takimi

mustafa-kurti.jpg
ger ta07:57 | 04/12/2019

Deklaratat e sotme në media nga drejtues të Lëvizjes Vetëvendosje, e kanë ndikuar në anulimin një takim të planifikuar mes liderëve të LDK-së dhe LVV-së.

Sipas mediave në Kosovë takimi Mustafa-Kurti ishte parashikuar për nesër, por është anuluar.

“Nga LDK njoftojnë se takimi Mustafa-Kurti ka qenë i parashikuar për nesër, por pas fushatës që po bën LVV kundër LDK-së dhe kryetarit Mustafa, takimi nuk do të mbahet deri sa mos të ndalet fushata e tillë”, kështu thuhet nga burimet e LDK.

Nënkryetari i Lëvizjes Vetëvendosje, Glauk Konjufca ka theksuar se me LDK-në kanë arritur marrëveshje për formatin e Qeverisë, por negociatat kanë ngecur te pozita e Presidentit, të cilën LDK e ka vendosur si kushtëzim./abcnews.al

lulzim-basha-ekspertet-1280x853.jpeg
nev ila20:28 | 01/12/2019

Kryetari i Partisë Demokratike, Lulzim Basha zhvilloi një takim me disa nga ekspertët më të mirë të vendit në fushën e emergjencave civile, me pedagogë inxhinierë, gjeologë, arkitektë, ekspertë të sizmologjisë dhe të ndërtimit për t’u konsultuar rreth masave që duhet të marrë Shqipëria për normalizimin e situatës në një kohë sa më të shpejtë dhe për marrjen e masave për të ardhmen.

Pjesë e këtij takimi janë personalitete të njohura si Ismail Hoxha, Faruk Kaba, Skënder Allkja, Markel Baballëku, Fisnik Kadiu, Ernest Noka, Rikard Luka, Sokol Allaraj, Marin Biçoku, Besnik Aliaj, Gafurr Muka, Lulzim Shena, Klid Premti, Sazan Guri, Mentor Balili, Shemsi Prençi.

Ata sollën përvojën e tyre dhe propozime konkrete, të cilat do të jenë baza për propozimet e Partisë Demokratike për përballimin e situatës.

Kryetari Basha vlerësoi se Shqipëria ka burime të mjaftueshme njerëzore për të evidentuar problematikën dhe për të dhënë zgjidhje, por kërkohet koordinim, mbështetje dhe financim.

Një nga problemet e ngritura në takim nga ekspertët sizmologë është që Shqipëria nuk e ka të plotë rrjetin e saj sizmik, nuk ka financimet e duhura dhe Instituti i Sizmiologjisë është përjashtuar nga oponenca sizmike e ndërtimeve./abcnews.al

lulzim-basha-konferenca-1.jpg
nev ila21:31 | 25/11/2019

Kryetari i Partisë Demokratike, Lulzim Basha akuzoi kryeministrin Rama për krizën ekonomike në të cilën sipas tij është zhytur vendi.

Pas një takimi të zhvilluar në selinë blu me përfaqësues të Fondit Monetar Ndërkombëtar, Basha premtoi për një plan të fortë ekonomik të demokratëve kur të vijnë në pushtet, duke kujtuar se qeveria ka parashikuar që i gjithë buxheti për vitin 2020, të shkojë në duart e 13 oligarkëve.

Lulzim Basha është i bindur se demokratët me programin e tyre ekonomik do të nxjerrin vendin nga kriza e thellë që po kalon si pasojë e kapjesë ekonomisë nga njerëz afër kryeministrit Rama.

Gishtit të përgjegjësisë që Edi Rama i drejtoi për aksionet e ndërrmara nga opozita kundër interesave të vendit i kaloi me një këshillë të sinqertë për kreun e qeverisë.

Pas takimit me shefin e misionit të FMN-së, Jan Kees Martin, kryedemokrati premtoi se destinacioni i parave që sot shkojnë për oligarkët do të ndryshojë.

Në turin e tij “Rrugëtim për Shqipërinë Basha prezantoi edhe disa nga pikat kryesore të programit të tij ekonomik të cilin pret ta vërë në zbatim kur të marrë besimin e shqiptarëve./abcnews.al

basha-kreu-cdu.jpg
nev ila13:20 | 23/11/2019

Kreu i PD Lulzim Basha ndodhet në Lajpcig ku ka marrë pjesë në në kongresin e CDU-së.

Përmes një postimi në rrjetet sociale Basha njoftoi se ka zhvilluar një takim me kreun e CDU/CSU Johanes Wadephul.

“I përkushtuar për zbatimin e Mocionit të Bundestag për Shqipërinë si udhërrëfyesi për krizën e thellë politike dhe drejt integrimit në BE përmes demokracisë, sundimit të ligjit dhe zgjedhjeve të lira dhe të ndershme”, shkruan Basha.

/abcnews.al

cakaj-3.jpg
nev ila15:32 | 22/11/2019

Ministri në detyrë për Evropën dhe Punët e Jashtme, Gent Cakaj mblodhi bashkë në Tiranë përfaqësuesit politikë të Luginës së Preshevës për të diskutuar mbi një sërë çështjesh me interes të përbashkët. Cakaj u shpreh gjatë takimit se bashkëkombasit tanë në Luginën e Preshevës janë një aset mjaft i vyer i shoqërisë shqiptare.

Politikanët shqiptarë të Luginës së Preshevës u bën bashkë në Tiranë, në zyrën e Gent Cakajt. Ministri i jashtëm në detyrë tha se shqiptarët që jetojnë në Serbi janë një aset i vyer i kombit shqiptar e nuk duhen lënë jashtë vemendjes.

Gjatë diskutimit, palët u përqendruan në një sërë çështjesh me interes të përbashkët, si njohja e teksteve shkollore dhe përfshirja në të gjitha nivelet e institucioneve shtetërore.

Ministri Cakaj u shpreh se ndihet krenar për vullnetin e përfaqësuesve të Luginës së Preshevës për tejkalimin e dallimeve të brendshme në shërbim të interesave kombëtare./abcnews.al

muci-dhe-meta.jpg
nev ila14:10 | 22/11/2019

Është zbardhur takimi i Presidentit Ilir Meta me Besnik Muçin. Presidenti Meta i ka kërkuar Besnik Muçit që të rishikojë qëndrimin e tij për të pritur vendimin e Gjykatës Kushtetuese si Gjyqtar.

Meta ka kërkuar marrjen në konsideratë vendimin e KPA për shkarkimin e tij ndërsa Muçi ka deklaruar se vendimi i KPA është diskriminues por ai do të mirëkuptojë çdo vendim të Presidentit dhe Gjykatës Kushtetuese për plotësimin  e vakancave në Kushtetuese.

Deklarata e Plotë e Presidencës:

“Presidenti Meta pret në takim z.Besnik Muçi

22 nëntor 2019

Presidenti i Republikës SH.T.Z Ilir Meta priti sot në një takim z.Besnik Muçi.

Presidenti Meta, e falenderoi z.Muçi që pranoi të ushtronte detyrën e Gjyqtarit të Gjykatësit Kushtetues, si kandidatura e parë e përzgjedhur nga Presidenti i Republikës.

Presidenti Meta i kërkoi zotit Muçi që të vlerësonte mundësinë që të rishikonte qëndrimin e tij më të fundit për të kërkuar nga Gjykata Kushtetuese që të shprehej me vendim për të deklaruar përfundimin e mandatit të tij si gjyqtar kushtetues.

Z.Muçi i deklaroi Presidentit Meta se, procesi i rivlerësimit kalimtar i kryer në Kolegjin e Posacëm të Apelimit ka qenë tepër diskriminues edhe për faktin e qëndrimeve të tij si gjyqtar kushtetues.

Z.Muçi i shprehu Presidentit Meta se nuk është politikan, por një jurist dhe duhet të veprojë si i tillë deri në fund për të kërkuar të drejtat e tij pranë çdo gjykate ndërkombëtare, vendimi i së cilës ka juridiksion ndaj Republikës së Shqipërisë.

Megjithatë zoti Muçi e garantoi Presidentin Meta se do të mirëkuptojë çdo veprim të mëtejshëm të Gjykatës Kushtetuese dhe Presidentit të Republikës, për të vijuar procesin midis tyre në lidhje me plotësimin e vakancave në Gjykatën Kushtetuese.

Presidenti Meta ndërkohë është në pritje të njoftimit nga Gjykata Kushtetuese për të rishpallur mënjehërë këtë vakancë për aplikim.

Presidenti Meta bën publik edhe faktin se ka vendosur që shorti për zgjedhjen e Këshillit të Emërimeve në Drejtësi, do të realizohet nga Institucioni i Presidentit të Republikës në datë 5 dhjetor 2019 dhe pas fillimit të funksionimit të KED-së së re, do ta ndjekë me shumë rigorozitet gjithë veprimtarinë e saj, për të mos lejuar më asnjë devijim nga parimet dhe dispozitat kushtetuese dhe të ligjit për të mbrojtur integritetin e mëtejshëm të gjithë procesit për ngritjen dhe funksionimit e plotë të Gjykatës Kushtetuese”./abcnews.al

albin-kurti-isa-mustafa.jpg
nev ila14:53 | 21/11/2019

Lideri i Lëvizjes Vetëvendosje, Albin Kurti ka konfirmuar se do të takohet të premten me kryetarin e Lidhjes Demokratike të Kosovës, Isa Mustafa. Kurti theksoi se në takim do të diskutohet për çështjet e mbetura hapur rreth idesë për planin qeverisës.

Kandidati për kryeministër theksoi se nuk ka kohë për të humbur sepse certifikimi i rezultateve të zgjedhjeve të 6 tetorit do të bëhet javën që vjen. Ai komentoi edhe deklaratat e LDK-së se posti i kryeministrit është i barabartë me 6 apo më shumë ministri duke thënë se diçka e tillë nuk qëndron dhe se populli i Kosovës e ka zgjedhur atë kryeministër me votën e tij./abcnews.al

meta-palmer.jpg
nev ila10:53 | 21/11/2019

Presidenti, Ilir Meta, mësohet se ka zhvilluar ditën e mërkurë një telefonatë me të dërguarin e posaçëm të Departamentit të Shtetit për Ballkanin, Matthew Palmer.

Burimet për abcneës.al bëjnë me dije se në fokus të bisedimeve mes tyre kanë qenë përplasjet për emërimet në Gjykatën Kushtetuese dhe situata politike në Shqipëri si dhe betimi para presidentit të 8 porkurorëve të SPAK . Ndërkohë edhe Ambasada Amerikane ka konfirmuar telefonatën e brendshmë mes Metës dhe Palmer./abcnews.al

berisha-meta-1280x688.jpg
nev ila16:16 | 20/11/2019

Kur bëhet fjalë për një takim mes Ilir Metës dhe Sali Berishë, dobësia e Presidentit të Republikës është e njohur ndaj edhe pritja e rezervuar ishte e veçantë. Kreu i Shtetit doli personalisht për të pritur Berishën, ndërkohë që nuk mungoi edhe përshëndetja zyrtare para kamerave.

Takimi zgjati për 30 minuta dhe në fokus të tij ishte vetëm ngërçi i krijuar në Gjykatën Kushtetuese dhe kapja e sistemit të drejtësisë nga shumica. Në fund të takimit, Meta e shoqëroi personalisht ish-presidentin deri te gazetarët duke ju referuar edhe traditës

Pas takimit Berisha foli për një kapje totale të drejtësisë nga shumica dhe për këtë solli në vëmendje drejtuesit e dy prej organeve të reja të Drejtësisë, Gent Ibrahimin dhe Ardjan Dvoranin

Betimit të Arta Vorpsit në një zyrë noterile i vuri një epitet të ri, ndërkohë që gjyqtares i kujtoi se akti i betimit është solemn duke kujtuar edhe eskperiencën personale.

Nëse do të ishte në vend të Metës nuk do të kishte hezituar të shpërndante parlamentin, duke kujtuar se në atë sallë duhet të  ishin plot 140 ligjvënës.

Takimi i Ilir Metës me Berishës është në vijimësi të takimeve që kreu i shtetit po zhvillon me ish-presidentë të Republikës por edhe aktorë të rëndësishëm politik në lidhje me ngërcin e krijuar në Gjykatën Kushtetuese./abcnews.al

jj.jpg
nev ila12:45 | 20/11/2019

I ashpër në qëndrimet e tij ka qenë ditën e sotme Ish –Presidenti Sali Berisha pas takimit të zhvilluar në Presidencë me kreun e shtetit Ilir Meta. Gjatë fjalës së mbajtur përpara gazetarëve Berisha tha se Betimi është një akt solemn dhe nuk mund të bëhet në çdo vend.

Ata që nuk i nënshtrohen ligjit në lidhje me këtë nuk kanë integritet dhe moral, tha Berisha duke iu referuar kështu Arta Vorpsit e cila bëri betimin si anëtare e Gjykatës Kushtetuese përpara noterit.

“Ajo që duan ata, zonja.. që tani më duhet të them, e betuara në Lanë dhe do më falni ëëë…, unë kam qenë Presidenti i vendit. Betimi është betim për ata që kanë moral dhe integritet.

Presidenti i SHBA Barak Obama gjatë betimit gaboi në perifrazim dhe u betua sërish në Shtëpinë e Bardhë. Dua të them se betimi nuk është nja akt i bërë në Lanë. Betimi bëhet përpara flamurit dhe ky është një akt solemn që i detyron të gjithë të përmbushin detyrën.

Betim në Lanë bëjnë horrat e narkoshtetit e askush tjetër.

Çfarë ndodh me KED?

Ligjet e detyrojnë KED dhe avokatin e shtetit të monitorojë çdo akt të KED-it. Reforma në drejtësi tashmë është e dështuar pasi janë kapur KLP, KED dhe po bëhet përpjekje edhe për Gjykatën kushtetuese.

I Shpreha mbështetjen time presidentit për të gjithë veprimet në vazhdim për hapjen e dritës jeshile Shqipërisë.

Është koha që shqiptarët të ndërgjegjësohen se në këtë bllokim të gjithçkaje për interesa politike të kreut të meduzës Edvin Kristaq Rama po paguan çdo njeri i këtij vendi”, tha Berisha./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono