lidhje me këtë çështje. Sipas Neshos, Haradinaj është negociator i marrëveshjeve si Donald Trump.

Ndërkohë, kreu i Lëvizjes Vetëvendosje pritet të hyjë në negociata i fortë dhe me letra të tjera sipas diplomatit.

“Edhe ish kryeministri Haradinaj qëndroi i fortë dhe nuk kishte mjet tjetër se rezultatet mbrapa shpine kishin ecur dhe avancuar shumë. Një pjesë e klasës politike në Kosovë duke përfshirë edhe PDK-në që propozuan vetë taksa dhe kryeministri qëndroi me integritet të plotë sepse nuk kishte argumente dhe nuk përballonte një presion ndërkombëtar për t’i ulur mezor në tavolinë për të zgjidhur këtë.

Unë mendoj që Albini duke patur këtë staturë mendoj që do qëndrojë i fortë. Taksa është çështje negocimi. Unë e kam thënë që Haradinaj është negociator i marrëveshje si Trump, qëndron fort këtu dhe për ta negociuar këtë në të ardhmen, por sigurisht kërkon një reciprocitet që nuk dukej nga ana e Serbisë. Albini futet me të tjera letra. Duket sikur plani për ndryshimin e kufijve po zbehet. Goditjen e parë vendimtare e shkatërruese e dha samiti i Berlinit.

Thanë që kjo është çështje europiane, kjo nuk mund të sjellë destabilitet dhe luftë në Ballkan, ne nuk e pranojmë. Kjo u përshëndet edhe nga vendet e tjera ballkanike. Ambienti nuk e pranonte sepse ishte njësoj hap Kutinë e Pandorës,dhe i lë shkas ndryshimit të territoreve, por hapjes së precedentëve i cili mund të çonte  në një proces zinxhir jo të kontrollueshëm”, tha Nesho.

Lëvizja Vetëvendosje është edhe në Tiranë, e cila është angazhuar herë pas here dhe në protesta. Por a do të thotë kjo që Albin Kurti si lider i së ardhmes shkon përtej Prishtinës?

Sipas Neshos, Kurti mund të ketë projektet e tij, por në qoftë se në të ardhmen do të ketë bashkim kombëtar, Kurti duhet të ketë konsensusin e të gjithë kombit pasi bëhet fjalë për të ardhmen e shtetit të Kosovës dhe jo thjesht të një qeverisje premtuese.

“Ai mund të ketë projekte, unë nuk e paragjykoj. Është në filozofinë e Vetëvendosjes që të kishte një aksion mbarëkombëtar në të gjithë hapësirën shqiptare që të ishte dhe ky ka një të drejtë sepse është racionale që të gjithë shqiptarët mos të ngelen gjithnjë të ndarë. Kjo është e ardhmja e Shqipërisë në shekullin e 21. Mënyra si do të bëhet është me një konsensus edhe ndërkombëtar.

Nacionalizmi i vjetër ka vdekur. Nacionalizmi sot është mirëqenia dhe krijimi i kushteve për qytetarët. A krijohen nga një bashkim kombëtar kushtet? Sigurisht krijohen për arsye sepse bëhet një shtet më i fuqishëm, ka një bashkësi tregtare, komunikimi, një informacion më të gjerë. Bëhet një element më i rëndësishëm faktori shqiptar etj. Unë kam mendimin që në bisedimet ndërkombëtare mendoj që është përgjegjësi e madhe. Mendoj që ai nuk do ta mbajë më vete këtë gjë. Ka nevojë për një konsensus të një uniteti kombëtar sepse ka të bëjë me të ardhmen e shtetit të Kosovës, nuk është çështja e një qeverisjeje premtuese”, tha Nesho.

/abcnews.al

albinkurti.jpg
Autor E11:50 | 07/10/2019

Lëvizja Vetëvendosje e Albin Kurtit u shpall fituese e zgjedhjeve parlamentare të 6 tetorit në Kosovë, ndërsa e dyta u rendit partia Lidhja Demokratike e Kosovës.

Kjo fitore është pasqyruar gjerësisht edhe në mediat serbe, të cilat shkruajnë se Albin Kurti triumfoi në zgjedhjet e së dielës, ndërkohë citojnë edhe pjesë nga fjala e tij, ku foli për mediat dhe para të pranishmëve në podiumin festiv gjatë orëve të vona në sheshin “Skënderbeu” në qytetin e Prishtinës.

“Albin Kurti shpalli fitoren në zgjedhjet e parakohshme parlamentare në Kosovë. Kurti deklaroi se nga sot ai do fillojë të punojë për krijimin e një qeverie të re me të si kryeministër”-shkruan B92.

Temë tjetër, e cila është trajtuar nga mediat serbe ka qenë edhe pjesa e dialogut mes Kosovës dhe Serbisë.

Sa i përket dialogut me Serbinë, lideri i Vetëvendosjes tha se si kryeministër i Kosovës, ai do të marrë përsipër përgjegjësitë që i përkasin sipas Kushtetutës.

Ndërkohë, “Blic.rs” rikthen në vëmendjen e publikut një premtim të Albin Kurtit në një intervistë për “Der Standard” ku ndër të tjera theksoi se do të hiqte taksën ndaj mallrave serbe, ndërsa priste reciprocitet nga Serbia për të paguar reparacionet e luftës. /abcnews.al/

edi-rama123-2.jpg
ad min16:35 | 19/09/2019

Kryeministri shqiptar mungoi në seancën e sotme parlamentare, pasi ndodhet në Pulia në Itali, ku mori pjesë në një panair me investitorë. Rama u bëri thirrje biznesmenëve italianë të vijnë në Shqipëri, të cilën, sipas nivelit të taksave, e quajti parajsa në tokë.

Qeveria shqiptare fton investitorët italianë të bëjnë biznes në Shqipëri. Kryeministri Rama ishte në Pulia në Itali, ku në një prej paneleve të panairit Fierra de Levante, përshkroi lehtësitë që Shqipëria ofron.

“Shqipëria është sot hapësira ku sipërmarrësit italianë mund të investojnë pa u tmerruar nga taksat dhe burokracia. Gjithë ata që i ëndërronin t’i kishin kur dëgjonin kryeministrin Berlusconi, i kanë tashmë në Shqipëri. Një vend thuajse pa asnjë taksë”.

Një nga fushat kryesore, që kryeministri iu sugjeron të investojnë paratë e  tyre biznesmenët italianë është turizmi. Edi Rama renditi të gjitha lehtësitë fiskale të vendit tonë.

“Kushdo që investon në Shqipëri sot në turizëm me 5 yje, mund të kryejë për 10 vjet një aktivitet pa asnjë taksë dhe TVSH 6 %. Nga pikëpamja e taksave ne jemi një vend normal, por krahasuar me Italinë, ne jemi një parajsë tokësore”.

Mediat italiane kanë shkruar ditët e fundit, se gjatë qëndrimit në Pulia, kryeministri shqiptar do të njihet me interesimin e një kompanie italiane për të marrë me koncesion aeroportin e Vlorës./ABC News Albania 24/7

taksa-e-nderteses.jpg
ad min14:47 | 12/09/2019

Në një muaj rreth 20 mijë banorë të kryeqytetit deklaruan pranë zyrave të Ujësjellësit të dhënat për banesën, me qëllim përllogaritjen e taksës së pronës. Për shkak të fluksit të qytetarëve nësportele, Ujësjellës Kanalizimet në Tiranë kanë shtyrë deri më 30 Tetor afatin e vetëdeklarimit.

Banorët e Tiranës kanë dhe rreth një muaj e gjysmë kohë për të vetëdeklaruar të dhënat e banesës. Ato nevojiten për të llogaritur taksën e pronës në bazë të vlerës dhe që do të aplikohet në faturën e ujit.

Ujësjellës Kanalizimet kanë shtyre afatin deri më 30 Tetor. Arsyeja është fluksi i qytetarëve nëpër sportele. Për rreth një muaj gati 20 mijë persona kanë kryer vetëdeklarimin e banesës në 14 pikat e UKT-së në kryeqytet.

Për të kryer vetëdeklarimin e banesës qytetarët duhet të kenë me vete kartën e identitetit, dokumentin e pronësisë, certifikatë ose kontratë shitblerje apo dokumentin e ALUIZNI-t.

Vetëdeklarimi i kryer nga qytetarët do të verifikohet nga punonjësit e ujësjellësit me ato të Hipotekave apo ALUIZNI-t nëse banesa është në proces legalizmi. Në rast se vlerat do rezultojnë të ndryshme taksa do të bazohet në shifrën më të lartë.

Taksa vjetore që llogaritet duke shumëzuar sipërfaqen e apartamentit dhe çmimin e vlerësimit, me pas me shkallën në përqindje të taksës së miratuar me ligj për kategorinë e ndërtesave për banim 0.05%.

Ajo paguhet për shtëpitë, garazhet e mbyllura e bodrumet.  Prej saj përjashtohen pensionistët, personat që trajtohen me ndihmë ekonomike, banesat sociale dhe ndërtesat në funksion të komuniteteve fetare./ABC News Albania 24/7

kadri-veseli.jpg
ad min15:17 | 17/07/2019

Në Kosovë nisin sërish përplasjet mes krerëve të institucioneve për sa i përket taksës prej 100 për qind së vënë nga qeveria e Kosovës ndaj produkteve që vijnë nga Serbia dhe Bosnja e Hercegovina.

“Ka një pragmatizëm këtu, unë e mbroj interesin tim, duke mos lejuar asnjëherë që komunikimi me Serbinë, forma në të cilën komunikoj me Serbinë të bartet njëtrajtshëm edhe me Shtetet e Bashkuara dhe Bashkimin Evropian. Ky është dallimi mes meje dhe Kryeministrit Haradinaj, i cili duhet ta bëjë këtë dallim”.

Kjo deklaratë e kryetarit të parlamentit të Kosovës Kadri Veseli dhënë Zërit të Amerikës ka zgjuar reagimin e kryeministrit Ramush Haradinaj. Sipas Haradinajt nëse të gjithë krerët e shtetit do të ishin unik në qëndrime edhe SHBA-ja do t’i kishte përkrahur më shumë. Haradinaj është pyetur edhe për qëndrueshmërinë e koalicionit pas mospajtimeve të tyre.

“Ne kemi një raport të marrëveshjeve në punë, kemi dallim, është konfirmuar edhe me deklaratën e Veselit, kam pas raste në një takim jo në një po në disa, nuk është në rregull kjo, e dobësojmë veten kështu, jo koalicioni, ai vazhdon. Çështja më e rëndësishme është  a mbrohet interesi Kosovës në raport me palët tjera”, tha Haradinaj.

Qeveria e Kosovës në Nëntor të vitit të kaluar ka vënë 100% taksë produkteve serbe derisa kjo ka rezultuar me ndërprerjen e dialogut nga ana e Beogradit. Bashkësia ndërkombëtare vazhdimisht insiston që taksa të hiqet derisa ka qëndrime të kundërta edhe ndërmjet partnerëve të koalicionit në Kosovë rreth kësaj çështjeje./ABC News Albania 24/7

anila-denaj.jpg
ad min16:16 | 11/07/2019

Pas deklaratës së kryetarit të Partisë Demokratike Lulzim Basha se taksa e karburantit do të rritet 200 lekë për litër, ka reaguar ministrja e financave Anila Denaj.

“Një tjetër produkt i një fantazie gjithnjë e më shumë për të ardhur keq! S’ka rritje taksash, s’ka taksa të reja!”, shkruan ministrja Denaj në Twitter sipas të cilës sajesa të tilla i bëjnë vetëm ata që kanë humbur debatin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono