takimi

yuri-kim-takimi.jpg
nev ila20:00 | 19/02/2020

Në kohën kur konflikti i nisur mes Presidencës dhe mazhorancës për emërimet e anëtarëve të rinj në Gjykatën Kushtetuese vijon të thellohet, dhe kreu i Shtetit ka paralajmëruar edhe mundësinë e shpërndarjes së Parlamentit, ndërsa lideri i opozitës Lulzim Basha sheh si zgjidhje të pashmangshme zgjedhjet e parakohshme, Ambasadorja e Shteteve të Bashkuara në Tiranë, Yuri Kim ka zhvilluar një takim me 3 udhëheqësit shqiptarë.

Përmes një deklarate, ambasadorja Kim bën të ditur se gjatë ditës së mërkurë ka zhvilluar një takim me Kryeministrin Edi Rama, Presidentin Ilir Meta dhe Kryetarin e PD, Lulzim Basha, për të diskutuar mbi zhvillimet e fundit politike në vend dhe pritshmërinë e Shteteve të Bashkuara.

Ambasadorja shprehet se në takim është diskutuar për konferencën e donatorëve në Bruksel, që sipas saj pasqyron solidaritetin, mbështetjen dhe dëshirën e komunitetit ndërkombëtar për ta ndihmuar popullin shqiptar, në përpjekjet e rindërtimit pas tërmetit.

Por, diplomatja amerikane thekson se përgjatë gjithë këtij procesi nevojitet transparencë dhe llogaridhënie.

Ambasadorja Kim bën të ditur se përveç konferencës së donatorëve, në takimet me Ramën, Metën dhe Bashën, ka diskutuar edhe për hapat e rëndësishëm që Shqipëria duhet të ndërmarrë në javët e muajt e ardhshëm, duke treguar pjekuri, respekt për institucionet dhe besim në proceset demokratike.

“Presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar. Ne e sigurojmë popullin shqiptar se ne do të jemi aty për të vëzhguar dhe kontribuar”,  thuhet në deklaratën e ambasadores amerikane në Tiranë.

Takimet e ambasadores Kim vijnë pasi Presidenti Meta ka thirrur një protestë në datën 2 mars, kundër “grushtit të shtetit” siç e konsideron ai shkeljen e Kushtetutës nga mazhoranca./abcnews.al

kim-rama-meta-basha.jpeg
nev ila18:52 | 19/02/2020

Ambasadorja amerikane në Shqipëri Yuri Kim përmes një njoftimi thotë  se ka zhvilluar ditën e sotme takime me kryeministrin Edi Rama, presidentin Ilir Meta dhe kreun e Partisë Demokratike Lulzim Basha.

Në njoftimin e saj Kim thekson se ky takim ka ardhur duke parë zhvillimet e fundit në vend dhe pritshmërinë që ka SHBA nga Shqipëria.

Kim thekson se SHBA pret që udhëheqësit shqiptarë të sillen në mënyrë të përgjegjshme dhe se SHBA-të janë këtu për ti vëzhguar dhe kontribuar.

Ky takim i ambasadores amerikane është zhvilluar jashtë vëmendjese së medias.

Statusi i plotë:

“Sot u takova me Kryeministrin Edi Rama, Presidentin Ilir Meta dhe Kryetarin e Partisë Demokratike Lulzim Basha për të diskutuar mbi zhvillimet e fundit dhe pritshmëritë e Shteteve të Bashkuara.

Për sa i përket specifikisht, konferencës së donatorëve në Bruksel, ne besojmë se ajo pasqyron solidaritetin, mbështetjen dhe dëshirën e komunitetit ndërkombëtar për ta ndihmuar popullin shqiptar në përpjekjet e rindërtimit pas tërmetit.

Diskutuam gjithashtu edhe për pritshmëritë për transparencë dhe llogaridhënie përgjatë gjithë këtij procesi. Përveç konferencës së donatorëve, diskutova edhe për hapat e rëndësishëm që Shqipëria duhet të ndërmarrë në javët e muajt e ardhshëm, duke treguar pjekuri, respekt për institucionet dhe besim në proceset demokratike.

Presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar. Ne e sigurojmë popullin shqiptar se ne do të jemi aty për të vëzhguar dhe kontribuar”, shkruan ambasadorja Kim./abcnews.al

 

mal-berisha.jpg
eri Ida09:27 | 14/02/2020

Ish ambasadori Mal Berisha  këtë të premte nga ABC-ja e Mëngjesit ka komentuar takimin e sotëm që do të zhvillohet në Mynih, ku pritet të nëshkruhet marrëveshja hekurudhore mes Kosovës dhe Serbisë

Berisha  këtë mëngjes ka theksuar se e ka të vështirë që ta besojë se takimi i sotëm do të jetë vendimtar. Ai është shprehur se shpreson që në këtë takim palët përfaqësuesve nga Kosova të mos kenë përplasje, pasi sipas tij nisja e Thaçit pa një konsultim me Kurtin për në Gjermani tregon se nuk kemi një unitet në mendim.

Pse presidenti Thaçi duhet të ikte në Mynih pa e takuar kryeministrin  kjo përçarje përparë gjigandëve të botës për mendimin tim nuk shkon në dobi të marrëveshjes që po flitet. Nëse palët kanë qëndrime të kundërt ështëe pamundur që të arrihet tek marrëveshja. Takimi më duket asimetrik pasi Vuçiç shkon vetëm ne shkojmë dy. Ai grup njerëzish që nuk dua ti përmend me emër që filluan minishengenin dhe ndarjen e Kosovës që nuk i han një shqiptar i Kosoves apo i Shqipërisë, kjo lloj pëçarje ka fillhet, uroj të mos përçohet në Mynih, pasi nëse një palë ka arritur marrëveshje para se qeveria përfaqësuesit e rinj do të kemi një qëndrim  të kundërt të përfaqësuesve të Kosovës. Vuçiç dhe Thaçi sëbashku me Edin këtu e kanë shprehur një fakt për ndarjen e Kosovës por nuk mund të them të njëjtën gjë për ambasadorin Grenell”, është shprehur ish ambasadori Berisha.

Ndërkohë përballë gazetarit  Enkel Demi, Berisha ndër të tjera  ka thënë se nëse shikojmë një frymë pozitive bashkëpunimi në Kosovë, në Beograd sipas tij është një frymë tjetër pasi  ministri i jashtëm ka njoftuar heqjen e një tjetër njohje për Kosovën.

Në realiteti e Beogradit ka një qendrim tjetër pasi ato kanë thënë se në fund të kësaj jave do të zbrese një tjetër njohje. Daçiç është shprehur se që kur ka qenë në krye të ministrisë së Jashtme ka ulur 18 vende nga njohjet e Kosovës. Vënia e taksës ka qenë ajo që e ka lëviz gjithë këtë situatë, nëse ka qenë kjo taksë problemi i vetëm i njohjes nga Serbia, integrimi në BE dhe aderimin në Nato atëherë ke të hiqet, por nëse është e kundërta dhe ato thonë se kemi dhe numrin 19 të uljes së numrit të njohjeve, unë mendoj se është një udhëtim drejt askundit”, tha Berisha.

Ndër të tjera ish ambasadori është shprehur se shpreson se takimi i kësaj të premteje në Mynih të mos jetë si shumë takime të tjera bllof ku liderët firmosin një dokument që nuk ëstë diskutuar apo rënë dakord më parë. /abcnews.al

 

yuri-kim-kryeministri.jpeg
nev ila11:08 | 13/02/2020

Ambasadorja Ambasadorja e Shteteve të Bashkuara të Amerikës në Tiranë, Yuri Kim, i ka shkuar përsëri sot në Kryeministri.

Kim pritet të zhvillojë takim me kryeministrin Rama. Takimi mes ambasadores Kim, dhe kryeministrit Rama, zhvillohet në prag të mbërritjes së Komisionit të Venecias sot në Tiranë.

Burime për Abc News kanë njoftuar se Ambasadorja Kim po zhvillon takim edhe me ministrin për Rindërtimin, Arben Ahmetaj.

Kjo është vizita e dytë e Yuri Kim në ambientet e kryeministrisë brenda pak ditëve.

vijon…/abcnews.al

kurti-veliaj-.jpeg
nev ila12:31 | 11/02/2020

Albin Kurti ka nisur sot vizitën e tij të parë si kryeministër i Kosovës në Tiranë.

Ai është pritur me ceremoni nga kryeministri i Shqipërisë, Edi Rama,  dhe më pas ka zhvilluar një takim në presidencë me kryetarin e shtetit Ilir Meta.

Takimi ka vijuar në selinë blu me kryetarin e Partisë Demokratike Lulzim Basha.

Sipas agjendës së publikuar në ABC News kryeministri i Kosovës Albin Kurti kishte të parashikuar edhe një takim me kryetarin e bashkisë Erion Veliaj.

Por një lëvizje e papritur e Albin Kurtit ka bërë që ky takim të mos zhvillohet.

ABC News ka mësuar se Kurti ka anulluar takimin me kryebashkiakun Veliaj.

Sipas burimeve nga Protokolli i kryeministrit të Kosovës, Kurti e ka anuluar me arsyetimin se për shkak të angazhimeve që do të këtë në Kosovë nuk mund të zhvillojë takimin e paracaktuar me Veliajn./abcnews.al

kurti-ambasadori.jpg
ger ta21:18 | 06/02/2020

Kryeministri i ri i Kosovës Albin Kurti ka zhvilluar sot një takim me ambasadorin austriak, Christoph Weidinger.

Ndonëse takimi zyrtar shoqërohet me një shtrëngim duarsh, në rastin konkret duket se nuk shkoi siç duhet.

Ambasadori Christoph Weidinger pasi i ka dhënë dorën Kurtit, harroi t’ia lëshonte duke e tundur vazhdimisht. Ky moment tërhoqi vëmendjen e të gjithëve dhe është kthyer tashmë në viral.

Sakaq, takimi erdhi në kuadër të takimeve prezantuese që është duke zhvilluar Kurti me diplomatët e huaj pas marrjes së detyrës./abcnews.al

83736864_10157032208265838_828701007616671744_n.jpg
ger ta12:44 | 31/01/2020

Ambasadorja Amerikane në Tiranë Yuri Kim zhvilloi paraditen e  sotme një takim me kryeministrin Edi Rama.

Ndërkaq, selia diplomatike amerikane ka zbardhur takimin që zgjati 45 minuta në Kryeministri.

“Në vizitën e sotme prezantuese me Kryeministrin Rama, Ambasadorja e Shteteve të Bashkuara Yuri Kim pati mundësinë të përvijojë prioritetet e Shteteve të Bashkuara në Shqipëri: të ndihmojë Shqipërinë për tu bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët. Ajo falenderoi Kryeministrin për përpjekjet e jashtëzakonshme të Shqipërisë në çuarjen përpara të prioriteteve tona të përbashkëta”, shkruhet në njoftim./abcnews.al

lulzim-basha-ecen-ne-kembe-1.jpg
ger ta09:39 | 31/01/2020

Ka përfunduar takimi i kreut të PD, Lulzim Bashës me diplomatët e huaj në Tiranë. Në këtë takim kanë marrë pjesë edhe përfaqësues të lartë të Partisë Demokartike, si Sekretari i Përgjithshëm Gazment Bardhi, Oerd Bylykbashi, Enkelejd Alibeaj, Grida Duma, Jorida Tabaku, por edhe përfaqësues të tjerë.

Gazetari Juxhin Mustafaraj raporton për abcnews.al se kanë qenë disa çështje fokusi i këtij takimi, ku kryesisht janë ndalur tek Reforma Zgjedhore, për të cilët palët janë ulur në një tryezë dakordësimi.

Po ashtu në fokus kanë qenë edhe kryebashkiakët socialistë, të cilët janë denoncuar vazhdimisht nga demokratët.

Ndërkaq, disa përfaqësues të opozitës kanë ngritur edhe shqetësimin për paketën “anti-shpifje’, që sipas saj cënom lirinë  e mediave, duke i vendosur në një presion. Nuk ka pasur  prononcime në fund të takimit. Por mësohet se do të ketë edhe takime të tjera.

Basha ende nuk ka zhvilluar një takim me ambasadoren e re amerikane në Tiranë, Yuri Kim. Kjo e fundit ka munguar në takimin e sotëm, ndërsa ishte prezente zv.ambasadorja Leyla Moses-Ones./abcnews.al

yuri-olsi-cela-1-1280x948.jpg
nev ila16:13 | 29/01/2020

Ambasadorja e SHBA-ve Yuri Kim ka shkuar në zyrën e kryeprokurorit të Përgjithshëm, Olsian Çela. Takimi mes tyre po zhvillohet në ambientet e Prokurorisë së Përgjithshme.

Takimi mes tyre po zhvillohet në ambientet e Prokurorisë së Përgjithshme.

Ditën e djeshme ambasadorja amerikane ka zhvilluar takime edhe me Ministrin në detyrë Gent Cakaj, dhe Ministren e Mbrojtjes Olta Xhaçka.

 

Pas takimit me kryeprokurorin, ambasadorjaYuri Kim përmes një postimi në rrjetin social Facebook thekson se nxiti prokurorët që, ndërsa përmbushin premtimin e një gjyqësori të pavarur me drejtësi për të gjithë, t’i përqasen punës me mendësinë e shërbimit publik, integritetit dhe mbrojtjes së të drejtave të njeriut.

Postimi  i Ambasadës:

Gjatë takimit të tyre të parë sot, Ambasadorja e Shteteve të Bashkuara Yuri Kim e uroi Prokurorin e Përgjithshëm Olsian Çela për zgjedhjen e tij së fundi në detyrën e re dhe premtoi ndihmë teknike të vazhdueshme nga Shtetet e Bashkuara, për të ndihmuar Shqipërinë në vijimin e zbatimit të reformës në drejtësi. Ambasadorja Kim nxiti prokurorët që, ndërsa përmbushin premtimin e një gjyqësori të pavarur me drejtësi për të gjithë, t’i përqasen punës me mendësinë e shërbimit publik, integritetit dhe mbrojtjes së të drejtave të njeriut./abcnews.al

rama-merkel.jpg
R D13:45 | 24/01/2020

Kancelarja gjermane Angela Merkel do të takohet të hënën e javës që vjen në Berlin me Kryeministrin e Shqipërisë, Edi Rama, bëri të ditur zëvendëszëdhënësja e qeverisë gjermane, Ulrike Demmer. Në fokus të bisedës do të jetë ndihma që mund të japë Gjermania për rimëkëmbjen e dëmeve të tërmetit të 26 nëntorit 2019.

Kryeministri i Shqipërisë Edi Rama e kishte paralajmëruar takimin me kancelaren gjermane edhe në kuadër të vizitës së tij në Romë, ku ai mori premtimin për mbështetjen e Italisë në konferencën e donatorëve, që do të zhvillohet më 17 shkurt 2020 në Bruksel, nën udhëheqjen e kryetares së komisionit të BE-së, Ursula von der Leyen. Rama tha gjatë një bisede joformale me ministrin e Jashtëm të Italisë, Luigi di Maio, se kostoja e rimëkëmbjes së zonave të shkatërruara nga tërmeti përllogaritet deri tani të jetë afro 1 miliardë euro.

Temë tjetër e bisedimit, sipas Demmer, do të jetë kryesia e radhës së Shqipërisë në OSBE, marrëdhëniet bilaterale, situata në rajon dhe perspektiva evropiane e BE-së.

Angela Merkel dhe Gjermania janë të angazhuar për çeljen sa më të shpejtë të negociatave me Shqipërinë dhe Maqedoninë e Veriut. Pas një bisede që pati javën e kaluar me kryeministrin kroat Plenkoviç, Merkel e refuzoi trajtimin veç e veç të dy vendeve të Ballkanit Perëndimor. “Nëse duam të jemi të drejtë, atëherë ne duhet t’i trajtojmë të dy vendet së bashku, pavarësisht se ato pastaj do të ndjekin procedura të ndryshme, në bazë të vlerësimeve që do t’u bëhen”, ka thënë ajo. /DW


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono