studentëve

aboneja-1280x697.jpg
ent ela16:50 | 08/02/2019

80 % e studentëve në Tiranë e blejnë abonenë 1600 lek si çdo qytetar. Çmimi i reduktuar sipas Qëndresës Qytetare aplikohet vetëm për 20% të studentëve të cilat shpërndahen nën dorë në treg të zi.

Në Tiranë vetëm 20% e studentëve mund ta përfitojnë abonenë për të përdorur transportin publik me çmimin e reduktuar prej 600 lekesh, 80% e tyre duhet ta blejnë ashtu si çdo qytetar tjetër,1600 lekë, ose të paguajnë biletën 40 lekë për çdo udhëtim.

Konstatimi vjen nga Qëndresa Qytetare e cila thotë se sasia e aboneve të studentit që Bashkia e Tiranës shpërndan në një muaj për të gjitha linjat qytetase është 13904 copë ndërkohë që  sipas Institutit të Statistikave në kryeqytet studiojnë 59765 studentë në universitetet publike dhe rreth 9000 në ato private.

Sipas vendimit të Këshillit Bashkiak marrë më 30 Dhjetor të 2015 dhe udhëzimit të   Ministrit të Transportit dhe Infrastrukturës të vitit 2017  studentët përfitojnë abone për të gjitha linjat ndërqytetase me çmim 600 leke.

Një tjetër shqetësim që ngre Qëndresa Qytetare është dhe tregtimi i këtyre aboneve në treg të zi nga punonjësit e kompanive të transportit publik.

Qëndresa Qytetare i  bën thirrje Bashkisë se Tiranës të plotësojë nevojat për të gjithë  studentët si dhe të përcaktojë vendet ku studentet mund te marrin  abonenë sipas një procedure të qartë ligjore. /abcnews.al

tttt-1280x655.jpg
ent ela16:47 | 06/02/2019

Ministri Lleshaj përpara komisionit të medias deklaroi se policia  nuk ka shkelur në asnjë moment ligjin gjatë menaxhimit të protestës së studentëve, apo grevës së tyre. I pyetur në komision nga deputetët, Lleshanj një shpjegim e dha edhe për rastin e Kavajës.

Ministri i Brendshëm Sandër Lleshaj, i thirrur në Komisionin e Medias dhe Edukimit për të raportuar lidhur me ndërhyrjen e policisë në ambientet e universiteteve gjatë protestës dhe bojkotit të studentëve, theksoi mungesën e shkeljes së ligjit nga organet ligjzbatuese.

Opozita thekson se kërkesa nuk duhej zbatuar pasi është e jashtëligjshme. Ne mbledhjen që zgjati mbi 3 orë, llogari ministri dha edhe për vonesën e njoftimit të rastit kriminal në Kavajë, ku një e mitur është dhunuar nga 7 adoleshentë.

Në përfundim ministri u largua nga salla pa ndryshuar mendimin e askujt që ishin prezent nga opozita./abcnews.al

basha-pd.jpg
ent ela10:42 | 03/02/2019

Nga Fieri kreu i PD-së i është përgjigjur Kryeministrit Rama, i cili një ditë më parë në një takim që pati me studnetët në një nga konviktet e Tiranës u tha se rrezikon t’u digjet viti akademik. Kreu i qeverisë e bëri këtë deklaratë në kuadër të zhvillimeve të fundit ku studentët e universiteteve publike po bojkotojnë mësimin.

Por kryedemokrati Basha sot u shpreh se Rama nuk ka asnjë shans që t’u djegë vitin akademik studentëve.

“Asnjë shans nuk ka Edi Rama t’u djegë vitin akademik. Viti akademit i studentëve do të jetë i plotë dhe od të njihet i plotë. Do të njihet bashkë me mirënjohjen e thellë të qytetarve shqiptarë për rolin e tyre në këtë zgjim të madh kombëtar që ka e do ketë vetëm një përfundim: çlirimin e Shqipërisë nga oligarkia dhe krimi si dhe kthimin e Shqipërisë tek zotët e saj të vertetë”.

Më tej Basha u bëri thirrje qytetarëve të Fierit që t’i bashkohen protestave opozitare të cilat do të nisin më 16 Shkurt.

“Me një qeveri që ka një plan ekonomik për të hapur vende pune. Do hapim vende pune me paga dinjitoze dhe me kushte dinjitoze. Ky është prioriteti i PD dhe i grupit tonë parlamentar. Kush thotë të kundërtën gënjenj për hesapet e Edi Ramës.

Dyshimi, humja e shpresës, mosbesimi janë armët e fundit të kësaj bande në pushtet. Ndaj iu ftoj me 16 Shkurt të vini të gjithë në Tiranë dhe t’ia hedhin më Lanë këto armë bashkë më propogandën”./abcnews.al

spiropali-1280x740.jpg
ent ela15:02 | 30/01/2019

Ministrja e Shtetit për Marrëdhëniet me Parlamentin Elisa Spiropali ka akuzuar sekretaritë mësimore se nuk po japin informacionin e duhur studentëve. Nëpërmjet një deklarate për shtyp ministrja Spiropali nënvizoi se ka vonesa në në plotësimin e dokumenteve për studentët që trajtohen me ndihmë ekonomike.

“Duke i ndjekur me shumë vëmendje shqetësimit të studentëve dhe analizës së mijëra mesazheve na rezulton se ka një kakofoni. Nuk është plotësuar dokumentacioni për studentët që trajtohen me ndihmë ekonomike. Ka një kakofoni në lidhje me bashkitë. Tarifat do të paguhen për të gjithë studentët në universitet. Këto janë pasojat më të shëmtuara të zaptimit në disa fakultetet.

Në 30 janar duhet ta kishin përfituar shërbimet ata. Shqetësimi për studentët që aplikojnë për punë, të cilët nuk marrin informacion nga sekretaritë. Ju them: Të mos shqetësohen sepse afatin për punë po e shtyjmë dhe do ta shtyjmë për ta, bëjmë thirrje për rektorin që të garantojë mësim. Garantojmë studentët që jemi me ta dhe do ta kapërcejmë  edhe këtë pengesë të fundit”./abcnews.al

ramma-1280x658.jpg
ent ela13:42 | 30/01/2019

Është shtyrë afati i aplikimit për punësimin në zyrat e administrates, të studentëve me master dhe Bachelor. Njoftimin e ka dhënë kryeministri Edi Rama në takimin e përjavshëm me koordinatorët e Bashkëqeverisjes.

Kanë ende kohë për të aplikuar për një vend pune në administratë studentët që kanë mbaruar shkëlqyeshëm. Njoftimin për shtyrjen e afatit të aplikimeve e bëri kryeministri Edi Rama.

Rama: “Do të bëjmë edhe një shtyrje të këtij afati për t’u dhënë mundësinë të gjithëve të aplikojnë në grupin e parë të vendeve të punës që janë shpallur dhe janë 800 vende me master dhe bachelor, për ata që kanë mbaruar vjet me 9-10 dhe për ata që mbarojnë sivjet, do të ketë përsëri shpallje të tjera të vendeve të lira të punës”.

Shtyrje të afatit do të ketë edhe për listat e disbursimit të tarifave.

Rama: “Për të disbursuar të gjithë studentët për tarifat, ne kemi nevojë për lista të sakta studentësh, lidhur me rezultatet e tyre, me situatën e tyre sociale dhe ekonomike, e kjo ka marrë pak kohë për sekretaritë e universiteteve”.

Platforma e bashkëqeverisjes ka hapur një rubrikë të posacme : “Jam student dhe kam një pyetje” ku deri më tani janë adresuar rreth 900 pyetje nga studentët lidhur mbi Paktin për Universitetin.

Rama: “Dhe vetëm 20 prej tyre ende nuk kanë marrë përgjigje sepse ato procedohen me vëmendje nga Ministria e Arsimit dhe marrin përgjigje në kohë reale dhe të gjitha do të marrin përgjigje”.

E  mërkura sjell nga kjo sallë e kryeministrisë edhe dëshmi të qytetarëve që kanë zgjidhur brenda 10 ditëve probleme që nuk kanë marrë përgjigje prej vitesh.

Qytetari: “Kam që në 2005 që zvarritem. Shkova aplikova dhe më kishin çuar në Kashar, banues në Kashar. Unë vendali në Tiranë. Ia certefikata, vetëm falë këtij burri këtu”.

Ankesat e drejtuara në platformën e bashkëqeverisjes kanë ndëshkuar 643  punonjës të administratës shtetërore, 300 prej të cilëve janë larguar nga puna./abcnews.al

hasimja-1280x705.jpg
ent ela22:20 | 25/01/2019

Analisti Ermal Hasimja është shprehur se shqiptarët pritën që punën t’ua bënin fëmijët e tyre. Ai e kishte fjalën për protestën e studentëve, ku shumica dërrmuse e shqiptarëve sipas tij prisnin studentët që t’u zgjidhinin hallet.

“Kur ngrihet një protestë ata që fillojnë dhe dyshojnë janë skeptikët të cilët nuk e pëlqejnë diçka, por minimalisht e mbyllin gojën më vonë. Përveç studentëve shumica dërrmuese e shqiptarëve që e kanë mbështetur protestën prisnin që studentët të bënin edhe punën e tyre. Ata nuk prisnin që studentët të dilnin vetëm për kërkesat e tyre por edhe si shqiptarë, të cilëve u ka ardhur në majë të hundës me vjedhjen, korrupsionin etj.

Natyrish është edhe puna e studentëve sepse ishin ata që donë në ’90. Studnetët e kanë këtë lloj roli dhe janë edhe pjesa më e gjallë e shoqërisë. Nuk kanë çfarë humbin se nuk i nxjerr njeri nga puna e etj. Mendoj se shqiptarët e prisnin këtë lloj gjëje nga studentët dhe kjo gjë nuk erdhi. Në mënyrë të pandershme shqiptarët prisnin që fëmijët e tyre t’u bënin punën. Normalisht shqiptarët duhet të ishin të gjithë sot në protestë. Nuk e bëjnë këtë lloj gjëje ku një pjesë ikin në Gjermani, një pjesë mbyllin gojën dhe një pjesë e kanë vendin e punës. Në momnetin që e mbyllën protestën përpara kërkesave të tyre egoiste mendoj se një pjesë e shqiptarëve e kanë humbur pozitivitetin ndaj protestës. Prandaj thash është e pandershme sepse duhet të dilnin vetë qytetarët që ta bënin këtë punë e të mos prisnin të dilnin studentët”./abcnews.al

shkencat-e-natyres.jpg
ent ela22:02 | 23/01/2019

Një tjetër Asamble e Personelit Akademik, ajo e Fakultetit të Shkencave të Natyrës ka mbështetur kërkesat e studentëve tashmë prej më shumë se një muaji në protestë. Ndërkohë thotë se kundërshton fushatën denigruese të ndërmarrë nga Kryemistri Rama për figurën e pedagogut.

Përmes një vendimi të përbashkët pedagogët e këtij fakulteti i kanë kërkuar Dekanit të mos penalizojë studentët protestues për shkak të mungesave. Ndërkohë kërkojnë anulimin e vendimeve të fundit të qeverisë për arsimin e lartë, të cilat thotë se cenojnë autonominë universitare. Asamblea e Personelit Akademik e Fakultetit të Shkencave të Natyrës kërkon hartimin e një ligji të ri të arsmit të lartë ndërkohë që kundërshton fushatën denigurese./abcnews.al

studente-1280x695.jpg
ent ela17:17 | 12/01/2019

Ngujimi i studentëve nëpër auditore i nisur të enjten ka vazhduar edhe në fundjave në Fakultetin Ekonomik dhe atë të Drejtësisë në kryeqytet. Studentët shprehen për vijim të bojkotit deri në përmbushjen e plotë të kërkesave.

Ngujimi i studentëve vijoi edhe në fundjave në Fakultetin Ekonomik dhe në atë të Drejtësisë. Porta e gardhit rrethues të Ekonomikut ishte e kyçur. Këtë herë dryni nuk ishte vënë nga studentët, por nga punonjësit e policisë private, me argumentin se institucioni është në ditë pushimi. Jashtë rrethimit qëndroi edhe një grup studentësh. Ata refuzuan të komentonin arsyen e qëndrimin e tyre pranë fakultetit.

 “Ju lutem, pak më vonë”, dëgjohet të thotë njëri nga studentët.

Porta e rrethimit qëndroi e mbyllur dhe tek Fakulteti i Drejtësisë, ku numri i të ngujuarve është më i madh. Për shkak të derës së kyçur, hyrje-daljet bëheshin falë dritares.

 “Të gjithë studentët do të bashkëbisedojnë me njëri-tjetrin. Të gjitha fakultetet do të bashkëbisedojnë. Studentët do të dalin me një vendim të përbashkët ku do të vendosim se çfarë do të bëhet në ditët e ardhshme. Kjo kauze konsiderohet akoma shumë e fortë dhe nuk është se i ka rënë fryma. Por thjesh shumica e studentëve janë në bojkot”, tha një student.

Më tej një studentë u shpreh se: “Ne kemi bërë votime nëpër fakultete dhe shumica dërmuese janë për të vazhduar bojkotin dhe ngujimin”.

Ngujimi i studentëve në auditorët e fakulteteve nisi të enjten. Gjatë ditëve të para u regjistruan dhe ndisa përplasje mes tyre dhe punonjësve të policisë, të cilët u futën brenda auditorëve./abcnews.al

prookacija.jpg
ent ela20:39 | 11/01/2019

Studentët e universiteteve publike nuk janë dorëzuar. Ata kanë bojkotuar auditoret dhe vijojnë të protestojnë duke kërkuar plotësimin e kërkesave të tyre. Lidhur me lëvizjen e studentëve, deputetja e Partisë Demokratike, Grida Duma, është shprehur se protesta në thelb ka qenë tërësisht politike. Sipas saj studentët nuk do t’i arrijnë ato rezultate nëse nuk pranojnë përfshirjen e partive politike.

“Padiskutim studentët patën sukses. Lëvizja e tyre ishte frymëzuese për të gjithë Shqipërinë. Studentët ndryshuan, padiskutim që ndryshuan. Për mua në thelbin e vet kjo është një lëvizje politike.  Studentët me qëndrueshmërinë që po bëjnë në të gjitha vatrat e fakulteteve në këto momente dhe me që nuk lejojnë që edhe shokët e tyre të hyjnë nëpër leksione, sepse ka veprime të ndryshme në fakultete të ndryshme tregon qartazi se ata e dinë që është një lëvizje politike nuk është një çështje infrastrukturore bankash, konviktesh etj. Pra në thelbin e vet si lëvizje është politike. Ndërsa qëndrimi që kanë ata ndaj partive politike dhe ata e bëjnë me dije është një qëndrim që për ta është avantazhues. Ata duan ta marrin vetë kalin e fitores së kësaj lëvizje. Unë kam parë atje studentë që mbështesin PD-në, PS-në apo LSI-në”.

Ndërsa, më tej deputetja ka komentuar refuzimin që studentët i bënë edhe mazhorancës edhe opozitës.

“Është pë t’u respektuar. Ajo pjesë që i bëjnë një refuzim si pushtetit ashtu edhe çdo partitizmi është për t’u respektuar është për t’u parë se deri ku do të shkojnë. Por nuk mendoj se ka protesta të sukseshme kur realizohen dy kerkesa të nivelit infrastrukturor. Edhe ata studentë që mendojnë se duke u larguar në mënyrë të balancuar nga të gjitha partitë politike por pa pasur në fund një kulminacion me natyrë politike, nuk mendoj se kjo protestë do këtë për ata të njëjtin rezultat nëse ata do ta kthenin në një çështje politike. Se cilën parti do të përfaqësonin dhe se cilën formë do të zgjidhinin është një diskutim tjetër”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono