sulmuesi

Solskjaer.png
Veronik Istrefaj08:00 | 20/02/2020

Trajneri i Manchester United, Ole Gunnar Solskjaer, ka folur për sulmuesin e Borussia Dortmund, Erling Haaland. United ishte shumë pranë firmës me talentin norvegjez në janar, por 19 vjeçari zgjodhi të firmosë për Dortmund.

Solskjaer tha për Haalad: “Normalisht, nuk komentoj kurrë për lojtarët e ekipeve të tjera, por për Haaland, jam shumë i lumtur. Ai është një djalë fantastik dhe ajo çfarë dua, është më të mirën për të.

E ka filluar aventurën e tij te Dortmundi në mënyrën më të mirë të mundshme. Gjithashtu, është një lojtar fantastik edhe për Norvegjinë”, përfundoi strategu norvegjez i Manchester United.

Erling-Haaland-Bolt.jpg
Veronik Istrefaj23:19 | 19/02/2020

Gazeta e njohur spanjolle, Marca, ka publikuar në rrjetet e saj sociale një video të sulmuesit Erling Haaland, e cila po bëhet virale. Sulmuesi norvegjez bëri një sprint fenomenal në takimin kundër PSG-së, duke marrë vëmendjen e të gjithëve.

Bomberi i talentuar ishte shumë pranë rekordit të Usain Bolt në 60 metra distancë dhe kaq ka mjaftuar që Marca të editojë një video, e cila është gazmore dhe epike. Sulmuesi norvegjez shihet të vrapojë në një pistë garimi së bashku me Usain Bolt, si dhe në disa vende tjera. Fantastike…/abcnews.al

Neymar-te-dashurat.jpg
Veronik Istrefaj18:09 | 19/02/2020

Ylli brazilian, Neymar Junior, është shumë i suksesshëm brenda fushave të blerta, ku ka fituar një numër të madh trofesh me skuadrat e Santos, Barcelonës dhe PSG-së. Sulmuesi e ka nisur karrierën e tij si profesionist që në moshën 17 vjeçare dhe ka më shumë se 10 vite që është në qendrën e vëmendjes.

Jo vetëm për arritjet e tij brenda fushës, por dhe për ato jashtë saj. Neymar është i suksesshëm dhe me femrat dhe partneret e tij ndër vite, janë shumë seksi dhe të famshme. Aktualisht, Neymar është në një lidhje me bukuroshen braziliane, Bruna Marquezine, me të cilën është fotografuar shpesh në Brazil dhe në Paris.

Bruna Marquezine, partnerja aktuale e Neymar

Në të kaluarën, Neymar ka pasur dhe një lidhje me bukuroshen Anitta, e cila është një këngëtare shumë e famshme dhe ndiqet nga më shumë se 45 milion fansa në Instagram.

Këngëtarja Anitta gjatë një performance

Në vitin 2014, e dashura e Neymar ka qenë aktorja dhe modelja braziliane, Thaila Ayala, po ashtu shumë e njohur në botën e showbizit dhe shumë seksi me fotot e saj në internet.

Thaila Ayala, ish-partnerja e Neymar

Neymar ka një djalë me bukuroshen Carolina Dantas, me të cilën ka pasur një lidhje dashurie shumë kohë më parë. Tani, dyshja është e ndarë, por sërish kanë takime me njëri-tjetrin, duke u ndikuar dhe nga djali i tyre./abcnews.al

Neymar dhe Carolina Dantas, e ëma e djalit të Neymar
Serge-Gnabry.jpg
Veronik Istrefaj17:12 | 19/02/2020

Rritja e Serge Gnabryt është e jashtëzakonshme. Sulmuesi gjerman nuk e ka pasur gjithmonë të lehtë gjatë karrierës së tij, edhe pse tani është në majë të futbollit dhe po shijon suksese të njëpasnjëshme me Bayern Munchen.

24 vjeçari ishte pjesë e Akademisë së Arsenalit në Premier League, aty ku bëri ndeshje të shkëlqyera dhe i fitoi vetes një kontratë profesioniste me ekipin e parë, duke i tërhequr vëmendjen trajnerit legjendar, Arsene Wenger. Strategu francez u impresionua nga aftësitë e lojtarit me origjinë nga Bregu i Fildishtë dhe shpeshherë i besoi dhe në ndeshjet e Premier League.

Gnabry bëri paraqitje me ulje-ngritje, por arriti të gjejë golin e parë në kampionatin anglez në një sfidë kundër Swansea, duke shënuar një gol shumë të bukur. Megjithatë, ai asnjëherë nuk arriti të bindë drejtuesit e Arsenalit, të cilët e shitën te Hoffenhaim pas dy huazimeve të dështuara te West Bromwich Albion dhe Werder Bremen.

Skuadra gjermane e Werderit vendosi t’i besojë Gnabryt në verën e vitit 2016, duke e blerë asaj kohe 19 vjeçarin për plot 5 milion euro. Sezoni 2016/17, ishte ai ku Gnabry shpërtheu dhe tërhoqi interesin e Bayern Munchen, që në verën e 2017-ës, pagoi 8 milion euro për firmën e anësorit sulmues.

Dy javë më vonë, bavarezët vendosën ta huazonin tek ekipi i Hoffenhaim dhe Gnabry vazhdoi të mahnitë në Bundesliga. I rikthyer te Bayern në verën e 2018-ës, Gnabry u bë menjëherë titullar i padiskutueshëm dhe krahu i majtë i sulmit, është vetëm i tij.

Sukseset me Bayernin janë të panumërta, golat janë të shumtë dhe trofetë e fituar. Deri më tani, Gnabry ka fituar tre trofe me Bayern Munchen, si dhe katër trofe të tjerë gjatë kohës kur ishte pjesë e Arsenalit.

Këtë sezon, Gnabry ka luajtur 20 ndeshje, ka shënuar 9 gola dhe ka asistuar 6 herë për shokët e skuadrës. Përveç suksesit në fushë, Gnabry është i suksesshëm dhe jashtë fushave. Reklama të shumta, evente bamirësie dhe një idhull i vërtetë i tifozerisë bavareze dhe asaj gjermane.

24 vjeçari është dhe një i pasionuar pas modës dhe veshjet e tij, shpeshherë marrin vëmendje të madhe në internet. Gjithashtu, edhe stilet e tij të flokëve, janë të çuditshme, origjinale dhe shpeshherë mjaft të bukura./abcnews.al

Broja-1.jpg
Veronik Istrefaj18:31 | 18/02/2020

Armando Broja ka nënshkruar kontratë profesioniste me skuadrën e Chelsea. Edhe pse nuk ka ende një zyrtarizim nga klubi i njohur londinez, ka qenë vetë sulmuesi shqiptar, i cili në Instagram, konfirmoi firmën e tij për Blutë e Londrës.

Shumë i lumtur që kam nënshkruar kontratë profesionale me Chelsea. Falënderoj prindërit dhe familjen time që më kanë mbështetur gjithmonë. Nuk do të isha këtu pa ata”, shkroi Broja në Instagramin e tij.

Një hap i madh ky për sulmuesin 18 vjeçar, i cili konsiderohet si një talent premtues në Londër dhe shpeshherë ka tërhequr vëmendjen e Frank Lampard. Broja shënoi dhe në ndeshjen e fundit për Chelsea U-23, në fitoren 1-2 kundër rivalëve të Arsenalit./.abcnews.al

 

Broja firmos me Chelsea
Broja.jpg
Veronik Istrefaj21:54 | 17/02/2020

Armando Broja ka shënuar sërish për Chelsea U-23. Talenti kuqezi e nisi titullar takimin derbi kundër Arsenalit, duke shënuar dhe golin e parë për Blutë e Londrës.

Arsenali kaloi i pari në avantazh, por Broja barazoi gjithçka shumë shpejt. Pas një krosimi nga Gilmour nga goditja e këndit, bomberi kuqezi shënon me kokë, për të barazuar shifrat.

Më pas, ishte vetë mesfushori Gulmour ai që shënoi, duke i dhënë Chelsea fitoren 1-2 në këtë derbi./abcnews.al

Dybala-1.jpg
Veronik Istrefaj23:56 | 16/02/2020

Paolo Dybala bëri një ndeshje të shkëlqyer për Juventusin në takimin kundër Brescias. Pas ndeshjes, sulmuesi shkroi në Instagramin e tij zyrtar: “90 gola me këtë fanellë bardhezi. Sa herë që shënoj, kam një emocion të ndryshëm dhe të njëjtën gëzim”.

Me këtë mesazh, Paulo Dybala festoi 90 gola të shënuar me fanellën e Juventusit, pas fitores 2-0 kundër Brescias. Argjentinasi, me një goditje dënimi, zhbllokoi ndeshjen dhe shënoi një supergol, duke i hapur udhë suksesit bardhezi./abcnews.al

 

View this post on Instagram

 

90 ⚽️ con questa maglia ⚪️⚫️. Ogni volta un’emozione diversa e la stessa gioia! #finoallafine #dybalamask

A post shared by Paulo Dybala (@paulodybala) on

Dybala-1.jpg
Veronik Istrefaj18:33 | 16/02/2020

124 prekje të topit, 91% saktësia e pasimeve, 8 gjuajte, 6 shanse të krijuara, katër krosime të sakta, 3 gjuajtje në kuadrat, 2 driblime të suksesshme, 1 top të fituar, 1 gol dhe 1 gjuajtje në traversë: Dybala i bëri të gjitha kundër Brescias.

Ylli argjentinas shënoi një supergol nga goditja e dënimit, duke i hapur rrugë suksesit të Juventusit 2-0. Me mungesën e Cristiano Ronaldos, ishte pikërisht mëngjarashi ai që u bë protagonist dhe statistikat e tij flasin vetë. Rinovimi me “Zonjën”, nuk ka ardhur ende, por me paraqitjet e tij të fundit, Juventusi duhet të paguajë për firmën e tij.

lewa-1-e1581873554650.jpg
Veronik Istrefaj18:11 | 16/02/2020

Sulmuesi i Bayern Munchen, Robert Lewandowski, shënoi golin e 23-të në Bundesliga këtë sezon në takimin kundër Koln. Edhe pse parashikohej një transfertë delikate për bavarezët, bomberi polak hoqi çdo dyshim pas vetëm tre minutash lojë, duke shënuar një gol fantastik me të majtën.

Ky gol, ishte i 42-ti në të gjitha kompeticionet për sulmuesin polak, i cili është favorit absolut për “Këpucën e Artë” europiane. 23 gola në Bundesliga me Bayernin, 3 në DFB Pokal, 10 në Champions League dhe katër 6 gola me kombëtaren e Polonisë, në kualifikueset për Euro2020. Një goleador i lindur!/abcnews.al

Haaland-3.jpg
Veronik Istrefaj12:00 | 14/02/2020

Erling Haaland nuk i pëlqen aspak zërat për të ardhmen e tij. Edhe pse ka pak ditë si lojtar i Dortmundit, mediet shkruajnë se norvegjezi do të transferohet sërish në verë, tek ekipi i Manchester United.

Haaland reagoi ashpër për këto zëra dhe tha për Viasport: “Ata që shkruajnë thashetheme, duhet të flasin me fakte. Janë thashetheme qesharake.

Kur sezoni mbaroi, babai im dhe unë filluam të bisedonim. Në atë moment, ai nuk e përmendi fare Dortmundin dhe më pas e pyeta: ‘Po me këtë klub?” Ai tha: ‘Do të shohim’.

Papritmas, u bë një opsion dhe atëherë ishte ajo që ndjeva gjatë gjithë kohës. Procesi ishte për të gjetur klubin më të mirë të mundshëm për mua.

Solskjaer ka qenë shumë i rëndësishëm për mua për të arritur aty ku jam sot. Por ne arritëm në përfundimin se Dortmund ishte alternativa më e mirë për mua. Këtu ishte vendi ku u ndjeva më mirë dhe për këtë arsye, zgjodha Dortmundin”, tha Haaland./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono