sulm

michelle-obama.png
G. P.22:09 | 09/11/2018

Ish zonja e parë amerikane ka sulmuar presidentin Donald Trump në një libër që do të dalë në shitje të martën. Michelle Obama e akuzon kreun e Shtëpisë së Bardhë për vulgaritetin ndaj grave por edhe për përndjekje të Hillary Clinton.

Michelle Obama sulmon Donald Trump. Në librin e saj me kujtime të titulluar “Becoming”, që do të dalë në shitje të martën që vjen, por të të cilit Associated Press i posedon një kopje, ish Zonja e Parë kritikon presidentin amerikan për sjelljen e tij ndaj grave. Ajo e sulmon për audion e 2005-s, të publikuar nga mediat pak përpara zgjedhjeve të 2016-s, në të cilën Trump bën komente vulgare kundër grave. “Komentet që përmbante regjistrimi nënkuptojnë se ‘unë mund të të bëj keq dhe t’ia hedhë paq”, shkruan Michelle Obama.

Në kujtimet e saj, ajo rikujton edhe natën e zgjedhjes së Trump kur ka mësuar se miliarderi do të zërë vendin e bashkëshortit Barak në Zyrën Ovale: “Jam përpjekur që ta hiqja”, nënvizon Michell në librin e saj. Ish zonja e parë shtyn dhe më tej dhe akuzon Trumpin se ka përdorur gjuhën e trupit për të përndjekur Hillary Clinton gjatë një prej debateve presidenciale: “Trump e ka ndjekur në skenë dhe i është afruar shumë duke u përpjekur të minimizonte prezencën e saj”, vijon ndër të tjera libri, i cili është shkruar duke u bazuar në gjykimet dhe kujtimet e ish zonjës së parë amerikane me ngjyrë./abcnews.al

shkolla.jpg
G. P.16:07 | 09/11/2018

Autoritetet e Karolinës së Veriut në Shtetet e Bashkuara kanë sinjalizuar se një sulm me armë zjarri është në zhvillim në një shkollë të mesme. Policia ndodhet në vendngjarje. Për momentin nuk dihet nëse ka viktima apo të plagosur. Mediat ndërkombëtare raportojnë se janë dëgjuar të shtëna./abcnews.al

MELBURN-SULMI_ABC-M2-T1.mpg_snapshot_00.27-1280x708.jpg
G. P.10:51 | 09/11/2018

Një viktimë dhe dy të plagosur është bilanci i një sulmi me thikë në Melburn të Australisë. Agresori, i cili u arrestua nga policia, para sulmit me thikë i ka vënë zjarrin automjetit të tij. Policia ka përjashtuar çdo lidhje të ngjarjes me terrorizmin.

Në Melburn të Australisë, një person i vuri zjarrin automjetit të tij dhe më pas sulmoi me thikë tre persona në qendër të qytetit, duke vrarë një prej tyre. Ndërhyrja e policisë ishte e shpejtë dhe agresori u arrestua pasi u qëllua nga njëri prej agjentëve. Mediat australiane shkruajnë se të plagosurit janë në gjendje kritike për jetën.
Para se t’i vinte zjarrin automjetit të tij dhe të sulmonte tre personat, agresori kishte përplasur furgonin e tij në një qendër tregtare. Policia, përjashtoi çdo lidhje me terrorizmin, por u ka kërkuar banorëve të shmangin vendngjarjen. Në një deklaratë për mediat u konfirmua se agresori ka vepruar i vetëm dhe nuk ka bashkëpunëtorë.
Në rrjetin social Tuiter, dëshmitarë të ndryshëm konfirmuan kronologjinë e ngjarjes, duke treguar se një i ri i kishte vënë zjarrin automjetit të tij dhe më pas kishte sulmuar agjentët e policisë me thikë./abcnews.al

104157660_38238d10-098a-47b4-bf98-ea4e06feeaad.jpg
ent ela17:46 | 03/11/2018

Një palestër joge në Shtetet e Bashkuara është kthyer në skenën e radhës të një sulmi të armatosur, që ka lënë disa persona të vdekur dhe të plagosur. Ngjarja e fundit ndodh një javë pas asaj në Pitsburg, ku një person hapi zjarr brenda një sinagoge duke vrarë 11 vetë.

Një person i armatosur hapi zjarr në ambjentet e një palestre joge në Florida të Shteteve të Bashkuara, duke vrarë dy persona dhe plagosur 5 të tjerë. Viktimat janë dy gra të moshave 61 dhe 21 vjeç, të cilat kishin vajtur në palestër për një seancë ushtrimesh. Më pas ai autori, 40 vjeç, ktheu armën drejt vetes dhe i dha fund jetës. Autoritetet policore të lokalitetit Tellehesi dënuan ngjarjen, por shtuan se motivet e këtij akti kriminal nuk dihen ende. Sipas burimeve, agresori qëlloi veten para se në vendin e ngjarjes të mbërrinte policia. Ndërkohë, tre nga personat e plagosur u larguan nga spitali pasi morën mjekim, ndërsa dy të tjerë qëndruan për të vijuar trajtimin. Kryebashkiaku i Tellehesit, Endriu Gillum, që kandidon për guvernator të Floridës në zgjedhjet e 6 nëntorit, ndërpreu fushatën për t’u kthyer në qytet. “Dhuna e armëve është e patolerueshme”, tha Gillum. Sulmi me armë në Florida vjen një javë pas atij të ndodhur në Pitsburg, ku një person hapi zjarr brenda një sinagoge duke vrarë 11 persona dhe plagosur shumë të tjerë. Të njëjtën ditë, presidenti Trump deklaroi se ngjarje të tilla nuk kanë lidhje me ligjin për armët dhe i mëshoi idesë së vendosjes së rojeve të armatosura në objektet e kultit. /abcnews.al

rusia.png
G. P.13:55 | 02/11/2018

Një shkencëtar rus 55 vjeç ka sulmuar me thikë kolegun e tij në Antarktidë. Para policisë ai rrëfeu se nuk duronte dot më faktin që kolegu i tregonte se si përfundonin librat para se ai t’i lexonte.

Një ngjarje e pazakontë nga Antarktida. Shkencëtari rus Oleg Beloguzov, 52 vjeç, i tregonte vazhdimisht kolegut të tij 55-vjeçar Sergej Savitski, se si përfundonin librat me mistere që ai lexonte. Kjo vazhdoi deri sa një ditë e zemëroi kaq shumë sa 55-vjeçari e qëlloi me thikë në kraharor.

Ngjarja ka ndodhur në 9 Tetor në një zonë shumë të izoluar. Savitski për të kaluar kohën lexonte gjithnjë libra me mistere, por kolegu i tij gjithnjë i prishte surprizën finale. Pas disa grindjesh 55-vjeçari vendosi ta qëllonte me thikë e tashmë kolegu i tij ndodhet në terapi intensive. Sipas hetuesve ngjarja ka ndodhur dhe përdorimi i alkoolit dhe faktit që të dy jetonin në një zonë të shkretë.

Të dy cilësohen si shkencëtarë profesionistë që kanë punuar gjatë në këtë rajon për institutin e kërkimeve në Antarktidë. Tashmë Savitski akuzohet për vrasje në tentativë. Para hetuesve ai pranoi se e kishte qëlluar kolegun me thikë pasi nuk duronte dot më, por nuk dëshironte ta vriste./abcnews.al

autobusi.png
G. P.11:43 | 30/10/2018

Mbrëmjen e të hënës një autobus me pasagjerë nga Kosova është sulmuar përsëri me gurë në Krushevc të Serbisë nga persona ende të panjohur. Kjo nuk është herë e parë që pasagjerët e Kosovës përjetojnë me sulme me gurë në territorin e Serbisë.

Udhëtari Uka Halilaj, tha për mediat kosovare, se sulmi me gurë ka ndodhur të hënën në orën 22:20 minuta dhe në atë moment të gjithë udhëtarët kanë qenë të tronditur. Sipas tij, Policia e Serbisë, ka mbërritur në vendngjarje pas 15 minutave. Pas qetësimit të situatës pasagjerët kanë vijuar udhëtimin drejt Austrisë./abcnews.al

konferenca.png
ent ela23:09 | 23/10/2018

Hakerët kanë sulmuar ueb faqen e konferencës ndërkombëtare të investimeve, e cila mbahet në Arabinë Saudite, nën organizim të princit të kurorës, Mohammed bin Salman.

Ky i fundit shfaqet në një imazh duke qëndruar në këmbë me një shpatë në duar, ndërkohë që para tij qëndron gazetari i vrarë, Jamal Khashoggi. Pamjet nga ueb faqja e hakuar, shfaqin mesazhin: “Regjimi saudit është njëri nga burimet e financimit të terrorizmit në botë”. Gjithashtu apelohet për sanksione ndaj regjimit saudit.

“Regjimi, i përafruar me SHBA-të, duhet të mbahet përgjegjës për veprimet barbare dhe jonjerëzore, siç është vrasja e qytetarit të saj Jamal Khashoggi dhe mijëra njerëzve të pafajshëm në Jemen”, përfundon mesazhi. Ndërkohë konferenca në Arabi është bojkotuar nga shumë kompani dhe liderë botëror për shkak të vrasjes së gazetarit. /abcnews.al

SULMOHET-XHAMIA-MBULIM_ABC-M2-T1.mpg_snapshot_00.26-1280x712.jpg
G. P.15:41 | 17/10/2018

Xhamia e qytetit të Bilishtit është dhunuar gjatë orëve të para të mëngjesit të kësaj të mërkure. Personat, që ende nuk janë identifikuar nga policia lokale, kanë thyer dhe dëmtuar një prej dritareve të objektit të kultit, por nuk kanë mundur të hyjnë brenda xhamisë. Arka e xhamisë, por edhe sende me vlerë nuk janë prekur, ndërsa kreu i myftinisë së Devollit, ngre shqetësimin se dhunimi dhe vjedhja e objekteve të kultit po kthehet në një fenomen shqetësues në juglindje. Xhamia e Bilishtit është i dyti objekt kulti, që është sulmuar gjatë ditëve të fundit, por policia ende nuk ka rënë në gjurmë të autorëve, të cilët dyshohet të jenë endacakë./abcnews.al

komisariat.png
G. P.10:17 | 10/10/2018

Një 23-vjeçar nga Tirana u arrestua pas një sulmi me thikë.

Ngjarja ndodhi në Bulqizë dhe autori Alfred Muça plagosi me thikë një 22-vjeçar nga Bulqiza, i cili ndodhet jashtë rrezikut për jetën.

Sipas policisë ngjarja ka ndodhur pas një konflikti për motive të dobëta.

Materialet proceduriale do t’i kalojnë Prokurorisë pranë Gjykatës së shkallës së Parë Dibër për veprat penale “Plagosje e lehtë me dashje”, “Prodhimi, mbajtja, blerja apo shitja pa leje e armëve të ftohta”./abcnews.al

UKRAINE-GERDECI.mpg_snapshot_00.37-1280x720.jpg
G. P.22:18 | 09/10/2018

Një seri shpërthimesh dhe më pas një zjarr i fuqishëm në një depo municionesh luftarake kanë çuar në evakuimin e 12 mijë personave në lindje të Kievit. Në reagimin e tyre, autoritetet ukrainase kanë fajësuar Rusinë për një akt sabotazhi.

Një seri shpërthimesh dhe më pas një zjarr masiv është ngritur nga një depo municionesh në Ukrainë, duke detyruar autoritetet të evakuojnë disa mijëra njerëz. Ngjarja ka ndodhur në lokalitetin Içnja, 176 kilometra në veri-lindje të kryeqytetit Kiev dhe autoritetet flasin për një akt sabotazhi. Për fat të mirë nga shpërthimet nuk ka patur viktima, ndërkohë që numri i personave të larguar nga banesat përreth depos ushtarake është rreth 12 mijë. Zëvendës komandanti i Shtabit të Përgjithshëm, Rodion Timoshenko ka deklaruar në një konferencë shtypi se incidenti nisi me 4 shpërthime radhazi. “Intensiteti i shpërthimeve sugjeron se kemi të bëjmë me një akt sabotazhi”, ka thënë Timoshenko, duke shtuar se shërbimet e sigurisë po hetojnë ngjarjen.

Ndërkohë, kryeministri ukrainas Volodimir Grojsman ka deklaruar se do të kujdeset që autoritetet lokale të sigurojnë akomodim për të evakuuarit. Gjithashtu, autoritetet kanë mbyllur hapësirën ajrore në një sipërfaqe prej 20 kilometrash, ndërsa kanë ndërprerë shërbimet hekurudhore dhe furnizimet me gaz dhe elektricitet për arsye sigurie. Shpërthime në depot ushtarake kanë ndodhur edhe më parë në Ukrainë, që kur nisi lufta kundër separatistëve pro-rusë në lindje të vendit. Në shtator 2017, 28 mijë persona u evakuuan nga një zjarr që përfshiu një depo në qendër të Ukrainës; ndërsa në mars të të njëjtit vit e njëjta gjë ndodhi në një bazë në afërsi të lokalitetit Kharkiv. Nga ana e saj, Moska ka mohuar dërgimin e trupave dhe armëve për të ndihmuar separatistët, por ka pranuar se vullnetarë rusë po i ndihmojnë ata./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono