Tahiri

TAHIRI-930x445.jpg
Sej rie23:45 | 04/07/2019

Institucionet e Kosovës kanë reaguar ndaj deklaratës së presidentit të Serbisë, Aleksandar Vuçiç në lidhje me hetimet për vrasjen e politikanit serb nga Kosova, Oliver Ivanoviç.

Ministri i Drejtësisë, Abelard Tahiri, përmes një deklarate për media, ka thënë se deklarata e Vuçiçit është “tërësisht politike, mbi një fushë për të cilën ai nuk e ka asnjë kompetencë”.

“Është për keqardhje që presidenti i Serbisë, Aleksandar Vuçiç, ka marrë rolin e gjykatësit, prokurorit, hetuesit dhe secilin rol tjetër që atij i nevojitet, në përpjekje e sipër për ta fshehur të vërtetën, kurdo që ajo afrohet të dalë në pah”, thuhet në deklaratë.

Ndaj kësaj deklarate të ministrit Tahiri, ka reaguar drejtori i Zyrës për Kosovën në Qeverinë e Serbisë, Marko Gjuriq, i cili ka thënë se “Tahiri po mbron kriminelët e luftës dhe po i fsheh vrasësit e Oliver Ivanoviçit”.

Të mërkurën, presidenti i Serbisë, Aleksandar Vuçiç tha se Beogradi “mendon se e ka emrin e vrasësit të Oliver Ivanoviçit”, por po përpiqet të sigurojë prova materiale.

Ai tha se Milan Radojçiç, nënkryetar i partisë së serbëve të Kosovës “Lista Serbe”, nuk ka lidhje me këtë vrasje.

Autoritetet e Kosovës dyshojnë se ai është i përfshirë në këtë krim.

Oliver Ivanoviç është vrarë më 16 janar, 2018, para selisë së partisë së tij në Mitrovicën e Veriut. Ai ka qenë kryetar i Iniciativës qytetare “Liria, Demokracia dhe Drejtësia”.

Në nëntor të vitit të kaluar, Policia e Kosovës ka arrestuar tre persona në veri të Mitrovicës, të cilët dyshohet se kanë lidhje me vrasjen e Ivanoviçit, ndërsa Radojçiç, i cili është kërkuar po ashtu, nuk është gjetur në banesën e tij./REL

saimir-tahiri.jpg
ent ela18:03 | 26/03/2019

Gjykata e Krimeve të Rënda ka marrë të pandehur për trafik ndërkombëtar droge ish-ministrin e Brendshëm Saimir Tahiri. Vendimi për kalimin në gjykim të dosjes me 57 fashikuj u mor sot pas një seance maratone. Tahiri tha jashtë gjykatës se do të provojë pafajësinë e tij dhe mbetet ende ministri kampion.

Saimir Tahiri do të shkojë në  Gjykatën e Krimeve të Rënda si i pandehur për akuzën e trafikut ndërkombëtar të drogës. Gati një muaj pas mbylljes së hetimit nga Prokuroria, Gjykata e Krimeve të Rënda vendosi që një “mal” me  dosje të organit të akuzës në ngarkim të ish- ministrit, të kalojnë në proces gjyqësor. Vetë Tahiri ka kërkuar gjykim të shkurtuar në gjendjen aktuale të akteve të hetimit, por pa pranuar fajësinë.

Seanca maratonë, e drejtuar nga gjyqtarja Miliana Muça,  zgjati rreth 8 orë dhe u zhvillua me dyer të mbyllura. Por burime brenda sallës së gjyqit treguan për debate të shumta që janë zhvilluar në seancë. Ish- ministri Tahiri nuk pranon akuzat e Prokurorisë dhe gjatë seancës ka kërkuar shpjegime për secilën prej tyre.

Pas seancës Sajmir Tahiri tha se tashmë i ka ardhur radha atij të flasë. Ish-ministri i Brendshëm nuk nguroi të shprehe edhe pakënaqësi ndaj sistemit të drejtësisë. Tahiri ka bindjet se kjo e keqe i erdhi nga politika, dhe sërish e quan veten ministri kampion.

Sajmir Tahiri do të gjykohet për 3 akuza “trafikim lëndësh narkotike në kuadër të grupit të strukturuar kriminal” ,“Pjesëmarrje në grup të strukturuar kriminal”, “ kryerje e veprave penale në kuadër të grupit të strukturuar kriminal”.

Në seancën paraprake gjyqtarja Miliana Muça pranoi kërkesën për gjykim të shkurtuar edhe për Jaeld Çelën. Ndërsa  avokatët që përfaqësonin Sokol Boden dhe Gjergji Kohilën nuk ishin autorizuar nga klientët e tyre për të bërë një kërkesë të tillë./abcnews.al

tahiri-1-1280x715.jpg
ent ela09:57 | 26/03/2019

Një tjetër proces i rëndësishëm pritet të zhvillohet sot në gjykatën e Krimeve të Rënda, ku do të vendoset fati i ish-ministrit të Brendshëm Saimir Tahiri. Gjyqtarja Miliana Muça do të vendosë sot nëse do të pushojë hetimet apo do të nisë procesin gjyqësor. Prokuroria e Krimeve të Rënda ka ngritur 2 akuza ndaj Saimir Tahirit, trafikim të narkotikëve të kryer në bashkëpunim, në formë të grupit të strukturuar kriminal, si edhe korrupsion pasiv i funksionarëve të lartë shtetërorë. Pak ditë më parë, me 21 mars dështoi dhe séance paraprake për ish-ministrin e brendshëm Sajmir Tahiri. Shkak u bë mungesa në seancë e 3 zyrtarëve të lartë të policisë së Vlorës Jaeld Çela, Sokol Bode dhe Gjergji Kohila, të cilët janë persona të shpallur në kërkim. Avokati i Tahirit, Maks Haxhia, pas seancës së kaluar nuk përjashtoi dhe mundësinë për të dorëzuar kërkesën për gjykim të shkurtuar. Avokati i ish-deputetit të Partisë Socialiste mohoi të gjitha akuzat për klientin e tij, duke u shprehur se prokuroria,  në 50 fashikuj nuk ka asnjë provë kundër Saimir Tahirit. Pak ditë më parë është dërguar për gjykim dosja për grupin e Habilajve. /abcnews.aql

I-FTUAR-ARTAN-HOXHA.mpg_snapshot_12.53-1280x720.jpg
ent ela18:46 | 28/02/2019

Tre akuzat e Prokurorisë për ish-ministrin e brendshëm Sajmir Tahiri, janë të vështira për t’u provuar, por nëse provohen do ishte dosja e shekullit. Këtë deklaroi në studion e ABC News gazetari Artan Hoxha, sa u takon akuzave për trafik droge, krijim të grupit të strukturuar kriminal, dhe kryerja e veprës penale në kuadër të grupit kriminal, ndaj Tahirit. Në këndvështrimin e tij, Hoxha thekson se prokuroria nuk i ka provat e drejtëpërdrejta që të çojnë te Tahiri, ndaj do bënte mirë që të shtonte edhe një akuzë më të lehtë për të njollosur ish ministrin.

“Janë akuza të rënda që nëse prokuroria do t’i provojë do ta quaja të njëjtit nivel atë do ta quaja dosja e shekullit si e çështjes Hajdari.

Ka një miksim personazhesh, është  e ngjashme si dosja 339, ku do gjesh brenda njerëz, grupe, funksionarë. Unë nëse do isha prokuror do shtoja dhe një akuzë të lehtë, kurse prokuroria nuk e ka ndjekur fare këtë taktikë. Tahiri akuzohet njëlloj si Habiljat, trafik droge, grup i strukturuar kriminal. Nuk ka një akzuë që do mjaftonte për të njollosur rastin Tahiri. I ka hedhur zaret, o të gjitha o asgjë. Tahiri deri në vendimin e Gjykatës prezumohet i pafajshëm. Me këto prova e vështirë të provohen këto akuza. Provat e drejtpërdrejta që të çojnë te Tahiri, prokuroria nuk i ka”.

Sipas gazetarit Hoxha prokuroria shqiptare ndryshe nga ajo italiane, e ka nisur mbrapsht hetimin, pasi sipas tij hetimi duhet fillimisht të niste në Shqipëri, ndërkohë që ka ndodhur e kundërta. Provat janë letërporosi e ardhur nga vendet fqinje dhe jo të grumbulluara këtu, që mund ta vinin me shpatulla pas murit. Hoxha shpjegon se kjo e ndihmon Tahirin, ndërsa hetimi do të jetë i mangët.

“Ka qenë një çështje e politizuar që nga momenti i parë, kemi dosjen Habilaj e cila ka filluar nga prokuroria italiane e Antimafias dhe Italia ka luftuar më shumë se çdo vend kundër mafias. I ka nisur hetimet që në 2013 kur Tahiri nuk ishte ende ministër pra 4 vjet, duke kapur kanabis dhe përgjime pafund brenda e jashtë Shqipërisë. Ata kryhen veprimet pasi grumbulluan provat.

Ne bëmë të kundërtën, vendosëm piketat kush është i pandehuri dhe pastaj rrugës do gjenim provat. Nderi më i madh që iu bë Tahirit është hetimi në sajë të akuzave politike nuk çon në hetim të vërtetë të asaj që ndodh në Shqipëri, do jetë një hetim i mangët që  do i kthehet në  favor Tahirit që në një hetim të vërtetë do ishte vënë me shpatulla pas murit. Një hetim i tillë e ndihmon Tahirin. I njëjti përson nuk mund të hetohet për herë të dytë për të njëjtën  çështje.

Mënyra si nisi hetimet prokuroria i nisi nga koka jo nga bishti, hetimet duhet të nisnin nga poshtë –lart. Këto prova nuk janë marrë nga Prokuroria, që në momentin e parë. Kam thënë që duke nisur nga poshtë nuk do ndalej te Tahiri po do shkonte më lart te Kryeministri. Dhe sot ndodhemi para faktit që Prokuroria ka paraqitur akuzë zyrtare, Tahiri nga sot është i pandehur, provat janë letërporosi të ardhura nga vendet fqinje.

Tahiri nuk i është shmagur hetimit, shumica e provave kanë ardhur nga jashtë. Për mua duhet të ishte e kundërta, provat duhet të ishin në Shqipëri”.

Sipas Hoxhës deri më tani është bërë publike çfarë ka dashur prokuroria të bëhet publike.

“Është bërë pubike çka dashur prokuroria dhe politika të bëhet publike, nuk ka nisur si çështje hetimore e mirëfilltë. Ka nisur për shkak të një publikimi të një përgjimi të Prokurorisë së Katanias dhe nga aty prokuroria nisi hetimin e dosjes së famshme. Hetimet kanë nisur pas publikimti të fletë-përgjimeve nga Prokuroria e Katanias”. /abcnews.al

tahiri-1-1280x715.jpg
ent ela13:34 | 28/02/2019

Saimir Tahiri u njoh me tre akuza të ngritura nga Prokuroria për Krime të Rënda, vepra që ish-ministri i Brendshëm, i quan aq të rënda, sa vetëm ndaj Aldo Bares janë ngritur të tilla në Shqipëri. Në prokurori, Tahiri u njoh me tre akuza, të trafikut të drogës, krijimit të grupit të strukturuar kriminal, dhe kryerja e veprës penale në kuadër të grupit kriminal.

Ish-ministri i Brendshëm Saimir Tahiri u njohur të enjten me akuzat në Gjykatën e Krimeve të Rënda, një ditë pasi Prokuroria mbylli hetimet dhe çoi dosjen për gjykim.
Pas rreth 40 minutash qëndrim në gjykatë, Tahiri lëshoi akuza të forta në drejtim të organit të akuzës. Sipas ish-ministrit ë Brendshëm, vetëm Aldo Bare, kishte më shumë akuza se ai.
Dosja për Tahirin u dërgua për gjykim nga prokuroria, ndërsa ish-ministri do të merret i pandehur zyrtarisht ku të akuzohet se ka favorizuar grupin kriminal të Habilajve në trafikun e narkotikëve. Ai tha se do ti shkonte drejtësisë deri në fund.
I gjithë Procesi gjyqësorë dhe akuzat ndaj meje jenë të montuara politikisht- theksoi Saimir Tahiri.
Ish-ministri i Brendshëm ka mohuar të ketë mbështetjen e kryeministrit Rama dhe të mesazheve të koduara për të bërë presion mbi hetimet e nisura ndaj tij.
Përveç ish- monistit Tahiri, për gjykim do të shkojë edhe tre ish- zyrtarët e policisë së Vlorës. Jaeld Cela, Gjergj Kohila dhe Sokol Bode vijojnë të mbeten në kërkim ndërkombëtar, nga Policia e Shtetit. I vetmi që është veçuar nga dosja hetimore e prokurorisë është Orest Sota, të cilit iu sekuestruan në qytetin e Elbasan një shumë prej 863 mije euro dhe mjetet e identifikimit te ish-ministrit të Brendshëm Saimir Tahiri./abcnews.al

PROKURORIA-MBYLL-HETIMET-PER-TAHIRIN.mpg_snapshot_00.12-1280x720.jpg
ent ela16:14 | 27/02/2019

Prokuroria ka mbyllur hetimet dhe merr si të pandehur Saimir Tahirin. Ish-ministri i Brendshëm do të akuzohet për “trafik ndërkombëtar droge në bashkëpunim”, “grup të strukturuar kriminal” dhe “shpërdorim detyre”.

Pas rreth 1 viti e katër muajsh hetim, Prokuroria e Krimeve të Rënda ka mbyllur dosjen për Saimir Tahirin, duke çuar atë për gjykim.

Përveç ish- ministrit, për gjykim do të shkojnë edhe tre ish- zyrtarët e policisë së Vlorës. Jaeld Çela, Gjergj Kohila dhe Sokol Bode vijojnë të mbeten në kërkim ndërkombëtar, nga Policia e Shtetit. I vetmi që është veçuar nga dosja hetimore e prokurorisë është Orest Sota, të cilit iu sekuestruan në qytetin e Elbasanit një shumë prej 863  mije euro dhe mjetet e identifikimit të ish-ministrit të Brendshëm Saimir Tahiri.

Hetimet nisën në tetor të 2017 për ish-ministrin Tahiri me dyshimin sa ka lidhje me grupin e Habilajve që trafikonte drogë drejt Italisë. Më herët prokuroria e Katanias mbylli dosjen për ish-ministrin e Brendshëm pasi ndaj tij nuk u gjetën prova që e implikonin në trafikun  e drogës. Organi i akuzës ka shtyrë disa herë zgjatjen e afateve në pritje të letër porosive nga Italia, Greqia dhe Mali i Zi për të vërtetuar akuzat ndaj Tahirit. Ish- ministri ankimoi zgjatjen e hetimeve, dhe me 11 shkurt, Gjykata e Krimeve të Rënda vendosi të pranojë kërkesën e tij, duke iu lënë prokurorëve afat të përfundonin hetimet deri më datë 10 mars. Akuzat ndaj ish-ministrit të brendshëm janë; “trafikim i narkotikëve i kryer në bashkëpunim, në formë të posaçme të grupit të strukturuar kriminal, si edhe korrupsionin pasiv i funksionarëve të lartë shtetërorë”. /abcnews.al

TAHIRI-DALJA.mpg_snapshot_00.35-1280x720.jpg
ent ela14:47 | 11/02/2019

Ish-ministri i Brendshëm Saimir Tahiri, ka fituar një tjetër betejë në luftën e tij me Prokurorinë për Krimet e Rënda. Gjykata pranoi ankimimin e bërë prej tij kundër zgjatjes me 3 muaj të hetimit, duke u lënë kohë prokurorëve deri në 10 Mars për ta dërguar ose jo dosjen për gjykim.

Hetimi i nisur ndaj ish-ministrit të brendshëm, Saimir Tahiri, duhet të përfundojë deri në datën 10 Mars. Gjykata për Krimet e Rënda caktoi këtë datë si afat fundor të hetimit të Tahirit. Vendimi u shpall nga gjyqtarja Liljana Baku e cila pranoi pjesërisht ankimin e ish-ministrit kundër zgjatjes së hetimit me tre muaj.  Në zbatim të vendimit të gjykatës, prokurorët kanë edhe një muaj kohë për të dalë me një përfundim nëse procedimi penal ndaj ish-ministrit duhet të pushohet, apo ai duhet të dërgohet si i pandehur në gjykatë. Ish-ministri nuk e fsheu entuziazmin, ndërsa tha se për të dhe prokurorinë kishte nisur numërimi mbrapsh.

Ish-ministri i akuzuar si garantor i “Habilajve” në trafikun e kanabisit kundërshtoi në gjykatë vendimin e Prokurorisë së datës 17 janar, që zgjati për të pestën herë radhazi afatin e hetimit të nisur ndaj tij. Prokuroria e argumentoi zgjatjen e afatit me kohën e nevojshme për mbërritjen e një letërporosie nga Mali i Zi dhe përkthimin e një tjetre të ardhur nga Italia. Ish-ministri e konsideroi shtyrjen si justifikim për zvarritjen e hetimit. /abcnews.al

ambasada-amerikane.jpeg
ent ela17:17 | 20/11/2018

Shtetet e Bashkuara  të Amerikes vazhdojnë me kërkesën e tyre për sundim të fortë të ligjit në Shqipëri. Përmes një postimi në rrjetet sociale ambasada amerikane në Tiranë shpreh angazhimin e përkushtuar të saj ndaj të ardhmes së vendit tonë.  Edhe në këtë postim selia diplomatike amerikane shtron sërish pyetjen se “Kush e ka Radhën”, ndërsa iu referua vendimit të djeshëm të Gjykatës së Krimeve të Rënda për Ervis Martinaj.

“Gjykata e Apelit të Tiranës dëgjoi argumentet e prokurorëve lidhur me masën e sigurisë për Ervis Martinaj. Ne presim hetimin e plotë të tij, ashtu siç presim që sundimi i ligjit të zbatohet gjatë hetimit në vazhdim për Saimir Tahirin”, shkruhet në deklaratën e ambasadës së SHBA.

Në këtë reagim të saj, ambasada vlerësoi vendimin e Gjykatës së Krimeve të Rënda ndaj Emiljano Shullazit dhe grupit të tij.

Por, kundrejt këtij qëndrimi ka reaguar vetë ish ministri Tahiri. “Siç nuk duhet të ndodhte në një vend normal, për fat të keq ka ndodhur që Ambasada Amerikane ka folur për hetimin ndaj meje më shumë se ç’kam folur unë vetë”, shkruan Tahiri në rrjetet sociale, ku dhe ndan besimin se sëbashku me ambasadën amerikane duan dhe presim të njëjtën gje; DREJTESIA TE BEJE DREJTESI!./abcnews.al

LAJME-19-_-I-FTUAR.mpg_snapshot_24.54-1280x720.jpg
G. P.20:44 | 01/11/2018

I ftuar në Mbrëmje në ABC News me gazetaren Mirela Milori ishte eksperti ligjor pranë PD Gazmend Bardhi. Një diskutim mbi reagimin pas daljes publike të ish-ministrit të Brendshëm Tahiri dhe çështjet me të rëndësishme politike në vend.

“Ajo ç’ka i PD ka sqaruar sot opinionin publik është vendimi që paraqiti Tahiri për akuzën nga Prokuroria për trafik droge është një vendim që nuk ka lidhje për vendimet që po kryen në Shqipëri. Dalja e sotme e Tahirit është pjesë e strategjisë që ai ka zgjedhur për të parapregatitur opinionin publik për atë vendim të prokurorisë shqiptare.”

Bardhi dhe dhe mendimin e tij për faktin se sa e favorizon Tahirin dokumenti italian:

“Zero. Këtë gjë e di çdo jurist, këtë gjë e din edhe Saimir Tahiri, por thjesht e ka pjesë të strategjisë për të manipuluar opinionin publik. Ai e di që një hetim për veprimtarinë e tij kriminale në Itali nuk ka ndikim për veprimtarinë e tij kriminale në Shqipëri. E përsëris, Saimir Tahiri ka kryer veprimtari kriminale në Shqipëri.”

“Saimir Tahiri sot përdori gjuhë prej mafiozi ndaj çdo punonjësi drejtësie që nuk i është bindur deri më tani urdhërit të Edi Ramës për të ndërprerë hetimet për Saimir Tahirin. Saimir Tahiri është bashkëpunëtori i Edi Ramës dhe koordimini i veprimeve mes të dyve tregon që janë bashkë. Ka fakte për këtë. Saimir Tahiri ka qenë ministër i Brendshëm, siç di Edi Rama veprimtaritë e Saimir Tahirit, di dhe Saimir Tahiri me fakte dhe prova veprimtari kriminale të Edi Ramës dhe familjarëve të tij.”

“Ai i arrestuar duhet të jetë dhe pas kësaj deklarate duhet të arrestohet, për shkak se është i aftë dhe po tregon së është i gatshëm për të prishur prova, për të shantazhuar dëshmitarë, për të blerë dëshmitarë, për të shantazhuar prokurorë. ”

“Ka prova dhe fakte të plota që Saimir Tahiri do të duhej që sot të ishte në burg. Ai ka mbrojtjen e Edi Ramës dhe Prokuroria për sa kohë të jetë kryeministër Edi rama do të bëjë atë që thotë Edi Rama, sepse sot kryeprokuror në Shqipëri është Edi Rama. Ai vendos kush hetohet, si hetohet dhe kush janë rezultatet e hetimit.”

Gjithashtu ai tregoi se nëse Partia Demokratite do të ketë më denoncime të kësaj natyre apo jo:

“Unë besoj që po për sa kohë që fokusi jonë është në luftë pa kompromis ndaj lidhjeve midis qeverisë dhe krimit të organizuar. Jo si dëshirë e opozitës, por si nevojë e qytetarëve shqiptarë. Unë sot nuk jam në gjendje të them ndonjë rast konkret, por të jeni të sigurt që nëse Prkuroria do të kishte si busull orientuese zbatimin e ligjit, sot pa asnjë dyshim, të paktën 2 ministra të Edi Ramës do të ishin në burg dhe të paktën 6 deputetë të tijdo të ishin në burg. Prokuroria ka dosje, jo vetëm dosjen 339 në qendër të së cilës është zoti Dako, por ka dhe dosje të tjera me të njëjtën mënyrë siç ka vepruar Vangjush Dako kanë vepruar edhe ministra të Edi Ramës. Janë të dokumentuara lidhjet e tyre me krimin e organizuar dhe shkëmbimi i favoreve ku krimi i organizuar blen vota në emër të Edi Ramës dhe përfiton pushtet me anë të Edi Ramës në lidhje direkte me të paktën 2 ministra. Në atë dosje ka gjithçka për të provuar që Vngjush Dako është një politikan i lidhur me krimin dhe i korruptuar. Prokuroria ka dosje të plota të tjera ku faktohet lidhja e ministrave dhe deputetëve të Edi Ramës me krimin e organizuar dhe korrupsionin.”/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono