tajlandë

thailand.jpg
G. P.14:18 | 03/01/2019

Autoritetet tajlandeze kanë ndërprerë shërbimet e tragetit dhe kanë nisur të evakuojnë personat, në pritje të një stuhie të fuqishme tropikale që pritet të godasë plazhet në juglindje të vendit. Në këtë zonë ndodhen dhe një numë i madh resortesh turistike. Priten redhje të dendura, erëra të forta dhe det me dallgë të trazuara./abcnews.al

TAJLANDE-PRINCESHA-ABC-M2-T1.mpg_snapshot_00.05-1280x720.jpg
G. P.20:56 | 20/12/2018

Kritika ndaj një fustani të ideuar nga princesha e vendit mund ti kushtoje shtrenjtë një blogere në Tajlandë. Kjo e fundit rrezikon një proces gjyqësor pasi është akuzuar se ka ofenduar familjen mbretërore.

Një blogere tajlandeze nuk e ka lavdëruar aspak veshjen e modeles që mori pjesë në Miss Univers duke përfaqësuar vendin. Por fustani në fjalë ishte stiluar nga princesha Nariratana, vajza e mbretit. Kjo kritikë mund t’i kushtojë shtrenjtë blogeres e cila rrezikon një process gjyqësor e ndoshta dhe dënimin me burg.

Blogerja ëshët denoncuar nga një politikan dhe biznesmen i njohur në vend i cili u shpreh se ajo kishte ofenduar familjen mbretërore. Postimi i publikuar në Facebook, denigronte veshjen e ideuar nga princesha. Policia ka nisur hetimet për rastin. Blogerja nuk ka humbur kohë dhe ka fshirë postimin nga profili i saj duke i kërkuar dhe falje princesësh./abcnews.al

LEICESTER-VARRIMI-1280x720.jpg
ent ela21:54 | 03/11/2018

Me një nderim që u rezervohet vetëm figurave të larta, në Bangkok nisi të shtunën ceremonia mortore në nder të pronarit të klubit të futbollit Leiçester Siti. Ceremonia do të zgjasë 7 ditë dhe të dielën në Tailandë do të jenë të pranishëm edhe lojtarët e ekipit.

Në një tempull në Bangkok nisi të shtunën ceremonia mortore në nder të pronarit të Leiçester Sitit, i cili humbi jetën javën e kaluar në një incident. Ceremonia nisi me një rit tradicional budist ku u përdor ujë i dhuruar nga familja mbretërore dhe një urnë e madhe hiri në shenjë nderimi. Familja mbretërore ua garanton një funeral të tillë vetëm zyrtarëve të lartë të shtetit ose njerëzve që kanë punuar në të mirë të vendit. Ceremonia, e mbyllur për publikun dhe mediat, u ndoq nga familjarë të Viçai SRI-VAD-DHAN-APRA-BHA, politikanë tailandezë dhe përfaqësues të federatës lokale të futbollit. Riti tradicional ia la vendin një recitimi, i cili zgjat plot 7 ditë. Lojtarët e ekipit u nisën drejt Tailandës të shtunën, pas ndeshjes së Premier Ligës kundër Kardif Sitit, të cilën e fituan 1 me zero. Viçai, themelues i gjigandit tailandez të tregtisë “King Pauër Internejshënëll”, humbi jetën javën e kaluar pasi helikopteri me të cilin udhëtonte u rrëzua jashtë stadiumit të Leiçesterit pas ndeshjes së Premier Ligës, bashkë me 4 persona të tjerë në bord. Ai e bleu klubin britanik të futbollit në vitin 2010 dhe 6 vjet më vonë bëri realitet ëndrrën e tifozëve duke mundësuar fitoren e titullit kampion. /abcnews.al

budistet.jpg
G. P.09:31 | 25/07/2018

Pas eksperiencës së hidhur që i mbajti për shumë ditë të bllokuar në një shpellë nënujore, 11 futbollistët e vegjël tajlandezë kanë nisur një aventurë të re, në fund të të cilës do të kurorëzohen me titullin simbolik të murgut budist, që është dhe feja kryesore e Tajlandës.

11 futbollistët e vegjël, që rreth dy javë më parë i shpëtuan bllokimit në një shpellë nënujore të Tajlandës, kanë nisur procesin e budizmit. Bëhet fjalë për një traditë tailandeze e aplikuar për djemtë që kanë kaluar eksperienca të vështira e që në fund do t’u japë atyre statusin e murgut.

Djemtë do të jetojnë për 9 ditë në një tempull budist, në shenjë respekti për zhytësit e marinës tailandeze që i shpëtuan, njëri prej të cilëve humbi jetën gjatë operacionit. Sidoqoftë, në fund djemtë do të marrin statusin e fillestarit dhe vetëm trajneri i tyre atë të murgut. Budizmi është feja kryesore e Tajlandës dhe në të aderon mbi 90 për qind e popullsisë.

Njëri prej lojtarëve është i krishterë dhe rrjedhimisht nuk do ta ndjekë procesin. Më 23 qershor, 12 djemtë e ekipit “Derrat e Egër” dhe trajneri i tyre 25-vjeçar nisën një ekskursion për eksplorimin e shpellave nënujore. Të njëjtën ditë ata mbetën të bllokuar dhe mbijetuan për 9 ditë në mes të ujit, derisa u lokalizuan dhe u arritën nga zhytësit.

Operacioni për shpëtimin e tyre mblodhi specialistë nga e gjithë bota dhe përfundoi më 10 korrik, kur grupi i fundit i fëmijëve doli në sipërfaqe. Lojtarët, të moshave nga 11 në 16 vjeç, lanë spitalin javën e kaluar dhe pas pak ditësh të kaluara me familjet do të qëndrojnë sërish larg tyre, por këtë herë për mirë./abcnews.al

TAJLANDE-CUNAT-1280x720.jpg
ent ela21:53 | 11/07/2018

Një ditë nga operacioni i shpëtimit, 12 djemtë e vegjël tajlandezë ndodhen në spital nën kujdesin e mjekëve. Gjendja e tyre shëndetësore paraqitet e mirë dhe njëri prej tyre ka bërë shenjën e fitores me dy gishta.

12 futbollistët e vegjël tajlandezë, të cilët kaluan disa ditë të bllokuar në një shpellë nënujore, janë shfaqur të mërkurën në gjendje të mirë shëndetësore. Ata ndodhen në spital, ku po u nënshtrohen mjekimeve. Në videon që ka qarkulluar në mediat ndërkombëtare, ata janë shfaqur me maska në fytyrë dhe njëri prej tyre ka bërë shenjën e fitores me dy gishta. Ndërkohë, lidhur me operacionin e shpëtimit kanë dalë detaje të reja. Mësohet se zhytësit e marinës tajlandeze u dhanë atyre qetësues për të shmangur kapjen nga paniku gjatë operacionit të rrezikshëm. Kjo, pasi gjatë daljes nga shpella ata duhet të kalonin në shtigje nënujore të errëta e të ngushta dhe mund të trembeshin. “Disa prej tyre i zuri gjumi, ndërsa të tjerë lëviznin gishtat”, ka treguar një nga zhytësit që transferoi fëmijët në sipërfaqe. Djemtë e ekipit të futbollit “Derri i Egër” u bllokuan në shpellën nënujore fundmuajin e kaluar dhe gjatë gjithë kohës ishin në rrezik për shkak të rritjes së nivelit të ujërave. Operacioni i shpëtimit zgjati tre ditë dhe 4 djem dolën në sipërfaqe të dielën, 4 të tjerë të hënën dhe 4 shokët e mbetur plus trajneri ditën e martë. Ata kanë humbur dy kilogramë në peshë për shkak të qëndrimit për 9 ditë pa ujë të pijshëm dhe ushqime. Tani ata do të qëndrojnë në spital përreth një javë dhe më pas do ta vazhdojnë rekuperimin shëndetësor në shtëpi. Disa prej tyre janë vizituar nga familjarët. /abcnews.al

 

thai-rescue-759.jpg
G. P.14:25 | 10/07/2018

Ka përfunduar makthi në Tajlandë. Ekipet e shpëtimit kanë arritur të nxjerrin 12 fëmijët dhe trajnerin e tyre, që mbetën prej më shumë se dy javëve të bllokuar në shpellën “Tham Luang”. Në ditën e 3 të operacioneve është bërë e mundur shpëtimi i 4 futbollistëve të vegjël dhe trajnerit të tyre. Ndërsa të hënën dhe të dielën u nxorën dhe dy grupe me nga 4 fëmijë. Në këtë mënyrë është përmbyllur me sukses të plotë operacioni I ndërlikuar i shytësve.

Të gjithë të shpëtuarit janë dërguar në spital për trajtimet e nevojshme. 12 djem, të moshës 11 deri në 16 vjeç, dhe trajneri i tyre kanë qenë duke eksploruar shpellën Tham Luang më 23 Qershor, kur janë bllokuar brenda, si pasojë e përmbytjeve nga shirat. Fillimisht ata u shpallën të vdekur, por javën e kaluar pas kontrolleve në zonë u zbuluan të gjallë. Më pas një ekip prej 90 zhytësish, 40 nga Tajlanda dhe 50 nga jashtë, kryen operacionet e shpëtimit.

Ndërkohë, futbollistët e rinj u ftuan nga FIFA për të ndjekur ndeshjen finale të kampionatit botëror Rusi 2018 që zhvillohet me 15 Korrik. Por mjekët raportuan se fëmijët nuk do të jenë në gjendje të largohen nga Tajlanda pasi nuk janë rikuperuar plotësisht nga traumat e kaluara në shpellë./abcnews.al

TAJLANDE-OPERACIONI-1280x720.jpg
G. P.10:43 | 10/07/2018

Në Tajlandë ka nisur sot faza e tretë e operacionit për shpëtimin e katër djemve dhe të trajnerit të tyre të futbollit, të cilët janë bllokuar në një shpellë. Udhëheqësi i misionit të shpëtimit, tha se të pestë personat do të nxirren jashtë në të njëjtën kohë.

Në dy ditët e kaluara janë nxjerrë gjallë nga shpella 8 nxënës. Ministri tajlandez i Shëndetësisë ka bërë të ditur se ata janë mirë dhe u janë nënshtruar të gjithë kontrolleve në spital.

12 djem, të moshës 11 deri në 16 vjeç, dhe trajneri i tyre kanë qenë duke eksploruar shpellën Tham Luang më 23 Qershor, kur janë bllokuar brenda, si pasojë e përmbytjeve nga shirat. Ata u zbuluan të gjallë javën e kaluar. Një ekip prej 90 zhytësish, 40 nga Tajlanda dhe 50 nga jashtë, po marrin pjesë në operacionin e shpëtimit që ka nisur qysh të dielën./abcnews.al

102305137_047895459.jpg
ent ela15:20 | 09/07/2018

Në ditën e dytë të operacioneve, zhytësit kanë shpëtuar dhe 4 fëmijë të tjerë në shpellën “Tham Luang” në Tajlandë. Ndërsa 4 fëmijët e tjerë dhe trajneri i tyre do të nxirren nesër.

Në Tajlandë ka përfunduar dhe dita e dytë e operacioneve për shpëtimin e fëmijëve dhe trajnerit të bllokuar prej më shumë se dy javëve në shpellën “Tham Luang”. Gjatë së hënës është bërë e mundur nxjerrja e 4 fëmijëve, duke e çuar në 8 numrin e personave të shpëtuar. Pasi dolën nga shpella, ata janë dërguar menjëherë për në spital dhe po marrin trajtimin mjeksor të nevojshëm.

Të dielën u nxorren katër fëmijët e parë. Edhe ata u transportuan menjëherë në spitalin më të afërt. Fëmijët e shpëtuar nuk janë në rrezik për jetën, megjithatë qëndrimi në shpellë u ka shkaktuar probleme shëndetësore.

Futbollistët e vegjël qëndruan në shpellë për më shumë se dy javë. Rreth 90 zhytës, prej të cilëve 50 të huaj, po marrin pjesë në këto operacione shpëtimi. Ndërkohë, operacionet janë ndërlikuar ndjeshëm pasi kohëve të fundit ka pasur rreshje të dendura shiu që kanë rritur nivelin e ujit në shpellë. /abcnews.al

 

tajlande.jpg
ent ela10:33 | 09/07/2018

Vijon në Tajlandë operacioni i shpëtimit për  fëmijët e mbetur bashkë me trajnerin e tyre në shpellën “Tham Luang”. Mësohet se është nxjerrë fëmija i parë për sot, duke e cuar ne 5 numrin e personave te shpetuar. Një ditë më parë u nxorren edhe katër të tjerë, të cilët u transportuan menjëherë në spitalin më të afërt. Ata nuk janë në rrezik për jetën, megjithatë qëndrimi për më shumë se dy javë në shpellë u ka shkaktuar probleme shëndetësore. Fëmijët qëndruan në shpellë për më shumë se dy javë. Rreth 90 zhytës, prej të cilëve 50 të huaj, po marrin pjesë në këto operacione. Ndërkohë, operacionet e shpëtimit janë ndërlikuar ndjeshëm pasi gjatë natës ka pasur rreshje të dendura shiu që kanë rritur nivelin e ujit në shpellë. /abcnews.al

 

102430214_bc46276d-da4e-4a50-a2b9-19ff633f3a01.jpg
ent ela11:38 | 08/07/2018

Në Tajlandë ka nisur operacioni i shpëtimit të 12 fëmijëve nga shpella, të cilët mbetën të bllokuar prej dy javësh bashkë me trajnerin e tyre. Aktualisht 2 prej tyre kanë dalë dhe po marrin trajtimin e nevojshëm mjeksor. “Sot është dita e madhe, fëmijët janë të gatshëm të përballojnë çdo sfidë”, është shprehur për gazetarët shefi i operacionit të shpëtimit. Mësohet se 12 fëmijët e ngecur në shpellë janë ndarë në 4 grupe. I fundit që do të lërë shpellën do të jetë trajneri i futbollistëve të rinj. Ndërkohë, në afërsi të zonës ka filluar shiu i dendur që vështirëson akoma më shumë punën e ekipeve të shpëtimit. Për këtë autoritetet kanë urdhëruar që operacionet të kryhen më shpejt /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono