sulm

shtepia-e-izraelit.jpg
gra moz15:59 | 18/05/2018

Gjykata Themelore në Prishtinë shpalli fajtorë 9 të akuzuarit për organizimin e sulmit të parandaluar në Shkodër ndaj lojtarëve të ekipit kombëtar izraelit të futbollit. Tre prej të akuzuarve për organizimin e sulmit terrorist në Shkodër, ndaj kombëtares së Izraelit, që ndodhen në paraburgim refuzuan të jenë në gjykatë për të qenë të pranishëm në dhënien e vendimit. Tre prej tyre u dënuan dhe me gjoba që në total ishin më shumë se 8 mijë euro.

Gjyqtari tha se gjykata ka vërtetuar se Visar Ibishi ishte lider i grupit dhe personi që është kontaktuar drejtpërejt nga Lavdrim Muhaxheri për të organizuar grupin dhe për të kryer sulmin. Kombëtarja e Izraelit erdhi në Shqipëri më 12 Nëntor 2016 për të zhvilluar ndeshjen në kuadër të kualifikimeve të Botërorit Rusi 2018./abcnews.al

sulmi-ne-france.jpg
gra moz10:40 | 18/05/2018

Një atentat është parandaluar në Francë me arrestimin e dy vëllezërve egjiptianë. Dy të arrestuarit, sipas ministrit të Brendshëm, kishin udhëzime për prodhim helmi në formë pluhuri.

“Dy të rinj me origjinë egjiptiane po përgatisnin një sulm, me eksploziv apo me substancë toksike Ricin, që është një helm shumë i fuqishëm”, u shpreh ministri Kolomb.

Ai tha se kanë arritur të parandalojnë një sulm që po organizohej, pasi kanë mbajtur nën mbikëqyrje përmes rrjeteve sociale dy të arrestuarit, por dhe persona të tjere të dyshuar./abcnews.al

sulmiii.jpg
gra moz11:14 | 13/05/2018

Autoritetet në Paris kanë identifikuar autorin, i cili dyshohet për vrasjen e një personi në qendër të Parisit dhe plagosjen e katër të tjerëve.

Terroristi, i cili ishte azilant në Francë u qëllua për vdekje nga policia.

Ai është identifikuar këtë të diel dhe bëhet fjalë për një shtetas rus të lindur në Çeçeni në vitin 1997, por nuk është dhënë identiteti i tij i plotë.

Prindërit e tij janë shoqëruar dhe po pyeten në lidhje me ngjarjen.

“Më vrisni para se t’ju vras”, mësohet të ketë bërtitur 21-vjeçari para se të therte me thikë në fyt një kalimtar dhe të plagoste katër të tjerë.

Gjithashtu, sipas The Mirror, i riu ka thirrur “Allahu Akbar”, përpara se të qëllohej për vdekje nga policia.

Ngjarja ndodhi në qendër të kryeqytetit francez, ngjitur me godinën e operas historike “Opera Garnier” pak pas orës 21:00.

ISIS mori përgjegjësinë për sulmin dhe nëpërmjet agjencisë së tyre të lajmeve online Armaq thanë se autori ishte “ushtar i Shtetit Islamik”./abcnews.al

knife-attack.jpg
gra moz09:26 | 13/05/2018

Dy persona kanë vdekur mbrëmjen e së shtunës në Francë, si pasojë e një sulmi të shumëfishtë të ndodhur në zemër të Parisit. Mediat franceze bëjnë të ditur se një person ka sulmuar me thikë njerëzit në zonën e Operës, para se të qëllohej për vdekje nga agjentët e policisë.

Si pasojë e agresionit, katër persona kanë mbetur të plagosur, njëri prej të cilëve nuk u ka mbijetuar dot plagëve, ndërsa një tjetër ndodhet në gjendje të rëndë.

Dëshmitarë nga vendi i ngjarjes kanë treguar se njerëzit e pranishëm janë përfshirë nga paniku dhe janë strehuar brenda nëpër restorante. Ndërkohë, policia vetëm ka konfirmuar sulmin e ndodhur por nuk ka dhënë asnjë detaj mbi të./abcnews.al

ulmi.jpg
gra moz16:29 | 06/05/2018

Të paktën 14 persona humbën jetën dhe 37 të tjerë u plagosën në një shpërthim në një xhami në një provincë në Afganistan.

Disa prej të plagosurve, sipas BBC-së, janë në gjendje kritike për jetën.

Njerëzit ishin mbledhur për faljen e pasdites në xhami, që përdorej gjithashtu si një qendër për regjistrimin e votuesve.

Deri më tani, asnjë grup nuk është deklaruar përgjegjës për sulmin, por mësohet se Shteti Islamik ka bërë sulme të tilla disa kohë më parë.

Në Afganistan ka pasur disa sulme të ndryshme në qendrat që shërbejnë për regjistrimin e votuesve, në procesin që ka nisur në Prill për zgjedhjet parlamentare që pritet të mbahen në Tetor.

Më 22 Prill, një sulm kamikaz në një qendër regjistrimi në Kabul vrau të paktën 57 persona.

Përgjegjësinë për këtë sulm e mori ISIS, por edhe talebanët kanë paralajmëruar njerëzit që të mos marrin pjesë në zgjedhje, të cilat shihen si të rëndësishme për besueshmërinë e Presidentit Ashrf Ghani./abcnews.al

 

WireAP_67ed9d92f6544a5488425be43e697205_12x5_992.jpg
ent ela11:36 | 22/04/2018

57 persona janë vrarë dhe mbi 119 të tjerë mbetën të plagosur nga një sulm kamikaz në Kabul të Afganistanit. Lajmi është konfirmuar nga mediat lokale. Mësohet se një person hodhi veten në erë në afërsi të shumë personave që ishin mbledhur pranë një qendre për regjistrimin electoral në pjesën perëndimore të qytetit. Sulmi ka ndodhur në në zonë me shumicë shija.

Afganistani që prej 14 prillit ka nisur regjistrimin e votuesve për zgjedhjet legjislative që do të mbahen në tetor. Megjithatë, ngjarja e fundit ka treguar se ka probleme të mëdha sigurie për qytetarët. Ndërkohë, sulmi terrorist është marrë përsipër nga ISIS./abcnews.al

thikeee.jpg
gra moz10:48 | 20/04/2018

Një 43-vjeçar u arrestua nga Policia e Gramshit pasi kanosi me thikë mjekun e spitalit të Gramshit. Nuk dihen shkaqet pse Bujar Hoda nga fshati Vine sulmoi mjekun 58-vjeçar, por policia arriti ta neutralizojë atë në moment. Në njoftimin për shtyp, thuhet se mes autorit dhe mjekut ka patur fillimisht një debat për motive të dobëta. Hoda akuzohet për “Kanosja për shkak të detyrës” dhe “Prodhim, mbajtja, blerje apo shitje  pa leje te armëve të ftohta”./abcnews.al

trump-1-1280x720.jpg
gra moz11:50 | 15/04/2018

SHBA do të bombardojë përsëri Sirinë nëse do të ketë sulme të reja me armë kimike. Kërcënimi ka ardhur nga Presidenti amerikan, Donald Trump. Ndërkohë, në një mesazh në Twitter ritheksoi se operacioni në Siri është kryer me shumë sukses.

Presidenti Donald Trump ka paralajmëruar qeverinë e Sirisë se SHBA është në gatishmëri për të goditur përsëri nëse kryen sulme të reja kimike. Kërcënimi erdhi pasi Amerika, Britania e Madhe dhe Franca goditën tre zona siriane në përgjigje të një sulmi të dyshuar kimik në qytetin e Dumës një javë më parë. Siria mohon të ketë kryer diçka të tillë dhe thotë se sulmi u fabrikua nga rebelët.

Pas bombardimeve në Siri, Trump ka telefonuar aleatët Emmanuel Macron dhe Theresa May. Kreu i Shtëpisë së Bardhë i ka falenderuar për mbështetjen në sulmin kundër arsenalit të armëve kimike të Assad. Shtëpia e Bardhë konfirmoi më pas se 3 liderët e dakordësuan në faktin që bombardimet kanë patur sukses dhe ishin të nevojshëm për të dobësuar programin e armëve kimike të Damaskut.

“Bombardimi në Siri është kryer në një mënyrë kaqë perfekte, me një saktësi të tillë, ku e vetmja mënyrë për mjetet e informimit që shpërndajnë lajme false për ta minimizuar ishte përdorimi i fjalëve të mija ‘mision i përmbushur’”, shkruan Trump në një mesazh në Twitter duke iu përgjigjur komenteve ironike të mediave lidhur me shprehjen “mision i përmbushur”.

Zhvillime të rëndësishme sa i përket kësaj çështjeje ka pasur edhe në Këshillin e Sigurisë së Kombeve të Bashkuara. Ambasadorët kanë refuzuar një rezolutë të Rusisë, aleatit kryesor të Assad, që dënon sulmet në Siri. I dërguari i Moskës në OKB, Vassily Nebenzia, akuzoi SHBA-të, Britaninë dhe Francën se kanë shkelur të ligjet ndërkombëtare me bombardimin e fundit. Ndërsa ambasadorja amerikane, Nikki Haley, tha se operacioni ishte “i justifikuar, legjitim dhe i duhuri”.

Ndërkohë, CNN mëson se vendet perëndimore po i japin një shtyse tjetër nismës në OKB për t’i dhënë fund arsenalit të armëve kimike në Siri. Për këtë është përgatitur nga Franca, një rezolutë që kërkon hetimin e ngjarjeve të fundit. Kundërpërgjigja e SHBA, Britanisë së Madhe dhe Francës erdhi pasi disa ditë më parë në Siri u vranë rreth 100 persona dhe 500 të tjerë u helmuan nga sulmi me armë kimike që dyshohet të jetë kryer nga regjimi sirian i Assad./abcnews.al

ramush-haradinaj-1280x721.jpg
gra moz12:09 | 05/04/2018

Kryeministri i Kosovës, Ramush Haradinaj, është treguar i ashpër me BE-në lidhur me qëndrimin ndaj Kosovës.
Haradinaj u shpreh se nëse Brukseli nuk ka kapacitet për të ndihmuar Kosovën, atëherë duhet të kërkojë ndihmë.
Dhe nëse nuk e bën këtë, atëherë, sipas Haradinajt, duhet të tërhiqet në mënyrë që Kosova ashtu si dhe në të kaluarën t’i bëjë vetë punët e saj.
Kryeministri i Kosovës, duke iu referuar situatës në veri të vendit, akuzoi Brukselin, si ndërmjetësues në bisedimet me Serbinë, se po lejon Beogradin të shkelë ligjin në territorin kosovar.
Haradinaj së bashku me Presidentin Thaçi dhe liderin e Vetëvendosjes Kurti kanë qënë të pranishëm në konferencën “Skenarët e ‘Finales së Madhe’ ndërmjet Kosovës dhe Serbisë”, të organizuar nga RIDEA dhe mbështetur nga Ambasada e Norvegjisë./abcnews.al

turqia-1280x714.jpg
gra moz13:36 | 04/04/2018

“Protothema” ka parlajmëruar autoritetet greke se inteligjenca turke po kërkon të rrëmbejë apo vrasë 8 ushtarët turq, të cilët kërkuan azil në Athinë pas grushtit të dështuar të shtetit. Madje, kjo media thekson se prej kohësh shërbimi sekret i Ankarasë vepron në qytetet më të rëndësishme europiane.

Media greke “Protothema”, duke sjellë si shembull operacionin e fundit të Shërbimit Sekret të Turqisë në Kosovës kundër 6 shtetasve turq, paralajmëron autoritetet se një gjë e tillë mund të ndodhë edhe në territorin grek. Madje nënvizon se Ankaraja ka nisur një ofensivë të fshehtë në kryeqytetet europiane për të zbuluar dhe asgjësuar mbështetës të partive dhe militantëve kurdë si dhe ata të imamit Fetullah Gylen, i cili konsiderohet nga Presidenti Erdogan si drejtues i një organizate terroriste.

“Protothema”, akuzon inteligjencën turke se ka rrëmbyer 6 shtetas në Kosovë, dhe paralajmëron se 8 ushtarët turq, që u arratisën pas grushtit të shtetit, mund të rrëmbehen apo vriten nga agjentët sekretë nëse lirohen nga paraburgimi.

“Në një rast të tillë, megjithatë, nuk do të ishte hera e parë që shërbimi sekret i Turqisë do të vepronte në këtë mënyrë në tokën europiane”, shkruan kjo media.

Gjithashtu thekson se në Hagë, Turqia ka një degë të mirëstrukturuar, në shkallë të gjerë të Shërbimit të Inteligjencës.

“Agjentët turq të MIT jetojnë në kryeqytetet europiane, duke punuar në agjencitë e udhëtimit, zyra përkthimit, banka dhe xhami duket se kanë kthyer Europën në një fushë të privilegjuar të veprimit. Kërcënimet, rrëmbimet dhe vrasjet e aktivistëve kurdë apo mbështetësve të Gylen kanë alarmuar autoritetet për sigurinë në shumë vende, të tilla si Gjermania, Franca, Belgjika dhe Holanda”, vijon më tej në shkrim “Protothema”.

Madje kjo media përmend edhe një rast konkret, kur në 9 Janar të 2013, në Paris u vranë 3 mbështetës të partive kurdë nga agjentë të inteligjencës turke. Ndërsa nënvizon se ambasadat e Turqisë në vende të ndryshme funksionojnë si qendra ndihmuese për këta agjentë sekretë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono