takim

auto_largea-largea-3-web14203879601420471299_1474478625-5228694-600x2981574374580-1.jpg
So Nila10:36 | 20/01/2020

Pas dorëzimit të propozimit nga Vetëvendosja, presidenti Hashim Thaçi ka ftuar liderin e Vetëvendosjes  Albin Kurtin për t’ia dorëzuar dekretin presidencial të mandatarit.

Përmes një njoftimi për mediat Thaçi e ka ftuar Kurtin në ora 12:00 në presidencë.

“Presidenti i vendit, Hashim Thaçi, pas pranimit të propozimit të mandatarit për formimin e Qeverisë nga Lëvizja Vetëvendosje, e ka ftuar të propozuarin Albin Kurti për ta pranuar dekretin sot më 20 janar 2020, në orën 12:00”, thuhet në njoftimin e presidencës./abcnews.al

Screenshot_8-1.png
R D14:31 | 16/01/2020

Komisioneri për Zgjerimin e BE-së, Oliver Varhelyi, kërkoi nga  qeveria shqiptare të adresojë sa më shpejt shqetësimet e shprehura nga Franca dhe Holanda, që bllokuan negociatat në tetor. Në konferencën me Kryeministrin Rama në Tiranë, eurokomisioneri tha se krimi dhe korrupsioni janë dy sfidat kryesore për Shqipërinë. Ndërsa Kryeministri Rama, duke kujtuar iniciativën e tij kundër prokurorëve e gjyqtarëve të korruptuar, tha se vendimi për lirimin e anëtarit të bandës së “Durrësit”, Endrit Dokle u dha nga anëtarë të KÇK.

Brukseli vijion të ketë të njëtat shqetësime në raport me ecurinë e Shqipërisë drejt hapjes së negociatave për amëtarësim. Ky proces solli në Tiranë Komisionerin e Zgjerimit të BE-së, Oliver Varhelyi, i cili në një konferencë së bashku me kryeministrin Edi Rama, i cili konfirmoi qëndrimin pozitiv të Komisionit Europian për integrimin dhe përshëndeti marrëveshjen e artritur për reformën zgjedhore.

“Mirëpres përparimin që është bërë në reformën në drejtësi. Mirëpres marrëveshjen e djeshme për reformën zgjedhore. Të gjitha këto janë lajme të mira por kemi ende sfida përpara. Duhet të bëjmë shumë për të luftuar krimin e organizuar, korrupsionin”, tha ai.

Sfida më krimin dhe korrupsionin nuk e pengoi eurokomisionerin që të shpreh pritshmëri pozitive, ndërsa tha se po punohet fortë me Francën dhe Holandën që shqiptarët këtë vit të marrin vendimin pozitiv.

“Ne e konsiderojmë Shqipërinë si një shtet që është gati të hapë negociatat me BE dhe ne do të punojmë fort që kjo të ndodhë para Samitit të Zagrebit. Fakti që nuk u hapën negociatat në tetor ka pasur të bëjë me shqetësimet e disa shteteve anëtare dhe duhet ti shikojmë me vëmendje. Po punojmë që të gjejmë një zgjidhje në mënyrë që të ecim përpara me procesin e zgjerimit. Të krijojmë një qasje të re që bazohet në katër parime bazë”, vijoi Oliver Varhelyi.

Për të treguar vëmendjen tek reforma në drejtësi, kryeministri Edi Rama reagoi për herë të parë për lirimin e Endrit Dokles, i dënuar me burgim të përjetshëm, i cili u lirua pak ditë më parë nga Gjykata e Krujës.

“E kam informuar për procesin e Reformës në Drjetësi si dhe iniciativën e re dhe jemi duke përfunduar diskutimet me ndërkombëtarët për të hapur një ofensive kundër krimit të organizuar. Edhe kundër gjykatëseve e prokurorëve, si në rastin e para dy ditëve që i përkasin KCK. Po e përdorin autoritetin e tyre mes sistemit të vjetër që po shembet dhe sistemin e ri , për të bashkëpunuar hapur me krimin”, u shpreh Rama.

Në fund të Konferencës, kryeministri Rama siguroi eurokomisionerin që si do që të jetë vendimi i këtij viti i Këshillit Europian qeveria shqiptare do të vijojë me reformat. /abcnews.al

Isa-Mustafa-Albin-Kurti-600x360-1.jpg
So Nila17:34 | 15/01/2020

Kryetari i Lidhjes Demokratike të Kosovës, Isa Mustafa  ka deklaruar se nuk do ta shqyrtojnë ofertën e fundit të bërë nga Vetëvendosja për bashkëqeverisje.

Në një deklaratë për mediat  ai ka theksuar se ata do të diskutojnë vetëm parimet që i kanë vendosur më herët për ndarje të pushtetit. Derisa theksoi se takimi i radhës do të jetë i fundit ku do të dihet epilogu se a do të ketë koalicion qeverisës mes tyre, apo jo.

Mustafa në fjalën e tij ka deklaruar se qëndrimet e tij në lidhje me krijimin e koalicionit janë të pandryshueshme.

“Ne nuk kemi hy ta vlerësojmë atë që na ka shkruar VV –në.  Në asnjë rast ne si LDK nuk kemi kërkuar shtim të ministrive, shtim apo këmbim të tyre. Në këtë formë ne nuk e shtjellojmë një pozicionim të tillë të VV-së, por i trajtojmë qëndrimet tona. LDK mbetet pranë qëndrimit që ta ketë kryeparlamentarin, pesë minsitri ose presidentin ose nuk mbetemi  fare”, tha Mustafa.

Mustafa tha se nuk do të takohen më me LVV-në vetëm për t’u takuar, por vetëm për të arritur marrëveshjen përfundimtare, gjë të cilën nuk e mohoi se mund të ndodhë brenda kësaj jave.

“Ne do të bëjmë përpjekje që takimi i radhës të jetë takim i fundit. Nuk shoh asnjë arsye të bisedojmë nga tri orë pa asnjë rezultat. Brenda kësaj jave epilogu mund të jetë i organeve tona, por pas asaj ne do të shohim se si do të reflektojë VV-ja. Në qoftë se oferta e VV-së është përfundimtare, atëherë edhe përgjigja jonë duhet të jetë përfundimtare”,ka thënë kreu i LDK-së./abcnews.al

glauk.jpg
So Nila17:50 | 09/01/2020

Kryetari i Kuvendit të Republikës së Kosovës, Glauk Konjufca, ka reaguar për diegjen e makinës së nënkryetarit të Kuvendit, Sllavko Simiç, mbrëmë në Leposaviç.

Përmes një deklarate për mediat Konjufca e ka konsideruar akt kriminal djegien e makinës së Simiç.

Sipas kryeparlamentarit akte të tilla rrezikojnë jetën e zyrtarëve të lartë shtetërorë dhe duke shkatërruar pasurinë e qytetarëve të Kosovës, përbëjnë shkelje të rëndë të rendit e të ligjit dhe si të tilla janë të dënueshme.

“Inkurajoj organet e rendit dhe të drejtësisë që të ndërmarrin të gjitha veprimet e nevojshme për të zbardhur sa më shpejt rastin dhe për të venë para përgjegjësisë ligjore autorët e tij”./abcnews.al

META-ME-DJALIN-E-SOROSO.jpg
R D21:01 | 20/12/2019

Presidenti Ilir Meta ka akuzuar shpeshherë manjatin e biznesit George Soros për lidhjet e tij me Kryeministrin Edi Rama dhe ndikimin në punët e brendshme të vendit.

Pas këtyre akuzave djali i Sorosit, ka shkuar në zyrën e Metës. Lajmi bëhet i ditur nga zëdhënësi i Presidentit i cili shkruan:

“Presidenti i Republikës Sh.T.Z Ilir Meta priti në një takim me kërkesë të tyre Zëvendëspresidentin e Fondacionit “Shoqëria e Hapur”, z.Aleksandër Soros dhe Drejtorin Ekzekutiv të zyrës së Fondacionit në Shqipëri, z.Andi Dobrushi.
Presidenti Meta i njohu me shqetësimet e Tij, të bëra edhe publike, për përpjekjet e qeverisë për kapjen e institucioneve të drejtësisë, e sidomos të Gjykatës Kushtetuese, për përkeqësimin e lirisë së medias, si dhe për domosdoshmërinë e gjallërimit të shoqërisë civile në mbrojtje të vlerave demokratike dhe të drejtave të njeriut”.

edi-rama-ambasadoret.jpg
nev ila23:31 | 11/12/2019

Kryeministri Rama ka pritur në një takim në Pallatin e Brigadave ambasadorët në vendin tonë, ku ka vlerësuar me medaljen e artë, të gjitha trupat e huaja të kërkim shpëtimit që morën pjesë në operacionet për nxjerrjen e njerëzve nga rrënojat pas tërmetit tragjik të 26 Nëntorit.

Ndërsa Shqipëria nuk ka ende një bilanc të dëmeve nga tërmeti, Rama iu drejtua ambasadorëve duke u thënë se fatura mund ta përballohet vetëm me ndihmën e tyre.

Kryeministri Edi Rama mblodhi në Pallatin e Brigadave diplomatët me rastin e afrimit të festive të fundvitit.

Fjala e tij u përqendrua tek pasojat e tërmetit. Kreu i qeverisë u tha atyre se ende nuk është bërë një bilanc të dëmeve por shtoi se fatura për rindërimin do të jetë e lartë dhe nuk do të mund të përballohet vetem me shpenzime të buxhetit.

Ai bëri dhe batuta me ta.

Njësoj si më 30 nëntorit, në Pallatin e Brigadave kryeministri Edi Rama mblodhi sërish amasadorët. Por ndryshe nga jo mbledhje, kjo e mbrëmjes së kësaj marte është në një sallë festive, pavarsisht se mesazhet ishin për pasojat që shkaktoi tërmeti i 26 nëntorti.

“Por njësoj si dritat e festat e fundvitit, edhe kjo mbrëmje nuk mudn të mos ndodhte. në kushtet kaq dramaktike për shqëipërinë, jeni ndjerë dhe jenui treguar po aq shqiptarë sa vetë shqiptarët”.

Kryeministri tregoi se pasi vendi i godit nga tërmeti ai mori shumë mesazhe por ai para diplomatëve veçoi vetëm 1.

“Mesazhin e Lejlës e kam nxjerr në një folder të vecantë dhe kur im 5 vjet sot, të rritet dhe pak e të bëjë pyetjen e parë për SHBA, unë do i lexoj atë mesazh për ta prezantuar si shqiptar me Amerikën mike. Ashtu sikundër nëse, dhe me siguri do të vij dita kur im bir do të inatoset me SHBA, unë do i tregojë historinë e zbarkimit të trupave të kërkim-shpëtimit”.

Ai falenderoi secilin vend që iu përgjigj Shqipërisë me shpejtësi me ekipe të kërkim-shpëtimit, e më pas u përqendrua tek nevoja që do të ketë vendi për ndihmë nga shtet e tjera për rindërimin.

“Ne ende nuk kemi një bilanc të dëmeve, duke bërë verifikimin e dëmeve, dhe duke formuar hap pas hapi, edhe faturën e dëmit. Megjithatë dimë që fatura është e lartë, dhe e dimë që këtë faturë e përballojmë me të gjithë ju”.

Paratë që do të shkojnë për rindërimin nuk do të cenojnë buxhetin, siguroi Rama diplomatët.

“Ne nuk kemi parashikuar asnjë taksë, e as ndërprerjen e invesitmeve të mëdha, dhe as rritjen e borxhit, as buxheti i mbrojtjes nuk do të preket sepse si anëtar të NATO ne kemi një anagzhim”.  

Serioziteti i shprehur në përcjelljen e mesazhve për ndihmë nuk pengoi kryeministrin të bëjë edhe batuta.

“Pa asnjë retorik mund t’ju them se, kam dy javë që ndjehem shumë herë më i vogël se Erion Braçe në masë, dhe sot edhe më i vogël përballë shembullit të të gjithë heronjve midis nesh”.

Këtë fundvit ambasadorët nuk morën prej kryeministrit librin e zakonshëm. Në vend të kësaj kreu i qeverisë u shpërndau atyre medalje ari për forcat që ndihmuan Shqipërinë në këto ditë shumë të vështira./abcnews.al

luli-di-maio.jpg
nev ila17:48 | 11/12/2019

Ministri i jashtëm italian Luigi Di Maio ishte në Tiranë, ku pa nga afër dëmet e tërmeteve. Ai i tha kreyminsitrit Rama se do të organizohet një konferencë donatorësh Italianë, pasi të evidentohen nevojat.

Pas takimit me zyrtarin italian, Basha tha se është koha që qeveria të kalojë në vepra, duke ju përgjigjur sërish negativisht mundësisë së një takimi me Ramën.

Ministri i jashtëm italian, Luigi di Maio vizitoi Shqipërinë për të parë situatën pas tërmetit dhe ndihmën që mund të japë Italia për rindërtim.

Ministri i jashtëm italian kërkoi dialog politik, por në përfundim të takimit me të, Lulzim Basha refuzoi një takim të mundshëm me Ramën.

Di Maio pati takim edhe me presidentin e Republikës, Ilir Meta. Zjarrfikësit italianë patën rol kryesor në nxjerrjen nga e njerëzve nga rrënojat./abcnews.al

rama-bufon-ronaldi.jpg
Vladimir Prenga22:03 | 06/12/2019

Edi Rama, kryeministri i Shqipërisë, nuk i ka kursyer batutat gjatë takimit që Aureli dhe Alesjo patën me Cristiano Ronaldon dhe Gigi Buffon. Me këtë të fundit madje lëshoi disa perla, duke e cilësuar atë si Papën.

“Unë jam një juventin i vjetër, por kjo është për një ditë tjetër”, i është drejtuar Rama portierit legjendar të Juventusit, i cili në anën tjetër zbulon atë që i kishte thënë një kuzhinier shqiptar në të shkuarën.

“E di, kam pasur një kuzhinier shqiptar në Coverciano. Më thoshte gjithmonë që në Shqipëri ka një fun club tifozësh të Juventusit dhe janë të çmendur”, shprehet Buffon gjatë bisedës me kryeministrin Rama, i cili nuk ndale me kaq. “Juventusi është besim fetar në Shqipëri dhe ti je Papa”, i thotë kreu i qeverisë shqiptare portierit italian. /abcnews.al

meta-takim.jpg
ger ta12:47 | 02/12/2019

Presidenti Ilir Meta ka zhvilluar një takim me profesorë, akademikë dhe ekspertë për situatën pas tërmetit.

Meta bën me dije se kanë rënë dakord që të zhvillojmë një konferencë ndërkombëtare me përfaqësues nga rajoni dhe më gjerë, për të forcuar bashkëveprimin në përballimin e fatkeqësive natyrore.

Sot zhvillova një takim të frytshëm me një përfaqësi të nderuar profesorësh, akademikësh dhe ekspertësh të instituteve të rëndësishme universitare, lidhur me situatën tepër të rëndë të krijuar nga tërmeti.
I falenderova për kontributin e tyre të vyer në kapërcimin e emergjencës dhe i inkurajova, jo vetëm të forcojnë bashkëpunimin me institucionet, por edhe të angazhohen maksimalisht për të informuar dhe qetësuar opinionin publik, që më shumë se kurrë ka nevojë për mendimin e tyre të kualifikuar.
Vlerësoj shumë idetë e tyre konkrete për rrugët e përgjegjshme që duhen ndjekur për rikthimin në normalitet, veçanërisht për minimizimin e pasojave të rënda që ka sjellë kjo fatkeqësi natyrore.
Është koha të forcojmë më shumë institucionet e këtyre fushave, por edhe t’i dëgjojmë këshillat e tyre shkencore në kohë.
Ramë dakord që së afërmi të zhvillojmë një konferencë ndërkombëtare me përfaqësues nga rajoni dhe më gjerë, për të forcuar bashkëveprimin në përballimin e fatkeqësive natyrore”, shkruan Meta në Facebook.

Më herët  në Presidencë u zhvillua mbledhja e Këshillit të Sigurisë Kombëtare, i thirrur mga Presidenti Meta.

Vucic-Ambasadori-600x360.jpg
ger ta14:34 | 21/11/2019

Presidenti i Serbisë, Aleksander Vuçiç, takoi të enjten ambasadorin e Rusisë në Beograd, Alekandër Bocan-Harchenko.

Takimi mes tyre vjen pas skandalit të madh me agjentin rus, i cili në një video të publikuar nga RSE, shihet sesi spiuni rus i jep ryshfet një shumë të madhe parash një zyrtari të lartë serb, identiteti i të cilit ende nuk është bërë i ditur.

Në këtë takim ka marrë pjesë edhe ministri i Mbrojtjes, Aleksander Vulin, i cili ka thënë se Vuçiç është duke pritur hetimin nga Agjencia Ushtarake e Inteligjencës, shkruan RTS.

Vuçiç pritet të mbledhë po të enjten edhe Këshillin e Sigurisë Kombëtare, ku do të diskutohet rreth skandalit të veprimtarisë së agjentëve rusë në Serbi. Mbetet të shihet nëse një skandal i tillë do të trondisë marrëdhëniet e mira të Serbisë me Rusinë./abcnew.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono