Superliga

hidi.jpg
Vladimir Prenga16:23 | 06/10/2019

Isli Hidi, portieri Bylisit, tregoi një formë të mirë me Laçin në ndeshjen e sotme. Pas takimi ai foli në emisionin “Gol pas Goli” në Supersport: “Ne portierët luajmë më shumë se të tjerët., Luajtëm mirë në Laç, duke pasur parasysh që ata donin fitoren. Dhamë maksimumin dhe jemi të kënaqur me pikën që kemi marrë”.

“Europa? Futbolli ka të papritura. Mundohemi të japim maksimumin dhe të marrim sa më shumë pikë. Vendi i parë tani nuk është asgjë. Po tregojmw se jemi ekip kompakt. Do jemi deri në fund një ekip simpatik”.

“Nuk ka diferenca në kampionatin tonë. E pashë edhe vjet. Ekipi që lufton më shumë do të bëjë më mirë. Nuk e shohim klasifikimin. Është detyrim qëndrimi në Superiore dhe më pas pse jo, nëse kemi mundësi, do të shohim edhe për më lart”.

“Jam i lumtur që jam i pari. Edhe te Teuta mora një sfidë vjet. Uroj të shkoj në Europë edhe me Bylisin dhe t’i japim një kënaqësi atij qyteti që jeton vetëm me futbollin. Ekipet tani do na shohin ndryshe dhe bëhet më e vështirë. Tani mobilizohen të gjithë. Kjo është e bukura  kampionatit dhe ne na pëlqejnë sfidat”.

Tirana-Partiz.jpg
Igli Nikolli21:14 | 27/09/2019

Kryeqyteti po pret me emocion derbin e përjetshëm midis Tiranës dhe Partizanit. Dueli midis dy “armiqve të urryer” do të zhvillohet ditën e diele duke nisur nga ora 19:00, ndërsa dyert e stadiumit do të hapen dy orë përpara.

Bardheblutë vijnë si pritës në këtë përballje dhe do të kenë më shumë tifozë se “demat e kuq”. Shitja e biletave ka ndodhur shpejt dhe kanë mbetur edhe fare pak. Abc News mëson se deri në këtë moment janë shitur 6000 bileta.

Sportelet e biletarisë te stadiumi “Selman Stërmasi” do të hapen nesër prej orës 10:00-19:00 dhe mendohet se deri ditën e ndeshjes gjithçka do të jetë “sold out”.

Tirana nuk fiton përballë Partizanit prej 7 shkurtit të vitit 2014. Bardheblutë e Memës shpresojnë që të thyejnë tersin e keq dhe t’iu dhurojnë tifozëve një mbrëmje fantastike, ndërsa kampionët në fuqi duan të zgjasin dominimin në kryeqytet.

Humbja është e papranueshme në kampin e kuq dhe të gjithë janë gati për suksesin e radhës. /abcnews.al

carcani-1280x720.jpg
ad min11:21 | 24/09/2019

Në këtë puntatë të emisionit sportiv “Pressing” u skutua rreth ndeshjeve të superligës shqiptare. Gjithashtu të ftuarit u ndalën edhe tek stadiumi kombëtar, i cili në Nëntor pritet të inaugurohet në ndeshjen ndaj Francës.

Të ftuar në studio ishin: Ernest Gjoka, trajner; Eduart Prodani, ish-sekretar i përgjithshëm i FSHF; Arben Dervishaj, anëtar i Komitetit Ekzekutiv të FSHF; Nderim Nexhipi, drejtor sportiv i Kukësit; Anton Cicani, kryeredaktor tek Telesport dhe Artan Hoxha, gazetar./abcnews.al

lenjani.jpg
ad min21:58 | 01/09/2019

Ermir Lenjani shënon një gol mjaft të rëndësishëm në Superligën e Zvicrës. Lojtari I kombëtares shqiptare i dha fitoren jashtë fushe, ekipit të tij, Sionit.

Janë harruar kohët e këqija kur fati nuk e ndihte aspak. Emir Lenjani, i vlerësuar nga ish-trajneri i kombëtares Xhani De Biazi edhe kur ishte pa skuadër, sot është ndër lojtarët më të mirë të Superligës së Zvicrës.

Futbollisti i kombëtares shqiptare, që do të bashkohet në grumbullim me ekipin për eliminatoret e Euro 2020-ës, realizoi golin e dytë personal në kampionat, dhe rrjetën e fitores për ekipin e tij, Sionin, në ndeshjen e luajtur në fushën e Tunit.

Ishte minuta e 18-të, kur lojtari i krahut iu shkëput mbrojtësve për ta futur topin në portë, e për t’i dhënë mundësi Sionit të vazhdonte serinë e fitoreve, tashmë katër të tilla.

Një sukses që e mban skuadrën në podiumin e Superligës, në vendin e tretë, me 13 pikë në 6 javë, e duke iu larguar disi ekipeve që vijnë pas. Ndonëse nuk shënon aq shumë sa Bazeli e Jang Bojsi, sërish ekipi i Zvicrës franceze është vetëm 2 pikë larg kreut të renditjes.

Bashkë me Lenjanin, aty luajnë edhe dy shqiptarë të tjerë të lindur në Zvicër dhe që kanë përfaqësuar kombëtaren zvicerane, si Pajtim Kasami e Valon Behrami, që këtë herë mungoi për shkak dëmtimi./ABC News Albania 24/7

ilir-daja.jpg
ad min20:14 | 31/08/2019

Skënderbeu ndihet krenar për dy fitoret e para në kampionat, por tregohet i kujdesshëm para duelit me Bylisin. Trajneri Ilir Daja bën analizën e skuadrës dhe të ndeshjes së radhës.

Nuk të pyet kush se kush ke qenë, por se cili je. Kjo është aksioma e jetës, dhe një njeri me përvojë jete si Ilir Daja e di shumë mirë.

Trajneri i Skënderbeut, i ulur në një stol të lavdishëm, por në drejtimin e një të dobësuar mjaft, ndihet krenar për 6 pikët e arritura në dy ndeshjet e para të kampionatit, dhe synon që kjo seri pozitive të vazhdojë.

“Nuk e kishim menduar që në dy javët e para mund të merrnim pikët e plota, por ajo që u tregua në fushën e lojës në dy ndeshjet kishte një emërues të përbashkët sepse të gjithë duke filluar nga lojtarët besuan deri në fund. Kjo do të thotë që ky ekip e ka akoma mentalitetin e fituesit”, tha Daja.

Në Korçë vjen Bylisi, një ekip i ardhur nga Kategoria e Parë, pra ndoshta jo në nivelet më të larta të Superligës.

“E njoh mirë sepse Bylisi ka një ekip që ka dy vjet bashke. Ka një mënyrë loje të konsoliduar. Edhe në këto dy javët e para ka bërë mirë në lojë pavarësisht se nuk ka marrë rezultatet. Nëse do duam të shkojmë drejt fitores me Bylisin duhet të jemi me këmbë në tokë, t’i harrojmë dy ndeshjet e para”, tha Daja.

Skënderbeu ka njëmbëdhjetë lojtarë të mirë në formacion, por ndoshta jo ndonjë stol të mirë. Drejtuesit e dinë këtë problem.

“Ekipi që fiton nuk ndryshohet, por që në bazë të kundërshtarëve dhe lojtarëve që kemi në dispozicion formacioni do të jetë ai që është prezantuar në këto dy javët e para”, tha Daja.

I goditur nga UEFA dhe KAS-i, Skënderbeu nuk do ta ndryshojë strategjinë e këtyre viteve, pra për eksportimin e lojtarëve të rinj. Daja pohon se vetëm kështu mund të sigurohen financat./ABC News Albania 24/7

franko-lerda.jpg
ad min18:15 | 31/08/2019

Partizani pritet të ketë një ndeshje të lehtë në Superligë ndaj Flamurtarit në kryeqytet. Trajneri Lerda nuk e pranon diçka të tillë, ndërsa mohon të ketë pasur sherre në skuadrën e tij.

Ditët nuk janë të lehta as pas një fitoreje. Partizani u kthye me triumf nga Gjirokastra, veçse trajneri Franko Lerda vazhdon të jetë nën presion, diçka që po ndodh edhe në prag të duelit me Flamurtarin, këtë të diel në “Selman Stërmasi”.

Një ndeshje në letër e lehtë, por italiani nuk e pranon një gjë të tillë, ndërsa pyetet edhe për fitoren e titullit.

“Shpresojmë. Ky është objektivi ynë. Është e qartë se është një sezon i ndryshëm, një kampionat i ndryshëm, mjaft lojtarë të ndryshëm, qoftë tek Partizani apo në skuadrat e tjera. Formacionet kanë ndryshuar. Rezultatet e vetëm dy ndeshjeve nuk mund të jenë tregues për vazhdimësinë tonë të kampionatit. Ne duhet të mendojmë vetëm për atë që duhet të bëjmë vetë. Kundërshtarët janë të ndryshëm, ka më shumë cilësorë, më pak cilësorë. Tani kemi Flamurtarin, që nuk do të jetë e lehtë ta mundim. Duhet t’i respektojmë të gjithë, por duhet të merremi me punët tona, dhe t’i bëjmë sa më mirë”, tha ai.

Çfarë po ndodh në skuadrën kampione?

Më parë, pati konflikt të trajnerit me njerëz të stafit, ndërsa tani flitet për sherr mes Telushit e Melos.

“Nuk di se çfarë shkruhet në gazeta, pasi nuk di të lexoj. Apo më saktë, nuk lexoj. Sipas mendimit tim nuk ka ndodhur asgjë, nuk kam parë asgjë, nuk di se çfarë mund të ketë ndodhur pas ndeshjes. Nuk di se kush ua ka thënë, por duket se ka gabuar. Nuk di se çfarë mendimi keni ju për Partizanin e madh. Shoh se skuadra përmirësohet, luan një futboll shumë të mirë, i dominon ndeshjet. të gjithë janë pjesëmarrës, nga portieri deri tek sulmuesi. Për mua, jemi në rrugën e duhur”, u shpreh Lerda.

Lerda jep lajmin e mirë se Solomon do të jetë në fushë, pasi e ka shlyer financiarisht pjesën e mbetur të dënimit të dhënë nga Disiplina. Flamurtari, ndërkaq, ndodhet në një pozicion shumë më të vështirë, pas dy humbjeve. Trajneri Sadedini përpiqet t’i bëjë thirrje krenarisë së emrit Flamurtar.

“E dimë ndeshjen me të gjitha vështirësitë që ka. Partizani është kampioni. Do përpiqemi që me mundësitë tona të nxjerrim ndeshjen sa më mirë. Në këto momente jemi të kënaqura dhe me një pikë, por gjithmonë në futboll nuk i dihet dhe flamurtari është ekip që loz për fitore”, tha Sadedini./ABC News Albania 24/7

SUPERLIGA-PARTIZANI-E-SKENDERBEU.mpg_snapshot_00.02-1280x720.jpg
ent ela19:32 | 28/08/2019

Partizani kampion arriti fitoren e parë në Superligë, duke mundur Luftëtarin në Gjirokastër. Gjithsesi, suksesi më i madh i javës së dytë ishte ai i Skënderbeut në Laç.

Nuk mund të vlerësohet si fitore e madhe, por gjithsesi është fitorja e parë.

Partizani e theu më në fund akullin në Superligë, me suksesin 1-0 në Gjirokastër ndaj Luftëtarit.

Goli i Telushit, që në minutën e 15-të, jo vetëm lehtësoi psikologjikisht kampionët, por edhe theu tabunë 22-vjeçare pa triumf në qytetin e Jugut.

Tashmë, trajneri Franko Lerda mund të jetë më i qetë në punën e tij për ndeshjen e radhës, atë ndaj Flamurtarit në kryeqytet.

Partizani kontrolloi lojën, por sërish pati të metën e vjetër, atë të mosshënimit të golave, duke mos arritur ta mbyllte ndeshjen.

Rastet e shumta vlejtën për të kënaqur Lerdën se ekipi po funksionon, por Luftëtari mund të kishte shkaktuar surprizën në çdo moment.

Gjithsesi, pavarësisht vlerësimit dhe respektin  për Partizanin si ekip kampion, ngjarjen e javës e shkaktoi Skënderbeu.

Korçarët, të deklaruar të vdekur e të varrosur, arritën fitoren e dytë duke u ngjitur në vendin e parë të Superligës, siç ishin mësuar deri dy sezone më parë.

Për më tepër, suksesi ishte në Laç, ndaj një ekipi shumë të fortë në stadiumin e tij, me potencial dhe me një trajner me përvojë si Starova.

Kurbinasit, madje, kaluan të parët në avantazh me anë të Nuabuezes në pjesën e parë, por nuk e përballuan dot ekipin e Ilir Dajës, që ka ende lojtarë të rëndësishëm.

Devi Bregu dhe Oto Xhon përmbysën shifrat pas pushimit, ndërsa në fushë për ish-kampionët ishin edhe emra të tjerë si Dita, Pollozhani, Muzaka Gripshi apo Krasniqi.

Përfundoi pa gola në Ballsh, dueli mes Bylisit e Vllaznisë, ku të dyja skuadrat patën mundësi që të shënonin.

Një rezultat pozitiv për shkodranët e trajnerit Mirsad Jonuz që duken të fortë pas kthimit në Superligë. /ABC News Albania 24/7

ndeshja.jpg
ad min16:55 | 28/08/2019

Kukësi shkon për fitore në fushën e Flamurtarit, në ndeshjen e sotme të Superligës, në orën 19:00. Pas fitores me Partizanin, trajneri Duro kërkon vazhdimësi, por edhe vlonjatët nuk duan që të dorëzohen.

Padyshim që emocion ka, pasi kthehet shpejt aty. Shpëtim Duro do të vihet sot përballë Flamurtarit, madje brenda në Vlorë, ndërsa dy sezone më parë ishte trajner i kuqezinjve.

Pas një përvoje në Kosovë, ja ku vjen si kundërshtar në stolin e Kukësit për ndeshjen e Superligës që luhet në 19:00. Duke folur për mediat, tekniku tiranas theksoi se po kthehej me nostalgji në Vlorë, ku është vlerësuar dhe respektuar për sa kohë punoi aty.

Gjithsesi, Duro pohon se ashtu si në çdo ndeshje tjetër, do të kërkohet tripikëshi. Trajneri vlerësoi lart paraqitjet e bëra ndaj Partizanit, në Superkupë dhe në kampionat, si dhe fitoren e fundit, duke kërkuar vazhdimësi.

Kukësi tashmë do të ketë edhe një lojtar të ri, Kristal Abazajn, që u prezantua nga drejtori sportiv, Nexhipi, ndërsa pritet që të luajë direkt në formacion, ose të paktën të jetë i gatshëm për ndeshjen.

Kukësi është më i plotësuar me ardhjen e Abazajt, Kotobellit dhe afrikanit Obanor, pavarësisht largimeve në mbrojtje dhe dëmtimit të kapitenit Musolli.

Flamurtari, ndërkaq, e pret ndeshjen në pozita të vështira. Skuadra dihet që është krijuar vonë, dhe gjithashtu vonë ka nisur punën përgatitore, duke mos qenë gati për nisjen e kampionatit. Gjithsesi, trajneri Sadedini, kërkon sukses pas humbjes në Korçë.

Sadedini shqetësohet se, me gjendjen që ka skuadra, tri ndeshje në gati një javë janë shumë dhe mund të ndikojnë për keq./ABC News Albania 24/7

vllaznia-2.jpg
ad min18:00 | 27/08/2019

Vllaznia nuk është në formën më të mirë, por trajneri Mirsad Jonuz beson tek rezultati pozitiv në ndeshjen ndaj Bylisit. Jonuz refuzoi të deklaronte se cili është objektivi i skuadrës në këtë kampionat.

Duket sikur në Shkodër kampionati nuk ka nisur ende. Pavarësisht fitores me Laçin, diçka me të vërtetë e rëndësishme, trajneri Mirsad Jonuz, sheh si detyrë kryesore të harmonizojë skuadrën, të krijuar vonë.

Trajneri me origjinë shqiptare, ardhur nga Maqedonia, gjithsesi, nuk harron se detyra e Vllaznisë është të marrë rezultatet, ndaj edhe së pari flet për ndeshjen e radhës ndaj Bylisit.

“E kam studiuar Bylisin, edhe në televizion, edhe në pamje filmike në disk. Kam diskutuar me lojtarët dhe mund të them se kundërshtari është I fortë, dhe ndeshja do të jetë e hapur. Edhe Bylisi ka trajner nga ish-Jugosllavia, dhe luan me të njëjtin sistem si ne. Nuk mund të parashikoj rezultatin, por besoj se lojtarët tanë do të japin maksimumin për të marrë tri pikët. Gjithsesi, e rëndësishme është të mos humbasim”.

Jonuz ngacmohet duke i thënë se si shumë eufori u krijua pas suksesit me kurbinasit.

“Jo, nuk mund të jetë kështu. Një fitore është thjesht një fitore, ndeshja e radhës është diçka tjetër. Është puna e radhës. Gjithsesi, jam i kënaqur me mentalitetin e lojtarëve të mi. Dua të përgëzoj dhe të falenderoj për ndeshjen ndaj Laçit. Ishte një paraqitje mjaft e mirë, dhe një rezultat tepër pozitiv për ne. Pas asaj ndeshjeje, patëm disa probleme me lojtarët, por pas dy ditësh stërvitjeje të gjithë janë mirë, dhe vetëm Gligorovi nuk e ka marrë dot veten”.

Laçi e Bylisi kanë rëndësi, por po ashtu duhet të dihet se cili është objektivi i Vllaznisë në këtë kampionat?

“Për momentin, është e rëndësishme të krijojmë skuadrën, sepse kemi lojtarë që kanë ardhur vonë dhe janë stërvitur pak me ne.  Ne na duhen pikët ndaj Bylisit dhe Tiranës, por do të vazhdojmë të punojmë gjatë periudhës së pushimit. Për sa i përket objektivave, mbijetesës, Ligës së Europës apo Championsit, për këtë do të flasim pas 6 muajsh”./ABC News Albania 24/7

ndeshje.jpg
ad min14:01 | 27/08/2019

Tirana pret sot Teutën në ndeshjen e parë të javës së dytë të Superligës. Të dyja skuadrat kanë mungesa në takimin e orës 19:00, ndërsa luajnë vetëm pas dy ditësh pushim.

Atmosfera është e qetë, siç mund të jetë pas një fitoreje. Tirana e pret me optimizëm ndeshjen e sotme ndaj Teutës në Superligë, me besimin se nuk do t’i zhgënjejë tifozët në “Selman Stërmasi”.

Luhet në orën 19:00, dhe trajneri Ardian Mema ka tri shqetësime. Së pari, dëmtimi i brazilianit Torasa, që mund të zëvendësohet në formacion nga Kobina apo Karabeci.

Së dyti nga fakti se Teuta është shumë më e fortë se Luftëtari, pra ndeshja e javës së dytë mbetet enigmë dhe së treti sepse Tirana luan pas vetëm 2 ditësh të plota pushim.

Teuta, ashtu si kryeqytetasit, e nisi mirë kampionatin, duke mundur Bylisin. Trajneri Bledi Shkëmbi, megjithatë ka probleme në prag të duelit, pasi të dëmtuar janë Çyrbja e Beqja. Shkëmbi bëri një batutë për ish-kapitenin e tij, Osmanin, që tani është me Tiranën.

Në javën e parë të Superligës, Tirana mundi 3-0 Luftëtarin, dhe Teuta kaloi minimalisht 1-0 Bylisin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono