takim

pep_guardiola_mancity2012.jpg
nev ila23:25 | 21/05/2019

 

Mediat italiane raportojnë se drejtuesit e Juventus janë takuar me trajnerin Pep Guardiola. Spanjolli është në listën e dëshirave të presidentit Anjeli për të marr drejtimin e skuadrës

Juventus pritet të përfshihet nga ndryshime të shumta në merkaton verore. Fillimisht në kampin bardh e zi do të nënshkruhet me pasardhësin e Masimiliano Allegrit e më pas do të thuren planet e merkatos. Në listën e dëshirave të presidentit Andrea Agnelli janë shumë trajner midis tyre edhe Pep Guardiola.

Mediat italiane raportojnë se të martën Drejtori Sporitv i Juventusit Paratici është parë duke hyrë në të njëjtin hotel ku ndodhet Pep Guardiola i cili pak ditë më parë u shpall kampion në Angli me skuadrën e Manchester City.

Tekniku spanjoll është ëndrra në shtëpinë bardh e zi por vështirësitë janë të mëdha. Një nga emrat e përfolur për të zëvendësuar Allegrin është edhe Didier de Champ që aktualisht drejton kombëtaren e Francës e ka mohuar publikisht drejtimin e bardh e zinjve.

Deshamp ka theksuar se është i përqendruar tek kampionati evropian që do të zhvillohet vitin e ardhshëm.

Sipas mediave italiane nëse nuk arrihet asnjë nga emrat e mëdhenj, juventus ka marrëveshje për të nënshkruar me trajnerin e Lazios, Simone Inzagi.

Sa i përket merkatos së lojtarëve, largimi i mundshëm i Mandzukiç pritet të zëvendësohet me Gonzalo Higuain i cili aktivizohet tek Chelsea. Argjentinasi  është nën pronësinë e Juventusit dhe do të rikthehet pas përfundimit të sezonit me Chelsean.

Ndërkohë që Dybala Kanselo dhe Kosta do të qëndrojnë tek Juventus./ABC News Albania 24/7

Edi-rama-kandidateve.jpg
nev ila13:30 | 18/05/2019

Kryeministri Rama gjatë fjalës së mbajtur ditën e sotme përpara kandidatëve për kryebashkiakë dhe këshilla në 61 bashki në vend ka theksuar se nuk do të tolerohet asnjë cenim i zgjedhjeve në 30 qershor. Ai paralajmëroi se kushdo që tenton të cënojë do të shkojë në burg dhe se do të jetë në listat e zeza të krimeve zgjedhore e do tu hiqet e drejta për të udhëtuar në SHBA e BE.

 

“Gjithkush që nuk e sheh të udhës mos votojë le të mos votojë, por ata që janë turbull duhet të dinë se kush i afrohet një qendre votimi djeg veten jo zgjedhjet, kodi penal është ashpërsuar dhe jo nuk ja vlen për politikën që të nxit të shkosh në burg por që mund të të fusë në listën e zezë të krimeve zgjedhore që do i hiqet e drejta për të udhëtuar në Shtetet e Bashkuara të Amerikës dhe BE“, theksoi Rama./abcnews.al

selia-e-ps.jpg
nev ila10:29 | 18/05/2019

Sot në orën 11.00 kryeministri Rama ka thirrur në një takim të zgjeruar kandidatët vendorë për kryetar bashkie e këshilltarë.

Takimi do mbahet në Pallatin e Kongreseve dhe të pranishëm do jenë edhe ministrat e qeverisë, një pjesë e të cilëve, janë të angazhuar si drejtues politikë në qarqe.

Vetëm një javë më parë, socialistët publikuan emrat e  kandidateve të tyre për zgjedhjet vendore.

Kryeministri Rama vazhdon të përsërisë se në 30 qershor do ketë zgjedhje, pavarësisht se opozita ka refuzuar të marrë pjesë në to./ABC News Albania 24/7

financat-be.jpg
nev ila13:10 | 17/05/2019

Ministrat e financave të BE kanë zhvilluar një takim në Bruksel me homologët e tyre të vendeve të Ballkanit perëndimor. Stabiliteti  makroekonomik në këtë rajon  dhe politikat buxhetore ishin tema kryesore e diskutimeve.

 

Në rendin e ditës së takimit të ministrave të financave të Bashkimit Evropian në Bruksel është përfshirë edhe takimi me ministrat e financave të Ballkanit. Takimi me ministrat e financave të Ballkanit është zhvilluar nën kryesinë e trios së presidencë aktuale rumune të Bashkimit Evropian dhe presidencave të ardhshme finlandeze dhe kroate.

Në qendër të takimit kanë qenë stabiliteti makroekonomik i vendeve të Ballkanit  dhe politikat buxhetore. Bashkimi Evropian i kushton një vëmendje të veçantë këtyre politikave, si reforma kyçe për zhvillimin e rajonit në kuadrin e para-anëtarësimit në Bashkimin Evropian.

Ndërsa për vendet e Ballkanit është shumë i rëndësishëm ecuria pozitive e reformave ekonomike për të thithur sa më shumë investime të huaja direkte në rajon, ku Serbia mban aktualisht vendin e parë.  Ministrat e financave të Bashkimit Evropian kanë shqyrtuar gjithashtu parashikimet ekonomike në zonën Euro për vitin 2019.

Pavarësisht ngadalësimit në fund të vitit 2018, të dhënat e tremujorit të parë për këtë vit tregojnë një rritje për sa i përket ritmit të rritjes së ekonomive të mëdha. Rrjedhimisht, vlerësohet  që  edhe pse me një ritëm modest, rritja e krijimit të vendeve të punës do të vazhdojë këtë vit. Rreziqet ekzistuese për ekonomitë evropiane vijnë nga tensionet e tregtisë dhe pasiguria e Brexit./ABC News Albania 24/7

Cakaj-ne-Bratislave.jpeg
G. P.18:51 | 09/05/2019

Ministri në Detyrë për Evropën dhe Punët e Jashtme, Gent Cakaj, zhvilloi një vizitë zyrtare në Bratislavë, ku u prit nga Ministri i Punëve të Jashtme dhe Evropiane të Republikës Sllovake, Miroslav Lajčák. Kjo ishte vizita e parë zyrtare në nivel Ministri e realizuar në Sllovaki prej mëse dy dekadash. Mësohet se takimi i zhvilluar pati në fokus marrëdhëniet dypalëshe, integrimin në BE, bashkëpunimin në kuadër të OSBE-së dhe bashkëpunimin rajonal.

Zyra e shtypit të ministrit ka njoftuar se gjatë takimit u vlerësuan marrëdhëniet miqësore mes dy vendeve, sikurse u konstatua se ka ende mundësi të pa eksploruara për të fuqizuar bashkëpunimin ekonomik përmes miratimit të kuadrit ligjor dhe organizimit të takimit të parë të komisionit të përbashkët ekonomik me qëllim evidentimin e fushave me interes të përbashkët, si infrastruktura, energjia, hekurudhat, bujqësia dhe menaxhimi i ujërave.

Ndërkohë, të dy ministrat ranë dakord gjithashtu se nevojitet një bashkëpunim më i ngushtë edhe në nivel rajonal duke u përqendruar veçanërisht tek shfrytëzimi i kapaciteteve të bashkëpunimit në kuadër të grupit të Vishegradit, të cilin Sllovakia e drejton, përmes mekanizmave të fondit ndërkombëtar të Vishegradit dhe fondit të Ballkanit Perëndimor.

Ne kuadër te OSBE-së, të dy ministrat, si pjesë e trojkës së kryesisë së OSBE-së, shkëmbyen mendime mbi organizatën, ku Ministri në Detyrë Cakaj, e njohu kryetarin aktual të OSBE-së, me përgatitjet nga ana e Shqipërisë për kryesimin e organizatës në 2020 dhe drejtimin e Grupit të Kontaktit të Mesdheut.

Ministri në Detyrë Cakaj rikonfirmoi angazhimin e qeverisë shqiptare për të kontribuar në vijimësinë e realizimit të objektivave kryesore të organizatës në vitin 2020, për të cilën mori edhe gatishmërinë e Ministrit Lajčák në ofrimin eksperiencës dhe ekspertizës sllovake si kryesuese aktuale e OSBE-së.

Për sa i përket procesit të integrimit evropian, Ministri Lajčák ushpreh se Sllovakia mbetet avokate e fortë e procesit të zgjerimit dhe integrimit të Shqipërisë në BE, duke e konsideruar Ballkanin Perëndimor të rëndësishëm për sa i përket adresimit të disa prej sfidave me të cilat përballet sot BE-ja.

Ministri në Detyrë Cakaj, e njohu homologun me progresin e Shqipërisë në procesin e reformave dhe 5 prioriteteve kyçe, dhe pritshmërinë për një vendim pozitiv në muajin Qershor. Ministrat ndanë mendimin për impaktin që ka vijueshmëria e procesit të zgjerimit në procesin e reformave dhe forcimin e kredibilitetit të vetë procesit të zgjerimit tek vendet aspirante.

Gjatë qëndrimit të tij në Bratisllavë, Ministri në Detyrë Cakaj u prit gjithashtu edhe nga Nënkryetari i Parlamentit sllovak Bela Bugar, si dhe zhvilloi një takim pune me anëtarët e dy komiteteve parlamentare për politikën e jashtme dhe çështjeve evropiane të drejtuar nga Katarina Cefalyova. Në takime u nënvizua vullneti i parlamentarëve sllovakë që Komisioni të hapë pa vonesa negociatat me Shqipërinë./abcnews.al

mogherini.jpg
G. P.22:43 | 08/05/2019

Përfaqësuesja e Lartë e Bashkimit Europian, Federica Mogherini është pritur në një takim edhe nga presidenti i Republikës Ilir Meta.

Nëpërmjet një statusi në rrjetet sociale kryetari i shtetit përcjell mesazhin se “Pavarësisht sfidave dhe vështirësive që mund të kapërcehen vetëm me dialog e bashkëpunim, integrimi europian është e vetmja rrugë përpara”.

Prania e saj në Samitin e Brdo-Brijuni, tregues i rëndësisë që BE i jep bashkëpunimit rajonal- shkruan presidenti Meta në statusin e tij në rrjetet sociale./ABC News Albania 24/7

kadri-veseli.jpg
G. P.12:38 | 03/05/2019

Presidenti i Kosovës Hashim Thaçi dhe kryeministri Ramush Haradinaj kanë raportuar në një takim me kryeparlamentarin Veseli dhe ekipin negociator rreth atyre që u diskutuan në samitin e Berlinit.

I dobishëm është konsideruar takimi i Berlinit nga Prishtina zyrtare. Në takimin e ftuar nga kryeparlamentari Veseli, Thaçi e Haradinaj e kanë njoftuar atë dhe ekipin negociator në detaje rreth diskutimeve në këtë samit.  Pas takimit kryeparlamentari Veseli kërkoi nga Shtetet e Bashkuara të involvohen më shumë rreth marrëveshjes finale Kosovë Serbi.

Për taksën, Veseli tha se është bërë ‘bajat’. Ndërsa në një konferencë tjetër për media, kryeparlamentari Kadri Veseli tha se kanë nisur konsultat dhe procedurat për formimin e një Gjykate Ndërkombëtare për gjenocidin serb gjatë luftës në Kosovë.

Ndërsa aktualisht Kuvendi është duke punuar rreth rezolutës për gjenocidin serb. Më 15 Prill, Kuvendi i Kosovës ka miratuar komisionin Ad Hoc, i cili merret me nxjerrjen e një rezolute për krimet e kryera nga Serbia gjatë luftës në Kosovë./ABC News Albania 24/7

soreca-1.jpg
G. P.17:36 | 23/04/2019

Ambasadori i Bashkimit Europian, Luigi Soreca, ndodhet në selinë blu pasditen e kësaj të marte, ku po zhvillon një takim me kreun e PD-së, Lulzim Basha. Takimi mes tyre bëhet pas zyrtarizmit të koalicionit të opozitës së bashkuar. Vetë kreu i PD-së firmosi marrëveshjen me të gjitha partitë për pamundësim dhe mospjesmarrje në zgjedhje ku nuk garantohen kushtet për votime të lira e të ndershme.

Rruga e vetme për garantimin e këtij kushti, sipas marrëveshjes së firmosur nga i gjithë kampi opozitar, është qeveria tranzitore.

Kjo e fundit do të ketë për qëllim mbajtjen e zgjedhjeve të parakohshme parlamentare, përgatitjen për zgjedhje vendore dhe parlamentare të lira e të ndershme, realizimin dhe ndjekjen e zbatimit të reformës zgjedhore me fokus shkëputjen e politikës dhe krimit, si dhe krijimin e klimës së besimit për zbatimin e reformës në drejtësi dhe çdo reforme të nevojshme për përshpejtimin e nisjes së negociatave të Shqipërisë me Bashkimin Europian./abcnews.al

880x495_cmsv2_a0d380d5-c4cc-579a-9e2c-18a9e3d76e09-3809942.jpg
Sej rie18:15 | 18/04/2019

Pas dështimit të samitit të Hanoit, Koreja e Veriut i ka bërë thirrje Uashingtonit që të largojë sekretarin e Shtetit Majk Pompeo nga tryeza e negociatave. Peniani e ka cilësuar Pomopeon një negociator të papërgjegjshëm dhe shkaktar për dështimin e dy raundeve të para të bisedimeve.

Korea e Veriut u ka kërkuar Shteteve të Bashkuara të zëvendësojnë sekretarin e Shtetit Majk Pompeo me një negociator më të kuptueshëm dhe më profesional në bisedimet për çarmatosjen bërthamore. Një zyrtar i Ministrisë së Jashtme koreano-veriore e ka akuzuar shefin e diplomacisë amerikane për paaftësi në interpretimin e qëndrimit të Penianit, duke penguar kështu ecurinë e bisedimeve.

“Sa herë që Pompeo fut hundët, bisedimet mes dy palëve përfundojnë pa rezultat, edhe në ato raste kur fillojnë me optimizëm për sukses”, ka deklaruar zyrtari korean. Ai e ka akuzuar sekretarin e Shtetit se flet dokrra, është moskokëçarës dhe ka paralajmëruar se çdo raund i mëtejshëm bisedimesh do të jetë i kotë nëse ai përfshihet. Ndërkohë, vetë lideri koreano-verior po përgatitet për një takim me presidentin rus Vladimir Putin më vonë gjatë prillit.

“Po përgatitet takimi. Sapo të kemi informacione mbi detajet e tij do t’i ndajmë me ju”, ka deklaruar zëdhënësi i Kremlinit, Dmitri Peskov për gazetarët. Sipas disa mediave, Kim dhe Putin mund të takohen në Vladivostok, pak përpara se kreu i Kremlinit të udhëtojë për në Pekin për forumin “Një brez, një rrugë”, i parashikuar për më 26 dhe 27 prill. Të dhënat e fundit vijnë pasi regjimi në Penian testoi një armë të re taktike, event të cilin lideri Kim Jong Un e cilësoi të një rëndësie të madhe. Bëhet fjalë për testin e parë publik që nga samiti i Hanoit, që u mbyll pa një marrëveshje./abcnews.al

rama-ne-katar.jpg
G. P.14:36 | 16/04/2019

Kryeministri Edi Rama ndodhet në Katar ku po zhvillon një vizitë zyrtare me ftesë të Emirit të Katarit Lartësisë së Tij Sheikut Tamim bin Hamad Al Thani. Gjatë këtij takimi u firmosën disa marrëveshje të rëndësishme.

U prit në një ceremoni të posaçme zyrtare kryeministri Edi Rama në Katar. Në takimin me Emirin e Katarit, Lartësia e Tij Sheiku Tamim bin Hamad Al Thani bashkëbiseduesit vlerësuan marrëdhëniet e mira mes dy vendeve, si dhe shprehën angazhimin e tyre për të thelluar bashkëpunimin në fusha me interes të ndërsjellë, kryesisht në turizëm dhe infrastrukturë. Gjithashtu, zhvillimi i turizmit dhe i tregtisë së ndërsjellë, u theksua si prioritet.

Homologët vlerësuan bashkëpunimin ekzistues mes vendeve, si dhe dakordësuan që potenciali bashkëpunues të zhvillohet edhe më tej në fusha si ajo e bujqësisë, agroindustrisë, energjisë dhe në mënyrë të veçantë, energjisë së rinovueshme. Me interes u mirëprit edhe bashkëpunimi në fushën e transportit ajror.

Kryeministri i Katarit, u shpreh se është ngritur një grup i posaçëm pune, në krye të të cilit është ai vetë, i cili do të realizojë së shpejti një vizitë në Shqipëri, me qëllim identifikimin e potencialeve dhe orientimin sa më të mirë të investimeve në bashkëpunimin Shqipëri – Katar. Gjithashtu, gjatë takimit u firmosën disa marrëveshje të rëndësishme për transportin detar dhe për bashkëpunim me disa prej ministrive të kabinetit qeveritar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono