Tahiri

ermal-tahiri.jpg
Veronik Istrefaj23:53 | 14/11/2019

Ermal Tahiri, specialist futbollit, është si zakonisht pjesë e emisionit “Pressing” në ABC News. Ai ka analizuar ndeshjen e Shqipërisë kundë Andorrës, si dhe zgjedhjet e trajnerit Reja:

“Nëse trajneri bën rotacion, ka të drejtë. Këto lojtarë që nuk kanë luajtur rregullisht dhe luajtën sot, pse nuk dhanë një fitore? Me një Andorrë që faktikisht është më dobët se ne në të gjitha anët. Do të kemi ne kombëtare për të ardhmen, apo me këto lojtarë do të vërtitemi?

Motivimi i lojtarëve duhet të ishte shumë i madh, janë para ndeshjes me Francën dhe duhet të kishin fituar. Edhe tifozët duhet të ishin të motivuar, të mbështesnin skuadrën. Megjithatë, sot në fushë kishim lojtarë nga Kategoria e Dytë. Dy lojtarë ishin të tillë, që luajnë në kampionate të dyta.

Mua më bezdisin disa gjëra. Një: Mentaliteti! Niveli nga lart direkt e poshtë më bezdis. Një ndeshje e luan të shkëlqyer, e një jo. Duhet të jemi korrekt. Të mos luash me ritëm kundër Andorrës? E dyta: Lojtarët e rinj. E tha edhe Reja që ka dalë nga objektivi dhe po provon lojtarë të rinj.

Këta lojtarë, mund të luajnë me ekipin kombëtar? Jo, nuk e mbajnë dot ritëm. Nuk luajtën mirë kundër Andorrës, por nesër ndaj Francës? Kjo ndeshje të harrohet sa më shpejtë, nga të gjithë. Ndeshja kundër Francës do të ketë më shumë motivim për lojtarët tanë”./abcnews.al

pjimage-9.jpg
Veronik Istrefaj23:11 | 31/10/2019

Endri Vrapi dhe Ermal Tahirajn kanë bërë një debat në “Pressing”, sa i takon sulmuesve të Superiores. Vrapi i ka thurur elozhe sulmuesit të Laçit, Kyrian Nwabueze, ndërsa Tahiraj mendon se forma e sulmuesit kurbinas do të bjerë. Sipas Tahirajt, edhe Shkurtaj duhet të konsiderohet goleador dhe nuk po merr meritat e duhura. Debati vijoi si më poshtë:

Endri Vrapi: Mund të kesh një lojtar të vetëm si Nwabueze që merr Laçin për dore.

Ermal Tahiraj: Tani që e njohin do e markojnë dhe do e ketë më të vështirë.

Endri Vrapi: Ata kanë pesë vetë të punojnë për golin, ai është i vetëm dhe ka shënuar 9 gola.

Ermal Tahiraj: Shkurtaj ka shënuar shtatë gola, a nuk është goleador? Te Kukësi nuk luajnë të gjithë për të, siç ndodh te Laçi”./abcnews.al

Luftetari-Tirana-Superiore.jpg
Veronik Istrefaj22:55 | 31/10/2019

Ermal Tahiri, drejtori i Shkollës së Mjeshtërisë Sportive “Loro Boriçi”, është një nga të ftuarit në emisionin “Pressing” në ABC News. Tahiri analizoi Partizanin dhe Tiranën, si dhe renditjen në Superiore.

SUPERIORE – “Janë katër ekipe që morën pjesë në Kupat e Europës. Ata kanë rezultatet më të dobëta, por varet si e koncepton. Partizani i ka pasur ndeshjet e forta, tani ka ardhur Partizani i vjetshëm. Ka pasur shumë ndeshje jashtë, tani ka kalendar më të favorizuar. Këtë fazë, do të shkëputet nga ekipet e tjera. Partizanin e avantazhon në këtë moment kalendari dhe do e shohim që pas tre javësh, do të jetë e shkëputur në krye të tabelës.

Nuk e njoh renditjen, pasi skuadrat kanë vetëm një pikë diferencë. Unë e njoh renditjen se Partizani nuk është 8 pikë para. Partizani vjet ka pasur 22 pikë, ndërsa sot 17. Minus pesë pikë. Në të gjitha statistikat, del që Partizani dhe Bylisi kanë qenë ekipet më me shumë fat, pasi kanë shënuar me pak raste. Ekipet tjera kanë pasur raste shumë herë më shumë, por nuk kanë shënuar, madje kanë pësuar shumë gola se kanë qenë të pafat”.

TIRANA – “Tirana bëri merkaton dhe aty ku kishte pikat më të dobëta, në mbrojtje, nuk mori asnjë lojtar. Aty ka qenë problemi vjet, edhe sivjet. Nuk dua të hyj më në detaje. Osmani, Vangjeli dhe Lila janë 34 vjeç e lart. Dogjën Dokën, Kërçikun. Pse merr mbrojtës të djathtë kur ke problem qendrën e mbrojtjes? Merkato bëhet aty ku ka probleme. Nëse mbrojtja e Tiranës do të ishte solide, do të ishte në vend të parë e shkëputur. Pompimi i 100 vjetorit, që thuhet do dali kampion, është gabim, siç e shoh unë Tiranën”./abcnews.al

tahiri-2-1280x610.jpg
Veronik Istrefaj22:28 | 31/10/2019

Ermal Tahiri, drejtori i Shkollës së Mjeshtërisë Sportive “Loro Boriçi”, është një nga të ftuarit në emisionin “Pressing” në ABC News. Ai ka komentuar disa tema të futbollit shqiptar, duke nisur me sherrin mes Lerdës dhe Mehmetit:

“Ka pasur një komunikim në distancë mes Lerdës dhe Duros, por nuk besoj se pse u vonua loja një minutë, i prishi punë Lerdës. Pse nuk thuhen gjërat sikur janë? Të gjithë italianët që vijnë këtu kanë probleme. Pjesa e ndërrimeve, e lojës, modulit, e vendos trajneri dhe nuk ka pikë dyshime. Nuk besoj se Mehmeti ka ndërhyrë në zgjedhjet e tij. Lerda si natyrë është agresiv. Mehmeti e di shumë mirë se çfarë roli ka pasur dhe nuk besoj të ketë bërë ndonjë gjë të gabuar.

PARTIZANI – “Partizani me lojtarët që ka marrë, që i ka marrë shumë lojtarë të mirë, ka ndërtuar një formacion dhe një stol shumë më të fortë se ekipet e tjera. Nuk ka rëndësi kë zgjedh trajneri, Asani ka qenë një ndër lojtarët më të mirë të kampionatit vjet. Kjo është një zgjedhje e trajnerit dhe sa do t’i dali kjo zgjedhje, do ta shohim.

Nga ana difensive, Partizani ka pësuar më shumë gola dhe ka shënuar më pak se sezonin e shkuar. Anën difensive e ka shumë të mirë, ashtu si vjet, por ana ofensive nuk më pëlqen. Trajneri ndoshta e ka filozofi të qëndrojë më shumë i mbyllur. Por me lojtarët që ka, mund t’i luaja të dy pjesët e lojës, si në sulm ashtu dhe në mbrojtje, por ka zgjedhur atë stilin e mbrojtjes”./abcnews.al

Franco Lerda dhe Dritan Mehmeti
tahirigruaja.png
Autor E17:01 | 28/10/2019

Në fashikujt e vendimit për Saimir Tahirin, të cilin gjykata e Krimeve të Rënda e ka arsyetuar mjaft gjatë, rezultojnë edhe dy përgjime të rendësishme sipas prokurorisë.

Bëhet fjalë për një përgjim të bisedës mes xhaxhait të Saimir Tahirit, Kujtim Tahiri me Artan Habilajn, i cili po flet për të rregulluar një takim mes këtij të fundit dhe nipit të tij ministër si edhe të një bisede mes Moisi Habilajt dhe një personi në Shqipëri, bisedë në të cilën ndërhyn edhe babai i Saimir Tahirit, Bashkim Tahiri.

Ndër të tjera, gjykata i ka konsideruar këto dy episode si fakte që vërtetojnë lidhjen e “vazhdueshme mes Moisi Habilajt dhe Saimir Tahirit”, megjithatë nuk nuk mjaftoi për të konfirmuar akuzën e “grupit të strukturuar kriminal”.

Në përgjim dëgjohet Kujtim Tahiri teksa përmend Tahirin përmes emrit të djalit, duke theksuar: “Më tha D**ni i Madh..”

Më poshtë, abcnews.al sjell  dy bisedat e përgjuara sipas materialit që gjendet në vendimin prej 114 faqesh të gjykatës:

PËRGJIMI NR.1

Shtetasi Kujtim Tahiri (xhaxhai i Saimir Tahirit sh.r) rezulton nga aktet e fashikullit gjyqesor se ka ndërmjetësuar edhe një takim mes të pandehurit- Saimir -Taltiri dhe shtetasit Artan Habilaj në shtator 2017.

Nga përgjimi i numrit telefonik 0692055777 të shtetasit Artan Habilaj, i kryer ne kuader te procedimit penal nr.134 të vitit 2016 te Prokurorisë per Krimet e Rënda, rezulton se me date 17.09.2017 shtetasi Kujtim me numer telefonik 0695392503 telefonon shtetasin Artan Habilaj me numer 0692055777 dhe i thote se kerkonte te takonte personin te cilin e identifikon me emrin e femijes.

Personit dhe mbiemrin “i madh”. Në citimin e meposhtem gjykata jep vetem inicialet e emrir të femijes së të pandehurit Saimir Tahiri, per shkak se eshte i mitur, por në pergjim emri permendet i plote.

Bisedat paraqiten si vijon:

-Date 17.09.2017, ora 18:38:30, Kujtim Tahiri me numër 0695392503 tclefonon Artan Habilaj me numer 0692055777:

503- Ku je?

777- Nepune. Ça kishe vlla?

503- Me tha ai i “D… i madh”, nqs vjen ai qe sjell vajzen në Durrës thuaji të vijë të më takojë dhe mua atje, po qe se vjen..

777- Po thuaj është urgjent, të vete sot apo të vete neser?

503- Ja ta pyes.

777- Okej vlla

-Date 17.09.2017, ora 19:00:04, Artan Habilaj me numer 0692055777 telefonon Kujtim Tahirin me numer 0695392503:

503. S’ka problem dhe nesër tha.

777- Okej në rregull

503- Po afër e kishim ashtu tha..

777- Ti do të vish naj xhiro nesër? Vemi bashkë..

503- Nuk e di, flasim nesër

777- Okej çiao

-Date 18.09.2017, ora 20:01:11, Artan Habilaj me numer 0692055777 telefonohet nga një shtetas i paidentifikuar me numer telefonik 0692286554:

777- He mo shef?

554- Se më dërguan nja katër fotografi. Ku ishit në ça vendi?

777 Aty te ai te kunati i shokut Xhemal

554- Po me ça rasti?

777- Po jo mo, kisha punë dhe ika me Kujtimin se nuk kisha patentë dhe ikëm bashkë.

Siç rezulton nga pergjimi i fundit, të nesermen e takimit, Artan Habilaj, ne nje bisede te kryer me nje person te paidentifikuar, konfirmon takimin ne fjale ku kishte qene me Kujtimin në Tirane.

Më tej, gjykata i referohet edhe udhëtimit të babait dhe bashkëshortes së Saimir Tahirit në shoqërinë e Moisi Habilajt në Romë me të njëjtin avion në të njëjtën ditë.

PËRGJIMI NR.2

Gjykata thotë gjithashtu se është vërtetuar se të paktën babai dhe Moisi Habilaj ishin në të njëjtin vend në Romë.

Pjesë nga vendimi

Nga verifikimet e kryera nga Prokuroria per Krime te Renda, per levizje te mundshme te perbashketa mes të pandehurit Saimir Tahiri apo familjareve te tij me te pandehurit ne procedim te lidhur Moisi Habilaj, Florian Habilaj etj., ka rezultuar lëvizja njejten dite, ne vajtje dhe kthim, me te njejtën linjë avioni dhe të njëjtin destinacion, të bashkeshortes dhe babait te te pandehurit Saimir Tahiri dhe e të pandehurit ne procedim te lidhur Moisi Habilaj.

Nga telefonatat e pergjuara rezulton se babai i të pandehurit Saimir Tahiri gjendej ne Itali ne shoqerine e Moisi Habilaj. Keto rrethana rezultojnë nga provat në vijim. Me procesverbalin për këqyrjen e dokumenteve dat, 20.11.2018, është këqyrur.

PKK Rinas lista e pasagjerve që kanë udhëtuar në, datë 08.07.2014 në nisje nga aeroporti i Rinasit, Tiranë, dhe mbërritje Fiumicino, Romë, nëpërmjet linjës së fluturimit rezulton se në këtë, datë kanë udhëtuar shtetasit Moisi Habilaj (në rreshtin 39), Fatlinda Tahiri (në rreshtin 6) dhe Bashkim Tahiri (në rreshtin 5), pra bashkëshortja dhe i ati i të pandehurit Saimir Tahiri.

Gjithashtu, ata rezultojne edhe në kthim më date 10.07.2014 nga Fiumicino ne Rinas me te njejten ditë.

Keto rrethana jane konfirnuar me tej nga listat e pasagjereve te “Alitalia” te dates 08.07.2014 ne dalje dhe 10.07.2014 ne hyrje, qe jane sekuestruar prane Kornisariatit të Policise Rinas me procesverbalin e sekuestrimit dokumenteve date 09.07.2018 dhe keqyrur me procesverbalin per keqyrjen- e dokumenteve 20.11.2018, si dhe nga biletat e udhetimit në emer të Moisi Habilaj, Fatlinda Tahiri, Bashkim Tahiri (nisjc date 08.07.2014, kthim date 10.07.20.14) te derguara me email me date 05.07.2018 nga shoqëria “Alitalla” në pergjigje te shkreses nr.5785 prot., date 29.06.2018, të Prokurorise per Krime te Renda.

Po keshtu, me procesverbalin e keqyrjes date 12.06.2018, eshte keqyrur pasaporta per jashte shtetit me nr.DA8584578, datë: 26,04.2010, e shtatases Fatlinda Tahiri, nga ku rezultojne në datat 08.07.2014 dhe 10.07.2014 respektivisht vulat e daljes dhe hyrjes ne PKK Rinas dhe vulat e hyrjes dhe daljes në aeroportin e Fiumicinos, Rome të njejtat vula ndodhen edhe ne pasaporten per jashte shtetit te shtetasit Bashkim Tahiri me nr.BE6660238, date leshimi 10.12.2010, e keqyrur me procesverbalin date 19.06.2018 (kopje fleteve të pasaportave ndodhen bashkengjitur ketyre procesverbaleve).

Nga pergjimet telefonike te kryera nga autoritetet gjyqesore italiane, te ardhura ne permbushje te leter porosise se derguar nga Prokuroria per Krime te Renda, ka rezultuar komunikimi telefonik mes te pandehurit ne procedim të lidhur Moisi Habilaj me nje shtetas te paidentifikuar nga autoritetet italiane qe perdorte numrin celular shqiptar 00355695392503 (qe rezulton sic eshtë ne perdorim te shtetasit Kujtim Tahiri, ungji i te pandehurit, siç do te permendet dhe me poshte ne vendim) dhe konkretisht:

-Numri i telefonit i pergjuar 3688040383 në perdorim të Moisi Habilaj

– Progresive nr.I203, data 10.07.2014, ne oren 09:15, pergjuar si dalese drejt numrit 00355695392503 ne perdorim të nje burri te paidentifikuar mire:

Burri shqiptar merr në telefon Moisiun. Pas pershendetjeve burri thote se mori vesh që jane lodhur dhe më pas i pyetur nëse e mbaruan punen dhe nese shkoi mire. Moistu pergjigjet qe po. Me pas Moisiu thote qe ndodhet ne dhomë, ne shoqërinë e nje “Gjiganti/Bashkim” të cilit i kalon menjehere telefonin.

Me pas vijon biseda mes burrit shqiptar dhe Bashkimit.

Gjate bisedës burri e pyet nese do të kthehen neser. Bashkimi i thote se do te nisen me avionin e ores 21:30 dhe do te arrijne në Tirane ne oren 23:00. Nga verifikimet e metejshme ne lidhje me menyren e pageses se biletave të udhetimit, ka rezultuar se pagesat e biletave jane bere “cash” neperntjet agjencise se udhetimit “S**a Tours” nga Fatlinda Tahiri dhe Bashkim Tahiri, ndersa nga Moisi Habilaj eshte bere me karte krediti nepermjet faqes së intemetit te shogerise “Alitalia”.

Me shkresen nr.31346/1 prot., date 27.07.2018, te “C** Bank” Tirane, eshte konfirmuar se karta “Visa Prepaid” (me CV me numer perkates) eshte ne emer te shtetasit Arsen Shpetim Lilaj nga Vlora.

Nga ana tjeter, nga te dhenat e Sistemit TIMS rezulton se nuk ështe regjistruar ne’ këte sistem dalja dhe hyrja e shtetasve Fatlinda Tahiri dhe Bashkim Tahiri datat 08.07.2014 dhe 10.07.2014. Ështe regjistruar vetem dalja dhe hyrja e Moisi Habilaj në keto data.

4.12. Prokuroria per Krime te ka verifikuar edhe komunikimet telefonike te të pandehurve Saimir Tahiri dhe Jaeld Çela, te te pandehurve ne procedim te lidhur Gjergji Kohilla, Sokol Bode, Moisi Habilaj, Florian Habilaj, etj., dhe te shtetasve Artan Habilaj, Orest Sota.etj., per periudhen qe te dhenat kane qene te disponueshme nga shoqerite celulare (nga fundl i vitit 2015 e ne vazhdlm).

Verifikimi dhe analiza e ketyre korminikimeve eshte bere vetem per ato numra numra telefonike jane arritur te evidentohen gjate hetimit paraprak. /abcnews.al

KRONIKE-SAJMIR-TAHIRI-ABCM1T2.mpg_snapshot_00.47-1280x720.jpg
ent ela15:38 | 28/10/2019

Gjykata e shkallës së parë për Krime të rënda ka zbardhur vendimin për ish-Ministrin e Brendshëm Saimir Tahiri, të cilit iu ndrysha akuza dhe u dënua për “shpërdorim detyre”.

Sipas togave të zeza ka prova dhe indicie që tregojnë një situatë marrëdhëniesh të qëndrueshme mes Tahirit dhe Moisi Habilaj. Sipas treshes gjykuese të përbërë nga Ardit Muftafaj Flora Hajderdini dhe Irena Gjoka lidhja e qëndrueshme konfirmohet jo vetëm nga shitja e automjetit ‘Audi’ që ish-ministri Tahiri i ka Artan Habilajt, por bëhet fjalë edhe për shërbimet e vazhdueshme të kryera nga vëllezrit Artan dhe Moisi Habilaj.

Gjykata rëndit disa nga këto shërbime ku vë theksin tek  riparimi  skafit për të cilin ishte angazhuar vet Mojsi Habilaj në vitin 2014. Përdorim i automjetit ‘Audi’ me targë AA 003GB nga Saimir Tahiri dhe bashkëshortja e tij në disa raste edhe pse ishte shitur.

Udhëtimi në të njëjtën kohë vajtje-ardhje me të njëjtin intenerar dhe të njëjtin destinacion i Moisi Habilajt, babait të ish-ministrit, Bashkim Tahiri e familjarëve të tjerë,  konfirmon se familja e Tahirit dhe familja Habilaj kanë pasur kontakte të qëndrueshme.

Në vendim thuhet se ka pasur komunikime të shpeshta dhe të drejtpërdrejta telefonike të Moisi Habilaj me Evi Robon, një njeri i afërt i Tahirit që punonte drejtor në Ministrinë e Brendshme.

Gjykata për Krime të Rënda në arsyetimin e vendimit të saj thotë që  mes Saimir Tahiri dhe Moisi Habilaj ka pasur marrëdhënie indirekte por që Ish-ministri nuk rezulton i përfshirë direkt në trafik droge, dhe për këtë nuk ka prova dhe fakte që të shkojë përtej çdo dyshimi të arsyeshëm, por veten indice të cilat janë të pa faktuara nga Prokuroria.

Sipas gjykatës fusha e veprimtarisë shtetërore të Ish-ministrit Saimir Tahiri lidhej konkretsiht me luften kundra kultivimit dhe trafikimit të Lëndëve Narkotike. Togat e zeza thonë se Tahiri dhe Jaeld Çela kanë pasur kominikime të vazhduyeshme midis tyre.

Gjyqtarët argumentojnë “shpërdorimit të detyrës” nga ish-ministri i brendshëm është fakti i krijimit të lehtësirave të grupit Habilaj për të trafikuar rreth 20 ton hashash drejt Italisë. Sipas treshësh gjykuese Ish-ministri pavarësisht nga bisedat mes anëtarëve të grupit kriminal dhe pretendimet e organit të akuzës nuk ka përfituar dhurata si pjesëtar i grupit kriminal,  por me anë të mos veprimeve të tij ka shpërdoruar detyrën.

Ndërkohë Tahiri në deklaratat e tij ka mohuar se ka pasur njohje dhe kontakte të drejtpërdrejta me Habilajt”.

ermal-tahiri.jpg
Veronik Istrefaj23:17 | 14/10/2019

Ermal Tahiri, ish-futbollisti i Dinamos, tashmë drejtor i shkollës së mjeshtërisë sportive “Loro Boriçi”, është një nga të ftuarit në emisionin “Pressing” në ABC News. Për ndeshjen kundër Moldavisë, Tahiri tha:

REJA DHE PROJEKTI – “Reja është shumë i zoti, jo nga ana taktika, por nga ana psikologjike, pasi i ndihmon shumë lojtarët. Bën një menaxhim perfekt të lojtarëve. neve na duhen trajnerë të tillë dhe te moshat, pasi një menaxhim i mirë që në moshë të re, do të ishte diçka shumë e mirë për kombëtaren tonë. Nëse Reja realisht ka një projekt afatgjatë, duhet të ndjekim shembullin e Belgjikës. Por nuk e di sa Reja do të qëndrojë këtu, pasi mosha është problem. kemi lojtarë të mirë tek U21, te kombëtarja A, por nuk e di sa do të vazhdojë Reja në krye të kombëtares”.

E ARDHMJA – Reja është 74 vjeç. Të jemi realist, ai është një trajner shumë i mirë, por nuk do të qëndrojë gjithmonë këtu. Ndoshta do të bëhet krye seleksionues, të zgjedhë lojtarët e Shqipërisë. Këto lojtarët që janë më të mirët, qoftë dhe Trashi, që luan me PArtizanin, me minutat që ka dhe me lojën që ka bërë, është një ndër lojtarët më të mirë. Duhet t’i japim mundësinë lojtarëve që kanë më shumë minuta. Dua të them diçka: Lojtarët që kanë më shumë minuta, janë në formë më të mirë. Duhet t’i gjejmë këto lojtarë. Kemi lojtarë që i marrim vetëm për emër, luan me Interin ose ekipin e tretë të Chelsea. Duhet të marrim lojtarët që luajnë më shumë”.

SUPERIORE – “A ka lojtarë futbolli shqiptar? A ka talent në futbollin shqiptar? Sa të duash ka. Trashi mund të luante edhe në takime të tjera. Ai luajti edhe në Champions me Partizanin, është një lojtar shumë i mirë. Kemi Abazajn, Shkurtajn, që mund të luajnë me kombëtaren, thjesht nuk iu jepet mundësia!”

/abcnews.al

SINKRON-ALIBEAJ.mpg_snapshot_00.01-1280x720.jpg
ent ela16:15 | 21/09/2019

Partia Demokratike ka akuzuar Edi Ramën se ka vendosur një drejtësi me dy standarde, një në të cilën bashkëpunëtori i tij, Sajmir Tahiri rri në liri, ndërsa shqiptarët e pa mbrojtur, vrasin veten në burg edhe për vepra të lehta.

DEKLARATË E PARTISË DEMOKRATIKE, ENKELEJD ALIBEAJ

Saimir Tahiri nuk do të bëjë asnjë ditë burg.

Njeriu që zbatoi planin e Edi Ramës për të kanabizuar Shqipërinë në funksion të blerjes së pushtetit me paratë e drogës, nuk ndëshkohet nga drejtësia, sepse me Edi Ramën në krye të qeverisë, drejtësia ka dy standarde: Saimir Tahiri në liri, duke shijuar pushtetin, paratë dhe luksin, ndërsa shqiptarët e zakonshëm në burg, ku humbin jetën për asgjë.

Estref Halili, një 22 vjeçar nga Kolonja e Lushnjës u burgos për një cigare hashash ditën e Krishtlindjes dhe vrau veten në qelinë e burgut, ndërsa Saimir Tahiri nuk ka për të bërë as edhe një ditë burg, sepse ka mbrojtjen e Edi Ramës.

Qamil Zela kryefamiljari 52 vjeçar që mezi ushqente familjen e tij, vrau veten në burg se nuk kishte 35 mijë lekë për të paguar energjinë elektrike.

17 kuksianë u mbajtën në burg më shumë se 1 vit, sepse protestuan kundër korrupsionit të Edi Ramës, që u vuri traun me 5 euro për të shkuar në shtëpi.

Ky është shteti me dy standarde që ka ndërtuar Edi Rama. Liri për bashkëpunëtorët e tij në krim, burg për shqiptarët e zakonshëm dhe të pambrojtur.

Me Edi Ramën nuk ka drejtësi të barabartë për të gjithë. Ai do të vazhdojë ta vendosë drejtësinë në shërbim të politikanëve të korruptuar e të lidhur me krimin, si Saimir Tahiri, në shërbim të trafikantëve të drogës dhe krimit të organizuar, që i siguron mbajtjen e pushtetit me zgjedhje të vjedhura.

Shërbimi më i madh për drejtësinë dhe për vendin është ndarja e politikës nga krimi.

Aty është burimi i të gjitha të këqijave. Pa prerë lidhjet e politikës me krimin, në Shqipëri nuk ka për të patur drejtësi të vërtetë, më të pamundurit do të vuajnë burgjeve, ndërsa të pushtetshmit si Edi Rama dhe Saimir Tahiri, do të vazhdojnë të jetojnë në luks pa u ndëshkuar./ abcnews.al

SINKRON-TAHIRI.mpg_snapshot_00.16-1280x720.jpg
ent ela15:17 | 21/09/2019

Dy ditë pasi u dënua nga gjykata për shpërdorim detyre, Sajmir Tahiri nuk është gati as të qeshë e as të qajë, pasi siç tha ai, ende nuk është zbardhur vendimi i gjykatës. Tahiri tha përpara medias se nuk ka kërcënim më të madh për gjyqtarët sesa deklarimet e ambasadës amerikane, teksa shtoi se ai nuk kishte kërcënuar kryeministrin.

“Bëni durim dhe prisni. Në këtë vend që duket sikur parimet vlejnë pak, në këtë vend mund të bëhet dhe ndryshe”.

Toni i lartë i ish ministrit të brendshëm, tërhoqi vëmendjen e pushuesve që po laheshin në pishinën e hotelit ku u mbaj konferenca.

I dënuar me 3 vite shërbim prove për shpërdorim detyre, dhe i shpallur i pafajshëm për trafik ndërkombëtar droge e grup të  strukturuar kriminal.

“Ky sigurisht ishte një gjysmë lajm i mirë për mua”.

I gatshëm të përballet në apel me akuzën për të cilën u dënua. “Nuk kam shpërdoruar detyrën

Nuk pranon as përgjegjësinë që gjykata i ngarkon për kanabizimin e vendit.

Dhëmbë për dhëmbë me ambasadën amerikane, që e quajti shkurajues dënimin e tij vetëm për shpërdorim detyre.

“Dekurajuese dhe për mua që i dëgjova ato deklarata. Në kulturën time nuk flitet për një vendim gjykate, për më tepër për një vendim gjykate që nuk është zbardhur akoma. Nuk besoj se ndodh dhe në Amerikë që një ambasadë flet për një vendim gjykate. E nuk besoj që mund të ekzistojë ndonjë presion më i madh mbi gjyqtarët se sa ky“.

Nxehet kur i kujtohen pretendimet e opozitës se burgut i shpëtoi ngaqë kërcënoi Edi Ramën. SINK Kërcënimi për Ramën.

“Është fyese për mua që po e çaj rrugen drejt të vërtetës duke kërcënuar njerëz lart poshtë, jo kam vetëm të vërtetën”.

Dy vjet nën hetim dhe i rënë nga pushteti, e ka bërë të seleksionojë njerëzit.

“Edhe me ata që heshtnin a thua s nuk kisha jetuar kurrë dhe me ata ata që më kapën për fyti”.

Por ende nuk është gati të flasë me emra brenda Partisë Socialiste.

“Më shumë se emrat më shqetëson fenomeni, me emrat e zgjidh kollaj, më shqetëson fenomeni”.

Nuk e komenton faktin që Fatmir Xhafaj pëlqeu deklarimet e ambasadorit anglez, që kërkonte më shumë dënim për Tahirin, por brenda vetes është i qartë.

“Nuk dua të abuzoj dhe të bëj komente të parakohshme e di shumë mirë kë kam rrotull”.

Ish kolegëve në qeveri e politikë, ju kujton se është më i lirë se ata. “Kurban nuk do të thotë të mos jesh në burg por të jesh i lirë, ka njërëz që nuk janë në burg, po janë kurbanë se nuk kanë qenë të lirë. Kam njohur burra që kanë qenë të lirë edhe kur kanë qenë në burg para dhe pas burgut. Ka të burgosur pafund që janë në burg dhe qeverisin. Unë jo”.

Thotë se nuk e ka menduar se çfarë do të bëjë me jetën e tij publike.

“Jam duke i shkuar rrugës sime deri në fund dhe çdo bëj me veten time nuk e ka në dorë as partia, as ndonjë individ, e kam në dorë vetëm unë”.

Të qenit pak hapa larg burgut, e ka bërë të reflektojë.

“Më vjen keq për të gjithë ata që janë dënuar padrejtësisht dhe gjithë të tjerëve që u kemi rënë më qafë e kam kuptuar shumë vonë këtë, po më vjen shumë keq”.

Si ditën që hetimi i filloi, edhe sot pas dy vitesh, Sajmir Tahiri e konsideron veten po një lloj: “I vetëm përballë të gjithëve”. /ABC News Albania 24/7

 

POLITIKA-NE-ABC-NEWS-RIKTHIMI-I-SAIMIR-TAHIRIT-21.09.2019.mpg_snapshot_01.29-1280x720.jpg
ent ela14:10 | 21/09/2019

Saimir Tahiri mund të marrë frymë lirisht. Gati 2 vjet më parë prokuroria kërkoi arrestimin e tij me akuzat për trafik droge. Emri i ministrit të brendshëm të kohës kishte dalë në përgjimet italiane të kushërinjve të tij, që i çuan këta të fundit pas hekurave në Itali, për trafik ndërkombëtar droge. Të enjten e 19 shtatorit 2019, gjykata e shkallës së parë për krime të rënda e gjen fajtor vetëm për shpërdorim detyre dhe e dënon me 3 vjet  shërbim prove. I pritshëm apo jo, ky zhvillim spikati javën politike që lamë pas, ndërsa mazhoranca e opozita vijojnë të bashkëjetojnë në pozita të pandryshuara me krizën politike, prej fillimit të këtij viti, edhe pse mundësitë për dialog, nuk janë më një tabu.

12 vite burg kishte kërkuar prokuroria e krimeve të rënda për ish ministrin e brendshëm, kërkesë që u konvertua në 8 vite, për shkak të gjykimit të shkurtuar, që Gjykata i kishte pranuar Saimir Tahirit. Pas seancës 5 orëshe, trupës gjykuese iu deshën afro 8 orë për të shpallur vendimin: mospranimin e akuzave të ngritura nga prokuroria për trafik të narkotikëve i kryer në bashkëpunim,në formën e grupit të strukturuar kriminal, pjesëmarrje në grup të strukturuar kriminal dhe kryerja e veprës në grup të strukturuar kriminal. Por gjykata e gjeti fajtor ish ministrin për shpërdorim detyre.

Për këtë akuzë të pakërkuar nga prokuroria, gjykata e dënoi ish ministrin me 5 vite burg, që me gjykimin e shkurtuar konvertohen në 3.4 vite, dënim që gjithaq e konvertoi në 3 vjet shërbim prove, gjatë së cilave, ish ministrit të brendshëm i ndalohet marrja e posteve publike. Saimir Tahiri u shfaq i pakënaqur.

Edhe prokuroria njëlloj si Tahiri, njoftoi apelimin e vendimit. Ai kualifikim i veprës penale, që në perceptimin publik duket i lehtë, në fakt e penalizon ish kreun e PS së Tiranës në karrierën politike, bazuar në ligjin e dekriminalizimit. Natyra e krimit të kryer e jo masa e dënimit, vepron për ndalimet e këtij ligji. Shpërdorimi i detyrës me referencë nenin 248 të Kodit Penal, kualifikohet në ligjin e dekriminalizimit tek veprat e korrupsionit, ndalimi për të cilat për të kandiduar është 20 vjet. Lulzim Basha reagoi i pari, duke e konsideruar vendimin të turpshëm.

Të nesërmen qëndrimi i selisë blu u zyrtarizua me zë e figurë. Po të nesërmen erdhi edhe qëndrimi i ambasadës së SHBA, që foli për vendim shkurajues. Edhe ambasadori i Mbretërisë së Bashkuar ishte në të njëjtën linjë.

Vendimi për Saimir Tahirin u pasqyrua gjerësisht në mediat ndërkombëtare. Edi Rama zgjodhi të heshtë dhe të nesërmen e vendimit, ditën nuk e nisi në zyrën kryeministrore, por me një takim organizativ me strukturat socialiste të Veriut në Velipojë. Në takim mungonte Ditmir Bushati, por jo Tom Doshi, një nga zërat që sipas burimeve nga mbledhja, i ishte ankuar Ramës për mënyrën e emërimeve të drejtorëve në Shkodër. Asnjë koment për Saimir Tahirin, dukej strategjia e mazhorancës.

Vendimi për Tahirin vjen në momentin kur vendi ndodhet para një provimi të ri në Bruksel për hapjen e negociatave. A do ndikojë vallë ky vendim, për vendin që prej fillimit të vitit mbart pa zgjidhje një krizë politike e institucionale? Në politikë, komunikimi publik është çelësi i suksesit, pasi beteja bëhet për perceptimin publik. Në mediat tradicionale apo rrjete sociale, fiton ai që arrin të imponojë një perceptim të caktuar, e jo thjesht ai që ka të drejtë. Një betejë e tillë u zhvillua edhe javën politike që lamë pas, e instrumente ishin qëndrimet e ndërkombëtarëve, pikërisht në prag të vendimit të KE për hapjen ose jo të negociatave të anëtarësimit më 18 tetor. Ky moment po dikton sjelljen e aktorëve politikë në Tiranë. Edi Rama ka zgjedhur heshtjen si strategji, edhe kur pas Valdrin Pjetrit të Shkodrës, Mark Babani i Vaut të Dejës e Agim Kajmaku i Vorës, po akuzohen më dokumenta nga PD për probleme me drejtësinë e vendeve fqinje, të padeklaruara në momentin e kandidimit. Njëlloj vijon të heshtë edhe prokuroria, që u ka marrë tashmë të treve shenjat e gishtave.

Por edhe Lulzim Basha po luan në tërheqje. I kompleksuar apo jo nga akuzat, se po pengon hapjen e negociatave, e ka ndërprerë aksionin e protestave, deri në 18 tetor, kur del vendimi i KE. Por kjo lëvizje e Bashës ka lënë pa shënjestër Edi Ramën, i cili javën politike që lamë pas, tentoi të rikthente vëmendjen tek opozita, si jobashkëpunuese për integrimin e vendit, por edhe tek zërat për një marrëveshje të ardhshme mes të dyve. Lëvizjet u panë të mëkurën, me objekt reformën zgjedhore, një kërkesë tashmë jo vetëm e Brukselit, por edhe e SHBA.

Paradreken e të mërkurës, në media rrodhi kjo ftesë e nënshkruar nga ambasadori i OSBE, që ditët e fundit ka intensifikuar takimet majtas e djathtas, si dhe dy bashkëkryetarëve të komisionit të posacëm për reformën zgjedhore, demokrates Rudina Hajdari dhe socialistit Damian Gjiknuri. Të tre ftonin partitë parlamentare e ato jo parlamentare të opozitës për një tryezë për reformën zgjedhore të mërkurën e 25 shtatorit.

Mediat ishin informuar para se Lulzim Basha ta kishte parë atë ftesë.

Tempizmi është një tjetër taktikë efikase në politikë dhe Edi Rama e njeh shumë mirë. Pa i lënë shumë kohë, i bëri edhe vetë Bashës një ftesë publike për reformën zgjedhore. Ndryshe nga letrat virtuale që para 30 qershorit ia drejtonte vetëm Lulzim Bashës, këtë herë, ftesa e tij ishte edhe për aleatët e tjerë opozitarë, që nuk është secret, se nuk janë të gjithë në një mendje me Bashën. Kryeministri u njihte peshën në jetën politike dhe shprehte gatishmërinë për t’i takuar kudo e pa kushte, për të diskutuar për reformën zgjedhore.

Por edhe njohja me dy ftesat, Lulzim Basha nuk ndryshoi qëndrimin e njohur. Si për letrat e mëparshme, e konsideroi të pasinqertë ftesën e Kryeministrit, e tha se nuk kishte ndërmend të ulej me Edi Ramën.

Pikërisht identifikimi i Gjiknurit si pengesë, ishte argumenti i dobët, të cilën e shfrytëzoi menjëherë mazhoranca.

Çka bëri që PD të specifikonte pozicionin.

Në fakt edhe reforma zgjedhore, edhe hetimi i akuzave për shitblerje votash, me dosjet 339 e 184 u shfaqën të përfshira mes 9 kushteve, që kishte renditur grupimi parlamentar i kancelares Merkel në Bundestagun gjerman, për të dhënë një PO për hapjen e negociatave. Në këtë listë të kushteve të CDU/CSU që zbuloi Dëelle, zgjedhjet shfaqen në të njëjtin nivel rëndësie me reformën në drejtësi.

Madje për ta parë situatën nga afër në Tiranë ishte javën politike që lamë pas sekretari shtetit gjerman për drejtësinë Kristjan Lange. Për 3 ditë me rradhë takoi disa aktorë politikë e institucionale, Metën, Ramën, Ruçin, Ballën e drejtues të institucioneve të drejtësisë. Qëllimin e saktësoi ambasada gjermane.

Pak orë pas publikimit të kushteve të CDU/CSU, kancelarja Merkel konfirmonte se në Gjermani fjala e fundit i takon Bundestagut, edhe pse qeveria e saj kishte dhënë rekomandim pozitiv, si për Shqipërinë ashtu edhe për Maqedoninë e veriut

Koha të cilës i referohet kancelarja është 27 shtatori, edhe pse sipas ka një dakordësi në Bundestag që negociatat për Maqedoninë e Veriut të hapen në janar. Dakordësia për dritën jeshile për Maqedoninë e Veriut u reflektua nga vizita e fundit në Shkup e Tiranë, e presidentit të këshillit Europian Tusk, në ditët e fundit të mandatit të tij. Dihet pesha dhe qëndrimi i Francës kundër zgjerimit, por kjo nuk e pengoi z.Tusk që në Shkup, krahas Kryeministrit Zaev, ta shprehte optimizmin për Maqedoninë e Veriut.

Mungesa e një sigurie të ngjashme në Tiranë u kompensua nga Kryeministri Rama që i dha medaljen e mirënjohjes.

PO-ja me kushte e CDU/CSU, vjen pa dyshim edhe si rezultat i lobimit të PD. Basha u rezervua ta komentonte, duke i dhënë kështu mundësinë e heshtjes, edhe vetë Kryeministrit. Pas takimit të radhës me aleatët në selinë blu, asgjë e re nuk doli nga kampi opozitar.

Burime nga ai takim flasin për një ndarje mendimesh për t’u ulur ose jo në tryezën e reformës zgjedhore, e në fund dominoi qëndrimi se më parë duhet zgjidhur kriza politike në vend e prandaj opozita po përgatit platformën e saj. Në atë tryezë, mësohet se Lulzim Basha është shprehur se nuk ulet në asnjë tryezë me Ramën për reformën zgjedhore, e as opozita nuk do e bëjë. Republikani Fatmir Mediu nuk e fsheh prej kohësh mendimin ndryshe.

Ndërsa Dashamir Shehi i LZHK, edhe pse duket më pranë refuzimit të Bashës, thotë se kushtet gjermane mund të vihen në tryezë në emër të opozitës.

Madje Dashamir Shehi thotë se opozita duhet të përgatitet për zgjedhje të parakohshme

Për zgjedhje të parakohshme mendon edhe Astrit Patozi, madje thotë se kjo do ta bashkonte me PD

Teksa Basha e aleatët e vet, ende nuk e kanë formalizuar përgjigjen e ftesës për atë tryezë, nga SHBA, erdhi kujtesa se pritshmëria më e afërt është dialogu, e tryeza e reformës zgjedhore, e mundëson këtë.

Sprova për zgjidhjen e krizës vijon të mbetet mes mazhorancës e opozitës jo parlamentare. Kjo u testua edhe të enjten e javës politike që lamë pas, kur Rama, pa qenë në seancë, njëlloj si një javë më herët, provoi se ka një shumicë cilësuar, me rrëzimin e dy dekreteve të fundit të Metës, shumica që i duhet edhe për ndryshime në kodin zgjedhor.

Nga ana tjetër, impenjimi i demokratëve ishte në sqarimin e opinionit se nuk ka një dialog të fshehtë me Ramën,  çka u konfirmua edhe nga PS.

Por aleatët e Bashës po shfaqen më aktivë. Me iniciativë të Fatmir Mediut prej kohësh po përgatisin një platformë, e pasi morën dakordësinë për të nga Basha, unifikuan qëndrimet gjatë një darke informale në Durrës e organizuar nga kreu i PAA Agron Duka. Synimi i tyre është jo vetëm dalja nga kriza, por edhe riorganizimi e hapja e partive opozitare për zgjedhje të parakohshme

Natyrisht që kjo platformë opozitare për t’u implementuar, do kërkojë edhe dakordësinë e mazhorancës, çka do thotë se herët a vonë, pavarësisht qëndrimeve publike, palët do duhet të ulen në një tryezë të përbashkët. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono