studentët

STUDENTET-CMIMET-E-QERAVE.mpg_snapshot_00.08-1280x720.jpg
ent ela16:18 | 08/10/2019

Rikthimi i studentëve në kryeqytet për nisjen e vitit të ri akademik ka sjelle rritjen e çmimit të qirave me rreth 20 përqind. Studentët thonë se pagesat e qirave janë të papërballueshme. 

Kjo e re shprehet se në prag të nisjes së vitit të ri akademik, studentëve u duhet të përballen me çmimin e lartë të banesave për akomodim.

Studentet thonë se çmimet e qirave janë më të larta se një vit më parë pasi paguajnë nga 200 deri në 240 mijë lekë në muaj

Ne u interesuam pranë agjencive imobiliare në kryeqytet dhe na konfirmuan se në krahasim me një vit më parë gjatë periudhes shtator-tetor çmimet janë rritur me 20%.

Zonat më kërkuara për studentët mbeten ato pranë universiteteve, Don Bosko dhe Komuna e Parisit, zona në të cilat çmimi është edhe me euro.

Siç duket çmimi do të jetë një lloj surprize për këto dy studente të vitit të parë të cilat janë në kërkim të një banese. /ABC News Albania 24/7

STUDENTET-NE-KORCE.mpg_snapshot_00.13-1280x720.jpg
ent ela16:13 | 05/10/2019

Të sapodiplomuarit në Universitetin “Fan Noli” në Korçë presin të punësohen, por disa prej tyre kanë qëllimin të largohen jashtë vendit. Sektorin privat këta studentë e shikojnë më fitmprurës ndaj nuk preferojnë punësim në shtet.

E vetmja me medalje ari e këtij viti akademik në Korçë beson se e ka të sigurte punësimin. Studentja e degës matematikë -fizikë Klodiana Dhëmbi nuk e mendon largimin jashtë vendit.

Ata që kanë në dorë një diplomë të degës së teknologji –informacionit e quajnë veten më me fat. Pritshmëritë për t’u punësuar janë të larta kryesisht jashtë vendit. Por shumë nga ata preferojnë sektorin privat si me fitimprurës.

Por të sapodiplomuarit në degën e  marketing-turizmit thonë se tregu vendas është i vogël dhe ju jep pak shpresë për t’u punësuar. Gjermania mbetet synimi i afërt për ata që mendojnë se mund t’ja dalin edhe jashtë me njohuritë që kanë fituar.

Ata te gjuhëve të huaja e kanë pasur më të lehtë të aplikojnë dhe më pas të fitojnë një vend pune në Gjermani, duke pranuar të punojnë edhe jashtë profilit të formimit.

Universiteti “Fan Noli” ka katër fakultete,të cilat ofrojnë 48 programe studimi,të nivelit të parë,por edhe master profesional dhe shkencor. Shtatë prej këtyre programeve i përkasin ciklit dy vjeçar profesional,për të  cilin ka pasur interes të lartë nga maturantët. /ABC news Albania 24/7

 

SINKRON-GJEOLOGJIKU.mpg_snapshot_01.45-1280x720.jpg
ent ela18:55 | 24/09/2019

Pas dëmtimeve të shkaktuara nga tërmeti dhe përmbytjet, dekanati i Gjeologji-Minierave vendosi që studentët e këtij fakulteti ta nisin vitin e ri akademik në ambiente të tjera.

Pavarësisht dëmtimet nga tërmeti dhe reshjet e shitu, godina e Gjeologji-Minierave do të më data 14 mirëpres studentët.

Kështu u shpreh dekani i fakultetit Vasil Jorgji, i cili shtoi se, po bëhen përgatitjet e fundit nga stafi  akademik për të në sezonin e ri akademik 2019-2020.

Për zv. Ministrin e Infrastrukturës dhe Energjisë Artan Shkreli situata mund të kishtë qënë fatalë nëset ditën e kur ra tërmeti do të kishte pasur student në ambietet e fakultetit.

Ilir Bejtja numri dy i Ministrisë së Infrastrukturës dhe Energjisë, rikonstruksioni i plotë i goditën së fakultetit së gjeologji-miniera është prioritet i ministrisë së tij.

Më shumë dëmtime nga tërmeti ka pësuar kati i tretë godinës e cila është ndërtuar në fillim të viteve ‘40. Ndërkohë problem aktualisht mbeten auditoret pasi është çarë suvaja dhe ka rënë tavani./ABC News Albania 24/7

edi-rama123-4.jpg
ent ela14:41 | 17/09/2019

Kryeminsitri Edi Rama ka hedhur një tjetër propozim për të luftuar korrupsionin nga kushdoqoftë. Përmes një postimi në tuiter kreu i qeverisë shprehet se çdo student denoncues që sjell provë për presion korruptiv nga kushdoqoftë, zeron tarifën e merr bursë njëvjeçare.

Sipas Ramës është koha për një përshkallëzim të ri kundër korrupsionit dhe qeveria është duke punuar për një program që të denoncohen rastet abuzive.

“Koha për një përshkallëzim të ri kundër korrupsionit! Po punojmë për një program nxitjeje kundër heshtjes dhe denoncimit me provë abuzuesit. Një ide në diskutim është: Çdo student denoncues që sjell provë për presion korruptiv nga kushdoqoftë, zeron tarifën e merr bursë njëvjeçare!”- shkruan Rama. /abcnews.al

STUDENTET-HONG-KONG_ABC-M2-T1.mpg_snapshot_00.02-1280x720.jpg
ent ela14:13 | 02/09/2019

Paralelisht me nisjen e një greve të përgjithshme dy ditore, me mijëra student në hong Kong bojkotuan ditën e parë të këtij viti shkollor për të protestuar në mbështetje të demokracisë. Gjatë pasdites së të hënës është paralajmëruar një tjetër manifestim i madh.

Me mijëra studentë në Hong Kong bojkotuan leksionet në ditën e parë të vitit të ri shkollor për të protestuar kundër shtypjes së manifestimeve pro demokracisë. Sipas organizatorëve 10 mijë studentë në territorin gjysëm të pavarur kinez nuk u prezantuan në sallë në ditën e parë të shkollës. Iniciativa e studentëve ndodh në të njëjtën kohë me nisjen e një greve të përgjithshme dy ditore dhe një manifestimi të madh. Protestat e fundjavës u shoqëruan me episode dhune më të rënda që kur 13 javë më parë, nisi lëvizja e provokuar nga një ligj tashmë i pezulluar, i cili mbështet ekstradimin në Kinë të qytetarëve në Hong Kong të akuzuar për krime penale. Më pas protestat u përqendruan në kërkesat për hetim mbi dhunën e përdorur nga policia gjatë manifestimeve.

Të shtunën e kaluar protestuesit hodhën bomba Molotov, ndezën zjarre dhe sulmuan ndërtesën e parlamentit të qytetit ndërsa policia përdori ujë me presion, plumba gome dh gaz lotsjellës. Të premten liderë të ndryshëm të lëvizjes pro demokracisë u arrestuan. Mëngjesin e të hënës aktivistët pengonin trafikun në pika të ndryshme duke shkaktuar kaos. Studentët u mblodhën në Edinburgh Place në qendër të qytetit. Një prej tyre duke folur për mediat kineze u shpreh se ishte i gatshëm  të përballej me pasoja disiplinore. Shumë prej tyre kishin mbuluar njërin sy në mbështetje të një protestueseje e cila u plagos në njërin sy nga policia gjatë protestës së parë. /ABC News Albania 24/7

boci-1280x853.jpg
ent ela14:10 | 27/07/2019

Ish-deputeti Luçiano Boçi në një deklaratë për mediat, theksoi se, studentët dhe familjet e tyre do të paguajnë si më parë të ndjekur mësimet e lartë. sipas Bocit qeveria nuk po mban asnjë premtim nga çka ju bë studentëve që në nëntor të 2018-ës u ngritën në protestë kundër ligjit të Arsimit të Lartë.

Deklaratë e Partisë Demokratike, Luçiano Boçi

Tarifat e miratuara për studentët e ciklit të parë dhe të dytë, dëshmojnë qartë mashtrimin e madh të Ramës ndaj kërkesave legjitime të studentëve, të shpalosura në protestat e dhjetorit, për uljen e tyre.

Për këtë vit akademik pra nuk ka as përgjysmim për bachelorin, siç u premtua e as rishikim të tarifave të masterit.

Studentët dhe familjet e tyre do të paguajnë si më parë, pikë për pikë të gjithë mundin dhe djersën e tyre, për shkollimin e fëmijëve, sepse Rama dhe klientët e tij duan të majmen me koncesione e PPP-ra me paratë e qytetarëve  e studentëve.

Për këtë arsye, për arsye të pamundësisë ekonomike, mijëra të rinj, që vijnë nga familje me të ardhura modeste, nuk do të mund të ndjekin studimet e larta, duke iu dorëzuar rrugës e papunësisë.

Qindra të tjerë do të detyrohen të ndërpresin studimet e nisura, për t’iu dorëzuar skllavërisë moderne për të mundësuar pagesën e haraçit që i kërkon Rama.

Mijëra do jenë gjithashtu dhe ata studentë që për arsye të tarifave më të larta se në Gjermani, Itali e kudo në Europë, do të ndërpresin ëndrrat për një master profesional apo shkencor.

Po për shkak të absurdit të tarifave të larta, mijëra maturantë sivjet do ti drejtohen eksodit akademik drejt vendeve të Europës, duke iu bashkangjitur ushtrisë së 50 mijëve që janë larguar në këto gjashtë vite për të mos u kthyer më kurrë në Shqipëri.

Të tjerë bashkëmoshatarë të tyre po për arsye ekonomike por dhe të mesatares antikushtetuese do t’i drejtohen universiteteve më të lira të rajonit.

Pra pakti për Universitetin i Ramës i hartuar me nxitim për të zbutur zemërimin studentor, u dëshmua të jetë një akt tradhëtie, mashtrimi e poshtërsie ndaj kërkesave të tyre.

Sot asnjë nga kërkesat e studentëve dhe pikat e parashikuara si premtim, nuk rezultojnë të  plotësuara.

Mashtrim është Karta e studentit me shërbime që nuk lehtësojnë barrën ekonomike të studentëve.

Mashtrim gjendja e konvikteve, e ambienteve universitare.

Mashtrim vetingu për plagjiaturat që u katandis në emërimin e plagjiatëve deri Kryetarë Bashkie siç ishte rasti i Beratit.

Mashtrim është siç dëshmohet dhe ulja e tarifave.

Me Edi Ramën nuk ka të sotme e të ardhme për të rinjtë tanë.

Ai duhet larguar një orë e më parë.

Partia Demokratike është e vendosur në programin e saj për:

Anullimin e Ligjit antikushtetues të arsimit të Lartë, nga ku burojnë shumë arbitraritete.

Dyfishimin e buxhetit për arsimin e lartë, nga 36 milionë euro që është për vitin 2019 në 72 milion euro.

Kjo do të bëjë të mundur që:

– së pari të gjithë studentët që vijnë nga familje me të ardhura nën 640 mijë lekë të vjetra të përfitonin subvencionin në masën 100 % të tarifave për bachelor e master.

– Së dyti, për të gjithë të tjerët do të ketë përgjysmim të tarifave për bachelor dhe master.

– Së treti do të akordobe. mjaftueshëm para për 5 mijë bursa sociale për t’i mundësuar studimin me të gjitha shpenzimet atyre që janë në gjendje ekonomike katastrofale.

– Nën drejtimin e vendit nga PD, nuk do të ketë asnjë vajzë apo djalë shqiptari që do të mbeten pa studiuar për shkak se familja e tyre nuk ka mundësi ekonomike.

– Mbështetja do vazhdojë me stazhet për 10 mijë studentë me një pagesë 300 mijë në muaj

– Mbështetje financiare për deget prioritare e të mbrojtura.

– Mbështetje financiare për ekselentet dhe studentet nga familjet në nevojë.

/abcnews.al

kultura.jpg
nev ila16:00 | 18/06/2019

Shqetësimet social politike dhe bukuria  shpirtërore janë në qendër të performancave të studentëve të multimedias.  Kuratori dhe pedagogu Vladimir Myrtezaj në një intervistë për ABC News thotë se arti i performancës është thellësisht prekës dhe komunikues.

Arti i performancës është shumeë pak i aplikuar në skenën e artit shqiptarë edhe pse fillesat në botë i ka në vitet 60 dhe në Shqipëri në fillim vitet 90. Atelieri i multimedias e vë në zemër të galerisë FAB.

Per Edison Cerajn performanca ka prirjen të hetojë marrëdhënien e komplikuar ndërmjet “të jetosh” dhe “të ekzistosh”.

Megjithëse shpesh performancat nuk kuptohen nga masa por Vladimir Myrtezaj thotë se artisti duhet ta përfshij publikun në kodet e tij komunikuese duke dialoguar më të.

Myrtezaj e thotë me bindje se këto artistë të rinj kanë sjellë  performanca prekëse, origjinale  dhe depërtuese. Gjëja më e rëndësishme në art dhe në mësimdhënie është të qënurit i hapur.

Performancat e artistëve  janë të fokusuar tek aspektet  social –politike dhe shpirtërore

Këto performanca janë një shteg, ku disa –prej artistëve në të ardhme e shohin veten në këtë medium./ABC News Albania 24/7

SMILE-ALBANIA-KLOSI.mpg_snapshot_00.08-1280x720.jpg
ent ela14:50 | 10/06/2019

Rreth 500 të rinj për dy muaj do të punësohen për të mikpritur turistë në vend. Për të dytin vit radhazi Ministria e Turizmit dhe Mjedisit lançoi projektin “Smile Albania”.

Buzëqeshja do t’i hapë dyert e tregut të punës rreth 500 të rinjve në vend. Ministri i Turizmit dhe Mjedisit Blendi Klosi prezantoi projektin “Smile Albania” përpara studentëve të Fakultetit të Shkencave të Natyrës në Tiranë, të cilët i njohu me përvojën që kaluan të rinjtë vitin e shkuar.

“Vjet punësuam rreth 500 të rinj, disa prej tyre mund të ojne ënë ktë sallë. Të gjithë u bënë ambasadorë të mikpritjes shqiptare. Është një aktivitet që zhvillohet për dy muaj dhe shtrihet në pikun e sezonit turistik dhe është një mundësi e artë për të gjithë vajzat e djemtë”.

Ministria e Mjedisit dhe Turizmit gjithashtu nënshkroi me këtë fakultet një marrëveshje bashkëpunmi. Studentët do të përfitojnë prej saj mundësinë për të kryer praktikat e punës në institucionet e varësisë së kësaj ministrie.

“Edhe ju ta shikoni jo vetëm godinë e Ministrisë se është godinë e rëndë, por ju të shikoni agjencitë që ka ministria si laboratore reale që të mund të gjeni veten tuaj”.

65% e territorit ë vendit është zonë pyjore iu tha ministri studentëve, të cilëve iu kërkoi të bashkëpunojnë për t’i kthyer ato në burim të zhvillimit ekonomik të vendit.

/ABC News Albania 24/7

albania-1280x706.jpg
Sej rie23:20 | 01/06/2019

Albanian College Tirana zhvilloi një ceremoni madhështore me rastin e diplomimit të studentëve të saj të parë për 2019. Stafi i këtij kolegji i konsideron të rinjtë si pionierë dhe ambasadorë të cilët kanë mundësinë të studiojnë në universitetet më të mëdha ndërkombëtare.

Studentët e Albanian College Tirana finalizuan vitet e tyre të studimit me një ceremoni diplomimi madhështore, ku të pranishëm ishin stafi i këtij kolegji, prindër dhe miq të shumtë.

Sipas dr. Richard Swann, drejtor i Albanian College Tirana dhe Sean Mailey, drejtues i gjimnazit ACT, këta studentë të sapo-diplomuar janë pionierët dhe ambasadorët e parë të kolegjit.

Dr. Richard Swann. Drejtor i Albanian College Tirana: “Sapo finalizuam diplomimin e studentëve të parë të Albanian College Tirana dhe mund të them se ishte një eksperiencë dhe aventurë fantastike. Shumica prej studentëve tanë përjetuan për herë të parë një edukim të këtij lloji, çka bën që ata të jenë pionieret e parë te këtij kolegji. Studentët tanë së bashku me prindërit iu bashkuan një udhëtimi krejtësisht të veçantë sa i përket programeve studimore. Ne jemi shumë krenarë që studentët arritën të finalizonin studimet pranë Albanian College Tirana duke arritur rezultate të shkëlqyera dhe duke u larguar si ambasadorët e parë të kolegjit tonë”.

Sean Mailey, drejtues i gjimnazit ACT: “Ishte një ceremoni fantastike diplomimi për të diplomuarit e parë pranë Albanian College Tirana, pas një pune të madhe sa i përket edukimit cilësor dhe njëkohësisht viteve të bukura të studentëve tanë. Jam shumë i lumtur për arritjet e studentëve të Albanian College Tirana që u diplomuan sot”.

Edhe vetë studentët e diplomuar pranë Albanian College Tirana dhe prindërit thonë se ky kolegj është një mundësi e mirë për çdo të ri shqiptar

Diplomimi pranë Albanian College Tirana, u jep mundësinë dhe ju hap shumë dyer të gjithë të rinjve për të studiuar në universitetet më të mira në botë./ABC News Albania 24/7

KORCE-STUDENTET-MBULIM.mpg_snapshot_00.11-1280x720.jpg
ent ela10:30 | 22/05/2019

Studentët e Universitetit “Fan Noli” në Korçë i bashkohen protestës kombëtare të studentëve. Fillimisht ata u grumbulluan tek Korpusi Universitar kurse një pjesë e tyre u nisën drejt Tiranës, për të marrë pjesë në protestën e orës 12:00. Ndërkohë, në disa fakultete, studentët kanë vijuar normalisht mësimin. Studentët e Korçës kërkojnë unifikimin e kartës së studentit në rang kombëtar. Të paguhet periudha e stazhit. Të rankohen programet e studimit. Portali i transparencës të bëhet funksional. Pesha e votës së studentëve të rritet me 25 përqind. Përfaqësuesi i studentëve në Bordin e Administrimit të zgjidhet nga studentët jo nga Ministria.

Studentët e Korçës kërkojnë politika punësimi, jo vetëm për studentët ekselentë. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono